روايه غرق الغرقان أكثر

[ღღحفيدة ملوك ღ]

هم سارة ومصيبتها هم مي هم رونق الي من
جا البارح للبيت
وهو يشوف خاطرهاا مره مكسور سالتها
شفيك قالت
مافيني شي ولما سالتها عن رائد جا البارح
ولا لا قالت
جاء ببرود وحسيت انها مااسكه العبره مدري
شنو فيها
وش غيرها امس تضحك وتسولف صراحه
غريبه وكلها
كوم ومشكلتي مع في الي زادة تعقيد يوم لقيتها
وقلت فرجت
اشوفها تعقدت ليه كل ماقابلتها تعصب ليه
تضحك وتسولف
أذا شافتني كنها شايفه عفريت قدمهافيصل ياولد
ليش ماتكون
متزوجه ليه مافكرت بكذا من قبل ليه تهورت
ورى مشاااعرك
قبل لاتسال وتتاكد يالله مدري كيف فاتتني
مافي غير رونق
تقولي اذا متزوجه ولا لا
بس كيف اسالها تذكر البارح لما شاف الدكتور الي اليوم
واقفه معه يدخل غرفة مي انقهر دخل عندهم شفتها طالعت
ثم سفهت فيني وجلست تشرح له وتشوف معه الاوراق
والاشعه ويتكلمون بالانجليزي انا اعرف
وطلق مره فيه
بس هم يتكلمون بمصطلحات طبية ما اعرفها
بس عرفت
اغلب كلامهم حتى مي اعرفت لان تخصصها
انجليزي شفتها
تتنهد انقهرت من وقفتهم مع بعض لو بكيفي
كان اكوفنه
هناا لما يتفل العافيه بس هو دكتور وماطلبته في
الا انها محتاجه
استشارته
لف طالع فيني
الدكتور عبد الرحمن/مرحبا أخوي انت اخو
المريضه مي
فيصل بغيض/ايوه اخوها
الدكتور عبد الرحمن/شوف اختك تعرض
لصدمه نفسيه
اثرت على جهاز النطق عندها مثل ماشفنا
والشي الي مانتبهنا
له يدها وهي شكلها تتالم ولا تقول لاخبرت
احد بيدها لولا
حرص الدكتوره في ولا محد انتبه لها
فيصل /ليه شنو فيه بضبط اما الي فهمته من كلامكم
انها محتاجه علاج طبيعي
الدكتور عبد الرحمن/ايوه لانها ايضاا تعرضت لتشنج
بعضلات اليد عشان كذا تحتاج علاج طبيعي وتدليك
عشان اعصاب اليد تتحرك شوي شوي
فيصل /طيب ومتى تطلع للبيت لانها متضايقه من
جلست المستشفى
الدكتور عبد الرحمن/بكره الصباح حسب انظمت
المستشفى
فيصل/طيب على ورقت المواعيد
في /بكره ان شاء الله بتلقها جاهزه عندي اول مره
تتكلم معي بدون عصبيهياحلوها وهي هاااديه انتبه
لاتنجرف ورى مشاعرك يافيصل يمكن متزوجه تنهد
بصوت عالي
سمع سعد /ويين يابو الشباب شكلك رحت بعالم ثاني
فيصل /بهاا الدنيا الله يستر منهااا بدهونا ورها
سعد /الله يعين ياخوك يالله منت موعدني اني اسمع صوت
امل
فيصل غمز له وهو يطلع جواله ويطلب
رقم مي /كل ذا شوق
سعد يتنهد /غصب علي ياخوي
اعطاه الجوال وطلع برى عشان سعد ياخذ راحته








رن الجوال بيدها شافت اسم فيصل ارفعت السماعه
اسمعت صوت اخوهاا وعطت الجوال امل بكيت مسكت
يد مها وطالعوو برى لما طلعووا مسكت جوال مهاا
وكتبت لها سعد يكلم امل فيصل مرسلي انه يبي
يكلم امل احس اني اشتقت لسعد بالمره
مها قرت المكتوب
مهاا/ماعليه اذا خلصو مكالمه نروح لسعد تشوفينه
لفت راسها بلا
اكتبت ماابيه يشوفني كذا وانتي ماتقدرين تدخلين
معي راح ارسل له رساله تعالي نروح نجيب فطور
من الكفتريا على ماتخلص امل جوال
مها قرت المكتوب وقالت يالله مشينااا



رفعت السماعه اسمعت صوته دمعت عيونهااا اشتاااقت له
كثير هو كل شي بحياتهاا
سعد بشوق/امل قلبي
امل وهي تبكي/لبيه ياقلب امل
سعد حزن وهو يسمع صوتهاا تبكي/ اخبار قلبي عسى
مايتوجع
امل /يتوجع فرقاااك يالغالي
سعد /سلامته مايشوف الفرقا ابد عسى مايجعك
شي يالغلا
امل/انا ماعلي طيبه مافي شي شويت رضوض
وكسر بيد بس
سعد/كل هذا وتقولين مافيك شي الا فيك
كله بسببي انا
امل /لاتقول كذا يالغلا هذا الله كاتبه لنا
مانعترض عليه
سعد/ونعم بالله
امل /اخبار حبيبي عسى ماتوجعت ماتضررت
كثير
سعد/ماعليك مني انا طيب
امل /الا علي منك ليش ماعلي انت كل
شي بحياتي
سعد وهو يسمعهااا انقهر يحس نفسه اناني لانه
راح يحرمها انها تشوف مستقبلها/شويت رضوض
وكسر مضاعف بالفخذ والساق
امل /تحس توجعك
سعد /مثل ماتوجعك يدك بس المهدئات لعبه دوور
امل/الله يعين سعد ابي اشوفك
سعد/خلاص اذا راح فيصل والبنات تعالي لغرفتي
تعرفيني مقدر امشي
امل/اكيد حبيبي خلاص من يرحون اكلم الممرضه
تجيبني لك
سعد /انتظرك

[ღღحفيدة ملوك ღ]

مانمت زين ليلها كله تقلب كأنها على ناار وفي حركه
موطبيعيه في السجن وماتقدر ترفع راسها تشوف لانها
ماتبي تتوهق اكثر
لما أذن مرت الشرطيه علينا تصحينا ماصدق رفعت راسي
بشوف شنو فيه ماشفت شي غريب كل شي على وضعه
شكلي اتوهم
شفت البنت الي امس ابي اعرف سلفتها طالعه من دورة
المياه وتمسح وجهاا بالمنديل طالعت فيني وجت لمي
ملك/مرحباصباح الخير
ساره / اهلا صباح النور
ملك /معك ملك وانتي
ساره براحه/عاشة الاسامي معك ساره
ملك /تشرفت بمعرفتك بنتظرك توضي عشان
نصلي جماعه
ساره/الله يجزاك خير
ملك /واااجب
دخلت دورة المياه ووضيت وطلعت لما طلعت شفت
وحده وااقفه تطالع بملك وملك نفس الشي شكله في
مشاده كلاميه حاصله بينهم وانا بدورة المياة قربت
ووقفت
ملك/يالله ساره نصلي لانضيع وقت
ساره وهي طالع بالبنت وملك
ملك تمسك يد ساره وتسحبهاا مشينااا
بدريه /ملك راح تندمين
ملك /اعلى مافي خليك اركبيه
مشيناا ووصلنا للمسجد وصلينا فيه صلاة الجماعه
وقريت قرآن حسيت براحه عظيمه تنزل على قلبي
ناظرت بملك شفتها تقراء بخشوع لدرجة انها تبكي
تمنين اني احضى بالخشووع قعدت اسبح واستغفر وادعي
ان الله يهديني ويصلح حالي ويغفر لي ذنبي
انتبهت لملك الي اخذت المصاحف ورجعتهاا مكانهاا
جلست جنبي
سالتها سارة/ملك من البنت الي قبل نصلي تكلمك
ملك طالعت فيني/هذي بدريبه بس يسمونها بدر
ساره/ليه
ملك /لانها شاذه اي بنت تبيه تحصلها
ساره/مافهمت
ملك /يعني مثل الرجال تحب العلاقات الحميميه
والحركات الي خبري خبرك
ساره وهي تحط يدها على فمها/يالله معقوله
ملك /ايووه وكانت تبيك بس انا وقفتها عند حدهاا
ساره/من جدك
ملك /ايوه بس ماعليك هي خووافه تخاف من
الشخصياتهم قويه وتعرف ان مديرة السجن تعرفني يعني اي
شي اقوله لهاا تحطها بسجن انفرادي
ساره/طيب انا البارح عجزت انام اسمع حركه
وهمس غيرطبيعي
ملك /ايوه كانت مع وحده من البنات الي معهاا
ساره/يارب لاتسخط علينا ليش ماتقولين للمديره
عنهااا
ملك /قلت لها كثير لماتعبت نفس الشي تجلس
اسبوع بلنفرادي وترجع ولا كانهاا سوت شي
ماعلينا منهاا
امس اشوف ام ثامر تكلمك
ساره وقفت مفزووعه /نسيت ام ثامر قالت لي علي
تريب الاسره نسيت
ملك تمسك يدهاا /اقول اجلسي بس مالقيتي غير ام ثامر
تخافين منهااا هذاي بحسبت امنااا ماعليك اجلسي بس
ساره جلست /بس انا خفت من لمساتها لي
ملك لا عادي بس انتي كنتي متخووفه منها حسيتي بذا
الاحساس
ساره ترفع اكتوفها /يمكن بس وش قصتها كبيره بسن
ملك /اذبحت زوجت زوجها الثانيه يعني طينتها بالخطاء
احكموا عليها بسجن لما يبلغوا اصغر واحد من عيالهاا
كلهم ارفض اقامت الحد عليهاا لانهم كانوا يشوفون الجريمه
وعارفين ان امهم هي الي اخطت عليهاا ولا الصغير رفض
وقال ابي ق امي هو مايعرف شي بس لما اخوانه اقنعووه
وووافق وطلعت من السجن وجت عند ولدها ولدها ماتقبلها
كثير بسبب زوجته كل شوي مشااكل وانا تبي تذبحها ومن ها
الكلام راحت ام ثامر وجلست مع ناس من معرفهم لما درو
ان ولدها مايبيهاا نادوها انها تجلس عندهم وتشتغل معهم كانو
يتاجرون بالمخدرات وهي ماتدري وكانو يستغلون انها ماتعرف
شي يحطون البضاعه معهاا ويقولون في ناس طالبينها وصليهاا
وهي ياغافلين لكم الله توصلها وعلى ذا الحال لماا امسكوهاا
وهي تسم وتستلم متلبسه ورجعت مره ثانيه للسجن وقالت
السجن احسن من الضياع برى والحين هي رائيسة
السجينات هههههه وبس
سارة متاثره من القصه/ليش تضحكين تحزن قصتهاا
ملك/اضحك من الدنيا محد سالم كلن له مشكله بس
لما يشوف مشاكل غيره يحمدر به على الي هو فيه
ساره /الله يعين طيب وانتي
ملك /آآآآآه وش اقولك
انا مدرسه مواد دينيه توفى ابوي وبعده بسنه امي توفت
رحت انا واخوي عند عمي اخوي كان باقي عليه
تو مخلص ثانوي ولما توفى ابوي قال بروح ادرس برى
ابي اصير مهندس طبعاا انا موظفه اخذت قرض وعطيته
اخوي وراح يدرس
جلست انا عند عمي الي بدوره زوجني ولده السكير
عشانه ولد عمي ولازم استر عليه
المهم يوم من الايام وانااا جاايه من الدوم
الا اشوفه جااي سكران قفلت على نفسي لاني ماضمنه
يمكن يذبحني
ذاك الي حسيته مثل المجنون ضرب الباب بقوه علي
وامه وابوه اسمعووا الضرب وجااو فوق لشقتنا ولما جوو
قد انه كسر الباب علي بس وهو يكسر الباب باالساطور
الساطور مدري كيف جااء ببطنه ومات
اهله قالوا انتي لي ذبحتيه
والتحقيق ماشي والحكم ماصدر الى الان لي الحين ٤ الشهر
انا متاكده الله مايخيب ضني ومؤمنه فيه وانشاء الله راح
اطلع بس المشكله بعمي وزوجته مراح يخلوني بحالي الادله
كلها معي ومو ضدي
ساره /الله يعينك
ملك/ وانتي ياساره وش قصتك
اخذت ساره تسرد لها قصتهاااا

[ღღحفيدة ملوك ღ]

وقف عند المستشفى بسيارته تنهد وهو يشوف سامي
كيف نايم جابه عشان يشوف امه واخته يمكن يرجع
عقله له يعني عنده شويت امل صحاااه ونزله من السياره
مر المسجد وقاله غسل ودخله دورة المياه يمكن محتاجهاا
لما خلصووا اتجهووا للمستشفى راح لأم سامي بالاول
دخل هو وياااه شافهاا كلهاا اجهزه حزن على شريكة
عمره الي لما بدت الامور تتصلح بينهم طالحت ذا الطيحه
قرب سامي من السرير
ابو سامي/ام سامي جبت لك سامي
شفتها افتحت عيونها بسرعه تشوفه بتكحل عيونها
ا فيه
سامي/هي انت من هذاي الحرمه ليه مربطينها اكيد
نوره مربطك مثلي يوم اخذت المفتاح منها صح
ابو سامي وام سامي انصدمووا ماتوقوعووا ابد سامي
كذا واكيد نوره مسويه كذا فيه ولا ماقاله
ابوسامي/ليه نوره مسويه كذا
سامي /احوول ايه اقولك نوره اربطتني واضربتيني نوره
ماأحبهاا شريره أنا احب مهااا وين مها
ابو سامي /من مها سامي
سامي يرفع كوفه يعني مدري
ابو سامي كسر خاطره سامي وام سامي لي تبكي مالها
حول ولا قوه
ابو سامي /خلاص سامي اجلس هناا
التفت لأم سامي ام سامي ماعليك خربيط عقله
مو معه انتي بس اهتمي بعمرك عشان تتحسني
وتطلعين
من المستشفى ونروح لبيتنا ونهتم بسامي ونحااول
ندور له
علاج وبيرج ان شاء الله بيرجع سامي الي خابرينه
انتي هدي بس يالغاليه ترى محتاجينك كلنااا
حتى لو على كرسي انتي تسوين كل شي
جبر بخاطرهاا يوم قال لها كذا امسحت ادموعهااا
وناظرت فيه بامتنان
ناظر فيهاا وقال /ترى امل طيبه وابشرك انها حامل البنت
على طول ماعندها وقت ههههههههه
ابتسمت وطالعت فوق كانها تحمد ربهاااا
ابو سامي /انا بروح انا وسامي نشوفها وبنرجع لك
خلاص
هزت راسها بنعم لفت لسامي ومسك يده وقال يالله
ياسامي يابوي
سامي /
كيف ابوي مافهمت
ابو سامي بحزن على حال ولده/يعني بابا زين
سامي/بابا طيب
طلعتهم من عندها وهي في داخلها الله لاساامحك
يانوره وش سويتي بالولد دمرتيه


















كانت شايله الكفي ٣اكواب ومي شايله السندوشات
والدونات ويمشن رايحات لغرفة امل شافت اثنين من
بعيد بالمره بس ملامحهم مو واضحه لهاا قلبها قام يرقع
بقوووه ويدينها ترجف بس لما اتوضحت لهاا الملامح
اعرفتهم زززين وكيف ماتعرف قلبها وروحهااا طاح
منها الكيف منهااا واحرق ارجولهاا بس ماحست النار
الي بقلبهاا اكبر واكثر حراره مرو من جنبها اسمعت
يقول بابا شوف ماتشوف انكب منه الشاي خبله ههههههه
انصدمة بقوووووووه

[ღღحفيدة ملوك ღ]

البارت العشرون







رونق تدق على رائد عشان يقوم الصباح
مثل ماتعودت اذا نامت عند اهلها بس من ساعه
مشغوول رقمه استغربت من الي يدق عليه الحين
هي تبيه يجي ياخذها تروح تشوف ولدها وترضعه
الساعه الحين ٧ونص ياربي وش السالفه يالله الهمني الصبر
يارب مابي اظلمه بس وش قصرت عليه فيه ماذكر زعلت
من تزوجنا كل طلبااته مجاابه مهتمه بااكله والبسه
ارجعت تدق عليه رقمه مره العاشره يمكن
انتظااار لا في شي اكيد
شافت امها جاايه والخدامه ورها معها فطور وحليب
وشميت ريحة الحلبه والحبه السوده عرف امي بدت معي
يالله ناقصه اناا مالي خلق اجاادل والله
الله يعيني اتحمل واشرب الحليب واكل فطوور امي ذا
الي مدري كيف ياكلونه
ام فيصل وهي تبتسم /صباح الخير يام خالد
رونق/صباح النور يافيصل
ام فيصل/يالله افطري زين واشربي الحليب وبتحسين
نفسك قويه وجرح العمليه بيلتأم بسرعه
رونق بضيق/يمه تكفين الريحه تسد النفس مابي
ام فيصل /اقول بس خلي عنك الهرج الزايد وسمي بالله
انتي ماتشوفين نفسك طالع شهبه ونحفانه ترى الرجال
بيهج وبروح لغيرك
رونق جبتيها على الجرح يمه مدري شنو غيره /طيب يمه ابي
اروح اشوف خالد وارضعه
ام فيصل/دقيتي على رائد
رونق /شكله مشغوول
ام فيصل وهي تناظر في رونق/ كيف شكله مشغول
رونق ترفع اكتوفها فوق /مدري بس اقوله لاني ادق
عليه مشغول
ام فيصل /ايووه تعالي هو خالته بنتها الي اتطلقت
اعرست
رونق بضيق لانها ماتحبها/لا ماعرست
ام فيصل /والله يوم عزاء خالد انهاا شايلتن العزاء فوق
راسها بس احسهاا ماايعه مارتحت لهاا من نظراتها يوم
شافتني قاامت تتاافف
رونق قلبها بداا يدق بقوه /والله يمه انها اذا جت بيت
خالتي تشيله شيل تشوفينهاا تقول مرت ولدهم وبنتهم
حتى اذا جيت اسوي شي قالت اجلسي ابرك لك بدون
احد يسمعها
قطع كلامها رنين الجوال ناظرة الا هو رائد
تنهدت بضيق وردة
رونق/مرحبااا
رائد /صباح الخير
رونق قبل صباح الخير حبيبتي تبي تذكره /صباح النور
ياقلبي
رائد بتوتر/اخبار حبيبتي
رونق وهي اطالع بامها الي طلعت من الغرفه/طيبه بس
ادق عليك اول مشغول وبعده انتظار
رائد /لا هذاي امي تبيني اوديها العمره هي وخالتي
رونق قلبها يدق /ليه
رائد بستغراب/كيف ليه بتروح العمره عشان تغير جو بعد
وفاة خالد الله يرحمه
رونق تبلع ريقها /ايووه طيب ابي تجي تاخذني بروح اشوف
خوولد وارضعه امس مراحت
رائد /يالله البسي بجيك
رونق /طيب باي
سكرت قلبها متطمن ابد قامت بتثاقل من العمليه
راحت تغير لجرح العمليه وتبدل ملابسها من ريحت
الحلبه حطت مسكره شويت كحل ازرق لان عيونها
مايناسبها الاسود ومرطب شفايف باون التوت
جهزت عباتها واجلست بصاله تنتظره شويات ويدق
عليهاا طلعت تمشي بشويش
شافته نزل وهو لبس نظارته السودى وجاا لهاا
وساعدها تنزل من الدرج بشويش لمسته لي متغيره
والله قبل احس بدفء لمست يده الحين بارده بالمره
ركبت السيارة شميت ريحت عطر صرخت ونزلت العطر
ذا موغريب علي
رائد/ شفيك
رونق وهي ترجف/لا بس عطر وانا فيني جرح العمليه
رائد /افففف نسيت يالله لحظه باذ سيارة السايق
جلست بكرسي بالحديقه وشفته رايح لغرفة السايق
ويكلمه
جااا وركب السياره صفطها على جنب واخذ جواله
وسكرهاا وشاف السايق قرب السياره ونزل
وعطى المفتاح رائد
فتح الباب لي وركبت انا متاكده ريحت العطر
مو غريبه علي عطر نسائي يالله
رائد/ماعليه رونق نسيت والله
رونق/لا عاادي مافي مشكله
رائد/اخبارك
رونق /الحمد الله طيبه بس اشتقت لخالد ابيه يطلع
ابي ارتاح
رائد/خلووودي يالبى قلبه والله اشتقت له بالمررره
بس تبين الصدق يشبه لي ماخذ منك الا العيون
رونق بدت تنسى الوسااويس الي براسها/لالاحرام عليك
يشبهلك كلك انا بس بياض البشره
رائد /لولا تزعلين كله لي كم ام خالد عندنا
رونق /رائد وش رايك نروح خالتي بعد ما
نشوف خالد
رائد برتباك /امي وخالتي بيجون اصلا اليوم وش
له تروحين
رونق/خلاص اجل ماله دااعي اذأ بتجي
من ركبت وجواله ماوقف رسائل
رونق /رائد وش ذا الرسائل
رائد/لابس مشترك بسبق وتعرفين رسائلهم ماتفصل
رونق تتنهد/صح

[ღღحفيدة ملوك ღ]

سمعت الباب يضرب اكيد البنات بس ليش يضربون الباب
شوي وينفتح الباب واشوف ابوي وسامي
دمعت عيونهاا وهي تشوهم اول مره تشوفهم من
بعد يوم زواجها هي وسامي
ابوسامي وهو يفتح الباب مبتسم /سلام على الحلوين
امل وهي تمسح دموعها /هلا والله بعزوتي
سلام ابو سامي على امل وحبت على راسه تقدير له
شافت سامي واقف عند الباب ويشوها بس
استغربت وقفته ونظرته التايهه مثل الضايع
ناظرت بابوها شافته يناظر فيهاا بحزن
دمعت عيونها /سامي شفيك زعلان علي ياخوي
انا امل أختك حبيبتك
سامي/انا ابي مهاا انتي مها
امل بكت وهي تسمعه وش فيه وش جاه
ناظرت بابوها الي دمعت عينه/يبه وش فيه سامي
ليه كذا
ابو سامي/انا ابوه ماعرفني
امل وهي تبكي من قلب/ليه مايعرفناا
ابو سامي /هدي يا امل هدي عشان نعرف نتكلم
اخذ كاس ماء وعطها تشرب شربت شوي
وهدت امسحت دموعها وهي تشوف ابوها يجلس
سامي على الكرسي وجلس جنبه وتنهد بتعب وبدى
يقص على امل سالفة سامي من جاه تركي الى ان
وصلوا اليوم بكت على حال اخوها وعلى بنت خالتها
الي ماتهنت بحياتها ولا شبابها
امل/الله يرحمك يانوره ويغفرلك ويصبر خالتي على فرقاها
عشان كذا امي ماجت معكم
ابو سامي لف راسه بلا /امك هنا بالمستشفى
امل بفرحه/بتجي هنا
ابو سامي يتنهد بضيق يحسها كلها تكااومت عليها/تعبانه
امل /ايش فيهاا خوفتني يابوي
ابو سامي/سمعت بسامي والي حصل له وطاحت عليناا
امل /ارتفع الضغط عليها صح
ابو سامي انزلت دمعته عشان شاف كيف هي متلهفه
تسمع كلام يفرحها بامهاا وانقهر انه هو الي
ينقل لها الخبر/جلطه سببت لها شلل نصفي وعلى لسانهاا
امل بصدمه كيف شنو امي امي باقي بعمرها
وقف ابو سامي وضمها على صدره يحااول انه يهديهاا
لما حست بصدر ابوها ودفا صدره بكت على كل
شي بكت على امها بكت على سامي وعلى نوره
بكت على نفسها هي وسعد كانت محتاجه ها الصدر
من البدايه
ابو سامي /امل هذا الله كاتبه لناا مانقدر نعترض عليها
مانقول غير لاحول ولا قوة الابالله ونصبر على ما الله
ابتلنا ونحتسب الاجر تذكري دايم ان الله هو الوحيد الي يدبر
امورنا وحنى مااشين على الي الله كاتبه هدي الحين اهم شي
صحتك عندنا لازم تكوني قويه ترى حناا نخاف على الي ببطنك
ومانبي نخسره
رفعت راسهاا من صدر ابوهاا وعيونها ملياانه دموع تبي
تتاكد من الي قاله شافته يبتسم ابتسمت خجووله/
بس توي متزوجه مايمديني
ابو سامي وهو يمسح دموعهاا /
هم قالوو شافو كيس حمل بس الجنين لسى بيله
اقل شي اسبوعين ويتاكدون فيهاا
سمعووا سامي يتافف وضحكوا
ابو سامي /شفيك سامي
سامي /ابي اناااام
ابو سامي /طيب بس نبي نتطمن على سعد
امل /ابوي ابي اروح معك تكفى ابي اشوفه
ابو سامي /طيب بنروح الحين لأمك وتشوفيها وبعدها
بنروح لسعد خلاص
امل /طيب بس ابي امشي تعبت من الجلسه بس من
دورة المياه الله يكرمك لسرير
طفشت
ابو سامي ولا تزعلي كم امل عندنا بروح اقول
للمرضه واجي طيب
هزت راسها بنعم
ابو سامي سامي اجلس هنا يترى بزعل عليك
وماتروح تنام
سامي /طيب بس جيب لي سيارة معك
ابو سامي طالع فيه وطالع بامل ونزل راسه بحزن
وطلع
















مرة من جنبهم ممرضه استغربت وقوفهم كذا بالممر
انتبهت لمهااا الي انكب الكفي على رجوولها الي احترقت
وماحست فيها من صدمتها بالي شافته واسمعته من سامي
ومي الي تحااول تكلهماا بس مها ماتسمعها تسمع
ولاتشوف غير بس سامي وكلام سامي يتررد في أذنهااا
وقلبهاا ينبض بقوة فضيعه انتبهت الممرضه ان البنت
بدت تفقد اتزاانهااا امسكتها الممرضه وساندتهاا
ورحت اقرب غرفة طورى ومي ورهاا ماتدري
وش فيها مهاا

[ღღحفيدة ملوك ღ]

حطتهاا على سرير ورفعت رجولها بمساعدة مي الي
محتاره ماتدري ايش تعمل اول ماحطت راسها على المخده
ارفعت نقابهاا مي تشوفهاا
شافت وجهااا احمر والدموع ماليه وجهها وهي
فاتحه عيونه بس تبكي بدوون صوت
جت الممرضه ومعها اسعافات اوليه شافت الجلد
بداا يتجعد ويصبح لونه بنسفجي اخذت تعالجهاا
عطتهااا مخفض اللالم بس هي من جووى المهاا اقوى
مي متاكده شايفه وجه الرجال الي قبل شوي منه
يامي تذكري ايوووه هذا احو امل بس ليش كذا
كلامه ليش مهاا صار فيهاا كذا معقوووله الي ببالي
معقوله مهااا تحبه بس هذا متزوج ليش يامهاا تطيحين
بالي طحت فيه رميتي نفسك بنار يالله أخذت منديل
من شنطتهااا تمسح وجهها الي كله دموع بس هي
تمسح تنزل مره ثانيه شفت الممرضه تلف الشاش بعد
ما شالت الجلد البنسفجي وحطت كريم للحرق بس
ابد ماقاااومة ابدااا طالعت بوجه مهاا شفتها تاطلع
الجهه الثانيه ودموعهاا تنزل ماتدري ايش تعمل احتارت
سمعت صوت جوال مهاا يدق
شافت المتصل
"أخوي الغالي علي "
كيف ترد عليه انتظرت لما سكر وراحت لرسائل
وكتبت له
"علي انا مي
مها انكب عليها الكفي وحنا الان بمستشفى ال
وهي تعبانه بس حرقه بسيط ان شاء الله
"
جلست جنبهاا على السرير ومسحت على شعرهاا
لماا نامت
استغلت نوم مهاا
وقعدت تفرفر بجولهاا بس يمكن تلقى الي يثبت ضنونها
ا بس قبل كل شي ارسلت على جوالها الي عند امل
وتبلغهاا بالي حصل
ادخلت الملاحظات وشافت كتابات لمهاا مدونتهااا
"ساميتاا انا بحبه فهو سامي"
"عيناك واحة بحر
وحبك تربع بقلبي يا اروع البشر
هل لي برشفت حبك ياحنين القدر
احب قهوة الصباح وانت معي وباارتياح
سارتشفها معك
لآبدا يومي بكلمة احبك"
"لم اعد بلحظة لقاء
نهايتنا زفرة ثكلى
كفنا نفااخر بقصتنا الغائبة
كفنا نتمطى افائتنا الخائبة"
~قد تلبسني ثوب الرحيل
ومنحتني الليل رداء~
~اتلو في عينك الغروب
وفي ملامحي الشحوب~
~غصب على حلم اهون من بيت العنكبوت~
~عاث غيابك في قلبي~
~واستكن الحزن نبضي~
~كل ما احتاجه قطرة حب ~

والكثير عرفت ان مها مو تحبه لا تعشقه بس
بصمت نفس السيناريو يعيد نفسه مع مهاا يالله ليش
الوحد اذا حب بصمة
ماتمشي حياته يارب رحمتك ارحم عبيدك من هذا المرض
انتبهت للباب الي انفتح بسرعه كانت منزله نقاابها
وماتوقعت يجي بذا السرعه قامت اخذت نقابهاا
من فوق السرير ولبسته وهي منحرجه منه تحس انهااا
بتحترق من الخجل اول مره مي تخجل بذا الطريقة دايم
فري عادي ايزي بس تنحرج من علي هذا بحد ذاته شي
غريب استغربت من نفسهاا انها منحرجه من علي بس يمكن
عشان عارفه اني راح اتزوجه اخذت شنطتي وطلعت وانا
منزله راسي
ماحبيت احط عيني بعينه خفت اشوف نظرة ماتعجبني
ليش انا افكر فيه ليش مابيه اطالع فيه ليش خايفه اشوف
نظره تكسرني

[ღღحفيدة ملوك ღ]

علي
دقيت على مها لما حسيت انها تاخرت علي بس ماردت
علي سمعت امي تقول ابي ماء
رحت جبت لها الكاس وصبيت لها فيه ماء تشربه سعااادتها
بس هي ماتحب احد يساعدهاا سمعت وصول رساله
لجوالي طالعت الساعه ١٠ ونص شفت الرساله من شفت
اسم مي قلبي رقع خوف على مهاا قريت وش كاتبه
خفت على مها
استذنت من امي وطلعت حااولت اوصل باسرع وقت
دخلت لمستشفى سالت عن الطوارئ ورحت هناك
سالت عن مها ودلووني على غرفة اخر السيب نسيت
ان معها مي كان كل همي مها فتحت الباب بسرعه
شفت مها على السرير نايمه لفت انتباهي مي وهي توقف
وتاخذ نقابها من السرير ماشفت ملامحها زين بس لفت
انتبااهي عيونها مثل كل مره اوااجها فيه احسها غريبه بالمره
شفتها طلعت وهي منزله راسها احسها تغيرت عن اول
مره تصادمنا فيه حستها قوية شخصيه وملسونه والحين
وش غيرها لاتنسى الي قاله فيصل لك معقوله عشان
الي مات حسيت بالغيره الي يقولونها قربت من مهاا
شفتهاا عاقده حواجبها مثل الشي الي مضاايقها بنومها
حطيت يدي على راسها وقريت المعوذات وآية الكرسي
حسيتها ارتاحت جلست على الكرسي شفت المغذي
في يدها
لفت انتباهي رجوولهاا ملفووفه بشاش استغرب وقف
وفتح الباب شافها وقفه برى تنتظره يطلع راح للكونتر
وسال عن دكتور مها قالت الممرضه انها دكتوره
وراح تجي بعد شوي سالتها عن حالت مها قال
دكتوره تجي وتقولك ماعندي اي معلومات عن حالتها
طالع ورااه شافهاا واقفه على وقفتها شاف في
يدها جوال مها طلع جواله وارسل لها
"مي مهاا وش فيها "
استغربت من الرساله الي وصلت مها ماحبت تفتحها
بس الجوال رن شافت علي المتصل ارتجف قلبها
ارفعت عيونها شافته ياشر على الجوال
سكر تجرءت وفتحت الرساله وشافتها
"انكب الكفي وهو حار على رجوالها "
وارسلتها ماتدري كيف اكتبتها يدينها ترجف
اسمعت رساله ثانيه
"مي انا اسف على الي حصل قبل امس اعذريني
احس تصرفت بدون تفكير "
حست ارجوالها مو شيلتها ارجوالها ناظر شافته
يطالع فيها ونظرته فيها اسف تحس وجهاا صار حار
مرره من الاحراج الي هي فيه ارسلت له
"معذور بس ابي تدق على فيصل اخوي هو عند
سعد ابي اروح للبيت راح احط جوال مها عندها بالغرفه
وانا بروح لغرفة مرت سعد قوله ومشكور مقدماا"
دخلت غرفة مها وحطت الجوال بدرج الي جنب مها
وطلعت من الغرفه متجه لغرفة امل وهو ورها صاير
يخاف عليها وخصوصا انها ماتتكلم شفت سامي
الي ساعدني ومعه رجال كبير شوي ومره طالعين من الغرفه
الي وقفت مي عندها
شفت المره راحت تكلم مي بس مي ماتتكلم شفت
من بعيد فيصل جااي
رجعت لمها مابي فيصل ياخذ فكره عني وعن مي يكفي
الي هي فيه












فيصل
كنت عند سعد جالس بعد ماخلص مكالمه مع زوجته
انتظر مي ترسلي عشان نمشي احس بتعب قووي وارهااق
اليوم باقي تعب لازم اخلاص اوراق طلاق ساره وعندي
العصر صلاة الجنازه على زوجت سامي شفت جوالي يرن
رفعت
فيصل /هلا
علي/السلام عليكم ورحمة الله وبركاته
فيصل /وعليكم السلام ياهلا ياعلي
علي/الله يسلمك ابو رهف
فيصل /ياهلا
على/ابد الله يسلمك بس انا بالمستشفى عندكم
فيصل /عسى ماشر ياعلي
علي /ماشر ان شاء الله بس مها انكب الكفي على رجولها
وسبب لها حروق ودقو علي /واختك الحين عن زوجت
سعد
فيصل /ماتشوف شر مها ويخليها لك
علي/ آمين يارب تامر شي يابو رهف
فيصل/مشكور ياعلي ماقصرت والله
علي/تسلم بامان الله
وسكر قلت لسعد بروح اخذ مي من عند زوجتك
اوديها البيت يالله اشوفك المغرب
فمان الله
قربت من غرفة زوجة سعد شفت ابو سامي وسامي
وحرمتين وحده مي والثانيه اتوقع انها زوجة سعد لام
شفت يدها مجبسه قربت منهم ورديت السلام
وسلمت على راس ابو سامي احترمه ذا الرجال بالمره
شفت سامي مديت يدي له بسلم بس فاجئني
لما قال /انت من
فيصل بصدمه/انا فيصل اخو سعد
سامي /من سعد انا ابي مهااا
فيصل طالع بابو سامي لي منزل راسه /
عمي لاتنزل راسك ام شاء الله يرجع مثل اول
واحسن
سامي/بابا ابي اناام
حزن فيصل على حاله قبل لهيبه
كلن يحترمه والحين ماهو الي قبل كلن يحترمه
ابو سامي /والله اني احترت ايش اسوي
فيصل /انت الحين وين بتروح
ابو سامي /بروح لام سامي وبعدها سعد
فيصل /لا ياعمي سعد لا تروحون له بيتاثر لشافه
انت روح روح انت وامل لأم سامي وانا باخذ سامي
معي للبيت بوصي السايق عليه لاني بروح عندي شغل
بالمحكمه وبجيب معي شيخ يقراء عليه يمكن عين والعين
حق
ابو سامي /الي تشوفه يابو رهف
فيصل /خلاص اجل انا بروح وتجي بعد الظهر هناك
في بيتنا
ابو سامي /على خير يابوك
فيصل /حمد الله على سلامتك ياأمل
امل وهي منحرجه من فيصل/الله يسلمك يابورهف
فيصل بمزحه/ لاتتاخرين على سعد ترااه ينتظرك على
نار
امل باخراج/ان شاء الله
فيصل /يالله يامي مشيناا سامي تعال ابيك
سامي/تشتري لي سياره
فيصل /طيب بشتري لك سياره

[ღღحفيدة ملوك ღ]

جلست بعد الفطور وبعد مارتبت اسرت السجينات
ملك راحت عندها زياره
شااافت بدريه قربت منهاا وجلست معهاا على
نفس السرير
حاولت تقووي نفسهاا عشان تخاف منها مثل
ماتخاف من ملك
ساره بتوتر/خير
بدريه رفعت عينهاا لها /وش فيك ياحلووه ماسوينا
شي بس جلسنا معك
ساره /وانا ما ابيك تجلسين معي
بدريه بحقد/ليه ملت راسك السوسه وبعدين انا بدر
ساره/مايشرفني اني اتعرف عليك
بدريه وقفة / لالالاه انتي يبيك شغل خاااص عشاان
تعرفين من هو بدر
ساره ببرود اكتساها/سووي الي تبين ماتهميني يابدريه
امسكت ساره من ارقبتها/انا بدر تفهمين ولا افهمك
بطريقتي الخاااصه
بدرررررريه
فكتها مثل الشي القذر
بدريه/اسمي بدر
ام ثامر/والله بدريه ولا بدر كلك زباله
بدريه وهي تتافف/وبعدين معك يام ثامر لمتى وانتي
جالسه لي
ام ثامر /لما تعقلين وتتركين اهبالك هذا
ساره وهي تعدل جلستها وتطالع في بدريه الي
راحت /مشكوره يمه
ام ثامر الي افرحت محد قال لها يمه حتى ولدها من قبل
لاتدخل السجن اسمعتها ولا عاد اسمعتها امسكتها وضمتها
لها بقوووه
ساره حست انها اكسبت اجر فيها بسبب ها الكلمه











رجعت البيت بعد ما رحت وشف خالد بالمستشفى
وشفت امي تلبس عباتها
رونق / يمه وين بتروحين
ام فيصل /بروح لأم تركي اخت ام سامي
رونق/الله يعينهم
ام فيصل/امين رحت لخلوود
رونق وعيونها تلمع /ايوه يمه يجنن ايبه يطلع من
المستشفى ابي احس فيه
ام فيصل/بيطلع بس اصبري اهم شي صحته
الا الباب ينفتح وتدخل مي
افرحت امي كثير فيها ضمتهاا لهاا بقوه وهي بكت
اشتاقت للبيت ولأمها ووكل شي حتى غرفتها
محتااجه تنفرد بغرفتها تشكي همومهاا
رونق وهي تسلم على مي /تو مانور البيت يامي
مي تهز راسها لهاا
ام فيصل /هلا فيصل
فيصل /هلابك يمه اخبارك
ام فيصل/الحمد الله طيبه
فيصل /وين رهف
رهف/هناا بابا
فيصل /ياقلب بابا اخبارك ياروح بابا
رهف /طيبه بابا
فيصل/اخبارك رونق
رونق /طيبه الحمد الله
فيصل/يمه ترى سامي بالملحق برى عند السايق
ام فيصل/يالله وانا ابي السايق يوصلني
لأم تركي
فيصل /انا اوصلك لأن عندي شغل قريب منهم
ام فيصل/توكلنا على الله مشيناا
فيصل /مشينااا يالله باي رهوووفه اجيك العصر
طيب خليك عاقله عند عميمه زين
رهف/زين بابا بس بابا شهد بتجي العصر تلعب معي
فيصل /زين بابا بس لاتطلعون برى في رجال
رهف /طيب بابا
فيصل/ يالله بنات باي
وطلع من الباب
لفيت اشوف مي شفتها جالسه وماسكه جوالها
تكتب فيه جلست عندهاا
رونق/مي شفيك
مي مدت الجوال وقامت رايحه فوق
اخذت تقراء الي بالجوال شافت وش كاتب من
موقفها مع فيصل وموقف فيصل مع في وموقف مها
اليوم وايش حصل لها وانها تبي تناام في غرفتها وماتبي
احد يصحيهاا تنهدت بضيق على حالهم والي وصلو له
حمدت ربها هم احسن من غيرهم
سمعت جوالها يرن شافت رائد
ردت عليه /هلا قلبي
رائد /هلابك اخبارك
رونق تتنهد بضيق /الحمد الله
رائد /رونق انا بمشي لمكه مع امي وخالتي توصي
شي محتاجه شي
رونق /لا ابد سلامتك ترحون وترجعون بسلامه انا
بكلم خالتي عندك
رائد /لا انا برى البيت دقي على جوالها
رونق/طيب بكلمها الحين
رائد/يالله باي ياقلبي
رونق/باي












جلسنا بعد صلاة الظهر في المسجد يحضر بدر للمحاضر
الي بيلقيها بعد صلاة العصر
سالته
نواف /بدر
بدر/هلا
نواف/بسالك وش الي دخلك السجن
بدر بحزن/كان عمري ١٨ سنه كان في واحد بالمدرسه
راعي مشاكل ويمسك اي واحد ياخذ مصروفه منه
بالغصب وحناا حالتنا الماديه ضعيف كنت اقوم من الفجر
وراوح اشيل طلاب بسيارتي الكحيانه وانقلهم من
قريتنا للمدرسه الي تبعد 20 كيلوو
رايح راجع كل واحد بريالين عشان اصرف
على امي وخواتي
المهم جاا يوم ومسكني واخذ مني الفلوس تهااوشناا
هذا تعبي يروح كذا وصار بينا مطاقق هو اكبر
مني قدر انه يضربني لما تعبت يوم راح اخذت اقرب
شي بيدي من القهر ماشفت شنو هو
طلع قطعت حديده وضربته على راسه وظهر بقوه
من القهر ماحسيت انه مات كنت اضرب واضرب
لما جاااء واحد ومسكني ولما شفت دمه عرفت انه ميت
رحت لسيارتي وركبتها ورحت لأمي وقلت لها كل شي
وقال سلم نفسك وانا امك والله الي خلقنا ماينساااناا
رحت لشرطه وسلمت نفسي
ولي الحين ٧ سنوات واهل الميت عارفين ان حالتنا الماديه
سيئه عشان كذا طالبين مليون ونص وامي وخواتي على
ولد عمي الي تكفل بهم تزوج اختي الكبيره وهو اصغر
منها عشان بس يحرمها ويشوف طلاباتهم يدرس ويشتغل
في نفس الوقت مقسم نفسه بين اهلي وابوه التعبان وامه
وهذاي قصتي ياخوك
نواف/الله يعين ترى انا اعين واعاون وانا خوك لاتستحي
بدر/تسلم ماتقصر والله
نواف/ولد عمك ايش يشتغل
بدر/حارس آمن
نواف/خلاص راح واظفه بشركتناا
وان شاء الله بيرتاخ هناك
وابشرك حنا كل موظف عندنا نعطيه سكن وسياره
وتامين صحي
بدر الي قام وحب على راس نواف/الله يفتح لك
باب من ابواب الجنه ويرزقك على قد نيتك
نواف فرح وهو يشوف كيف دخل الفرحه بقلب بدر
وراح يسعى بدون بدر يدري على تخليص الاديه
وان شاء الله يطلعون مع بعض من السجن
قبل يدعي على ماجد انه سبب دخوله السجن بس
الحين يدعي له بالهدايه مثل ما الله هداه

[ღღحفيدة ملوك ღ]

البارت الواحد والعشرون










امـــل
دخلنا غرفة امي شفتها على السرير
الابيض
والاجهزه حوولهااا انعصر قلبي عليهااا
هذاي امي مهماا سوت هذاي حلوت البن
قربت منهاا شفتها ناايمه حبيت
على راسهاااحسيت تنفسهاا اسرع
شفتها افتحت عيونهاا مسكت
يدهاا بستهاا
امل/اشتقت لك يالغاليه سامحيني
يمه اذا اخطيت بحقك

ام سامي ماكانت قادره انهاا تحرك شي بجسمها
تبي تضم بنتهاا الي تقطع قلبها من البكي
تبي تعتذر لها ماتقدر تنطق اعرفت ان الله قادر على
كل شي
كانت تمر من ناس على كراسي متحركه وكانت تستنكر
انهم مو قادرين يحركون انفسهم كانت تقول يعني
مايقدرون
يحركون اصبع
واليوم اعرفة وش كثر كانت غبيه
وش كثر كانت انسانه متعجرفه
على نعمة الله

امل /يمه تسمعيني يمه انا حاامل وراح تفرحين في
ولدي وتشوفينه

ابو سامي /ام سامي كلها ايام وبتطلعين وتشرفين
بيتك وتنورينه

هزت راسهاا بنعم

امل/يمه مراح اطلع من المستشفى الا معك

ابو سامي ياجكرهااا/عشان امك ولا عشان بعض
الناس ههههههههه

ضحكت ام سامي بصعووبه

امل باحراج/يوبااااا كلهم غالين علي وما استغني
عنهم

ابو سامي /طيب يالله برنوح للمتيم الي ينتظرك
مشينا

ناظر بام سامي /ام سامي بجيك المغرب
تعرفين العصر بنصلي على نوره الله
يرحمها

هزت راسها هو الشي الوحيد الي تقدر
تحركه في جسمهاا

امل طعت وانا اطالع فيهاا
"يارب خلها لناا"
كان قلبي يرقع كاني اول مره
اشوف فيها سعد لو ابوي مو معي الموضوع
عااادي جداا بس ابوي
معي انوااع الاحراج
وصلناا شفت ابوي يضرب الباب ويدخل
وقفت عند الباب اخاف في احد ولاشي
وعشان اهدي نفسي سمعت اصواتهم
يسلمون على بعض وابوي يصوت علي

دخلت وانا احس الارض بتنشق
وتبلعني من الحيااا
شفته جالس على السرير ورجله
مجبسه

قربت منه ومديت يدي له اسلم عليه بس
هو سحبني له وباسني على خدي
الحمد الله اني مانزلت نقابي ولا
اروح فيهاا صدق/
حمد الله على سلامتك سعد

سعد/الله يسلمك يالغلا

ابو سامي /والحين كيفك يابوك

سعد/ماعلي ان شاء الله احسن
من قبل ياعمي

ابو سامي /زين الحمد الله عدت
على خير يالله انا ماشي وصلت
لك الامانه بس امل لاتطولين
عشان موعد ادواك هناك
والدكتوره بتجيك على
الساعه ١٢ الظهر زين

امل /زين يوبه

ابوي سامي/يالله فمان الله

سعد/فمان الله

سحبني بيدي الي كانت بيده من
سلمت عليه وضمني على صدره
بقووووه اشتقت لك ياقلبي سعد

امل باحراج /وانا اكثر ياقلب امل

قمت من على صدره بنزل النقاب
احس كتمه نزلته وفكيت شعري
لفني له وطالع فيني يالله يامل
كان لي سنه عنك مو كانها اسبوع

امل /احلويت ولا شنت

سعد بلعاانه /شنتي بالمرررره

امل بدلع/بالله جل ليش مجلسني جنبك

كانت بتقوم بس ضمها له /عشاني
احبك واموت بحبك يامجنونه
ههههههههههه












علـى
جالس عندهاا انتظرها تفوق من
المفعول المهدء
راح تفكيري فيها
ماجمعتني فيها غير مواقف بسيطه
بعض الاحيان
اناقض قلبي بس عقلي يقول لا
انت صح قلبي حبها من اول
تصاادم بيناا ضحكت وانا اتذكر
طولة لسانهاا يالله ياليت ترجع تتكلم
تنهدت عقلي يقول سمعت من
اخوها كلام محد يرضااه على
شريكة حياته المستقبليه
بس انا رضيت عشان فيصل
وعشانهاا هي لازم احفظ سرها
وسر فيصل بس باقي عقبه قدامي
لازم اقول لفيصل الي حصل معي
مالقيت فرصه من شفته ماهي
اي مجال اقوله يالله بس تهدء
الامور واجلس معه واقوله
ماأقدر اخدعه هو صارحني وانا
المفروض ماأخدعه لازم اقابل
الحسنى بالحسنى مسحت وجهي
بيديني لفت انتباهي همس خفيف
رفعت راسي شفت مهاا تتكلم
بس ما اسمع زين قربت منها
عشان اسمع سمعتها تنااديه
عرفت انها حبهم متباادل لو واحد
غيري كان ذبح اخته بس
جمايل سامي مغرقتني
وصراحته معي احرجتني بقووة
وحلفاانه معي انه مابنى اي علاقه
بنه هو ومها بالعكس كانت
نعم التربيه ماكنت راح اصدقه بس
لما اخذ المصحف وحلف عليه
وقالي ماادري اذا هي تبااادلني
نفس الشعور ولا لا بس انا ابيهاا
لو اموت ترى قلبي ما ملكه غيرها
انا حبيت اخلاقها حبيت جمال روحها
وتفانيها في انهاا ماتقبل من الغير
الا بتعبها خوفها على نفسهاا
ومحافظتها على روحهاا في احتشاامها
واذا سالتني عن الجمال بقول اخر شي
افكر فيه بس الاهم الحب
يالله وش اقول عنك ياسامي
والله انك نعم الاخو وكفوو
انك تكون لمهااا بس ايش
حااصل ابي افهم اليوم
ما اعجبني سامي فيه شي متغير
بس مدري وش فيه
ايه صح قالي فيصل يالله ايش
ممكن غيره معقوله "عين"
مثل ماقال فيصل
تسوي كذا فيه

شفت مها تفتح عيونهاا بشويش
حيبت على راسهاا وتحمدت
لها بسلامه

ردة بصوت منخفض

علي/افاا يامها كل هذا دلع تشوفين
قدرك عندي

مها وهي تبتسم بحزن/لا والله ياخوي
بس مدري وش جاني وانا اشيل الكفي
يمكن دخت وانكب علي


علي وهو يناظر بعيونها الي حاابسه الدموع فيها/ ماعليه اهم شي
جت سليمه

مها وهي تبلع الغصه بصعووبه/
مشكور ياخوي امي كيفهاا

علي/ابشرك بخير والدكتور
بلغني بكره تقدر تطلع من المستشفى

مها بابتسامه/ياليت مليت من امقابل
المستشفى

علي/هاانت انتي الحين لازم
نطلع بس تعالي انتم وين
ساكنين قبل لاتطيح امي

مها /ماخذين شقه عند ام فيصل

علي/اجار

[ღღحفيدة ملوك ღ]

مها تهز راسها بنعم/تعرف نفسي عزيزه
مثل ماعلمتني ياخوي

علي بابتسامه/ياحياة روح اخوهاا
طيب راح اخذك لشقه

مها /لا بروح لأمي

علي /اسمعي الكلام يابنت راح
نروح لشقه وانا بروح اصلي على
زوجة سامي تذكرينه الي كنتي
تشتغلين عنده

مهااا انصدمة زوجته يعني نوره
ماتت يعني تزوجها ايه صح مع
زواج امل يالله الحمد الله
اني مارحت للزواج عشان اصورهم
استغفر الله استغفر الله بس

علي بصوت عالي شوي/مهااااااا

مها وهي تفوق من صدمتها/
هلا ياخوي

علي/ وين رحتي

مها /زوجة سامي ماتت

علي /تعرفينها

مهاا وهي تهز راسهاا بنعم

علي /كانواا رايحين لشهر العسل
برى صار عليها حادث وماتت

مها تلقائيا/وسامي

علي سوى نفسه ماسمع عشان
مايحرج اخته الي استحت منه/
واليوم وصلوا من برى وراح
يصلون عليها العصر وبروح
الحين مافي وقت بنروح نمر
مطعم ناخذ غدا لاني جوعان
حدي ونروح لشقه نتغدى
وبروح اصلي واجيك بشقه
ونروح لأمي خلاص

مهاا وهي تبي تختلي بنفسها بعد الاخبار الي صدمتها/طيب

علي /يالله البسي عباتك على ما اروح اخذ أدواك ومواعيد تغير الجرح

مها/انتظرك

طلع من عندهاا بكت بقوة على
حالهااا كل ماتذكر حبها الي من
طرف واحد







رائــــد
من ايام العز وانا اشوف نجلاء
قدامي بالصدفه في بيت اهلي
كل مكان
اروحله بسبب وجودها ايام العزء
عند خواتي وامي اعجبت فيها بقوه
انسانه حسيت شخصيتها قويه
تفرض وجودهاا على الجميع
عكس رونق الي بسرعه اي
كلمه تجيبها وتوديها وبسرعه تزعل
وبسرعه ترضى رقيقه بالمره
اي شي يخدشها

رجعت الي الذااكره لليوم الثالث
من العزى رن جوالي
برقم غريب
رائد /نعم

نجلابصوت ناعم واثق/
هلا السلام عليكم ورحمة الله وبركاته

رائد استغرب الصوت وكان راح
يسكر بس لما ردة السلام رده/
وعليكم السلام من معي

نجلا /معك نجلا بنت خالتك
اجبر الله عزاك في خالد

رائد وهو مستنكر فعلتها /شكر الله
سعيك وغفر له
نجلا/حبيت اقولك ان احلام اختك
مو راضيه تاكل وانا بصراحه
عجزت فيها فيا ليت تجي لغرفتها
وتحااول تكلمها يمكن تسمع منك

رائد واتضحت له الصوره وكبرت
في عينه/ طيب انا جااي شوفي
لي الطريق

وبعدهاا اذا اي شي يحتاجونه
بيت اهلي اي ظرف اي شي تدق
علي كانت تحااول انها تتجنب
تسولف معي بس ماقدر اخليها ابي
استكشف الانسانه هذاي وشوي
شوي كثرت بينا المكالمات وتعلقت
فيها وهي كمان يمكن علاقتي فيها
ماتتعدى الاسبوع بس كفيله اني
اعجب فيهاا
صح انا اعجبت بشخصياتها
بعد جذبني شكلهاا المناقض لرونق
رونق قصيره شوي نحيفه بس مو
مرره وجههاا دائري ابيض ملامحهاا
ناااعمه طفووليه
نجلا طويله جسمها متناسق
شعرها طويل اسود ملامحهاا
عاديه بس فيها جااذبيه فيه
حبت خال كبيره برقبتها احسهاا
محليتها

اليوم امي اطلبت مني نروح
عمره ومعنا خالتي وامي
ونجلا ولدخالتي حامد وزوجته
وافقت عشان راح اكون قريب
منهاا الي قهرني انها مطلقه
وانها كانت لشخص ثاني الشي
هذا ايخليني اغلي من جوى لانه
ماقدر هذه الانسانه ادره

على العصر بنحرك من الرياض ب
سيارة وحده سيارة
ولد خالتي الجمس





تركــــي

تعب ارهااق وقلب تعباان احس
اني بطيح على رجووولي من وصلنا
السعووديه واناا في المستشفى
اخلص اجراءات الدفن خلصت
الساعه ١٢ الظهر

رحت اقرب مطعم واخذت غدا
لأبوي وامي الي بالبيت واكيد
مالهم نفس باي شي ابد

ودقيت على نايف اخذت اسم
الفندق الي فيه ورحت لهم
وياليتني مارحت سمعت صوتهاا
تهورت كنت بكسر الباب عشان
اشوفهاا مسكت نفسي بالقووه

دخلت البيت على الساعه ١ شفتهم
جالسين بالصاله بحزن على نوره
والله لو تدرون وش مسويه كان
مانزلت دمعه عليهاا ناديت الخدامه
عطيتها الغدا وقلت جهزيه ورحت
لأمي حبيت على راسهاا وجلست
عندهم