روايه غرق الغرقان أكثر

[ღღحفيدة ملوك ღ]

والدفاع عن النفس قاام وهو يتوعد نواف
ماااجد بقهر وحقد/بردهاا لك يانواف الكلب
نواف/اقوول اطلع ليجيك غيره
طلع من الشقه وشاف هندي بشارع عطاه ٥٠٠ريال وقال عطني جوالك
اكلم وارجعه لك والهندي ضعيف ماصدق على الله وافق دق على الهيئه
وبلغ عن الشقه
عطاهم العنوان وورجع الجوال للهندي
وركب السياره ووقفهاا بعيد حتى يشوف نواف وهو يسحب مثل الكلب ماعااد يهمه
احد حتى نواف كون ثروه من صحبته لنواف خلال الخمس سنوات الي
طاافت يقدر يكون نفسه
ويسوي مشروع صغير













يحااول يكلمهاا يفهماا ان كذاب كانت منهاره من البكي مسكهاا يضمهاا لصدره
حااولت انها تفك نفسهاا منه بس ما قدرت قوته غريبه ضمته هي بعد محتاجه
لصدر أحد ترتمي
عليه تندم نفسها وحظهاا الي طرحهاا بها الطريق قعدت تصيييح بقووه شد من
ضمه لهاا كان
صااادق بمشااعره معها هي الوحيده الي ارتاح لهاا لمااا حس انهاا هدئت
وجلسوو وهو شبه
ضاامها لصدر ويلعب بشعرهاا يبيهاا تهداء تماما عشان يقدر يشرح لها الموضوع
سمع الباب يضرب
قال روحي لغرفة النوم ياقلبي
راحت وقاام لبس البلوزه بس ترك الازره مفتوحه يعني صدره مكشوف
فتح الباب شاف رجال لهم لحى ومعااهم عساكر ٤
لو سمحت معناا امر بتفتيش الشقه
عرف نواف ان ماجدىهو الي بلغ عنه تووعده بقلبه امسكوه ٣ عساكر
والباقين دخلو يفتشو الشقه لقوو ساره في غرفت النوم قالو لهاا ابسي
عباتك لبست عباتهاا واخذوناا للقسم هيئة الامر بالمعروف والنهي عن
المنكر ساره ماابطلت صياح ابد مصيييبه وماحت على راسهاا ايش تسوي
شاف سيارة الهيئه وهي تتحرك من البنايه بعد ماشاف نواف وهو منذل
حرك سيارته وراح لشقة وحده متعرف عليهااا




















فيصل
طال انتظارنااا بس عشان يطمنوناا على سعد واخيراا طلع دكتور لبس
اخضر استغربت سالته
الدكتور/والله حنا اعملنا له عمليه لما انتم اتخرتوا والحمد الله هو بخير
بس عاايز راحه له
فيصل وهومنقهر من فهاوة الدكتور/طيب وش عمليته الي سويتهاا
الدكتور/ياابني داه عنده كسر بالفخذ والساق كسر مضاعف وعشان كده
استعقلنا باعمل العمليه له
فيصل يبي يخنقه/طيب الحين كيف حالته
الدكتور/والله العظيم يابني كويس بس عااوز راحه والحين اثر البنج
ماطلعش من جسمه فانت لازم تراعيه

[ღღحفيدة ملوك ღ]

فيصل يقااطعه /خلاص خلاص أقدر اشوفه
الدكتور/ايوه عااوز تشووفه هو في الملاحظه الان بس روح للمرضه وقول انا جي
من الدكتور عبد العلي
فيصل وهو طفشان/خلاص راح اقولها باي
طلعمي من طوري ذا الدكتور في فهااوه مدري وش تبي وقرقه كثير
رحت لهاا وقلت بشوف اخوي عادي دخلتني بدون لاأقول للها الدكتور ولا شي
لبست كمام ونزلت شماغي ولبس قبوع وعقموني لانه توه طلع من العمليه
دخلت الغرفه بااارد مره مظلمه شوي مايعكر مزاج الجو الا صوت جهاز القلب
والتنفس اول مره اشوف سعد قدامي ضعيف ماعمره بين لأحد ضعفه دائما قوي
دائماا يحب
المغامرات بس كان شخص مرح جدااا والجلسه معه ماتنمل لمست يده بااارده
اسمعه ينادي اسم
قربت أحااول اسمع سمعته ينادي امل عدت وقفتي وانا أخذ نفس عميق
وش الي صار لنا مره
وحده اول شي رونق وعدت على خير وبعدها وفاة خالد الله يرحمه ثم مي
وطيحتها والحين سعد
ومرت الله يستر من الجاي بس أحس اهمت بنت في في ذا الاسبوع والشي
الجميل اني لقيت في
طلعت من الملاحظه بعد ماتطمنت على سعد سالت الممرضه متى يصحى وقالت
بكره يكون صاحي قلت بجلس عنده قالت ممنوع باقي اخبر امي والبنات مريت
ابو سامي شفته جالس يسبح ويستغفر احس هم بنت هده بس هو تعب بعد
المكالمه أكثر جلست عنده الساعه الحين ١١ من اليل
فيصل/عمي قوم رح البيت ريح
اابو سامي/ما قدر وانا ابوك قلبي مايطاوعني اروح واتركها
فيصل/انا بجلس واخبركم بكل شي بس روح ارتاح واكيد خالتي ام سامي تحاتيك
ابو سامي/الله يعين وانا ابوك على مصايب ذا الدنيا
فيصل وهو يتنهد/مكتوب مكتوب ياعم
ابو سامي/ونعم بالله ونعم بالله
فيصل بيغير الجو شوي/الا ياعم سامي من اعرس مادق علينا هو كلمكم
ابو سامي وتنزل منه دمعه /لا يابوك سامي الله يفزع له
فيصل بخوف يوم شاف دمعت ابو سامي/اشفيه ياعمي












ام سامي
تاخر ابو سامي وقلبي قاابضني من اصبحت اليوم
جيت من ام فيصل وبناتها الساعه ٨ والله وسعو صدري كثير ياحلو الجمعه
والسوالف موبيت وش كبره فاضي
واهم شي اني لقيت مهاا وتعذرت منها بس احسها شايله علي يارب سامحني
وحنن قلبها عشان تسامحني
وقت ادور بصاله جت/ميري
ميري/مدام مايبغى عشى
ام سامي/لا ياميري مابي بنتظر ابو سامي
ميري/ان شاء الله مدام
جلست سفرت كل الخدم الي ماهم لزمه بس منظر وبقيت ميري وايرنا
والطباخه واهم شي ميري عشان ذاك اليوم شفتها لبسه الذهب الي اخذته
نوره مني عشان تحطه بشنطة مهاا بس ليش نوره ماخطته ليش اعطته
الشغاله وش كان قصدها شكلها من القهر والحسد ماتبي مهاا تتهنى بالذهب
اعرفها بنت أخوي حسود وتغار من كل شي حولها
مسكت الجوال و دقيت على ابو سامي واخيرا رد
ابو سامي/هلا
ام سامي/شلونك بابو سامي
ابو سامي/الحمد لله طيب
ام سامي/وينك فيه تاخرت علي
ابو سامي/جاي بطريق الحين قاصرك شي
ام سامي/مابي غير سلامتك
ابوسامي/فمان الله
سكرت ابو سامي فيه شي مو عل عادته ابد
انتظرته وقلت لميري تجهز العشاء على ما يجي ابو سامي ساندت راسي
على الكنب وغفت عيني بسرعه وحلم نفس الحلم الي يتكرر علي له
اسبوع سامي يبكي ومها تحاول تجيه ونوره مع رجال ثاني والحيه تطلع
من غرفة سامي صحيت على دخلت ابو سامي تعوذت من ابليس وهديت نفسي
شفت ابو سامي متغير وجهه استغربت اصلا من سمعت صوته وانا حااسه في شي
ابو سامي/السلام عليكم ورحمة الله وبركاته
ام سامي/وعليكم السلام والرحمه
ابوسامي يجلس بتعب
ام سامي/عسى ماشر
ابو سامي/ماشر بس واحد من اصحابي صار عليه حادث
مايبي يقول لها الابكره احسن اليل







مواقف
*موقف اعجبكم؟
*موقف ماأعجبكم؟
*موفق فرحتوا فيه؟
*موقف احزنكم؟
*موقف تترقبونه بشده؟





توقعاتكم
*تركي بيرجع لسامي ولا لا؟
*امل وسعد؟
*علي ومها وامهم؟
*مي وفيصل ماحصلت ولا موجهه بينهم وش راح يصير اذا تواجهم؟
*ساره ونواف؟

[ღღحفيدة ملوك ღ]

البارت الخامس عشر











ياكللللللللب
كانت صوت تركي لما انضرب بالسكين حااول سلمان انه يهرب بس رجال
لامن الي سمعووا الاصوت جو بالوقت المنااسب
والقي القبض على سلمان وتركي نقل بالاسعاف للمستشفى


ايش وش تقول بنتي
صوت ام سامي وهي تتلقى خبر بحادث أمل وسعد
ابو سامي /مثل ماقلت لك
ام سامي وقفت/يالله ابي اروح اشوفهاا
ابو سامي /يابنت الحلال مراح يدخلونك لاززم تتعدى ٤٨ ساعه عشان نقدر
نشوفها
ام سامي/وتبيني الصبر ٤٨ ساعه قلبي مراح يطاوعني يابوسامي طالبتك الي
اشوفهااا ودني لهااا تكفى
ابو سامي رحم حالها وهي تو ماعرفت بخبر ولدهاا وبنت أختهااا الله يعين
على الي جااااي بس
ابو سامي /يالله مشيناا يام سامي بسرعه
ام سامي/ميري ميري
ميري/يس مدام
ام سامي /جيبي عباتي بسرعه
تلبس عباتها بستعجال وتطلع للمستشفى مع ابو سامي

يمه تكفين سامحيني والله مو انا والله اني مظلوم ولا لي يد بالموضوع كله
كان صوت علي يبكي ويحااكي امه وهوماسك يد امه يحااول يحسسهاا انه
رجع لها وانه اصلا كان مظلوم وانه رجع لهاا يحااول يبين شوقه لهاا على امل
انهاا تصحى
حطت يدها على كتفه كا محاااوله منهاا للمأساه له
مهاا/خلاص ياخوي يكفي ذبحت نفسك
كنت المره الاوله الي اشوف فيها علي يبكي دائماا قوي حتى بوفات ابوي ماشفته يبكي
كان مصدر قوتي بها الحياة تعلمت منه الكثير تعلمت الصبر واحتساب الاجر في
مصيبتي ابتعد عن المشاكل قدر الامكان كي لايمسني منها شرر أن اعطي ولا انتظر
رد الجميل لي
من جد انت انسان عظيم ياعلي
مهاا/خلاص ياعلي هد نفسك شوي
علي يمسح دموعه بشماغه/سامحيني يامهاا
مها بابتسامه/ماحصل شي ابد وانت مالك ذنب
علي ياخذ نفس/يالله يالدنيا كبرتي يامهاا
مهاا/المسؤليه ياخوي
علي/الله يعين يامهاا
مهاا/قوم غسل وريح ياخوي عندي لك سوالف وش كثر
علي وهويقوم/ان شاء الله بروح للمسجد بصلي العشاء واجي
مها /انتظرك ياخوي
طلع علي من الباب طالعت في امي قمت وقفت وقربت منهاا حطيت يدي على راسها قعدت
اقراء المعوذات وآية الكرسي ودعيت من كل قلبي ان الله يقومها بسلامه لنا ويحفظها من
كل مكروه قربت من أذانها وقلت لها تكفين يمه اصحي علي طلع من السجن اصحي يمه
عشان
خاطره ترى اشتقنا لك
رفعت راسي وطالعتها ماتحرك شي منهاا
أخذت شنطتي وطلعت من الغرفه للأستراحه عشان اصلي هناك واروح لمي اشوفهاا























فيصل
جاني اتصال من عمي ابو ساره وطلب مني اني اجيه بالبيت
وقفت السياره عند بيتهم ودقيت عليه وقال انتظره بالسياره
وقفت برى السياره انتظره والله موفاضي ابد يكفي اخوي سعد ومرته ومي سالفه ثانيه
شفته طلع ورحت وسلمت على راسه واخذت يده وركبته السياره
فيصل/أخبارك ياعم
ابو ساره/ماني بخير والسبب وانت ومرتك الي ذابهاا وتاركها هايته بالشوارع
فيصل دق قلبه/ افاا بس افااا وش فيه ياعم
ابو ساره/رروح للهيئه بسرعه طالبينا
فيصل /وش له
ابو ساره/والله زوجتك ماسكينها هناك
فيصل ياخذ فرامل قويه/شنوو ليه
ابو ساره/وش فيك بغيت تقضي علينا
فيصل /ساره بالهيئه ليه
ابو ساره/اذا الزو ج اهمل زوجته وش السواه
فيصل باحساس بأذبنب /بس اكيد ساره مالها ذنب
ابو ساره /كيف
فيصل يحاول يقنع نفسه بعذر/يمكن مالها ذنب يمكن مبتى عليها
ابو ساره/الله اعلم مدري عنهاا
فيصل ديم ماتدري عن شي مدري متى تدري عن عيالك افففففف مصيبه ثانيه
يارب تعبت
وقفنا ورحنا للهيئه ودخلنا عليهم وعرفنهم بانفسنا وقالوا لنا ايش حصل
مصيبه وطاحت فوق روسنا شفت عمي ماسك نفسه
فيصل/طيب ياشيخ انا كنت ناوي اطلقها متفق انا وهي على الطلاق وكنت بروح
السبت بكره يعني واطلق وحنا ياشيخ لناا سنه هي في بيت اهلها وانا في بيتي
الشيخ/حتى والو بما انك ناوي تطلقها طلقها بس راح تبقى فترت العده في السجن
لما تخلص عدتها وبعدها تتزوج الي انمسكت معه
ابو ساره/ابي اشوفهم ياشيخ
الشيخ /ان شاء الله
ياعسكري جب نواف ال. والبنت الي امسكت معه
انصدمواا فيصل اوبو ساره ولد
دخل نواف وشاف فيصل وابو ساره انصدم كمان انه شافهم ماتوقع ابد بدور الدنياااا
وتجمعهم مره ثانيه
دخلت ساره وهي منزه راسه ومغطيه وجهها رفت راسها شافت ابوهاا وفيصل
راحت لابوها وامسكت يده تترجاه يساامحهااا

[ღღحفيدة ملوك ღ]

علي
خلصت صلاه رحت اقرب مطعم احس اني جوعان مره طلبت وجبتين لي ولمهاا
لما وصلت المستشفى على الساعه ١٠ باليل نسيت اخذ رقم مها عشان ادق
عليها تجي نتعشى بحديقة المستشفى
اضطريت ادخل واروح لغرفة امي
مشيت بالممر الطويل اشوف في حركه مو طبيعيه بالمره كل مامريت قلبي
يعوورني بالمره
شفت غرفة امي مسكره وممرضه تدخل وممرضه تطلع استغربت شفت
مهاا واقفه رحت لها
علي /وش صاير مهااا
مها وهي تبكي /والله مدري رحت اصلي واشوف مي ويوم جيت شفتهم
مجتمعين عليهاا ومحد طمني
علي يضمها/الله يستر بس يارب استر يارب
مهاا /علي اخاف تروح تتركنااا
علي /لا ان شاء الله
علي لف وجهه بالجهه الثانيه شاف وحده واقفه قريب منهم حس انه شافها من
قبل وخر مها عنه وقال لمها عنها لفت مها وشافت مي
راحت مها لمي وقالت لها ان طلع هذا أخوي علي طلع من السجن
مي تهز راسها بنعم وترتب على كتف مها
مي ترفع يدها وتشر على عيونها وتاشر ليه
مها/امي تعابانه ولا طباء عندها
مهامنتبهه ليد مي من زمان انها ماتحركها بس مو وقته ابد
شافت الدكتور طالع من الغرفه راحت بسرعه له













نواف
ديقت على اخوي الاصغر مني المنقذ حقي وجااا وقلت له كل شي واني موافق اني راح
اتزوجها بس فترت غيابي عن البيت قول انه مسافر برى السعوديه شغل واهلي اصلا
مايهتموا
فيني
ماحبيت اقول لركان اخوي عن ماجد الكلب ايش سوى ولا حبيت اقوله عن فيصل
وابو ساره خلها بعدين واحطهم قدام الامر الواقع اهم شي عندي ساره حسبت اني احبه
ا لما حسيت
ابي بخسرها حسيت بالغيره وانا اشوف ماجد الكلب يشوفها حسيت بنار الغيره مدر
ليه وكيف
حبيتهااا مافكرت ابدا اني احب وحده كذا











رونق
اليوم طلعت من المستشفى رحت لأهل رائد عزيتهم وجلست شوي وحت لبيت امي
ولدي خالد بالحضانه باقي عليه
احس بيتنا كأيب من غير مي
شفت رهف جالسه وتلعب
ناديتها
رونق/رهف تعالي سلمي
رهف تسلم على عمتها
رونق/وين بابا
رهف بزعل /مدري عمتي من زمان ماشفته
رونق منقهره من اهمال فيصل لبنته /ماعليه حبيبتي بابا عنده شويت شغل يفضى نشوفه
رهف تهز راسها بنعم وتقوم تجلس عن العابها بصمت
رونق تتنهد من الحال الي وصله فيصل ومي وش حصل ليه صار لنا كذا
شفت امي تمشي والخدمه ورها شايله ابريق الحليب معهاا / بديناا يمه بهالحركات
ام فيصل/ايه بدينا انتي نفاس غير لازم تكوني شبعانه وتشربي الحليب دافي وبعدين
و وين الملفع الي عطيتك ليه لبستيه
رونق بطفش/ماله داعي يمه حررر
ام فيصل /يمك عشان الهوى مايعور راسك
رونق /يمه ترها خرفات
ام فيصل /لا مو خروفات قومي اشوف البسيه بسرعه
رونق ماله نفس تقوم /صوفياااا تعالي
صوفياا/يس مدام
رونق/ عطيني الشنطه الي عند عباتي
صوفياا/ان ساء الله مدام
لبست رونق الملفع بطفشالا على دخلت فيصل للبيت
جلس بطفش طبين على وجهه كارهه الحياة
ام فيصل /السلام لله يافيصل
فيصل بابتسامه بدون نفس/السلام عليكم
ام فيصل ورونق/وعليكم السلام
فيصل/وش ذا الريحه
رونق بابتسامه/حلبه وحليب تبي
فيصل/يخخخخ الله يديم النعمه بس اجل بديتي
رونق/ايه بديت الله يعين يوم أخلص الاربعين الا كبر الباب
فيصل بضحكه/ فيل قصدك
رونق/شفت كيف
ام فيصل بقلق/ عسى ماشر فيصل وجهك مايطمن
فيصل يتنهد/واش ابدى فيه مدري
ام فيصل بخوف /قول بسرعه
فيصل/هدي اول كل شي اوكي يمه والصحه بخير وطييبين ماعليمهم شويت
رضوض وكسور بس طيبين
ام فيصل بخوف قوي /سعد اخوك
فيصل يهز راسه بنعم /ايه بس طيبين ماعليهم
ام فيصل /ياويلي اوليدي وش فيه
فيصل /كسر بالساق والفخذ
وطيب ماعليه
رونق بخوف/وأمل
فيصل/والله مدري عنها قالوا انها تحت الملاحظه لمدت ٤٨ ساعه اليوم ياليل
يكمل لها ٤٨ ساعه ان شاء الله طيبه
ام فيصل /من امس وماقلت لي
فيصل /لهيت يمه بكذا شغله ولا فضيت
ام فيصل بعصبيه/ وش الي الهاك عنا وعن اخوك كل هذا شغل
فيصل بسرعه وعصبيه/انتم ماهمكم غير انفسكم ماتدرون عن احد لو يموت
وقف وطلع بسرعه لغرفته ولا حتى طالع ببنته لي وقفه تشوفه
رونق /يمه الله يهديك وش جاك عليه
ام فيصل وهي تتنفس بسرعه من العصبيه /قهرني ليه ماقال لنا عن اخوه مايكفي
الي حصل لمي بسببه
رونق/يمه هدي ترى الموضوع مايستاهل هو مايبينا نحاتي سعد شاف لماتستقر
حالته وبعدين يقولنا ويمكن جاه شغل ضروري ونساه انه يقول لناا هدي الله يخليك لنااا
رهف رهف
رهف/نعم عمه
رونق/روحي لبابا حبيبت قلبي وقولي اشتقت لك بابا
رهف/بس هو معصب
رونق/هو تعبان بس عشان كذا معصب عادي يشوفك راح يلعب معك روحي
رهف /طيب عمتي
وراحت ناظرت بامي أشوفها ساكته
مسكت يدهاا /يمه ترى هو بعد يبي احد يهتم فيه ساره مايبيها لو يبيها كان
رادها من زمان بس مايبيها يمه والرجال يبي احد يهتم فيه ياخذ بخاطره لصار
متضايق انتي الي
كنتي تقولين لي وتعلميني الحين انا اقولك الحين ان فيصل محتاج حنان
وحتاج زوجه يحبها
عشان يقدر يرتاح
ام فيصل تهز راسها بنعم في صمت

[ღღحفيدة ملوك ღ]

دخلت الغرفه بعصبيه وأخذت الفوطه ورحت لدورة المياه اخذ شور اهدي نفسي
بعده مولت شوي يوم طلعت لآأشوف رهف جالسه على السرير وتلعب بالقام بوي
حقهاا وقفت اطالعهااا احس اني اهملت بنتي لدرجت اني نسيت ان عندي بنت
اخذت نفس
فيصل/حبيبت بابا رهوووفه وفتحت يديني لهاا جت تكض وضمتني بقوه وقالت
اشتقت لك بابا
فيصل/ياقلبي يابابا وانا احبك بعد بس عند شويت شغل ماعليه ياقلبي
رهف /بابا جدتي زعلانه تحت
فيصل ياخذ نفس/الحين البس وننزل ونروح لجده ونحب راسها ونروح نشوف
عمك سعد بالمستشفى خلاص
رهف /خلاص بس البس بابا انتظرني لاتروح
فيصل يضحك /طيب انتظرك هنااا
رحت البس عشان انزل اعتذر لأمي واروح اشوف سعد خلصت لبس وجلست
انتظر رهف تذكرت الي حصل معنا بالهيئه
الحمد لله ان نواف ماطلع نذل ووافق انه يتزوجها بعد ماطلقها بكر بس عاد الله
يعينهم على السجن قلنا لمرت عمي ان ساره راحت تدرس لغه ثلاث اشهر برى
وترجع وصدقت امهااا

بابا انت حلووووو صوت رهف
فيصل يضحك وقف وشالهاا /وانتي احلا مني ليه انتي احلا مني
رهف بدلع/انا بنت وانت رجال
فيصل وهو ينزل مع الدج يضحك بصوت عالي وصل تحت ونزل رهف وراحت
لجدتها واحضنتهاا
ام فيصل /ياروح جدتهااا
رهف /جده تحبيني
ام فيصل /ايه بالله احبك
رهف /خلاص سامحي ابوي
فيصل يجي ويحب راس امه ويعتذر منها
ام فيصل /والله مازعلت يمك بس اخذت بخاطري
فيصل /ماعاش من ماياخذ بخاطر
ام فيصل يالله قومي بنروح نشوف سعد
ام فيصل بفرحه/يالله يمك قلبي متفطر عليهم والله
رونق /بروح
ام فيصل /اجلسي احسن لك انتي نفاس
رونق/يالله ادل بدق على في تجي لي
ام فيصل وهي تلبس عباتها/براحتك سلمي عليها أذا مالحقت عليها
رونق/ان شاء الله
مانتبهوا لشخص الي فرح بقوه ان العلاقه بدت ترجع من جديد بس باقي يعرف
هي تزوجت ولا لا
رفت السماعه ودقيت على في
في/مرحبا الي به الخاطر يهلي
رونق وهي تضحك/هلا فيك ياشاعره
في تضحك بقووه/انا شاعره اخطيتي بالعنوان يختس
رونق/طيب فاااضيه
في/يس فاضيه بقووه بعد
رونق/تعالي انا بيت اهلي طفشانه مرره
في دق قلبها بقوه /ووين اهل البيت موفيه مافي الا انا والخدم تعالي واقولك
وين راييحين
في /طيب جاايه بس اقول لأمي
رونق/انتظرك

[ღღحفيدة ملوك ღ]

يضرب الباب بقووه ويصرخ افتحوا الباب ناااار نااااار افتحوووا باب نااار ناار
مر واحد من جنب الباب الجناح وسمع الباب يضرب بقوه ويتكلم شخص وشم ريحت
حريق
نزل تحت وقال للاستقبال وكان عندهم مفتاح احتياط راحوا افتحوا الباب شافووو
سامي يبكي بزااويه القريبه مالباب والنار كانت قريب منه
بسرعه طلعوووه جت الا طفاء وطفووا الحريق بسرعه وجاء المبيب يشوف سامي
كان في حروق سطحيه واستغربوا رجال كبير ويسكر الباب على نفسه
تذكر موظف الاستقبال انه رجال عطاه رقمه ورقم الغرفه الي هو ساكن فيه اذا
احتاجه في شي راح ودق عليه بس مغلق حاول مره مرتين مافي فايده جلسه
بغرفه ثانيه عوضه عن الغرفه الي احترقت واعطاه اكل وجلس يحاول برقم
مره ثانيه واخيرا رد وقاله الي حصل مع سامي وسكر السماعه
طلع من المستشفى على مسؤليته خلاص مايقدر يترك سامي هنا أكثر من كذاا
راح لسفاره وشح الموضوع كامل
والسفاره وكلت له واحد يتولى امور قضيته من الى من اجرائت جثت نوره الى
سلمان وصور اخته واتستر على الفضيحه وانهم راح يحلو الموضوع بمعرفتهم
وقالوا بالكثير يومين ونخلص امور الجثه
وتسافروا لسعوديه ارتاح تركي من المهم وراح للفندق وشاف سامي نايم وشكر
مسؤلين الفندق كثير وتاكد من الجوزات انها بصندوق الامانات الحمد لله انه
بصندوق الامانات ولا احترقت مثل ماخترق كل شي في الغرفه



























مواقف
*موقف حبيتوه؟
*موقف ماحبيتوه؟
*موقف حزنكم؟
*موقف اعجبكم؟
*موقف فرحتوا فيه؟
*موقف تترقبونه بشده؟



توقعاتكم
*ام علي وش صار عليها؟
*مي وعلي؟
*نواف وش يبنه وبين ابو ساره وفيصل؟
*في ايش راح يصير عليهااا اذا جت بيت فيصل؟
*سامي وتركي هل بيرجعون لابتحصل لهم مشكله؟
*ام سامي أذا سمعت بالي حصل لسامي موقفهااا؟

[ღღحفيدة ملوك ღ]

البارت السادس عشر,,


علي
شفت مها وقفت مع البنت وتسولف معهاا شكلها تعرفها احس مرت علي من
قبل ماحبيت اطالع لفيت وجهي على الباب وانتظر الاطباء يخرجون ويطنونا على
امي يارب
قومهاا بسلامه يارب
شفت الدكتور طلع تو بسأله شفت مها تساله قبل حسيت وش كثر هي
مهتمه بامي انتبهت لكلام الدكتور وهو يقول حمد لله على سلامتهاا وانتبوا
لاتضغطون عليها كثير
وانتبه لعلاجها وانه راح يرجع يشوفها بعد ساعتين ضمتني مهاا بقوه
مها وهي تبكي/ماصدق ياعلي اناا ياست انها بتصحى مره ثانيه
علي وهو يبكي بصمت/حتى انا يامهاا يا أصدق الحمد الله يارب وخر مها عنه
شوي وسجد سجدت شكر ومها سوت مثل أخوهاا

كانت واقفه عشان تشوف وش صار على ام مها وش صار عليهاا شافت مها
تضم اخوها قالت اكيد صار لها شي بس لماشافته يسجد اعرفت انها بخير
ابتسمت وهي
تشوف مها تسجد جنب اخوهاا عفويه ذا البنت الله يرزقها ويوفقها شافته
قام من سجدته
ولف تلقائي
عشا يقوم وشافهاا نزلت عيونها على طول ووقفت على الجدار ماتبيه
يشوفها تطلع فيه
مها وقفت/علي علي
علي لف لمها /نعم
مها بفرحه /بروح اشوف امي واتطمن عليها وامهد لها انك طلعت من السجن
علي يهز راسه بنعم وتفكيره بالي واقفه بعيد شوي ومها نستها
دخلت مهاا الغرفه لف عشان يشوفها بس مافي اي اثر لوجودها مشى بسرعه
لأخر الممر يشوف يمكن يحصلها شاافها بعد الفه تمشي منزله راسها وشكلها
تفكر لانها
ما انتبهت لرجال الي تعمد يصدم فيها لما شافها مو منتبها لان الممر طويل وهو
لحظ انها تفكر وحب
يتحرش فيها وتعمد يصدم فيها حاول يسرع عشان يوقفه عند حده لما شافها طاحت
على الارض
من قوة الصدمه وحااول انه يمد يده عشان تقوم محاوله منه انها يلمس يدهاا بس لما
مديده شاف يد تمسك يده طالع الشاب بصاحب اليد الي وقفت يده وشاف رجل
من رجال الامن
بس الشر يتطاير من عيونه
علي بغضب مكبوت/ خير يالاخو
الشاب/مافي شر بس الاخت هي سوت نفسها طاحت وتبيني اساعدها
علي وهو يضغط على اسنانه /بس انا شفت العكس تبي بقس عشان تعرف من
الي يتعمد يسوي ذا الحركه
خاف الشاب/خلاص خلاص انا الغلطان وراح
شافته وقف فوق راسها بعد ماراح الشاب ماتقدر تتكلم عشان تشكره
رفعت عينها له شافت ظهره توقعت الغير انقهرت يعني مستخقرني
سمعته يقول قومي يامي عشان اوصلك لغرفتك
كيف عرفني طاالعت بيده الي ممتده على جنبه لفت لنتبهها يده كيف ضاغط عليها
بقوه لدرجة تشوف مفاصل يده بيضاء من قوة الشد عليها
وقفت بصعوبه من يده توجعها ماتعرف كيف تتصرف بس قال لها امشي قدمي
بمشي وراك لماتوصلي لغرفتك
انقهرت يعني شاك فيني ولا ايش وقفت وهزيت راسي بلا وقف وقال/امشي
هزت راسها بلا
عصب مره بزر وتدلع مسكها من يدها الي توجعهاا من فوق بعصبيه/ترى موفاضي
لك انتي ودلعك بسرعه وين غرفتك

[ღღحفيدة ملوك ღ]

فكت يدها بسرعه من يده
علي بعصبيه/ماتسمعين انتي وين لسانك ولا انطرمتي
بكت بصمت ولفت راسها بلا مره ثانيه ماتقدر تدافع عن نفسها وتقول شي مربوط
لسانها
علي بعصبيه وتهور /والله ماهميتيني ولا حركتي فيني شعره وكله عشان فيصل
ومهااامشي قدامي لغرفتك بسرعه
مشت وهي تحس نفسها ضعيفه مره ماقدرت تاخذ حقها منه حست نفسها
منكسره بالمره خلاص مراح تجلس بالمستشفى اكثر من كذا
وصلت الغرفه وفتحت الباب ولفت تشوفها شافته واقف بعيد شوفها حست شي
من نظرته لها بس مافهمتها بس مراح تعديها له بتاخذ حقهااا منه دخلت وسكرت
الباب بقوه
وقفت ورى الباب وقعت تصيح بقوه وجلس على الارض تذكرت خالد بكت بقوه
وفيصل الي
ماخذ فكره شينه عنها وهذا اخو مهاا الي طلع بحياتي اجل انا ماأخرك شعر
فيك اصبر علي وتشوف
راحت لجوالها اكتبت رساله لرونق وقالت لها ماتبي تجلس اكثر من كذا
بلمستشفى تحس نفسها طيبه وبخير ارسلت لها بقول لفيصل ويجيك
أكملت يارونق فيصل ناقصه اناا بعد
قمت اجهز اغراضي عشان لمايجي فيصل اكون جاهزه
















مها
دخلت غرفت امي شفتها تطالع السقف سكرت الباب بهدؤ تام عشان مابي اخرعها
مشيت لسرير ووقفت عنده مديت يدي ومسكت يدها ضغطت على يدي شفت

دمعهتا على خدها مسحتها بسرعه
مهااوهي تبكي/لا يمه لابكين يالغلا لابكين يابعد روحي
ناظرت ام علي بمها بصوت مبحوح/علي يامها سمعت صوته
مهاا وهي تمسح دموعها /موجود يمه ابشرك طلع من السجن
ام علي بفرحه رغم التعب/صادقه يامها ولا تكذبين علي
مهاا /برحو انااديه يمه وبجي
ام علي/انتظرك يمه

طلعت دورت عليه ملقيت له اثر معقوله حلم لالالا انا متاكده انه فيه يارب
لايروح بعد مالقيته
دورت عليه رحت امشي بالممر بسرعه لفيت شفته جااي يمشي وهو
سرحان مو منتبه للي حوله
ناديت عليه علي
ناظر فيني حسيت فيه شي / هلا مها
مها /وينك ادور عليك
علي /قريب هنا
مها/يالله امي تبيك
مشينا مع بعض مدري حسيت علي فيه شي
حاولت اسولف معه
مها /تخيل امي كانت تسمعناا
علي/وش دراك
مها/هي قالت مها علي سمعت صوته وش يد ل عليه
وصلنا وهو ساكت أخذ نفس وطالع فوق حسيت شي فيه مخرب فرحته بامي
بس مدري شنو
فتح الباب وراح لسرير امي سكرت الباب بعدنا شفته يمسك يد امي ويحبهاااا
وبكي من كل قلبه حسيت بشعووره
علي/يمه سامحيني يالغاليه
ام علي وهي تضمه لصدرها/ماسامحتك يابوي اهم شي انك رجعت لنا سالم
علي/الله يجزاه خير الي ساعدني يمه ادعي له
ام علي/الله يوفقه ويبعد عنه عيال الحرام ويفتح له باب رزقه يارب
علي وهو يجلس على الكرسي القريب /تدرين منهو يمه
ام علي/لا والله ياوليدي
علي وهو يطالع مها الي واقفه عند راس امها ويبتسم/سامي ال
ام علي/ايه الله يوفقه ياوليدي والله ماذكر احد بذا الاسم
مهااا بفرحه داخلهااا تحاااول تخفيها/يمه الي ساعدنايوم نروح لشرطه ذكرتي
علي وهو يشوف الفرحه بعيونهاا وتحااول انها ماتبين بس نغمت صوتها بينت
الفرحه ولمعت عيونها تنهد وتذكر موقفه مع مي كيف نسى انها ماتتكلم يالله كل
مال الامور
تتعقد يارب رحمتك
لف لأمه الي طالع فيه بصمت وابتسم لهاا عرف انها حست ان فيه شي حااول
ماينااظر فيها شاف مها وقفه على الشباك وسرحانه
علي/تحسين بشي يمه
ام علي/شويت تعب وبيروح
علي/تبين تناامين
ام علي /اي والله ياوليدي بنام بس عدل لي السرير
وقف علي وعدل السرير وحط عليهاا الشرشف ولف يشوف مهاا على وضعهااا
قرب منهااا وحط يده على كتفهاا
انفزعت دليل انها سرحاانه بعالم ثاني
مهاا وهي على وضعها ماتبي علي يشوف دموعها/شنو علي تبي شي
علي وهو يضغط على كتفهاا/لا بس ترى امي نامت انتبهي لها واي شي دقي علي
مهاا بصوت مكبوت /ان شاء الله
تنهد وطلع يشوف له حل بمي وسالفتهاااا

[ღღحفيدة ملوك ღ]

دخلت عليهااا شافت كيف موصلين الاسلاك فيهااا باقي عليهاا صغيره ليه الدنيااا كذا
باقي ٦ ساعات وتتعدى مرحلت الخطر
قربت منهااا مسكت يدهااا بكيت لو بيدي فديتها بعمري وعوضتها عن الي قصاااار
مني تكفين امل انا امك اصحي راح اعوضك عن الي فات اوعدك بس اصحي ارجعي
امل الي
دائما مبتسمه الي دائما تحب تساعد الغير مسحت ادموعهاااا وبابتسامه ابشرك
امل لقيت
مهاااا وتعذرت منهااا وقبلت اعتذراي عشااني انا وابوك وسامي اصحي وسعد
نسيتيه زوجك
وحبيبك ينظرك ويسال عنك اصحي لاتتركينااااا لاتتركيناااا ابداا
ناظرت بعيونهااا شافت انها تحركها تحاااول تفتحهاااا وتنادي اسم بس بصوت
خافت بالمررره حاااولت تسمع بس ماقدر طلعت برى تناادي الممرضه تشوفهااا
ام سامي تشوف ابو سامي برى قالت /تحركت يابو سامي تحركت حست في
ابوسامي بفرحه/الحمد الله والشكر لله
وين رايحه
ام سامي وهي تلف له/بروح انادي الممرضه
ابو سامي/لا انا بروح انت اجلسي
ام سامي جلست على الكرسي وتدعي ربها يقومون بسلامه
شافت الممرضه ومعها الدكتور جاايين وقفت بس ادخلو للغرفه شافت ابو سامي
جاي يمشي تحس فرحته ناقصه اكيد عشان سامي ماكلمه من سافر غريب امرك
ياسامي وش غيرك معقوله نوره السبب انك ماتدق وتتطمن علينااا شي
يحير بصراحه
جلس ابو سامي جنب ام سامي
ام سامي/تفكر بسامي يابو سامي
ابوسامي/وفي غير العيال افكر فيهم
ام سامي/حجت الغايب معه يابو سامي
ابو سامي والله مادريتي عن الي حاصل كان انهبلتي/الله يفرجهاا يأم سامي
خل اول نتطمن على امل وبعدين نشوف
ام سامي /على خير يابو سامي
طلع الدكتور وطمنى عليها وانهم راح ينقلونهاا لغرفه ثاني بعد ساعه
من التحليل والفحوصات
ارتحناااا
لف ابوسامي على ام سامي وقال/
ام سامي
ام سامي/يالبيه يابو سامي
ابو سامي/ترى سامي بيرجع قريب
ام سامي بفرح /الحمد الله يعني كلمك
ابو سامي بحزن/لا تركي هو الي كلمني
ام سامي بخوف/ليه تركي
ابوسامي/لأنه عنده هناك
ام سامي بخوف أكثر/كيف
ابو سامي بداء يسرد عليها القصه انتبه انهااا ساكته ماقالت شي هو
مايشوفهااا لان عليها غطاها بس لمس كتفها وطاحت عليه
نادى على الممرضات واخذوهااا من عنده



















سعد
صحيت شفت امي عندي يالبى قلبهااا والله وفيصل اخوي واسندي جعلني
ماذوق يومه
فيصل باستعجال/حمد الله ع السلامه
سعد/الله يسلمك
فيصل/برجع لكم بس عندي شغل وراجع
رهف تروحين ولا تجلسين
رهف بجلس عند جده وعمي سعد
وطلع راجع للبيت عشان يستقبلها مثل قبل
ام فيصل/كيفك يمه ان شاء الله احسن
سعد /بخير يمه بس ظهري يوجعني شوي
ام فيصل/يمكن من اثر الحادث
سعد /يمكن يمه أخباركم انتم اشتقت لكم
رهف بلقافه/عمي سعد عمتي رونق معهاا بيبي صغير بس ماشفته
سعد متفااجئ/كيف
ام فيصل بابتسامه تقوله على الي حصل بغيابه من ولادة رونق لوفات خالد الي
حزن عليه كثير انه خسر اخو له وقالت له عن تصرف فيصل لمي واايد فيصل برايه
في أختيار علي زوج لمي وانه راح يتصرف مع مي
ام فيصل/مالكم دخل ببنتي أذا مت سوو الي تبونه
سعد/يمه بنتك اكيد مسويه شي
ام فيصل/مثل ايش حرام انها حبت مثلك
ايش سوت ماسوت حرام
سعد يمه حناا مومعترضين على الحب حناا شفناا موقفهااا ليه قالت خالد لالالا
وانطرمت بعدهااا اكيد في شي اكبر من الحب ولا ليه ترفض الي يتقدمون لهاا كل
واحد احسن
من الثاني وخالد زوجته الله يرحمهم كلهم ميت من ٥ سنين او اكثر ليه ماجهااا
وخطبهااا
ام فيصل وكأنها اقتنعت /خلاص سوو الي تشوفونه
سعد/انا بحاول اشوف وش تقول ومراح نظلمها وعلي يمه ونعم الولد كان زمينا
وماشفناا منه شي بالعكس تطمني يمه فيصل مايسوي شي الالماا يفكر فيه مية مره
ام فيصل /الله يكتب لي فيه خير
سعد/يمه ماشفتي امل
ام فيصل /لا والله وانا امك بروح اشوفهاا الحين
سعد /أخذيني معك
ام فيصل /انت تعبان يمك والدكتور بيجي الحين يشوفك
الدكتور/السلام عليكم ورحمة الله وبركاته
سعد/وعليكم السلام
ام فيصل طلعت هي ورهف يشوفون امل
الدكتور/كيفك ياسعد اليوم ان شاء الله زين
سعد/الحمد الله بس ظهر يوجعني
الدكتور بتردد/اسمعني زين ياسعد انا شفت ملفك انت وزوجتك وعندي لك خبرين
واحد زين واحد مدرين كيف ابلغك فيه
سعد بخوف /عسى ماشر يادكتور
الدكتور/زوجتك قامة بسلامه وتو جاي من عندهاا وهي الحمد الله اكتشفنا
ان موجود عندها كيس حمل بس تووه باول ايامه يعني بي اقل شي ٣ اسابيع
لما بين
الكيس والجنين
سعد بفرح /الحمد الله يارب اي تونا يادكتور مالنا متزوجين الا ١٠ ايام
بس او اقل
الدكتور/مبروك بس قلت لك مو أكيد ولا راح يبين الا بعد الااقل
شي ٣اسابيع او شهر
سعد /الله كريم والخبر الثاني
الدكتور بحزن/الضربه الي بظهرك اثرت عليك وماتقدر تنجب مره ثانيه
سعد بصدمه /شنو تقول
الدكتور/شوف في امل بالعلاج لكن ٣٠في الميه
سعدبحزن /دكتور ممكن طلب
الدكتور /امرني
سعد/مابي احد ياخذ خبر اين كان بيني وبينك بس
الدكتور/ان شاء الله بس خل املك بالله كبير
سعد/ والنعم بالله والنعم بالله

[ღღحفيدة ملوك ღ]

ام فيصل راحت للكونتر تشوف غرفة امل وبلغها انها صحت وانقلوهاا لغرفه
ثانيه أخذت رقم الغرفه وراحت تشوفهاا وتتطمن عليهاا
ام فيصل وهي تدخل /السلام عليكم ورحمة الله وبركاته
امل بصوت مبحوح/وعليكم السلام هلا خالتي
ام فيصل وهي تحب على راس أمل/طالعه من الشر يمك ماتشوفين شر
امل/مايجيك الشر خالتي
ام فيصل/اخبارك تحسين بشي
امل/تعب عادي خالتي بس كيف سعد ان شاء الله طيب
ام فيصل وهي تشوف يد امل مجبسه /ماعليه ان شاء الله طيب كيف يدك
امل/ماعليه شويت ثقل عشان الجبس واعطوني تو مسكن للألم
ام فيصل/حمد الله على سلامتكم
امل /الله يسلمك خالتي سعد عسى ماتعور خالتي
ام فيصل /كسور بس
امل بخوف/وين خالتي
ام فيصل وهي تشوف الخوف بعيون أمل /بفخذه والساق
امل/توجعه ياخاله
ام فيصل /تعرفين سعد صبور مايقول شي
امل/ابي اشوفه خالتي
ام فيصل /ريحي اليوم وبكره اخليك تروحين تشوفينه
امل /بس خالتي
ام فيصل تقاطعهاا/خلاص بكره انتي توك صاحيه من غيبوبه وتعبانه ريحي اليله
وبكره تشوفينه
امل بحزن /طيب على أمرك خالتي
ام فيصل /المشكله لازم مرافق معك
امل/مايحتاج خالتي
ام فيصل/لا يحتاج البنات مايقدرون بدق على امك
امل/شفيهم البنات خالتي
ام فيصل قالت لها ان رونق ولدت وان اخو زوج رونق توفى وان مي تعبانه
وبالمستشفى ثاني منومه
ماحبت تقول لها ليش تبي الستر لبنتها
دقت على ام امل ماردت
امل /خالتي انا سمعت امي وانا بالغيبوبه وهي تكلمني والله حسيت فيه
سمعت نل كلمه قالتها اصلا انا كنت يعني بين الصحوه ولا عشان كذا سمعتها
ام فيصل/يعني بالمستشفى اكيد
امل /اكيد بس مدري وين ياخالتي
ام فيصل /بدور عليها بس انتبهي لرهف شوفي النوم جهااا خليها تنام
على الكرسي الكبير
امل/لا تشيلين هم خالتي
ام فيصل /رهف يمه تعالي نامي هنااا بروح شوي واجي خلاص
رهف بنعاااس/طيب جده
راحت ام فيصل تشوف ام سامي وين





























فيصل وقفت السياره بس بعد فوات الاوان مالحقت عليهااا شفت طيفها
وهي تنزل وتدخل جوى وسيارة السواق تمشي يالله وش ذا الحظ ايش
اسوي فكر يافيصل فكر
دخلت الصاله بسرعه كاني مستعجل شفتهم جالسين بالصاله سمعت
صرخت رونق /فييييييييييصل ارجع عندي ضيوووف
فيصل رجعت بس بعد ما مليت عيني فيهاا جالسه يالبى الطول والله و
الله ماذبحني غير عيونهاااا ناااديت بصوت عالي على رونق عشانهاا
رونق معصبه/وش عندك مدرعم كذا مافي استأذان
فيصل بأبتسامه/ماحصل شي
رونق/كيف ماحصل شي وش عندك جاااي
فيصل توهق/نسيت اوراق فوق
رونق/ايووه تعال ليش ماترد على الجوال
فيصل /مادقيتي
رونق/لا والله داقه وش كثر شوووف جوالك
فيصل يطلع جواله ويضرب جبهته /اوووه نسيت على الصامت
وش عندك داقه
رونق/
مي ارسالت لي رساله ماتبي تجلس بالمستشفى تقول تعالواا طلعووني
فيصل/طيب بروح اطلعهااا الحين
رونق/فيصل والاوراق
فيصل/بعدين بعدين
رونق/
فيصل بشويش على مي لا تكدرهااا
فيصل /طيب روحي لضيوفك
رونق /يالله لاتتأخر على مي ننتظرها انا وفي وهي تغمز له
فيصل ضحك ومشى راايح لمي وومواجهتهاااا