رواية أسطورة القسوه والحب أذا هذا معي طبعك أجل وش حال اغرابك كامله

[!همس الحب!]

جاسر بابتسامه حلو ه : والله ماحكيتيلي انها صاحبتك

معتز : صارت زوجتى ,,,يعني لاعاد اسمعك تقولي صاحبتي ,,,,,,,,

جاسر : هههههههههههههه اديم وهي تحط يدها ع خصرها : هييييييييييييييي انت تراي اعرفها من الروضه

معتز يبي يعقدها : انا قلت لها تقطع علاقتها فيك من اليوم ,,,,,,,هههه

طاح جاسر من الضحك ع شكل اديم الي وقفة وهي معصبه : انا الي مابي اعرف زوجتك يابايييييييخ

معتز وهو يحط رجل ع رجل : يكون افضل ,,لانه مايسعدني وجودك بحياة زوجتى

نطت اديم ع معتز ولكمته ع بطنه وقالت : بدري عليك اتركها لك والله اخرب بينكم انت ماعرفتني كويس

معتز وهو ماسك بطنه ويضحك : لا والله انا اعرفك كويس بس كنت ابي زوجك يشوف حقيقتك

عضت اديم ع شفتها الي تحت والتفتت ع جاسر الي كان يطالع فيها وهي ناسيه انه موجود من كلام معتز

الي عصب بها ومالقيت ترقيع للموضوع الا انها تروح لجاسر وتحشر نفسها بجانبه ع الكنب وتمسك

ذراعه بيدينها الثنتين وتطالع في معتز بدلع وتقول : اساسا انا عاجبته بكل شي

والتفتت ع جاسر وقالت : صح كلامى

جاسر وهو ضايع مع عيونها ودلعها قال : لا والله انا احب البنت الناعمه ,,,والتفت ع معتز قال : والا ايش رايك

معتز ,,,,,,,,,,,,معتز عاد جته من الله قال : والله انى ماادري كيف متحمل خشونتها ياخي ولد مو بنت

ضاق صدر اديم من كلام جاسر وكلام معتز ولاول مرة تنسحب من موقف في حياتها وماقدرت غير انها

توقف وتطلع من الصاله ركض ع غرفتها وهي متضايقه
^
^
^
^
^

[!همس الحب!]

^
^
^
ج2

معتز بصوت عالى : اوووووووووخس اديم زعلت ههههههههههه والله منت سهل الي غيرة كل الي انا كنت

ابنيه طول السنين الماضيه

جاسر الي عجبه تغير اديم وانها صارت تزعل مثل البنات قال : خلاص معتز خف عليها شوي

وروح راضها وخلها تجي

معتز : اسمع يالحبيب البيت مافيه غيرنا وحتى لو الوالده جت فهي ام زوجتك يعني خذ راحتك

وروح راض زوجتك ,,,,,,,,,,,,,,وكمل ,,,لان عندي مكالمه مهمه مع المدام

جاسر : معتز ايش هالحكي انا وين الاقيها

معنز : الدور الثاني ثالث باب يسار ,,,,,,,,,,,,,,,وترا ماعندنا مصعد يعني الله يعين رجولك

جاسر وهو يوقف : وانا اقول اديم من وين جايبه الخشونه ,,,,,,,مسكينه مضلومه معك

وطلع من الصاله وهو يقول : ياولد (عندنا يقولوها لما يبي ينبهو اهل البيت انهم موجودين )

كانو الخدم كلهم مع ام معتز بالفندق ,,,,,,ومالقي حد يناديها وبالاخير طلع للدور الثاي وراح للباب

الي قاله عليه معتز وفتحه وكان مومقفل ودخل وشاف اديم واقفه عند المرايه وبعصبيه تفك الكلبسات

الي بشعرها وترميهم بالارض ,,,,,وكانت قمة بالفوضى

سمعت اديم صوت فتح الباب ووصلها عطر جاسر وعرفت انه هو وكانت ودها تحضنه الي لاحقها يراضيها

الأن الي اتعودته منه قبل انه بس يزعلها تجلس يومين ماشافته وحاولت تبين طبيعيه وكنها موداريه من الي دخل

جاسر وهو يمشي لها : زعلانه حبيبتي

التفتت اديم وقالت : لا تكلمنى ,,,,,,,,,,فرب لها جاسر وحط يدينه ع زنودها ولفها له

اديم وهى تحرك كتوفها يعني فكهم : لاتلمسنى ,,,انا مخاصمتك

جاسر بنظرة شوق عرفتها اديم قال : حبيبتي تزعل منى ,,,,,,,,,,تعالي اراضيك وحضنها ونزل وجهه

لوجهها وقال : ايش يرضى زوجتى ,,,,,ودخل يده في شعرها الي فكته من التسريحه

اديم وهي دايخه معه وعارفة انها مستحيل تقاومه : أي عورتني في شعري الي كله سبراي

جاسر وهو يسحب يده مصدق : ماعليش ما انتبهت

استناست اديم انها قدرة تلعب عليه وقالت : خلاص انا بسامحك ,,,,

جاسر : حبيبتي انتى ,,,,,,,وسحبها من يدها وقال: تعالي ابيك ,,,,,,,,,,,مشيت اديم معه لحد ماجلسها

ع كرسي طاولت الزينه وقال :تعرفي ايش كنت اتمنى ,,,,,,,,,,اديم : لا

جاسر : انى اشيل كل هالصباغ الي بوجهك ,,,,احبك بدونه ,,,,,,,,,,,,,,والتفت ع الطاوله وقال : بايش

تشيلونه انتم

سحبت اديم التونك المخصص لتنضيف الوجه وقربت القطن وقالت : بهذا وكانت تبي تبدا تشيله

لكن جاسر قالها : لا انا ابي اشيله لك

وخذا القطن وجلس يحط عليه التونك ويمسح وجهها بنعومه ,,,,,,,وداخل اديم كانت مستغربه

وين كانت كل هالرقه من قبل ليش توه يبينها لها ليش حرمها منه

خلص جاسر من شغله ولكنه ماتقنه ودخل الالوان ببعض وجلس يضحك عليها فتحت اديم عيونها

ع صوت ضحكته وطالعت بالمرايه وشافت كيف الكحل ولون الشدو نازل وطالع بوجهه

اديم : هههههههههههههههههههههههههه وجاسر : ههههههههههههههههههه

في هالحظة دق باب جناحها ردت اديم من بين الضحك : اتفضل

ام معتز وهي تشوف جاسر بالغرفة وشكل اديم الملخبط قالت : سامحونى ماكنت اعرف انو جاسر هنا

بس استغربت صوت الضحك وانا طالعه الدرج

جاسر : هههههههه انا الي اعتذر الي طلعت فوق بدون وجودك

ام معتز بحب : لا ياولدي البيت بيتك ,,,,,,,,,,,وناظرة باديم وقالت باستغراب : ليش وجهك كذا

اديم :هههه خالتو جاسر كان يزيل ميك اب وجهى لكنه فشل وشوفي النتيجه هههه

ام معتز وهي تسكر الباب : ههههههه الله يديمها عليكم ,,,وطلعت بادب

جاسر : يالله حبيبي انا طالع ,,,حتى تاخذي راحتك مع خالتك تامري شي

اديم وهي توقف : سلامتك ,,,,,,,,,,,,,,باسها جاسر ع خدها الملطخ وطلع ,,,,,,,,وتركها واقفه

وهي بقمة سعادتها ,,,,,,,,,وبعدها راحت للحمام تتسبح وتغسل شعرها الي كله سبراي

ولبسة بيجامه مريحه وراحت تنام عند خالتها الي كانت تصلي الشفع والوتر وتدعى الله يوفق غادة

وعند غادة الي دخل سلطان يتسبح وجلست تكمل اكل وبعدها راحت تغسل يدينها

ورجعت للصاله وجلست تقلب بالتي في وبنفسها ايش يسوو تحت اكيد مبسوطين ,,,,,,,,,,

قطع عليها صوت سلطان الي جاي من الغرفة وهو لابس بيجامة نوم فضي ,,,,,,,انذهلت غادة

ع شكله وخصله من شعرها طايحه قريب من خده وبنفسها اوكى هو جنتل بالثوب لكن بدونه خطييير

سلطان الي قرب لها وجلس بجانبها ع الكنبه وحط يده ع خصرها وقربها له قال : وحشتك

غادة انحرجت ماتعرف ايش ترد وبنفسها لوتدري بايش كنت افكر كان ذبحتني ههههه

سلطان : وهو يطالع فيها اليوم توترك غريب ,,,,,,,,وقرب راسه لها وباس خدها وقال : للحين متوتره

غادة وهي دقاتها متسارعه : لا عادى ,,,,,,وبعد كلمتها وقف سلطان ومد يده لها وقال : طالما عادي تعالي

للغرفة مررررره تعبان ومابي اسهر

خافت غادة من الغرفة لكنها مسكت يده ووقف معه وهي تقول : لكن انا مافيني نوم

سلطان: ههه ياشينكم يالبنات اذا حسستو زوجكم ,,,انه انسان همجي وراح يتعامل معكم بشراسه

وكمل وهو يمشي فيها ,,يعني انتى خايفه اخذ منك شي انتى ماتبيه ,,,لا قلبي احنا معانا العمر كله واتاكدي

عمر سلطان مايجبرك ع شي ماتبيه ,,,,,,ارتاحت غادة ع كلامه

ودخلو الغرفة وخفف الاضاءه وغادة واقفه وانسدح سلطان ع السريروقال : تعالي ليش واقفه

غادة وهي تشيل الروب وتروح للجهه الثانيه قالت : نراك وعدتني

نام سلطان ع جنبه المقابل لها وقال : تعالي انا اذا قلت كلمه مااغيرها ,,,,,,وسحبها لحضنه وكمل ,,,

خلي استمتع بقربك ونومها بحضنه وجس يلعب بيدنها ويسالها عن جامعتها وبعدها صار يلعب

بشعرها ويسالها عن اخوانها وبعدين باس خدها وهي كانت منسجمه معه ع الاخر ولا حست بنفسها

الا وسلطان يبوس شفايفها ــــــــــــــــــــــــــــــــــــــــ وضاعت غداة مع رومانسيته

صحيت غادة ثاني يوم وهي بحضن سلطان واتذكرة الي صار البارح وانحرجت ورجعت تسوى نفسها

نايمه ,,,,,,وبعد شويات صحى سلطان وكانت الساعه 10 وطالع بغادة وقال : غدو ,,,,وجلس يبعد شعرها

عن وجهها وكمل ,,,غادة يالله اصحي

غادة الي متفشله وماتبي تقوم غطت نفسها كويس وقالت: تعبانه ابي انام لوووووووووووول

سلطان الي نزل من السرير : انا بدخل اتسبح ولو طلعت ومالقيتك صاحيه ترى برجع انام معك

طنشته غادة وكنها نايمه واول ماسكر الباب جلست بسرعه لكن صدمتها لما سلطان فتح الباب وقال : كنت ادري

انك مو نايمه هههههههه

ورجع للحمام وغادة الي انكشفت لعبتها ع سلطان من اول يوم جلست تضحك بينها وبين نفسها ,,,,,,,

وقامت من السرير وبنفسها باخذ ملابسي واتسبح ع السريع بالحمام الثاني قبل يطلع وينفذ تهديده

[!همس الحب!]

وخلصت شور ع السريع وراحت للغرفة وبسرعه لبسة بدله مرتبه وبدت تتضبط

طلع سلطان وكمل لبسه وهو يتكلم معها ويضحكو مع بعض وبعدين طلبو الفطور وع الساع 11 ونص

بدا سلطان يتقرب لها وعرفت غادة انو كل مقاومتها بتفشل قدام رومانسيته وعناده واستسلمت له

وع الساعه وحده كانو طالعين من الهوتيل ومتوجهين لبيت ابو سلطان لانه عامل لهم غداء

والمغرب بتكون رحلتهم ع فينيسا

كانت غادة مبسوطه مثلها مثل أي عروسه اتزوجة الشخص الي تبيه





ثاني يوم للزواج سلطان اتصل جاسر علي اديم الساعه 10 وقالها تجي للبيت لان اليوم عندهم غداء لسلطان وغادة

الي بيسافرو المساء

استعدت هي وخالتها وطلعو مع السواق لبيت الجاسر بعد صلاة الظهر ,,,,,,,,,,

وكانت نورة وهديل وعمات سلطان وبناتهم موجودين ومن ظمنهم الجوهرة وبنتها لمى الي بلغتهم

بخبر خطبتها والكل بارك لها ومن ظمنهم اديم

وعلى الساعه وحده ونص وصلت غادة وسلطان الي كانت السعادة باينه بعيونهم ,,,,,,,,,,ارتاح ابو سلطان

لانه شاف السعاده بعيون اولاده ,,,الي حرمهم منها باختياراته الفاشله في زواجاتهم الاوله

مر الوقت حلو عند غادة الي كانت اديم تعرفها ع الموجودين وع الساعه اربع العصر اتصل سلطان

ع غادة وطلب منها تتجهز لانهم بيطلعم للمطار مباشره

رحت غادة لامها وقالت : ماما سلطان يبينا نطلع للمطار

الام بابتسامه : اوك حبيبتي انا الحين اقول للسواق يمشي خلفكم بالشنط حقتك وبالنسبه

لاغراضك الي بالهوتيل بطلع بنفسي اجيبهم ,,,,,

غادة : انا خذيت معي شنطة الميك اب ومابقي الا الفستان وبعض الشغلات الي مومهمه في السفر

الام : اتطمنى حبيبتي وباستها ,,,,,,,,,,,,,وودعتها ,,,,,,,,,,,,,,

جت اديم ونورة وودعو غادة الي راحت للمدخل الي كان سلطان ينتظرها فيه

ابتسم لما شافها وقال : ماتبي نمر الهوتيل ساعه وغمز لها

غادة الي انحرجت قالت : يوووووووووه منك

سلطان : ههههههه فديت الخجل ,,,,,,وسحبها من يدها وقال يالله حبيبي ترا بنتاخر ووتروح علينا الرحله

وبعدها نصير مضطرين نرجع للهوتيل

غادة ماردت عليه لانها كانت منحرجه من كلامه وبنفس الوقت تدعى ان الله يتمم عليها سعادتها

رجعت ام معتز لبيتها وجلست اديم مع عائلة الجاسر ومر اليوم حلو وباليل راحت لجناحها

وماكان جاسر موجود واحتارت تتصل عليه او لا ولكنها شافت انو ماله داعي تبين ملهوفه عليه

وهي الى مقنعته انها بتحاول تتاقلم عليه

على الساعه 12 وصل جاسر وكانت اديم جالسه بالصاله تتفرج ع التي في

جاسر : مساء الخير

اديم وهي تلتفت عليه : اهلاً

جاسر وهو يجلس جنبها : وحشتيني ,,,,,,وسحب يدها وباسها

اديم تحاول ماتبين شوقها له : ليش اتاخرة موعادتك تسهر بالرياض

جاسر : اصحابي بالرياض طلبو منى اتعشاء معهم واسهر ,,,وماحبيت اقولهم لا ,,,,,,ورجعتلك

وانا كثير مشتاق ,,,,,,,,,,,

اديم : مشتااااااااا,,,وكانت تبي تتريق عليه لكنه قطع كلامه لما وقف وشالها وقال : تعالى تعالى واتركي

عنك الزعل ,,,,,,والله واحشتني

ودخلو الغرفة وسكر الباب خلفه ~~~~~

صحيو ناثي يوم وودعو اهلهم وطلعو للمطار ورجعو لباريس

وعند اسماء الي رجعت يوم الاحد للرياض وكان سلطان مسافر من يومين واستقبلها عمها ونادر وهديل

وولدها خلود احر استقبال ومرت الايام وسلطان يكلمها كل يوم بعكس قبل لما كان يسافر كانت هي الي تتصل

عليهواذا مااتصلت كان يجلس ثلاث ايام مايتصل عليها وكانت مستغربه تغيره تجاهها وبنفسها <رب ضارةً

نافعه >>
وعند غادة الي كانت عايشه شهر عسل حقيقي مع سلطان الي كان عملي في تصرفاته اغلب الاحيان لكن

في بعض الاوقات كانت تكسر جموده

في اول الايام كانت تتضايق لان سلطان يكلم اسماء كل يوم لكن بعد فتره اقنعت نفسها انو المفروض تفرح

لانه اهتم في زوجته الاوله وماظلمها ونسيها فا اكيد انه راح يكون عادل معها هي كمان ومستحيل يظلمها

في الايام الجايه

رجعو بعد اسبوعين وكانت اسماء تحاول تكون طبيعيه في تعاملها مع غادة حتى لو تضغط ع نفسها

وكانت غادة اغلب وقتها ببيتها وكل يومين تجي تزور ابو سلطان واسماء

وكانت سعيده بالوضع الاجتماعي الى انتقلت له وكل ماحست انو سلطان صارم معها او حست بغيره

من اسماء تقنع نفسها انو لكل هالعز الي هي فيه ضريبه وكون انها اتزوجت الشخص الي هي تبي ضروري

تضحي

وبيوم كان المفروض يتغدا سلطان عند غادة لكنه حس انه يبي يتغداء مع اسماء مثل قبل يتزوج غادة

واتصل ع غادة واعتذر منها ,,,,,,,,وحست بالغيره شوي وبنفسها عاااااادي هي زوجته من عشر سنين

ضروري يحن يجلس معها ,,,وانا باستغلها واتصل ع وحده من صاحباتي اطلع اتغداء معها



وكانت اسماء وخالد وعمها جالسين ع السفرة ماحسو الا وسلطان

واقف قدامهم وقال : ممكن تستقبلونى اتغداء معكم اليوم

خالد : وتترك العروسه الحلوه ,,,,,,,,,,اتعكر وجه اسماء الى انتبه لها سلطان ورد ع ولده : لانى مشتاق

اتغداء مع الحلو الي معكم

انصدم ابو سلطان من كلام سلطان ولده وقال : حياك يبه ,,,وبداخله كان سعيد لانه يشوف انه مهتم باسماء

مع انه كان متخوف ان ولده يضلمها مع زوجته الاوله

جلس سلطان بجانب اسماء والتفت عليها وبابتسامه قال : ميت جوووووووع

اسماء الي بدت تحط في صحنه من الاكل قالت : ماتجوع وانا موجوده

خالد : ياعيني ع غزل الشياب

الجميع : ههههههههههههههههههه

مر الشهر الاول وجاسر كان كل يوم يثبت لها حبه بطريقه مختلفه ,,,,,,,,,,,لكنها موراضيه تقوله

انها اتغيرت وصارت تبيه وكل ماسالها ترد : عطنى فرصة الي انت سويته فيني مو سهل

ومر الشهر الثاني وهو ينتظر لكنها لسى معنده الا تعذبه معها نفس عدد الشهور الي اتعذبت فيها معه

كانت اديم في الفترة الاخيرة تحس بتعب في كل جسمها وفكرة انها تكون حامل لاكن خلود قالت لها

انو الحامل تكرة العطور وتكرة الاكل وتكرة زوجها ,,,,,لكن اديم ماحست بشي من هالامور

لكن احساسها بالكسل والخمول مو راضي يفارقها

بعد كم يوم دخل جاسر الشقه الساعه وحدة الظهر وهي متعودة مايجي جاسر الابعد الساعه

سته واستغربت جيته

وكان شكله كثير مهمووم خافت اديم ووقف من جلستها وراحت له لكنه باسها ع خدها ع السريع وقال

جاسر : ادو كثير تعبان وابي ارتاح وياريت تتركيني وحدي

خافت اديم الي متعوده بحنان وشوق من جاسر غير البرود الي هو فيه وقالت : ايش فيك ليش شكلك تعبان

جاسر وهو يتنهد : مشاكل خاصه ,,,,,,,وراح للغرفة وسكر الباب

تنتحت اديم وبنفسها يسكر الباب غريبه من اول مارجعنا من الرياض وهو مستحيل يسكر باب غرفته

ولاغرب مااهتم فيني مثل كل مره ,,,,,,,,,وبدون شعور راحت ركض خلفه

وفتحت الباب وقالت : جاسر ايش مضايقك ,,,,,,,,,,وراحت له وكان معطيها ظهره وفاصخ الجاكيت

وحاط يده بشعره ,,,,,,,,,,,قربت له لكنه مارد عليها

خافت كثير وقفت بينه وبين الشباك وبعيون خايفه قالت : الله يخليك قول ايش فيك خوفتني

جاسر : اديم الله يرحم اهلك اتركيني ولما اهداء بقولك

صرخت اديم بتوتر : مستحيل اتركك وانت بالحاله ذي ,,,,شغلت بالي عليك

جاسر : جاسر بحسرة ولو تعرفي الي مكدر خاطري بتتعبي وانا مابي اتعبك معي

اديم وهي حاطه يدها ع قلبها : ارجوك حرقت اعصابي اكثر من الازم ,,,اتكلم قول

عمو في شي والا غادة ارجوك طمنى

جاسر : الوالد كلمنى اليوم ,,,,,,,,,,,,,,,اتمسكت اديم بقميص جاسر لاشعوري لانها اتاكدة انو حد

من اهلهم بالرياض فيه شي ,,,,,,,,,,,,وماقدرة تتكلم

كمل جاسر : طلب منى وسكت ,,,,,,وكمل ,,,,والله ماني قادر انطقها

اديم بصوت خفيف : جاسر اتكلم

جاسر : حالف ع ارجع لمى بنت عمى مرة ثانيه

اديم وهي مصدومه : بس لمى مملكه من شهرين

جاسر : اتطلقت وابوى يبيني ارجعها

اديم : وانت وانا ,,,,,,,لا مستحيل حد يشاركنى فيك ,,,,,,,وبدت تتكلم كلام مو مرتب ,,,

حرام وانا الي ابيك ,,,,,,,وانت الي تبيني ,,,,,,,,,,,,,,,

لكن انا ابيك وانت تحبني وانا والله احبك,,,, ولا اقدر اتحمل حد يشاركنى فيك ,,,,,,,

وطاحت بين يدين جاسر مغمى عليها



انتهى البارت

[!همس الحب!]

اديم بصوت خفيف : جاسر اتكلم

جاسر : حالف ع ارجع لمى بنت عمى مرة ثانيه

اديم وهي مصدومه : بس لمى مملكه من شهرين

جاسر : اتطلقت وابوى يبيني ارجعها

اديم : وانت وانا ,,,,,,,لا مستحيل حد يشاركنى فيك ,,,,,,,وبدت تتكلم كلام مو مرتب ,,,

حرام وانا الي ابيك ,,,,,,,وانت الي تبيني ,,,,,,,,,,,,,,,

لكن انا ابيك وانت تحبني وانا والله احبك,,,, ولا اقدر اتحمل حد يشاركنى فيك ,,,,,,,

وطاحت بين يدين جاسر مغمى عليها







البارت الخمسين

ــــ


صحت اديم وهي بالسرير وجاسر جالس بالكرسي الي قبالها ومسكر عيونه وكان لابس بيجامه بتعب وكانت

الدنياء ليل ,,,,,,,,وتحس راسها ثقيل وجسمها مكسر

اديم بصوت ضعيف : جاسر

فز من النوم وراح لها وجلس ع طرف السرير ومسك يدها وجلس يبوسهم اصبع اصبع وهو يقول

جاسر : حبيبتي صحيتي

اديم الي اتذكرة سبب طيحتها نزلت دموعها وقالت : والله احبك وارجوك لاتسمع كلام عمو

جاسر بصوت مبحوح : اتطمنى حبيبتي الموضوع انتهى ,,,,,,,,وانا اسف كثير الي تعبتك

بهالخبر الغبي

اديم وهي تحاول تصدقه : لاتكذب على لانى مريضه ارجوك طمنى

جاسر بحب : والله ماحد بيشاركك فيني ,,,,,,ومسك يدها الصغيره بين يدينه وكمل ,,,بروح اجيبلك

عصير

اديم بتعب : لا مابي ابي حليب

ابتسم جاسر بتعب : احب عنادك وطلعاتك الغريبه ,,,,,وطلع من الغرفة ورجع بعد شوي وكانت جالسه

وحاطه خلف ظهرها كم مخدة

قرب جاسر لها ومعه كاس حليب وقال : اتفضلي سخنته لك

خذت اديم الحليب وشربته وبعدين نزلت الباقي ع الطاوله

وقالت : يالله انا تمام اللحين تقدر تقولي السالفه

جاسر : تعرفي ايش اكتشفت اليوم من طيحتك ,,,,وراح للجهه الثانيه من السرير وجلس فيها

وسحب اديم له ونام ع جنبه ونمومها بحضنه وصار راسها ع يده واليد الثانيه يلعب بشعرها

وكمل ,,,الاول والاهم انك تحبيني وطول الفترة الماضيه كنت شاك انو اتغيرة مشارعك تجاهي لاكنك

اصريتي انو توك ماتاقلمتى ,,,,,,,,,زودتيها حبتين وسويت لك اختبار بسيط واكتشفت انك عكس الي تحاولى

تبينه

ارتاحت اديم انو السالفه كلها كذب وانو مافي حد بيشاركها حبيبها لكنها اتكدرة لما عرف جاسر انها تحبه

موووت وانصدمت من كذبته عليها الي كشفة مشاعرها له

بوزة وقال : ياشرير يعني ماتطلقة لمى ولا قال لك عمي تتزوجها

جاسر : لا ,,,,,,,,,,ومستحيل اسمح لحد يشاركنا حياتنا او يتدخل فيها

اديم وهي تطقه ع صدرة : بايخ انا كنت ناويه اصارحك بشعوري لكنك استعجلت ,,,وبنفسها ماكان

عندي نيه كل هالشهر اقولك لكنك صرت الكع منى وطلعت المعلومات بنفسك

جاسر بشك وهو رافع حاجبه و بصوت مبحوح وخفيف : اكييييييييييييييد

اديم : يووووووووووووه منك ماراح تصدقنى خلاص انا مخاصمتك

جاسر : هههههه وانتى كل ماتتورطي بموقف تخاصميني ,,,,وكمل ,,, ماتبي تعرفي الاكتشاف الثاني

اديم ببرأه ذبحت جاسر : الا ايش هو

جاسر : تدري لما طحتى انى جبتلك الطبيب ,,,,,,وقاطعته اديم : نفس الشايب المقرف الاول

جاسر وهو يحط يده ع فمها حتى ماتقاطعه : ايوه نفس الشايب المقرف ,,,,تعرف ايش قالي فيك

اديم ويده ع فمها حركة راسها بمعنى لا ,,,,,,,كمل جاس ,,,,قال انك حامل لك شهر

فتحت عيون اديم ع الاخر وامتلأت دموع ,,,,,,,انصدم جاسر وجلس بسرعه وقال : حبيبي ايش فيك

جلست اديم وهي مفجوعه من الخبر وصارت دموعها تنزل وهي ساكته

جاسر بخوف : ادو حبيبي لاتبكي ,,,,

اديم وهي متقطعه من الصياح : بموووووووووووووووت اه اه اه اه

جاسر الي مايدري ليش قالت كذا سالها : طيب اهدائ وفهميني ايش تحسي

اديم وهي تبكي : ليش تقول انى حامل ,,,,,,وكملت بكي ,,,انا خايفه ,,,وزادت بكي ,,,,فهم جاسر

سبب صياحها وقدر وضعها كاوحده عمرها ماتخيلت نفسها متزوجه يجي اليوم ويقول لها انتى حامل

وقال يبي يطلعها من جو الصياح : خلاص حبيبي لاتبكي بكرا نرجع لنفس الطبيب ونخليه ينزل البيبي

اديم بصراخ : مجنون انت تبي تذبح الطفل

جاسر وهو مرتاح انو خطته نجحت في انها تتمسك بالطفل قال : لا مستحيل بكرا نروح وكمل ,,وليش بكرا

الأن اتصل عليه يجيب ادواته وينزل الطفل وسو نفسه بيقوم ,,,,,,,,,,لكنها خافت لايقوم وينفذ كلامه

وهديت نوبة بكاها وقالت : خلاااااص لاتصير بايخ انا ابي ولدي

جاسر بعصبيه : أي ولدك

اديم بصراخ : الي تقول انى حامل فيه

جاسر وهو يسوى نفسه معصب : مو تجى بكرا وتقولي مابيه ومدري ايش

اديم : ليش انا مجرمه مثلك تبي تنزل الطفل ياشرير

جاسر حتى يكمل الفلم ويخليها تحافظ ع البيبي : انا تعبان ولا اسمع لك صوت يلاا ارجعي نامي

اديم وهي تنسدح : عرفت انى احبك رجعتلك الحاله الاوله استغفر الله العضيم

جاسر بصراخ : ايش ماسمعة

اديم الي خافت قربت له ولزقة بظهرة لانه معطيها ظهره وقالت : جاسر ابي انام بحضنك

جاسر : بس انا منزعج منك ومالي خلقك

اديم بصوتخفيف : والله ابيك لاتعطيني ظهرك

ماتحمل جاسر ولف عليها وحضنها ونامت اديم بحضنه وهي خايفه لا ينفذ كلامه وينزل الطفل وبنفسها

غبيه ضروري تسوي فيلمك الغبي وتقولي بموت وانتى عارفه انو يخاف عليك من كل شي

وجلست تدعى انو جاسر ينسى كلامها ويخليها تحتفظ بالبيبي

وعند جاسر الي حاضن حبيبته المجنونه وولده الي يحلم فيه من اول ماتزوج لمى بنت عمه

وبنفسه الله لايحرمنى منكم اثنينكم

بعد اسبوعين قرر جاسر انو يسكن هو واديم بفلة ابوة الي بضواحي لندن لانها اهداء وجوها

نضيف ومناسب للحامل ,,,,,,,,,,طلبت منه اديم يجيب لها رينا خادمتها من الرياض لانها تبيها

تكون معها الفترة الجايه

وداها جاسر بنفسه لمستشفى يتعاملو معه عائله الجاسر ونظم لها مع الطبيب الفايل لمتابعت الحمل

وكان جاسر يروح معها لكل زيارة لانه كان يشوف انها تتعب كثير يوم عن يوم

وكان جاسر طالب من الطبيب انه مايتكلم قدام اديم باي شي غير انها تمام وصحتها كويسه

وبالرياض الي وصل لهم خبر حمل اديم انبسطو كثير عليه

وعند سلطان وهو جالس عند غادة قال : عرفتي انو اديم حامل

غادة بفرحه : ايوه الله يسعدها توى مكلمتها ومتطمنه عليها

سلطان : واحنا مفي شي بالطريق ,,,,,,,,,,غادة : الله الي رزقهم يرزقنا

سلطان : يعني مافي موانع من ورى ظهري ,,,,,,,,زعلت غادة وقالت : لا

سلطان : مو مشكله ,,,,,,,,,,,,,,,,,,

وبهالفترة ولدة خلود وراحت لها اديم واستانست ع بنتها الي سماها ابوفهد تاله

اديم وهي عند خلود وبدر بالمستشفى : بدر تدري انى انا الي اخترت اسم بنتك وقلت لبابا يسميها

وهي تكذب بس تبي ترفع ضغطه

بدر وهو ماسك يد خلود : لوتبي تسمى اهلي كلهم مايهمنى الا صحتة حبيبتي

اديم : بايييييييييييخ وانا الي ابي اقهرك

بدر وخلود : ههههههههههههه


وعند جاسر الي كان شايل هم ضعف اديم وتعبها من ثاني شهر لها حامل وكان قلق ع صحتها وكان

يتاكد كل يوم من اكلها وفيتاميناتها ومقوياتها لكنها كانت تتعب يوم عن يوم

وبالشهر الرابع من حمل اديم خبر الطبيب جاسر بعد ماطلعت اديم انها حامل بتؤم وانها كثير ضعيفه

وضروري ترتاح الاشهر الجايه لانها احتمال تتدهو حالتها الصحيه

خاف جاسر لايقولها وتنهار لانها هي بالاساس تعبانه وضعيفه من بداية حملها

طلع من عند الطبيب لاديم الي كانت تنتظرة وكان خايف كثير عليها

اديم الي كان جاسر طلب منها تطلع ترتاح برا لانه كان خايف ولايبيها تعرف أي شي

حتى يتاكد من شكوكه

قربت اديم له وقالت : ليش اتاخرت عند الطبيب

جاسر :وهو يحط يده ع خصرها ويمشي معها لباب الخروج ,,,,,,,,قال : كنت بتطمن

عن حال الجنين

اديم الي ماقتنعت : بس هو طمنا وقال انه كويس لما شفناه بالسونار

جاسر : يعني انا اكذب

انحرجت اديم وقالت : سوري مااقصد

ورجعو للفله وهو مشغول باله بحبيبته وقرر انه يرجع يسال الطبيب ثاني يوم عن حاجه في باله

وثاني يوم رجع جاسر للمستشفى وسال الطبيب اذا كان السفر مايشكل خطورة عليها

لكن الطبيب قاله : الافضل له انها ماتسافر واذا كان السفر ضروري يمكن يكون في مشكله ع الجنين

جاسر بتوتر : الام اهم بياثر عليها السفر ,,,,,,,,,لكن الطبيب طمنه انو بالشهور الاولى مافي خطر ع الام

مثل الشهور الاخير ,,,,,,وقرر جاسر ينزل مع اديم للرياض باقرب فرصة لانه يبيها ترتاح بالجو العائلي

واتصل ع ابوه وخبرة بالموضوع كامل

ابوسلطان : اتوكل ع الله وانزلو للرياض واجلس مع زوجتك فترة وانا بطلع بدالك لباريس

جاسر الله يخليك لنا يبه

ورجع لاديم وقالها انو شغله انتقل للرياض هالشهرين وضروري يرجعو بعد كم يوم

استانست اديم وبعد يومين رجعو للرياض

وكانت اديم تقضي اغلب وقتها مع اسماء او عند غادة وباخر السبوع تروح هي وغادة لخالتها وينامو

عنده الاربعاء والخميس يرجعو لزواجهم

وبالفترة ذي اكتشفت غادة انها حامل وطار سلطان من الفرحه وبلغ كل اهله الي فرحو له واولهم خالد

[!همس الحب!]

فرحت اسماء لسلطان وبيوم وهو جالس هو وغادة بالحديق ماحسو الا واسماء واقفه قدامه

اسماء : مساء الخير ,,,,,قامت غادة وسلمت عليها

اسماء : جيت ابارك لك ياغادة بالحمل وهي كانت تتحدا نفسها في هالموقف

فرحت غادة بمبادرة اسماء ,,,,,,,,,,,وكبر قدر اسماء بعين سلطان وبنفسه والله انو غادة تستاهل وزنها

ذهب الي خلتني بزواجي منها اعرف قدرك


بعد شهرين من وصولهم قرر جاسر انه يرجع لفرنساء شهر وبعدها يجي يجلس مع اديم لحد ماتولد

وكان متحلف في خالد انه مايقرب لاديم ولا يحاول يوترها او يزعلها او حتى يشجعها ع الهبل الاول

جاسر وهو طالع للمطار : اسماء انتبهي لاديم وامانتك خالد لا يقرب لها

اسماء : اتطمن ياخوي وعد منى لترجع وزوجتك في اتم صحه وخالد بعيد عنها هههههههه

خالد : مجرم حرب الله يهديكم صرت ع هالوصايا

جاسر : لانى مو واثق بهبلك وانت تعرف اديم تعبانه واي حركه غلط تدهور وضعها

خالد : الي يسمعك يقول كلش ماتتحرك من زود المرض وهي تتنطط بين بيتنا وبيت غادة وبيت اهلها

جاسر : مالك علاقه فيها وبس

كانت اديم تتصل ع جاسر كل يوم وهو يتصل عليها عشر مرات

رجع من فرنساء وبعد شهر ونص كانت اديم نايمه ماحست الا بالم في بطنها وظهرها

حاولت تتحمل لكنه كل ماله ويزيد

وبصوت تعبان قالت : جاااااااااااااسر قوم أي بطنى

صحى جاسر ع صوتها وهو خايف : حبيبتي ايش فيك

اديم الى لها ساعتين تتحمل : أي احسني بموت

جاسر : اجيب لك مسكن ,,,,,,,,,,,,اديم بصراخ : لا انا لي ساعتين انتظره يروح مثل كل مره أي

تقطع قلب جاسر عليها وفز من السرير ولبس ملابسه بسرعه ورجع لاديم الي كانت تتالم

ووقفها ولبسها العبايه الي جابها من غرفة الملابس وشالها وهي تتالم وتصارخ

اديم : جااااااااااسر بموت لاتتركنى

جاسر وهو نازل الدرج لانه حس ان المصعد بياخره : حبيبتي والله مااتركك

اديم الي كل شوي يزيد عليها الالم : أي ياربي رحمتك

طار فيها جاسر لمستشفاها الي اتصل عليهم وبلغهم انو معه حالت ولاده مبكرة حتى يستعدو

وصلو للمستشفى وع طول طلعوها لقسم الولاودة

بعد مادخلوها اتصل جاسر ع اسماء

جاسر : ام خالد المعذرة ازعجتك

اسماء الي خافت من اتصاله والساعه اربع الفجر قالت : اديم فيها شي

جاسر : توى وديتها للمستشفى وهي تعبانه كثير وماادري ايش اعمل

اسماء : الله يهديك ليش ماقلتلي اروح معكم هذا كلام بس

جاسر : والله ماكنت قادر افكر من خوفي عليها

اسماء : مومشكله انا بصحى خالد وبطلع لكم ع طول

جاسر الى مايعرف ايش يسوي قال : ايه الله يخليك ,,,وكان متلخبط من خوفه ع اديم الي كانت تتالم

بين يدينه وصلت اسماء مع السواق وولدها خالد لانها ماتحب تطلع الفجر وحدها

مرة الساعات واديم بقسم الولاده وبعد ثلاث ساعات من لما دخلت اسماء ع اديم بقسم الولاده

واديم كانت تحاول تولد طبيعي والطاقم الطبي الي معها جالسين يحاةلو لكن وضعها كان مو كويس

طلعت اسماء لجاسر وقالت : ضروري توقع ع عمليه لان ولادتها متعسره

جاسر والدنياء سوداء بوجه : ايش جالسه تقولي ,,,اديم فيها شي

اسماء بحزم : جاسر روح مع النيرس وقع التاخير مو كويس في هالوقت ,,,,ورجعت لقسم الولاده

عند اديم

راح جاسر المنهار مع النيرس الي ودته للطبيب الي بعمل العمليه والي بلغ جاسر انها محتاجه

للعمليه بشكل سريع لان وضع التوئم موطبيعي

وقع جاسر وهو يرتجف ولاول مرة بحياته يكون ضعيف حتى وقت طيحة امه كان متماسك اكثر منه الأن

بعد ساعتين طلع لهم الدكتور وكان خالد رجع للبيت وبقيت اسماء وجاسر

الدكتور ووجه معكر: الاعمار بيد الله ــــــــــــــــــــ

سكر جاسر عيونه وحط يدينه ع راسه وقال بصرخه : لا

اسماء بتماسك : جاسر قول لا اله الا الله والتفت ع الدكتور وقالت : طمنا يادكتور

الدكتور : واحد من التوائم كان ضعيف كثييييييييير والثاني صحته كويسه

جاسر الي توه يتماسك : والام

الدكتور : انشاء الله خير ,,,,,,,,,,,جاسر بصراخ ارعب الطبيب : اتكلم مثل الناس الام كيفها

الطبيب بخوف من صراخ جاسر : هى لسة تعبانه لكننا نقلناها للانعاش وانشاء الله تكون بخير خلال اليومين

جاسر بانفعال : وانت ايش كنت تسوى داخل اذا واحد من الاطفال ضعيف والام بالعنايه

اسماء : جاسر خلاص ,,,,,,,وكملت توجه كلامها للدكتور ,,,,اسفين دكتور بس هي زوجته وخايف عليها

هز الدكتور راسه ومشى من عندهم وبقيت اسماء الي راحت لجاسر وبكل حكمه مو غريبه ع اسماء

قالت : جاسر روح لمسجد المستشفى وصل ركعتين وادعى لها ولاولادك

جاسر بانهيار : هي قالتلي من اول ماعرفت انها حامل انها بتموت بس انا كنت غبي ااااااااااااااه

اسماء : استغفر ربك ايش هالحكي ,,,, هذا وانت جاسر العال

جاسر وهو يتنهد : استغفر الله ,,,,,, وجلس يكررها لحد ماتماسك ,,,,,,وراح للمسجد يصلي ركعتين ويدعي

لحبيبته وولده الي مابعدشافه

وعند اسماء الي كانت مصدومه لان اديم كانت حامل بتؤائم ولا قالت لها ,,,,وراحت للحظانه

وطلبت انها تشوف مولود اديم النافع ومن اول ماشافته اسماء حست بحنين له وبنفسها

انشاء الله تقوم امك بالسلامه واخوك كمان ,,,وكانت خايفه ع اديم الي كانت كل شهر تتعب اكثر

من الشهر الي قبله

واتذكرة انها مابلغت سلطان

واتصلت ع سلطان وبلغته انو اديم ولدت وجابت تؤم اولاد ومالحق سلطان يفرح لما بلغته

انها بالعنايه من بعد العمليه

اسماء : سلطان ارجوك لايوصل غادة خبر لحد مانتطمن ع صحة اديم

سلطان : لا اختها وضروري تعرف

اسماء : اسمعنى للاخر اوالاً زوجتك حامل وحرام نخوفها وهي بنص حملها خاف يصير لها مضاعفات

وثانيا اكيد غادة بتبلغ ام ومعتز الي اللحين هي بمؤتمر نسائي بالاردن وبينشغل بالها ع اديم

ولاهي قادرة تجي تتطمن عليها ,,,, فارجوك لاتقولها

سلطان : الله لايحرمنى من حنانك الي مغرق الكل

وجلست اسماء عند غرفة العنايه الي اديم فيها واتصلت ع نورة وبلغتها بولادة اديم واكدة عليها مايوصل ام متعز

أي خبر الا لما يتطمنو ع اديم واتصلت ع نادر وهديل وخبرتهم الي طارو من الفرحه لانها ماقلتلهم انو حالة اديم خطرة

عند جاسر الي كان طالع من المسجد ووصله اتصال من سلطان و ونورة اخته ونادر

لكنه مارد عليهم واتصل ع رقم ابوه الي كان بباريس وبانهيار : يبه اديم ولدت وجابت تؤم

طار ابو سلطان من الفرحه وقال : مبروك ياولدي ويتربو ,,,,,,,,,,,,,,,,

قاطعه جاسر الي كان محتاج يكلم ابوه يمكن يرتاح : بس اديم موبخير وهي بغرفة العنايه

ابو سلطان بحزم : الله يقومها بالسلامه ياولدي ,,,,,,,,وكمل ,,,,جاسر ايش في صوتك

جاسر وهو متضايق : خايف عليها يبه

ابو سلطان الي كان خايف كثير ع اديم رد : افا بس ياولدي ,,,,اذا انت بالضعف هذا وزوجتك بس

بالعنايه وكمل ,,,وليش هي بالعنايه

جاسر : لانها ولدة عمليه قيصريه

ابو سلطان وهو يحاول يقسى ع جاسر حتى يطلع من الانهيار الى هو فيه : اهااااا طبيعي تكون

باول الساعة من الولادة بغرفة النعايه ذي عمليه ياولدي مو شي سهل

جاسر : ظنك يبه انها بتقوم بالسلامه

ابو سلطان : انشاء الله ياولدي بس انت خلك جاسر الي انا اعرفه ومستحيل يتاثر وبعدين

ليش مابلغتنا قبل انهم تؤم

جاسر : كنت خايف اديم تعرف وتتعب نفسيتها ,,,,,ولانها لما عرفت انها حامل كانت بتنهار

كيف لودريت انهم تؤم

ابو سلطان : الله يقومها بالسلامه وكمل ,,,لاتخاف ياولدي واتكل ع ربك وهو بيسهل لك الامور

وكمل ,,,بلغت ابو فهد بولادة بنته

جاسر الي بداء يتماسك قال : اول واحد اكلمه هو انت

وسكر جاسر وهو متطمن بعد كلام ابوه واتصل ع ابوفهد وبلغه الي طلب يكلم اديم لكن

جاسر بلغه انو اديم ضروري ترتاح بعد العمليه

طار ابوفهد من الفرحه باحفادة الجدد,,,,,,,,,,,,وبلغ هند الي فرحت لاديم ,,وماكان يدري انو بنته

في حاله حرجه والا ماكان فرح

وبعد ماسكر جاسر من ابوفهد اتجه للحضانه حتى يشوف ولده السليم وكانت اسماء هناك

جاسر وهو يقرب لاسماء : شفتيه

اسماء : ايوه سبحان الله يدخل القلب من النظرة

جاسر وهو يبتسم لولده بحزن وكان وده يحضنه مع انه بالعادة ماكان يحب الاطفال قال : والثاني ماتعرفي

ايش صار عليه

اسماء : لا والله بس روح لطبيب الاطفال وطمنى لانى بروح انتظر بقسم العنايه

جاسر : ماتقصري ياام خالد تعبناك معنا

وراح جاسر للطبيب الاطفال الي بلغه انو الطفل مرة ضعيف ويبيله عشر ايام حتى يكون طبيعي

طلع جاسر من عند الطبيب واتوجه للقسم الى فيه اديم وطلب من الطبيب انه يدخل يشوفها

وفعلا دخل وكان قلبه يعوره ع شكلها الذبلان والأجهزه مركبه عليها قرب لها وحط يده ع راسها وجلس

يدعي لها ,,,,,,,,,,وبعدين طلع من المستشفى وصار يرد ع اخوانه واهله وقرايبه الي يباركون له

وماكان يدري بوضع اديم الا اسماء وسلطان

العصر رجع جاسر للمستشفى وكانت اسماء توها طالعه للبيت بعد ماطلب منها جاسر ترجع ترتاح وهو

بيروح مكانها

اسماء : بس نورة بالطريق بتجلس عندها ,,,,,,,,,,,,

جاسر : مو مشكله اجلس انا وام تركي عندها ,,,,,,,,,,وجت نورة وجلست مع جاسر وبعد المغرب راحت

نورة بقي جاسر مع اديم

وكانت صدمة جاسر وهو جاس ع الكرسي قبال سريرها انها فتحت عيونها

وطالعت فيه ورجعت تسكرهم ,,,,,,وقف ع رجوله واشر للنيرس الي كانت تشتغل ع اوراق اديم معهم

بالغرفة وقال :اطلبي من الطبيب يحظر الأن

وصل الطبيب وبلغه جاسر انها فتحت عينها وطالع الطبيب في الاجهزه الي موصله باديم وطمن جاسر

انها راح تكون بخير ,,,,,,,,,,,,,,حس جاسر براحه نفسيه بعد كلام الطبيب وجلس عندها وع العشاء

وبعد ماكملت اديم 12 ساعة من بعد اولادة فتحت عينها وكان جاسر جالس قبالها

حاولت تقوم لكن جاسر رجعها تنام وباس جبينها وقال بصوت خفيف : حمد لله ع سلامتك حبيبتي

اديم بصوت ضعيف : الله يسلمك وحطت يدها ع بطنها ولمست الاستكرات والقطن والشغلات

الي يحطوها ع العمليه وقالت : عمليه

جاسر وهو يبتسم بارهاق : ايوه بس المهم قومتك بالسلامه

اديم : والبيبي وينه ,,,,,,,,ابتسم جاسر واشر باصبعه بمعنى اثنين وقال : تؤم مو واحد

فتحت اديم فمها وهي تعبانه وقالت : مووقتك عااد

جاسر : ارتاحى انتى حبيبتي وبكرا بجيبهم لك وتتاكدي واشر للنيرس تجي تعطيها منوم

حتى ماتحس بالم بعد العمليه

ورجع جاسر للبيت وهو مبسوط كثيييييييييير انها صحيت ولقى اسماء وسلطان وخالد جالسين

سلم عليهم وقال : اطمنكم اديم صحيت وهي بخير

اسماء وسلطان : الحمد الله ع سلامتها

[!همس الحب!]

جاسر وهو يجلس معهم بتعب : اللهم لك الحمد والتفت ع اسماء وقال : بلغتي ام معتز

اسماء : لاوالله مابي اخوفها وهي برا المملكه لحد ماتطمن ع صحة اديم وبعدين ابشرها مو ابلغها

ابتسم سلطان ع كلام اسماء المتزن وقال : من غيرك بيت الجاسر ماادري ايش بيصير فيه

جاسر : ايوالله صدقت وع شان تعبك ولانك اختي الغاليه واحد من الاولاد انتى بتسميه

ابتسمت اسماء وقالت : لا الله يخلى لهم امهم تسميهم قاطعها جاسر : انا متاكد انو اديم بتقول نفس كلامى

لانك كنتى مثل الاخت الكبيرة لها طول فترة حملها

واتذكرجاسر كيف كانت اسماء تراعي اديم بفرتة حملها وكنها ام تهتم ببنتها

اسماء والتفتت ع سلطان وقالت : اذا مصمم يسميه ابوخالد

سلطان الي يوم عن يوم يعرف قدر اسماء الي كان منعمي عنه بعنادة قال : سموه اسماء

جاسر واسماء : ههههههههه وكمل جاسر ,,,والله يهديك بس ,,,,,والله مالي خلق اضحك

الا بدخلت خالد الي لقط السالفه وقال : اول مرة اشوف حد ماله خلق يضحك انا خبري ماله خلق يطلع

ماله خلق ينام بس يضحك جديده هههههه

جاسر مارد ولكنه هز راسه بمعنى لاحول ولا قوة الا بالله

سلطان : وانت ماتعرف تكون هادي بيوم

خالد وهو يحشر نفسه بين امه وابوه قال : ايش اسوى الفراغ شين ,,, وجلس يطالع بجاسر وقال : مع انو في كم

شخص انولدو اليوم وشكلي بخليهم بس حق وناستي ههههههههه

سلطان : ههههههه خلوود حشم عمك خالد وهو يقرب لابوه : بابا ماتدري قطاوة عمو جاسر على مين

طالعين .سلطان وهو ميت ضحك : هم صارو قطاوة ههههههههههه

خالد : لا وماكانو راضين الاخوان يطلعون ابهم الا لما اجبرهم الطبيب بالعمليه ههههههههههههه

وكمل ,,,ليت كنت حاضر عمليتهم والله لا اربي هالجبناء هههههههههههههههه

سلطان من الضحك مو قادر يتكلم واسماء اتفشلت من كلام ولدها


جاسر : هاااا ياسماء ماقلتي ايش بتسميه ,,,,,,,خالد: بتسمي من

سلطان : عمك طالب منها تسمى واحد من اولاده ,,,,,,,,,,,,,خالد بطنازه : يمه لايلعب عليك ويخليك

تسمى المريض ,,,,,,والتفت ع جاسر وقال : ايه يمكن توهق امى بولدك المريض

جاسر وسلطان واسماء : هههههههههههههههههههههههه

اسماء : حتى ننهي النقاش ونفتك من لسان خالد انا بسميه سلطان

خالد بحمااااااااس : ياااااهوه ع الحب الي يجي ع كبر ,,,,,طقه ابوه ع راسه وقال بصرخه : خـــــالد

خاف خالد وقلب الموجه ع جاسر وقال : عمو كيف شكل اولادك ,,,,,,,,احس اشكالهم غبيه ويشبهو لاديم

جاسر وهو يوقف : اسمحولى ياجماعه لو طولت جالس بذبح ولدكم

سلطان : ايه تكفى ياخوك فكنى منه هههههههههههه

اسماء وهي تحضن خالد : اسم الله ع ولدي

خالد وهو يلتفت ع ابوه : طيب شوف من بيقولك بابا بعد اليوم

سلطان : هههههههههههههههههههه

وطلع جاسر ونام بغرفتة وهو مبسوط انو حبيبته قامت بالسلامه

ثاني يوم راح جاسر ل اديم واتطمن عليها

لكن اديم كانت زعلانه منه وماتبي تكلمه

جاسر وهو يجلس بجانبها ع السرير : ليش حبيبتي زعلانه

اديم ماردت عليه

جاسر :افا الزعله حقيقيه

اديم الي ماتحملت وصرخت : كيف تخبي عني انى حامل يتؤم

جاسر : ههههه هذا الي مزعلك ,,,,,,طالعة فيه اديم بزعل وصدت ,,,,,جاسر والله من خوفي عليك

ومسك يدها وباسها وكمل ,,,لانى شفت صدمتك لما عرفتي انك حامل ,,,,,,خفت عليك من هالخبر

اديم باستغراب : ابي افهم كيف ماحد قالي من الاطباء الي اتابع معهم الحمل بباريس والرياض أي شي

جاسر وهو يغمز لها : لانى ماكد عليهم مايقولو لك شي

اديم : والله كنت شاكه لانوبكل جلسات السونار الي اسويها كنت اشوف اثنين وكل مااسال الطبيبه

كنت انت تقاطعها وتقول تصوير ثلاثي وانا الغبيه مافهمت ايش معنى تصوير ثلاثي زمع هذا صدقتك

جاسر الي انسدح من الضحك ع ترقيعته الغبيه : هههههههههههه والله احبك

اديم : وحتى لما كنت مسارف ,,كانت الطبيبه تقول نفس كلامك جاسر : ههههه لاني ماكد عليها مايوصلك

خبراديم : يعني المربيتين الي انت جايبهم من شهر ,,,,,,,وقاطعها جاسر وقال : وقلتلك ابي اجرب الثتنين

مع ولدنا وباختار وحده كنت اكذب وانا جايبهم لاولادنا ههههه

اديم الى ماتحملت كذبه عليها وكيف هي صدقته جلست تضحك

وبعد شوي طلبت منه يجيب <ولدها > تبي تشوفه راح جاسر للحضانه

وجابلها الطفل السليم وبلغها انو الثاني ضروري هي

تروح تشوفه

وعند اديم الي مومصدقه انها تشيل طفلها بيدينها لانها طول فترة حملها كانت توقع انو بيصير لها شي

او للبيبي الي ببطنها ناظرته بحنان وكان كثير نايس ونعوم ,,,,,,,وانشغلت عن جاسر

مع ولدها

قالها جاسر : تراي قلت لاسماء تسمى واحد منهم

ردت اديم وهي تتفرج ع البيبي الي بحضنها وقالت : تستاهل اسماء

جاسر وهو مقهور من تطنيشها وانشغالها بالطفل : ماتبي تعرفي ايش سمته

اديم وهي مو حوله : اكيد سلطان ,,,,,,,,,,انصدم جاسر وقال : وانتى ايش دراك

رفعت اديم وجهها له وقالت : تحبه تموت فيه واكيد بتسميه

جاسر بخبث : يعني افهم انك بتسمى الثاني جاسر ,,,,,,,اديم فتحت عيونها وقالت : اسم الله عليك

ليش تقول كذا

جاسر مسوى نفسه موفاهم : وليش ,,,,,,,,,,,اديم بحب : الله يطول لي بعمرك ,,,,,حبيبي مايسمو

الولد ع اسم ابوه الا اذا كان ميت

جاسر باستهبال : اهاااااا والله ماعندي خبر

اديم : اتركنا من هالسالفه انا اتذكر انك تبي تسمى ولدنا خالد للحين تبي الاسم

جاسر بشوق لها : انا ابيك انتى وبس

اديم وهي منحرجه قالت : خلاص بنسمى الثاني خالد اوك

جاسر وهو يقرب لها وياخذ البيبي ويرجعه لسريره المتحرك قال : الي يعجبك حبيبتي

وخذا يدها وباسها

وفي اللحظه دخلت ام معتز ومعها جهاد ,,,,,,,بعد جاسر عن اديم ووقف لهم

راحت ركض ع اديم وقالت : الحمد لله ع سلامتك يمه توى وصلت من المطار

واتصلت ع غادة تبلغني انك والده من امس

اديم وحي تحضن خالتها : هلا خالتو وينك تركتيني لحالى

ام معتز : ياقلبي وانا ايش دراني انك بتولدي مبكر

جاسر يقاطعهم : مبرك احفادك ياام معتز

التفتت عليه وقرب لها وباس راسها وهي تقول : لاتلومنى ياولدي والله مومنتبه من خوفي عليها

جاسر : الحمد لله ع سلامتك وسلامة اديم

ام معتز : الله يسلمك ,,,,,,,ومبروك ماجالك والله يحفظهم لك ,,,,,,,,,,,وراحت تشوف البيبي

الي بسريره ,,,,,,,,,,دخل جهاد وهو يقول : ماشاء الله مبروك جاسر مبروك اديم

وسلم عليهم واستغربت اديم ذرابته

بعد شوي التفتت ام معتز ع جهاد وقالت : مانت شايف ولد اديم

جهاد وهو يطالع بجاسر : ايش اشوف الله يهديك بزر صغير وامه اديم

اديم ابتسمت لان مالها خلق هواشه,,,,, او لانها حست بالامومه وهديت انفعالاتها

لكن جاسر رد : افهم من كلامك انو اديم موعاجبتك

اتفشل جهاد وقال : ههههههه لا والله ,,,,,ووقف وكمل ,,, هووينه بسلم عليه

الام وهي تخزه : شوفه بالسرير ولاتاذيه

حاولت ام معتز انو اديم تجي تكمل فترت ولادتها عندها لكن جاسر اصر انه مايقدر يبتعد عن اديم

بعد كم يوم طلعت اديم من المستشفى وكانت اسماء مجهزه لها جناح بالدور الارضي حتى تستقبل

فيه المهنئين ,,,,ومجهزه غرفه للاطفال بجانبها

وبيوم بعد خروج ولدها خالد من المستشفى كانت اديم تسولف مع روز وامها الي جو يزورو اديم

وكانو الاطفال مزعجينها بصراخهم الي واصلها من الغرفه الثانيه

اديم : تكفين اسماء شوفي ايش فيهم

اسماء الي راحت تشوف الاطفال وتحاول تهديهم وتعرف من المربيات ايش فيهم

ام سلمان : ياقلبي ع ام خالد والله ماتقصر معك

اديم : ايوالله ياخالتى لولاها كان ضعت مع هالاطفال ,,,,,,الله يسعدها مهتمه فيهم ومريحتنى من مسؤليتهم

روز: اديم عادي خفي عليها شوي انتى وعيالك ,,,,,,,,دخلت اسماء وقالت : والله انهم عسل ع قلبي

كملت اديم : اساسا انا وعمو وجاسر مانسميهم غير عيال اسماء

ام سلمان : هههه وليش عااد

اديم : من كثر اهتمامها فيهم

اسماء : الله لايحرمنى منهم حبايبي

روز : من قدك ادو اسماء شايلتك انتى وعيالك ,,,,,,,,,,الا ع فكرة جاسر مبسوط في عياله

ابتسمت اسماء وقالت : جاسر مبسوط ع ام عياله والعيال مايتذكرهم الابعد مايتطمن ع الأم

روز: الله لنا ,,,,,,,,دزتها امها ع كتفها ,,,,,,,,,وطاحت اديم واسماء من الضحك
^
^
^
يتبع

[!همس الحب!]

ج 2
^
^
^
^
سلطان الى مرتاح بحياته وينتظر مولوده الجديد الي بيكون اخ لاغلى شخص عنده ولده خالد

وفي مرة وهو جالس مع اسماء لوحدهم سالها : اسماء تتوقعي بتحبى اولادي مثل حبك لاولاد جاسر

اسماء بمجامله : اكيد ياقلبي ,,,,,,هذولا اولاد الغالي

سلطان : عساني مانحرم منك يام خالد

وبداخل اسماء مااوعدك انى بحبهم لكن بحاول ,,,,,,,مهما كان هذولا اولاد الغالي

ولكن اولاد جاسر واديم هم العلاج الي ساعدنى اطلع من ازمة الامومه عندي ومستحيل حد بيوصل

لمكانتهم بنفسي لانهم رقم اثنين بقلبي بعد خالد الله لايحرمنى منه

غادة مبسوطه بحملها لكنها تحاول تكسب ود اسماء لاكن كانت تحس انو اسماء ماتبي تمون عليها زياده

وقررت ماتحاول تطلب شي مستحيل ,,,,,,,,,,,,,لانها شافت انو اسماء موقادرة تتقبلها حتى لوجاملة

قدام الناس

روز ومعتز : للحين ماتزوجو وكل يوم يمر عليهم يزيد حبهم وتمسكهم ببعض وهواشهم الي لايوقف هههههه

جهاد : مطلع عين اديم في عيالها كل ماجابتهم يزورو امها

ام معتز : تنتظر رجعت احمد الي ماباقي عليها الا كم شهر وناويه تزوج معتز لان البيت فضي عليها

بعد زواج غادة واديم


مرت الايام ع اديم واولادها الي صار عمر الواحد منهم ثلاث اشهر وقرر جاسر يرجع لفرنساء

وطبعا ضروري تكون اديم حبيبته معه ولكن كانت مششكلتهم انو اديم ماتقدر تتعامل مع الاطفال ابد ولانها

من النوع الي مايرضع لان مالها حليب مثل باقي الامهات <ترا كثير النوع هذا > والام الي ماترضع طفلها

يبيلها فتره طويله حتى تقدر تتعامل معه

جاسر وهو جالس بجناحهم : اديم رجعتنا لفرنساء بعد كم يوم ,,,,ضروري ترجعى معى

اديم بحب : وانا اقدر استغني عنك حبيبي

جاسر الي قربها له وبهمس : واولادنا ,,,بتعرفي تتعاملي معهم

اديم وهي محتارة : بصراحه اسماء مهتمه فيهم ,,,وكل وقتها معهم ,,,,,,,وطالعت في جاسر برجاء

وقالت : ليش مانتركهم عندها لحد مايكبرو شوي وبعدين ناخذهم

جاسر وهو رافع حاجبه : لا مستحيل استغنى عن اولادي

اديم بدلع وهي تعلب بزراير ثوبه : حبيبي بس كم شهر والله بتوهق فيهم ولانى عارفه اعمل لهم شي

جاسر بتفكير : حتى الوالد كلمنى البارح واقترح انو نتركهم بالرياض لانهم موحمل سفر وتغير جو

اديم : شفت حتى عمو من رايي

جاسر : وانتى بتتحملي بعدهم ,,,,,,,,,,,,,

اديم بابتسامه عذبه : اولاً هم عند انسانه تعاملهم وكانها امهم

وثانياً انت بتعوضني بعدهم ,,,وطالعت فيه بنعومه وكملت ,,,مو

مارد جاسر لانه ذاب مع دلعها ونزل راسه لها وــــــــــــــــــــــــــــــــــــــــــ ونسي الاولاد والسفر

وماصار يشوف الا حبيبته

وعند اسماء

ولان اسماء الي محرومه من الامومه هي الي كانت مهتمه فيهم ول الفترة الماضيه وكانت تحمد الله الي رزقها

بهالولدين تعوض نقص الامومه فيهم

لما طلبو من اسماء انها تهتم فيهم واديم كل شهر تنزل تشوفهم لحد مايكبرو شوي وتصير قادرة

ع انها تتعامل معهم

اسماء رحبت بالموضوع لانها طول الفترة الماضيه كانت هي الي تهتم فيهم

وقالت : لاتشيلو هم تراهم بعيونى

جاسر : تسلملى ياام خالد والله انك تستاهلي كل خير

نطت عليها اديم وباسة خدها وقالت : الله لايحرمنى منك باحنونه

وبعد كم يوم

جاسر واديم وهما طالعين للمطار واسماء وخالد وابو سلطان يودعونهم ,,,,,,,,,,وكانو

الاولاد مع المربيات كل واحد بعربته

جاسر : لا اوصيك يبه ع عيالي ,,,, انتبه لهم من خالد

ابو سلطان بمزح : خذو عيالكم وفكونا من ازعاجهم ,,,وحضن خالد ,,,والا لتجلسو تتشرطو علينا

خالد : ايوالله شين وقواة عين رامين عيالهم علينا ويتشرطون هههه

ابو سلطان : ههههههههههه

اسماء : لايهمك ياجاسر اولادك بعيوني ,,,,,,,,,,,وراحت اديم وبوسة عيالها الي اكيد بيوحشوها ,,لكن الي
مطمنها انهم عند اسماء الي كانت ولازالت الام لهم ,,,,,,,,,,,,, وطلعت مع جاسر

حبيبها وابو خالد وسلطان لفرنساء,,,,,,

حاول معتز طول السنتين انه يهدي من انفعالات اديم وتسرعها وشوي شوي بدا يحس انها اتغيرة

وكان الي مساعد جاسر ع تغيير اديم انو اديم كل شهر ونص تنزل الرياض وتجلس مع اولادها اسبوع

حتى تشوفهم ,,,ومن كثر جلستها مع اسماء صارت تكتسب منها صفات حلوه


وبعد مرور سنتين
كانت ام معتز وغادة وجهاد جالسين في الصاله
ام معتز توها اديم اتصلت ع وبلغتني انهم بيوصلو بعد اسبوع ,,وكملت بحب ,, والله اني ماني مصدقه

انها بترجع لحضني

جهاد بطنازه : يمه ماكنك متحمسه شوي تراها كبرت وصار لها عيال وانتي مفكرة انها بزر

ام معتز بعصبيه : مـــالك شغل انت جهاد : هههههههههه تموني ياقمر ع وجهي الي طيحتيه

غادة وهي تفكر : يمه شفتي خخلوود ولد اديم الاسبوع الماضي كان مسخن ,,,وخذيته للطبيب وقالي

بس التهاب بالحلق ,,,,لكن اسماء ماتطمنت وطلبت من طبيب عيلتهم يجي يشوفه

وبرضو قالها نف الحكي

جهاد بهبل : ليش انتي واسماء صراع بعد ع اولاد اديم هههههههههههههه عصبت غادة وكانت بترد

لكن ام معتز قالت : والله ماتطلع اديم من معروفها مهتمه فيهم وكنهم اولادها ,,,,,,,

غادة بغيرة : عااادي يمه هي الي مشتهيه ماحد جابرها

ام معتز بعصبيه : غادة هذا حكي ,,,,اسماء والله مافيه منها والله انها مومقصرة حتى معي الي كل جمعه

تجيب لي الاولاد يزورونى ,,,,,,,,ولما اقولها لاتكلفي ع نفسك انا اجيهم ترد وتقول : ولو انتي جدتهم

وحقك علينا ان الاولاد يزوروك

غادة وهي مبوزة : ادري انها طيبه وحبوبه ,,,,,,بس يمه ماحسها تحب بنتي نفس اولاد جاسر

جهاد : بدينا بخرابيط البنات ويقلد صوت غادة ماتحب بنتي ,,,وكمل ,,,انتي احمدي ربك الي متحملتك

انتي وبنتك هههههههههههههههه

ام معتز هنا عصبت من ولدها وقالت : جهاد قم فارق دام النفس عليك طيبه ,,,,,,,,

جهاد باحراج وهو يوقف : بقوم بقوم وكملو انتم حش في خلق الله

ام معتز : احنا نحش ياقليل الحياء ورمت عليه وحده من لعب بنت غادة ,,,لكنه كالعاده تفاداها

وهو يضحك

والتفتت ام معتز ع غادة وقالت : حبيبتي لاتتكلمي هالكلام عند اخوانك والله تطيحي من عينهم

غادة باحراج : وانت ايش قلت يمه ,,,,,,الام : لاتتكلمى في اسماء بشي مو حلو

غادة وهي تروح تجلس عند امها : يـــــــــــــمه لاتزعلي تكفين ,,,,,,,تراي من حقي اغار منها

زوجي يحبها وامي تحبها واختى مامنتها ع عيالها وهي بالاخير شريكتي ,,,ضروري اغار منها لو

شوي .ردت ام معتز وهي مستغربه حكي بنتها : زوجك يحبك وامك تحبك وبعد اختك الله يرجعها بالسلامه

تحبك .لكن اسمى كسبتنا بطيبها حبيبتي .بوزت غادة وقالت : يمكن

قرصت امها اذنها وكملت : لاتفكري مجرد تفكير انك تغاري منها لان هذا الشي بيكبر معك وبيصير

مع الايام شي مو كويس

قطع عليهن كلامهن صوت معتز وروز الي توهم راجعين من برا

معتز وروز : مساء الخير
ردو غادة وامها ,,,وبسرعه راحت روز ركض لعند ام معتز وقالت : يرضيك خالتي الي معتز يقوله

راح معتز وجلس بكنب لوحده ومسوي نفسه مايسمعها

ام معتز : ايش صار قولي حتى اقرر هو يرضيني او لا ,,,والتفتت ع معنز وكملت ,,مع اني متاكده

انه مايرضيني ,,,,,,,,,,ضحكو غادة وروز لكن معتز مسوي مشغول بتلفونه ولاهو سامع

روز : اتخيلي يبي يرجع للشرقيه الليله وهو باقي من اجازته ثلاث ايام ,,,,,,التفتت ام معتز على ولدها

وقالت : وليه حبيبي بترجع بدري

معتز وهو توه يطالع فيهم : لا بس مليت يمه من روز وابي ارتاح منها ,,,,,,,,

استغربت الام وغادة لكن روز نطت وقالت : ياريت تقول لهم سبب مللك مني

معتز وهو طنشها ويطالع بامه : معقوله يمه اقولها بنسمي بنتنا سلمى ع اسم امي سلمى وتقولي لا

روز بمقاطعه : امانه خالتي هذا اسم يناسب بنت صغيرة

غادة بسرعه قالت : مبروك روز انتي حامل ,,,,,,,,التفتت ام معتز لروز بتبارك لكن روز قاطعتهم

وقالت : لا غادة انا مو حامل ,,,,,,ام معتز بحيرة : اجل من البنت الي بتسمونها

معتز وهو يعدل جلسته : اسمعي يمه احنا قررنا ,,,,,,قاطعته روز وقالت : لاتقول احنا قل انا لما قررت

لاني انا مو راضيه عن كلامك
ام معتز بعصبيه : روز اسكتي خل افهم سالفتكم الغريبه ,,,,استحت روز وقالت : حاضر

استغل معتز الموقف وقال : تستاهلي هذا جزء الي ماتسمع كلام زوجها كل الناس تخانقها

حضنت روز ام معتز وقالت بتقهره : عـــــــــــادي انا وخالتي متفاهمين

غادة : بتقولو ليش متخانقين والا لا

معتز وهو يطالع فيها بمعنى اسكتي قال : يمه انا اليوم قررت لما يجيلي بنت بسميها سلمى ع اسم امك

الله يرحمها ,,,,,,,,,,,,وروز تقولي لا حرام البنت صغيرة وهذا الاسم مايناسبها ,,فاانتي شوفي هل

انا غلطان لاني بسمي ع اسم امي سلمىى الله يرحمها

ام معتز : الله يرحمها والله انها كانت تحبك كثيييييير ,,,,معتز : ياريت عرفتها كويس

غادة : ماما كم عمر معتز لما توفت امي سلمى ,,,,,,,ام معتز : اعتقد سنتين

روز بصراخ : لاتغيرو موضوع اسم بنتي ,,,,,,,تكفون وقفو معي هل اسم سلمى يناسب بنت صغيره

كانت ام معتز بترد بس سبقها معتز وقال : عناد فيك بسميها سلمى والثانيه بسميها امممممممممممم

وطالع بامه وقال : يمه ايش اسم جدتك ام امي سلمى

ضحكت ام معتز من ولدها وقالت : حصة هههههههههههههه

معتز وهو يطالع في روز بيقهرها : والثانيه حصه خخخخخخخخخخخخخخخخ

غادة طاحت من الضحك ,,,,,,وقفت روز وقالت : روح شوفلك وحده تحمل لك وتجيب حصة وسلمى

معتز وام معتز وغادة انسدحو من الضحك ع ردها

ام معتز بعد ماهدي ضحكها قالت : حبيبتي روز انتي بس جيبي البيبي وماراح يكون اسمه الا مثل ماتحبي

روز بابتسامه رضى : تسلمي خالتي ,,,,,,,وكملت ,,,يالله استاذن منكم بطلع فوق اهز اغراض معتز

معتز بعصبيه : شوف الي ماصدقت على الله اني اقول بروح ,,وكمل ,,هيييه انتي ترا كنت امزح ماني راجع

للشرقيه اليوم ,,,,

[!همس الحب!]

روز تبي تقهره : انا انفذ رغباتك حبيبي ,,,,معتز وهو يوقف قال : تعالي نتفاهم في جناحنا ويمكن

نلاقي تسويه ترضي جميع الاطراف وحضن روز مع خصرها ومشي معها فوق

ولما طلعو التفتت غادة ع امها وقالت : الله يكون بعونهم لهم سنه متزوجين وهم متشحططين معتز بدوامه

بالشرقيه وروز كليتها بالرياض ,,بس والله انها بنت ناس الي جالسه عندك ومعتز بالشرقيه وتاركه اهلها



ام معتز : واحنا اهلها بعد ,,,وكملت ,, هانت روز كلها سنه وتتخرج وانشاء الله معتز يجيه نقل للرياض ويستقر

غادة : انشاء الله ,,,,,,وراحت تشوف بنتها الي جالسه المربيه تعشيها

وهي تمشي دق تلفونها ورجعت ترد
سلطان : مرحبا غادة ,,,,,,

غادة : اهلين حبيبي

سلطان : وينك غادة مانتي بالبيت غادة باستغراب : حبيبي نسيت اني قلتلك بروح ازور امي اليوم

سلطان وهو يتذكر : اهااا والله نسيت ,,,,,,الشغل منسيني حتى اسمي

غادة بحب : حتى انا تنساني مع شغلك سلطان : لا مستحيل انتي غدو الي رجعني الشوق لها و ام حبيبتي وقلبي وله

غادة بمزح : ايه اعترف انك متصل لانك مشتاق لوله مو لي

سلطان : يلا بس قولي متى راجعين .غادة : لو تبي الحين رجعنا

سلطان بصوت ثقيل : ياريت والله انا جالس لوحدي غادة : اوك حبيبي ساعه واحنا عندك

سلطان : انتظركم
وصلت غادة للبيت وكانت المربيه تشيل وله الي كانت نايمه

طلبت غادة من المربيه تطلع البنت لغرفتها ,,,,,,,,وراحت تمشي لسلطان الي جالس بالبيجامه

ع الكنب بالصاله وقربت له غادة وباست خده وقالت : مساء الخير حبيبي

سلطان وهو يسحبها ويجلسها بحضنه وبصوت خفيف : ليش اتاخرتي ماتعرفي اني مشتاق

ابتسمت غادة وهي تحط يدينها ع كتوفه : والله ماتاخرت بس الطريق ــــــــــــــ

قاطعها سلطان : تعالي فوق ووقفها وقف معها .غادة : غريبه مازعلت لاننا نومنا وله قبل تشوفها

سلطان وهو يطالع فيها بحب : يكفيني جالس اشوف ام وله ,,,,,,,,,,,,,

انبسطت غادة ع كلامه وحمدة الله ع سلطان الي مستحيل تلاقي مثله وبنفسها هو صدق عملي اغلب الوقت

بس مو مشكلها يكفيني رومانسيته الي تطلع اذا كان رايق

واتذكرة كيف سلطان يموت ع بنتها ومستحيل يصحى الصباح لا ضروري يلعب معها شوي حتى لو كان

نايم عند اسماء كان يمر ع بيت غادة قبل يطلع للشركه ويجلس يلاعب بنته ,,,وياويلهم لو يجي

ويلاقيها تبكي او نايمه وكملت بداخلها : الله لا يحرمني منك

ثاني يوم العصر وفي بيت خالد الجاسر

كانت اسماء جالسة في الحديق مع سلطان وعمها ابو سلطان وقدامها خالد ولدها يتعارك مع اولاد جاسر

ابو سلطان : خالد خف عليهم تراهم صغار

اسماء تكمل ع كلام عمها : خلوووووووووود عورتهم ترا موحملك

خالد وهو يوقف : ام خالد تراي بديت اغار منهم ,,,,,,وقرب للطاولة عند اهله وقال : بعدين ليش

ماشوف حبك لــ وله اختي والا بس هالعفرايت اخذين قلبك

انحرجت اسماء من ولدها والتفتت ع سلطان الي بان الحزن عليه شوي بس رجع بخبيه

ابو سلطان يعدل للموقف : الا وين وله اليوم ماشفتها ,,,,,,والتفت ع خالد وهو معصب من كلامه

وقال : روح يابوك جيبها من امس عنها والله واحشتني هالكتكوته

اسماء بابتسامه : ايوالله من الصباح وانا ابي اشوفها

سلطان بارتياح بعد كلام ابوه : لا خلك خلوود انا اتصل على غادة وهي ترسلها مع المربيه

خالد وهو يجلس بارتياح ع الكرسي : هذا الكلام الصح ,,والا ليش اروح انا واتعب رجولي وانا الي

محتاجهم في صراعي مع ايتام ماما هههه

اسماء وابو سلطان الي فاهمين قصدة : ههههههههههههههه

سلطان باستغراب : ايتام ماما لايكون اولاد جاسر صارو ايتام امك وانا موداري

اسماء : ماعليك منه سلطان ,,,خلوود عليه طلعات غريبه

ابو سلطان بهدؤ وثقه : الله يحفظ لهم امهم وابوهم ,,,ولا يكونو ايتام ,,,,,,,,,,,

خالد باندفاع : لا ايتام ,,,,,فيه حد يترك اولاده ,,يزوعجون الناس ويطلعو عين الناس وياخذو معزة وغلا

اولاد الناس ,,,ولا يستحقو يكونو ايتام

سلطان : ههههههه الحين بس فهمت ههههههههه انت تغار وانا الي عادك اكبر عيالنا وسندنا
استحى خالد ونزل راسه

اسماء : فديتهم اولاد جاسر والله انهم زي العسل ع قلبي ,,, وكملت حتى مايزعل سلطان ,, ووله ياقلبي

عليها والله انها غاليه علي ,,,وبنفسها والله احبها ياسلطان بس اولاد اديم احسهم اولادي

وبداخل سلطان كان يعرف انو مكانت اولاد جاسر غير مكانت بنته ,,,ولكنة احترم في اسماء انها بعمرة

ماحاولت تبين انو في فرق بينهم

ابو سلطان حتى يغير الموضوع : سلطان انت واثق بالمدير الجديد حق فرع باريس ,,,لان ياولدي

الشغل هناك يبيله واحد ثقه

سلطان بصوت عملي : الله يطول بعمرك قلتلك خل نادر يمسك شغلنا هناك بدل جاسر لكنك رفضت

والأن ضروري نوثق في المدير الجديد حتى جاسر يرجع يستقر بديرته ومع اولاده

ابو سلطان بحزم : ياولدي انا طول 15 سنه الاخيرة وانا محروم من لمتكم حولي بالبدايه كنت انت تدرس

برا وبعدها جاسر وبعدها نادر وبعدين فرع شركتنا بباريس الي خذا مننا جاسر

واليوم جاء الوقت الي تكونو معي وحوالي

اسماء وسلطان : الله يخليك لنا

سلطان : وهذا جاسر بعد اسبوع بيرجع للرياض وتقر عينك بشوفته

رجعت اديم وجاسر بعد سنتين واستقرو بالرياض ,,,,,,,طلب جاسر من اديم انها تختار تصميم

بيتهم الي بيبنيه بجانب بيت ابوه <نفس بيت سلطان وغادة وبيت نادر وهديل

اديم بحكمة وهدؤ اكتسبتها من اسماء : انا مستحيل اترك البيت الي عمو واسماء موجودين فيه

جاسر باستغراب : ماتبي يكون لك بيت مستقل نفس غادة وهديل ؟

اديم بابتسامه حلوة : انا من كنت طفلة وانا احب اعيش مع عائله كبيرة .وانعم علي الله بخالتي واولادها

والأن لما كبرت وتزوجت ربي

تمم علي ورزقني بعائله كبيره ,,,وكملت ,,, وبعدين مستحيل سلطان وخالد يعيشو بعيد عن عمو واسماء

جاسر : انتي السبب انا كم مره اقولك طول السنتين الماضيه جيبي الاولاد معنا فرنساء وانتي رافضه

وشوفيهم الحين ينادو اسماء ماما والوالد الله يحفظه بابا وانا وانتي الله يخلف علينا ينادو علينا باسمانا

اديم وهي تتذكر اولادها : هههههههههههههههه ياحلو اسمي منهم وبعدين تتوقع يناسبني يقول لي ماما

جاسر وهو يفكر بخبث : بــــــــــــصراحه وبدون زعل

اديم وهي عارف رده : قول وعليك الامان هههه

جاسر : مو جاي عليك مرة تكوني ماما ههههههه



وعاشو كل ابطالنا احلى ايام عمرهم

غادة مع بنتها وزوجها والوضع الاجتماعي الي هي كانت تحلم فيه ,,,

روز ومعتز الي صار لهم سنة متزوجين ومطلعين عين ام معتز بحركاتهم وخناقهم الي مايخلص

اسماء مع حبيبها وزوجها ومصدر سعادتها وخلود حبيبها ,,,وعيالها الي الله رزقها فيهم سلطان وخالد

اديم مع حبيبها القاسي الي اكتشفت ان قسوته هي سر اعجابها فيه واصبحت قصتهم اسطورة القسوة والحب




انتهت الروايه

وكل الشكر للكاتبه المتميزه Unique ksa