رواية إنعطافات الزمن

[# بنت عتيبة #]

الجــــــــزء الاول
----------------
الساعه 1 ونص في حيا الرياض القديمه
تخرج من( ليموزين ) التاكسي وهي بكامل الحزن والضيق تخاف تخيب ظنهم هذي المره ايضا الانه لايوجد اي فرصه جديده لها سوا الانتظااار مجدداً
الا بصوت يناديها يقطع عليها حبل الحزن المشدود
: ماما
بثانيه تلف وجها للوراء وتقول : نعم
السايق.: يبي فلوس لليموزين
مضاوي : سوري خذ هذا
السايق :: انا قولي 60 اريال
مضاوي : بس انت قلتلي قبل 50 اريال وش زاد العشره
السايق ماما انا قول 60 مو 50
مضاوي وهي تبغى تنهي النقاش بسرعه مدة له العشره : فارقني يالله
وهي توصل لعتبة البيت تبي تفتح البااب بس تخاف من الرد ماتعرف وش ترد تخاف تكسرهم لمره العشره
وهي تتوكل على الله وتدخل الباب بمفتاحها الخاص
وهي ترمي عبايتها وملفعها بالمسمار اللي جنب الباب وتدخل تبغى هواء بارد يبرد عليها
من الصدمه اللي سمعتها ومن حر الصيف اللي ما يرحم
وتمشي وهي لابسه بنطرون جنز رمادي مع تي شرت فوشي باصفر وتفتح شعرها الكثيف اللي واصل لكتوفها وميزها عيونها الكبار المكحله
توصل للصاله وتشوف متعب ولولوه جالسين على التلفزيون
مضاوي : وين ابوي ؟
لولوه بندماج: بعدين بعدين تعالي
مضاوي وهي تجلس باول كنبه .: لولوه وين ابوي .؟
لولوه : يعني وين يافي المجلس يا في غرفته تعرفين ابوك مشلول وين يروح برا ؟
مضاوي وجع ان شاءالله احد يرد كذذا لاخته الكبيره
لولوه : تكفين هوشيني بعد اشوي لما تخلص المباره اتفرغ لك
مضاوي وهي معصبه .تقوم وتغفل التلفزيون الا ينقز ذا اللي اسمه متعب كانه اسد
متعب : مضاوي من سمح لك تغفلينه انتي تتهاوشين مع لولوه خليني اتابع المباره الحين النصر بيفوز وانا ماشفته
لولو: في عينك يفوز النصر اكيد الهلال بيفوز ومتاكده
مضاوي وتمسك راسها من المجنن المباريات (ذي حالتهم كل مباره لاحد يسالهم تطلع لهم قرون ) وتقول كلمه وحده : قولولي وين ابوي وانا افتحه
متعب : بالمجلس انا اخذته لهناك قبل ساعه
مضاوي وهي تضحك وتقول ما ينفع معهم الا العين الحمرا : شكرا
وهي تبي تروح لابوها نست تسالهم وين نوفا وهي تلف عليهم وهي تتكلم : وين نوفا ؟
ترد عليها بسرعه لولوه : يووووو شفتي النصر سجل هدف كله منك
مضاوي : يعني ما عقلتي بطفيه الحين
لولوه :خلاااااااااااص توامي نوفا بغرفتها وامي تعرفين وين ما يحتاج اقولج بالمطرسه وليلى بالجامعه وابوي بالمجلس مثل ما سمعتي من متعب .
مضاوي وهي تضحك عليهم وتشكرهم الانه وفروا عليها التسال عن الباقي
وتوقغ عند باب المجلس وهي خايفه تقول الخبر لابوها
من غير ما انتبهت امسكت يدة الباب وبعدها ترجعت سبب صوت خفيف الا تسمع صوته
ابو متعب متعب تعال يابوك الله ابيك تاخذني لغرفتي بريح شوي
مضاوي من وراء الباب وهي خايفه : انا مضاوي .
وتدخل المجلس وتشوف كرسيه المتحرك وجسده المشلول بالكامل حتى بكلامه يالله يتكلم بفم مائل لليسار تقرب مضاوي له وتحب راسه وتوقف ,,
ابو متعب : حسبت متعب
مضاوي بضحكه : وطلعت لك اخلى البنات مضاوي
ابو متعب : اي والله احلى البنات ها يابوك بشري وش صار معك ؟
مضاوي هنا ارتجفت من كلامه وش ترد له. بتقول له يبه لازوم واسطه ولا بجلس على هالحاله اربع سنين على ما يوظيفي لالا يامضاوي ردي عليه وقولي
بيوظفوني قريب .!! بس اكذب عليه ؟ اي اكذبي بس لا تحطمين الامل بداخله وانتي الوحيده الي تقدرين تساعدين اهلك لاتنسين انه اجار البيت على امك ويالله يكفي
وامك ما تشوفينها الا بساعات خفيفه بالصبح تشتغل مسؤوله على الخدم بالمدارس وتغسل وتتعب وبليل تشتغل خياطه يعني شيلي منها شوي وتعرفين حال ابوك عاجز
لا تصدمينه بالدنيا يابنت . يعني وش اسوي اذا كذبت وين اشتغل ؟ يؤؤ بقوله واللي يصير يصير وربي بيفرجها
ابو متعب .:. مضاوي اسم الله عليك يابنتي وش فيك
مضاوي بعد ما صحت من سرحانها بفزعه: هلاا
ابو متعب عليتي مكه ان شاءالله يابوك اكلمك ما تردين علي عسى ما ارفضوك
مضاوي تاخذ نفس عميق وهي تغمض عيونها ما تبي تكذب بس وش تسوي ذي حيله لازم ما تحطم امله : لا ابشرك يابوي انهم وافقوا وقالوا لي تعالي بعد اسبوع عشان نوظفك
ابو متعب بفرح : جد والله الله يفرحك يابنتي مثل ما فرحتيني
مضاوي وهي تبتسم وفرحانه بفرحة ابوها وبعدها تنزل راسها وهي تفكر وش هالورطه وش راح تسوين لاعندك واسطه ولا وظيفه وش بتسوين يامضاوي ؟
ابو متعب زين زين ما قالوا لك يابنتي كم الراتب .؟
مضاوي يبا ما حبيت اقولهم من اول يوم ان شاءالله بعد اسبوع اسالهم الا تدخل عليهم امهم وهي في غاية التعب من الشغل
وتوقف مضاوي وهي تبوس راسها
ام متعب : يعطيك العافيه يابنتي
مضاوي : الله يعافيك
ام متعب : ها بشري يابنتي
ابو متعب بفرح : لا ابشرك وظفوها وقالوا تعالي بعد اسبوع
ام متعب يالله يجعله يارب يوظفك باحسن وظيفه يابنتي انتي تستاهلين
مضاوي بضيقه انها كذبت عليهم : مشكوره يمه انا طالعه اغير ثيابي تبون شي قبل لا اطلع
ام متعب ابيك تنادين لي نوفا تقولي انها خلصت الكنزه الي خيطتها امس خليني اشوفها
مضاوي بتعجب : ليه نوفا ماراحت للمدرسه .؟
ام متعب نوفا تقول ماهي رايحه للمدرسه تقول بتساعدنا وانا عجزت فيها
مضاوي : يما ما توقعتك كذا كنتي تظربينا انا وليلى يوم نغيب يوم واحد والحين نوفا ما تخلينها تروح للمطرسه حرام ذي اخر سنه لها هي ولولوه
ام متعب وش اسوي بابنتي اخلي لولوه تكمل ونوفا تساعدني انتي اعرف بضروفنا ببيت مستاجر باربع غرف ومطبخ وحمام واحد واجاره غالي وانا تبعت يامك هذا
اذا مو هامك تعبي مضاوي تجلس جنبها بس يا يمه انا الحين بشتغل خلي نوفا تكمل دراستها بس تخلص الثانويه ذي اخر سنه وبعدها كيفك بس خلينا نظمة شهادتها
<< وهي تقول بقلبها مافادتني الشهاده لسه باملفي وادور فيها بين الدوائر
الا بصوت امها : خلاص بخليها تكمل
مضاوي : يالله تامريني بشي انا بروح اغير واحط الغدا
ام متعب: ما سوينا غدا اليوم
مضاوي : ليه يما نوفا ما سوت ؟
ام متعب .:. ما فيه ملح ولا ايدام .
مضاوي ." توقف بياس .بعد كلمة امها وتقول متى اكلنا ايدام الا بالاسبوع مره نسيت انا ناكل كبسة عدس واكيد العدس خلص
وهي تمشي وغير انتباااه وتفكر لازم اغير من وضع اهلي لو شبر على الاقل او اصبع احقق في تغييره
وهي تمشي وتتجه لغرفتها بسرحانها وتفكيرها المشلول وبعجزها الفكري بالبعد عن المشكله ببعد حدود ممكن وطرح الحلول المناسبه لها ولعايلتها تتخطى الخطوات بعجز
وكانها تقول سانجح حتى لو عجزه فكري وتوقف
تفتح باب غرفتها بسرحانها المعتداد الا تجد اختها نوفا نايمه بسريرها من غير بطانيه وتقرب منها وتفطيها وتترجع تجلس على سريرها وبعدها تتمدد بظهرها وهي تفكر وتفكر
الى متى وهذي حالتنا 7 اسنين وحنا على هالحاله من حادث ابوي الله يهديه واصابته بشلل كامل كله من اهله اللي ماعترفوا فيه ومن ابوه اللي حطم رجولته
<<اللي هو جدي
االانه ببساطه ابوي كان ولد صايع ضايع بالشوارع والكل يشتكي منه والانه يسرق والكل ما بلغ عليه الانه ابوه يطق كل باب يتسامح منهم بس يطلع اولده من السجن .
واخر مره جريمه سواها ابوي انه دخل بيت جيراننا وسرق ذهبها وطلعت البصمات ابوي ويوم امسكوا ابوي واسجنوا سنتين ابوه تبرا منه وابوي بعد السجن عقل وتاب
بس ماعاهد نفسه ما يسوي الجرايم وهداء الله رجع لابوه والصدمه انه ابوه طرده وانه متبري منه وابوي كان راجع بسيارته سوا حادث كبير ووبفضل ربي عاش منه بس مشلول
والحمدالله اهم شي نشوفه هي وسند لنا
وفجاء تحس النوم بدا يتغلغل داخلها وهي تسوالف على نفسها وفجاء يفتح الباااااااااااب بقوى
وتفتح عيوني بقوى بشوف من قليل الحيا اللي فتح الباب بقوى << ناويه تتهاوش الاخت
الا القى ليلى تقط كتبها وترمي نفسها على سريرها انا بصوت عالي : هي انتِ حاسبه نفسك بروحك بالغرفه شوي شوي على الباب لا ينكسر ترا ما عندنا ولا فلس لتصليح الباب
ليلى .:. طيري زين اقول انا تعباانه وبنااااااااااااااااااااااااام
مضاوي : عرفنا بتنامين عاد احد يدخل ويخرع الناس النايمه وهي تلتفت على اختها نوفا
ليلى . هههههههههه الا ذي لو تكسرين البيبان كلها ما تقوم
مضاوي : اي والله ماشاءالله نومها ثقيل
نوفا وهي مغمضه عيونها : اذكرووووا الله تراني صاحيه بس مالي خلق اصحى
مضاوي .,:: ولوووووو وانا اللي خايفه عليك من البرد اثريك صاحيه
نوفا وهي تفتح عيونها وتسند نفسها على السرير . حسيت فيك وانتي تغطيني شكرا بس كنت افكر ما حبيت ازعجك الا جد بشري بتتوظفين ؟
ليلى : الا جد بشري ؟
مضاوي وهي قلقاانه بشده ما تدري وش ترد عليهم
ليى : اكيد لا من وجهك واضح
مضاوي برتباك من قال لا انا ما تكلمت بس كنت افر بوظيفتي الجديده
الكل من نوفا وليلى يصااارخ : وااااااااااااااااااو واخير

يتاابع

---

v,hdm Yku'hthj hg.lk

[# بنت عتيبة #]

نوفا : بروح ابشر الكل وتركض لمجلس
مضاوي منزله راسها .ما تدري وش راح تسوي بالكذبه اللي قالتها هي مو متعوده تكذب على امها وابوها بس الظروف اجبرتها
ليلى وش فيك يامضاوي شكلك مو فرحانه بالوظيفه .؟

مضاوي : الا فرحانه
ليلى : ما وظفووك صح
مضاوي ترفع راسها بقوى .: هاااا
ليلى : وجهك يقول انك تكذبي
مضاوي وهي تجلس بسريرها : اي اكذب
ليلى : وانتي قلتي لاهلي الكذب !!
مضاوي : اي ياليلى والحين متورطه كيف راح القى شغل
ليلى وبتظنين اهلي بصدقون وظيفتك .؟
مضاوي ليش لا انا بدور الاسبوع ذا اي مكان خاص يوظغني ان شالله
ليلى : وليه ما استقبلوك
مضاوي بضيقه : ليلى لا تخبرين اهلي
ليلى : ليه اخبرهم بعد ما زفيتي لهم الخبر الحلو تبغيني اصدمهم يادوري لك شي يصدقونه يا لا تكذبين عليهم وتتورطين مره ثانيه
مضاوي : انتي تعرفين كم مره اروح لهناك فوق العشرين مره وكلهم يقولون لي عندك واسطه تعالي لا تتعبين حالك وامي كذا مره قالت لمعلمات وكلن يعطيها ظهرها وش تبيني
اسوي يعني اخليهم يتحطون يعني فوق اربع سنين ماراح اشتغل وبجلس زي زي اي كنبه بالبيت لازم اشتغل وبعدها يوم تعدي الفتره بقولهم الجد
ليلى : وليه كذبتي ؟
مضاوي : انتي عارفه انه ابوي ما يحب البنت تشتغل غير بمكان يثق فيه لو اقوله بشتغل في فندق بيرفض او بشتغل غير المكان اللي تخصصت له ماراح يرضى
ليلى : اوكيه خطوتك الثانيه وش هي ؟
مضاوي : محتاره !!
ليلى وهي تقرب من الدريشه وهي تقول : لازم اللي يغلط غلطه يتحملها
مضاوي : انا ما غلط انتي تعرفين لي دافع ليلى لا تخليني اندم اني خبرتك !
ليلى خليها لربك واذا عن السر لا تخافين ماراح اخبر احد
مضاوي : باقي اسبوووع لالالا ثلاث ايام لازم افكر فيها قبل الا سبوع يجي
ليلى : الله يهديك وش راح تسوين بثلاث ايام ؟
مضاوي : عندي فكر وادعيلي تنجح
ليلى .: وش هي
مضاوي : اولا لازم اطلع لي شريحه جديد للجوال .
ليلى : انتي مو لاقيه تاكلين تطلعين شريحه للجوال ياناااااس اختي مجنووونه جد
مضاوي : ابي منك سلف مكافاتك 80 اريال بس
ليلى : اذا هي كلها 100 اريال ؟
مضاوي بتوسل : بعدين اقولك انقذي اختك بلييييييييييييييييييييييييييز.
ليلى : يقولون لك اتبع الكذاب لعتبت الباب ونشوف اخرتها معااك
مضاوي بتشوفين ان شالله وراح تسوين زيي
ليلى : المحمد الله والشكر له استخفت اختي
مضاوي : هههههههههههههههههههههههههههههه لا جتني فكره سريعه براسي ونويت اطبقها
ليلى : انا بطلع قبل لا استخف معك
نهاااااااااااااااااايـة الجزء الاول
التوقعات
* ماهي الفكره التي تدور براس مضاوي .؟
* ليلى ماذا تخبى بالجزء الثاني ؟
* هل يكتشف ابو متعب كذبة مضاوي .؟
* ام متعب هناك سر خطير تخباه بين طياتها ماهو
واتمنى لو رد بسيط او الرد على التوقعات واتمنى لكم المتعه بالقراءه

[# بنت عتيبة #]

الجــــــــزء الثاني
--------------------
مضاوي تلبس عبايتها تبقى تطلع من غرفتها الا تمسكها ليلى
ليلى .: وين طالعه والشمس حاره .؟
مضاوي : انا بروح لهيفاء صديقتي بتساعدني
ليلى : يمكن تعتذر لك
مضاوي انتي تعرفين هيفاء عمرها ما ردت لي طلب وهي تعرف ظروفي
ليلى اوكيه وش راح تقولين لها ؟
مضاوي .: بعدين تعرفين يالله بلغي الاهل اني طالعه
وتطلع تاخذ جزمتها كرمكم الله وهي تقول قبل لا تطلع : شوووفي اذا قالت امي ليه رايحه لهيفاء قولي لها بانها رايحه تشتري معها شوي اغراض لهيفاء
ليلى : وش اسوي بهذي البنت ما تفكر ابد خلاص جتها الفكره براسها ما تضيعها لكن لازم تخطط لها
وتترك الغرفه وتروح للتلفزيون تجلس مع خواتها احسن شي تسويه
نوفا : وين خارجه مضاوي ؟
ليلى : تقول انها هيفاء طلبتها تتسوق معها
لولوه : مجنونه اذا راحت
ليلى ,: ليه طيب ؟
لولو ه: الانه راح تتحول عيونها من الغراض والاشيااء الحلوه والله اذا رحت ودي اشتري اي شي مو نلبس ملابس مستعمله من رفيقات امي بالمطرسه متصدقين لها
ليلى : لولو بس والله لو تسمعك امي بتزعل عليك
نوفا : هذا حالنا ليه مستغربه ياخت لولوه دايم تلبسين مستعمل وش الجديد ؟
ليلى : ولا ومستعمل من الدرجه النظيفه مو المرقع من كل جهه واحمدي ربك في غيرك مو لاقين هالملابس اللي انتي تلبسينها
لولوه : ليه حنا مو مثل اعيال عمنا كل واحد عنده بيت له ملك وحنا اجار ,, جد جدي يقهر يعني في احد يتبرا من ولده ؟
ليلى وهي تقرب منها تسكر فمها : اووووووووووص امي وابوي نايمين والله لو يسمعونك بيعصب ابوي ويمرض من جديد
الا يدخل عليهم متعب ,,
متعب : السلام عليكم
الكل :: وعليكم السلام
لولوه : وبعد انت وين على الله ؟
متعب .: ملك شغل فيني ماني بنت زيكم اجلس بالبيت
ليلى : لولوه بس لاتصارخين عليه ترا هو رجال البيت
متعب ويلتفت لولوه : وش قصدك على الله ؟
لولوه : توها الخانوا مضاوي طالعه لرفيقتها وانت بتطلع لربعك صح
متعب .: اذن مالك خص فيني ويطعطيها ظهره ويمشي لباب ويطلع
لولوه : هذا الولد بيموتني وانا ناقصه عمر عمره 12 سنه وكلامه فوق 18 سنه
نوفا :: اذكري ربك
لولو: لااله الا الله محمد رسوال الله
ليلى : صليتوا العصر ؟
نوفا : ليه كم الساعه الحين ؟
ليلى : 3 ونص
لولو :: لااااااااااااا بيطلع الحين مسلسل بنات ما اصعب الكلام
وتقوم تركض للتلفزيون وتضع على قناة دبي
الا وصوت من خلفها يصرخ :
ام متعب : لولوه الصلاة
لولوه :: يما خوفتيني
ام متعب : يوم تقولك اختك الصلاة ماتقومين تذكرين المسلسل وتنسين الصلاة
لولوه :: بصلي الصلاة ماراح تروح يايما بس المسلسل بيطوفني
ام متعب .: وجع قومي جدامي صلي وتاخير الصلاة فيها ذنب
لولوه وهي تنزل راسها . ابشري يالغاليه ها انا بروح اصلي بس لاحد يغير القناة
ام متعب : صلي محدن مغير ها
نوفا : بقوم اصلي تامرين شي يما
ام متعب : لا سلامتك ياقلبي الا جد وين راح متعب اسمع صوته منساع .
نوفا : يقول رايح لربعه و تطلع لغرفتها تصلي .؟
ليلى : ومضاوي راحت لرفيقتها هيفاء تقول تبغى تروح معها للسوق
ام متعب : وذي البنت ما معها فلوس لتاكسي كيف تروح ؟
ليلى : عادي من صديقتها
ام متعب وذي ما تستحي ياناس وش اسوي فيها دايما مفشله عمرها ومفشلتنا مع بنت الاجواد
ليلى : تعبنا وحنا نقول لها وش نسوي فيها يايما
ام متعب : الله يهديها يارب وتدخل غرفتها تبغى تتوضا وتصلي وهي تدعي ان يستر بناتها ويحفظ لها عيالها وزوجها .

----------------
تركب التاكسي وهي تفكر يالله عسى فكرتي تنجح وأقدر أساعد وظعنا لو شوي واذا ما نحجت وش راح تسوين يامضاوي ؟
وبعدها تسكت وبعدها تتكلم والله مكه ما بنت بيوم وليله والكهربا ما جتنا بيوم وليله .للازم اقاوم الفشل ما ابي افشل وازرع الفشل بداخلي خليك متفائله << اي هين متفائله وهذي
حالتنا كل سنه نتفائل ونزيد اردى حال من قبل يالله ابتسمي يمكن تبتسم لك الحياة مثل ما يقولون الا السايق يتكلم
ماما هذا بيت يالله
مضاوي : شوف انا بيروح شوي داخل يجيب فلوس يجي
التاكسي : لالالا مافي الحين يبي
مضاوي : وش هالعله ماراح اسرقك صدقني بجيب الفلوس واجي
التاكسي : عطيني جوال مالت انته عشان ظمان ماما
مضاوي : مافي جوال انا ؟
التاكسي بصدمه : وش انت كذابه
مضاوي والف جني ينقز براسها : من كذابه ؟
التاكسي : مافي نفر ماكو جوال .
مضاوي : اقول اسكت ولا بعطيك بذي اليد شين ما تتمنااه
الا ابو هيفاء يطلع من عند البوابه بيته الا يشوف مضاوي جدامه
التاكسي : شوف هذا بابا مال انت يبي فلووس
مضاوي تلتفت وتشوف ابو هيفا وتستحي : اووووص فشلتني ذا ماكوا بابا انا
الا ابو هيفاء يقرب بسيارته
ابو هيفاء : عشان ماشر يابنتي مضاوي .
مضاوي : ابد ياعمي ماكوا شي
الا صاحب التاكسي يتكلم : هذا ما يعطي فلوس حق انا
ابو هيفاء : كم تبغى ؟
التاكسي : 40 اريال
ابو هيفاء : خذا
التاكسي : اخذ الفلوس وشاق الفيس من اذنه اليسار الى اذنه اليمين
وهو يشوف وجه مضاوي حمر من الفشله
وهي تتكلم اخيرا عمي لا تعطيه انا ناويه اعطيه بس قليل ادب معي
ابوهيفاء : حصل خير يابنتي وسلميلي على ابوك
مضاوي : ابشر ياعمي
وهي تدخل القصر وهي كلها امنيات انها تعيش بنفس القصر ذا والخدم والجوال وكل سبل الراحه
الا تشوف هيفاء جدامها
هيفاء : هلا وغلا بمضاوي حيالله القاطعه وينك يادبه لي اربع ايام ما شفتس ؟
مضاوي : هلا وغلا فيس .والله بهذي الدنيا وانتي اعرف بظروف
هيفاء : تعالي تعالي اجلس هنا عندي لك سوالف كثييييييييييييييييييييييره
مضاوي : ههههههه وش جديدك ؟
هيفاء : مو جديد تقدرين تقولين الاحداث الجديده
مضاوي : اللي هي وش ؟
هيفاء : قبل يومين جاني واحد خطبني
مضاوي بفرح : جد الف الف الف مبروووووووووووووووك ياقلبي .وتقوم تبوسها
هيفاء بخجل : اي واهلي موافقين بس محتاره اوافق او لا وانا كنت ابغى رايك بس انا ما اقدر اوصل لك لاعندك جوال ولا تلفون بيت يالله اذا جيتيني صدفه مثل صدفاتك اللي
دايما تجيني فيها
مضاوي : وانا اليوم جيت بطلبك طلب ياهيووفه لا ترديني
هيفاء : اووخص ارد صديقتي وحبيبه قلبي مضاوي افا بس لالا زعل انتي تامرين لا تنسين انتي لك فضل علي ولازم اسويه
مضاوي : ما ابغى تذكرين افضالي ابيك بوقت الحاجه تردينها الحين ابي منك دين وارده لك متى ما مشت تجارتي
هيفاء : تجارتك ؟ وش متى اشتغلتي ؟

مضاوي : يالخبله بسوي شي وابيك تساعديني .وهالشي لازم فيه ماديه وانا ماعندي ماديه بتسلف منك ومتى ما ربحت بعطيك الدين اللي تسلفته منك
هيفاء وهي تجلس رجل فوق رجل : وش مشاريعك يالله بشارك معك
مضاوي : بتعطيني او لا ؟
هيفاء شوفي اذا عجبني المشروع بشارك معك من الحين اقولك اكيد بعطيك كم تبين لمشروعك
مضاوي : 600 اريال
هيفاء : وش 600 انا ما عندي الا 200 اريال ,,
مضاوي : تنفع 200 يالله عطنيااها
هيفاء: ماقلتي لي وش بتسوين
مضاوي : اولا بطلع لي بطاقة للجوال وبشحنه 50 اريال والجوال يمكن القااءابو كشف وبعد مستعمل يمكن القااه 60 اريال والباقي وبسوي اعلانات بالمدارس واغراض للدراسه
هيفاء تقاطعها : اعلانات وش
مضاوي : امممممممم ماراح تفهميني بدرس خصوصي للبنات الابتدائي
هيفاء : واهلك راضين غريبه ؟
مضاوي : اوووص اهلي محد يدري اني بشتغل هالوظيفه غيرك
هيفاء : اجل وش له تكذبي عليهم .؟
مضاوي : قلت بعد اسبوع بشتغل بعمل ليلي << والحمدالله انها وفقت معي اليلي
هيفاء اها طيب ماقالوا لك وش هالعمل الليلي غريبه ؟
مضاوي : بلا قت بعد اسبوع بيعطوني خبر
.هيفاء كذا حلو بس ما تخافين بانه يكون غلط العنوان او انه السالفه فيها كذيه
مضاوي : لا تخوفيني انا بسوي اللي اقدر عليه
هيفاء : اصبري شوي بروح اجيب لك حاجه واجي
مضاوي :وين رايحه تعالي ما ابي لا عصير ولا شاي اخاف تعود عليها وابتلش معك.
هيفاء بضحكه : هههههههههههههه لا ماراح اعطيك اخاف كل يوم رازه وجهك هنا ويتزوجك ابوي
مضاوي : اما يتزوجني ابوك بتكشخ من اليوم عشان يحط عينه علي ههههههههههههههه
هيفاء : وجع ترا ابوي كبير ماهو بقدر المسؤوليه
مضاوي وهي تحطي يدها خلفها تبغى تتمغط :: اي هين ان شاءالله كبير ترا لا تخليني احطه براسي
هيفاء وهي تدور بين الرفوف :: لا عاد انتي اذا حطيتي شي براسك بيصير يعني بيصير .
مضاوي : ترا عورتي راسي وش تدورين بين هالرفوف
هيفاء : بوفر لك يالخبله
مضاوي : وش توفرين لي
هيفاء : اخوي عنده جوال ودايما قاطه ما يبيه لدرجه معطنياااه يقول ما يبغى لا الجوال ولا حتى الشريحه
مضاوي :: واااااااااااااااو وش جواله
هيفاء : لحظه قاعده ادوره ما اتذكر بس شكله عادي مو كشخه
مضاوي : يالله عادي اهم شي جوال
هيفاء تصرخ :: وااااااااااااااااااز لقيته واخيرا ذا الجوال شوفيه
مضاوي : وش اسمه ؟
هيفاء : ماعرف اسمه بس نوكيا وفيه كامره وش عليك بعد
مضاوي : كويس حلو
وبعدها تقول :انتي متاكده انه اخوك ما يبغااه
هيفاء : متاكده الانه له شهرين موجود هنا كل يوم له رقم وكل يوم له جوال لا تخافين وال200 اريال سنعي عمرك فيها
مضاوي وهي تضم هيفااء :: ربي لا يحرمني منك يااغلى اخت وصديقه
هيفاء : بس خنقتيني تبغيني اموووت قبل لا اوافق على الخطيب
مضاوي : اسم الله عليك يادب
هيفاء /: وش رايك نروح نسوي الاعلانات من الحين
مضاوي : الا جد هي تطلع بنفس اليوم او متى
هيفاء : خليك انتي وانا اروح اسويها لك وش رايك ؟
مضاوي وبيدها الجوال : اول شي علميني كيف استحمل ذا تراني ماعرف له بالمره ما الوم التاكسي يوم يقول مافي حد مافي جوال
هيفاء : اي تاكسي
مضاوي : هههههههههههههههههه اسكتي ما قلت لك السالفه
هيفاء : لا ما قلتي لي وش السالفه
مضاوي : اولا سلميلي على ابوك وقولي له مضاوي تسلم عليك وتقولك شكرا الاني جد توهقت وماعندي ولا فلس جايتك اطلب منك الا يوقفني على بالي كذاابه اني بدخل البيت وبخليه
ماعطيه حقه وابوك طالع من اليت وعطااه فلوس وانا وجهي طماااااطه من الفشله
هيفاء : ههههههههههههههههه شفتي ابوي كريم يابرني ابوي
مضاوي : دبه خلصيني وعلميني الجوال ولا اخذ ابوك
هيفاء : لالا بعلمك ولا تاخذين الغالي مني
مضاوي : الله يخليك لكم
وهيفاء تاخذ مضاوي وتعلمها بالجوال وتخزن رقم هيفاء عندها
والا تصرخ هيفاء :: بقره بقره ما تفهمين الحين مسحتي رقمي كم مره اعلمك مو كذا
مضاوي وترمي الجوال : خلاص ما ابغاااه ياختي صعب
هيقاء : وش الصعب كل شي مكتوب بالعربي هل تريد الحذف او لا ليه طيب نضغطين نعم
مضاوي : ياختي لا تصرخين تراني توني اتعلمه منيتي علينا التعليم
هيفاء : يالله اتصالي علي ؟
مضاوي وهي تشوف عيون هيفاء وهي خايفه من صراخها : اضغط الزر الاخضر صح
هيفاء وشياطينها بتنقز : وش وش وش اسمع اول شي قبل الزر الاخضر وش تسوين
مضاوي : اضغط الاسما وادور اسمك واضغط الزر الاخضر
هيفاء ::اوووووووووووووو واخيرا فهمتي اوووكيع كيف تغفلينه
مضاوي ببتسامه شاقه الفم : الزر الاحمر << فيس يضحك
هيفاء : واخيرا فهمتي بس الحين بعلمك الاتصال السريع تضغطين رقم 2 والزر الاخضر اطلع انا لك على طول شوفي لا تخزنين ارقام ثانيه غير رقمي ورقم اللي راح تتفقين
معهم بالحصص
مضاوي : طيب فهمت
هيفاء : يايالله جدامي يالعجوووز .
مضاوي : عاد لا تعيريني ترا عمري زي عمرك 23 سنه ليه تعايرني
هيفاء : هههههههههههههههههه انتي عجوز وانا توني بشباابي اقول يالله البسي عبايتك بنروح للاعلانات نختار لنا اعلان لتدريسك
مضاوي :: الا جد كم اطلب بالحصه الوحده ؟
هيفاء : اممم الحصه الوحده 30 اريال ؟
مضاوي : بس قليل ؟
هيفاء : وش رايك تتشرطين وتقولين ادرس الكورس كله ويوميا ماعاد الاجازات عشان تظمنين اهلك بانك تشتغلين مو يوم جالسه بطاليه ؟
مضاوي : حلو 30 كل يوم ونااسه كم بالشهر ؟
هيفاء : 900 اريال
مضاوي بدهشه : للواحد 900 يعني لاربعه امممممم
هيفااء : 3600 الف اريال
مضاوي وعيونها تتطاير وااااااااااااااو الحمدالله لك يارب
هيفاء بضحكه هستريه على شكل مضاوي :: ههههههههههههههههههههههههههههههه وش تحمدينه لسه ما اشتغلتي يمكن الناس تاخذك حصه بالاسبوع ؟
مضاوي : لا بتشرط وبسوي نفس شرطك ههههههههههه
هيفاء : يالله قووووومي
مضاوي : وين ؟
هيفاء : شكلك نسيتي .؟
مضاوي : لا تلوميني ذا بيكفي والله ماراح اكون طمااعه .
هيفاء وهي تقرب من صديقتها : لا تخافين يامضاوي انا معك صدقيني ماراح اخليك ياقلبي
مضاوي : هيفاء والله قليل زيك والله اخجل منك من كثر فضلك
هيفاء : الفضل لله يابنت مو لي وانتي لا تنسين انك سعاديتني كثييير
مضاوي : وش سعادك فيه كله بالطرسه وفي الكليه اسويلك مراجعات وحل واجباتك ياعمي طيري
هيفاء :: تتذكرين يوم تقولين للبنات انا احل واجباتكم كم تعطوني من ذاك اليوم احب اساعدك
مضاوي : يابنت انتي ناويه تذليني بعد هههههههههههههههههههه
هيفاء : مدري ليه انا بالذات ما تاخذين مني ؟
مضاوي : الانك الوحيده الي رضيتي فيني صديقه وانتي تعرفين حالي والبنات كيف مو متقبليني بالفصل
هيفاء :قوومي ناويه تبكينا اليوم يالله ترا اخر مره اعرض خدامتي لك
مضاوي :: ههههههههههه يالله قمنا قولي لسووااق يشغل السياره الرزريز
هيفاء : ههههههههههههههههههه ولمن لك اشهدنها راحت فيها وطي
مضاوي : ههههههههههههههههههههههههههه ليه ما استهلها
هيفاء : لا اذا ركبتها انا اركبيها انتي
مضاوي :: ابشري وهي ترلبس عبايتها تبغى تطلع مع هيفاااء
___________________
بالحمام كرمكم الله بصوت الدش الساخن الذي لا يوجد مبرد له تجلس على باحدى زواياااه منخفض صوتها
وتهمس بخفعه لا تريد احد ان يسمعها
لولوه : قلت لك خلاص الوعد بيصير بالشقه اللي انتي تختارينها ياقلبي
: قلت لك لا تناديني بالمؤنث
لولوه : اسفه ياقلبي انت .
.: شوفي ملابسك ذي المعفنه ما ابي اشوفها عليك مره ثانيه انا قلت لهم اذا تبغون لولوه لبسوها
لولوه : اوكيه موافقه بس شوف من الحين اقولك ذاك الشخص اللي جبتيه لي ما ابغاااك اكره ياصيته
صيته : وش صيته انتي نسيتي كم مره اعلمك اني بويا ماني بنت سميني سامي ولا تناديني صيته
لولوه: اسفه تعرفين انا توني جديده معكم يبيلي وقت على ما اتعود يا سامي
صيته : يابعد قلبي انتي خلاص الوعد بالشقه اللي جنب اللي بالشارع العام الساعه 8 بليل
لولو ه: ثمان ما اقدر انا دايما حلو وقتي الساعه 6 ؟
صيته : دبري نفسك يالله انا مشغووول
لولوه :لحظه انتي علمتيهم اهم شرط عندي ؟
صيته : اي خبرتهم الدفع اول
لولوه وهي تنزل راسها وبصوت اخف : كويس خلاص بحاول الساعه ثمان
صيته : لا تقولين بتحاولين تجين يعني تجين والا جيتك واخذتك لا تنسين انتي من جيتي لنا وحنا من نمشيك مو انتي اللي تمشينا .
لولوه بياس : خلاص ابشر راح اسوي اللي يعجبكم بس المبلغ امسكه انا
صيته : كيفك زباينك وانتي كيفك فيهم يالله بسكر
لولوه : طيب مع السلامه
صيته : مع السلامه
وهي تحاول ترسم خطه كيف راح تطلع من البيت بالموقت المطلوب وهي تتذكر كيف رمت نفسها للفئه الفاسده
وهي تقول وش يصلح حالي الحين خلاص بنت ضايعه لا ابو ولا ام تهتم فينا امي كل همها الفلوس والشغل عمرها ما راقبتنا وين رحنا او وين جينا
هنا الكل محد يدري باحد هل انا جد اروح المدرسه او لا من بعد ما تركتني نوفا بالثانويه وانا ضايعه لا رفيقه لي كل هم امي الفلوس حتى رفيقتي واختي اخذتها مني
لشغلها ومصالحها وهي تغفل ماء الدش وتغسل وجها وتطلع من الحماام (كرمكم الله ) وهي كلها همووما متسلطه

[# بنت عتيبة #]

______________________
في احد المجمعات الكبيره بوسط الشمس الحاره بـ سطل ماء ومنشفه من نوع الجلد واسفنجه بملابس لا باس فيها ووجهه فيه ضياع الطفوله المبكره
وعبق الرجوله المتقدمه ينسى من يكون حين يعمل كل همه ان يكون قد المسؤوليه ينظر الى الاطفال الذين يخروجون من المجمع بفرحه مشرق يناهزون عمره
.كل شخص مع لعبه سياره او اي نوع من الالعاب الماركه التي تظهر بالكرتون ويدور حوار بينه وبين عقله انا ليست طفلا انما انا رجل سوف اساعد اهلي
وهو يتذكر كلمة والده حين يجلس مع كل مره :
انت رجال لا تضيع شباابك مثل ما ضيعت انا شبابي وطفولتي باشياء مالها معنى متعب اهلك محتاجين رجال وانت رجالهم يامتعب ساعد امك اذا تخرجت لا تخليها
ولا تهمل دراستك ترا شفني ضيعت دراستي ومشيت مع ناس ضيعتني وضيعت مستقبلكم لا تقول انك صغير انت عمرك 12 وتفهم الله الله بصلاتك لا تنسااها ياولدي
لا تسوي نفسي وانا ابوك ما صليت لربي يوم ودي لو ارجع 5 دقايق بس اسجد لربي (ويذكر بكي ابوه )
متعب : اوعدك ياوعدك ياوبي
يصحى متعب على صوت رجل كبير بسن : تغسل سيارات انت
متعب : ايوه بـ30 اريال
الشايب : غالي ياولدي اللي اعرفه تغسيل السياره 20 وكثير
متعب : بس ياعمي انا اغسلها عدل واذا شفت شي ياعمي ماطاب لك ابشر برده لك
الشايب اعجب بكلام متعب مع صغر سنه .
الشايب . كم عمرك ياولدي
متعب : 12 سنه
الشايب يقرب منه : ماشاءالله عليك انت سعودي ؟
متعب يضاايقه هالكلام بس ما نزل راسه وقال بينه وبين نفسه الشغل مو عييب مو عيب يامتعب: اي نعم سعودي
الشايب : ليه ماعليك مدرسه تحل واجباتك
متعب ما عجبته السوالف حب يغير الموضوع : امر ياعم تبغاني اغسل سيارتك او لا ؟
الشايب .: شكل كلامي مو عاجبك ؟
متعب : ابد بس انا وراي شغل واعذرني .
الشايب .: وش رايك تجي معي
متعب : اسف ياعم انا ما اروح مع احد
الشايب .: لا يابوك انا ماراح اخطفك بروح اشتري لك ملابس غير ذي وشغل يعجبك
متعب : اسمحلي انا ما شكيت لاحد واذا بشتري بشتري من فلوسي
الشايب اعجب كثثثثثير بكلامه متعب
الشايب ما شاءالله عليك
ومتعب مندهش من كلامه ومتعجب
وهو يمد بوكه ويطلع منها 50 اريال خذ يولدي
متعب .:انا قلت 30 اريال ؟
الشايب : هذي مني العشرين زياده
متعب : .
الشايب : لا تخاف صدقني انا حبيتك من الله واحسبها هديه من عمك
متعب .: ثواني وخلص سيارتك واذا ما عجبتك قولي
والشايب يشوف متعب كيف يمسح بضمير وبروح الطفوله الضائعه منه ويدعي ربه بانه يشوف له ضنا قبل لا يموت ويشبه هالولد
بعد ربع ساعه . متعب وهو يمسح عرقه من الحر ,, سم ياعم خذ سيارتك نظيفه
الشايب : ماشاءالله عمري ما شفتها تلمع كذا والله انت تستاهل فوق 50 اريال

متعب وهو منصدم لالا 30 ولا تزيد ولا تنقص انا ما امشي برشاوي
الشايب يضحك . هههههههههههههههههههههههههههههه وربي ما ضحكت زي كذا ياولدي
متعب : الا انت وش اسمك ؟
الشايب : انت ما قلت لي وش اسمك عشان اخبرك وش اسمي .؟
متعب : انا اسمي متعب
الشايب :: وشكلك متعب اهلك وليه سموك كذا ؟
متعب بذكاء : وانت وش اسمك
الشايب .: وانت ذكي تضيع السالفه ؟
متعب : والله اهلي ما جابوني الا اخر واحد ويقول ابوي انه على اسم ابوه هع
الشايب ": وليه انت ماتعرف اسم جدك ؟
متعب : هههههههه اكيد بعرفه وانت وش اسمك
الشايب : اسمي منصور ونادني ابو غايب !
متعب : هههههههههههه شكل ولدك ماراح المدرسه اليوم غايب
الشايب بحزن : ماعندي ولد
انصدم متعب :: اسف
ابو غايب : تصير ولدي
متعب : يشرفني ياعم
ابو غايب يمد له مية اريال : خذ يالله لازم امشي
متعب : لا انا ما اخذ الا 30 اريال
ابو غايب : توك تقول تتشرف فيني ابو وش فيك رديت بكلمتك ترا الرجاجيل عيب يابوك ترد بكلامها
متعب .: اخذها بشرط
ابو غالب : وشهو الشرط ؟
متعب : اذا جيت وشفتني تخليني اغسل سيارتك مجاااااااااانا ؟
ابو غالب بضحكه : وانا موافق يالله اسمحلي ياولدي بطلع
ويمشي ابو غالب بسيارته الفخمه ويبتعد عن المجمع الكبير
الا يشوف صبيان بعمره يتحرشون فيه . انت ياهيه تعال نظف نعالي < كرمكم الله
متعب معطيهم طاف وهو يلم اغراضه فرحان بالمية اريال وش راح يشتري لاهله فيها
وهو يمشي الا ذاك المجموعه من الصبيان يتجمعووون عليه ويرمون عليه ذاك الكلام الرديئ الوقح وهو ما يبي يتهاوش معهم او يرد عليهم
يسمع دايم ابوه يقول خل الكلاب تنبح والقافله تسير ومالك باحد ياولدي مهما كان ربعك خلك بروحك يمكن ابرك لك ولا تضيع بربع السؤ اللي ما انفعوا ابوك .
الا تجيه ضربه قويه من الخلف ويسقط على ركبته ويمسك راسه وهو يقول: اااااااااااااااااااااااااااااه
الاول : اذا كنت رجال تعال مد يدك يابن
الثاني .: ياولد الخدامه تنعال واخيرا شفنااك برا المدرسه اذا فيك خير تعال مد يدك علينا الانك ما تقدر
متعب يشوفهم ولا يقدر يتكلم ما يبغى يتهاوش معهم ويصير فيه شي الانه هم 5 وهو بروحه
متعب . وش تبغوون مني
هادي : انت تعرف وش نبي
متعب .: وش عرفني وش تبغون ؟
هادي : نبغى نظربك وش رايك ماعندنا شغل
متعب : انتوا خمسه وانا بروحي ما تشوف انها ظلم ؟
هادي :: عطنا الفلوس اجل اللي جمعتها اليوم ؟
متعب : ما جمعت شي
غازي : كذااااب انا شفت الرجال يعطيك 100 اريال
متعب : وهذي لاهلي انا ما العب
غازي وهو ينادي ربعه تعاللووو يالله نظربه ونتخاشر بالميه
متعب وهو يخبي فلووسه ويكور على نفسه الا وكل واحد ظااااااااااااااربه من جهه وهو يتوجع المسكين
واحد يظربه بيده والثاني براسه والثالث يدعس عليه والرابع يعااايره والخامس يحاول يمد يده يبغى ياخذ فلووسه اللي جمعها اليوم
والمسكين متعب متكور يستحمل الالم ولكن لا يفقد الامل
لم يستحمل طويلا فقد الوعي تحت الشمس الحارقه وبظربات الصبيان الموجعه .وسرقوا ماله وتركوا مرمي على رصيف السيارات تحت شارع حارق لا يرحم بحرارة
الصيف الملتهب .
_______________
وفي جهه ثانيه بعمر الزهور المتفتحه مضاوي وهيفاء (23 سنه )
يشاركون الضحكه والفرح والحزن معها
هيفااء : وش مسوويه ذي الورقه غاليه لصقيها على ذا الباب
مضاوي : تتوقعين بيتصل علي احد بكره ؟
هيفاء بتفكير :: ليش لا ؟
مضاوي : هههههههههههههههههههههههههههههههههههه
هيقاء : استخفيتي ؟ الحمدالله والشكر
مضاوي : تخيلي زوج وحده من المدرسات يوقف هنا وياخذ رقمي ويغازلني شوفي اذا مزيون باخذه
هيفاء : والله منتي صاحيه شكل الفكره لاعبه براسج يادبه
مضاوي : بقوى وربي لاعبه الله يستر من الضحك اليوم ههههههههههههههههههههههههههههههه
هيفاء : اللهمه اجعله خير يمكن ذي بداية الافراح ؟
مضاوي وهي ترفع يدينها نفس العجايز :: يااااااااااااااااارب الله يسمع منك الا اقول وين القبله
هيفاء .: ليه ناويه تصلين هنا ؟
مضاوي : لا يالهبله يقولون ادعي بجهة القبله تقبل الدعوه
هيفاء : ههههههههههه ربك بكل مكان يادبه يسمعك
مضاوي .: ما علينا يالله نمشي لمدرسه ثانيه نعلق فيها الاعلانات
هيقاء يالله نمشي .
____________
ابو غايب وهو بسيارته يذكر ربه على متعب جد يدعي ربه انه يرزقه الولد الا يبغى جواله ويدوره بسيارته مو لاقيه له اثر ؟
استغرب وين حطيته يامنصور لا يكون نسيته بمحلي لالاا يوووووووووو لا يكون الولد سارقه ويقول ما ابغى منك شي ؟ يعني سارقه بس لا اللي يسمع
كلامه ما يقول انه حرامي ؟
وهو ياخذ الاشاره فوق تحت يبغى يرجع للمجمع اللي فيه محله المجوهرات
وهو يصفط جدام المجمع بيتاكد بالاول هو بالمحل او لا وهو ينزل من السياره وفي باله كلام متعب : عمي لو جد تبي تعطينيااهم ابغااك تناديني كل يوم ولا ومجانا
ويصعد بالانصنصيل الى محله الا يشوف واحد من عماااله واقف
العامل : ياعم نسيت جوالك
منصور : مشكور ما قصرت ياولدي
وهو يقول ياربي سامحني ظلمت الولد وهو بيركب سيارته يشوف جمعة الناس على شي شده فضوله وحب ياخذ نظره الا يشوف متعب طايح على القار ودمه ساير
يقرب منه متعب متعب انت صاحي :: شاف ما منه رجاء
ركب سيااااااااارته وركض فيه على اقرب مستشفى للمجمع

نهاية الجزء الثاني .
(( وش تتوقعون بالاجـــــزاء القــادمه ؟ )))
* هل تنجح مضاوي في مشروووعها ؟
* هل يموت متعب ام يحيا ؟
* وش قصة ابو غايب (منصور ) مع ام متعب ؟
* نوفا بالجزء الثالث يحدث لها شي وش تتوقعون يحدث لها ؟
* ليلى مشكله تقع ففيها تورط العائله كلها وش هي ؟

قصتنـــــــــا في اولــــــــهـــا
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه

[# بنت عتيبة #]

الجـــــــــزء الثالـــث
=--------------------
الساعه 6 ونص المغرب
البيت فاضي مافي الا نسمات الهواء البارد يدخل بين ثغرات البيت القديم وضوء اللمبى الخربان اللي يشب واحد ويطفي الثاني
الام بالدوام والاب بالمجلس بمقعده المتحرك والجو هاااااااادي مافي حركه غريبه . وتشوف بعيونها وتكتشف اي حركه حولينها
نست بانه اختها نوفا نايمه وليلى رايحه للمكتبه تجيب لها كتاب للجامعه ومضاوي من الظهر ما رجعت ومتعب ما تدري وين ارضه
خذت نفس عميق وتوكلت عل الله واخذت عبايتها بتطلع من الباب الغرفه قبل لا يطب عليها احد ويعرف انها بتطلع من البيت
وتمشي براس اصابع رجلها وشايله بيدينها شحاطتها وانتي بكرامه وعباايتها الانه صديقتها سامي (اللي هي صيته )واقفه عند الباب تنتظرها
وتتاكد من غفل بااب غرفتها عشان لا تصحى اختها نوفا وهي شوي شوي تقترب من الباااب بدقات قلبها سريعه قبل لا يطب عليها احد وتروح فيها الى الجحيم الانه
دايم تقول لاهلها انه رايحه لرفيقاتها تدرس عندهم وتعرف اهلها بيرفضوا وبتروح فيها وطي
لازم تروح قبل لا احد يدري عنها وتنفضح الانه كل الاعذار اللي عندها دايم تخلص واذا ماراحت بتفضحها صيته وهي دايما تهددها بانه اذا ماجيتي
لا تنسين انه ورقة الشقه باسمك وتتذكر كم هي خبله وقعت من غير ما تقراء الورقه وتعرف وش فيها اغترت بالفلوس ونست انه مستقبلها انهدم فوق و تحت عليها
وعلى اهلها وهو السبب الي جرافها بهذا المستوى من العصيان والكفر وضيعت شرفها وكل ما تمتلكه البنت من انوثه ومستقبل ونجرافها الى زاويه الانجراف
تصل الى باب البيت بصعووبه ودقات قلبها مازالت طبول تدف بسرعه واخيرا مسكت مقبض الباب وتفتحه وهي تشوف سيارة صديقتها وتنطلق لها مسرعه من غير وعي
وخوفا من احد يراها بهذا الشكل
تدخل السياره وهي تتنفس بسرعه وبصعووبه وتسند جسمها الصغير النحيف الى الخلف وهي لابسه عبايتها بها اكمام الفضيه والذهبيه ,,
سامي (صيته ) :وش بك كانه يجري وراء كلب <وانتوا بكرامه
لولوه : اصبري شوي خليني اخذ نفس وهي تاخذ نفس عميق
سامي : ها ارتحتي الحين ؟
لولوه : اكيد ارتحت بعد ما ركبت السياره
سامي وهي تامر سايقها : شاكر روح مشغل
لولوه : وش له المشغل ؟
سامي : نسيتي انه الزبون طالبك كذا
لولوه وهي منزله راسها وهي متحسفه عل كل ثانيه ضيعة عمرها فيها ضيعت اهلها شرفها كل شي تمتلكه بقرب هالشله الفاسده
سامي تقاطع تفكيرها وسرحانها : اشوفك ماهو عاجبك الوضع
لولوه : صيته خلاص اليوم ذا اخر واحد راح اجتمع معه ياليت تفهميني
سامي : قلت لك مليون مره اسمي سامي وثانيا انتي الخسرانه موب انا بتخسرين حياتك كلها بالسجن يوم ابلغ عن الشقه وعن سمعتك واثباتات الفيديوو والحركات
وثالثا بتجلسين انتي واهلك ببساط الفقر
لولوه وكلها خوف : عارفه بس انت لازم تقدر ظروفي (وهي تحاول تكتم الدمعه ) ابوي مشلول وامي تشتغل واختي تدور شغل وانت تعرف الباقي وانت استغليتني بشغل يشيب الراس
ترد عليها صيته : والله ياحبيبتي مو انا اللي قلت وقعي وانت ماقريتي وهذي مو مسوؤليتي الانه القانون لا يحمي المغفلين زيك

لولوه ::.
وش ترد وش تقول اي كلمه راح تروح فيها بسابعين داهيه
تسكت وتبلع الهم احسن من انها تروح من يد اهلها بعااار يلحقها طول عمرها او تندفن حيا من اهلها وخصووصا امها
ثواني الا وتوصل للمشغل الفخم المزين من الخارج بلون المووف والوردي الغامق ومكتوب عليه مشغل الدلع
سامي : يالله انزلي
لولوه وهي تشوفها قبل لا تنزل : وليه انت ماراح تنزل معي
سامي : تعرفين اني اكره هاالاماكن لا تخافين انا موصيه ناس عليك ومن الحين اقولك لا تعارضين اللي يسونه لك
لولوه : اهم شي ما يغيرون شكلي ويشكون اهلي فيني
سامي : اقولك لا تعارضينهم وانتِ تخفين من اهلك اقولك اهم شي الزباين بعدين اهلك لا تنسين الاتفاق ولا المصيبه اللي راح تلحقق والعار اذا اعتراضتي
لولوه بخوف : وش اقول لاهلي اذا شافوني كذا ؟
سامي : مالي شغل اهم شي زبايني
لولوه بعصبيه تسكر الباب بقوه وهي مالها خلق وميته خووف
وتدخل المشغل بخطوات ثقيله متردده تدخل او لا تدخل او لا اذا دخلت بتثبت نفسها وتحمي اشياء كثيره فيها واذا هربت بتروح بسابعين داهيه
يعني لازم ادخل وهي تلتفت للخلف وتشوف مازالت السياره واقفه ما تحركت وهي تقول لنفسها خلاص يالولوه هذا قدرك ولازم ترضين فيه خليك كذا لين يفرجها ربك
وتتدخل المشغل الا تستقبلها وحده من السيدات السعوديات الراقيات الا تصدمها بقولها : انتِ اكيد لولوه
لولوه بصده وبدهشه: كيف عرفتي اني لولوه
ما كملت جملتها الا تمسك يدها وتجرها معها للداخل المشغل وتقول لها : لا تتحركين مو مهم كيف عرفتك لكن لازم تسوين الاشياء بالحرف الواحد وانصحك انك ما تعصين هالاوامر الانك
بتروحين فيها
لوولوه بعصبيه : ما يحتاج تقولولي ذي المعلومه كل ثانيه
غاده : ممكن تتكلمين بصوت منخفض الانه انتِ اعرف بالسريه وما يحتاج اكمل وهي تلفظهرها للولوه
لولوه : من انتي ؟
غاده : انا غاده تقدرين تقولين اني اعمل هنا
لولوه : انتي معهم .
غاده : يمكن ايه ويمكن لا ؟
لولوه : كيف اجابتين مختلفات ؟
غاده : خلينا نكمل الشغل وبعدها اسالي على كيفك
وهي تسند لولوه على اقرب كرسي وتفتح شعرها المتوسط الطول لونه البني الفاتح وتغسله بالماي وغاده تسالها
غاده : كم عمرك ؟
لولوه : 17 سنه
غاده : صغيره .
لولوه : وش ينفع العمر الحين ؟
غاده : توك صغيره تقدرين تغيرين اشياء كثييره بحياتك ؟
لولوه : وش قصدك مافهمت ؟
غاده : ما يحتاج اوضح او افهمك انتي افهمي .؟
لولوه قولي عني غبيه ما افهم بس وضحي لي مقصدك يمكن القا على يدك الحل ؟
غاده : يمكن ما اعطيك الحل يمكن اعطيك معادله وانتي افهميها وحليها وبتلقين الحل !!
لولوه : في احد قال لك انك معقده .؟
غاده بضحكه : الحياة سهله بس نفهمها وقمت تضحك ههههههههههههههههههههههه
لولوه : طيب راضيه بمعادلتك بس عطيني حل ابغى اطلع من هذي الحياة الكئيبه
غاده : بس ها انا مالي خص اذا صارت لك ازمات او مصاايب لكن هو حل واحد يمكن انتي تطلعين منها بسلام بس موعلى طول بتظلين مثل الظل يحاول يهرب من صاحبه ما قدر
لولوه : بصراحه مافهمت ,.؟
غاده : ذي العباره خليها ببالك الظل وصاحبه اما المعادله ( ابتعاد + غربه + علاج ذاتي ونفسي + حمايه + اختفاء للابد = امان )
لولوه : يعني هالمعادله بتوفر لي الامان .!
غاده : انا قلتها لك وانتي براحتك
لولوه : وهي تسجل بذاكرتها المعادله وهي تررددها بطول ماهي بالمشغل

---------
في مكان بعيد بمستشفى . كان هناك طفل لا يريد الصياح يقاوم غرز الابره وخيوطها المؤلمه يحبس الدمعه التي من حقه ان يبكي لكي يطلق الصراخات والالم بداخله .؟.
او غايب : ماشاءالله عليك يا متعب ما تبكي
متعب بقوى : انا رجال ما ابكي
ابو غايب كل لحظه يحب هالولد حب مايدري ليه حببه به الله ودخل قلبه من اوسع ابوابه لكن ما عرف اي شي عنه سوا انه اسمه متعب ويشتغل بالتنظيف السيارات
متعب بتعجب : وش بك ياعمي ؟
ابو غايب : مابي شي بس انت طمني عنك وشلون جرحك
متعب بقوى متصنعه : انا بخير والحمدالله .
ابو غايب .: عسى دايم ياولدي
وهو يمد يده لجواله ويعطيه لمتعب : خذ كلم اهلك وطمنهم عليك
متعب هو يشوفه ونزل راسه بسرعه من غير اي صوت :
منصور .: عسى ماشر متعب نزلت راسك لا يكون ماعندك اهل
متعب بصدمه وبصوت قوي : لا عندي اهل بس ماعرف كيف استخدم ذا الجوال واهلي ماعندهم تلفون
ابو غايب : اهاااا كذا يعني خلاص وين بيتكم بوديك له
متعب : لا ما ابغى اتعبك معي ,.,
ابو غايب : لا لالا ما ابي اسمع منك هالكلام انت اعتبرتني عمك ويالله بجيب لك كرسي متحرك تجلس عليه لانه رجلك توجعك
متعب ,,: لا اقدر امشي عليها لا تخاف ياعمي
ابو غايب : ما ابي اتعبك ولا تكبر وتخلي نفسك رجال يالله حتى الرجاجيل يحبون يجلسون عليه
الا يسرع متعب بعقله ويقول من غير شعور :: الا ابوي ما يتمنى يجلس عليه
ابو غايب لاحظ جمله بس مافهمها : وش تقول ياولدي ؟
متعب : سلامتك ياعم اقول يالله نمشي
ويركب متعب السياره بفرحة طفل يتمنى يجلس بكرسي وبسياره فخمه مثل سيارة العم منصور
وهو جالس يشوف كل قطعه موجوده بسياره بعينه يتفحصها والابتسامه راسمه الفم وكانه نسى الوجع اللي به
وهو يتذكر شي حب يسال العم فيه
متعب : ممكن سالك سؤال
ابو غايب وهو يسوق : سم
متعب : سم االله عدوك لا بس بغيت اعرف وش اللي رجعك للمجمع وانا كنت شايفك طالع منه
ابو غايب : هههههههههههههههههههه كنت ناسي جوالي بالمحل
متعب : اهااا وسكت
ابو غايب : وين بيتكم .؟
متعب .: على يمين المحول الكهرباااء
ابو غايب فهم انه ما يبغى يشوف بيته اللي يسكنه بحي قديم احترم رغبته وهو يوقف السياره بجوار المحول
متعب : مشكور ياعم
ابو غايب بضحكه : وشهو منت عازمني على قهوى
متعب وهو منزل راسه : والله لو عندي بيبسي كان عزمتك عليه مو قهوى بس ظروفنا ما تسمح نشتري قهوى
ابو غايب : اي واحد بيتكم ؟
متعب وهو ياشر على بيته القديم اللي بين كل البيوت اقدم شي ومكسر
ابو غايب : بيتكم ملك ؟
متعب : لا اجار
ابو غايب حس الوقت متاخر : متعب تعال ابيك شوي اقرب
متعب وبحسن نيه يقرب له : نعم
ابو غايب وهو يدعس بجيبه 200 اريال .وهذا رقمي بعد اذا تبغاني اطلبني .
متعب : وش هذا ؟
ابو غايب : اعتبره مصروفك اللي تعبت فيه وانصرق
متعب وهو يخرج الفلوس ويعطيه بيده : انا لو ابي فلوس اشتغل بعرقي مو اخذ من احد
ويقطهم عليه ويرمي السلام ويمشي لبيتهم .
ابو غايب : هالولد فيه رجوله مبكره ماشاءالله عليه والله يخليه لاهله صج ونعم التربيه .
ويمشي بسيارته لبيته .



يتاااابع .

[# بنت عتيبة #]

-------------
مر اسبوع على هالاوضااع مضاوي صايره تجيها مكالمات لوظيفه وسوت جدول كل وحده متى راح تبدا فيها بتدريس وعمر الطالبه
وهي فرحاانه بس تنتظر هالاسبوع متى يخلص عشان تبدا التدريس ومايكشفون اهلها كذبتها
ولولوه مثل عادتها تطلع من غير علم اهلها ويوم ترجع تقول انها عند صاحبتها تدرس او طفشانه او انها راحت تسالها عن حاجه بحجه ماعندهم تلفون او اي شي تشوفه
مناسب
ومتعب مر عليه اسبوع في مكانه الجديد بالمجمع بعيد شوي عن بيتهم يحاول كل البعد بييعد عن الشله اللي شافها
ابو متعب على حاله كل يوم بالكرسي المتحرك لا حول له ولا قهوى يحاول كل الجهد انه يكون قوي جدام ابناءه
وام متعب المراءه الصبوره اللتي تدور لقمة العيش لابناءها وزوجها ولسد لقمه العيش والاجار الغالي
مر الاسبوع كما هو ولم يتغير سوء اشيااء خفيفه
في الجامعه الساعه 12 الظهر
: في مجموعة بنات مهسترات بضحك تجلس بنت معهك طبعها غير اسلوبها غير نظراتها لهم غير بس الانه اصروا عليها انها تجلس معهم بنفس الطاوله رغم
عنها وعلى قولتهم انها معزوومه لو على كاست عصير برتقال .,.
تجلس ليلى وهي ماهي راغبة الجلسه مع البنات بس وش حيلتها معزمين انها تجلس ولو تشرب كاسة عصير بعد انتهاء الاختبار الصعب لهم وهي مستمعه لسوالفهم
نهى : تعالي علياء ليه انتي بخيله مكافاءتك توك ماسكتها
علياء : طيب انتي تعرفينها انها ما تكفي 1000 اريال وش تكفي لملابسي وتي شرتات ولا بناطير ولا جوال جديد ولا مصروف بليز قدري انا لازم اجيب واسطه ترفع المكافاء شوي
جوزه : ههههههه وانتوا كل يوك كذا تتكلمون عن المكافاء وهي تلف وجهها لليلــى وش رايك انتي ياليلى .
ليلى : رايي بايش ؟.
جوزه : في زيادة المكافاء ؟
ليلى : والله هي كذا ماراح يقيرونها لو وشنهو
جوزه وهي تشوف عصيرها :: بعدك ماشربتي العصير
ليلى وهي تشرف منه رشفه . كا شرب ارتاحي ولا تراقبيني بشربي ما احب
وليلى ما تحب جوزه الانه كذا مره تحاول تسرق ورقتي بوقت الاختبار وياما كثيره تهاوشت معها عشان الغش وانا ما احب اغش وهي دايما تبي تخلط عمرها معي
وما تفهم اني ما اواطنها ومع هذا جالسه لي وكانها علطه ناشبه ببلعومي
تقاطع سرحانها جوزه : وياحلوك وانتي سرحااانه الا اقول ليلى وش عملتي بالاختبار اللغه
ليلى : الحمدالله وزين
الا تنقز عليها علياء : وش زيين يماااااااااا يرعب وربي ما عرفت ولا كلمه وشهو جايبين امتحان معجزه نحله
ليلى وهي منقرفه : لللي يدرس مو صعب عليه وانا لي اسبوع بالمكتبه اتدرس له
وهي تحاول تقوم الا جوزه تمسكها :: حالفه عليك ما تقوين الا يوم تخلصين العصير يعني تخيبين ظني بالعزينه وهذا وانا اغليك وعازمتك
ليلى : العصير اعتبريه اني شاربته ومشكوره وماقصرتي
جوزه تمسكها مع يدها : لالالالا انتي تبغيني ازعل عليك
ليلى : وهي تشرب العصير ما تركت منه الا رشفات خفيفه
جوزه وهي ترسم علامة النصر بشفتها : اي كذا ما ازعل عليك الا وش رايك ايل ذا الكيس عنك
ليلى بتعجب شديد :: وش له الحمدالله عندي يدين وانتي ما قصرتي ياقلبي يالله مع السلامه
نهى : هههههههههههههههههه ياما رحمت حالها مسكينه والله هالليلى طاحت بيد جوزه
جوزه وهي تشوف نهى : قولي ياحظها هههههههههههه
علياء : وش راح تسوين الحين
جوزه وهي تقوم : بتشوفين الحين بس استني هالساعه تعدي
نهى : الله يستر منك ياجوزه وش راح تهببين بالبنت
جوزه : اللي يحط راسه براسي بيندم والله ليندم وهي تشوف رفايقها بنص عين وهي تمشي تراقب ليلى وين بتروح
تقرب منها وتسحب الكيس من ليلى وتحط شي من غير علم ليلى
ليلى بصدمه من سحب الكيس اللي بيدها تلتفت بسرعه الا تشوف جوزه
ليلى بصراخ :: هذا انتي وش تبغين انا قلت لك الف مره ما ابي منك مساعده يابنت الناس فكيني من شرك
يعني لازم تاخذين تهزيئه
جوزه :: خلاص خلاص انا هبله حبيت اسااعدك وانتي مو وجه مساعده وهي تشوف غريبه تغيرت نبرة صوتها وتاخذ الكيس من غير ما تشوفه وتكمل مشوارها
للمحاظره الجايه
جوزه وهي تبتسم اخيرا بضحكه هستريه وهي تقول بنشووف ياليلى من يترجا الثاني اكثر هههههههههههههههههههه
_________

مضاوي : نعم هذا انا
مضاوي :ادرس لغه عربيه ورياضيات واحل الواجبات
مضاوي : لا ياقلبي يا وش قلتيلي
مضاوي : ونعم والله بام عمر .شوفي ياقلبي انا ادرس طوال الشهر كل يوم حصه بـ30 اريال ماعاده الاجازات ما ادرس وفترة الدراسه من 4 الى 9
مضاوي : حلو اسم الطفله والمرحله
مضاوي : ربي يخليها لك طيب طيب خلاص ابشري بس انتي عطيني العنوان وان شاءالله بكون عندك من الاسبوع القادم
مضاوي :خلاص بينا تلفون
مضاوي :فمان الكريم
هيفاء : هاااا بشري
مضاوي وهي تكتب بدفترها اللي نسقته لها هيفاء بجداول الحصص بترتيب وبتاريخ وبالمواد وحتى منهج الحصص فيه واسماء الطالبات اللي راح تدرسهم

مضاوي : لا ابشرك الحين صاروا اربع زباين هالاسبوع كويس
هيفاء : كويس اظن بتكتفي ؟
مضاوي : بس باقي حصتين .؟
هيفاء وهي تشوف الجدوال عدل .شوفي حصه من الساعه 4 الى 5
والحصه الثانيه من 5 الى 6
والحصه الثالثه من 6 الى 7
والرابعه من 7 الى 8
والخامسه 8 الى 9
ولا تنسين المناطق والتكاسي هالساعه لازم نقسمها على التوصيل ياحلوه ومو باقي ولا ساعه
مضاوي : صح نسيت .!
هيفاء بضحكه : ههههههههههه على بالك بالقمر مافيه زحمه ولا ناس غيرك اصحي ياماما
مضاوي يالله انا تعبت بروح للبيت تامرين على شي .
هيفاء : سلامتك الا بسالك عندك فلوس لتاكسي ؟
مضاوي : لا تخافين عندي اللي بقدر عليه مشكوره يالغاليه وربي لا يحرمني منك يااوفى صديقه عندي
هيفاء : لا تقولين وفيه تحسسيني كاني كلب كرمكم الله
مضاوي بضحكه : لا تكثرين كلام وتخربطين يالله مع السلامه
هيفاء : مع السلامه ياقلبي
وتتترك رفيقتها وهي تنزل من الدرج وهي طايره من الفرحه انها خلاص بتفتح ابواب جديده وبنتظار يوم السبت باحر من جمر واليوم الاربعاء نهاية الاسبوع واخيرا راح تبدا من جديد
وتصعد درج التفائل اخيرا
وهي تشوف بااب القصر يفتح وتقول في نفسها : افتحي ياابواب لك زماااان وانتي مغفله هالابواب بوجهي خلاص ماعاد يلزمك التغفل ياحظي المنسدح
وهي تغني انا وخلي كل دار وطنا عيني وقلبي كلها له هديه الله الله عليك يابو نوره اشهدك تفرح القلب غني يامضاوي غني الايام الجايه بتغني معك
وهي تشوف التاكسي يوقف وتصعد معه بفرحه عامره
وهي تقرب من البيت تبغى تبشر اهلها باللي ناويه عليه خلاص بتقولهم انها لقت الشغل اللي يناسبها بوقت مسائي
تشوف بااب البيت مفتوح وهي تقرب منه بخوف غريبه بااب البيت مفتوح الا تشوف اخوها متعب واقف عند الباب
مضاوي بتعجب : متعب وش فيك ؟ يوجعك شي ؟
متعب : مافيني شي .
مضاوي : احد ظربك زي ذيك المره او ضرك ؟
متعب بتعب : لا بس ابوي نايم وشكله تعبان ولا هو راضي يروح الطبيب
مضاوي وهي تجلس جنبه عند عتبت البيت : وش الجديد انت تعرف ابوي ما يحب الاطبااه
متعب : مضاوي انا لازم اقولك حاجه
مضاوي وهي تشو الشارع : قل ياروح اختك
متعب : انا كنت اشتغل بذاك اليوم اللي انظربت فيه ماكنت متحرش على احد .
مضاوي وهي تلف عليه : كيف مافهمت ؟
متعب : انا كنت اشتغل الا يجيني واحد بالمدرسه معي تحرش بي وسرق فلوسي وظربني وجاء فاعل خير واخذني للمستشفى
مضاوي : وليه تكذب ؟
متعب .: لاني ما كنت انه ابو غايب بيجي اليوم ويحط ذا حدامي
مضاوي وهي تلف للجه اللي يشوف فيها متعب الا تشوف صندوق كبير
مضاوي بتعجب : وش ذا يامتعب ومنو ابو غايب
متعب : ابو غايب فاعل الخير ساعدني والصندوق روحي شوفيه .
مضاوي وهي تقرب من الصندوق وتشوفه :وتشوف ملابس للولد بكبر متعب واغراض وسيارات واحذيه وظرف
مضاوي : ذي لك ؟
متعب : ماهمني ذا شوفي الظرف وش فيه .
مضاوي وهي تاخذ الظرف وتشوف مبلغ مالي وفيه رساله تقرا مضاوي الرساله وهي خايفه يكون شي كبير وبعدها تلتفت لمتعب يبغاك تكمل دراستك وتقبل منه هالاشياء بدال الاجر الضايع
له وغير ذا بيرسل نفس هالمبلغ والاغراض كل شهر بشرط انك توعده ما تشتغل بمسح السيارات
وهي تقرب من اخوها جزااه الله خير يامتعب
متعب بصراخ : انا ما ابي نفقه من احد انا ماني صغير عشان يشتري لي العاب صحيح طول عمري احلم اني املك وحده منهم بس من فلوس امي ابوي خواتي مو من شخص غريب ما عرفه
شخص بحياتي فقط ااسعفني
مضاوي : يعني انت ما تبغى مساعده من احد ؟
متعب وهي يطالعها بعينه : انا ما ابغى احد يحسبني طفل انا رجال هالبيت وان شاءالله بتغير حياتنا من غير احد يعطف علينا وهو يقول للناس انا عطيت انا سويت وهو مجبور يسوي لنا
مضاوي وهي تنزل راسها : متعب هذي حياتنا لازم نتاقلم عليها
متعب : انا من بكره بدور لي عمل ثاني
مضاوي : يمكن الرجال حبك وحب يساعدك .
متعب : شي واحد اعرفه عنه انه ماعنده اولاد ويسمونه بوغايب لانه ماعنده ذريه
مضاوي : يالله ادخل الشمس حاره ولا تنسى الحين الساعه 1 الظهر والشمس ماهي مقصره في شوينا بعد شوي بنصير للقطاوه دجاج مشوي متبل بالشمس
قام متعب يضحك بوجه اخته وهو يقول: انا جوعاااااااااااااااااااااااااان
مضاوي وهي تحمل الصندوق : يالله بسويلك سندويشة خبزه وجبنه .
متعب : وين بتاخذينهم ؟
مضاوي : لغرفتك .
متعب : انا قلت
الا تقاطعه : رزق من ربك ليه تعارض عليه يالله جدامي للمطبخ لا تجي امي وتعصب علي الاني ما طبخت هههههههههههههههه
متعب : اجل عطينيااهم خليني العب فيهم .وياخذ العابه ويدخل غرفته
ومضاوي تشوف ابوها نايم وشكله تعبان كثير
وهي تدخل المطبخ الا تشوف نوفا مسويه الغدا
مضاوي : السلام عليكم
نوفا : وعليكم السلام والرحمه ها كيف هيفاء
مضاوي وهي تستند على الطاوله : بخير تسلم عليك
نوفا : الله يسلمها
مضاوي : كويس انك سويتي الغدا على بالي رحتي مع لولوه المدرسه
نوفا : لا انا قلت بدرس منازل احسن شي
مضاوي : خبله انتي ذي اخر سنه لك
نوفا : وانا قلت بخليها اجل ؟
مضاوي : اي بتخلين البنات زي عمرك وبتمتحنين مع العجز وحريم كبار
نوفا : المهم الاختبار مو الناس
مضاوي : بكره لا تبكين اذا رجعتي لصفك
نوفا : هههههههه واذا رجعت يعني بموت ؟هههههههه البركه فيكم انتي وليلى ولولوه
مضاوي : لولوه هالايام كثرانه روحتها لرفيقاتها ليه ؟
نوفا : مدري وش فيها صايره حتى ما تطيقني ولا حتى تسوالف علي زي اول بكثير البنت تغيرت كثير يامضاوي قبل بالمدرسه ما تفارقني زي ظلي والحين ما تحب قربي وحتى اسرارها مدري عنها
وتجلس بروحها وتطلع من غير شوري ولا شور احد تتغافلنا ويوم تسالني امي عنها مدري وش ارد عليها مرات اضطر اكذب وقول عند صديقاتها وانا مدري وين اراضيها
ويوم ترجع تصادفها امي وتعرفين برود امي وين رايحه تصدقها على طول
مضاوي : لا تلومين امي تجي من الشغل تعباانه ماترتاح يالله تجي تلقا فراش تنام فيه حتى عيونها يالله تشوف فيها مو مثل قبل
نوفا : صح بس المفروض امي تقسا عليها شوي ياختي كثير طلعاتها تخوفني وغير ذا تغير شكلها قصت شعرها وتسوي حواجبها واشيااء انصدم فيها
مضاوي : يوم ترجع بكلمها وبعرف وش سالفتها
نوفا : بس لا تقولين اني خبرتك بشي
مضاوي: لا تخافين وهي تطلع من المطبخ الا تناديها نوفا
نوفا : وين رايحه ما تتبين غدا ؟
مضاوي : لا اكلت مع هيفاء بس عطي متعب غدا ياقلبي عليه جوعااان وانا بروح ارقد
وتخليها بالمطبخ وترو لغرفتها وهي محتاره من سالفة لولوه وتفكر بالشغل الجديد يالله افتحها ولا تغفلها بوجهي
وهي تدخل غرفتها وتلبس بجامعه رماديه علها رسمة الارنب اوب جزره يضحك وهي تمد ظهرها وتناممم على طووول من التعب
_____________
في جو ثاني بالجامعه احداث تغيرت كثييير بنفس اليوم اللي اعزمت جوزه ليلى وليلى تحس بصدع مو طبيعي وهي جالسه بحدى المحاظرات
الا يدخلون مفتشان على القاعه وينادون اسمها وكانها تتخيل او تحلم الانه الصدااع مو مخليها تركز على الاسم هل هو جد اسمها او تتخيل .
الا تلقا وحده تمسها مع كتفها وهي جالسه اظن اسمك ليلى عبد اللطيف
ليلى بدوخه : اي انا ليلى
المفتشه : عطينا شنطتك
ليلى : ليه
والمفتشه شافت وجه ليلى شكت بالاخبار اللي جتها واسحب من ليلى الشنطه وهي متفاجاء ليلى وش صاير فيها برود وصدااع وعدم التركيز مالقت شي فيها الا تسحب الكيس وتتفاجا بالموجود
داخل الكيس من اشياء انصدمت منها
المفتشه جدام الحظور والمراقبات وش هذا ياليلى
ليلى وهي تحاول ترفع راسها بثباات : وشهو هذا .؟
المفتشه : هذا ياروح ماما ماتعرفينه ؟
ليلى بصدمه : مخدرات !!!!!!!
المفتشه : ولا بالجامعه واخيرا عرفنا من تجيب هالخرابيط للطالبات يالله جدامي للمكتب المديرة الجامعه تتفاهم معك
وهي تسحبها جدام الطالبات والهمسات تتعلى والصوت يرتفع لا مو مصدقه ليلة امتياز كيف تسوي كذا
وهي تشوف نفسها وكانه احد يلفها بجد من الدوخه
ويتم تبلغ الشرطه بالجرم المشهود وبحالتها المتدهوره : ليلى وش تسوون فيني صدقوني انا ما سويت شي
الشرطي :: امشي امشي جدامي الحين كل ذا وماسويتي شي .وبسوال كم رشفه شميتي اليوم ؟
وتدخل سيارة الشرطه وهي تحاول تصحى من الحلم اللي تتخيله كابوس وهو حقيقة
تدخل المركز الشرطه وهي كلها خوف ومنزله راسها لا يشوفها احد جد انها مرتكبه جريمه وهي توها تصحى وتحس بصداااع مزعج تجلس باول كرسي
الشرطي : ادخلي داخل ياحلوه ولا تبغين احد يدخلك ؟
ليلى وهي تبكي : وربي الكعبه اني ما ادري من حط لي مخدرات صدقني ياخوي تكفى وربي ما ادري من حط لي مخدرات
الشرطي : من شاف حالتك منسااع ياكد انك تشمين مخدرات من زمان وبتحاليل كل شي يبين
وهي تدخل الغرفه الا تشوف رجال ومعه ابره
ليلى وهي تلف وجها لشرطي : وش راح يسون فيني .؟
الشرطي : ياخذ عينه من دمك ويفحصها اذا انتي تاجره ومدمنه ولا بس تاجره بس واللي اشك انك الاثنين يعني جريمتك ماراح تطلعين منها خير شير وهي تبكي وتخضع لرجول الشرطي
تكفى تكفى وربي مالي علاقه باي شي يمس المخدرات وربي العظيم انا مظلومه وربي العظيم انا مظلومه
الشرطي : دامك كذا خلي التحاليل تثبت هالشي وبعد ما تطلع هالتحاليل راح ياخذونك للظابط يحقق معك
والحين عطيني راقم بيتكم عشان اخبر ابوك اخوك يجي
ليلى : ابوي مشلول واخوي عمره 12 سنه ماشي 13 .وهي تبكي وتحاول تتذكر من عمل فيها كذا وهي متاكده انه الكيس ما تحرك منها
الشرطي : طيب عطيني اكلم اهلك امك عايشه
ليلى وهي تشوف ساعة الحائط : اي امي عايشه وتسكت وبعدها تتكلم ماعندنا تلفون بيت
الشرطي بعصبيه : تتمسخرين علي مافي احد ماعنده تلفون بيت
ليلى : بلا بيتنا مافي تلفون بس اعرف جوال اختي وان شاءالله تقدر تجي
وهي تعطي رقم الجول وهي تبكي
الشرطي : الووو السلام عليكم
مضاوي وهي ميته بتنام بس الجوال ازعجها ارفعته بصوت نعسانه : معممم
الشرطي : اختي هذا بيت عبداللطيف .
مضاوي وهي تحاول تصحى : اي نعم هذا بيته خير ؟
الشرطي : بنتكم ليلى عندنا بالمركز محافظة . وياليت يشرفنا ولي امرها للظروره
مضاوي بصدمه : من ليلى اختي ؟
الشرطي : اي نعم ليلى عبد اللليطف
مضاوي : ليه وش مسويه هي اصلا ما تضرب نمله وش ودااها للمركز ؟
الشرطي : تعالوا وهناك تعرفون كل شي عنها مع السلامه ويغفل بوجها
مضاوي وهي تصااارخ وتطلع من باااب غرفتها وتنادي امها وخواتها
يمااااااااااااااا نوفاااااااااااااااا لولوه يماااااااااااااااااااا
الا امها توها طالعه من الحمام الله يكرمكم تتوضا لصلاة العصر
ام متعب بخوف : مضاوي وش فيك تصارخين خوفتيني ؟
مضاوي وهي تبكي : ليلى يما ليلى امسكوها الشرطه ويقولون جيبي ولي امرها او اي احد يشوف قضيتها
ام متعب بخوف وبصدمه وهي تبكي : ليه ماقالك وش مسويه ليلى ؟
نوفا : ليلى ما تظر احد كيف بالمركز
مضاوي : ما ادري لاحد يقولي شي يالله يما البسي عبايتك خلينا نمشي للمركز
متعب : انا برووح معكم
مضاوي : يالله انا بطلب تكسي على ما تخلصين يايما
متعب وهو يقول لمضاوي ابي جولك مضاوي خمس دقايق
مضاوي خليني اتصل على التاكسي بالاول
وبعد ما سكرته على التاكسي تحذف الجوال على الكنبه وتروح تلبس عبايتها الا متعب ياخذ الجوال ويتصل على شخص يمكن يساعدهم بهذي الشكله
متعب : الو السلام عليكم
ابو غايب .: وعليكم السلام والرحمه .
متعب : العم منصور ؟
ابو غايب : اي نعم منصور .
متعب : انا متعب
ابو غايب بفرحه : حيالله الرجال متعب طمني عليك عساك بخير
متعب : انا بخير ياعم بس انا صراحه اتصالت عليك ابيك تساعدنا
ابو غايب : ابشر وش تبي يامتعب
متعب : اختي بمركز الشرطه وبصراحه ما عندنا رجال وانت تعرف انه ابوي مشلول وامي واختي ماراح يكلمهم الظابط وابغاا اروح معك تحل مشكلتها
ابو غايب : افا مركز شرطه مره وحده ليه وش مسويه اختك ؟
متعب : بصراحه مدري بس اتصالوا علينا وقالوا تعالوا ؟
ابو غايب :خلاص انا خمس دقاايق واكون عندكم بس اي مركز ؟.
متعب :. مركز محافظة .
ويغفله متعب من ابو غايب الا مضاوي خالصه مع امها وتشوف امها تصيح وبكي ياويلي على بنتي مدري وش فيها
مضاوي : ان شالله خير ياغاليه ان شاءالله خير
وهي تطلع من البيت وتدخل هي وامها ومتعب للتاكسي وكانه المساافه بعيده بين المركز والبيت وهي تتدعي ان تكون بخير ليلى اهم شي ولا يصير فيها شي
وهي توصل للمركز والضابط يقول انطروووا لين تطلع التحاليل وليلى بالحبس الحريم الى ان تطلع التحاليل
ويجلسون على اقرب الكراسي والام تدعي بان تكون بنتها بخير ومضاوي تسال متعب
مضاوي : اسال الضابط متى تطلع التحاليل وليش هالتحاليل
متعب : قلت لك يامضاوي مليون مره رحت له وماعطاني وجه ولا رد علي يقول يوم تطلع التحليل راح تعرفون ليه
الا بذااك الشخص يقترب منهم
متعب :: هلا بالعم منصور
ام متعب وهي ترفع راسها وتشوف منصور وهي تنصدم وتتفاااااجاؤ اكثر واكثر واكثر وهي توقف منصدمه هذا هو ما تغير شي .
الا تسمع ولدها يقول : هذي امي وهذي اختي
منصور اندهش للحرمه ويقول في نفسه لا يامنصور كل شي الا تطلع هي ناديه نفسها لا مستحيل وهو يشوف متعب كيف يقول انها امه امه امه وهذي اخته اخته
وهو يوجه النظر لـ ناديه (ام متعب) مره ثانيه ويحاول يتذكر هي ناديه ولا شبيهتها
ام متعب : كل شي توقعته الا اني اشوفك بعد هالعمر لااااااااا

ام متعب تصرخ وهي تبكي :لاااااااااااااااااااااااااااااااا

نهاية الجزء الثالث.
(( وش تتوقعون بالاجـــــزاء القــادمه ؟ )))
* هل تنجح مضاوي في مشروووعها ؟
* لولوه ومصيبتها ؟
* وش قصة ابو غايب (منصور ) مع ام متعب ومن يكون منصور هذا في حياتها ؟
* نوفا بالجزء الرابع يحدث لها شي وش تتوقعون يحدث لها ؟
* ليلى ومشكلتها هل راح تطلع منها ؟
* هل راح يساعدهم منصور ؟

قصتنـــــــــا في اولــــــــهـــا
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه
تاابعووونــــاااا
نتواااصل
انـــــــــجال

[# بنت عتيبة #]

بما ان الرواية العضوة وقفت تكملها لكم انا راح اتابع تنزيلها لحد ما وصلت والى الاخر بإذن الله

الجــــزء الرابــــــع
----------------------
لا اعلم بما يحيط بي كل شخص يرا الاخر وكانه يعرفه طالت لحظة السكوت وكانه كل شخص يحاول التذكر وكاننا نسينا المشكله وتجهنا لنظرات العيون كل من الطرفين
وكانت احدهم نظره حاده والاخرى نظرة رعب لا اعرف ماذا يدور حول الاثنان امي والشخص الغريب الذي يلقبه متعب بالعم منصور من يكون ولماذا امي ترا بنظرة رعب ؟
وفجاء سمعت صراخ امها تقو لااااااااااااااااا

تفاجاءة مضاوي : يمه وش فيك ومنوو ذا
متعب .: هذا العم منصور اللي ساعدني يامضاوي اللي قلتلك عنه واكيد العم منصور ماراح يبخل علينا

منصور وفي جهه ثانيه : واخيرا شفتك ياناديه

مضاوي ومتعب بنظره صدمه كيف عرف اسم امي ناديه ؟

ام متعب : منصور تكفى انسى اللي صار ورجع لي بنتي يامنصور!
منصور بضحكه : شكلك نسيتي يا ناديه ايام قبل والحين تترجيني ؟

ام متعب : خلاص يامتعب انا كبرت وعرفت غلطتي وصلحتها والحين لا تسدها بوجهي هذي بنتي ليلى مظلومه صدقني انها مظلومه وتربيتي وعارفتها انه بنتي مظلومه.
منصور : اماااا التربيه ههههههه شكلك نسيتي واحب اذكرك عن التربيه الاصيله
ام متعب بخوف وهي تلتفت لمضاوي ومتعب : تكفى مو جدامي اعيالي
منصور : طيب انا بشوف مشكلة بنتك وارجع لك و وابيك ترجعين للذكر وتشوفين انتي وش سويتي قبل والحين بناتك يمشون دربك
ام متعب وهي تجلس على رجله : منصوووور اترجااك ترجي لا تقول تكفى لا تقول جدام اعيالي

مضاوي ومتعب منصدمين وش يدور بين هالاثنين من الصدمه تشوف امها تجلس على رجل الرجال الغريب وتتوسل له وتطلب انه ما يتكلم وش سر العلاقه بينهم ؟
يعني امي هذا . اعوذ بالله هذا مو وقته وهي تقرب من امها وهي تقومها
مضاوي وهي تشيل امها : لا يام متعب مو انتي اللي تنحنين الراس للناس ما تسوى ادعي لربك يايمه وهي تشوف عيون منصور موجهه لها
وترد عليه : انت ما تستحي ناس تترجاك وانت قلبك حجر دامك مو من اهل الخير وش جابك خلاص اللله لنا غني عنكم

منصور : اخترمي اسلوبك يابنت المتربيه <وهو يصر باسنانه على متربيه
ام متعب : خلها يا منصور انت كلامك معي
منصور : انا وعدت هالولد بس اني اشوف اخته وبكون على الوعد بس دامها بنتك صدقيني ياناديه بتذوقين اللي ذاقته امي وهو يتوجه لغرفة الظابط لمعرفة تهمة واسباب سجن ليلى

وام متعب تبكي وهي تتنهد لا لاااااااا لا يامنصور لا تسويها معي لا يامنصور .

مضاوي : يما منووو هذا يايما منوو هذا
ام متعب تبكي بكتمان:

متعب : ما تصورت قلبه حجر لو ادري ما اتصلت عليه وخبرته باللي صار اسف يما انا غلطان
ام متعب وهي تضم متعب لا ياولدي انا الغلطانه انا الغلط راكبني بكلي وتبكي بس يارب تطلع بريئه ولا تكون مسويه شي كايد
مضاوي : انتي خبريني منو هذا يايمه .

ام متعب : ما اقدر اخبرك يامضاوي مقدر
مضاوي : اجل ليه تترجينه وليه تبكين وهو عيونه كلها ذل وحقد وكره وكانه ما صدق يشوفك عشان بس يرد اللي كان بينكم ووش سالفة امه يايمه
ام متعب وهي تزيد بصيااح :: خلااااااااااص يامضاوي خلاااااااااااااص خلينا بمشكلة اختك

ويجلسون ربع ساعه ام متعب ساكته وهي تبكي ومتعب ينتظر العم منصور يطلع يخبرهم وش المشكله
ومضاوي في قمة الحيره منو هذا منصور وليه اول ما شاف امي وكانه يشبها وبعدها اثبت لي انه يعرفها من قبل .ومن بكت امي يهددها ليه .؟ امي وش مسويه ؟

الا يقطع سرحانه وصول منصور لهم
منصور : وش اسمك
مضاوي : وش تبغى في اسمي .
منصور وهو يوجه كلامه لمتعب : هذا اكبر وحده
متعب وهو منصدم : اي اكبر خواتي
ام متعب : .

منصور : ماعندك اخو اكبر منك يامتعب ؟
متعب : لا
مضاوي : وجه كلامك لي لا توجهه لولد صغير
منصور : يوم اوجه لك السؤال جاوبي ولا تردينه بسوال
مضاوي : قلي اختي وش فيها
منصور وهو يحد بنظره لام متعب .: مو غريب من بنت ربتها ناديه تطلع كذا الانها متعوده على هالاشياء يعني بتطلع بنتها دكتوره مثلا ؟
اك متعب : قلي وش فيها ليلى
منصور وهو يقرب لها بتحديد لوجهها: بقولك شغله اقدر اطلعها من غير كفاله ومن غير شي بس بخليها بسجن تتدرين ليه ؟
ام متعب بشهقه قويه : منصور تكفى لاااااااااااا لا تخليها تجلس هنا تكفى انسى اللي صار بس لا تحاسب بنتي على غلطاتي
منصور وهو يهمس لها اكثر : مو بس غلطاتك ياناديه برد عذاااب امي فيك. ابيك تجربين فراق بنتك مثل ما فارقت امي بنتها ناديه اللي تحبها وتعزها وانصدمت فيها
ام متعب وهي تبكي اكثر واكثر وبشهااق : منصور بس بس

وهو يقول بصوت عالي : وش بس خلي بنتك وولدك يعرفون ماضي امهم المشرف ولا ما تبغين بنتك ليلى يكون لها ماضي مشرف زي امها لكن يمكن تكون بنتك ليلى غير
تاجرة مخدرات ومدمنه والله سلام ونعم التربيه ياناديه وش يعني تنطرين تكون بنتك دكتوره وهي تاجرة مخدرات ومدمنه وينك عنها ؟

ام متعب ومضاوي بصدمه : مستحييييييييييييييييييييل ليلى تاجرة مخدرات هي من الاوئل بالجامعه
منصور :: اي مثل امها الاولى . وهو ينظر لها

ام متعب : وش تبي يامنصور فيني خلاص رووح ما ابي منك شي خلاص


منصور : لالاالالالا ما توقعتها منك يا ناديه المفروض الاخت يوم تشوف اخوها تسلم عليه تبوسه تحييه مو تطرده من غير
حتى تسال عن حاله وحال منو اذبحته بعد ما انحاشت من البيت ابوها الفجر
عشان واحد نذل واحد حبيتيه غلط واكتشفناك واخذتي نصيبك من ابوك واخوانك ومني بس للاسف شكل الظرب ما جاب
نفع معك ورحتي ونحشتي من بيت ولاحقتيه الحبيب
حتى من غير ما تسالين او تعطينه خبر ماااتت امي منك صحيح كانت تدعي عليك بس انتي بنتها الوحيده تسوين فيها كذا بكت على فرقااك وعلى تربيتها فيك وانتي جاحده النعمه اللي كنتي فيها
بالقصور والرفاهيه ورايحه تلحقين واحد حرامي كل يوم بسجون ويوم طلع تزوجتي

مضاوي بصدمه مو متوقعه ماضي امها كذا لا لا امي تهرب من البيت ؟
منصور : وش رايك ياناديه بماضيك شكلك نسيتيه وحبيت اذكرك

مضاوي بصدمه : خالي ؟ اشلون خالي ؟


متعب : اطلع خلاص ما عاد نبيك تساعدنا انت انسان انصدمت فيك كنت ابيك تساعدنا ما توقعت انك تذلنا كذا خلاص انا بكره برجع الالعاااب وكل شي جبته لي كنت احسبك فعلا عم لي وتساعدني
وبالاخير ما توقعت قلبك حجر

منصور وهو يصد من متعب ويقرب من ام متعب : قلت لك مليون مره ناديه كل شي له علاج لكن ذا (وهو ياشر على قلبها )
مصر على عناده واخذي عنادك خليه الحين ينفعك بعد ما عرفوا
اعيالك حقيقتك واطمنك بعد قبل لا اطلع ليلى ماراح تطلع وبحولونها للسجن المركزي للمحاكمه عليها الانه بسهوله كل الدلايل تثبت انها متعاطيه
حتى بالتحايليل وغير الصيده اللي صادوها جدام
اكثر من 50 شاهد يالله حاولت اساعدكم بس اعجبتني بنتك يوم ردت لي دين قديم عشان تسددينه ياناديه

منصور
وهو يمشي بكل وثووق وكانه ما تسعه الفرحه واخيرا قتل مشاعرها وحقق اللي يبغااه وهو الانتقام من فضيحتهاو هروبها.
لا يريد الدم الان الانه مصيبتها هي من تنتقم منها بنفسها وكانني ارى الشريط ينعاد لك ياناديه ولكن بشخصيتك انتي لكن هالمره ببنتك

ام متعب ماسكه راسها تبكي بين احضان بنتها مضاوي ومضاوي تبكي من الصدمه مهما كانت هذي امي مهما كااااااااان مايجرحها جدام اعيالها
معما كان ماضيها الاسود بالامس و اليوم ساتره نفسها ببيتها وبعيالها ضامتهم كلهم تحت جناحها اذا ماتقدر تساعد لا يذل امي وهي ترفع راس امها بين زخات الدموع المتناثره

مضاوي : ولا يهمك يايمه ترا ماهمني اللي قاله اهم حاجه انك بخير
ام متعب وهي تمسح دموعها : ماني بخير يامضاوي ماني بخير اختك بسجن وخالك يهدد انها تجلس فيه وين الخير يامضاوي قوليلي وينه .

. ولا في ابوك المشلول ولا في جدك وعمانك الي تبروا منه

مضاوي وهي توقف وتنادي متعب الجالس مصدوم من كلم خاله منصور ودموعه بعينه : متعب خلك مع امي وانا بدخل لهم
متعب : خليك انا بدخل
مضاوي بعصبيه : مو وقته عنادك يامتعب لازم نتحرك باقرب وقت
وهي تعطيه ظهرها وتمشي لباب الظابط وتطق الباب الا تسمع صوت من خلف الباب ادخل

الضابط : تفضلي
مضاوي :: انا جايه بخصووص اختي ليلى
الضابط : قصدك المدمنه ولا نقول التاجره ؟
مضاوي : انت بالاول ماخليتنا نشوفها ولا نكلمها ونصارحها باللي سوته وثانيا انت رفضت تسمعنا من البدايه واحب اقولك شفت
اصابعك العشر ذي اللي جدامي اشوفها انا متاكده بالعشره
انه الجريمه تحتها خيوط انتقام من اختي وانت ما تعرف ليلى من الاوائل بالجامعه اسال شوف لاكن لا تحطون الاتهام عليها وهي
مظلومه (وهي تحاول ما تبين ضعفها جدام الضابط وهي تحاول
قد ما تقدر ماترفع صوتها من العصبيه اللي سببها منصور لهم )

الضابط : احب اقولك اختك تم قبض عليها وبحوزتها المخدرات يعني وحده بشنطتها مخدرات بتكون هم احد حط لها المخدرات عشان يكرها ؟
بسالك وانا سالتها قبل قالت ان امك ما ترجع الا بليل من الشغل وابوك مشلول واللي اعرفه انه وضعكم ردي يعني ببساط الفقر وهذا اهم داعي للتجارة المخدرات ؟

مضاوي : مو سبب تحطه براسك انه الفقر عيب ووننتجه للحرام والمخالف للقانون ؟
انت قبل لا تتهم وتدرس الاحوال الاجتماعيه ياليت تفتح ملفها بالجامعه وبتشوف تقديرها وملاحظة الاستاذات عليها

بنت مستحيل تتاجر بالمخدرات مثل الوضع اللي ذكرته كيف تاجره وهي تروح للجامعه مامعها
ولا قرش اصلا حتى مكافاتها تصرفها للبيت ومو شرط يعني امي وابوي غير مهتمين تحط نقطه بانها
متهمه من الدرجه الاولى فقط لاغياب الوعي الاسريه بالقضيه

الضابط : مابدي حيله القضيه تحولت للنيابه واختك بكره بتروح للسجن المركزي للنساء
مضاوي بصراخ وكانها تكب غيضها والمصايب بوجهه : انت شنو انت ما تفهم احوال البشر وهي تبكي
من قلب لاول مره تفضح دموعها لاحد انت وش نوعك من بشر ما تخاف ربك
تحاكمها قبل لا تسمعها انها بريئه وتقول كلام تتخربط فيه ومن الضيقه والبكي لفت ظهرها بتمشي خلاص يكفي اللي قالت وماراح يغير بالحكي شي
وهي تغفل الباب وتشوف امها تشوفها بامل وهي تقول بقلبها اسفه راح احطم هالامل للمره الالف يايمه

ام متعب : ها وش قال لك ؟
متعب : ليه تبكين ؟
مضاوي بنهيار عصبي وبدموع سيل : خلاص يايمه ادعيلها
ام متعب : كيف ادعيلها ؟
مضاوي : بنتك بياخذونها للسجل المركزي وبيحكمو عليها من غير محاكمه وبكره تتطلع نتيجة المحاطمه
وهي تشوف متعب وهي كلها تعب من الانفعال والكارثه الي هبت عليهم : بكره يامتعب تجي تسمع كم احكموا عليها
متعب : يعني تتوقعين كم سنه بتجلس ؟
مضاوي : ماعندي خبر بس اللي اعرفه عندهم الاثباتات يعني مايحتاج دليل براءه لها الانها بالجرم المشهود صادوها والحكم بيطلع بكره

ام متعب :: لا تقولين يامضاوي .
مضاوي وهي تحاول تشيل امها اللي جالس بركبتها : قومي يايمه خلينا نمشي للبيت جلستنا هنا ماعاد لها نفع .
. وبعد يومين ان شاءالله بنروح لها ونعرف وش اللي صار لها وانتي واثقه وانا واثقه
فيها بانها مظلومه ليلى اختي وانا اعرفها
امك متعب :لااااااااا ماني طالعه من هنا الا اشوف ليلى
مضاوي : والله يالغاليه حاولت بس ارفضووو اني اشوفها او يشوفها احد لين ينفذون عليها الحكم
ام متعب : يعني مافي امل بنتي ترجع لحظني ؟
مضاوي وهي منزله راسها بقهر : لا لازم تتحاكم
ام متعب : لكن ليلى مظلومه ؟
مضاوي : وهذي المصيبه من يصدق بانه ليلى مدمنه ولا وتاجره ؟انا عن نفسي ماني مصدقه ؟

وهي توجه كلمها لمتعب : روح شوف لنا تاكسي ياخذنا وهي تسند امها على المشي

وام متعب تبكي وتدعي :لا بارك الله فيك يامنصور ولا بارك الله بساعه اللي شفتك فيها اكيد انت السبب
في سجن ليلى ربي ادري فيه يبي يذبحني وياخذ ثاره العايله فيني والله ما نحشت الا عقب ماعرفت بذبحي من اهلي ياويلي على بنتي وياويلي على شبابك ياليلى
وهي تركب التاكسي الي وقفه متعب لهم وهي تبكي كثير ومضاوي مصدومه بليلى احتها ومصدومه
بماضي امها اللي كل ما اسالتها وين خوالي تقول انا يتيمه من دار الايتام
وهي هربانه من اهلها بقضية شرف

وهي تركب وتسند ظهرها وكلها على كشن التاكسي وهي تحاول تفكر لو ثواني وش تسوي .
. خلاص ماعاد ينفع محامي الانه الجلسه خذت مجرااها من المحاكمه وكل الادله ضدها

[# بنت عتيبة #]

وش الحل يا مضاوي اختك مظلومه مافي الا ابو هيفا يمكن يساعدنا انا لازم اتصل على هيفاء واطلبها اختي مظلومه وهي تمسح دموعها بكمامها وش المصيبه اللي حلت فيكم يامضاوي
كل ذا عشان افتحت الدنيا لي ابواب السعاده شكلها ما راح تستمر ابوابها هذا حظي وعارفه دايما نحس
ياقلبي قلبك ياليلى وش تسوين الحين عارفه انك متضايق ولا انك عارفه بالدنيا وش صاير حواليك
بس اول ما ارجع باذن الله بتصل على هيفاء ماراح تخليني هي وابوها

وهي تشوف امها طاحت عليها ظنت انها غفت من التعب والا من الصدمه حست بانه امها ما تتنفس وانه يدها من غير وعي تنحني

مضاوي وهي تلف جسدها الضعيف ناحية امها :: يمه يمه
وهي تقول لا يامضاوي لا امك بس غفوة شوي من الصدمه لا ما ماتت لالا من يقول انها مااتت بس هي ما تتحرك
الا تصارخ : متعب روووح الاقرب مستشفى امي مدري وش فيهاا

-----------------------

جالسه ضامه جسمها وتبكي وهي منهااره ولسانها لا يردد الا بعض الكلمات مظلومه وربي مظلومه
وشعرها طايح على خدها ملتصق ببعض من دموعها المنهااره وهي تشهق بعمق وتحاول تتذكر من فعل بي هكذا من الجاني وتحكي لنفسها حكاية ظلمها
وهي تنحني للارض لا تستطيع التحمل اكثر من الظلم وهي خلف القظبان وجسمها النحيل يحكي حكاية الظرب لاعتراف .
لا تعرف ماذا تفعل ماذا تقول لهم ظربوها وعذبوها ليجبروها على الاعتراف من ظلم لم تفعله

الضابط حسين : قومي اعترفي وصدقيني راح نخفف عليك الحكم
ليلى : وربي ما اعرف اي شي انا انصدمت وربي انصدمت بالمخدرات
الضابط حسين : واللي في دمك وشهو اجل التحاليل تغلط
ليلى منحنيه : وربي ما ادري كيف جاء وانا مومدمنه وربي صدقني تكفى صدقني
الضابط : قومي بالاول اجلسي عدل وكلميني عدل ترا اذا ما اعترفتي بكره بيحكمون على الاقل 13 سنه
ليلى بصدمه : كيف وانا مو مدمنه
الضابط حسين :: لا مو بس بتهمة مدمنه وتاجره بعد يعني يعاقب عليها القانون
ليلى : انت عندك خوات وتخاف عليهم صح
الضابط حسين : وش جاب خواتي للسالفه
ليلى : اعتبرني اختك وصدقني انا مظلومه وش جابني للخراب انا طول عمري امتياز بالجامعه والدليل عندي بشهاداتي .
الضابط حسين : لكن هذا مو اثبات تقولي لبرائتك .؟
ليلى منحنيه راسها: .!
وهي تبكي بقوى اللهمه ياحي ياقيوم برحمتك استغيث يارب انصرني على الظالمين
الضابط حسين : اللي اعرفه انه لابوك ملف عندنا بعد يعني ياسلام العايله كلها خريجة سجون ؟
ليلى :
ما تبقى تتكلم خلاص تحس انه الدنيا مع وسعها ضاقت عليها بكل شي حتى في وجودها بهذي اللحظه حتى بكلامها وبنظراتها خلاص كل هالسنوات
اللي بنيتهم بمتيازي بتضيع وبنحرم من الجامعه
ومن كل شي احبه صحيح كنت فاقده اشيااء كثيره لكن الحين احس اني بفقد حياتي كلها اهلي يعني خلاص ماعاد اشوفهم جامعتي
صديقاتي ابوي الغالي مهما كان مشلول جلسته بالبيت
لها حس وصوت خلاص ياليلى كل شي انكتب وانتي مظلومه ما اقدر اقول غير الله يصبرني على ما بلاني وانا يعرف اني مظلومه اهم شي ,,
والله ما همني سوا اني اشوف اهلي خلاص ماعاد ابي الكل ولا ابي اهتم اهم شي يصدقوني اهلي اني مظلومه لاول مره راح انام خارج البيت في حياتي
اااه اكيد اهلي يفكرون فيني
الا ذاك الصوت اللي يقطع سرحاانها بقوى خشونة صوته

الضابط حسين : امسحي دموع التماسيح وقوليلي الحين ترا ماني فاضي لك
ليلى بصوت واطي وبدموع : وش ااقولك ؟

الضابط حسين : من يشترك معك ؟
ليلى : اذكر انك سالتني عن ابوي وماضيه ؟
الضابط : واذكر انك ما جاوبتي ؟
ليلى : ابوي كان طايش لكن لا تقرني فيه !
الضابط حسين : اللي اعرفه يفتخرون الابناء في ابوهم ويذكرون بطولاته

ليلى : وثاني سوال مو مشتركه مع اخد ولا اعرف احد .
الضابط حسين .: طيب لو ااقول لك في احد من جماعتك اللي تشتركين معهم اعترف بمجموعتكم ؟
ليلى بضحكه فيها بكى : ههههههه

الضابط حسين : اظن مو قايل نكته عشان تضحكين وهنا نشتغل ما نلعب .
ليلى : وليه ما تبغاني اضحك مستخسر علي هالضحكه بهالموقف . اولا اقولك انصدمت بالمخدرات وتقولي احد افراد مجموعتك اعترف طيب قولي منهو يمكن هو من حط لي المخدرات ؟
او يلبس الجريمه فيني وانا لو اعرف احد بسكت لا ماراح اسكت بتكون علي وعلى اعدائي لكن وربي العظيم اللي خلق الكعبه المشرفه وارسل انبيائه اني ماعرف احد ولا اني من المخدرات
وانه الجريمه ملبسينها فيني وانا مظلومه

الضابط حسين وصل حده يسالها يمين تجيه يسار يحاول يوتر اعصابها ويبيها تعترف باي وسيله كذب عليها بانه احد الافراد خبرهم هم ما نفعت حاول يسالها ترد عليه بسوال نفسه
تعب معها وبالاخير قال لها
الضابط حسين : كنت ابي لك الخير واقلل المده اللي كاتبه عليك تعيشينها بالسجن لكن للاسف انتي ما تعونتي معي ولا قدرتي تساعدينا عشان تساعدين نفسك للبراءه لكن
اعذريني انا اللي علي سويته والحين ببتجهين بسيارة الشرطه الى المركز العام للسجيناات
والحكم عليك راح يكون 13 سنه على وقف التنفيذ وهو يشوفها منصدمه
مو عارفه وش ترد عليه ساكته وكانه الحلم كابووس تتمنى ينتهي الا تسمعه يقول الجمله الاخيره

: اخذوها وحطوها بسياره مع المجرمات الثانيات وعطوني المجرمه الثانيه

ليلى بصمت وتشوف احد يشدها وهي لا صوت ولا حركه منصدمه 13 سنه بعيشها خلف القضبان ؟ 13 سنه يا ليلى . بعيده عن اهلك امك ابوك خواتك متعب اخوي دراستتي
جامعتي ؟ صديقاتي بيتنا .؟ 13 سنه بقضيها من عمري بين جدران لا صوت لها لا عين لها
ولا احد من اهلك قربك 13 سنه ماراح تنامين بفراشك ولا بسريرك
ولا راح تعشين نفس كل بنت بحلمها الوردي


انها تتخرج من الجامعه بمتياز . وانها تتوظف باحلى وضيغه وتشتغل بين زميلاتها
تمسك راتب و اقول للعالم منهي ليلى عبد اللطيف امنيتي كنت ابني لي اسم واتزوج ويكون لي عايله
احسن من ظروفي اللي عشت فيها ويكون عندي بنات اربيهم وزوج احبه ويخلص لي يعني بدفن احلامي بظلام ؟
يعني خلاص بعيش بالظلام وبينهدم كل شي بنيته يعني من عمري 20 سنه ازيد عليهم 13 سنه يعني يصير عمري 33 سنه بالسجن اقضيها


الا الشرطي يامرها تركب الجمس المحمل بسيدات . وهي تفكر كيف حملتها قدميها الى هنا كيف كيف كيف . وهي تركب وهي تدعي ربها يفك اسرها ويبين برائتها
وهي تقول خلاص بودع العالم من هاللحظه وهي تدور حول الاشياء اللي حولها تبي تطبع في عينها ذكرى قاسيه ومنظر لا تتمنا ان يتكرر لكن تريد ان ترا الاشياء خوفا من فقدان حتى
اساميها من ذاكرتها فـ13 سنه طويله جدا فهل اتحمل الغربه الظلمه او انني سوف اموت بين قضبانها وهي تركب البكس للمره الاخيره تودع النور
وهي تقول ( ايقنت العباره اللي تقول * ياما في السجن مظاليم * وانا جد منهم )



____________


في المستشفى الساعه 8 ليلا
كانت لحظات اليمه ومؤلمه ام متعب مريضه جدا حولوها للانعاش بين الموت والحياة لا يحدد مصيرها
غير جهاز القلب الذي يظرب وجهاز التنفس الصناعي الذي يهبط مره ولا يتحرك ومره
اخرى يستعيد تنفسه ومتعب ينظر امه وعينااه تبكي

مضاوي خارج الغرفه التي ترقد بها امها تترجى الله ان يستجيب دعواتها ان يشفي امها وبرائة اختها وتطلب صديقتها هيفاء بالهاتف بان تساعدها

مضاوي : تكفين ياهيفاء قولي لابوك خلي يساعدنا انا حاليا عند امي وهي بالانعاش تعبانه حيل من صدمة ليلى تكفين ياهيفاء لا تخليني .
كانت عباراتها مخنوقه لا تعرف ماذا تعمل او ماذا تفعل حقا الظروف تتوالى خلف بعضها وكانها تريد قتلي !!!

اختي بالسجن وامي بين الحياة والموت تحت رحمة ربي تترجا مولاها بالعفو

هيفاء : مضاوي لا تبكين ياقلبي خلاص ربك بيسهلها
مضاوي ببكي : انا تعبانه يا هيفاء جد تعبانه مدري وش اسوي خواتي بالبيت وش اقولهم امي بين الحياة والموت تحت الاجهزة التنفس والدكتور ما يبشر بخير ؟
هيفاء لالا يامضاوي خلي املك بالله قوي وصلي ركعتين لله
مضاوي بصوت مبحوح : ونعم بالله بس انا خلاص ما اقدر اكمل الصدمات .امي ياهيفاء احس بفقدها وانا ما اقدر اخسرها لا تنسين هي كل بالكل ما اقدر اتحمل شي
وش اقول لابوي وش اقول لاخواتي وش اقـــــــــــــــول ليلى المسكينه ؟ بكره محاكمتها وش اقولها اذا اسالتني امي وينها ؟




هيفاء :: مضاوي خلاص ياقلبي انا بقول لابوي يساعدك الحين ويتصل باقرب شخص يقدر يتمم الشي بسرعه انا لازم اغفل ياقلبي وبتصل على ابوي اوعدك
مضاوي : اي والله يا هيفاء ماعندي الا الله ثم انتي اعرفه بهذي الدنيا
هيفاء : ابشري ياقلبي يالله مع السلامه
مضاوي : مع السلامه وهي تغفل وهي تسند جسدها على الجدار المستشفى وهي تشوف اخوها يشوف امها من نافذه صغيره وهي تبكي حين شافت اخوها يبكي ولا يبغى يبعد راسه
عن الزجاج الغرفه اللي ممنوع الاقتراب والزياره



مضاوي بدموع وهي تضع يدها على راسه : ادعي لها يامتعب ادعي ربك ان يشفيها

متعب : من يغسل ابوي ومن يوكلنا ومن يصحيني للصبح للمدرسه ومن يحظني اذا كنت مريض . مافي غيرها يا مضاوي .
مضاوي وهي تمسح دموعها وبعدها ادموع اخوها: وانت ليه تتفاول عليها يامتعب ؟ خل املك بالله قوي

متعب : كله منه كله منه والله لاذبحه اذا حصل في امي حاجه
مضاوي : من ؟
متعب بتوعد : مافي غيره ابو غايب هو اللي سجن اختي والحين بيذبح امي
مضاوي : لا يامتعب (وهي تمسك يدين اخوها الصغيره وتضمهم ) ما ابغى يدينك ذي تلوثها بدم احد وتصير نفس ابوي وليلى بالسجن .
. وانا يا متعب من بيكون عندنا يحمينا يصير لنا رجال؟
بنضيع من غيرك ؟ يعني بتدخل النار عشان تذبح حد ربك بالاخير راح يعاقبه انت خلك من الثار والدم انت احسن منه
متعب . وهي يشوف الزجاج : متى تصحى ؟

مضاوي وهي تضم اخوها : باذن الله قريب وبتطلع بعد ليلى بسلامه ونرجع زي اول واكثر من اول

متعب :: جد والله
مضاوي وهي تمسح راسه وهي تضحك : باذن الله بس انت ادعي لها ان الله يشفيها ويطلعها بسلامه هي وليلى
متعب :: يااااااااااااااااااااااارب

فجاؤه يقترب دكتورين والسستر عند غرفة امي ويلمون عليها بشكل خوفني وانا اشيل يدي من راس متعب اللي زرعت الامل بقلبه وانا منصدمه وش اللي صار بالثواني ذي
انا اللي ازرع الامل في متعب وصدقني انا من يعطيني الامل وهي تركض لسرير امها الا السستر تقرب منها وتمسكها
السستر : ممنوع مدام برااااااااااا
مضاوي وهي تشوف شاشة القلب مافيها اي اشارة امل او تفائل بالعيش او الحياة
خلاص الشاشه خير برهان وهي منصدمه وتشوف الدكتور يقترب منها وهي بوضع صدمه وهي تشوف الشاشه مافيها اي ملامح حيه او اي شي تحرك راسها بصدمه من غير اي اشاره او
كلمه لجهة سرير امها تشوف السستر تغطي الشرشف الاربيض على وجها الا ويدي اقرب منها
مضاوي : لاااااااااااااااااااااااااااااااااااااااااا يما لااااااااااااااااااااا تكفين لا تخيلينا تكفين لا تخلينا من لنا غيرك
السستر تشدها وهي تشد اكثر وتمد يدها وكانها تبي تلمسها للمره الاخيره
مضاوي : تكفون لا تقولون انها مااتت ( وهي تبي تستوعب الصدمه )
الدكتور : خلاص اطلبي لها الرحمه يابنتي
مضاوي :: لا امي لالا لالالالا << وتعلق على كلمة لا
السستر : خلاص اطلعي برا بناخذها للثلاجه
مضاوي بصدمه .وهي تهز راسها وتشوف امها مغطيه راسها بشرشف الابيض :.لالالالا
الدكتور يقترب من متعب اللي الصدمه ما عطته تحطم نفسي ما قدر ينطق ولا كلمه ويشوف المشهد اللي صار جدامه من الصدمه .: ماتتت م م م اااا ت ت ت ت ت
الا يغمى عليه

مضاوي وهي تلف على اخوها وهي تركض لها وتضكمى بقوى : متعب لاا متعب اصحى مالي غيركم
الا تشوف الدكتور ياخذ متعب من يدينها ويركض فيه لغرفة الطوارئ وهي جالسه على ركبتها وهي مصدووومه
الدكتور الثاني : عندك احد رجال اقدر اكلمه ؟
مضاوي وهي تبكي بقوى كان ودها لو تحظن اي شخص بس تبي تبكي بحظنه تبي تصحى من الكابوس خلاص ما عاد تبي اي شي والدكتور يعين عليها السؤال
الدكتور : عندك احد اقدر اكلمه
مضاوي وهي تحاول تهدى شوي لكن ماهي قادره تنطق كلمه كل اللي قدرت عليه تمد يدها على الرقم الاخير
الدكتور فهم عليها وهي ياخذ الرقم وهو يقول : وش يقرب لك
مضاوي بصدمه دموع كانها شلال وبشهق وتهز راسها : انا تعبااااااااااااااااااااااانه
الدكتور :ما عرف وش يقول لها جلسها بالغرفه فيها سرير وعطاها برة مهدى وهي مصدومه مو قادره
تحرك شي من جسمها من الصدمه وعيونها مفتوحه
خلاص الصدمه قويه امها ماااتت من بيسندها وهي اللي خطتت باشياء كثيره عشان تساعد امها بالاخير
امها تموت ولا تعرف بانجازاتي اللي بحققها
من بيصرف علينا ومن بيساعد ابوي بلبسه وبتغير ملابسه ومن ومن ومن ومن .
وهي تصيح من الصدمه لااااااااااااااااااااااااااااااا ابي امي ابي امي الدكتور هدي هدي
السستر :لازم نصبر شوي ويبان مفعول الابره

والدكتور يتصل على الرقم يبي يبلغه بالخبر وفي البنت والطفل

وهو يسمع الجوال يرن الا ذاك الصوت الخشن : الووووووو
الدكتور /: الووو السلام عليكم
: وعليكم السلام والرحمه من معي ؟
الدكتور : معك الدكتور قاسم من مستشفى #####
: خير ان شالله وش صاير
الدكتور : ان شاءالله خير بس ممكن تتفضل عندنا
.: طيب ليه .؟
الدكتور : . يوم تجي بتعرف كل شي بس ممكن تعطينا اسمك
.: اسمي منصور ابو غايب ؟

الدكتور : ونعم بس ياليت ظروري واستاذنك الحين بغفل عندي حاله
منصور : ابشر فمان الله

وهو يغفل الجوال منصور وهو خايف وش اللي صاير ؟
زوجته مها كانت جنبه : عسى ماشر .؟
منصور : لا بس واحد من ربعي يبغاني ظروري
مها : تكذب علي انا جنبك واحد من ربعك يقولك وش اسمك
منصور: ماني فاضي اقولك وهو ياخذ شمااغه ويركض لسيارته وهو يسرع وهو خايف. يالله يستر وش اللي صاير ومن بالمستشفى

وثواني الا وهو قريب من المستشفى ويركض عند الرسبشن ولقاء موضف وهو يكلمه وهو تعبان من الركض

منصور : لو سمحت انتوا مستتعيني ؟
الموظف : اسمك ؟
منصور : منصور ######
الموظف : اي ثواني انادي الدكتور . تفضل اجلس هناك
وهو يجلس وهو مستغرب من بيناديه اخواني يعني فيهم شي .؟ ياربي اللهمه اجعل العواقب سليمه ثواني الا الدكتور عنده
الدكتور قاسم: الاستاذ منصور ؟
منصور وهو يوقف : اي نعم خير يادكتور ؟ وش اللي صاير ومن المريض ؟
الدكتور : تتعرف وحده اسمها ناديه ####
منصور وهو منصدم : اي اعرفها ؟
الدكتور : وش تقرب لك ؟
منصور : اختي ليه يادكتور .؟
الدكتور : بصراحه مدري وش اخبرك ولدها صابه انهيار عصبي وهو حاليا بخير بس الحين مغمى والبنت في حالة صدمه عصبيه وحاليا بالابر المهدى نهديها
منصور : اي وليه تسال عن ناديه ؟
الدكتور : اعطتك عمرها
منصور وهو منصدم ماعرف وش يقول هو بيفرح بموتها وانه اخيرا حقق اللي يبيه او انه يبكي على اليتامه اللي خلفتهم وراها ؟
الدكتور : اتمنى تجي بكره تاخذ المعفور لها وتدفنها الانه سالت بنتها وماردت علي خبر
منصور : زوجها مشلول وماعندها الا هالولد
الدكتور : الله يكون في عونهم وهو يطلع يخليهم .
ومنصور يمر مضاوي وياخذها من غير اي انفعال او رفض الانه جسمها كله منهد ولا تقدر تسوي شي حست نفسها حشره لا عندها لا حول ولا قوه وهي تشوف اخوها يشيله اللي
يسمونه خال بين ذراعه وهو الثاني منصدم
ما قدرت تندق حرف كانت جد مطيعه ماتعرف وش تبلغ نوفا او لولوه عن الخبر اللي راح يصدمهم هم الثانين او الصدمه الكبره ابوها
جد الدنيا ما تسوى خلاص ماعاد فيني امل للعيش اكثر

يقرب منصور من البيت وهو ساكت ومضاوي خلف ضامه اخوها وتتنهد وتشهق خلاص ماعاد لها بادنيا غير خواتها واخوها وابوها تصير هي المسؤوله عنهم

فجاء حست مضاوي انه السياره توقف وهي منصدمه

منصور : ووهو يطلع من السياره :: يالله يابنتي عطيني اخوك اشيله
مضاوي وهي تضم اخوها : محد بشيله غيري
منصور : انتي تعبانه
مضاوي : ترا ما ناديتك الا عشان تكفر عن خطاك وتحس باختك وابي يعذبك ضميرك فيها يوم تشوفها ميته .
. وتاركه وراها يتامه وانت تعرف انه هاليتامه عندهم ابو مشلول
كانت تبيك تساعدها ما تذبحها : وهي تمسح دموعها . وتكمل كلامها وبين يدينها اخوها متعب االمغمى عليه
مضاوي : انت ذبحتها روووووووح مني ومن ربك عسى الله لا يوفقك لا بدنياك ولا في اخرتك ولا الله يطعمك بذريه
ويخليك طول عمرك تشفق على الطفل او على صياحهوهي تعطيه ظهره


منصور بصراخ : وقفــــــــــــــــي
مضاوي وهي تعطيه ظهرها وواقفه : كنت تقدر تساعدها يوم طاحت على رجلينك تترجاك وتنخاك وانت صديت عشان وشهو تبي تشوفها تتعذب وتنذل عشانك وتاخذ بثارك القديم
منصور بعصبيه : استغفري بالاول
مضاوي :ابسالك سؤال في بالي ": وش ذنب اليتامه في ثارك ؟
منصور : استغــــفري. اقول لم استغفري
مضاوي : وش ابشرهم في دخولي لهم بموت امي او في سجن ليلى قلي وش ابشرهم الاول برايك موت امي احسن او ابشرهم بسجن اختي 13 سنه بالسحن ؟
تتوقع بيفرحون .؟

منصور : انا مالي شغل في الحكايه كله من راس اختك المدمنه ولا التاجره سميها اللي تسمينه انا مالي يد بالموضوع
مضاوي : لك يد انك انت السبب في صدمة امي ومووتها تقدر تساعد اختي المظلومه وتطلعها لكن عنادك وثارك ما خلاك قلت بشوفها تنذل مثل ما ابي وانت لا تكفر عن خطاك

منصور : دامك قلتي كل ذا وش له مخليتهم يتصلون علي ,,,
مضاوي : مالي احد بهذي الدنيا غير ابوي العاجز ولا هو قادر على الصدمتين الي بقوله له (وهي تبكي وتشهق ) كيف راح اقوله صدقني لو عندي احد غيرك حرم لامي كان ناديته ما تعبت روحي
لكن ابي ظميرك الميت يحس ويندم على اللي سوااه باخته قبل لا تموت وهي تعطيه ظهرها وتشيل اخوها وتمشي من غير ما تنطر رده

وهي تفكر كيف راح تقول لاهلها كيف
وتدخل البيت وتشوف نوفا اقبالها بصاله
نوفا وهي تقوم : وش فيه متعب نايمه غريبه ؟
مضاوي وهي تشيل الطرحه اللي على وجها اللي من شالت الطرحه بينت ملامح ما تنوصف العين متنفخه والوجه بعد من غير الدموع اللي عيت لا تترجم مشاعرها واول ما شافت اختها
حست بالم بصدرها ما تدري وش تقول لاختها او تصدمها ما تبغى تخسر شخص ثاني بعد
مضاوي تقرب من الكنبه وهي تحط متعب
الا ويد نوفا خلفها
نوفا : وش صاير يا مضاوي وجهك معدوم من الحياة ؟ وامي وينها وش صار ليلى ابوي من الصبح يسالني عنكم وانا ارقع له
مضاوي منزله راسها وتبكي بقوى .
نوفا وهي تهزها بقوى وهي تصارخ:: ببتتكلمين ولا وشهو الحل معك مضاوي انا اكلمك وش فيك تبكين
الا لولوه طالعه من الغرفه : وش اللي صاير وشفي صوتكم طلع واخيرا مضاوي جاءت
مضاوي رمت نفسها لنوفا وهي تجلس على ركبها وجلست تصيييييييييييييح بقوى وبكتمااااااااان ما تبي صوتها يصحي ابوها ومتعب

لولوه : وش صاير يامضاوي امي وين وليلى وش صار معها
مضاوي :ليلى احكموا عليها 13 سنه بالسجن واسكتت

الكل طلع صوته ببكى وهي تسكت
نوفا وهي تبكي : كيف يعني 13 سنه وهي مظلومه .
لولوه : متعب وش فيه نايم ؟
نوفا : اي صح غريبه متعب نايم
مضبااوي منزله راسها : متعب مو نايم
نوفا لولوه بصدمه :: وشهو وووو انتي وش تقولين
مضاوي : الخبر الثاني راح يصدمكم مثل ما صدم متعب وياليتكم تصورن اقوى مني وهي تقولها بصوت عالي وتبكي : امي تطلبكم الابااحه
ما سمعت الا صيحاااااااااااااااااتهم القويه طول الليل
والابو اللي من سمع الخبر صارت حالته تعبااانه

--------------------------
مرت اربع ايام لا حس ولا خبر من اهلها من جت هنا ما سمعت احد جاء من اهلها يزوراها او يشوفها
ليلى وهي سرحانه بين قضبان السجن : يعني صدقوا اني مدمنه ومحد يبيني او يزورني على الاقل امي تسال عني وانا اعرفها كل الناس تذكبني الا امي تصدقني
وهي تتنهد يالله وحشوني كثير اربع اياام كانها اربع اسنين بين الظلام
الا تسمع احد يناديها : ليلى عبد الطيف تعالي
ليلى : واخيرا لكيد زياره < وهي تشوف اذا احد عنده زيارده ينادونه كذا
ليلى بلهفه : منو جايني ؟
احدى شرطيات السجن : الضابط يبغااك
ليلى : بخوف ليه ؟
الشرطيه : ما بعرف بصراحه هو اتاني الاوامر وانا لازم اقولك
ليلى : طيب

وهي تمشي وتدعي ان الله يجمعها باهلها وان ماصار شي لاهلي وهي تمشي الممر الطويل للسجن وهي ساكته وتفكر وش يبون مني بعد كل شي عرفته قلته والمحكمه كتبت كل شي
وش يبون مني بعد الا الشرطيه تتكلموتقطع سرحانها
الشرطيه : دقي الباب وادخولي
ليلى : طيب وهي تتدق الباب

الا تسمع صوت ينادي : ادخلي
ليلى وهي تدخل وراسها مزلته من غير كلام توصل لنقطه قريبه من المكتب وهي مو متعوده تقابل رجال ووجهها مكشوف

الضابط : انتي بنت عبداللطيف ال ####
ليلى وهي منزله راسها : اي نعم بنته
الضابط : هههههه مو غريب بصراحه اذا طلعت وحده من بناته متمرده نفس ابوها
ليلى بعصبيه ترفع راسها وترد : انت جايبني هنا عشان تتشمت او تحقق معي ؟
الضابط : لا وماشاءالله تعرفين تردين وطلع لك لسان واللي اعرفه بالسجل وملفك ما تتكلمين ؟
ليلى : والحل ؟
الضابط : اي حل انتي تبغينه ترا ما قلت معادله كميائيه او رياضيه بالكلامي ؟

ليلى بصوت واطي : اووووووف هذي اولها شباب طايش يتحرش بسجينات

الضابط : اظن انك تكلمتي وش قلتي ؟
ليلى : سلامتك ما قلت شي ممكن اعرف ليه جايبني هنا
الضابط : شي طبيعي اجيبك هنا مافي احد من عايلتك جاء وزارك قلت ولد عمها عندها وما يزروها ؟
ليلى بصدمه : مافهمتك ؟

الضابط ثامر : انا افهمك وهو يقوم من كرسيه ويقابلها انتي تقوليلي ما فهمت احب اعرفك على نفسي اسمي ثامر محمد ال #### ما تشوفين انه اسمك الثلاثي الاخير يشبه اسمي الثلاثي الاخير ؟
وحتى اسم العايله والقبيله ؟
ليلى بصدمه : كيف
الضابط ثامر : اممممم قلتي لي كيف بصراحه انا لي مده اشتغل هنا لكن ماخذ اجازه وقطعتها عشانك يا بنت عمي ما صدقت رفيقي يوم قال بنت عمك عندنا عاد يوم
عرفت انه بنت عمي عندنا وانا ما شفت عمي قلت لازم اشوف اهله واضيفهم يعني مو شي غريب العم قبل بالسجن والحين بنته قلت اقطع اجازتي عشان نقوم بالمواجب

ليلى والدم يغلي بداخلها ولا هي عارفه وش ترد على سخافته وملاقته لكن استكتت الانه بترد عليه رد يمكن تندم عليه ويمكن هو يعرف كيف يرد عليها

انتظروا الجوء الخامس لمعرفة الحكايه
الانه بكل اسف انتها الجزء الرابع هنا بين حوار ابناء عم لم يتقابلون ابدا

نهاية الجزء الرابع.

(( وش تتوقعون بالاجـــــزاء القــادمه ؟ )))

* هل راح تتابع مضاوي مشروووعها ؟
* لولوه ومصيبتها بنشوفها بالجزء الخامس اولا ؟
* منصور هل راح يضم اعيال اخته ؟
* نوفا مازال الوشاح يغطي شخصيتها ولم ياتي دوراها الان وهل يحدث لها شي بالاجزاء القادمه؟
* ليلى من يكون الضابط ثامر هل هو جد ولد عمها او يكذب عليها ؟
* هل هيفاء تساعد مضاوي بازمتها او تصد عنها وتنتهي رحلتها معها ؟
*دور متعب بالجزء القادم ؟
* ابو متعب خل تتوقعون بيستمر بالروايه او ينتهي دوره ؟


قصتنـــــــــا في اولــــــــهـــا
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه

تاابعووونــــاااا
نتواااصل
انـــــــــجال

[# بنت عتيبة #]

الجـــزء الخـــــامـــس
-----------------------
الضابط ثامر : اممممم قلتي لي كيف بصراحه انا لي مده اشتغل هنا لكن ماخذ اجازه وقطعتها عشانك يا بنت عمي ما صدقت
رفيقي يوم قال بنت عمك عندنا عاد يوم
عرفت انه بنت عمي عندنا وانا ما شفت عمي قلت لازم اشوف اهله واضيفهم يعني مو شي غريب العم قبل بالسجن
والحين بنته قلت اقطع اجازتي عشان نقوم بالمواجب

ليلى والدم يغلي بداخلها ولا هي عارفه وش ترد على سخافته وملاقته لكن استكتت الانه بترد عليه
رد يمكن تندم عليه ويمكن هو يعرف كيف يرد عليها
ليلى :
ثامر : ادري ادري بتشكريني على هالضياافه وانك مبسوطه مثلي انك شفتي احد من اهل ابوك (يضغط على اسنانه ) اللي اطردوا ابوك
كان يبي يغيضها يرفع ضغطها يبي يشوف ردها المهزوم وهو يشوفها منزله راسها معلنه الاستسلام او الخضوع

ليلى وهي منزله راسها

ثامر بضحكه : هههههه شفتي ما تقدرين تفتخرين بماضي ابوك ولا يمكن بماضيك واهلك
ليلى بتعب نفسي : خلصت كلامك ؟
ثامر : ليه كلامي مو عاجبك ؟
ليلى وهي منزله راسها : ممكن او لا ؟
ثامر : واذا قلت لا وش بتسوين ؟
ليلى وهي تلف جسمها النحيل لجهة الباب من غير كلام بخطوات خفيفه : اذا كان عندك موضوع معي ضروري نادني ,, اما اجلس لسخافاتك ما ابيي اضيع وقتي معك فوق هذا اهانتك لي

ثامر وهو يمسك زندها ويشدها بقوه لين صارت قريبه لصدره ليلى من غير انتبه وبصدمه ارفعت راسها تبي تتهاوش معه واللي يصير يصير ارفعت راسها الشامخ له واخيرا بعد
حركته المقرفه لها وقربه لها : انت ما تستحي على وجهك ابد راحت عنك الرجوله الشهامه
مهما كنت مجرمه ما تسوي معي كذا وحتى لو كنت بنت عمك بعينك الواطيه او اللي ما تحبونه

ما اسمح لك او لعشره من امثالك تمسك مني شعره كيف يادوبك تشوف وجهي انا ما نزلت راسي لك ولا لغيرك انا اخاف من ربي يعاقبني
وانا ما تعودتت اكشف وجهي جدام احد لكن انت جبرتني ارفعه

ياولد عمي ياتربية الرجاجيل ياناس ياالكابر وتبيني ارد عليك وش ارد قولي دام انزرع في قلبك الكره وش امسحه دامه انحت نحت بقلبك
ابوي احسن واحد شافته عيني ابوي عمره ماعلمني الكره حتى لاهله اللي عمرهم ما اسالوا عنه او شافوا كلهم همهم الثروه وانت الحين
جاي تكمل مشوار جدك واهلك علي .اقولك رح لا تحط شهامتك على حرمه ضعيفه

ومايهمني ابين لك اني مظلومه او ظلمه يكفيني فخر اني بنته وافتخر اني تربيته شف احذرك للمليون
ان شفتك تلمس شعره مني ياويلك شفني حذرتك
وهي تمشي بسرعه خارج الغرفه وهي تبكي خلاص يكفيها اللي خصل لها هي تشوفه منه او من المصيبه اللي فيها




وثامر
ثابت ما تحرك ادهشته بصورتها بعيونها بكل شي فيها حتى كلامها
قربت له وعيونها العسليه كانت واضحه شعرها المتناثر خارج شالها وشعرها البني الغامج المايل للعنابي
وشرتها الصافيه وحتى وجها القمري اندهش ماعرف وش يقول فوق هالجمال اندهش
حتى كلامها استوعبه لكن بوقت متاخر بعد ماخرجت وجلس هو على الكتب ويعيد صورتها ويعيد كلامها
وهو يهدد ويقول : والله منتي هينه يابنت عبد اللطيف لكن وين تروحين مني جدامك والوعد جــــــــــدام اذا ماطلعت
عيونك من مكانها ما اكون ولد محمد !

وهو يضحك ويهمس بينه وبين نفسه : والله ماهي هينه بالجمال استغفر الله يمكن ماخذه هالجمال من عمي .
.ويفتح ملفها ويقرا وش اخر الاجراءات والجريمه واخر الاحدثات اللي صايره فيها
وهو يتذكر انه لازم يتصل على ابوه ويخبره ويترك الملف ويتصل على ابوه بس غفل الجوال فجاءه وقال لازم اشوفها وش حالها بعد الصدمه اللي سويتها
ترك الجوال والملف وراح يتطمن عليها

_________________


الجو هادي والكل تغير ماهم مثل طبعهم الاول الكل صار يجلس بروحه وسرحان وكانه العالم مات من موجود كائنات حيه اخرى
مضاوي جالسه عند ابوها المريض واليوم رابع يوم للعزا ومحد جاء العزا الا قليل .
. الانه ما عندهم معارف واللي قام بدفن امها خالها بروحه ومحد صل عليها
مضاوي وهي تشوف وجه ابوها التعبان بعد خبر موت امها ومصيبة ليلى فقد انه ينطق اي حرف وحالته
تعبت كثير ورفض يروح اي مستشفى
وهي تشوف ابوها نايم بعد ما عطته الدواء وخلته يرتاح الا تشوف اختها نوفا تجي تجلس جنبها وكانه بوجها كلام راح يوجع القلب زياده
مضاوي : متعب اكل شي ؟

نوفا وهي تجلس تطلق ااهات خفيفه : اااه حالته صعبانه علي والله ما ياكل الا قليل وهي تلف وجها لمضاوي وتقول
: نسيت اقولك في اشيااء كثير مو موجوده بالبيت ومحتاجينها ؟
مضاوي تمسك راسها : اااااااااه يارسي وش اسوي الحين من وين اجيب فلوس اذا اخر مبلغ خاشته امي راح . وغير
هذا لازم ادبر مصروف لليوميه والاجار لا تنسين يانوفا الاجاار ولا بنجلس برا
من غير بيت يضمنا
نوفا : والحل لازم نشتغل باقر فرصه ؟
مضاوي وهي تسند راسها وتشوف ابوها اللي شكله سمعهم وهو مغمض عيونه وهي تتنهد بصعوبه وبعدها تقول : انا لقيت حل لكن لازم انت تلقين وسيله تشتغلين فيها لو انك مخلصه
الثانويه يانوفا كان حلينااها لكن المشكله بعدك عمرك 18 سنه ومن راح يوظفك ؟
نوفا : وش رايك اشتغل في مشغل ؟
مضاوي : لالا مشغل لا لا تنسين انه بعض المشاغل مشبوهه
نوفا : اجل وش اشتغل ؟
مضاوي وهي تفكر وتفكر وتفكر في حل او وظيفه تطمن فيها على اختها وبنفس وقت تكون مربحه .
وان تكون بنصف دوام وهي تفكر طرت لها فكره .
مضاوي : وش رايك تتوظفين عند ام فايز في الخياطه عندها اتيليه مشهور وهي تبي رسمات وانتي تعرفين ترسمين
اشتغلي معها وبكذا اظمنك وبقولها تشغل بالفتره الصباحيه
وبالمساء تجلسين عند ابوي وانا المساء اشتغل بتدريس ؟
نوفا بتعجب : كيف بتدريس وانت مانادوك للتوظيف .؟
مضاوي : انا بشتغل مدرسه خصوصيه وبحاول اناديهم للبيت اذا وافقوا واشتغل وانا متطمنه عليكم وعلى ابوي وعلى متعب
نوفا :: والحل مع متعب .؟
مضاوي: خلي متعب علي مع الوقت بخليه ينسى اللي حصل له لا تلومينه صدمته ماهي قليله امه تموت جدام عينه وغير هذا الخال اللي انصدم فيه
وكان يظن انه اطيب شخص بالعالم وانصدم بالعكس اللي شافه حطم نفسيته

نوفا : ما الومه يامضاوي هو اقرب شخص لامي واخر شخص بالعايله
مضاوي وهي تتنهد وهي تعبانه كثييير وهي تغمض عيونها :: تصدقين يا نوفا هيفاء صديقتي لا اتصلت علي تعزيني ولا جت جنبي بوقت عزا امي ولا بمشكله ليلى اوعدتني ولا شفتها من ذا
الاتصال اللي اتصلته لها وانا بالمستشفى



نوفا : يمكن ما عندها خبر ؟
مضاوي : ما اظن يا نوفا تعرف وعندهم جرايد وتعرف اسم امي وحتى اهلها يعرفوني ويعرفون امي يعني انا مستغربه كيف ما تجي لا هي ولا امها ؟
نوفا : اتصالي عليها تطمني عليها
مضاوي وهي تمسك جوالها وتبداء بضغط على ارقام جولها برقم هيفاء الا الرقم يدق وطول وهو يدق ولا احد يشيله
مضاوي وهي منصدمه ثلاث مرات تتصل ولا احد يشيل الخط وهي تحط جولها على الارض قريب منها وهي سرحانه
وتفكر يعني معقوله صاير فيها شي وانا مدري ؟
اكيد هيفاء عمرها ما خلتني انا مو زعلانه عليها انها ما جتني بس انا بسال وش فيها ماجتني مو من عوايدها
نوفا :: ماترد صح ؟
مضاوي وهي محتاره وساكته س اكتفت انها تهز راسها بالايجاب : امم
نوفا : يمكن امممم مشغوله او انه الجوالها ماخذه احد منها ؟
مضاوي : لالا انتي تظنين انه اهلها نفسنا كل شي مممنوع لالا عادي عندهم البنت تمسك جوال .
ثواني الا يجيها صوت المسج لجوالها وهي تشيله وهي منصدمه بكلام الموجود داخله وهي تقراء تطيح دمعتها وترمي الجول بقوى اخر شي توقعته انها تتخلى عنها
نوفا بخوف : وش فيك وش صاير وش مكتوب بالمسج
مضاوي وهي تاخذ الجوال وهي تبكي وتقرا الجوال مره ثانيه وبعدها تمد الجول لنوفا عشان تقرا المسج
نوفا وهي تقرا بصوت عالي :


مضاوي لو سمحتي لا تتصلين علي وانسى انه عندك صديقة اسمها هيفاء لو سمحتي وعظم الله اجرك بامك

نوفا وعلامة تعجب :ليه كل هذا وش السبب ياما صارت عندنا ظروف ما خلتك ليه بذالت الظروف هالصعبه ذي اللي انتي محتاجه لها اتركتك بروحك ؟


مضاوي وهي تاخذ جولها من نوفا وتتصل على هيفاء تبي تعرف وش السبب
وهم ما لقت رد وثانيتين الا تلقى مسج من هيفاء

" قلت لك لا تتصلين علي واذا بتعرفين السبب ابوي واهلي كلهم منبهيني منك وياليت ما تتصلين والسبب كله من اختك وماضي امك الاسف انخدعت منك وقلتي انها يتيمه
وانا اسفه دوري غيري يصرف لك لا تتصلين علي المره الالف انبهك "

[# بنت عتيبة #]

جد انصدمت من المسج لا هذا مو كلام هيفاء هيفاء عمرها ما كان اسلوبها كذا
الا تنصدم بوحده جدامها لابسه وكاشخه وكانه ماعندهم عزا ولا امها توها ميته ولا محترمه الكل



مضاوي : ذي بتموتني ناقصه عمر
نوفا : وهي تلتفت من

الا تنصدم تطلع لولوه
نوفا وهي منصدمه : انتِ هي وين رايحه
مضاوي وهي توقف جدام الباب وهي تمنعها من الخروج : وين على الله والكشخه ذي ماليه وجهك .
لولوه : لصديقتي اليوم عندها عرس اختها وابي اروح لها

مضاوي : وانتِ شكلك صار عندك فقدان الذاكره وفقدان المشاعر وكل شي يفقده الانسان انتِ وش نوعك من البشر امك ميته ولابسه
هالببس ومكياج والشعر والكشخه وكانه ما عندك احد مسؤول

يعني خلاص امك ماتت ماعندك احد يمسكك عن طلعاتك ولحظه انتي نسيتي انه امتحاناتك بعد اسبوعين ولا وشكلك راسبه
من وجهك ولا تقولين لي مو محتاجه الوظيفه بعد ولا الدراسه
اهم شي صحباتك اهم من اهلك وهي تقرب منها كثير تعطيها ذا الكف القوي تبي تصحيها من اللي هي فيه
لولوه : انتِ من تضنين نفسك !
ابو متعب وعيونه على بناته وهو تعبان لاحول ولاقوه سوا انه يشوف بعيونه التدهور اللي صاير بالعايله وانحراف وحده من بناته
مضاوي : اختك الكبيره يعني من وحده من الشارع اقولك مافي رووحه يعني مافي رووحه تفهمين وامسحي المكياج اللي حاطته اخترمي امك اللي ترابها ما برد توه
لولوه وهي تدف مضاوي وهي تقول : طالعه يعني طالع ومالك شغل فيني


وهي تبي تمسك يدات الباب الا تمسكها مضاوي وهي تقرب منها لا انتي مو لولوه اللي اعرفها لا حشى هذي ممو تربية امي
اللي ربتك وين لولوه القديمه وش اللي غيرك يعني لهدرجه

مو هامتك امك رايحه تتمكيجين من رابع يوم من عزااهاااا ( وهي تمسك زندها وتهزها ) اصحي يالولوه شوفي وضعك وشوفي وضعنا ليه
ما تدخلين وتشوفين حل لمشكلتنا بدال ماتروحين لصديقاتك

وتوجبينهم وش راح تستفدين منهم شوفي انا بعد هالاسنين كلها راحت هيفاء بس الانه ليلى مدمنه ومن ماضي امي



مضاوي وهي تتكلم لولوه تنطق وهي تتجه للباب : انا اسفه لازم اطلع الانه اذا ما طلعت راح تتدمر حياتي
مضاوي : اي حياة اهم من حياتك انتي واهلك .
لولوه وهي تتجه لباب من غير ما ترد لمضاوي وتطلع ومضاوي ما وقفت لها ولا منعتها الانها خلاص انهارت حست بالهزيمه لاول مره
وفقدان السيطر وحست انه الدنيا كل يوم تنتقم لها ولا
لها نيه او مستقبل انها تفتح ابوابها لها

خلاص يادينا كفايا ما ماحصل لي خلاص وهي تجلس على ركبتها وتبكي وتبكي وتصيح وهي تشوف ابوها:: خلاص انا تعبت تعبت يايبااااااا ياليت منت مشلول تشيل الحمل عني انا ما اقدر
اشيله ااااه يايما ياليتك هنا تشوفين وضعنا ش صار فيه
وهي تصيح وتضمها اختها نوفا وهي تقول : انا معك ومتعب معك وهي تشوف ابوها وابوي معنا
مضاوي وهي تصيح : خلاص خلاص يانوفا ماعاد به احد يحس باحد خلاص اختك ذي سوا بها غسيل مخ وهي تكمل بكيها وضيقتها تحس بتفجرها لاي شخص
بس اهم شي تريح هالضيقه والتريح هالمخ من التفكير

_________

جالسه تبكي خلاص مل منها الصبر خلاص ملت تحس هالخمس ايام وكانها خمس سنوات من التعذيب النفسي والروحي
مشتاقه حق اهلها كثير وهي تسند راسها على جدار زنزانتها وجها ميت من ملامح البشر وشعرها منسل على كتوفها يحكي حكاية تعذيب الجسد

وعيونها سهرانه ما تذوق النوم

كل همها اهلها مشتاقه لامها مشتاقه لابوها العاجز . مشتاقه لهوشتها مع مضاوي وخواتها مشتاقه للجامعه وامتيازاتها وانجازاتها
تبكي ولا احد يمسح دموع مظلومه من الزمن
تمسح دموعها وتتذكر اليوم المشؤوم لها كيف اقبضوا عليها تبي تتذكر اي شي يدلها على خيط جريمتها تحس انه ذاكرتها انشلت خلاص ماعاد هي ذاكره من سوا فيها كذا

ليلى : ياربي مشتااقه لامي واهلي وينهم ليه لحد الحين ماشفت احد منهم يعني هم مصدقيني اني مجرمه

و تهز راسها بقوة لالا اهلي يعرفون اني مظلومه وبعدها يرد عليها صوتها الثاني
: لو يظنون انك مظلومه كان جو لك لكن هم يحسبونك مشتركه مع المدمنين ,,

ليلى : لالا اهلي واعرفهم مستحيل يخلوني بروحي كل هالمده بس اكيد احد صار فيه شي او في مشكله صايره فيهم .

.مو معقوله يخلوني ما يجون لي حتى يتطمنون علي ااااااااااه كرهت السجن واللي فيه وكل شي كووم واللي اسمه ثامر كوم ثاني
ثواني الا وتسمع اسمها تناديه وحده من شرطيات السجن

ليلى عبد اللطيف زيااااره

ليلى من الفرحه طايره اخيرا جواا وتقول بنفسها : انا اقول ما يخلوني اهلي والله كنت عارفه وتتلبط عيونها بالدموع وكانها سحب ممطره تتهيا لستقبل المطر الكثير وهي تتنهد واخيرا
بتشوف احد من عايلتها وتعاتبه على التاخير
وهي تمشي بين ممرات السجن وهي تتخيل من اللي زايرها امها او مضاوي او نوفا او لولوه اومتعب او كلهم ؟


من ياربي وهي متلهفه تعرف من زايرها الا تقول لها الشرطيه مدة الزياره 15 دقيقه بس وهي تمسك مقبض الباب وقلب ليلى يطق
ليلى وهي منصدمه مو عارفه الشخص الي جدام عينها من الصدمه واقفه كانها صنم ما تحركت وهي متحطمه : اكيد غلطانين بالاسماء هذا انا ما اعرفه منو هذا لالا اكيد غلطانين بالاسماء

والرجل يقرب منها يبتسم وهي ترجع لوراء بخطوات تراجع خفيفه وبوجها ملامح عدم المعرفه والدهشه
ليلى : اسفه شكلهم غلطانين بالاسم

الرجل : ههه لا انتي ليلى عبد الطيف
ليلى : اي ليلى !!

الرجل وهو يقرب منها :شفتي انهم ماهم غلطانين بالاسم

ليلى : منو انت ؟

الرجل : انا جيت اخبرك بخبر لازم تعرفينه وبعدها يمكن ما تشوفين وجهي بعدها ؟
ليلى : انت منوو

الرجل : مو مهم تعرفين انا منو المهم اني اقرب لك ولا ابيك تعرفين صلة القرابه انا جيت اخبرك عن خبر لازم تعرفينه الانه ماراح يجي احد يخبرك عن هالخبر

ليلى والخوف بملامحها وشهو الخبر

منصور من غير بدايه ولا مقدمه : امك ماتتت

ليلى والصدمه صدمتنها واقفه من غير اي حركه وكانه الارض اثبتت ماتحركت من مكانها عجز لسانها ينطق اي حرف اي كلمه كل مشاعرها منصدمه من الخبر
حست بالارض تدور حولينها وكل شي ثابت ما تحرك
ياليتها مااتتت ولا تسمع هالخبر وهي تردد بين نفسها ياليتني مت ولا اسمع هالخبر لالا الخبر كذب منو هذا لا يكذب علي .

وعلى وجها تطيح دمعه من الوجع من الاه والصدمه وقفت ولا تعرف وش تقول او وش ترد على هالشخص الغريب

كل جسمها عجز عن حمل كتله ثقيله منها وما حست الا وركبتها تصدم بالارض

وهي تجلس على ركبتها من الصدمه وهي تشوف الرجل الغريب يقرب منها ويكمل جروحها

منصور : تدرين بسبك ماتت يا ليلى
ليلى تصرخ بالم : انت كذاااااااااااااب انت كذااااااااااب
منصور : انا جيت اخبرك الانه عارفه انه ما عندك خبر
ليلى بصراخ : انت منوووو ؟

منصور : مو مهم انا منو المهم انك عرفتي وهو بيخرج من الغرفه

تمسكه ليلى وهي تقول تبكي : قلي امانه الحق انت تكذب علي قلي انها كذبه قلي كل شي الا انك تتفاول على امي الشينه

منصور : وش اقولك اقولك انه امك ماتت بسبتك ؟
ليلى وهي تصررررررخ من قلب وتعلي صوتها اكثر : انا ما سويت شي انا مظلوووومه تفهم انا مظلوووومه ماني مدمنه ولا اني تاجره والله اني مظلوومه
محد فاهمني ليه اكذب دامني بالسجن الحين صدقني والله اني مظلومه وهي تجلس تلم جسمها وتصيح بالبلاط السجن ووهي تتنهد وتصيح وتردد كلمة : انا مظلومه وربي مظلومه


طلع منصور منها وهو يشوفها منهاره بجسدها النحيل لا حول لها وهي تردد كلمات الظلم وتركها وهي تبكي منهاره كرهت كل شي حولينها وكرهت نفسها

تقرب منها الشرطيه وتصارخ عليها : يالله قوومي الزياره خلصت
ليلى ساكنه ما تحرك بس تشهق ما تبي تشوف احد خلاص كرهت العالم كله وتردد بينها وبين نفسها انا قتلتها
انا قتلتها لكن انا مظلومه وتنشهق بصوت اعلى شوي من الهمس .
وش سويت ياربي تبلي علي هالبلاوي غفرانك يارب يارب لا تغفلها بوجهي وهي تبكي والشرطيه تصيح عليها تامرها بالوقوف

وهي تشوف الشرطيه لكن رجلها اخذلتها ماقدرت توقف من الصدمه
وهي تحاول الوقوف لكن للاسف ارجعت للارض تبكي وتصيح

الشرطيه : قومي يالله جدامي تقرب منها وتقومها بالغصب ويالله تقومها بالغصب وتااخذها لزنزنتها وهي منهارة القوى من خبر وفاة امها

___________

الساعه 2 الظهر
دخل البيت والكل كان موجود من اهله دخل سلم على امه وابوه
وجلس على اقرب كنبه موجوده قربه والموجودين عيونهم عليه
وكان موجود اخته ثريا , واخته ندى , واخته . عواشه <عايشه
الام : ها ياولدي تبي احط لك الغدا
ثامر : لا ابد يالغاليه توني متغدي
ابو مشعل :ها اشلون الشغل اليوم .؟
ثامر : ابد يسلم عليك
الام : جد ثامر امس وينك ماشفتك الا يوم تطلع لربعك
ثامر : والله يايمه كنت مشغول تعرفين الدوري الانقليزي بدا وانا من معجبين ببرشلونه
ابو مشعل :هههههههه عز الله هذي سوالفك ما تغيرها يا ثامر
ام مشعل : بسك ياثامر من المباريات عورت عيونك كله من التلفزيون والبلاستيشن

ثامر : وش اسوي عشقي كرة القدم وهو يشوف ابوه ويوقف : ماعليك امر يابو مشعل بنتعبك شوي ابيك شوي بموضوع خاص

ام مشعل بستغراب : وشهو الموضوع
ثامر بضحكه : هههههه لو اقدر كان قلته يايما .ما تعبت ابوي وقومته من جلسته
ثريا : الله واكبر صار عندنا كلام خااص
ندى وهي تضحك : هههههههه ولا بنفراد الضابط شكله بيحقق مع ابوي
عويشه : تخيلوا عاد ثامر ومايرحم الذبانه كيف الحين الوالد
ام مشعل بخوف : بس يابنات خلنا نفهم وش السالفه ؟
ابو مشعل : وين تحب يالضابط ثامر ؟
ثامر وهو يطوف كلامهم : اي مكان تختاره يامديري الفاضل
ابو مشعل يضحك :: يالله تعال للمجلس ناخذ راحتنا اكثر

ثامر : يالله مشينا
ابو مشعل يدخل المجلس ويجلس على الكنبه وهو يضحك : وش عندك لا يكون نويت تتزوج
ثامر : هههههه لا طبنا ولا غدا الشر وش جاب سالفة العرس الله يهديك

ابو مشعل : وش السالفه اجل ؟

ثامر وهو يجلس قبال ابوه ويقول له : الخبر اللي بقوله من امس اعرفه ولا عرفت كيف افتح المووضوع معك من امس ما نمت من سببه لكن قلت لازم اخبرك مهما كان الموضوع من اهميه

ابو مشعل : لا تلف وتدور ادخل بالموضوع تعرف المقدمات ذي ما تعجبني ؟
ثامر : وهو يقوم وبعدها يجلس الموضوع يخص عمي عبد اللطيف .

ابو مشعل بصدمه: عبد اللطيف اخوي

ثامر : مو هم شخصيا لكن يخص شخص من اهله ؟
ابو مشعل بعصبيه شوي : قلت لك لا تلف وتدور ادخل بالموضوع ياثامر
ثامر وهو مايعرف وش يقول : قبل خمس ايام جتنا جريمه في احد مراكز الشرطه وسجلها واحد من ربعي وقالي عن سالفة بنت تقرب لي حولوها للسجن من غير محاكما وطبقووا عليها القانون سجن 13
سنه والبنت متهمه بتجارة المخدرات وادمااان وتعرف كنت باجازه قطعتها عشان اشوفها اللي يقولون عنها

يمكن الاني عرفت بالاخير لحظه انها بنت عمي عبد اللطيف حبيت اشوفها
وفعلا شفتها وكانت جد تصرخ بانها مظلومه وعرفت انه عمي عبد اللطيف مشلول واليوم عرفت خبر ثاني عنها انه امها ماتت

ابو مشعل



(( وش تتوقعون بالاجـــــزاء القــادمه ؟ )))

* مضاوي تبداء مع اختها خطه وهل ينفذونها ؟

* ثامر وعلاقته مع ليلى ؟

* منصور والثار هل يكمله ؟
*لولوه والمصيبه بالجزء السادس
* ردتت فعل او مشعل وش هي
* فارس جديد راح يظهر بالجزء الثاني من يكون ؟
* متعب حل راح تتحسن حالته ؟
* وهل راح تشوف ليلى خواتها ؟
*ثريا عويشه ندى < لهم حكايه وش حكايتهم ؟
* بالجزء القادم احداث مثييييره جدا اتمنى لكم المتعه ادري هالجزء صغير بسبب العيد والظروفي الخاصه
لكن اوعدكم اني بونسكم بالجزء السادس ولا دمووع بعد اليوم .




قصتنـــــــــا في اولــــــــهـــا
ما تحتــــــــاج غيــــر انكــــــــمـ تشرفوونـــــــا
وتشاركــــــونا فـــي الــــرد والمتابــــعـــه

تاابعووونــــاااا
نتواااصل
انـــــــــجال .