روايه غرق الغرقان أكثر

[ღღحفيدة ملوك ღ]

رونق
طلعت من الزواج احس تعباااانه مرررره الحمل من جهه وحووسة الزواج من جهه وهم
مهاا من جهه
ركبت السياره بتثاااقل احس بطني يوووجعني مررره مغص
رونق:مساء الخير حبيبي
رائد:اي مساء الحين صباااح
رونق بابتسامه باااهته:يالله صباح الخير
رائد:شفيه الحلوو زعلان
رونق:لاوالله تعبااانه حدي
رائد:اهم شي ولدي
رونق وهي تضربه على كتفه:اصلا مو معذبني غيره
رائد وهو يضحك:افااااا بس افاااا يافارووس تعورر مامااا اخذ حقهاا منك اذا طلعت
بالسلامه على الدنياااا
رونق وهي تتالم:راائد تكفى ودني المستشفى بسرعه احس بموووت
رائدوهو مو مصدق:لاتمزحين بس
رونق:واااااااالله ماأكذب بسررعه احس شي ينزل مني لاارااادي







خااااالد
حبيتهاااا مو من المره هذاي لا من قبل بس امي وقفت بطريقي الله يهديهااا مدري ليه
وزوجتني بنت اختهااا علياا وعشت معهاا كانت محترمه وتفرض حبها على الجميييع
حبووووبه مره يمكن دخلت قلبي بس مثل مي مي غير غير اول ماعلياا توفت تعذبت بتربية
بنتي قلت لأمي بي مي قالت لا قلت مابي غيرهاا واذا رفضتي مارااح اخذ غيرها وقال اجل
قاابل بنتك احسن
وهذاا حالي لي ست سنوات بس احلووويتي يامي سرحت ومااااحسيت بالسياره الي قدامي
وغبت عن الوعي





رائد
بقصى سرعه وصلت لاقرب مستشفى جيت اشيله شفت الدم مغطي الكرسي وخفت عليها
لانها افقدة الوعي رحت اركض مثل المجنون بالطواارئ ابي احد يساعدني صرخت واناا اجلس
على رجولي مافيني حيييل شفت ممرضتين وممرض يركضوو بسرير رحت اسحب رجووولي
ورااهم
اشوفهم يطلعوونهااا من السياره ويحطونها على السرير جااا لي واحد من الامن وقال عطني
المفتاح اوقف السياره عطيته وانا مااحس بحالي اهم شي عندي رونق بس
جلست انتظر بالانتظار احد يبلغني باي شي





ركام حديد تحته اجساد والنار تشتعل وممكن تنفجر باي وقت والمطافي تاخرت بس زحمة
السيارات والاسعاف وقفه بعيد وجااو يركضوو بالاسره واشنطتهم
شباب يحااولوو يفكووا باب السياره عشان يطلع الشاب الي بقي ماطلع عجزوو والسياره فيها
الناار ممكن تنفجر باي وقت جااا شاب ومعه طفاية حرق كانت معه بسياارته وقعد يحااول ان يطفي
السياره ولماا شافووه الشباب اذكروو طفااايات وكلان ركض يجيب الي معه يحاااولووو يطفوا
النااار
عشان يقدرو يساعدو الشاب
وبعد حااول عشر دقايق طفت النار وقدرو يخرجو الشاب كان في دم كثير ومع دخان تحوول لونه للأسود حطووه بسرير وعلى طول للمستشفى السياره شبه معدوومه
وفي جثه محترقه

[ღღحفيدة ملوك ღ]

مي
بعد ماوصلت للبيت وقلبي قابضني احس بضيق فضييع تاخرت علي رونق هي قالت انها بتنام عندنا عشان تشوف المعريس قبل يسافروواا نومت شهد ورهف بعد ماتسبحوو وبدلوو واكلو شي لان
بزواج ماأكلووو شي طالعت فيهم ذكروني برونق يالله وينهااا حتى جوالي مدري وين اتذكر قبل لأخذ
شوور حطيته بشااحن صح بغرفتي سكرت الباب عليهم
ورحت اشووف امي شفتها تصلي ناظرت الساعه ٣ الفجر يالله يارونق رحت لجوالي واخذته
ودقيت عليهاا ماااترد قلت يمكن اشتاقة لرائد وغيرت رايهااا يالله الله يهنيهااا يارب
الضيقه في من اليووم قمت وضيت وصليت ركعتين وجلست اقرا قران لما ياذن الفجر واصلي
سمعت الباب يطق
قمت فتحت الباب وشفت امي
مي:يمه
ام فيصل :ايه رونق جات ولا لا
مي :لا والله يمه لسى يمكن غيرت رايهااا واغراهااا رائووود وخلها تجلس
ام فيصل:والله مدري
مي:انتي تعرفين رونق لو يقول لها رئود طبي بنار طبت ههههههه
ام فيصل وهي تضرب كتف مي:الله يستر عليهااا بس لاتنظرينهااا
مي:وانا ايش قلت قلت الصدق
ام فيصل:والله مدري ومنهاا حتى دوالها ماترد علي بطمن وينهاا فيه
مي خافت زووود:لا يمه مابها غير العافيه بس يمكن جوالها على السايلنت ولا تعبانه وناايمه
بالعسل اقوولها وانا مو مقتنعه ابدااا
ام فيصل :انا بروح اريح بغرفتي بس اذا جت تعالي انتي وهي لي بشووفها قبل انام
مي:ان شاء الله يمه
سكرت الباب وركضت على جوالي دقيت عليها ماترد دقيت على فيصل وقالت له يدق
على رائد
وجلست انتظر وخمس دقايق ودق علي وقال البسي عباتك رونق بالمستشفى



رائد
جلست انتظر عند الانتظار بس محد طمني عليهااا جوالي دق شفته فيصل اخذت نفس
ورديت عليه
رائد :هلا فيصل
فيصل:نااايم
رائد :لا بالمستشفى
فيصل:سلامات شفيك
رائد :رونق تعبانه تنزف دم واغمي عليهاا والحين المستشفى
فيصل:وكيفهاا الحين
رائد :والله لسى محد طمني عليهاا
فيصل:يالله جاي انا ومي
رائد:ياليت يمكن يطلبون دم
فيصل:جااااي
شفت ممرضه طالعه سالتهاا قالت ولاده لازم ننقذ الطفل عشان النزيف
رائد:ورونق المدام كيفهاا
ممرضه :هزا مدام لازم دم انتي تبرع دم
رائد :طيب وين
ممرضه:انتاا لازم وقع ورق عمليه بسرعه بعدين في روح تبرع دم
رحت ورهااا اركض عشان اخلاص اوراق العمليه واتبرع

[ღღحفيدة ملوك ღ]

امل
فجاائني سعد بسفره ماتوقعت ولاجهزت شي ابد طلعني من القاعه بدون زفه ولا شي
ويوم ركبناا السياره توقعت بروح لفندق ثاني بس تفاجئت يوم مسك خط الشرقيه يقول بروح
للامارات ومنها نطير ليطالياا هناااك شكله مجهز لكل شي
امل:سعد اناا ماجهزت شي
سعد:مو لازم ننزل لسوق وناخذ الي تبين
امل:اقل شي ابدل انزل الفستان مضاييقني حييل
سعد: بنووصل للخبر وناخذفندق ونام وبكر نروح للأمارات لاتحاتين حبيبتي
امل:ايه بس جوازي مو معي
سعد:مدام سعد معك لاتخافين ابد
امل:مخطط لكل شي
ضحك سعد:اكيد بنفرد فيك باااكلك اناااا ههههههههه
امل وهي منحرجه:خلاص سعد
سعد :اموووت انااا بالي يستحووون
امل تغير الموضوع:ايه بس اهلنااا ماقلنا لهم
سعد فهم عليهاا:اصلا مانبي احد يزعجنااا
وبوك عنده خبر وفيصل اخوي بعد تطمني بس
امل:جوااالي سعد
سعد بعدم مبالاه:مو لازم حتى جوالي قفلته وحطيته بسيارة فيصل
اذا وصلنا ايطاليا اخذناا جوال من هناك ودقينا عليهم ارتااحي انا ابي انفرد فيك


مي
دخلنا المستشفى واناا شبه اركض وقفني صوت فيصل
لحظه مي بدق على رائد يقولنا وين
دق على رائد ودقايق الارائد وصل
فيصل:بشر
رائد :دخلوها العمليات عندهاا نزيف حااد ولازم ينقذو الجنين وباقي اتبرع دم
فيصل:يالله نروح نتبرع
مي :انا ابي اتبرع
فيصل:لامي انتي لا
مي:بس هذي رونق
فيصل:مي حبيبتي انتي روحي للأنتظار وصلي ركعتين وادي لهااا
مي رحت للاستراحه وانا اسحب رجووولي لهااا
دخلت وشفت حرمه تصلي وتدعي
رحت لدورت المياه وضيت وصليت الفجر وصليت ركعتين وقعدت ادعي لرووونق
لفيت اخذ المصحف شفت الحرمه جالسه ومعهاا مصحف وتقرا كانت ملامحهاا مو ووضحه
لان الطرحه مغطيه على وجههاا
قربت عشان اخذ المصحف رفعت وجهها الا مهااااا
مي:مهاااااا انتي وينك
مهااا منصدمه من وجوود مي:مي وش جابك
مي وهي معصبه:انا اسالك تجااوبيني بسؤال
مهااا تاخذ نفس:امي تعبت علي واغمي عليها وطلبت لها الاسعاااف ونسيت جوالي بالبيت
وانا ماحفظت رقم احد عشان ابلغه اني مقدر اجي
مي تاخذ نفس:يالله وامك كيفهااا
مهااا وهي تبكي:دخلت غيبووبه
مي:غيبووبه
مهاا :غيبوبة سكر والله مالي غيرهاااا وش اسووي اموت اذاا صار لهااا شي
مي:مهااا ان شاء الله بتصير احسن بس ادعي لهااا ان الله يقوومهاا بسلامه ناظرت
بعيوونهااا احس فيهاااا عذاب والم احسهااا شالت هموم اكبر من عمرهااا صحيت
من تفكيري على سؤالهاا لي
مهااا:سلامات مي وش جابك هنااا
مي تاخذ نفس:رونق تعبانه
مهااا بخوووف:شفيهاااا
مي:قعدت اقول لها عن رونق بكت استغربة انها تحمل حب لرونق ماتووقعت ابداا
اناا اخذه فكره موزينه عنهااا
جلست اسولف معهاا ونخفف على بعض من همومنااا

[ღღحفيدة ملوك ღ]

علي
لي يومين طالع من السجن الله يجزااه خير الي سعى في اني اطلع واشوف امي واختي لي
مالهم احد سامي اليوم تزوج الله يوفقه منطلعت قالي كل شي حتى انه حب اختي مهااا
وساعدني اني اتوظف في مستشفى حااارس امن واذاا رجع راح يوظفني عند ابوه بالشركه
بس المشكله امي ومهااا وينهم ماخليت محل مادوورت فيه مدري كيف راح اوصل لهم ولا
اعرف شي عنهم منجد شي يلف الراس
وقفت عند استراحة النساااء عشان العامله قااعده تنظف ولازم نشرف عليهم ولا ماايسوو
شي ابد كانت قريبه من غرفة العمليات شفت شابين واقفين يتكلموووا ومبين عليهم الخووف
والقلق
الله يعينهم صرت رايح جااي قدام الغرفه في شي ضربني ناظرت في الشي ذاا
بنت لابسه عباااه ومتلثمه عيوونهااا شوي صغيره بس حاااده وحلوووه
مي:انت حول عيونك وين
علي:انتي الحوووله ماتناظرين قدامك
مي بصوت عالي:صدق انك مو متربي
علي:اناااا الي مو متربي ولا انت الي مفسخه لبسه ثوب عرس
مي:انااا يابدوي ياهمجي يامتخلف اناا متفسخه
جااا الشابين وعرفت واحد منهم فيصل
فيصل:علي
علي:فيصل هلا والله اخبارك
فيصل:بخير الحمد الله اخبارك انت ويكك اختفيت
علي:سالفه طووويله بعدين اقووولهااا
فيصل:ان شاء الله لف شاف مي انتي وش فيك
مي استحت يوم درت انه يعرفه فيصل:لابس كنت جااي بشوفكم وصدمت فيه وقليت ادبي عليه
علي استغرب تصرفهااا ماتوقع انهااا تسوي كذااا
فيصل:آسف علي حقك علي
علي:لا والله ماحصل الا الطيب ومثل أختي
جلسنا نسووولف انااا وفيصل واخذ رقمي وانا بعد








مهاااا
كنت جااالسه بالاستراحه بعد ما طلعت مي تشوف وش صار على رونق بس سمعت صوووت
موغريب علي كانه صووت علي اخوووي بس علي ويييين بالمستشفى مستحيل علي بالسجن
وسرحت بعلي لو كان معناا كان صااار فينااا كذاا كان تمرمطنااا في حياتنااا انا وامي اخذت
نفس جااا سامي في بالي اصلا هو غاااب عن بالي مدري ايش سوى وايش حصل عليه وامل
تزوجت ولا لا
"يارب يارب اجمعني معه يارب"

شفت مي رجعت وهي تفك لثمتهااا وهي تهف على وجهها وهو احمررر
مهااا :شفيك مي رونق فيهااا شي
مي وهي منحرجه:لالالا بس حصل لي موقف قوووي وااااي احس وجهي طااااح
مها وهي تبتسم شنوو صار

فيصل
وقفناا عند الباب بعد مافشلتنا مي الله يهديهااا
طلعت لناا ممرضه سعوووديه لبسه نقاااب وهي تبكي خفت على رونق انه صار بهااا شي
سالتهااا رونق فيهااا شي
وقفت طالعت فيني كانهااا توصل لي رساله بس مافهمت شي راحت وماقالت شي استغربت من تصرفهاااا رحت اتبعهااا بنظر
بس وقفني اني شفت الدكتوره طلعت وجلست اسالهاااا انا ورائد وبالي مع الممرضه الي تووو






توقعاااتكم
*علي بيعرف مهاا اذاا شافهااا؟
*منهو الشاب الي صار عليه حادث وشهووو مصيره؟
*رونق ايش راح يحصل لهااا؟
*ام علي بتفووق من الغيبووبه ولا لا؟
*المعاريس ايش بصير عليهم؟
* وش قصة الممرضه؟

[ღღحفيدة ملوك ღ]

البارت العاشر



نوره
وصلناا لتركيااا لسطمبوول وعلى طول للفندق تعبانين مرره احس سامي مرره تعبان على طول نااام بصاله على اول اكنبه قدامه حتى مانزل جزماااته ولا بدل ملابسه كأنه ماصدق يشوف كنبه قدامه
احسن بعد عشان انااام براحتي
رحت لغرفة النووم اخذت شووور حسيت بنشاط لبست بنطلون بيج طويل وجاكيت شتوووي طويل لركبه وبوت بني نفس لو الجاكيت تركت شعري على اكتافي واخذت شال صوف لونه بيج واطرافه محدده ببني
رشت عطر وخلاص كل شي اوووكي مريت على سامي اشوفه متكور على نفسه مالي خلق اروح انبش له على بطانية ولا لي خلق اصحيه بينشب لي اخليه كذا احسن رحت لباب واخذت الكرت معي اخاف يصحى ومايلقااني وينزل يدورني ويضيع نااقصه انااا بهاا المصيبه نزلت تحت لسى الوقت عندهم الصبح رفعت الجوال ودقيت الرقم الي حافظته لازم استمتع بوقتي ولا اضيعه ابدااا




مي
ماصدق الساعه على تسع ونص باقي شويات وتجي امي عند رونق راح فيصل يقولها وتجلس عندهااا واناا اروح للبيت البنات هناك وابي اناام ناظرت برونق الي طلعت بسلامه الحمد الله والحين نايمه من اثر البنج حتى الولد بخير بس لازم بالحضانه
عشانه مااكمل ٩ اشهر عمره ٧ اشهر واسبوعين والحمد الله الدكتوره تقول لو عمره ٨ اشهر ماييعيش بس ربي ماخسر تعبهااا الحمد الله تذكرت مهاااا تنهدت بالم شكلي ظلمت البنت كثير تذكرت يوم رحت اشوف امهاا وهي بالعنااية شكلهاا مطوولهاا باخذهاا تريح معي قمت وانا اشوف رونق ناايمه مو حااسه بشي ابد سكرت الباب شفت مستخدمه وعطيتها فلووس قلت جيبي من الكفي الي بالمستشفى فطور نفرين لي انا ومهاا بالاستراحه يوم اقبلة للاستراحه تذكرت موقفي مع حاارس الامن دااائماا متسرعه بتصرفااتي بس احس شاايفه احد يشبهه له
شفت مهاا منسدحه بالاستراحه يالله ياذا البنت احسهاا شافت الوويل يارب خلهاا لامهااا خقد على اخوهاا الي بس همه الانفسه وماعليه من ام واخت ماعاااشت حياتهاا هذا نهاية اهماال اهل السجن استغفر الله العلي العظيم بس
مي:مهااا
مهاا :ممممم
مي:مهااا اصحي طالبه فطور
مهاا:مالي نفس
مي:كيف مالك نفس وانتي على لحم بطنك من امس يالله مهاا قومي صحصحي عشان نحااول انااا يعني ناكل ويكون بينااا عيش وملح ههههه
مهااا:هههههه عشانك بس
شفته قامت وراحت للدوره
دق جوالي وكانت امي جايه مع الشغاله والسايق لان فيصل راح لشركه عنده شغل ضروري يخلصه ويرجع
قلت لهاا اناا بالاستراحه وجاايتك للغرفه حقت رونق
انتظرت مهاا تطلع شفتهاا شعرهاا طيح على كتووفهاا مثل الاحرير اسود وهي اساسا جمااال وانووثه احسهاا فتنه الله احسهاا متعقده من جمالهاا تبي دكتوره نفسانيه عشان تعطيهاا ثقه بنفسهااا صحيت من سرحاني على سؤال مهاااا
مهااا:مي ماعليه معك مشط تقوله وهي مستحيه مررره
وقفة ومسكة على كتف مهااا :مهااا حنااا خوات لاتستحين من شي ابد ناظرة في عيونهاا شفت حزن العالم عيونها كلهاا دموووع رمت حااالهااا علي كانهاا محتاجه احد يواسيهااا حضنتهااا

[ღღحفيدة ملوك ღ]

فيصل
مارحت عن بالي نظرت الممرضه لي يوم طلعت من غرفة العمليات انا قلت يمكن رونق فيهاا شي هي ولا الجنين بس الحمد الله
ضربت راسي اطلعي من راااسي ابي اركززز بشغلي احس اني مستحيل اكمل العمل
دقيت على امي وسالتها عن رونق
فيصل:هلا يمه اخبارك
ام فيصل :هلا ابوي بخير ربي يخليك لي
فيصل :ويخليك لي يارب
ام فيصل:آمين يارب
فيصل :يمه كيف رونق
ام فيصل:ان شاء الله طيبه توهاا صاحيه على جيتي وقالووا ان الدكتوره راح تمرها بعد ماتروح تغير على الجرح
فيصل:اجل على ما اجي يمديكم خلصتووا
ام فيصل:ماله داعي رووح نام يا ابوي
فيصل:يمه بس بشوف رونق
ام فيصل:العصر تعال الحين روح ريح بالبيت الحين مي بتروح للبيت
فيصل:على امرك يا احلى ام بالدنياااا
سكرت من امي ناظرت بالحووسه يالله لازم احد يرتب بعدي ولازم اثق فيه من يارب من يارب ايييييه صح ليه ما اوظف علي
حرام مسكين يحتاج الوظيفه خلاص أذا شفته بالمستشفى راح اقوله ابيك معي سكرتير الخاص مواعيدي اوراقي طلعتي مع للمؤتمرات وكل شي اكسب فيه اجر
دق جوالي تنهدت وحطيت صامت ووقفت قفلت مكتبي
وطلعت





مهااااا
مي تحااااول تقنعني اني اروح معهااا للبيت عشان اريح وابدل وانام والعصر نجي مع بعض وافقت بعد ماخالتي تكفلت انهاا تخلي الخدامه تجلس عند الغرفه وتبلغها باي شي
ركبنا السياره وسوووالف انا ومي احس صاارت قريبه مني كثير لانهاا قريبه من عمري
وصلتني بيتناااا فتحت الباب من جد احس البيت مووحش بدون امي
اخذت شور ولبست لبس عادي عشاني بالبيت وحطيت راسي على السرير رجعت ليوم امس كانت امي متحمسه تحضر الزواج مو عاااده لها تتحمس كذا بس عشان ام فيصل الي تعزهااا وتغليهاااا
جالسين ومجهزين بس باقي نصلي صلاة العشاء ونلبس عبياتناا انا اساسا مراح اكشف لان عندي شغل وامي لا لبسه كل شي جديد بس مولبس اعراس وخربطه لالبسه جلبيه لونهااا عنابي وفيه شوية ذهبي وكل شوي جعلني ما أموت لين اشوفك معرسه واشوف علي المهم مع فرحت امي وسوالفهااا نسيناا ابرة الانسلين رحت اصلي على اساس امي تصلي ويوم انتصف في صلاتي سمعت امي تنااديني ماقدرت اقطع صلاتي حااولت اسرع واقل من دقيقتين ورحت الا اشوفهاا طايحه من الكرسي ومغمي عليهااا على طول دقيت على الاسعااف وجااوو بس حااولت اضرب ابرة الانلسين بس ماقدرت يددين ترتجف وخفت اضرهاا اكيد تبي اسعافات اوليه حااولة بس احس نفسي ضعيفه جت الاسعاف ورحت وزين اني ذكرت مفتااح الشقه يوووم متعب مررره لماا تشوف الي باقي لك من الدنيااا طايح وانت عاااجز انك تسوي شي له اكبر مصيبه رحت بنوومه واول مره انام مافكرة بسامي

[ღღحفيدة ملوك ღ]

رائد
رجعت واناا هلكان حدي تعبان اول شي الزواج والحووسه وبعدهاا تعب رونق بس الحمد الله طلعت سليمه وان شاء الله والولد ان شاء الله تمام بس لازم يكون بالحضانه شهر ونص والله يعين دق جوالي من الفجر وهو يدق برقم غريب قلت يمكن العمل مالي خلق ابد بس احسه مصررر مررره
رائد:الووو
:السلام عليكم ورحمة الله وبركاته
رائد:وعليكم السلام ورحمة الله وبركاته
:لو سمحت انت اخو خالد ال
رائد وقف:ايووووه انااا اخووه ليه وش فيه خالد
:عطاك عمره
رائد:ايش انت من ايش تقول خالد مااااات





صحى من نومه والي صحااه من نومه البرد
استغرب وينه ذكر انه جاء مع وحده تقول احبك وانها زوجته بس وينهاااا دور عليهااا مالقهاااا خاااف انهاا تركته وهو جووعااان وبردان حااول يفتح الباب الوحيد المقفل بالشقه حااول ماقدر صرخ بس محد يسمع بس ينادي مهااا شاف قدامه ثلاجه فتحهااا جوواعااان بطنه يعووره لقى فيها شكلاته وعصاير متنوووعه وشبسات وفي شي علبه ثقيله مره بس شكلهاا حلوو كان مااد يده بيااخذهاا بس سمع احد يقول لا حبيبي دور على الصوت مااشاف احد استغرب رجع ياخذهاا وخذ الشكلاتات اغلبها وماء وعصيرين وكانت يده مزحوومه مررره وطاحت منه وانكسرت الزجاجه الي يبيهااا والباقي كانت كرتون وبلاستك اخذ الي ما انكسر ورااح عن التلفزيون وفتحه شاف في اشياء تتحرك جلس مثل الطفل الصغيير مايعرف شي






نورره

احس اليوم غير اليوم وخيراا شفت حبيبي من جد اشتقت له كثير تعرفت عليه قبل سنه بالمسن سعوودي هو وهله كل حياتهم عاايشين بتركيااا واووو احس نفسي محضوووضه كثير رحت اماااكن عده احس نفسي طاايره با السماء من الفرحه يوم جاااء وقت المغرب عزمني عندهم بالبيت بس تذكرت سامي مدري عنه والله بلشه أعتذرت منه وقلت له مره ثانيه ما قلت اني تزوجت واني جايه مع زوجي شهر العسل قلت مع اخوي وتعبااان
المهم رجعت للفندق ورحت لشقه اول مااوصلت الباب الريحه مررررره خااايسه فتحت الباب ودخلت وانا كبدي حاايمه علي من الريحه ما اشووفه التلفزيون شغال ريحة الوسكي فاايحه ليكون شرب سمعت صوت صياااح على انين رحت ادور عليه لا ابلش فيه يمكن مسوي شي في نفسه وتطيح برااسي لقيته باخر الغرف بزااويه يبكي من جد كرهت نفسي جيت لمه قلت حبيبي وش فيك سحبني وضمني يقووه مثل الي خااايف اني اتركه قعدت اهديه با الكلام وامسسسسح على راسه ولماا هدى قلت له تعال ابيك رحت معه لصاله قلت ليه تسوي كذا حبيبي انت أذا تحبني وماتبيني اتركك لوحدك لازم تنظف الي حربته وقعدت احااول فيه مثل الاطفال ووجلس ينظف ويمسح وانا طلبت لنا عشى ورحت بدت لبست بجاامه شتويه
لونهاا احمر يوم خلص جااء لي فرحان انه ارضاني اخذته وتدخلته دورة المياة وقلت سو كذا وحط الشانمبو والبس ذا الروب واناا اجهز ملابسك
قعدت اجهز ملابسه وتنهت شكلي جبت لنفسي مصيبه افففف كيف اخلاص منهااا

[ღღحفيدة ملوك ღ]

امل
اعجبتني الاماارات وقلت مابي اروح لايطاليا وسعد تفهم الموووضوع وجلسناا فيهااا بجد مدينة الابراج ابراجهاا كثيره ماشفت شي الى الان بس اعجبتيني اخذنا شليه صغير على قدناا على شكل بيت ريفي له حديقه كلهاا ورد ومنسقه بشكل جمالي
من صحيت واناا بس احاتي اهلي اول مره اتركهم لوحده حتى سامي مدري ايش عمل مدري المهم ماحبيت اعكر مزااج سعد هو قال اقل شي اسبوع مااتكلمنهم
يالله اخذت نفس عميق الجوو جنان ربيعي كنت لبسه فستان قصير لوونه زهر مع سكري في شويت شغل بس خفيف شعري جادلته وحااطته على جنب لانه طووويل ولوونه بني فاااتح وحاطه شرايط من نفس الون السكري والزهر واكسسورات خفيفه ممممم سعد ناايم مشاء الله عليه من اليوم وصلنا وتذكرت ايش صارر وحمر وجهي احس مالي وجهه اقااابل سعد و اي احد كانت عيوني مسكره حسيت بشي يداعب خدي برمنسية ماحبيت افتح اعيوني وانحرج زوود طولة وانا على ذا الحال شويات واسمع صوته يهمس لي سعد لي صباح الورد والخدود الحمر كنهاا تفااحه تصدقين ودي اكلهااا ههههههههه
مايكمل رمنسيتة ولا مدحه لازم يخرب على نفسه وعلي الحظات بس احس بطريقة هذاي يقربني فيه أكثر وعششقه اكثر
سكت ماحبيت اتكلم عرفت كيف اتصرف معه "السكوت" امثل حل اذا احرجني
لاني اذا تكلمت قعد يترريك علي
سعد :خلاص خلاص مراح اقول شي بس وين تبيناا نفطر ترى حدي جوووعااان
امل:هنااا بالحديقه احسن
سعد:فكره مش بطاله ابدااا بروووح اشوفلي محل فووول طائفي احبه
امل ضحكت عليه:هذا بس بالسعوووديه بس
سعد:يالبى يانااااااااس يالبى شوفو ضحكتهااا اذوووب انااا ياشيييييخه
امل منحرجه وساااكته وتطلع فيه باحراج
سعد:احبك يابنت والله احبك شالهااا فجئه وقعد يدور بامل ويقول احبك





فيصل
دق علي رائد قبل الظهر بساعتين وقالي عن خالد وانه يبيني اروح للمستشفى اخلص اورااق الدفن لانه بيروح لهله يبلغهم
من جد مايستاهل خالد اتذكرت البارح وقفته معناا واخر شي قالي شكلي بنااسبك وهو يضحك ماكنت مصدق الا الماا بعد الزواج يوم قال ترى ماكنت امزح معك واناا جاااد بس ايام ان شاء الله
الله يرحمك ياخالد راح افقد واحد من اخواني والله مسحت على وجهي ورحت اخذ شور وبروح للمستشفى عشان اخلص الاوراق



رائد
ماتوقعت ابوي تكون ردت فعله كذا قويه قالي كنت حاس لما قالي ترى بنتي شهد امااانه عندكم انتم بعدي يقول كنت حااس انه بيرووح
نسيت اقولهم عن ولدي والله نسيته
امي قعدت تصيح وانه ماتهنى بحياته واني انا الي وقفت له وماياخذ البنت الي يبيهاااا
وخواتي سووو مناحه لان خالد قررريب منهم كنت شايل هم شهد بس هي متعلقه بابووهاااا كثير
صلينا الظهر عليه اكرام الميت دفنه
بكيت من قلبي على أخوي وصديقي شفت فيصل وقلت له يهتم برونق ويقول لهاا واني راح انشغل مقدر اجي لهاا الايام هذاي

[ღღحفيدة ملوك ღ]

مي
مريت مهاا ورحنا للمستشفى مريت محل الحلويات واخذت سلت شكلاته كبيره لزوم عشان الي يبي يجي يبارك
مهاا راحت لغرفت امهااا وتجي لغرفة رونق عشان تبارك لهاا ماشفاتهاا من بعد الولاده
دخلت شفت دكتوره جالسه عن رونق وسوالف وضحك كانها تعرفهااا من زمان وامي جالسه تصلي العصر
مي :السلام عليكم ورحمة الله وبركاته
:وعليكم السلام ورحمة الله وبركاته
شفتهاا وقفت وسلمت علي استغربة منهااا كأنها تعرفني من زماااان بس ملامحهاا موغريبه ابد
رونق:ماعرفتيهااا مي
مي :لا بس الملمح موغريبه ابد
رونق :هذاي "في ال."
مي طمرت يوم عرفتهااا في ماغيرهااا حلووت مرررره
في :براحه مي يامجنونه حنقتيني
مي :من حبي لك وين مختفيه يابنت
من بعد ٨سنوات
في:انتم غيرتو مدرستكم وانقطعه سبل الاتصالات وانا لهيت بالدراسه
مي:ايوووا يعيني الحين دكتوره من قدك ياشيخه
في:شفتي كيف دكتوره ههههههه
ام فيصل:مي وراس استلمتي البنت ونسيتي اختس حتى ماباركتي لهااا
مي :واااي ياقلبي اناا على وخيتي مبرووووك يابعد قلبي وهي تبوسهاااا بقوووه
رونق :بشويش مي ههههههه
مي:يختي احبس وش اسوي هههههه
اقول في ورى ماتنزلين حجاابك ترى مااعندنا احد سعد ابشرك اعرس ايييييييه
في:مبروك خالتي ما سوييتوو
ام فيصل :الله يبارك فيك وعقبالك يارب
في وهي منحرجه:تسلمين خالتي
مي:صح نسيناااا سعد يمه
ام فيصل وهي تبتسم:سعد مو هناااا
مي ورنق: وووووووووين
ام فيصل:راح شهر العسل
مي ورنق:لالالالالالالالالا
انفتح الباب بسرعه كل اعيون الي بالغرفه توجهت لشخص الي فتح الباب وكانت في على الكرسي مقااابله الباب.











وتقيماتكم للبارت لاهنتووا اذا اعجبكم

[ღღحفيدة ملوك ღ]

لعيـــونكم ,,,,,


البارت الحادي عشر










نوره

كنت ناايمه صحني صوت التلفزيون العالي كان على القران
كنت برجع اناام بس تذكرت سامي قمت مفزوعه ورحت اركض
شفته جالس على رجوله ويرجع بصاله ركض لتلفزيون وسكرته
نوره وهي خايف :سامي حبيبي فيك شي
سامي وهومرهق من الترجيع :راسي يعوني وبطني وجسمي
مثل النمل يمشي فيه
خافت نوره زياده :يمكن انت مريض
سامي: ابي اناااااام
نوره:خلاص تعال معي الغرفه
سامي :بس انتي تقولين لاتدخلهاا ولا اضربك
نوره:لالا اليوم انت بتدخلهاا
سامي يحاول يقوم على رجووله:بس انظف الصاله
عشان ماتحرقين يدي مثل البارح
نوره وهي بالطلوع اروح ماسكه نفسهاا
ودهاا تكفخه:انا انظفهاا بس انت تعال بدل ونام
قااام سامي وراح معي للغرفه اخذ شور وبدل ونااام
دقيت على الاستقبال يرسلو احد ينظف عشان بطلع
دخلت غرفة النوم انتظرهم على مايخلصوا تنظيف
جلس اطال في سامي تنهدت
انت الي اجبرتني اعمل كذاا ياسامي شفت يده
الي حرقته تذنرة البارح لمااا كان راح يشرب الوسكي
وقلت له هذا مثل النار
ورحت عشان اكلم سلمان وشوف وين بسهر معه ورحت
اكلمه ونسيته وراي سامي وحوووسته ودحلت جوو ثاني
نوره:حبيبي انت
سلمان :قلبي اشتقت لك
نوره تضحك بغنج:واااي انا اكثر ياقلبي
سلمان:فديتك انت وهالضحكه
نوره تضحك اكثر :اعجبتك ضحكتي
سلمان :ارووووح ملح ياشيخه
نوره:طيب وين تبينااا نسهر
سلمان :وين ماتبين اناا تحت امرك ياقمر
نوره :ابي مكان خاااص فينااا عشان اخذ راحتي معك
سلمان: يالبى قلبك بس ابشري كم نونو عندي بس وحده
افديها بعيوني
نوره:تسلم عيونك والله حبيبي
سلمان:نونو حبيبي راح اوديك مكان بس لي ولك وحدنااا بس
هااا انتي ايش راح توعديني فيه
نوره سمعت صوت انكسار شي
فزت بسرعه :سلمان اكلمك بعدين
جيت لقيته شارب من الوسكي وطايحه الزجاجه منه والصال
ه كلهااا زجاج وهو مايعرف شي اخذته ووديت دورة المياه
وغسل راسه ووجهه لماا بدا
يستووعب انقهرت منه اقول هذا نار ولا يسمع الكلام
اخذت سكين وحميتهااا لماا صارت حمراء
وحطيتها على يده قعد يصارخ ويبكي وقعد يعضني بيدي اوجعني وضربته
بسيخ ملابس عشان يفكني
وقعد يصيييح لماا نام تعكر مزاجي البارح واليوم بطلع وينطق
لبست فستان لانه وااعدني سلمان بسهره خااصه ولازم
اكشخ لعيوونه لون الفستان احمر صاااارخ
وانا اساساا بيضااا فراح يكون جدا مغررري
مع قفاازات من الدانتيل لونه اسوود
وفيه حبات كرسات صغيره جداا احمر
سويت شعري كيرلي وحطيت ورده لونهاا احمر لان شعري اسوود
وفي وسطها كرستاله لونهاا احمر سويت مكيااج اوفر شوي
واهم شي الروج الاحمر صااارخ
مررره جهزت باقي انتظر رنه بس قعدت احووس بالجوال تذكرت من
وصلنا ما دقيت على اهلناا كلمت امي وماطولت طمنتها
وانااا تمام بس سامي شويات
تعبان لازم امهد لهم ما ابيهم ينصدمون اذاا رجعناا
دقيت على بيت خالتي لاني اساسا مابيها ابي عمي عشان بس
يقول دقووا لهاا وماتزعجني افففففف منهم يارب
يموتون وافتك واخذ الي
ابي منهم وبس ولا لآسف ماصااادفني الحظ
المره هاااذي وخالتي هي الي ردت علي
نوره:هلا خالتي اخبارك واخبار عمي
ام سامي بضيق:الحمد الله بخير اخباركم واخبار سامي وينكم
ليه مادقيتووو علي
نوره بطفش:بخيييير خالتي طيبين مافضيناا كل وقتنااا حوووسه
ام سامي :وينه سامي ابيه بسمع صوته
نوره ابي امهد لهم انه تعبان عشان مااينصدمون فيه :تعبان ياخالتي
ام سامي بخوووف:ليه وش فيه انا حااسه انه فيه شي
نوره:مدري خالتي مو سامي الاولي
ام سامي:يمه ولدي وش فيه
نوره بطفش:يووووه وانا وش اقول اقولك اقول مااااااأدري عنه
ام سامي منصدمه طريقة نورة في الكلام معهاا:شفيك نوره
ماقلت شي اسالك عن سامي بس
نوره وهي تهدي نفسهاا عشان ماتنكشف:آسفه خالتي بس
عصبت شوي اسوي لي شغله وخربت علي
ام سامي وهي مو مصدقه:اايوااا
طيب ابي اسمع صوت سامي
نوره :خالتي نااايم اذا صحى من النوم راح اقووله
ام سامي:طيب بس لاتنسين
نوره:ابشري ياخالتي من عيوني انت تامرين
امر بااااي خالتي الخط بينقطع باي
ام سامي:باي باي