رجلٍ ترزه بالمجآ‘لس مبآ‘ديه _ ورجلٍ فلوسه بالمجآ‘لس ترزه

[أبوعبدالله]

ياكثرهم لا قلت لك عرفة وجيه
وياقلهم لا قلت قـدر ومعـزه
رجلٍ تعزه بعد ماتلتقـي فيـه
ورجلٍ قبل ماتلتقي بـه تعـزه
ورجلٍ ترزه بالمجالـس مباديـه
ورجلٍ فلوسه بالمجالـس تـرزه
ورجلٍ يموت ولا يجيبون طاريـه
ورجل ٍ يجي طاريه في كل حزه
ورجلٍ يهزه بعض موقف ويشقيه
ورجلٍ مهوب أيّات موقف يهـزه
ورجلٍ ضعيف ويستفزه معاديه
ورجلٍ كلام اعـداه مايستفـزه
ورجلٍ تلزه يعترف لك بخافيه
ورجلٍ على خافيه محدٍ يلـزه
ورجلٍ يوزونه ويزعل بنيخيـه
ورجلٍ يزعّل من يحاول ، يـوزه
ورجلٍ تكزه لا زم انك توصيه
ورجلٍ بليّا ما توصيـه كـزه
من لا فرش للمرجله ماتغطيـه
ومن لايخز الناس محدٍ يخـزه
ان كنت تعرفني فهي عرفة وجيه
مو شرط لك بالقلب قدر ومعـزه



أتمنـى تعجـبكم ,


أخووكم / أبوعبدالله

[’’ولايــــــف’’]

ان كنت تعرفني فهي عرفة وجيه
مو شرط لك بالقلب قدر ومعزه



صح لساااااااااااااااااااااانك وانا بصراحه اعجبتني

[ماجد العبيوي]

صح السان شاعرهااااااااااااااااااااااااااااا

وصح السانك بس ممكن تكتبلنا اسم شاعرها

لاني سمعتها من قبل ونسيت اسم شاعرها

ومشكور على النقله

تقبل تحياتي

[خرجاوي]

لاهنت اخوي ابو عبدالله وصح لسانك

[سديم ـآلهتآنـ]

يسلمو أخوي الله يعطيكـ العافيه

ومتواصلينـ مع جديدكـ

مع التحيهأختكـ

[أبوعبدالله]

صح بدنكم يالغالين .

وياخوي ماجد انا لو اعرف الشاعر كان قلته من البدايه بلايا طلب .

أخووكم / أبوعبدالله .

[عــزيــز نـفـس]

[align=center]القصيده للشاعر /خلف المشعان

يكثرهم لقلت لك عرفـه وجيـه
وياقلهـم لقلـت قـدر ومعـزه

ان كنت تعرفني فهي عرفةوجيه
مو شرط لك بالقلب قدر ومعـزه

قصيده جميله ورائعه

تحمل في طياتها الكثير من الحكم والامثااااال

سلمت يمينك اخوي ابو عبدالله

وصح لسان الشاااعر خلف المشعاااااااااان

واختيارك لهذه القصيده يدل على تفهمك للشعر



تحيـــــــــــاتـــــــــي.!!!!![/align]

[ذيب المطيري]

رجلٍ تعزه بعد ماتلتقـي فيـه
ورجلٍ قبل ماتلتقي بـه تعـزه
ياسلام عليك يابو عبد الله

تحياتي


الذ يــــــــــــــــــــب!!!!!!!

[سامي المطيري]

ورجلٍ بليّا ما توصيـه كـزه
من لا فرش للمرجله ماتغطيـه

صح لسانك ولا هنت

[}}قايد الريم{{]

إبداع إبداع من الشاعر

في تصوير الفرق بين مراجل ومراجل

صح لسان شاعرها

ويعطيك العافيه أبو عبدالله