((تكملة البارت السابع عشــــــــر))
في فلة أبو سعود
كانت قاعده مع دلاال تهديها من يوم ما تحددت ملجتها دموعها مو راضية توقف وطول الوقت خايفة
دلال وهي شوي وتصيح: رنيـــــم وإلي يرحم والديج قولي حق سعود إني ما أبي أحمد خلااااص
رنيم وهي تحاول تهدي من روعة دلال: وإلي يخليج لاا تصيحين والله المزينة تعبت وهي كل ساعة تعدل مكياجج استهدي بالله وكل شي بيصير أوكي
دلال وهي تحاول تكبت دموعها في محجر عيونها: ما أبي رنيم وإلي يخليج دقي على سعود و قولي له
رنيم وهي ترفع حاجب: دلاااال شفيج إنتي على بالج السالفة سهلة (وهي تقلدها) ما أبيـــه يا قلبي ما يصير الناس بره والكل يعرف إنه ملجتج فشله شنو نقول لهم البنت ما تبي ولدكم خلاااص تراجعت وهم يطلعون وخلاااص ترى مو بسهوله هذي إلي متوقعتها دلاال يا حبيبتي ترى كل هذا توتر إنتي إذكري الله وكل شي بيصير زين إن شاء الله وبعدين هذي ملجه مو زواج استهدي بالله
حست إنها سخيفة وتصرفها تصرف ياهل حاولت تهدي نفسها وصارت تذكر الله بسرها وتستغفر دلال: أنزيــن
في ذي اللحظة انفتح باب الغرفة وطلة براسها وهي تبتسم وتغني خولة: مبرووووك مبرووووك كلولولوش ألفين مبروووووك كلولولوش هههههه
ابتسمت دلال بخجل وارتباك: .
رنيم وهي تضحك : هههههههه هبلة
خولة وهي تحرك حواجبها: طول عمررررري ههههههه
دخلت صفاء على كلمتها: هههههه الحمد الله اعترفتي
سلمت خوله على دلال: ألف ألف مبروووووك يا قلبي والله إنج تستاهلين كل خيـــــــر
دلال وهي تحاول ما تبين لهم حزنها ابتسمت بهدوء: الله يبارك فيج وعقبالج
صفاء وهي تبعد خوله عن دلال: لااا هذي بتخيس عندنا حشى أول وحده إنخطبت في العايلة و الكل الحين عررررس و هي للحين مخطوبة
ضربتها خوله وهي مبوزة: حماااارة جــــب مالت عليج على الأقل أنا مخطوبة مو انتي
صفاء بغرور: ومن قال لج أبي أعرس أساساً
كانت تناظرهم وهي متكتفه ورافعه حاجب وتتصنع العصبية رنيم: حلفوووو انتووو الحين انا من مساعه واقفه ولاا وحده منكم سلمت علي وقاعدين تتهاوشوون
خوله وهي تبتسم لها: سوووري حبي والله مو قصدي
وسلمت عليها صفاء بعد سلمت وهي تتأسف منها خوله وهي تناظر رنيم بإعجاب: ما شاء الله يا رنيم كل مالج وتحلوين زيادة
صفاء وهي تجوف خدود رنيم بدت تورد قالت في نفسها تزيدها شوي صفاء: أنا مستغربة شلون للحين ما حملتي مع إني توقعت بأول اسبوع لكم إنتي حامل
ما حست إلا بمخده على ويها وخوله ودلال : هههههههههههههههه
كان ويها أحمررررر من الاحرااااج والفشيلة رنيم : حدج سخيفة
لما جافت شكلها ضحكت وهي واقفه وتكمل عليها صفاء: لااا بصراحه يعني بالفستان البنك القصير إلي لاابسته مخليج فاتنه ولااا شعرج الي فالته بحرية ولاا الميك آب إلي بارز جمال ولون عيونج أنا بنت وخقيت وراه سعود ما يخق ويروح فيها ويتهور (قالت آخر كلمة وهي تشرد وتطلع من الغرفة)
قامت علشان تكفخها بس ما لحقت عليها لأنها شردت لفت عليهم وهي منحرجــــــــــــة من قلب رنيم: سخيـــــفيـــــن
دلال إلي نست حزنها وخوفها وصارت تضحك مع خوله إلي عاجبها إحراج رنيم : هههههههههههههههههه
قطع عليهم دخلت أم سعود وهي مبتسمة وتيبب وتبارك حق بنتها أم سعود: ألف مبروووك يا قلبي توه سعود اتصل علي وخبرني إنج صرتي حرم أحمد
حست بدقات قلبها تدق بقوة ابتسمت بصعوبة حق أمها بعدها طلعت أم سعود وطلعوا رنيم و خوله وطلعت وراهم دلال إلي تحس إريولها مو قادرة تشيلها نزلو وطلبوا من الدي جي تحط موسيقى هادية على نزلت دلال
انطفت الانوار وتسلط على الدري إلي راح تنزل منه دلال ابتدت الموسيقى الهادئة و نزلت بفستانها التركواز بكل نعومه كانت آآآآية من الجمال الكل قام يصلي على النبي
كانت في عيون تناظرها بفرح وسعادة و بعضها بغيض وحقد وحسد من بين هالعيون كانت قاعده وتحس إنها راح تمووووت من القهررررر كل إلي سوته وخططته من سنتيــــن ما ياب نتيجة بالعربي تعبها راح هباءاً منثورا
وقفت عند الكرسي المخصص لها و لأحمد وكلها لحظات ودخل أحمد وعلى يده اليمين أبوه وعلى يده اليسار أبو سعود ويمه سعود
كان يمشي وهو شاق الحلج مستااااااانس وأخيــــراً رجع لحبيبته كان يناظر بـ الملااك إلي واقف صار يمشي بخطوات سريعه يبي يوصل لها بسرررررعه بس يد سعود مسكته من كتفه وهمس وهو يمشي وراه
سعود بضحكة: شوي شوي ههه ترى دلال مو طايرة
ابتسم أحمد وهو عيونه على دلال: آآه من يلومني وهذي الملاك حبيبتي
ضحك سعود وهو يناظر دلال إلي منزله راسها و واضح عليها الارتباك: هههههههه
وصل عندها و باس جبينها وقرب من أذنها وهمس أحمد: مبروووووك
من قرب منها وقلبها قام يدق بقوة و كل جزء منها صار يرتجف حست بشفايشفه تحرق جبهتها بلعت ريجها بصعوبة وهي تسمع همســـه يااااه يا كثر ما اشتاقة لصوته ردت بصوت يا الله ينسمع دلال: الله يبارك فيك
قرب منها أبو أحمد وسلم عليها وبارك لها وبعدها أبو سعود إلي كان فرحان لبنته وبعدها سعود إلي كان حااس فيها و بالصراع إلي يدور بداخلها من مشاعر
صوروا معاهم وبعدها طلعوا وصاروا الناس تروح لهم وتبارك
كانت قاعده على الكرسي وهي تناظر بـ دلاال وتحس ودها لو تقوم وتكفخها من كثر القهر إلي فيها قامت وهي تمشي بغنج متجهه ناحيتهم
سحر وهي تناظر دلال بستحقار: مبروك
ناظرت فيها وتذكرت كل شي سوته فيها ابتسمت بسخريه تبي تقهرها دلال: الله يبارك فيج (وبسخرية أكبر) وعقبالج
حس أحمد بقهر من سحر و بصوت محد يسمعه غير دلال وسحر: لو سمحتي روحي من هني أحسن لج وإلاا والله ما يحصل لج طيب
انقهرت منه سحر : عاد أنا إلي ميته
ومشت متجاهله نظرات أحمد المتوعده ودلال الساخرة والمقهورة
في مجلس الرياييل
كان قاعد سرحان وباله مو مع الرياييل إلي يسولفون ويضحكون يفكر بالكلاام نجوى إلي دار ما بينهم وهم في السيارة
||-_-|| ركبوا السيارة وساد الصمت ما بينهم تحرك وهو يلف كل شوي يناظرها كان يجوفها تناظر الشارع بسرحان
بدر وهو يمد يده ويمسك يدها : بشنو الحلو سرحان
توترت من لمسته ناظرته وهزت راسها نجوى : ولاا شي
سكت واحترم سكوتها وكلها لحظات
نجوى وهي متردده: لـ ليش تعاملني كأني بنت ليل
انصدم انصعق من كلمتها نزلت عليه مثل الصاعقــة وتردد على مسمعه
بنت ليل
بنت ليل
بنت ليل
بنت ليل
بنت ليل
وقف السيارة على برد ولف جهتها وهو يحس إنه مو قادر يستوعب كلاامها
بدر: إنتي شتقولين بنت ليل أنا أتعامل معاج كأنج بنت ليل أنا يا نجوى أنا
نزلت راسها لحظنها وهي تحاول تمنع دموعها من إنها تخونها وتنزل
نجوى بصوت مرتجف: عيل شنو تفسر تعاملك معاي ما تدري عني طول الوقت تستحقرني و تتشرط علي وحزة النوم (شهقت و دخلت بنوة صياح)
كان يسمعها وهو يحس نفسه عاجز عن أي تبرير أو مواساه أو حتى إنه يستوعب كلااامها
بعد فترة طافت عليهم كأنها سنين
بدر وهو يحرك السيارة: مسحي دموعج ما أبي أحد يحس بـ شي ||-_-||
بعد ما تصوروا مع الاهل طلعوا وراحوا للمجلس الداخلي بروحهم أول ما دخلوا المجلس قعدت دلال وقعد يمها أحمد وهو يبتسم مسك يدها بس تفاجأ من حركتها
سحبت يدها بقوة من يده دلال بغرور: لاا تفكر إني ميتة عليك ولاا إني أبيــك ترانــــي مجبووورة عليك والقلب ما عاد يحبك ولاا يغليك أعتقد إن هالكلاام كافي يبين موقفي منك
أنصعق من كلاامها أحمد وهو يحاول يبرر: دلال ورب البيت أنا ما كان قصدي إلي صار أنا أدري إني كنت حقيــــر من فعلتي و أدري إنه مافي وااحد ممكن يسوي إلي سويته بس حطي نفسج بـ مكاني واحد إيي بليلة عرسي ويعطيني صورج و رسايلج وفوق هذا يدق على رقمج و يسمعني صوتج وإنتي تقولين له هاي حبيبي أشهد على الخيانــة أجوف و أسمع حاولت ما اصدق بس كل شي ثبت لي واكد لي خيانتج
دلاال والدموع تجمعت بعيونها: عيل ليش رجعتني لك اذا انت للحين تشك فيني واني خايــــــنة
LinkBack URL
About LinkBacks
