رواية على عتبات الماضي

[إلميآسـه]

التتمه



*******
*****
***
**
*










*حسنا ارتفع الوحم معها وبدأ بطنها بالانتفاخ سعيده جدا بحملها ومشاري بدأ بتجهيز احدى الغرف بشقته لطفلهما القادم
وزاد وتيره الغيره وهذا مايضايق حسنا جـــــــــــــــــــــدا"

:وين طالعه على هالكشخه00
حسنا ترتدي احد اقراطها وهي ممسكه الآخر لتلتفت اليه,,
:بيت عمي عايد مسوين عزيمه لوسوم على مظهارها من العده بالمزرعه
قلت لك يامشاري والا00

مشاري يجلس ليفكر قليلا ثم يردف,,
:من اللي بيجي00

حسنا وهي تضع رشات من العطر على رقبتها,,
:بيت عمي كلهم وبيت عمتي منيره وعمي خالد واهله

مشاري بتساءل آخر,,
:جمعة حريم والا خليطي00

حسنا تقترب منه بتفهم لغيرته الممرضه,,
:حبيبي احنا عمرنا مااجتمعنا خليطي يجينا عمي ويقعد ويانا والشباب بالدوانيه

مشاري ينظر لها من فوق الى تحت,,
:واذا مر احد عليكم اجله والا وشلون00

حسنا بضحكه وهي تقترب منه لتجلس بحجره,,
:ترى عادي تبيني اقعد ومشتاااق لي ماعندي مانع ابيع الكل لعيونك

مشاري يقبل يديها,,
:لا روحي بس جاوبي سؤالي لو بتطلعون تتمشون شلون00

حسنا وهي مازالت بحجره وتمرر يدها على شعره,,
:لا مانطلع الا بعبي تبي هادي ينحرنا تدري انه عصبي خصوصا مع هالضغط اللي تعبه الله يشفيه

مشاري بتردد,,
:و000ومشعل موجود00

حسنا تغيرت ملامحها للضيق,,
فلا تصل لهذه الدرجه’’’
كيف يغار من ماضي00
خصوصا" مع علمهم بخبر مرضه الذي اتعبهم,,
ترحم مشعل اكثر من كونها متعلقه بذكرياته’’’
فماعادت للذكرياااات مجال بحاظرها,,
حلت مكانها الرأفه والشفقه’’’
يستحق الدعاااء,,

مشاري يقبل يديها بحب,,
:ماعليج من سؤالي البايخ خلاص هونا

حسنا وهي تتنهد,,
:لاعلي يامشاري
ماكنت كذاا ابدا"
يعني عشان كفرنا مره وجبنا طاريه بحلم
لولا هالحلم كان مادريت بمرضه اللي اوجع قلوبنا كلنا
لاتنسى انه ولد عمي وخويك قبل كل شي

مشاري بندم وهو ينزلها من حجره ويقف,,
:ماالبلا عمري ماشفتج منهااااره كثر هذاك اليوم
ذبحتني الغيره -- مت يوم شفتج تبكين عليه وعشانه
وهو اول واحد الم0000 استغفر الله ياربي
مااقدر ياحسون مااقدر

حسنا تمسك زنديه بقوه,,
:انا حلاااااالك انت
اشيل ولدك ببطني
ولو خيروني بين الكل مااخترت الا انت
ومشعل لاعاد احل عليه وخلااااااص هو ماضي وراح بدربه

مشاري يرفع رأسه للاعلى,,
:لاتتوقعين انه عادي عندي مشعل يكون بخطر
وانه ممكن يروح منا بغفلة عين
انا اعزه وله مكان بقلبي بس انا رجااال
افهمي

حسنا تراه بحسره,,
هل ستزداد شكوكه00
هل سيالمني اكثر بغيرته المفرطه00
استحق00
نعم 00 استحق00
علي كبت مشاعري البريئه لاول رجل بحياتي’’’
لاسعد من هو امامي,,
الرجل الذي احب’’’
بل اعشق,,

مسحت على شعره وبابتسامه جميله,,
:ماعليك ان شالله بيسافر ولاعليه شر
وانا كلي لك-لعبه بين ايديك العبي ياولد خالد مثل ماتحب
عقلي وقلبي وروحي كلها ملكك

مشاري يقبلها بقوه وبتملك,,
لتبتعد حسنا وهي تضحك’’’
:يوووووووه الحين برجع اضبط مكياجي الله يهداك

مشاري وهو يمسح الآثر من شفتيه,,
مهوب قلتي العب بي وكلي حلالك
اجل خليني على هواي ويلا تجهزي باحطج ببيت اهلج لاني بروح مع بتال لعشا عند اخويانا بالبر


اخذت ترتب مكياجها,,
وهو يراقبها من خلفها ويرى صورتها المنعكسه من المرآه’’’
يرتب شماغه وعين عليها وعين على صورته,,
كم اتمنى ان ادخل قلبك وانتزع منه ذلك الرجل’’’
وادخل بعقلك الباطن وامسح اي ذكرى بينكما,,
آآآه كم هو متعب هذا الشعور’’’
رجل يحس بأن آخر بشاركه نصف الآخر,,
لو بذكرياتها’’’’’’





*******
*****
***
**
*







*خلود وسارا الآن طالبتان نجيبتان بكلية التربيه الاساسيه واصبحتا مقربتان والاولى سعيده جدا بانضمامها للكليه بعد سلسه
من المعارضات الفاشله لدخولها


:لا تكفيييييييين شنو دكتورج هذا لايحوشج
:ليش حبيبتي والله انه جنتل وحباب

:خير جنتل الا سخيف وبصباااص
:اسكتي لحد يسمعج هني ترا البنات يموتون فيه

:صج نقاصة عقل خير من زيييينه يعني00
:مو يهبل او حلو بس اسلوبه روعه يدخل القلب

:خويييلد شنو يدخل القلب مراهقه انتي00

خلود وهي ترتب غطاءها جيدا",,
:قومي قومي ورانا محاظرات

سارا تبتسم بخبث,,
:وراااج حبيبتي انا بيجيني فهودي عين السيح

خلود بربكه,,
:اخوج فهد00

سارا بابتسامه ,,
اي اخوي فهد عين السيح احلى اخواني

خلود وهي تلوي شفتيها,,
:وعععع مليق ماحبيته ومهوب من زينه

سارا ترفع احدى حاجبيها,,
:ومنو سالج عن رايج عنه00
والا كلام القلب يقول عكس كلامج

خلود بتوتر,,
:شنو عكس كلامي لاوعععع خير احبه
اصلا ماعندنا حب وخرابيط ليش انتي حبيتي

سارا بضحكه,,
:خلاص انطرج لاخلصتي المحاظره تعالي وياي لان احنا بنروح معاه على المزرعه على طول ابوي موصيه يجيبنا

خلود بقلق,,
:لا لا وين اخاويه من هني للمزرعه لاااااااا تكفين بعيد بعدين بكلم هدوي اخاف مايرضى

سارا بضحكه,,
:تكفين والله لو ان احنا بنسافر للنعيريه كلها ساعه ونوصل ختمتها بضحكه قويه

خلود تهز رجليها وهي تتصل على هادي,,
:الو هلا هداوي
اي فديتك
منو 00
ارد وياهم00
استحي
انزين انزين لاتعصب
خلاص باي

سارا وهي تدفع بخلود للامام,,
:روحي لمحاظرتج لان فهود نص ساعه ويجي وبينطرنا بنطلع له سوا

خلود ترفع عباءتها على راسها,,
انزين ماراح اطول اخااف يعصب

وبعد نصف ساعه بالضبط000

خلود تستاذن من الدكتور وتخرج هي وسارا للخارج,,
حيث سيارة فهد’’’
يجلس وهو يتحدث عبر الهاتف,,
:ابشر ابو عبدالله
لاتحاتيهن
بعيوني
على خير
مع السلامه
طمني ارب الضغط ماعاد ارتفع
اهاااا اي الحمدلله
وياك
باي

لتفتح البيبان الامامي والخلفي,,
وتركبان سارا وخلود0000



*******
*****
***
***




*مترك ومنى بين شد وجذب


:اقول قوووووووووومي جهزي ملابسي اخلصي علي
منى بتافف,,
:يعني تعبااااااانه واتوحم وحالتي حاله واقوم اطلع لك جم غيااار ييبهم انت بنفسك

مترك بغضب عارم,,
:منى قومي خمس دقايق الا ثيابي جاهزه والحمام جاهز لاقلت كلمه ماتثنينها
تراج ماعرفتيني عدل

منى تقف بغضب,,
:انت ماخذيتني جاريه طول عمري معززه مكرمه ببيت اهلي بطلع لك هدومك وامري لله

مترك بتهكم,,
:اي خير معززه خير

منى تلتفت عليه بقهر,,
:اسلوب التطنز هذا مايعجبني مترك احنا زوجين مو ماخذين بعض عشان نقلل من احترمنا لانفسنا
خصوصا ان فيه ياهل بينا بيي مومعقوله بنتم جذي على طول

مترك بغضب,,
:انا واحد عطيتج نبذه عن شخصيتي قلت اني عصبي مااحب احد يراددني مااداني المره ترفع صوتها
وعارفه اني احب مرتي تقوم بواجبها على اكمل وجه ماتنقص منه شي ابد
ومن هالاشياء طولت اللسان والمرادد ماادنيها تبين حياتنا تكون حلوه بايدج

منى تراه بقوه,,
:تعتقد اني طويلة لسان مني والطريج00
تعتقد اني اراددك من خاطري والا لاني مشتهيه النكد00
من اسلوبك00 تنرفزني يامترك بكل حركه وبكل تصرف
تحسسني باني ولا شي
موذنبي اذا تحب منيره وتبي تردها وهي موراضيه
موذنبي ترى
انا وافقت عليك واناعارفه انها بتشاركني فيك بكل شي وكنت راضيه
لاوسالتها وخذيت بخاطرها عشان مااظلم احد
لاتقسى علي بذنب انا ماارتكبته
انا ماقلت لك طلقها
ولاقلت لك لاتحبها ولاتردها
بس عطني شوي من هالحب اللي اشوفه بعيونك لايبت طاريها
تقارن بينا باتفه شي
منيره تطبخ هالصنف وتكثر الجبنه
منيره تحط هالعطر لسلوم وهدوي وفروس تحط لهم دهن عود
منيره ومنيره ومنيره
وانا00

انهت جملتها ببكاء قوي,,
ليقف مترك بضيق’’’
اراد ضمها الى صدره,,
تمنى لو اغدق عليها بحب لو وهمي’’’
لانها فعلا لاتستحق هذه القسوه,,
فكل ماتتمناه هذه المراه القليل’’’
كيف تتمنى بقايا رجل00
التهمته الحياه ولم تترك الى قلب نايض بحب من تستحق الحب,,
هل تريدين هذا القلب يامنى00
ماتبقى مني,,
نعم00
هذا ماتبقى مني’’’






*******
*****
***
**
*




*ناصر لم يستطع الاستغناء عن لسان هدى السليط وعادت المياه لمجاريها وعادت هدى بلسانها لبيتها

:ياااهدى قومي مني خليني اكمل شغلي

هدي اللتي تجلس على حظن ناصر وهي مقابله لوجهه,,
:مافيييييييه شغل بالكمبيوتر وانا هني مافيه

ناصر بضحكه وهو يمسك خصرها,,
:شلون يعني ولاتبيني اروح الزرعه00

هدى بابتسامه خبث وهي تعض على شفتيها,,
:اممممم
ياريت تقعد عندي ونصرف عيالنا وياهم شرايك00

ناصر ينظر لعينيها بابتسامه,,
:هدى 00

هدى بحب,,
:عيونها

ناصر يرفعها معه ويقف ليضعها على السرير,,
:تجاوبيني بصراحه لو سالتج00

هدى تنظر لاظافرها ثم رفعت عينها له,,
:لاتخرب عليناهاليوم الله يخليك

ناصر بجديه,,
:لازم نبدى صح اذا انتي متغيره على قولتج عشاني وعشان عيالج لازم نبدى صح

هدى بارتباك,,
:اسال حبيبي اسمعك00

ناصر يمسك يديها,,
:انتي شاللي غيرج سالفة مرة اخوج اني بتزوج عليج ومابطلقج00

هدى بمصارحه شفافه,,
:بصراحه اي
ذبحتني الغيره بغيت اكل بهدومي من الحره
تخيلتك مع استغفر الله ياربي
تخيلتك مره مع وسميه بنت عمتك ومره مع منيره

هدى وهي تبتلع ريقها بصعوبه,,
:ومع كل وحده لها علاقه فيه ماادري كرهت اني اشوفك مع غيري وانت ماتبي تطلقني

ناصر بضحكه وهو يهز راسه,,
:يعني لاانا ولاعيالج هموج00

هدى بدفاااع,,
:شلون ماهموني انا يوم مر عيد الفطر وبناتي مو عندي اجهزهم للعيد بغيت اموت بحسرتي
ماتتصور شلون عدا رمضان علي
لاعندك ولاعند بنياتي
والعيد بعد
ختمتها وهي تضع يديها على وجهها وتبكي,,

ناصر تركها تبكي حتى هدات قليلا ثو اقترب ورفع يديها من وجهها,,
:عشان تعرفين ياهدى اني لايمكن افرط فيج
ولااااايمكن افرط بنفسيتي بعد اليوم
خليتج طول هالسنين انتي المبداه على عمري واهلي
بس عقب اللي صار لايمكن اسمح لج تهينيني او تقللين من قدري
ومع كل هذا وذاك ياهدى احبج
ولاابي غيرج
ولااااااا فكرت اتزوج وحده ثانيه
مثل مارضيت فيج بعيوبج اللي وش كثرها
ارضي فيني بعيوبي اللي مغطيتني
لان احنا انخلقنا لبعض مانكمل الا بعض
ماحبيت اطلقج واضيع نصي الثاني
وانتي مثل الامثال
بس فكري قبل كل شي فيني انا
واني مانيب ناصر الاولي
في شي انكسر ولايصلحه الا انتي ياهدى

هدى تبكي وبصوت ملؤه الندم,,
:وانا آسفه طمعت برضاك مني وطمعت بطيبتك
ادري ان لساني يطول اذاني
اودري اني غيوره واحب اصير احسن وحده
ورجلي يكون لي انا وبس
حتى من الكمبيوتر اللي ماخذك كلك مني
بس احبك ولااحب غيرك
ولااتصور نفسي مع غيرك

ناصر اقترب هذه المره واحتظنها بقوه,,
وحقق رغبتها البسيطه بان يكون اليوم لها’’’
لامع غيرها,,
هم فقط’’’
هي وهو,,




*******
*****
***
**
*




*مشعل ومراجعاته الطويله والبغيضه بالمستشفى




:دكتور احس اني مرات مااقدر اتحكم باطرافي
ومرات مااعرف اشوف زين

:الدكتور بتفهم,,
:مايخالف مشعل بنحاول نتفادى هالازمه
بس حاول تدبر لك واسطه تسافر براااا العمليه هناك مخاطرها اقل وهم متمكنين اكثر
شوفني دكتور ومتخصص لكن اقولك اياها بصراحه خصوصا ان هالمرض يتحكم بالاعصاب وخطير

مشعل يمسك راسه بوهن,,
:مااقدر اسويها اهنا دكتور00

الدكتور بمصارحه,,
:الافضل برااا لسلامتك وانا بقوم بالاجراءات اللي تحتاجها بجهز لك التقرير اللي يشخص حالتك
والادويه اللي صرفناها عليك من قبل ولا تحاتي هالعمليه نجحت وبقوه لاتحاتي

مشعل وهو يقف ,,
:على خير دكتور باكلم الوالد يشوف معارفه والا هادي تعرفه ولد عمي عبدالله

الدكتور,,
اي والنعم والله المهم باقولك نصايح اتبعها زين هالفتره على بال مانجهز لسفرتك للخارج

مشعل يعود للجلوس,,
:انا معاك دكتور تفضل

الدكتور,,
:
تحتاج تبقى نشيط جسدياً تلعب رياضه تتحرك تمشي على اساس تحافظ على درجة مناعية عالية.
ويفضل تتناول الاكل اللي نسبة الدهون فيه قليله تستبدل الدهون المشبعة بزيت الزيتون.
بنعطيك فيتامينات هي مكمل غذائي تنفعك
وياريت ماااتتعرض لاشعة الشمس والحرارة العالية لفترة طويلة وتبتعد عن حمامات البخار والسونا
وياريت تلتزم بمكان نظيف وتاكل اكل يقوي مناعتك
وان شالله خير لاتحاتي يامشعل

مشعل خرج من الدكتور بضيق,,
فماكان يخشاه هاهو امامه’’’
ولاحل غيره,,
السفر للخارج’’’
كم يتمنى لو توفاااه الله ان يتوفى بقرب اهله,,
وبارضه اللتي خلق وترعرع عليها’’’
لكن ان يحصل العكس,,
شعوري بقرب النهايه كبير’’’
وموجع,,
كم تمنيت كتمان وجعي بقلبي’’’
ولايصل لقلب من احب,,
لكن شاءت الاقدار’’’
والله بمايحكم به ارحم,,
لن اجزع او اضيق’’’
فهذه مشيئة الباري,,
لكن لااريد ايلامهم’’’
لااريد نظرة الشفقه بعينيهم,,




*******
*****
***
**
*




*مها مازالت بالكويت تحمل بطنها الكبير بثقل اذ تنوي الولاده بالقرب من والدتها اما محمد فعاد الى حيث كان
مع حظوره للاطمئنان على نصفه الآخر بين الحين والآخر كما يستعد للمكوث شهر بعد زواج رائد ووقت ولادة زوجته



:يمااااااااااااااااااااااااااااااااه
:خالصه يابنتي خالصه كليتيني بقشوري

:تكفين اقلقل راحتي مشعل توه جاي من الطبيب يقول اخلصوا علي بيقطنا ويروح
:اي فديته دق علي وخلا الدكتور يكلمني يطمني بنفسه يلا باتوضى قبل اطلع ونروح

:يمه توضي بالمزرعه فيه حمامات مليت من حنة مشعل وهرناااته
:يمتس مانيب طالعه من بيتي الا متوضيه

مها تقف لانتظار والدتها,,
اما مشعل فدخل كاعصار,,
ليحاكي الخادمه دون التوجه لمها بالحديث,,
:ميري وين ماما00

مها بضيق,,
:ماما في جوااا حمام

مشعل يكتم ابتسامته من منظر اخته مها وهي تخلط المرح بضيقها,,
:مهوب انا قايل ادق دقه الا انتوا برااا ليش توها تروح الحمام00

مها يتضع يدها اليمنى فوق اليسرى وباستغراب,,
:الحين مره تبي الحمام وانت بكرامه اقول لها ليش تروحين الحمام00
الله يرضالي عليك وش هالسؤال

مشعل يحمل صندوق الحلويات ليصحبها معه للسياره,,
:لااخلصت الحقوني برااا

مها تنظر لمنظره بجسمه القوي وهو خارج,,
يؤلمها شعور الاشي’’’
ان تكون انت لاشي بنظر من يشكل كل شي بحياتك,,
لايعيرها اهتمام’’’
يعاملها كما يعامل اي عابر بالطريق,,
اسئله تافهه لاتتعدى السلام والاطمئنان’’’
اين نحن من اسرارنا الخاصه00
وذكرياتنا الدافئه00


خرجت مع امها تتبعها لسيارته,,
خرجت وخرجت معها افكارها وتساؤلاتها’’’




*******
*****
***
**
*




*هيفا وطلال نشب بينهما خلاف قوي ابتدأ بخبر استقالته من وظيفته العسكريه المنهكه بالنسبه له وانتهى باستقالتها هي الأخرى
من وظيفتها الوزاريه وتستمر حرب العناد الشنعاء بينهما لكن من سيهزم ؟ لا نعلم

:يمه ليش ماعاد تداومين
هيفا وهي تسرح شعر ابنتها استعدادا" للذهاب للمزرعه,,
:يعني انا بروحي اللي مااداوم00
انهت جملتها وهي ترفع نظرها لزوجها الذي يسرح شعره امامه التسريحه

ليتفت عليها بغضب,,
ثم ينظر الى ابنته شيخه بحب,,
:شيوخ تعالي

بعدما انهت والدتها تسريح شعرها,,
تقدمت نحو والدها ووقفت امامه’’’
وهو جالس على كرسي التسريحه,,
"شيوخ امج ماخذه اجااازه وبتداوم قريب وانا بعد
انهى جملته وهو يرفع نظره بتهديد ناحية هيفا

اما هيفا فوقفت بغنج,,
وهي ترتب تنورتها الجينز’’’
ثم تتقدم لتنزل لمستواه,,
:افاااا عليك احد يعارض قراراتك

ومشت منه بغرور للتسريحه لتخرج الروج وتكمل زينتها,,
اما هو فنظر الى ابنته وبامر,,
:شيوخ روحي شوفي اخوانج تجهزوا والا لأ

ركضت ابنته للخارج,,
اما هو فوقف خلف تلك المنحنيه امام المرآه لتعديل زينتها’’’
ليمسك يدها الساكنه على التسريحه ويرفعها بقوه ويلفها اليه,,
حتى انها كادت ان تقع’’’
:آآي اوجعتني يامجنوووون

طلال بغضب,,
:عيالي مالهم دخل بالهم اللي بينا

هيفا بغضب مشابه,,
:هي اسالت آآآآآه

طلال وهو يشدها اكثر ليقربها اليه,,
:ماجاج شي ياهيفا
وانا قلت ولاابي اعيد عياااالي مالهم دخل بالزفت اللي بينا

هيفا تحاول بان تفلت يدها منه,,
:آه خلاص طلال ماعاد راح أقول آآآآه

طلال يفلتها بقوه ويكمل تسريح شعره,,
ثم يتناول غترته ببرود ويرتديها وكان شيئا" لم يكن’’’
وهي تمسك معصمها بالم لتجلس على الكرسي,,
وبهدوء,,
:طلال بنام الليله من بعد اذنك عند اهلي
قبل تطلع معالي

طلال المؤيد للفكره وبقوه فحالهما موجع,,
تجرحه ويزيد من عيار جرحه لها’’’
عليهما بالهدنه,,
ليس لاجلهما بل لاجل اطفالهما’’’



اما اطفالهما000
:اقولك ابوي شكلهم طردوه من الدوام
وليد ذو الثمان سنوات والذي يصغر شيخه بعام,,
:انا اشوفه كل يوم يطلع من البيت

شيخه تقترب اكثر وهي تخفض من صوتها,,
:اول مو يداوم بلبس الشرطه00

وليد بموافقه,,
:اي صح والحين لأ

شيخه وهي تلتفت ناحية الباب,,
:ايييي يعني طردوه من الدوام

وليد بطفوله,,
:يعني ابوي بيصير مثل جده يقعد بالبيت00

شيخه بغباء,,
:لأ ياغبي ابوي بيصير سواق يودينا ويجيبنا من المدرسه

وليد ببراءه,,
:اي صح لان اول تودينا امي مع السواق

توقعااات طفوليه بحته,,
يشاركون والديهما همومهما’’’
فهم جزء لايتجزأ من هذه الاسره,,
بل هم الاساس’’’
ولاتخفاهم الامووووور,,

لكن مالم يعلمانه بان هنالك من سمع الحديث الدائر بينهما بضيق0000



*******
*****
***
**
*

[إلميآسـه]

البارت الثامن عشر رؤيه خضراء بمزرعة ابا ناصر000


*******
*****
***
**
*




في مكان بعيد عن ضجة المدينه,,
والسموم اللتي تملأ اجزاء هوائها’’’
يجلس براحه وسكينه,,
ينظر للخضار من حوله’’’
مع نسمات العليل وصفاء الروح من الهموم,,
يجلس على بساط حوله رائحة الهيل والزعفران’’’
على يمينه نصفه الآخر واللتي قدمت للتو,,
وعلى يساره أخته الغاليه ونصف اخيه المرحوم الآخر’’’
وحولهم خمسة شباب يزينون المكان بروحهم الحيه,,
تتعالى الاصوات بامور خصبه’’’
وتتهامس الاصوات بمشاورات عذبه,,
وتبقى الارحام على صله’’’
بقرب هذا الكهل الذي ان جمع او لن يفرق,,


اما بالداخل000
تسع فتيات---او لنقل نساااء,,
تنقصهن صغيرتي العائله’’’
وهما على وصول,,
تضج بهم الحياه بحلاوتها’’’
وسميه متالقه ببساطتها,,
فاليوم اللقاء على شرفها’’’
رغم وجع الذكرى والم المناسبه,,
الا انها تبقى جميله بوجود من يحطنها باهتمام وحب’’’

منيره اللتي تتقدم للسلام على وسميه بحب فهي آخر من حظر برفقة هادي,,
:أقول طبنا وغدا الشر ختمتها بضحكه

لتضربها على رأسها وسميه,,
:أعنبوا ابليسج ماتعرفين تركبين مثل على المناسبه 00 00وش دخل طبنا وغدا الشر00

منيره وهي تجلس بعد السلام,,
:طبتي من المرض اللي هو حبسة البيت اللي تجيب الوهم
غدا الشر اي بالله غدا شرج يابنت عمتي وهذا انتي تلقين وطيبه وكنج البخت

وسميه بخفوت,,
:ياابنت الحلال خليها على الله شوفتكم حولي والله انها ترد الروح اللي راحت مع راعيها

هيفا بصوت عالي وهي تدخل من الخارج,,
:قسم بالله لولا الحيا وخوفي من هويدي لااطلع واقعد مع الشباب قعدتهم توسع الصدر
خصوصا جويبر ياهو ذبح العجايز بتعاليقه

عبير بتهكم,,
:جويبر وش هو فالحا" فيه غير المعاير من اللي برااا00

هيفا وهي تجلس,,
:كلهم ماعدا فهد راح يجيب البنات وناصر ماشفته--الا وينه ناصر يامهااا0

مها وهي ترتشف الشاهي,,
:ههاااو عند ست الحسن والدلال صكة عليه صكه ياحراام قدها مهيب من شعورها كل ذاالبعد ومفارقته
مابقى قميص فاصخ والا نكهاات ولا اطياب ماحطتها

دلال وهي غارقه بالضحك,,
:بس تكفييييييين احس ناصر من شماليها ماشفتيه يوم جات وهي كاشخه ولابسه عينه طايره فيها ياحرااااام

حسنا بابتسامه,,
:بنات عاد هدى على خبالها ولبسها الغريب00

دلال وهي تضحك,,
:لاعقب كف اخوي تحسنت شوي

مها بضيق,,
:دلال وش ذاالحكي00
مهما كان هي ام عايد ولها الحشمه واللي بينهم بينهم
حسنا ماعليج منها الخبل هدى لبسها على الموضه الوان وخبه بس يناسبها سبحان الله يعني المره جسم
ماشالله ولاكنها جايبه ذاالبزران

هيفا بسخريه,,
:مهاوي الله يرضالي عليج وش موضته اللي مثلها وذاجسمي والله لاالبس ساااااده وناعم بعد بس هي تخرب على عمرها
بالموديلات يعني بالبدله الوحده ثلاثين موديل

منيره تنهي الحديث,,
:كيييفهاااا لبسها وهي راضيه اعنبوا غيركم ماشبعتوا حش خلاص غيروا الموضوع
الا تبوني اغير الموجه واسولف عن بنات الدوام

عليا تضع اصبعها على اذنها,,
:لاااااااا تكفييييييين بس الله يخليج لانبي نسمع لبنات دوامج ولانبي توجعين روسنا فيهم كفايه ماجرى منك كفايه

لتقوم بالتطبيل منيره بطرب,,
وتغني عليا بخفوت’’’
حتى لاتصل اصواتهن للخارج,,
وتبقى الارحام على صله000
وكم هو شعور رااااائع000



*******
*****
***
**
*




بالسياره حيث فهد وسارا والقابعه بالخلف خلووووووود000

يجلس بهدوء,,
يتحدث مع اخته تاره وتاره يتحدث بهاتفه’’’
ادارت سارا المسجل بالسياره,,
ليتعالى صوت نوال تصدح باغنيه00

ضاقت عليك ومابقى الا انااا 00
00 تقول وش رايك بمحبوبي الجديد00
تبغى تعنيني وانا ناقص عنااا00
00 اموت واعرف بس انا وش تستفيد00

لاتعلم لما شعرت خلود بتوتر وهي تستمع لتلك الكلمات,,
بذلك الصوت الشجي’’’
معقوله ضاقوا عليه بنات العالم كلهم00
مابغى حليله الا اختي عليا00
يعني مايدري اني احبه00



قبل عدة شهور0000
حسنا اللتي تجلس مع عليا بالحوش,,
:انتي متاكده ان فهد يبيج00

عليا بحلفان,,
:اقسم بالله اني دريت صدفه وتضايقت معقوله 00
توقعت يبي خلود من كلام مهاا لج وانتي خابره

حسنا بضيق,,
:ماهذا البلااا انا انصدمت اصلا00
تدرين قبل ماشفت من ناحيته لاي بنت اي اهتمام لاانتي ولاخلود انسان همه طلعاته ربعه
لكن عقب الموقف اللي صار بينكم والله ياعليا انه طاح من عيني

عليا بخوف وهي تلتفت على المكان المعتم,,
:اسكتي لايطب علينا هادي ويسمعج والله ان يغسل شراعي ويغسل شراعه فوقي
قليل اللي سواااه00

حسنا وهي تتكا بيديها من الخلف وتمدد قدميها امامها,,
:مااااعمري شفت عليه حركات علويه ابدا" اصلا" ماكان له وجود بالبيت ماادري وش عنده على هالحركه
وانتي غلطانه وشهو له تمشين بالبيت سفري00

عليا بندم,,
:بالعون اني لارحت لهم اتستر ولاافصخ حتى عباتي بس ياختي دليل الله يهداها قالت لي انه مهوب موجود ولافيه احد

حسنا بتهدئه,,
:ماعليج لاتشيلين بخاطرج واذا تقدم ارفضي وطزز فيه

عليا بقوه,,
:والا فيها00
اي بالله بعيي والله مايطول مني حاجه انا مهوب كاسر خويطري الا المسيكينه اللي كتبها كلها حرف الاف
يفتح نفسها ياحسون على الدراسه مجرد حرفه

حسنا بصرامه,,
:ماعليج لاتحاتين خلود اصلا هي تربية هادي 00هادي وهو يموت بهواا دلال ماتعذب يوم اعرست كمل حياته وعادي
وخلود ذيبه ماراح ياثر عليها لو خطبج

عليا وهي تتنهد,,
:وتتوقعين ان هادي عادي عنده عرس دلال وانها تروح من ايده00
لاوالله ياحسون الا يفرك من الحره بس ويش يسوي وخلود من شماليه


ذكرى مرت لاقل من ثانيه ببالها,,
كلام 00 مجرد كلام 00
لكنه كما السم الذي دخل بجسدها لينهش قلبها’’’
وصلت مشاعري لاحاديثهن الجانبيه00
يقررون ماسيحول بي لوتركني ذلك المغفل00
اذ كانت اخته سارا وصلت لها مكنونات مشاعري بعفويه,,
فكيف باخواتي اللاتي اشاطرهن احاسيسي اليوميه00
ومن ضمنها احساسي البريئ تجاهه00
هو الذي يجلس بقربي اليوم’’’
بعقدة حاجبيه المعروفه,,
وباسلوبه الجديد الذي لم اعهده’’’

اذكره غاضب مشتعل سريع التحرك00
لكن به روح حيه00
تشع حيويه وشباااب00
اما اليوم اراه رجل بمعنى الكلمه00
هادئ مسالم00
ولن ابالغ لو قلت ارى به براءه لم اعهدها بغيره00


لم تشعر بالوقت الا حينما وصلا لاحدى الجمعيات التعاونيه,,
ليلتفت عليها فهد وهو ينزل نظارته على طرف انفه’’’
لترى عينيه ماتحب متوجهه الى عينيها قبل لسانه بالسؤال,,
لتجيب قبل حديثه,,
:لامشكور فهد ماابي شي

ابتسم ثم اردف,,
:انزلي بقوول انزلي نتقضى للبنات موصين العيال باغراض وعيواا لايجيبون لهن
انتي تقضين لخواتج وانا باشتري لباقي البنات والبزران

التفت لحقيبتها لتصحبها معها للداخل,,
لتسمع صوته قبل نزوله وهو يرتب شكله بالمرآه’’’
:لاتاخذين حاجه عندي فلوس شايفتني مانيب قد المقام00

خلود بخجل,,
:محشوم يابو عايد خلاص عليك الحساب والله يعينك

نزلت تسبقها سارا لتمسك بسله وهي تمشي وتشعر بمن يتبعها,,


الليله احساسي غريب00
عاشق وانا مالي حبيب00
الليله غير00شعوري غير00اشواقي غير00
حتى الاغاني غير00صدري سماااا واحساسي طير



*******
*****
***
**
*




ببيتهم00
بيت السعادة والهنا كما تسميه سارا00
يجلس بحديقة المنزل,,
لتاتيه بغنج’’’
وتضع الفطائر اللتي اعدتها بمهاره,,
مع الشاي الساخن’’’

ناصر بابتسامه مشرقه,,
:تسلم الايادي اللي تعبت

هدى وهي تناوله كوب الشاي,,
:الله يسلمك ياعمري
شاهي منعنش على كيف كييييفك

ناصر بضحكه,,
:منعنش شلووون00

هدى وهي تقرب منه صحن الفطائر,,
:شاهي بنعناع اشرب وعطني رايك

ناصر بصدق,,
:انتي ياهدى كل شي فيج حلووو الا اللي خبري خبرج

هدى بابتسامه باهته,,
:بتذلني ياناصر على طبيعه غصب عني00

ناصر يقترب ليلمس شفتيها بحب ثم ينقل يديه لشفتيه ليقبلها,,
:مانخلى من التنكيد كلنا بالهوا سوااا
يسلملي اللسان وراعيته
بصراحه اليوم عوضتيني عن هالسنين اللي فاتت كلهااااااا

هدى بابتسامه ونظره ذابله,,
:صح ناصر مستانس ومنت متحسف انك مارحت مع العيال وعمي00

ناصر بصدق,,
:والله العظيم اني مستاااانس ومرتاح والمزرعه عادنا فيها بنحظر العشا والا وش رايج

هدى بتاييد,,
:على رايك انا مشتاقه لسوالف البنات خصوصا وسوم ياانا احب هالمره

ناصر بحب,,
:وياانا احب المره اللي قدام عيني

هدى تبتسم بحيااء وهي تنزل راسها للاسفل,,
تشعر براحه’’’
فبعد نوبة العتب والمصارحه الشفافه بينهما,,
ازيحت غيمة السنين السوداء’’’
ومابها من اوجاع,,
لتحل بدلا" منها امطار من الحب والسخاء,,
السخاء بمشاعر افتقداها الاثنين منذ سنين’’’
وهاهي ترجع اليهم بنضجهما,,

وعلى كثر السنين اللي عاشوها سوا من جفااا,,,
على كثر الحب اللي بينهم ,,,
وعلى كثر الوله اللي ذبح قلوبهم,,,

رجعوا بقوى لبعض وبشوق اكبررررر0000





*******
*****
***
**
*

[إلميآسـه]

جلسة شباب بحته,,
فيها عبق الرجوله’’’
وعنفوان الشباب,,

استلم الجلسه هادي وبقوه,,
:مشعل اي خلك كذا صريح وواضح واذا تعباااان انت قدها وقدود
واحنا اهلك وعزوتك وان ماوقفنا جنبك وش له حياتنا
موتنا وحياتنا واحد

مبارك بترفيع,,
:اوه اوه اوه حركااات ياابو عيدالله داخل بقوه انت

هادي بابتسامه وهو ينظر لمشعل,,
:اعنبوا غيركم هذا مشعل خوة عمر ,السفره يامشعل ازهلها وانا اللي برافقك

مشعل باحترام,,
:كفوو يابوعبدالله كفوو


هادي باحترام متبادل,,
:الله لايكف شوفك

مشعل يردف,,
:السفره عجلوا بها انا تعبت ومحد بمخاويني الا فهد انا وياه جميعا ان قبرني والا قبرته

ليأتيهم صوت فهد الضاحك مع ضحكهم العالي,,
:اقبرني اعنبوا من لامني في حبك اقبرني المهم نسافر

مبارك بفرحه فهو لايفارق فهد منذ تغير حال الاخير للافضل,,
:سنااايدي والله يافهد تعجبني

فهد يرمي ورقة اللعب التي احظرها بالنصف,,
:شباب بيلوووت00

اقتربوا جميعا للعب,,
ليدخل جابر وبصوت عالي’’’
:اول دووووور لي معكم دخلوني

هادي يرفع نظره له ثم يبتسم باستهزاء وهو يفرش الورق,,
:لاحجت البقر على قرونها بتلعب وانا باللعبه

جابر بضيق,,
:ابو عبدالله مااحنا ببزران احنا جايين نستانس وننسى اللي فات

هادي وهو يوزع الورق عليه وعلى مبارك وفهد ومشعل من شاركوه اللعب,,
:اي مع ابوي لارجع ابوي نسيت
العبوا عيال

مشعل بهمس,,
:هادي مبارك فهد بزرااان انتم00
رجال جاك ياهادي واعتذر وش صار يعني لاغلط المهم انه تاسف

مبارك بقهر,,
:وش تاسف يامشعل00 هذا هو على حاله تراا هادي يوم انه متضايق منه مهوب عشان سالفة عليا وطلاقه
المفاجئ هادي متضايق من سوالفه المحقه علومه الرديه هياته من بلد لبلد ومن مرقص لمرقص

مشعل الذي ينظر لجابر الواقف قرب سيارة تركي ويتحدثان سويا",,
:الله يهديه ياعيال العبوا وخلوا اليوم يعدي على خييير احنا جايين ننسى همومنا ونرتاح لابو ذاالحياه لابوا كلب
اللي بتخلي النفوس خايسه كذا

هادي بابتسامه,,
:الحياه دنيا والدنيا من اسمها دنيه وش تنطر من شي دني00

مبارك وهو يرتب لعبه,,
:لا اله الا الله الحياه مالها دخل ياهادي البلا والله فينا اللي لاعاد فينا غاريه ولاالرجاجيل مثل اول

فهد بمرح,,
:اعنبوا مجناكم احنا جايين نلعب والا جايين نعطي مواعض

اكملوا لعب,,
احيانا" بتشنج’’’
واحيانا بضحك,,
ولاااا يخلا اللعب من التلاعب00
فهو لعب00!!


اماجابر اللي ضاق به المكان رغم وسعه,,
:تركي مهيب حاله لاجيتهم صدوني

تركي وهو يخرج ادوات الشواء من سيارته,,
:جابر امسك هادي وكلمه على جنب انا ماادري وش اللي بينكم بس هادي مايزعل الا من شي كايد

جابر بتوتر وباحتداد ليخفي توتره,,
:ماااصاااارت يعني الواحد لاجا يستانس لازم تضيقون عليه00

تركي وهو يرفع راسه لاخيه بنظرات انتقاد حاده,,
:تعال اضربني ياالمره تعااال وش اللي رادك00
يااخي متضايق من احد لاتجي تحط الحره فيني
لاتنسى العيال ابتتعدوا عنك من حركاتك اللي فضحتنا بها عن خلق الله

جابر وهو يتنهد واضعا يديه في جيوبه,,
:تركي كلم العيال انا جاي اوسع صدري احس اني ضايق من غيرهم خصوصا ان فهد تغير علي
انا ربعي كثر التراب بس ابي اهلي حولي

تركي الذي اخرج العده واللحم من السياره,,
:جابر ذاالشي بيدك ياتبعد عيال عمك واخوانك منك وتنفرهم مثل ماانت مسوي00
والا ترجعهم لصفكم مثل ماراح تسوي ان شالله00

ذهب تركي لدلال اللتي تنتظر العده لتبدا الفتيات بالشواء والاستمتاع,,
اما جابر فعاد للشباب يحاول هد الحاجز اللذي بناه بينهم بيده,,






*******
*****
***
**
*




نظرات منها لم تفت احد,,
تجاهلتها الاخرى لتمشي المياه بهدوء’’’
بمجاريها ولاتندفع الموجات جانبا عن مسارها الصحيح,,
فاليوم لقاء طال انتظاره’’’
وكم هذااللقاء جميل وهادئ,,
لولا سهام الكلمات اللتي تطلقها بعنف وبصوره مبطنه لها’’’

ام هادي بتعقل بعدما غادر المكان عايد بصحبة جابر للمشي قليلا,,
:ام تركي البنات بيشون انا فداتس وبيكونو قريب والعيال مامن بعد بينا وبينهم حذفة عصا
والشايب بيعود خلي اليوم بتساهيله

ام تركي بغضب,,
:اقول ام هادي ورا ماتعلميني السنع ومتى اتحاكى ومتى اسكت00

ام هادي بتغيير لمجرى الحديث,,
:انتي ام العقل ياام تركي وغيرتس المخطي,,الا وسوم صحيح بتعطونها الملحق الخارجي00

ام تركي باستنكار,,
:يويلي من قاله00

ام هادي,,
:سمعت تركي يقوله لهادي يومه عندنا

ام تركي بصدمه,,
:يعطيها الملحق الماجر بذيك الحكيا عشان يعزلها مني00
مهوب كفايه علي مرته المندسه بجحرها ماتجيني ولااشوفها الا ان كانها بتطلع محل00

ام ناصر بطولة بال,,
:اللهم طولك يارووح

ام هادي بندم فهي من فتح الحديث لتغير الجو ولم تعلم بان هذا ماسيغضب ام تركي ويضايق ام ناصر,,
:يانسواااان ماهيب جايه مرت خالد00

ام تركي بتهكم,,
:اللي تلوي اثمها لاجات تحتسى 00
ابرك الساعات فرقاها

ام هادي بصدق,,
:والله ان معرفتها تشرى بذهب ,, ماشالله عليها عرفت لطبايعنا وقدها منا وفينا

ام ناصر بتاييد,,
:انا اشهد انتس صادزه اجوديه وراعية واجب وعندها معرفه ماشالله عليها

ليقطع الحديث الدائر حظور هدى,,
السلام عليكم لتتقدم من نسائها وتقبل رؤوسهن بتعالي وتجلس بقرب ام ناصر

ام ناصر اللتي تربت على فخذها وهي تبتسم,,
:زين اللي جيتوا قلت الوكاد بيصك عليها نويصر صكه ولاهوب جايبها

لتضحك هدى بغرور,,
:يوه ياعمه بموت اجي مبكر بس عيااا يقول هو عشا وش مغبشنا من صباح الله خير

ليحظر ناصر ويقبل راس عمته ام تركي ويلقي السلام على ام هادي باحترام وبصدق,,
:والله اني مجهز اغراضنا من فجر بس جاتني ام عايد وامسكتني من شوشتي الا تقعد

هدى باحراج,,
:ماعليج منه عمه هو اللي قالي نقعد ونجي قريب المغرب

ناصر بخبث فهو قرا الاحراج الواضح بصوتها ومن كلماتها ليزيد العيار حبتين,,
:لاوطاريلها مانجي ابدا" اليوم بس انا اللي اصريت نحظر العشا خصوصا" ان ذاالجمعه الحلوه ماتتفوت

هدى بحرج انا بادخل وين البنات,,
:ام هادي وهي تشير للخلف ,,
:ورا تعينينهم ورا البيت يجهزن بيشون مع العشا00

همت هدى للحاق بالفتيات اما ناصر فاخذ يتحدث مع امهاته بحب ,,





*******
*****
***
**
*




عند الفتيات اصوات تتعالى بضجه,,
واصوات تتهامس بهدوووووء’’’
وسميه لمعالي اللتي ترضع ابنها من صدرها,,
"متى الطلعه ياام هدوي00

معالي بضحكه,,
:المفروض اليوم بس سحبت على عزيز وقلت له ماتطلع المره الا باليوم الاثنين واربعين
ماابي افوت هالجمعه

وسميه بنصيحه,,
خلاص احظري العشا ودقي عليه فاجئيه تراا انتي زودتيها ورجلج وراه دوره اسبوع برااا
لاانتي باللي بتسافر عشان هدوي ولاانتي اللي ونست رجلها عقب كل هالوقت من الهجر

معالي بصدق,,
:اكذب عليج اذا قلت لج مانيب مشتاقه الا بموووت من الشوق خصوصا ان حمالي حرمني قربه
بس يااختي الليله تتعوض بس هاللمه والله ماتتعوض

وسميه بصوت منخفض,,
:بتنامين اليوم بالمزرعه ويانا00

معالي وهي تمد شفتيها بضيق,,
:عشان هالفصعون ماراح انام مافيه الا كم غرفه وبيزعجكم بارجع لبيتنا

وسميه,,
:ياخبل خليه عندي ودقي بالليل على رجلج وروحي وياه اي فندق او شاليه

معالي برفض,,
:لا يااختي فضيحه لاسالوا وين امه وش بتقولون هملت ولدها وراحت مع رجلها كانها سرووق00

حسنا تجلس بقربهما,,
:شفتي وسوم عجزت فيها اقول لها رووحي الرجال اكتئب كان حاسب على اليوم فاجاته الله يصلحها

منيره من بعيد,,
:بناااااااااااااااااااااات تعالوا برااا نشوي سوااا وناسه وناسه

قمن بمرح يركضن بشكل طفولي للوصول لمكان الشوي,,
اما معالي فجلست تحمل ابنها وهي تراهن بابتسامه’’’
والله ثم والله لو يقولي عزيز طلاقج اليوم ان تميتي هني لاتم,,

اما سارا وخلود وعليا من يمشين بعيدا" عن مكان الفتيات,,
حين روا ركض هيفا ووسميه وعبير ومشي حسنا ومها باستعجال وحذر’’’
اتجهوا بسرعه للمكان,,
:وش فيكم00

دلال وهي تنفخ على السيخ المليئ بقطع اللحم والطماطم والبصل,,
:وش فينا00 فينا ناقصات العقل اللي بغن يحرقني انا ومنور

مها وهي تجلس على كرسي احظرته لها سارا,,
:دلول انا اول وحده ترااا ورعي يطبل ببطني ميت من الجوع ويبي عيشه

حسنا وهي تقف بالقرب منهن,,
:وانا بعد محد احسن من احد

مها وهي تضع اصبعي السبابه تحت عينيها,,
:يمممممممممه من الحموااات شفتوا شغل الحموات تقلدني بكل شي

عليا بمرح,,
:لامهاوي ثنتين بعد خوات عليج يعني شكلج بترجعين مصر وتستقرين هناك

مها تضربها بخفه,,
:لاتذكريني بمصر واهلها--البي بيوجعني--

البنات بمرح,,
:الواد البوا بيوجعوا00وعايز حد يدلعوا
الواد بيؤول الآه__آآآآه

ولكن مااسكت اصواتهن المرحه,,
ذلك الهجوم الحاااد والغير متوقع’’’
وبصوت رجولي حاد,,
:طررررررررررررررم

تراكضن الفتيات لستر انفسهن باغطيه ودخلن للداخل,,
الا منيره اللتي تنفخ ببرود وهي تتغطى بطرف شيله فاضحه اكثر منها ساتره’’’
هادي بغضب وبرفقته مشعل وفهد,,
:منير00

منيره بتبرير,,
:في ذمتك وش تبيني الحق ذاالخبل واللحم يحترق00 خلني اخلصه اول

هادي يبعدها بيده,,
:قومي دااااخل

مشعل باحترام,,
:مسيتي بالخير ياام سالم

منيره باحراج فهي توقعت تواجد فهد فقط لاكنها لم ترى مشعل اللذي حظر بعد الشباب,,
:هلا والله مسيت بالرضا والعافيه شلونك بشرني عن صحتك

مشعل يقترب من هادي,,
:لاباس الحمدلله مانشكي باس

دخلت بسرعه للبنات الغاضبات,,
بل المشتعلات من الغضب’’’
دلال بحده,,
:خير ان شالله اخوكم يتبلع يوم خلصنا وتعبنا الشوي جايبه تركي لنا وللعجايز مهوب لهم وله ابو كرش

هيفا بغضب مشابه,,
:سخااافه يعني ماتعرفين هويدي00
بعدين وخير ياطير لاغنينا ترا حركتهم مفهومه يبون الشوي وبيروحون

وماان اتمت جملتها هيفا حتى غادر الشباب بضحكه ومعهم اللحم المشوي,,
لتخرج دلال بغضب شديد’’’
"خمستعش سيخ الله لايخسر خذوها ومابقى الا اللحم الني

البنات بتافف وهن يرجعن للشوي,,
كان ذلك على مراى من هدى اللتي حظرت للتو’’’
:السلام عليكم

دلال تنظر لها بحده وباقي البنات,,
:وعليكم السلام والرحمه

هدى تقترب من وسميه اللتي نادتها مكان القهوه,,
وسميه بتبرير,,
:هدوي اخبارج,ترا البنات مفولين من الشباب اللي سرقوا اسياخ اللحم بعد عنااء من الشوي

هدى بضحكه وبحب,,
:الله يجبر بخاطرج بصراحه شككت بنفسي اني مسويه شي من نظراتهم

معالي وهي تحظر للسلام بعد وضع ابنها بسريره,,
:حياالله ام عايد اسفرت وانورت ولو ان احنا شوي مظلمين

هدى تقف باحترام,,
:نورج حبيبتي وعلى البركه المظهار خارجه من كل شي

حسنا بمرح,,
:وش مظهاره عفنت ذي قولي عزتي لعبدالعزيز اللي ماتهنى بهالمظهار

هدى بمبالغه,,
:يووووووه علوي انا مااتم الاربعين الا حارقني ناصر بالاتصالات

حسنا تنظر لمعالي بابتسامه,,
:ايييي هو فيه احد مثل ناصر الله يتمم عليكم



ببقعه اخرى بعيدا" قليلا عن الشوي,,
سارا بضحكه,,
:علويه من صجج تبين تدخلين على هالاغنيه00

عليا بمرح,,
:ليش لا اني صادقه تهبل

خلود وهي تضرب عليا على راسها,,
:عشان طول ماانتي تمشين الناس يكحون من كثر ماانتي مغبره

سارا,,
:من الحين باشتري كمام لايجيني ربو من الغبار اللي طالع منها

عليا بضيق,,
:ليش بناات مو حلوه00

خلود,,
:علويه اولا هب السعد قديييمه ثانيا ماحبيتها شوفي غيرها او خلي الفنانه تدخلج احلى

سارا بتاييد,,
:اي صح احلى تدخلج الفنانه بصوتها وطبول حيه احلى بواجد

عليا,,
:وش رايكم تلبسون نفس الشي وياي00

لتنفجر كلا" من سارا وخلود من الضحك,,
خلود بمرح,,
:اي ويكتبون على عرسج العرس التراثي سنة الف وتسعميه واحطبه

سارا وهي تقف وتشير برفض بيدها,,
:لا لا مستحيل انتي من جيلنا00

لتقفا معها ويهما بالعوده للفتيات,,
وهن يتمايلن من الضحك من اقتراحات عليا الغريبه’’’

[إلميآسـه]

التتمه

*******
*****
***
**
*





يمشي بصحه,,
بالرغم من كبر سنه الا انه لائق جسديا"’’’
ويحب المشي والحركه,,
ومعه ابن اخته القريب لقلبه’’’
رغم كل عيوب جابر,,
الا انه اكثرهم وصلا" بخاله العزيز’’’
يعتبره ابيه الغالي,,
ليس مجرد خال محب’’’
بل اب شارك بتربيته ويستحق الكثير من الحب والعطاء,,
ابو ناصر وهو يقف ويمسك قنينة الماء من جابر,,
:بس يبوك تعبت خلنا نعود

جابر اللذي احظر صخره ليجلس عليها خاله,,
:اقعد ريح اهنا شوي عقب نعود

ابو ناصر مستجيبا" لراي جابر,,
:وهذي قعده00قلي وش علومك ياابو حمود متاك بتعرس وانا ابوك

جابر وهي يجلس على التراب,,
:متى ماالله كتب يبه

ابا ناصر,,
انت تدري ان مبارك محاكيني على العرس يبيني اخطب له وانت الكبير مااعرست

جابر وهو ينظر لبعيد,,
:خابر يبه بس مالي بارض على العرس الحين

ابو ناصر,,
:متاك يبوك بتسنع امورك لازم تركي اللي يركض لك في كل حاجه00

جابر بغضب,,
:هو اشتكالك يبه00

ابا ناصر وهو يربت على كتف جابر,,
:مااشتكى لي عيون واشوف,,ياابوك الرجال يجتهد ويمشي اموره بايده انا عارف انك ماانت بمرتاح
بوظيفتك وودك بالشركه بس ابيك انت تتحرك مهوب غاترني اني اعاونك واكلم معارفي بس ابيك تتحرك
ياابوك على ماقالوا--اللي ماله نجدتا" من ذارعه شربه من ايدين الرجال هماج--

جابر وهو يقف,,
: نعود يبه00

ابو ناصر بابتسامه,,
:عودنا يانفيسه



((المثل مقصود به::اللي مايقوم بحاجه بايدينه فماله من الرجاجيل الا حثالهم--بقايا مااشربوا))






*******
*****
***
**
*








هادي ومبارك بمشاورات جانبيه,,
:والله يااخوك ماادري بشوف وارد لك خبر

مبارك وهو ينظر لجابر القادم مع خاله,,
:صك على الموضوع ماابي جابر يدري

هادي بتغيير للحديث بناءا" على رغبة مبارك,,
:ماقلت لك ان ابو غانم خوي مشعل مرشح نفسه للمجلس00

مبارك بفرحه,,
:صحيح00 زيين زيييين اجل قربت الواسطه عندنا

هادي بضحكه,,
:افااااا عليك بناكله ابو غانم وبنذله باصواتنا ذالفتره عشان يتوسط لنا بكل محل
انا ودي اسافر سياحه بخليه يتوسط لي بالصحه موب هم يسفرون على الفاضي والمليان من عنده واسطه00

نايف اللذي حظر لاصطحاب عبير لكن ابو ناصر حلف عليه بالعشا,,
:وانا شباب بروح احف ليزر واسوي عمليه لخشمي وين تنصحوني اروح فرنسا والا لندن00

هادي يقف للسلام وهو يكاد يقع من الضحك,,
:خنز الليزر اصلا" بيخرب الجهازمن كثر شعرك يالمشعر

مبارك بمرح,,
:عاد نايف وش العمليه اللي بتزين خشمك00

نايف يتقدم بانفه لتحية كلا" من هادي ومبارك,,
:والله يابوعبدالله مايرد على حكيك بنشوف من اللي حفه ازين انا والا انت

هادي يضرب كتف نايف بقوه,,
:تخسييي الا انت صدقت نفسك تمزح معيي اصغر عيالك انا00

نايف بمرح,,
:لاجاني ولد بسميه هادي عشان اذله على ذاالاسم هويدي ووجع هادي جعلك ماتشيب
هادي جعلك السكسوين اللي تنحرك نحر وتطير عظامك في الشارع العام كله

هادي بصدمه,,
:اعنبوا المغل 00انت والله انك عجوز على ذاالدعاوي

نايف يجلس بقربهم وهو يرفع كتفيه,,
:ولدي وبصري به,, الا مبيريك متى بتخطب تراني بخاويك00

مبارك وهو يسكت نايف,,
:انطممم ماابي احد يسمع انا امي ماعلمتها ولاحتى عبير

نايف بغباء,,
:لاااااااا تراني قلت لعبير وانشبت لي تبي تعرف المره قلت لها ماادري

مبارك الذي يرمي نايف بعلبة السجائر,,
:يافضييييحه وش عليك تتفلسف على مرتك انت مالك سد00

نايف الذي يتناول سيجاره من العلبه ويخرج الولاعه للتدخين,,
:عادي عادي ياابن الحلال مسيرهم بيدرون,الا هادي متى بيسافر مشعل00

هادي بضحكه,,
:مانيب قايلك تروح تنشر الخبر الرسول وصى بقضاء حوائجنا بالكتمان وان دريت انت ماعاد به كتمان

حظر مشعل وجلس بقرب نايف,,
:حياالله نايف ولد ابو نايف اخبار عبدالعزيز 00

نايف بابتسامه,,
:ذليته بعرسي كل يوم ادق عليك اقوله جعلك تزوج عيال عيالك اللي زوجتني ذاالصايبه

مشعل بابتسامه,,
:عبوره ياحبني لها ذاالبنت

ليلكزه نايف بقوه,,
:انا يقال اني رجلها واغار تراني حمششش واخوف

مشعل,,
:روح زيييييين انت باصبعي اطرحك على جنبك بعدين عبير ياماااا قعدت على ذالحظن
وهو يشير لحظنه

نايف يقف بمرح,,
:بموووووت بشق جيبي يبي يقهرني ذاالرجال
الا شباب ليش شايبكم قاعد عند العجايز وانتم اهنااا00

هادي بابتسامه,,
:وانت وراك واقف اقعد تعشى بعدين اخذ عبير وحاسبها على كلام مشعل
ختمها وهو يغمز عينه لمشعل

نايف باستعجال,,
:لاوالله انا قعدت شوي من حلف الشايب بس انا مستعجل والله

مبارك يقف معه,,
خلاص انا بروح انادي عبوره ولايهمك

مشعل يقف معهم ,,
:اقعد يامبيريك انا بنادي عبير او بخلي سويره تنادي عبير لاني بروح اريح داخل تعبااان


ذهب مشعل للداخل لينادي عبير,,





*******
*****
***
**
*







عبير وهي تحكي للبنات عن نايف,,
هيفا بمرح,,
عبوووووور يازينه زينااااااااه تكفين تبادلين وازيدج

منيره بمرح مشابه,,
:ليه الاسكان انتم تبادلون بيوت وتزيدينها الحمدلله والشكر
عبور ماعليج منها انا شبه حره مابعد تحررت عطيني ذاالسنافي اوسع صديره ويوسع صديري

عبير تقف متخصره,,
:مووووووتن حره والله يبيع الدنيا كلها ولايبيعني

وسميه وهي تلكز اختها وعينها على البنات وبمرح,,
:خبل انتي شفتي ذاالعوينات النقب والله انها ولابازوكه تجيكم رايت عليج انتي ونويف ويطلقج

عبير وهي تضع يدها على صدرها,,
:صحييييح00 اجل منكد علي ويقومني بضربه ويرقدني على كفوف

عليا بحالميه,,
:الله الله الله على هيك رومانسيه بجد عبوره شوقتيني للعرس

معالي تلتفت على اختها وبهمس,,
:بعتي الحيا انتي00 لاتنسين ان مرة ناصر اهنا وهي تتصيد الزله

عليا بصوت عالي,,
:فديييييييت زول رائد وفدييييت من يسر فيه ويعرق

لتعود وتهمس باذن معالي,,
:بكذا لو بتحش تحش كلام صار مهوب تأليف

هدى تحظر خادمتها حقيبه كبيره,,
:بنات تبون جناط تقليد درجه اولى وشيال من الامارات00

حسنا تتقدم منها,,
:اي هدى ابي للدوام خل اشوف اذا عجبني شي شريت حبيبتي

دلال وهي تهمس باذن سارا,,
:عشتوا حتى وهي زعلانه ماخلت عادتها

سارا بهمس مشابه,,
:دلال تكفيييين لاتاخذين ذنب كيفها تبيع تشتري ماعلينا منها

لتفاجئ الفتيات ببضاعه رائعه,,
من الحقائب الغريبه والشيال الجديده’’’
سارا بهمس,,
بروح اشتري بصراحه ماتتفوت

دلال وبهمس مشابه,,
:مانيب بالتاليه

تنتقل الحقائب من يد الى يد,,
احيانا" تشد احداهن على واحده’’’
وتخطف احداهن واحده,,
وللتسوق المنزلي متعه رائعه’’’
قامت حسنا وبصوت مرتفع,,
:بناااااات بروح اجيب بوكي احد بيحاسب اليوم اجيب بوكه00

البنات بصوت واحد,,
:اي حسنا

لتخرج من الصاله الداخليه للمزرعه وتذهب للسيب الذي يضم الغرف اللاحقه بالمزرعه,,
لتفاجئ بجسده الضخم يضرب بجسدها الغظ’’’
رفعت نظرها اليه لتراه يضع يده على راسه وهو لايراها,,
لكنه شعر بها ولم يحب احراجها’’’
تغطت بطرف جلالها وهمست ببكاء,,
:ماتشوف يامشعل00

[إلميآسـه]

البارت التاسع عشر قراءه ممتعه



*******
*****
***
**
*



خرجت من الصاله الداخليه للمزرعه وذهبت للسيب الذي يضم الغرف اللاحقه بالمزرعه,,
لتفاجئ بجسده الضخم يضرب بجسدها الغظ’’’
رفعت نظرها اليه لتراه يضع يده على راسه وهو لايراها,,
لكنه شعر بها ولم يحب احراجها’’’
تغطت بطرف جلالها وهمست ببكاء,,
:ماتشوف يامشعل00

مشعل يلف بضيق بعد ملاحظتها القويه,,
فهو توقع اللقاء’’’
خصوصا بعدالمكالمه اللتي اتته منها قبل شهور,,


رأى هذا الرقم الذي يحفظه عن ظهر قلب,,
كيف أنسى رقمها00
وأنا حتى أدق التفاصيل مازلت أحتفظ بها بمخيلتي البسيطه’’’
كيف أنسى رقمها00
وأنا أرى من وراء هذا الرقم ملامحها اللتي لم ولن تمحى من قلبي’’’
ليرد باحترام,,
:يامرحبا بام خالد00!!!

كلمه استصعب خروجها من لسانه,,
لكنه الحل الوحيد ليدوس على قلبه مؤقتا"’’’
حتى ينتهي من هذه المكالمه المؤلمه لروحه,,
فصوتها مازال موجود بمسامعي’’’
لكنني أحتاج لانفاسها الحيه لتعيد ضربات قلبي للتوازن,,
بعد اختلالها من بعدها’’’

ليأتيه صوتها باكيه وبهمس,,
:مشعل انا تحلمت حلم شين فيك
وسالت الشيخ عنه وقالي ادعي للي ظهر للحلم معناه انه يمر بمحنه او مريض
صحيح يامشعل00

مشعل يقف يتوتر,,
لم يتوقع انكشاف هذا السر من من فرقني واياها هذا الهم’’’
كنت اتمنى ان يعلم العالم كله بمرضي,,
ولاتدري هي به’’’
فوقتها لن تعذرني على تخاذلني بحياتنا وعلاقتنا,,
اردت منها النسيان’’’
لاجد الاخلاص والوفاء,,
اتتها روحي الملوعه بالحلم’’’
لتكشف لها سبب فراقنا القهري,,
وكأن روحي تبرر خطأ اقترفته انا بحقها’’’
لكن00ماذا اقول00
هل أؤيد كلام حلمها00واحيا بسماحها00
ام ارفض خيالات هذا المنام00واموت بحسرتها00

مشعل بتوتر,,
:وش الحلم ياحسنا00

لياتيه صوتها ببكاء حاااد,,
:يعني صــــــــــــــــــــح00

مشعل بارهاق,,
:حسنا سكري الخط مهيب عدله تكلميني وانتي على ذمة رجال ثاني

حسنا بغضب وببكاء,,
:انت ماااااتحس00
وش جنسك00
خليتني ادور حول نفسي افكر وش الخطا اللي ارتكبته بحقك00
كرهتني بنفسي عقب ماعلقتني فيها
وطلقت من غير رحمه ولاحتى ابديت الاسباب
ويوم جيتك اسالك عن حلم انا متاكده من صدقه جاي تفتي على راسي00
الشره مهيب عليك00شرهتي على الغبيه اللي حتى النوم ماذاقته عقب ماكلمت الشيخ
ولعلمك انا كلمتك بنفسي مهوب لاني ابي اسمع صوتك
انا كلمتك لاني مابغيت احد يدري وانت مخبي على الكل
والدليل طلقتني ولابررت حتى لاقرب الناس انك اخليت سبيلي لانك راحمني من العيشه معك ومع مرضك
كاني مانيب قد الثقه
اسمعني وباقولها لك بالبونت العريض
ماعاااد لك بالقلب محل خلااااااااص

اغلقت الهاتف بوجهه,,
ليختنق بانفاسه القويه’’’
يحاول التقاط اي ذرت هواء فلا يفلح,,
اي قسوه امتلكتها تلك الحسناء00
هل حبها لي اوهام00
اوهمتني بحبها وعشقها لتسكرني حتى الانخراط باعلى درجات الثماله,,
ثم تسكب علي ماء بارد كصقيع ثلج لتصحيني بقسوه من حبها بكرهها لي,,

ام لذلك الرجل سحر ابطل سحر حبي لها00
اجننت انا00
قبل قليل اطلب منها مراعاة شعور ذلك الرجل00
والآن الومها على تلبية طلبي00

لكنها وصلت لربع الحقيقه00
اكتشفت لو القليل من سبب فراقنا الموجع00
لم لم اجد العفو والمسامحه اللتي توقعتها00
لم هذه القسوه00


ذكرى مرت عليهما سويا"00
موجعه مؤلمه لكنها وااقع عاشاااه

مشعل وهو يعطيها ظهره,,
:راسي يوجعني بس

حسنا ببكاء خافت,,
:بس يامشعل انا حفظت اعراض هالمرض تكفى وانا اختك تكفى طالبتك لاتهمل روحك
روح عالج سو العمليه المهم ترجع سالم ومعافى

مشعل بتهكم,,
:هامج يابنت عمي00

حسنا بمراره,,
:باكذب ان قلت تهمني شخصيا" ومثل اول اللي راح راح00انا ماراح احاسبك على ش مضى
خصوصا اني مانيب ندمانه على شي مرتاحه والحمدلله
لكن تهمني انت كولد عم-اخ-اعتبر نفسك بالنسبه لي شخص عابر سمعت ان عنده هالمرض

مشعل يلتفت بقوه,,
:عمري ماحسيت اني رخيص بعين احد مثل اليوم

حسنا بصوت مخنوق,,
:وانا عمري ماحسيت برخصي بقلب احد مثل يوم طلاقي والا نسيت00

مشعل تشتد ملامحه بسبب الم راسه القوي,,
:حسنا انا تعباان وجاي ارتاح خلي عبير تطلع لنايف وانسي وياليت تسامحيني يابنت عمي

ذهب وتركها,,
وقعت على الارض وبكت بقوه’’’


ايعقل ان التقي معك بموقف كهذا00
ان نكون اغرااااااااااااااب00






*******
*****
***
**
*






الفتيات بعد العشااااء,,
عبير تذهب مع زوجها’’’
دلال ترافق تركي لاحدى الشاليهات برغبه منه حيث تركوا الاطفال برفقة سارا,,
مهاااا تهم للراحه والنوم’’’
امااا ساراا فاخذها عالم النوم عن سهرة بنات عمها ووسميه,,
حسنا وجدتها منيره تبكي فهمت الأخيره الى ضمها لصدرها بالم’’’
لتسرد عليها حسنا وقائع لقائها المشؤوم,,


:مارحمني لااول العمر ولاتاليه يامنووور

منيره بتعقل,,
:يابنت الحلال هو خلاااص انتهى من حياتج وش تترجين منه وهو مريض يطبطب عليج وهو يبي من يواسيه00
ارحميه ياحسنا ولاعاد تواجهينه ولاتكلمينه
كفايه انه بداج على روحه اللي ميته عليج واعتقج عشان تشوفين حياتج
يعني هذا جزاه منج تجرحينه كذاااا00

حسنا بالم,,
:ماعااد هو برجلي ولاله حق يسمع مني كلمه حلووه
حتى لو مواساه

منيره وهي تربت على ظهر اختها,,
:بلا قساوة قلب ياحسنااا رجال كنتي نور عينه هذا وانتي اول مادريتي بمرضه بغيتي تموتين
وانهرتي قدام مشاري حتى00

حسنا بوجع,,
:تبيني اقوله احبك وقلبي ماكلني عليك يامشعل00

منيره بتفهم,,
:لا بس ماتقسين عليه ,,على العموم اعتبريها مواجهه كنتوا محتاجينها جات زينه والا شينه
المهم انهى جات عشان تعرفين انه ماضي وراح

حسنا تتنهد بصوت عالي,,
:الله يشفيه يامنيره الله يشفيه

منيره بابتسامه,,
:آميييييييين يارب العالمين
يلا قومي غسلي وجهج وصلي ركعتين وتعالي نستانس ماعاد فيه الا احنا ووسوم
وهدوي جاانضم للعايله

حسنا وهي تمسح دموعها وبابتسامه,,
:صحيح00
وباقي العيال00

منيره وهي تقف,,
:مشعل نام00فهد ودا امه للبلاد ناسيه ابرة السكر00تركي هج ويادليل00جابر رجع امه للبيت
مبيريك بيمر اخوياه بمخيمهم وبيعود ينام هني وابو عايد نام اممممم من بعد

حسنا بضحكه,,
:خلااااص حشا نشرة اخبار ماصدقتي احد يطلب منج علووووم

خرجت منيره لباقي البنات,,
اما حسنا فهمت للوضوء لغسل وجعها بطهر والتوجه للباري بخشوع00

ليوقفها صوت هاتفها,,
نور عيني يتصل بك00
ابتسمت بحب,,
اليوم فقط اكتشفت ان لارجل سواك يستحق حبي’’’
ردت بوله,,
:لبى والله قلب المتصل وفديت روحه

ابتسم مشاري الذي خرج على عجل من مكان تجمع اصدقائه,,
:لبى والله قلبج انتي,,وش ذاالترحيب الحار00
تراا قليبي على طريف يروح فيها

حسنا تبتسم بحب وهي تنظر لوجهها الباهت من اثر البكاء بالمرآه,,
:باسم الله على قلبك وروحك وسوحك علمني وش اخبارك اشتقت لك

مشاري يبتسم وهو يرفع حاجبه,,
:اشتقتيلي والا حكي00
اذا مشتاقه لي صحيح باجي دايركت على المزرعه واخذج

حسنا تضحك وهي تجلس على كرسي قريب منها,,
:لا لا لا الله يخليك خل شوقي على جنب ماعليك مني انا اليوم ناويه على هدوي ياقاتل يامقتول

مشاري وهو يجلس على مقدمة سيارة بتال زوج اخته,,
:بتحاكيه بويش 00 هذا ماينتفاهم خليه علي

حسنا بمرح,,
:اخليه عليك لاعزالله دخل بكره هدوي

مشاري بخبث,,
:ياانا بقوله حكيييييي عن العرس والله ان000

حسنا تسكته ووجهها يشتعل من الحمره والخجل,,
:بس بس انت خلقه جريئ وش لون لاجابوا طاري العرس

مشاري بحب,,
:مابقوله شي غلط باقول اعرس مثل عرسي والله ان ترد روووحك ولاعاد تداني طاري العزوبيه


مشاري لم ينتبه لبتال الواقف بقرب باب سيارته ,,,
وماان سمع حديث مشاري مع زوجته’’’
ركب بالسياره بخفه وشغل محرك السياره بعجل,,,
قبل نزول مشاري ليحرك السياره حركه للامام خفيفه’’’
كاد ان يقع منها مشاري,,
ليصيح على بتال بغضب,,
:بتيل وسلااال

بتال ينزل من السياره وهو يضحك,,
:ماادري حسيت مع جو هالغراميات اعطيك دافع للامام بالسياره كود تطب على وجهك انت والمدام
وتهون تركب على وجه موتري مره ثانيه

مشاري وهو يغلق الهاتف من حسنا,,
:قسم بالله روعتني ماحسيت الا السياره مشغله متى طلعت

بتال يجلس بقرب مشاري على مقدمة سيارته,,
:يومك تقول للي بالي بالك00والله ان ترد روووحك ولاعاد تداني طاري العزوبيه

مشاري وهو يمشخ مقدمة السياره بهاتفه,,
:اي زين اشوى ماسمعت اللي قبله وفر هاربا للداخل

اما بتال فوقف لينظر لسيارته بغضب,,
:ايا الهيس الاربد خربت صبغة موتري 00

ولحقه على عجل لاكمال مزاح الرجال القريب للعراك,,,











*******
*****
***
**
*











يسهرن سويا يتسامرن تاره وتاره اخرى تتعالي اصواتهن
هيفا تتحدث بالهاتف مع طلال,,
:طلول فديت زولك ابي اسهر بالمزرعه تعال اخذني الفجر

طلال بنفاذ صبر,,
:انا قلت اني برا ان ماطلعتي تبيتي اطلعي بس انتي وخلي البزران عند خواتج

همت لارتداء غطاءها كاملا",,
لتخرج على مراى من اخواتها ووسميه المستنكرات لانصياعها لاوامره’’’
فمن تبدل تماما بعد مرحلةالانقلاب الاخيره هي هيفا,,
اعلنت الاستسلام على يد طلال’’’
اللذي استطاع اقتناص نقاط ضعفها بسهوله ,,

فهي تعشق نفسها ,,وتحب جمالها الواضح ,,كما انها تهوى فرض سيطرتها على من حولها00
000000لكن طلال ابدل هذه المفاهيم بحنكته 000000000
فامامه0000000
تعشقه هو ,,وتحب وسامته البائنه,,كما انها تهوى فرضه سيطرته عليها00

تحاول مجاراته والانصياع له ,,
ليتركها بسلام بين يديه مكان تهوى المكوث به’’’
وبالرغم من الشرخ البسيط والحاد بينهما بسبب تركه وظيفته,,
وبالرغم من احتدادهما بالحديث ونشوب الخلاف بنهاية كل حوار’’’
لكنها لاتنكر ان السيطره باتت بيده,,
وهذا ماتهواااه حاليا"’’’

خرجت مسرعه ركبت السياره والتفتت اليه,,
:آمر

طلال امسك يدها ,,
:اووش بنروح مكان لازم انتي اول من يشوفه ابيه يتبارك

هيفا تلف راسها بزعل,,
:الحين مافي اسلوب تخليني اطلع لك فيه وبهالوقت الا كذا ليش تحب تفشلني وتعلي صوتك

التفتت اليه ثم اردفت,,
:لا وتكمل حرب هالنظرات اللي تذوبني

طلال اللذي كان ينظر لها بحالميه,,
:ياقلبي احب اسوي اكشن على قولتج وبعدين تعرفين اسلوبي ماله علاقه باللي بقلبي ابدا
فاستحمليني حبتين ولاتنسين انج مزعلتني اليوم

هيفا بتساؤل,,
:انا00
مهوب راضيتك قبل لانطلع وقلت لي خلاص00

طلال وهو ينظر للطريق,,
:حتى ولو للحين ماانسى اهانة بنتج العوبه اجل انا اسير سوااق00

هيفا بضحكه,,
:وش فيه لاصرت دريول لعيون اللي يحبونك بدال قعدتك بالبيت00

طلال صمت لان ماعكر صفوهما تلك الفتره00
اليوووم سيكون سبب رئيسي بقربهما00

ذهبا الى مبنى قليل عليه رائع,,
نزل وانزلها معه’’’
عارضت بالبدايه فالوقت متاخر والمكان بدا لها مظلم ومخيف ,,
لكن00
بماانها برفقته فبالتاكيد هي بامان’’’
دخل وفتح الباب والانوار لتقف مبهوره,,








*******
*****
***
**
*







اصواتهن تتعالى وهن يلعبن سويا لعبة((الاونو)))
خلود تصرخ بوجه منيره,,
:ياغشاشه انتي ساحبه ام اربع من السحبه انا شفتج

عليا تضرب منيره بكوعها,,
:ام ومربية اجيال والجنه تحت اقدام الامهات وتغشين

معالي تسحب الورقه اللتي سحبتها منيره بهدوء,,
:يلا كملوا بلامواعض بلا بطيخ

تراها حسنا وتضحك على حال اخواتها ,,
فلا تخلوا العابهن من التحايل واطعام اللعب اسلوب الفكاهه والتشويق’’’
وتجلس بقربها وسميه من تراقب الوضع بهدوء,,
وهي ترتدي غطاءها لاحتمال دخول هادي عليهن’’’

دخل عليهن هادي وجلس يلاعب اطفال اخواته قليلا ثم جلس بينهن,,
:ارجعوا وزعوا اللعب بالعب معكم

منيره باعتراض فهي تعلم قسوة هادي ان لم يكسب اللعب,,
:لا اللعبه لعبت نسوان انااااااااااااث رجاءا" انت العب
مع عيالي صقووور بيعجبونك

اخذ الورق وبدا التوزيع,,
ولعبن معه رغما" عنهن’’’


هادي يضرب خلود على راسها,,
:انتي ياام راسين تفوزين علينا خمس مرات00
اخوك ياصبي انا ابو شنب اللي اسدح
الشباب بالدوانيه واغلبهم بكل الالعاب تغلبني ام سنه ونص00

خلود باعتراض,,
:لاحبيبي انا الحين ام سنتين عديت النص هههههههههههههه


هكذا هي السهره رائعه بها دفء وحنان رائع,,
قطع اللمه صوت حسنا اللتي وقفت ومدت يدها لهادي,,
:هدوي ابيك شوي باستشيرك بشي يخص مشاري


هادي يقف مستجيبا لحسنائه ,,
ذهبا الى المجلس الداخلي ’’’
اغلقت الباب واقتربت من مكان جلوسه صمتت قليلا,,
ثم,,
:هدوي وش رايك باقتراح امي اللي صار بايت وقديم عندك00

هادي يحاول تذكر ماتصبو اليه حسنا,,
:حسون ممكن الاتصال بصديق00؟ قولي وش عندج00

حسنا تبتسم لدعاباته ثم تعود ملامحها الى الجديه,,
:هادي اقصد موضوع زواجك من سارا بنت عمي

هادي باعتراض واضح,,
:لا ولا ولا وانتهينا

حسنا بمحاوله اخيره,,
:هدوي البنت فوللي على قولة اهل النيل 00وعسل عيبها الرجفه بس


هادي بمصارحه,,
بس انا خاطري بوحده ثانيه!!!

[إلميآسـه]

التتمه


*******
*****
***
**
*











التفتت اليه والدهشه اكتست وجهها,,
:هذا المبنى من هو له00

ربما بداخلها يقين بانه ملكا" له,,
ولكنها تحتاج للتاكد بنفسها منه’’’

بفخر بدا جليا" عليه وعلى صوته,,
: لابو عيالج ياقلبي

هيفا لم تكن ردة فعلها متوقعه منها شخصيا",,
فهي بداخلها سعيده جدا" جدا" بان زوجها لم يترك وظيفته عبثا" ’’’
بل لانه يخطط لتأمين مستقبل رائع لابنائه ولها,,
لكن مااشعرها بضيق وحزن عكس سعادتها هو اخفائه هذا الامر عنها’’’
وقفت مقابل وجهه بعدما نزعت نقابها ليرى ملامحها جيدا",,
وهي تنقل له مايجول بداخلها بشفافيه فهي عودت من حولها على صراحتها’’’
ووضوحها,,
:اولا الف مبروك على هالشغل 00
صدقني مااحد راح يفرح الحين ويرتاح قدي لاني تطمنت على مستقبل عيالي وعرفت سبت تركك لوظيفتك
المفاجئ واللي اشغلني طول الفتره اللي طافت ولعب باعصابي

سكتت ثم رفعت عيناها لتواجه عينيه المتسائله,,
المتسائله عن سبب الدموع اللتي تتجمع بعينيها ’’’
معلنه سقوطها واحده تلو الاخرى,,
واردفت,,
:بس انا اللي حاز بخاطري ومضايقني ومخليني ماني بحاسه بالوناسه,, اني صفر على الشمال بحياتك مالي وجود ولا راي
لاتشركني بخططك ولابحياتك ولا بشي حتى بتربية الجهال انت الكلمه الاولى والاخيره لك وانا يادوبي ااكلهم والبسهم مع اني
بحياة كل اللي حولي الكل بالكل وماحد يسوي شي الابرايي وشوري بس انت 00000
استقلت وجيت كانك مبشرني وانا على اعصابي اسالك
وش السبب 00
تقول تعبت ماقلت لي ببالي مشروع وناوي انفذه ,,
يعني بذمتك مارحمتني يوم اني ميته من القهر ولا طمنتني00
ومع كل هذا وذاك خليتني استقيل بسهوله ماتقول لي ليش سويت كل هذا 00
انت ناوي علي00


طلال متفاجئ-مصعوق-غير مصدق----فما كان ينويه غير مارآه بكثير,,
اراد حقا مفاجاتها’’’
اراد اسعادها,,
يعلم بانه اخطا بشده لعدم اخبارها بفكرة المشروع’’’
لكن لم يقصد تنحيتها على جنب,,
او كما تسمي نفسها صفر على الشمال بحياته’’’

امسكها من يدها واجلسها باقرب صوفى لهما وجلس بجانبها,,
احتظنها وتركها تبكي’’’
ثم رفع راسها,,
:حبي انا آسف000
ادري اني غبي ولا عرفت اتصرف صح,,
بس اللي انتي تشوفينه ان احنا بوكاله لبيع وتاجير السيارات
يعني لو استشرتج ماراح استفيد شي,,
وبصراحه ردة فعلج من خبر استقالتي وصياحج وقتها نرفزني ,,
وانتي تعرفيني مااحب المره تصيح بوجهي ,,
والا انا كنت ناوي ابلغج بشغلي بس لهيت والله بالمبنى والشغل عشان يخلصونه باقرب فرصه,,
هيوفه ,,
ادري اني مااعرف اسوي مفاجآت ,,
بس اقسم لج بالله ان عمري مااعتبرتج هامش بحياتي انتي بالنسبه لي الكل بالكل
يمكن انا طبعي حار واحب اتدخل بالكبيره والصغيره ,,
وللاسف مااحب استشير احد لكن هذا انا يعني عقب كل هالسنين ماعرفتيني00
اذا انا حفظتج صم 00انتي مابعد قريتيني او فهمتيني00

يرى عينيها الدامعتان ,,
يعلم بانها ذو طباع قويه وتحب بان تكون القائد المتحكم بكل شيئ’’’
لكنه يحمل نفس صفاتها بل اشد واقوى,,
ولن يسمح بان تعامله كغيره وتتحكم به وبافكاره’’’
يريد ان يتميز حتى بمعاملتها معه يجب ان تميزني عن غيري,,
احب امتلاك هذه المراه,,
بل وان ارى نظرة العشق المنكسره’’’!!!
ونظرة الحب والوله ,,
انا هكذا00رجل شرقي بطباعي’’’
لكن رغم كل هذا اعشقها ,,
والاهم بانني محظوظ بامراه قويه وذكيه مثلها ’’’
استطيع الاعتماد عليها وقت حاجتي لها,,



قطعت عليه غوصه في اعماق بؤبؤ عينها,,
:طلال انت لو قلت لي بس ان ببالك مشروع صدقني ماراح اسال,,
اما انك تجيبني هني وانت باني وخالص لا حتى السيارات استوردتهم وخلصت,,
وش حاجتي اجل 00 ,, تبيني امثل الوناسه00 ,, وانا حاسه ان مالي دور او اهميه عندك00
لاتقول اني انشغلت او هالسوالف على الاقل قول لي لو شي بسيط موب تخليني ادري حالي حال خلق الله00


طلال وهو يمسح على خدها برقه,,
:حبي هيوف ,,
انا لو عادج مثل خلق الله صدقيني ماتقعدين عندي دقيقه وحده ,,
لو مااحبج ولا لج اهميه عندي ماخليتج على ذمتي,,
انا اعترف اني غلطت اني مابلغتج بس لاتنسين انج من يوم استقالتي وانتي متنشنه علي حتى مابقى احد ماتشكيتيله مني
وماعطيتيني فرصه ابرر لج هذي عاد غلطتج وانا رجال حار لاتتوقعين انج ترفعين صوتج علي واجيج ثاني يوم عادي عندي


هيفا منهيه الحديث لانها لو اكملت معه الحوار فهو المنتصر لامحاله,,
:خلاص طلال جعلك تتبارك بها الله يعطيك خيرها ويكفيك شرها,,
ماابي اعكر مزاجك وانا اللي المفروض اكثر انسانه تفرح لك ,,
-قبلته على خده- واردفت مبرووووووووك وابشر بهديه تستاهل
افتتاح هالشركه ,,
الا ماقلت لي من وين لك الفلوس 00 والا متى جبت هالسيارات00



طلال يقف ليجلب لها ملفا" ويعود للجلوس بجانبها,,
:عشان ماعاد تقولين ماياخذ رايي ومهمشني خليني اعطيج التفاصيل,,
هذا الله يسلمج انتي عارفه اني رجال الحمدلله مقتدر واجمع من معاشاتي وغير كل ذا وذا اشتري وابيع بالسيارات والاراضي



هيفا تهز راسها مؤيده ثم اردف,,
:وجدي الله يحله ويبيحه لان امي بنيته الوحيده كتب باسمي عماره بالسعوديه
ولها باقي عمايره عاد انا بعت الاراضي اللي كانت عندي على الشويتين اللي املكهم ومساعده من اهلي شريت الارض ,,
وخليت خويي وليد يصمم لي المبنى وبناها لي وبقاصده ,,
واتفقت مع وكاله تاجرني سيارات ابدى ااجرها وشريت كم سياره ببدى فيها,,
وان شالله ينجح هالمشروع لاني سويت له دراسه وتعبان عليه ,,
وامي ماقصرت قالت انت اشتر وانا بغطي خسايرك لو خسرت بالبدايه لين اوقف على رجيلي
ويكون لي اسم بالسوق,, الحين اتضحت الصوره00



هيفا بابتسامه ,,
:ولو 00مازال قلبي زعلان ويبي قلبك يراضيه


طلال يقف ويسحبها معه للخارج هيفا تقف لترتدي نقابها ثم تخرج معه,,
:وش فيك بصراحه بعجز لين افهم وش تبي انت00


طلال مبتسما وهو يقفل باب المبنى ويعطي الحارس المفتاح,,
:ارفعي راسج وشوفي لوحة الشركه واكيد قلبج بيرضى


رفعت راسها وقرات ماهو مكتوب على لوحه الشركه,,
((شركة t&h المحدوده لبيع وتاجير السيارات))
انا 00
انا المقصوده00
فمن بعائلتنا من تحمل مثل حرفي00


طلال بحب,,
:عشان تعرفين انج الكل بالكل بحياتي












*******
*****
***
**
*








منيره كانت قد ذهبت للاطمئنان على ابنائها,,
وجدت هاتفها ينير’’’
اخذته لترى اسم فارس,,
فردت بحب,,
:ياحياالله اللي اسمه نور شاشة الجوال

فارس بدعابه,,
:اي العبي علي اصلا الشاشه تنور باسمي والا بلياه

منيره بضحكه,,
:فارس مشهى لي ابي ادقك فرشات لان عندي طلب صغنون لك عقب

فارس وهو يبتسم,,
:ام سالم تامرين على الغالي وش بين

منيره تجلس على الارض,,
:اولا مسيت بالخير00اخبارك وعلومك ووشلون عمتي وعمي

فارس يسكتها,,
:بس بس خليني اركز على اول سؤال
انا بخير وامي وابوي طيبين
انا وعويلنا وش علومكم

منيره بمرح,,
:اهااا جيت على الوتر الحساس
عويلكم هم اهل الطلب مهوب انا

فارس وهو ينزل من سيارته ليدخل لمجلس بيتهم,,
:اذا الطلب لهم هونت اكييييد كويت ماجيك والا مرح لاند

منيره بضحكه,,
:لا لا والله لاذي ولابنت اللذي

فارس وهو يجلس ولم يلحظ وجود مترك,,
:ها وش احس الغاز مهوب طلب

منيره وهي تنظر لابنها فارس,,
:ولو تدري ان راعي الطلب سميك والله ان ماترقد لييييين تجيبه اول ماتفتح المحلات

فارس بحب,,
:لبى والله قلب السمي,,وفدييييت الطلبات وراعيها قوليلي يامنيره والله ان يخلق له لو ماعينته بالسوق


مترك كان يقرأ الجريده بهدوء,,
انتبه لدخول أخيه وهو يتحدث عبر الهاتف’’’
ابتسم لانه يظن بان المكالمه طيش شباب مع احدى الفتيات,,
لكن ماشل تفكيره اسم من عاشرت طيشه وشبابه بحلوه ومره’’’


منيره بصوت منخفض,,
:يبي يلبس ثوب ويقول لونه مثل لون ثوب عمي فارس
عاد انا حست ادور قماشك بالسوق ماحصلت وطارلي بادق عليك اسالك من وين
الا انت داق علي

فارس يبتسم وهو يمسح على راسه ثم انتبه لتلك العيني اللتي تراقب الوضع بضيق
فغابت بسمته وتنحنح,,
:احم احم خلاص ام سالم ابشري مره ثانيه ارسليلي وانا حاظر افصل له بدال الواحد عشره

منيره بضحكه,,
:تدري فارس عندي احساس انه دخل عليك احد على العموم يبشرني بسلامتك يارب والله اني مستحيه منك
بس هو مات الا هالقماش وهاللون مع انه بزر بس يقول ابي مثل فارث هههههه

فارس يضحك بقوه,,
:تم تم بديب لفويرث مثل فارث

اغلق الهاتف ورفع نظره لاخيه,,
:ام سالم تبي00000

مترك يقف بضيق,,
:يعني ولدي ولاتطلب مني انا افصل له00
انا فويرس اصلا" خابره مايلبس ثياب وفصلت لاخوانه وخليت ابداله على امه
بس انها توصل فيها تطلب منك تفصل له وانا عايش00

فارس يقف ويمسك يد اخيه,,
:استهدى بالله ياابو سالم انت الكل بالكل بس ام سالم مااتصلت انا داق ناويلي بقول لها اني
بمرهم عشان اكلمها لان فارس يبي مثل ثوبي الكحلي المخطط انت خابره00
حتى نسيت لااقول لها اني بمركم

مترك يخرج وهو يرتدي طاقية راسه على عجل وشماغه على كتفه,,
:انا لي كلام ثاني معها اذا انا من الحين مهمش حتى الطلب التافه تطلبه من عمه
كان ابوه ميت اجل لو طلقتها صحيح وش ناويه عليه

فارس يلحقه ليمسكه بقوه,,
:مترك وش ناوي عليه انت الله يهداك المره بمزرعة عمها والا نسيت00

مترك بغضب,,
:بدقيقه انا هناك ولامانسيت وش حاجة الجوال اللي عند سلوم اذا ماعرفت اخبار عيالي00

فارس بتهدئه وهو يشير بيده ,,
:هد هد انا بدق عليها وكلمها من جوالي ولاتروح تفضح نفسك وتفضحها باهلها

مترك بهدوء,,
هات بلاك 000

فارس بضحكه,,
:اي والله انه بلااا بس منت بماخذه الا اذا دخلنا داخل وهديت شوي ترااا الموضوع مايستاهل وانا اخوك

مترك يجلس باريحيه,,
:انت تشوفه مايستاهل يافارس بس انا تضايقت من هالحركه
يعني ابسط شي مانيب قادر اجيبه لولدي وشلون بعدين
ماتخيلت يااخوك يجي يوم وتطلب من غيري شي لعيالي انااا00

فارس بابتسامه وهو يتصل على منيره,,
:مترك هااااك البلاا ههههه






*******
*****
***
**
*










حسنا بدهشه,,
:في ذمتك ياهادي00

هادي يتنهد براحه,,
:والله ياحسون اني مرتاااااح لها
صليت الاستخاره بدال المره مرااااات والحمدلله مرتااااح

حسنا تفكر بصمت لبرهه ثم تساله من جديد,,
:انت متاكد انك تبيها00

هادي يضرب وجهها بكف خفيف كالنسمه,,
:ابي امها فوقها بعد

ابتسمت حسنا ثم اردفت,,
:بس ماتوقعتك مع هذي بالذات احس اممممم احسسس ياربي فرق

هادي بحب,,
:عجبتني ياحسنا ومرات الفارق بين اي زوجين هو اللي يعطي حياتهم نكهه

حسنا بتصفير,,
:اوووووه حركااااااااااات

هادي يقف ويشدها معه,,
:امشي نقول للخبل اللي برااا والله يعيني على السنتهم

حسنا وهي تلوي ذراعها بذراعه وتسند راسها على كتفه,,
:يالله احلى خبر ياهدوي وربي انه احلى خبررر

هادي يمسك وجهها بحب بيده الحره,,
:المهم جهزي اسلحتج عشان الصواريخ اللي برااا الله يعينا عليها

حسنا تضرب كتفه وهي تضحك,,
:مالي شغل بصرك انت وخواتك,,الا امي عطيتها خبر00

هادي وهو يهز راسه,,
:اف كورس هي اول المهنئين مع انها عارضت بالبدايه

حسنا بابتسامه,,
:والله المعارضه صحيح اللي براا الله يواجرك

هادي يقف ويلفها لتقابله,,
:ابي اعرف معارضه وحركااات لييييييييه00

حسنا تتخصر,,
يعني بذمتك لو قالوا لك بنزوج خلود من خويك علي عادي عندك

هادي برفض,,
:طبعا" لا علي كبير وخلود بزر

حسنا,,
:اهاااااااااا طيب نفس الشي ماغلاوي كبر اختك

هادي يبتسم وهو يرفع حاجب وينزل الآخر,,
:بس انا غير على ماقالوا جده غير

[إلميآسـه]

البارت العشرون00




*******
*****
***
**
*





عشر أعين تلتفت عليه بصدمه أكتسحتها,,

هادي بمرح,,
:وش فيكم قلت منكر أنا00

معالي تقف متوجهه اليه لتقف يمينه,,
:هادي أنت من جدك والا تمزح00

تتبعها هيفا تقف على يساره,,
:هدوي مالقيت الا هذي أبد أبد ماتصلح لك

هادي بضيق,,
:لاحول أجتمعن ريا وسكينه بصري أنا جاي أبلغ ماطلبت رايكم

منيره تتبعهما لتقف أمامه مباشره,,
:حبي قلبي حياتي غلا بزرررررررر كبر خلود أنت ناسي أنك مربي خلود 00
بعدين فرق شاسع بالشخصيات بينك وبينهاترى ,,
تو ماتغطت عنك من أربع سنين والا ناسي طلعت البر00



ابتسم لهذه الذكرى من أربع سنين في البر,,


يقف بالقرب من سيارته اللتي ترجل عنها’’’
ليتأكد من صوت سمعه بها ليلتفت الى أصوات خلفه ,,
اذ بها أخته خلود ومعها فتاه طويله تشبه كثيرا" رائد’’’
بالتأكيد انها أخته ,,

طويله ترتدي حجابا" وبنطلون جينز فوقه قميص طويل يصل الى نصف فخذها’’’
تجري قليلا وتقف فجأه وهكذا,,
ضحك على شكلها فما اتضح أمامه أنها نسخه أنثويه من محمد أخيها ’’’
أراد أن يذهب ليراها عن قرب,,

لايعلم لماذا00
هل هو فضول00
أم شعور لم يفهمه00
اقترب منهما بسيارته ’’’


غلا موجهه سؤالها لخلود,,
:وع من سيارته هذي الخايسه00

خلود بفخر ,,
:هذي وانيت أخوي هدوي حبيبته هذي

غلا بقرف,,
:أخيييييييييييه جعل أمحق سياره,, بس شكل اللي فيها مزيون

خلود وهي تنظر لهادي بحب,,
:والا فيها هذا هدوي عين السيح دلوع ماماته وخواته فديت زوله

وصل اليهن بسيارته وبصوتها المزعج ,,
:بنات وش مبعدكم عن الخيام00 أركبوا معي أرجعكم

غلا بهمس,,
:يالبييييييييييييه زين الزين

خلود تلتفت اليها بغضب ثم تعود وتقول لأخيها,,
: هدوي طلبتك خلنا بنستانس زهقنا من حكره الخيام

هادي بحزم,,
:أخلصن علي سواق أبوكن أنا بسرعه أركبن

خلود وهي تفكر ثم قالت,,
:خلاص بنركب ورا لأن غلا تستحي

هادي وهو يعبث بدرج السياره,,
:عجلن يلا وراي شغل

لكزتها غلا وبمرح,,
:من قال استحي كان خليتيني أركب قدام وأتخيل أني ماخذته وجنبه ببريقعي قاعدين حول دبشنا
واااحلالااااه

خلودبسخريه,,
:اتحلمين تاخذينه هادي أضرب عن العرس عقب ماأعرست دلول بنت عمي خلاص راحت عليج

ركبتا بالخلف وهو يراقبهما بابتسامه,,
:والله لاأعزر فيكن

لم يتمسكا بعد بالحديد بين المركبه الأماميه والخلفيه أو ماتسمى ((بالدبه)),,
وهو تحرك بسيارته مسرعا" لتقعا الأثنتين ثم يقف وهو يضحك على أشكالهن,,
:الحمدلله ياخبل أنتي وأياها تمسكا" زين

خلود تتمسك بقوه,,
:أنت أصبرت أعوذ بالله مستعجل على وش00

وتتمسك غلا بالحديد بجانبها,,
:خليه حلال على قلبه أحس أني كنت أنط على ريش نعام وناسه

خلود بانتقاد,,
:الحمدلله أنتي أستخفيتي مصدقه روحج مستانسه00
أسكتي عني بس أعرف هادي لابغى يستخف دمه نروح ضحايا,,أحنا ياخواته ماسلمنا منه عليه دفاشه أعوذ بالله

لم تتم جملتها الا وصوت الأغاني تصدح بالمكان,,
((يوم الخميس اللي يجي واعدوني 00000احبابي اللي دونهم ترخص ارقاب))
((كافي مضت ايام فيها فقدوني00000عقب القهر مشتاق والشوق غلاب))

خلود تضرب رأسها على الحديد الفاصل بينهم وبينه بخفه,,
:ياربي ياربي على ذوقه عدمممممم
كسرات 00 اغاني شعبيه متى بيدل طريق الجسمي والا راشد الماجد

غلا بحالميه,,
:بالعكس أحلى أغنيه سمعتها بحياتي بصراحه معبررررره من ألحين ماعاد أسمع الا هالنوعيه رووووح


انزلهما عند الخيام ,,
لكن غلا قبل دخولها الخيمه تعثرت بالحبل المثبت للخيمه ووقعت’’’
لتقف بكل عزه مع طولها الفارع تنفظ الغبار وتدخل بثقه,,

هادي بضحكه,,
أهبي هبتتت ولاكنها تأثرت ابدا"

مشهد لم ولن ينساه أبدا"


يعود من ذكرياته على صوت منيره المطبع بالسخريه,,
:هدوي نسيت والا أذكرك من أربع سنين يوم طاحت من الطنب حق
الخيمه 00 ,,أقولك مطفوقه خبل مرجوجه وش تبي00

ضحك فهو يتذكر هذا الموقف جيدا",,
:وش أحلى من هالصفات خليها علي أنا بعوجها زياده عن ماهي عوجا
وبخبل بها مهوب أنا راضي

خلود مؤيده لكلامه,,
:بصراحه غلاوي تووووووووحفه وبتجيب راسك أعرفها

هادي بابتسامه,,
: حلالها المهم أن هالبنت في خاطري من زمان وسألت حسون عنها وأيدت رايي وأمي ماعارضت
وباركت لي وش أبي أكثر من كذا وكفايه أن رائد أخوها من غير قصور بمشاري ومحمد بس رائد غييييير

عليا تبتسم بخجل فهي منذ وقت تشعر برضى عن قرارها,,
بعد ان علمت بالتزامه ’’’
فماتمنت طوال عمرها ان ترتبط برجل متدين,,
وهو صوره مخالفه تماما لجابر’’’
--الحمدلله اللي فكني من شر جويبر ورزقني برائد--





*******
*****
***
**
*







باركت له وسميه بحب فهادي نموذج للأخ الذي تتمناه أي فتاه,,
وذهبت لجوار ابنها راشد من يحمل رائحة الغالي’’’
اي نعم لم يكن له بالقلب الا الاحترام,,
لكن بعد علمها بمرضه بالخبيث اكتشفت ان الاحترام تحول لحب شاسع’’’

لم أتوقع أن احب رجلا" من بعد مشعل,,
لكن قدر لي الارتباط بسواه’’’
لاأنا من تهنت بمن سواااه00
ولاهو تهنى بمن سوااي00

لنتشابه بالحزن والهم00
انا اشتم رائحة من سكن الفؤاد من ابني ماتبقى لي منه,,
وهو يشتم رائحة حسنائه بانفاسه اللتي يتنفسها’’’

فماانا متاكده منه أنه لم يطلقها الا من عشقه لها,,
أيعقل بأن يحب انسان أحدا" على نفسه لهذه الدرجه00
لمجرد علمه بمرضه فضل ان تحيا بسعاده بعيدا" عنه’’’
حتى لاتحمل معه الهم00

كم أنا معجبه به ولن يصل رجل في حياتي لمكانة مشعل00 00 00 00


قبل سنوات00تحديدا" يوم زفاف حسنا ومشعل00 00 00 00


وسميه ببكاء,,
:يمه أنا موافقه والله موافقه

ام تركي تجلس على الكرسي امام ابنتها,,
:ابي اعرف وش قومتس تبكين00 خلاص بنقوله انتس وافقتي من غير تفكير كانتس ماصدقتي على الله

وسميه بضيق,,
:قولوا اللي تبون بس انا ابي سعود

ام تركي وهي تقف,,
:يمتس ماقلنا شي,,بس الواحد يفكر ويصلي استخاره مهوب خبط ولزق

وسميه بالم وببكاء حاد,,
:موااافقه موااافقه اغنيها يعني00

ام تركي تنظر لابنتها بعصبيه وتخرج لتستعد للذهاب لزفاف ابني اخويها,,
اما وسميه من اكتسى وجهها بالوان الطيف حيث المكياج السائح بفعل دموعها الغزيره’’’
قامت وغسلت وجهها بتكرار وذهبت لغرفه دلال حيث خبيرة التجميل تجملها وعبير هناك,,
دخلت لتكتسي الوجوه الحيره والاستغراب’’’

قطع الصمت الغريب صوت وسميه,,
:بصراحه ماعجبني المكياج حطي جديد وباعطيج فلوس

بالبدايه عارضت الخبيره وعاملاتها,,
لكن دلال اكرمتها من عندها لعلمها بما يكبت على صدر ابنت عمتها الغاليه’’’
آه ياوسوم والله انج غاليه لكن ماباليد حيله


تجملت لتشارك صديقتها حسنا الاقرب الى قلبها من بنات خاليها,,
تشاركها فرحه 00 وتشارك روحها حزن 00
تشاركهم رقصا" 00 وتشارك قلبها بكاءا" 00

تجملت ببساطتها المعهوده,,
وجمالها المتوسط’’’
لكنها بدت آيه بالحسن مع علائم الحزن البائنه,,
كأن ملامحها تزدان بحزنها’’’


وفعلا" ذهبت ورقصت وبادلت الابتسامه بضحكه00
وبادلت التهاني بخطبتها بخجل00
وبادلت الارواح فرحه باهته لاتعكس مابداخلها00

لكنها ميته00ميته00ميته00 00 00


ابتسمت لالم الذكرى00
كيف يقدر لنا معشر البشر الحب00
لمن لايستحق هذا الحب00

انها مشيئة الرحمن00
ياسبحان الله--اللي يبينا عيت النفس تبغيه--واللي000نبيه عيا البخت لايجيبه--








*******
*****
***
**
*












اغمضت الاعين مع اكتساء السماء بسواد قاحل,,

هادي شارك أخواته حسنا ,, خلود ,, عليا غرفتهن00

ام هادي تشارك معالي ,, منيره ,, هيفا الغرفه00

مشعل شاركته مهااا ,, وساراا الغرفه00

مبارك نام برفقة وسميه بغرفتها مع ابنها واخذت حمود ابن تركي لغرفتها00

ناصر اعجبه الجو هو وهدى ليباتا بغرفه بعيده عن الكل00

والخدم اجتمعوا بغرفه واحده00


خلود اللتي تجلس بفراش هادي وهي تسرد له حكايا غلاااا,,
:أقولك تجنن ياهدوي والله ان البيت بيطلع يونسس

هادي الذي يجلس متربعا" امام خلود,,
:تدرين ان سوالفكم هذاك اليوم بالوانيت اسمعها زين واسمع خبالها وهذا اللي هبل بي

خلود بضحكه وهي تلتفت حتى لاتصحى عليا وتشاركها فرحة اخيها من تغااار عليه كثيرا",,
:يووووووه فشللله والله لو تدري غلاااوي ان تهون من العرس ولاتفكر ترتبط فيك لاتعلم حسون

هادي يعلم بحب امتلاك هذه الصغيره لقلبه وهذا مايعلقه بها,,
:خبل انا 00
ماقلته الا لج انتي وبعدين لاتقولين انتي لها ابدا"

خلود بمرح,,
:متى بتخطبها00 وناااسه ونااااسه ونااااااسه

هادي يضحك وهو يقلدها,,
:وناااسه ونااااسه ونااااسه قريب ان شالله

خلود تنتقل الى فراشها وهي تتثائب,,
:انا بنام تعبااانه نكمل بكره مساسر

هادي ينقل نظره لاخواته بحب,,
ولم يستطع النوم ذهب ليتطمن على والدته ’’’
لايعلم لماذا لكنها تشغله هذه الآونه,,






*******
*****
***
**
*





دخل عليها ليجدها تصلي التهجد,,
قبل رأسها ووضع رأسه على حجرها’’’
قامت هي بالدعاء ثم نفثت بيدها ومسحت على رأسه,,
ثم نفثة عليه وقبلت رأسه’’’
نظر اليها بحب وقبل يدها,,
:يمك ليش مانمت00

هادي الذي دس وجهه بحظنها,,
:مافيني نوم ومشتاق لحظنج

أم هادي تضرب رأسه ثم تضمه بقوه,,
:لاجاتك أم السلحفاه هملتني ودورت حظنها تشمشمه

هادي جلس والابتسامه وصلت لعينيه,,
:وش سلحفاته يمه00

أم هادي بضحكه,,
:ماعلمنك خواتك00

هادي بتساؤل وابتسامه,,
:لايمه بويش00

ام هادي بضحكه طويله,,
:أن مرتك متبنيه لها سلحفاه عجيز وشكلها بتنقل لك العدوى وبدال مااشلشل أحفادي
بتخلوني احب زود عليهم ذاالسلحفاه

هادي يضحك بقوه فهو وان توقع منها الغريب والمضحك,,
لكن ان تصل مواقفها المسليه لوالدته’’’
بكل تأكيد هذا ماكنت أبحث عنه,,
:يمه أنتي من صجج تربي سلحفاه وبتجيبها عندي00

أم هادي بحلفان,,
:ياويليي أقولك ماتفارق حظينها شكلها بترقدها من بينكم

هادي يبتسم وهو يصفق بيديه ويهز رأسه بتهكم,,
: لا عزالله اللي صرنا مسخره لبناتج بس يفدا عجيزها المرقد وراعيه كم غلاوي عندي

ام هادي تدعي بصدق,,
:يالله يارب ياكريم جعلها مسكن ومقر لك ,, وجعلك دواها من كل هم وضيق
وجعل عيني ماتفقد زولك ,, وجعلني اشل عويلك كنك مفرحني وشايل عني الهم من عادك بزر

لتنهي دعاءها الصادق ببكاء خافت,,
ليهم ويضمها,,
:يمه فديتج لاتبكين فدييييييتج لاتوجعين قلبي

لتصحو كلا" من معالي ومنيره على صوت والدتهن,,
ويقتربن بجزع لتبادر معالي,,
:يمه فديتج وش فيج00

هادي وهو يشير بيده,,
:عودن نامن قعدت أسولف لها عن الغالي ابو هويدي وقامت تبكي

منيره بخوف وعيناها تمطر بالدموع,,
:يمه تكفين تكلمي متضايقه 00
فيج شي00
هدوي امي معاها القل000

لتخرسها والدتها بقوه,,
:منير وطررررم

هادي ينظر لمنيره بتساؤل ثم أشار لها بعينيه للخارج,,
قبل رأس والدته وهم للنهوض’’’
أما منيره فجلست قليلا" حتى أندست والدتها بفراشها,,
ثم تسحبت للخارج لتجد هادي يجلس وهو يضع رأسه على ركبتيه المنحنيه’’’
ويديه تغوصان داخل شعره الكثيف,,

جلست بجانبه بنفس وضعيته وقالت بهمس,,
:اللي سمعته صحيح ياهادي

هادي بقلق وهو يلتفت على أخته,,
:من متى يامنور00

منيره بضيقه,,
:المستشفى دقوا علي لان أمي حطت عندهم رقمي هي مهيب حافظه رقمها وقالولي
اجي استاذنت من الدوام ورحت لهم الا يقولون لي معها اشتباه جلطه وهم معطينها حبوب
مسيله للدم بس شكل امك حارقه عمرها فيني لتبكي بقوه مع انتهاء جملتها00

هادي يجلس بوضع مريح ليضم اخته من كتفها,,
:افااا عليج منور يعني امي ضعيفه كذااا00
مهوب لذاالدرجه عشان موضوعج بتتعب بس امي وتعرفينها شايله هم الكل
خصوصا انا مع ان عمري مااشتكيت,,
انزين من متى وهي تراجع عند القلب واحنا ماندري00
والحقير السايق ماعلمني

منيره وهي تمسح دموعها,,
:لاتسالني عنه بس انا خايفه عليها ولولا طلعة المزرعه والا كان علمتك تروح تراجع بها
لاتهملها تكفى ياهادي مالها غيرك لتعود للانتحاب من جديد

هادي يقف ويوقفها معه,,
احظر له فروه وادخلها معه وابتعدا عن مكان الغرف للخارج’’’

[إلميآسـه]

التتمه


*******
*****
***
**
*











لم يستطع النوم وهو قادم للكويت ولم يسمع صوتها,,
اشتاق لها ولروحها المرحه’’’
واشتاق اكثر لحركة بطنها القويه اذا ماضمها,,
كان ابنه يغار من ضمته لها’’’

يتمنى لو انها ببيت اهلها لتسهلت المهمه واخذها لحظنه باي مكان,,
ولو بغرفة السائق’’’
ابتسم على مخيلاته الغريبه,,
فهو مشتاااق ووصل لدرجه الخطر من الاشتياق’’’

لكنها بالمرزعه 00 وكم هو صعب علي ايقاظهم بحظوري المفاجئ,,
:يالله جعله يسقى على عيني لاطاحت بحظني مثل كل مره
وانا اسوي نفسي اتغلى مااالت علي وعلى تغلايي ماذبحني الا زيادة بالشوق والوله

في خضم افكاره اتاه فحيح ثعبان,,
التفت بقوه اذا بوجه غلاااا امامه’’’
ليضربها بقوه بحقيبة اللاب توب اللتي بقربه,,
تالمت كثيرا بل انفجرت ببكاء قوي كانها طفله صغيره’’’
اتاها ووضع يده على فمها واخرج من بوكه مايحمل من نقود,,
اخذتها منه وهي مازالت تبكي’’’

محمد بغضب,,
:اسكتي وعللللله لاتقوم امي ياالشويه

غلا ببكاء اقل حده,,
:ماتشوف وجهي الصبوحي تشوه ومابقى على عرس اخوك الا كم اسبوع حرااام عليك

محمد يضمها بقوه,,
:اشتقت لج يازرافه بس انتي روعتيني وانا سرحان

غلا بضحكه,,
:ههههههه سرحان بام كرش ونص

محمد انفجر ضاحكا على الاثر الذي كونته ضربته,,
:ههههههااااااااااايييييييي مااقدر والله مااقدر
ليضرب ركبتيه بيده بتكرار وهو منحنيا" من الضحك

ركضت غلاا للمرآه الموجوده بالمدخل,,
لترى ضربه بين حاجبيها مع مشخ بانفها بشكل مضحك’’’
غلا تعود وهي تحمل حقيبته لتضربه,,
لكنه فر هاربا" منها وهو يضحك,,
:والله اني خطيير سويييييت فيج وسم يالناقه هههههاااااووووو

غلا تقف عند باب شقته,,
:اي معليه ان مارديتها بوجه بومتك اللي عندك مانيب غلا بنت خالد


اتاها رائد عندما سمع صوتها,,
ليضحك بقوه,,
:انتي وش مهببه صاير وجهج كذاا00

غلا بزعل,,
:اخوك الدوب ضاربني بشنطة اللاب على وجهي عشاني روعته

رائد وهو يهز رأسه,,
:أي خبل فيهم00

غلاااا وهي تتجه لغرفتها,,
:من غيره محمد هنييدي

رائد يبتسم بسعاده لوجود محمد هنا بالكويت,,
رائد يدق الباب بخفوت وبهمس,,
:حمود افتح انا رائد بسرعه قبل ماتجي الزرافه

محمد يفتح الباب لرائد ويضمه,,
لتطل من غرفتها برأسها غلااا,,
:فتحت وطلعت من جحرك يالضب00

أتته تركض ليغلق الباب هو ورائد بوجهها,,
:اييييه معليييييييييه ان ماعلمت امي ومشاري وريمه ومرتك والعايله كلها مانيب بنت ابوي






*******
*****
***
**
*











قامت على صوت الهاتف,,
اذ به زوجها يتصل’’’
فردت بصوت ناعس وهي بفراشها,,
:الووو

مشاري الذي خرج للتو من شقة اخيه محمد متجها" لشقته,,
:احلى الووو في ذمتي

حسنا تبتسم وهي مازالت مغمضة" عينيها,,
:شعندك قلبي00
ذبحك الشوق 00 ,, والا تبي تعرف اخبار هادي00

مشاري وهو يغلق باب شقته,,
:هادي ماعلي منه انا علي باخت هادي وش اخبارها00

حسنا تبتسم بنعاس,,
:اخت هادي قومها شوقها من النوم

مشاري اندس بفراشه مكان نوم حسنا واخذ يشم رائحة مخدتها بعشق,,
:آآآه ياحسووون تدرين ويش اسوي الحين00

حسنا بنعاس,,
:وش تسوي00

مشاري بحب,,
:اشم ريحة مخدتج ومفوووول من الشووق

حسنا بنعاس اشد,,
:هممممم

مشاري ابتسم لايريدها ان تحادثه او تنقل اخبارها يريد ان ينام على صوتها,,
:حسوون نمتي00

اما حسنا فغابت عن عالمها لتغوص بعالم الاحلام وتنام باريحيه,,
مشاري اغلق الهاتف بهدوء’’’
فهو يريدها ويريد معرفة مجريات الاحداث بالمزرعه,,
لايعلم لما لاح له وجه مشعل بزفافه’’’


مشاري يتقدم للتحيه والمباركه برسميه,,
:مبروك يابو عايد منك المال ومنها العيال وطيب الفال

ليخرج من جيبه عانيه --وهي مجموعه من النقود تقدم للعريس يوم زفافه كمعونه له--
عانيه تمثله هو واخوته من يقفون خلفه للسلام والمباركه ايضا,,
مشعل يحلفان,,
:والله العظيم ان00

ليسبقه مشاري بصوت اعلى,,
:قسم بالله ماتردني وان تاخذها لاحووول هذا مهوب حقك ياالغالي

تقدم ليحيي ابا ناصر باحترام,,
لياتي مكانه محمد للسلام بحفاوه على مشعل,,
:هلاااا بالنسيب

ردمشعل الابتسامه,,
:على كيفك صرت نسيب00 مابعد ردت بنشوووف هي بتوافق والا لا

محمد بغمزه وهو يتقدم للسلام على ابا ناصر,,
:الحين باروح احب راس عمي ابو النسب وانت خلك بعرسك لاهي

ذهب ليقف باحدى الصفوف للرقص,,
تقدم رائد ومسك يد اخيه وهمو برقص سويا’’’
رائد سعيد ويردد الابيات مع الشاعر الذي يقف بالمنتصف,,
اما مشاري فتتحرك شفتيه لكن قلبه ينطق بابيات اخرى’’’

ليرددون الشباب حوله,,
نقول اليوم مبروك بعرس العم هنوه : دعانا داعين له وشرفنا محله

خرج وهو لم يحتمل هذه التمثيليه التافهه بنظره,,
ليتبعه رائد ويقفان خارج حدود الخيام المشيده للاحتفال’’’
وبقرب السيارات المركونه بالارض الخاليه--البراحه--,,
رائد بتساؤل,,
:مشاري وش عندك طلعت هنااا00

مشاري باداء رائع يستحق عليه جائزه الاوسكار وهو يظهر هاتفه,,
:بادق على امي والا نسيت انها تقول مهيب مبطيه بالعرس قلت بشوفها تبيني اجي اخذها
وانت عقب تاخذ البنات

رائد وهو يدخن السيجاره,,
:اهاااا اي زين سويت انا بخاطري اطق لي زقاره بس استحيت اقعد هناك

لحقهم ناصر وبصوت عالي وهو على اعتاب الخيمه,,
:شباب تعالوا تعشوا شوي ونزف العريس ياانا بهبل مشيعل بالزفه يلاا حياكم

التفت رائد على مشاري,,
:ههههه مااتخيل ناصر الكبير كانه بزر شكله صغير

مشاري باحترام,,
:ناصر رجال والنعم فيه والشكل لايزيد ولاينقص

رائد باستغراب,,
:ترراا نمزح ماقلنا شي طيب ماودك ندخل نتعشى00

مشاري وهو يشير بالرفض بيده,,
:لامالي نفس اتعشى تعذر من ناصر وانا بدور بالسياره لين تدق علي امي
وانت قل لمحمد يخاويك بسيارتك يلا سلااام





ذكرى سحب منها خيووط معقده من الماضي,,
خيوط توقع بانها حلت منذ ارتباطه من حسنا’’’
لكنه اكتشف وبعد وقت ليس بقصير من زواجهما بانها مازالت معقده,,
معقده وبشده وعليه هو حلها بنفسه’’’
لان القعد محصوره بعقله لابحياته معها,,

ياربييي بامووووت وانا عارف انها ممسيه هناك وهو بعد,,








*******
*****
***
**
*






يمشي بالانحاء المكشوفه بمزرعة عمه,,
يتدفأ من البرد بفروه ويضم اخته معه’’’
يحميها من البرد ويعطيها من دفئه وحنانه,,
شعور الانسان بالسعاده والعطاء شعور لايضاهيه شي’’’

اما هي فمتوتره جدا",,
فهي محتاره بحياتها الغريبه ومشاعرها الفوضويه مع مترك’’’
ومايزيد الضغوطات عليها مرض امها والذي تحمل نفسها جزءا" من اسبابه,,

جلس بمكان بعيد عن الغرف,,
وجلست معه بحكم ضمه لها’’’
هادي بصوت منخفض وهو يرفع رأسها,,
:بتعلميني ليش كل ذاالبكي00

منيره تصمت قليلا ثم ترد بحب,,
:فديتك ماعليك مني نكدت عليك فرحتك اليوم

هادي بابتسامه,,
:وش فرحته الله يهداج00
انا ملكت والا حتى خطبت00
كلها اختيار يمكن يقابله الرفض وهذا شيئ انا عامل حسابه

منيره بغضب,,
:خير خير خير00
تحمد ربها انها بتاخذك

هادي بتفهم,,
:انتي اختي وعاشرتيني وتحبيني00بس هي ماتعرف عني الا اسمي وشكلي
لاتنسين اني اكبر منها بواجد يمكن هي تبي ولد صغير يفهمها وتفهمه
بعدين متى ماخطبت وعيت لكل حادث حديث,,الحين علميني ليش تبكين00

منيره بمصارحه,,
:خايفه على امي موووووت احاتيها من النسمه كيف الا بمرض القلب
يالله ياهادي مااتخيل ان قلبها موجوع واحنا طيبين وبخير ولانقدر نسوي لها شي

هادي بجديه,,
:منور وش بتسوين لها يعني00
اذا الله بلاها بمرض القلب وش بايدنا00
مالنا الا ان احنا نخفف عنها الضغوطات ولانضايقها

منيره بحزم,,
:وانا قررت اعود بيتي ولاابي اشغلها بهمي كفايه عليها محاتاة خلود

هادي بضيق,,
:استخفيتي انتي00
ترجعين وانتي يوم كلمج من كم ساعه قلتي الفراق ولاابي غيره00

منيره ببكاء,,
:وامي 00
امي اللي شايله همي وتحاتيني انا وبزراني00

هادي وهو يمسح دموعها,,
:منور اسمعيني00
رجلج ان رجعتي من غير شروط ماراح يتغير
خصوصا انه تشاركج فيه مره
ولاتنسين انه قالج باخذج للدكتور تسمعين منه
وقرري عقبها ترجعون او لا
منيره لحد يخرب على عمره عشان احتمال خاطئ
انا بموت واشوفج متهنيه ومرتاحه مع مترك
لاتنسين انه غالي علي بس ابيج مقتنعه ومرتاحه
موب عشان امي وبس





*******
*****
***
**
*








يجلس بضيق فمهما كانت الحروف قاسيه,,
لاتصل لقساوة حروفها اللتي ارسلت الكلمات كاسهم قاتله لحبه’’’

:أنت يامترك عمرك ماشفتني صح عمرك ماشفت تصرفاتي صحيحه
دوم انا بنظرك مخطيه ترا تعبت من شعور الذنب اللي معيشني
فيه وخير ياطير لاطلبت من اخوك يفصل لولدك اللي هو بحسبت ولده ثوب
والا انت شايل بقلبك علي عشان كذا تشوف حركتي بايخه

لتغلق الهاتف وهو اغلق عيناه معه,,
ماذا قلت00 عتاب بسيط لايستحق هذه القسوه وهذا الهجوم,,

:ياام سالم بحق 00 ليش تطلبين من فارس يفصل لولدي ثوب وانا موجود
يعني عشان ماانتم بعندي بتسحبين مني صلاحياتي ودوري كاب حتى من ابسط الاشياء
ماهقيتها منج يامنيره والله ماهقيتها



فارس الذي ينظر لاخيه السارح ويتنهد,,
:متيرك ترااا انا مانيب ساكت وبروح احاكي مرتك اربها تطيعني

مترك برفض قاطع,,
:لا خلها علي انا بروح لها بحيل الله لازم اشوفها واتفاهم معها وجه لوجه

فارس بعتب رقيق,,
:انت ياسنايدي بعد ماعرفت ترتب حكيك يعني كان سلمت وقلت احنا مشتاقين
للحلوين اللي حتى طلباتهم الغاليه علينا والبسيطه يطلبونها من غيرنا
واحنا قلبنا رهيف بسرعه يتعب يبي قلبكم يرد له نبضاته 00 وكذا انا فداك

مترك يبتسم بحب ويهز راسه,,
:فارس ليتني مثلك كان ماتعبت مير انا اعصابي على طريف آآآه ياخوك الله يعين








*******
*****
***
**
*











في ساعات الصباح الاولى,,
ومع نسمات الهواء البارده’’’
خرجت ام هادي لاعداد الفطور لهم ولعم ابنائها,,
لكنها وجدت هدى قد اعدت فطورا" شهيا" مع ابنتها عليا’’’
ابتسمت ,,
:ياصباحكن خير ووجه مشرق مثل وجيهكم الحلوه

عليا بابتسامه وهي تجهز البيض مع الشعيريه,,
:ياصباح النور والسرور هلا يمه

تقدمت من والدتها هي وهدى وقبلتا راسها,,
هدى وهي تضع القرص بحراره,,
:يمه وين نحط فطور الرجاجيل جهز00

ام هادي تقف وبامر,,
:انتن ماقصرتن ودبكتن من صباح الله خير ارتاحن بقوم ذاالخبل يجزهن السفره,,

عليا تخرج مع والدتها وهي تسحب هدى,,
:ان امي صادقه امشي بصرهم يجهزونها وانتي قعدي رجلج وانا بقعد البنات وهدوي

هدى باعتراض,,
:يااختي مااعرف احب اشرف على شغلي بنفسي وناصر متعود على ترتيبي

عليا تخرج,,
:اجل بقعد البنات وبجيج لاتكملين الا لاجيت انا

عادت هدى لتجهيز الفطور,,
وفي غرفة هادي والبنات تدخل ام هادي بغضب’’’
وهي تشد اللحاف من حسنا وخلود وهادي,,
:قوموا قومـــــوا لابارك الله بالنوم اللي خيسكم

هادي الذي يضع المخده على وجهه وبنعاس,,
:يمه احنا بالمزرعه يعني لادوامات ولاتعب خليني اصفر

ام هادي تشد المخده,,
:قووووم عمك قده برااا وعياله مصطفين حوله قوم ود لهم الفطور

هادي يجلس وشعره الكثيف منكوش من اثر النوم وبنعاس,,
:يمه قلتيها عياله عنده يعني بيموتون لاجابوا فطور ابوهم

ام هادي وهي تفتح الستائر,,
:ياعيبااااه انت وش مسهرك هااا00
بالعاده تقوم بدري

هادي يقف يتعب,,
:يمه انا مانمت الا بعد الفجر وعشانج بقوم هااا

حسنا بتعب,,
:يمه لايكون جهزتي الفطور بنفسج00

ام هادي تجلس بقربها,,
:لافديتس جهزته هدى جعلني مااذوق حزنها واختس علويه

حسنا تقف,,
:اي زين بس ليش ماقعدوتوني اساعدكم

قالتها موجهه حديثها لعليا اللتي ابدلت ثيابها ببنطلون جينز وبودي شتوي ضيق باكمام طويله,,
:حبيبتي لايمكن اقعدج انتي امس بلااا تونين طول الليل حتى هدوي كل شوي يطل عليج يشوف حرارتج
وبعدين وش بنسوي ذاالحين ذبيحه00

عليا اللتي تقلب فراش خلود لتقع الاخرى على وجهها,,
:قووومييييي

وتفر هاربه وهي تضحك,اما خلود فقامت لتلحقها بغضب ثو عادت لوالدتها,,
:يمه شفتي ذاالبقره 00

ام هادي بغضب,,
:لاوالله شفت القرده اللي توها قايمه من النوم حتى صلاة ربي ماصلتها

خلود بصدمه,,
:انا يمه00
اصلا هدوي قومني وصليت بس انتي عليا دايما" عندج العاقله وانا الخبل

ام هادي خارجه,,
:طيب ياخبل عجلي عاوني خواتس

خلود تدخل الحمام بعد حسنا ثم ابدلت بيجامتها بلباس قريب لعليا,,
وهذا مااتفقت عليه الفتيات لان هادي ومشعل وعدوهن باحضار دبابات للعب بها طوال اليوم’’’

هادي يدخل غرفة اخواته ليجد معالي تستعد للذهاب مع السائق لمفاجاه زوجها,,
:اووووه وش هالحركات 00
اخيرا رحمتي عزيز00

معالي بخجل,,
:اقول امسك هديان الخايس شبيهك خلني البس عباتي قد السايق برااا

هادي اخذ يقبل هادي الصغير بعدما فك مهاده بحب,,
لتنتبه معالي وبغضب,,
:هاااادي برد حرااام عليك توني مديفته ومهدته

هادي يدخل بفراش معالي على الارض ويدخل هادي الصغير معه,,
:هذا انا دفيته ياااافديت العوينات اللي نسخة عويناتي

منيره اللتي تخرج من الحمام التابع لغرفتهم,,
:كني سمعت احد يبيله رفسه

هادي يرفع الفراش عنه هو والصغير,,
:ماسمعت منور تبين انتي رفسه00
بعدين ياخوات دلول وش ذااللبس00

منيره بضحكه وهي تنظر لقوامها بالجينز,,
:احنا متفقات نلبس نفس الشي عشان مانضيع بعض هههههه

هادي بقف ويعطي معالي ابنها,,
:احنا قلنا بنجيب دبابات مهوب تفصخن الحيا مره وحده

منيره تتخصر,,
:ياسلااام ترانا بحدود مزرعتنا ماراح ندوج برااهااا بعدين انتم من قدام واحنا من ورا خلونا نستانس

هادي خارجا",,
:روحي بس عاوني البنات بالفطور قال نستانس قاال







*******
*****
***
**
*









عند ابا ناصر,,
:وش ذاالفطور العدل

ام هادي تقف بقربهم,,
:شغل ام عايد جعل ايدياتها ماتعرض على النار وعاونتها عليا بنتك
والبنات ماقصرن

ابا ناصر الذي بدا بتناول القرص,,
:اي بالله هذا شغل ام عايد امين جعل ايدياتها ماتعرض على النار ومن قال

ام هادي تغادرهم ليهموا الشباب بتناول الفطار,,
مشعل يمسك راسه بالم’’’
وبهمس موجها" حديثه لهادي,,
:ماحاكيت احد على السفره وانا اخوك00

هادي ينظر لمشعل المتعب وهو يتناول طعامه ثم قال,,
:انت من جدك احاكي احد وعندك ابو غانم00

مشعل برفض,,
:لااخوياي ماابي يكون لهم فضل علي خلها من براا لبراا

هادي قبل وقوفه,,
:اليوم بيرد لي خبر خويي علي بس بحاكيه الحين اعجله ولاتهتم

وقف هادي ليحادث صديقه بالقعل,,
ليجد منه القبول وصلاحية سفر ابن عمه بعد شهر لالمانيا للعلاج’’’
ليعود ويبشر مشعل بهدوء دون علم ممن حولهم,,
:ابشرك بعد شهر الوجهه لالمانيا

مشعل وهو يهز راسه برضا,,
:الحمدلله شهر زين ارتب اموري

هادي بود,,
:عادك تبي فهيدان يخاويك00

مشعل وهو ينظر لفهد القادم للتو مع والدته,,
:الله الله انا بصراحه ماامون الا عليه وبعدين هو خفيف لاعنده عيال ولامره ولامسؤوليه

هادي بابتسامه,,
الله يردك يارب سالم ولاتحاتي وانا خوك حاجه اوراقك واوراق فهد ازهلها من عندي
حتى السكن بوصيهم يامنون لكم سكن قريب من المستشفى هناك

مشعل يربت على كتف هادي,,
:الله يعيني على رد جميلك ياهادي

هادي يبتسم ويعود لتناول الطعام,,
اما فهد ومبارك فكان ايضا" لهم جانب من الحديث,,
:ابو عايد طافتك النومه بالمزرعه

فهد وهو يشرب الحليب الساخن,,
:العوض الليله

مبارك بضحكه,,
:اليوم كلنا بنعود تمسي مع من الحارس00

فهد بضحكه مشابهه,,
:وش فيه حارسنا سوالفه زينه وترد الرووح

مبارك يضرب فهد على راسه,,
:كفوك الحارس اجل سوالفه ترد روحك هااا

ابا عايد يخاطب ناصر,,
:يابوك ليش ماتاكل00

ناصر بضحكه,,
:يبه انا من قامت ام عايد تحوس بالمطبخ وانا اطل عليها واتذوق لين جات بنت اخوك وخربت علي
يعني بالمختصر شبعت

اكملوا الفطور بعد حظور تركي ودلال,,
وناب تركي من التعليقات مايحب قلبه’’’







*******
*****
***
**
*







وسميه وهي تقبل راس ام ناصر,,
:يمه وحشتيني من امس لليوم

ام ناصر بضحكه,,
:اوحش اناا00

وسميه تنظر للبنات بدهشه ثم تقبل راسها,,
:ياعيني على اللي ينكتون لايمه اشتقت لج مووووووت

دلال تقترب لتجلس بحظن امها,,
:لا كذا انا اغار

ام ناصر تبعدها عنها,,
:فارقيني عقب حظن تركي جايه تبطحين بحظني00

البنات بسخريه,,
وسميه,,
:هههههااااااي مسخره لقطي وجهج تكفيييين
هيفا,,
:اقول اقول دلال تبين حظن00 تركي وراج هناك
منيره,,
:دليل الا انتي على طول مضطهده ببيتكم ومنبوذه من اهلج كذاا00

دلال تقف وهي تضحك وتمسك اختها سارا,,
:قومي سواره اسولف عليح بالشاليه اللي خذيناه امس اووووه شي شي
وتعالي ببدل اسوي نفسكم

لتلحقها البنات وهن يركضن,,
وتسبقهن بمرح لغرفتها لتغلق الباب’’’


اما ام هادي فتهز راسها وبابتسامه,,
:ماعاد به نسوااان ماعاد به نسوااان

ام ناصر وهي تسكب فنجان قهوه للاخرى,,
:يويلي وانتي مشككه بذاالشي يااختس لانسواان ولارجاجيل خلاااص

ام هادي بتساؤل,,
:الا ام تركي مهيب جايه اليوم

ام ناصر بهدوء,,
:مااعتقد انها راحت عشان تعود

ام هادي باسى,,
:الله يهديها والا احد يعيف الجمعه والحمدلله براحه ووسعة صدر مابه تعبه

ام ناصر بتساؤل,,
:الا وين معالي وهدى ماشفتهن ومهوي 00

ام هادي,,
:معالي غبشت من صبح مع السايق بتروح بيتها وراحت معها مهااا تقول
يمكن يجي رجلها ذااليومين ,وهدى تسبح وتبدل طول يومها بالمطبخ




اما عند البنات,,
دلال تجلس على سرير اخيها مشعل وتسرد ماراته بالامس’’’
والبنات يستمعن بانصات شديد,,
:يوووووه يابنات انا يوم قالي شاليه خويي قلت اكيد عادي واثاثهم من سوق الجمعه
بس يوووم دخلت انصدمت00

هيفا وهي منبطحه على السرير معها,,
:وش شفتي كملي لاتشوقينا00

دلال وهي تصف الاثاث بحذافيره,,
:واعتقد يابنات ان اثاثهم من ميداس والله والله انه شي

حسنا بتساؤل,,
:صورتيه ياخبل والا لا00

دلال وهي تخرج هاتفها,,
:هو انا خبل افوت علي هالفرصه

لتندفع الفتيات حولها وبحظنها ومن خلفها وجانبيها,,
وينظرن للشاليه ويستمعن لصوت تركي وهو يغازل دلال,,
:حياااتي خلي عنج التصوير وتعالي بحظني

لتنفجر منيره ضاحكه,,
:خخخخخخخخ ياولد يارومانسي انت

ضربتها دلال بخجل,,
:انطمي رجال وش يقول لمرته يعني 00

هيفا بحالميه,,
:يقول فدييييييت التصوير واللي تصور الشاليه وفديت الجوال ومن اخترعه وفدييت
قلب بنات خوالي المزيونات اللي بيشوفون التصوير

دلال وهي تغلق الهاتف وتقف,,
:شرهتكم على اللي بتوريكم الفيديوات الباقيه



وقفت وبدلت ثيابها كباقي الفتيات,,
ليستجبن لصوت هادي الذي احظر الدبابات فركضن اخواته بمرح’’’
عليا خرجت لتعود ادراجها,,
:بنات الشباب براا وش نسوي00

هادي يدخل عليهن بعد الاستئذان,,
:بنات البسن عبي كتف وتلثمن واطلعن ماهنا غريب

اول من خرج خلود بسرعه لتركب خلف هادي ويبدا بالانطلاق,,
تبعتها دلال من ركبت خلف تركي وبدون خجل وبمرح’’’
اما سارا فصاحبت فهد بمتعه,,
ليقفن الباقيات للتشجيع والتصفير’’’

نزل الشباب وتركوا الفتيات لاكمال متعتهن باللعب بدون غطاء,,
تتابعت الفتيات بمرح واحده تلو الاخرى’’’
ونشب خلاف بين خلود وعليا لتفوز بالاخير خلود وتركب الدباب لتنطلق بعيدا" عن الكل,,

تندفع للامام ويدفع الهواء شعرها القصير للخلف,,
من المتعه لم تعيي مدى ابتعادها عن المزرعه كثيرا"’’’
بل اخذها الاندفاع لتعتلي الهضاب البسيطه,,
وتنزل بمرح وانطلاق اقوى’’’
لم تنتبه للصخره الموجوده امامها,,
لينقلب بها الدباب بقوه’’’




خرج بسيارته مبتعدا" عن المزرعه رويدا" رويدا",,
لديه عمل ولايستطيع ترك الشفت النهاري’’’
فاراد اختصار الطريق وذهب بطريق مخالف من طريق القدوم,,
لكن مالفت انتباهه شخص ملقى على الارض بقرب دباب’’’
تقدم بحذر ليجد خلـــــــــــــود00

[إلميآسـه]

البارت الواحد والعشرون 00


*******
*****
***
**
*




خرج بسيارته مبتعدا" عن المزرعه رويدا" رويدا",,
لديه عمل ولايستطيع ترك الشفت النهاري’’’
فاراد اختصار الطريق وذهب بطريق مخالف من طريق القدوم,,
لكن مالفت انتباهه شخص ملقى على الارض بقرب دباب’’’
تقدم بحذر ليجد خلـــــــــــــود00

مبارك بدهشه وبخوف,,
رفعها لحظنه وهو يرى الدم من انفها وركبتها’’’
:خلود تكفين ردي علي ياخلووود

تعلقت به عينيها وبكت بخفوت,,
:مبارك غض نظرك تكفى واتركني

مبارك بجزع,,
:وش اتركج 00
انا بشلج للمستشفى

خلود بالم وخوف,,
:لاتكفى آآآآآآه ناد هادي تكفى وخلني

مبارك يحملها بدون اهتمام لرجاءاتها,,
:السيرفس اهنا زفت وانتي بحسبة مرتي الحين لاني خاطبج من هادي
اعتبريها شوفه شرعيه وهو يغمز لها بعينيه ويضعها في المرتبه الخلفيه


وطوال الطريق كانت تأن,,
اما هو فاتصل على عمله للاعتذار’’’
واخبر هادي بماحدث مع اخته,,








*******
*****
***
**
*










دخلت شقتها بتعب,,
فهي فضلت ان ترتاح قليلا ببيت اهلها والاستحمام’’’
ثم الحظور لبيتها لترتيب شقتها قبل قدوم زوجها,,
آلاااام لاتحتملها لكنها تماسكت نفسها حتى تنهي عملها’’’
دخلت لتجد فوضى لاتعهدها الا بوجوده,,
المكسرات بكل مكان’’’
ورق اللعب ملقى على الارض بقرب التلفاز,,
لحاف خفيف على الصوفى’’’
مرهقه جدا" لكنها شعرت فجأه بنشاط وسعاده,,
منذ متى ومن اهوى بقربي’’’

دخلت غرفتها لتجده نايم على بطنه بسريره مكانها,,
اقتربت وهي ترمي عباءتها ونقابها سريعا"’’’
اتته واخذت تبرم منديل كعادتها,,
ووضعته بانفه وهي تبتسم’’’
لف وجهه للجهه الاخرى وهو مازال على وضعه,,
ينام على بطنه’’’

لتقترب بوهن وتلقي ببطنها الكبير على ظهره وهي تحاول ادخال المنديل بفتحتي انفه,,
ابتسم ورفع ظهره بخفه والتفت بكامل جسده ليصبح ظهره على السرير’’’
وظمها بقوه دون مراعاه لبطنها,,
اوقفه انينها وبكاؤها وهي تعود لظمه’’’
جلس وبابتسامه مخالطها قلق,,
:روح محمد وش فيها00

مها وهي تشعر بمغص شديد,,
لكنها تتماسك أمامه فهو بالتو اتى من السفر’’’
:لاحبيبي مشتاقه لك وشوقي وصل لولدك قام يرفسني واوجعني

محمد وهو ينهض ,,
:يالله ياذاالولد مناشبني عاده ببطن امه

مها بتعب واضح,,
:حمود الشقه عفسه يبيلها ترتيب تكفى ادع الخدامه من تحت تجي تساعدني

محمد بعدما خرج من الحمام وهو يمسح يديه,,
:بروح اشوف غلاوي اذا واعيه خليتها تجي تساعدج

مها وهي تحاول مقاومة الالم وترتيب مااستطاعت ترتيبه,,
اما غلاااا فاستجابت لاخيها بعد نوبة العراك القويه من فعلته بالامس’’’
غلا وهي متخصره بعدما قامت على صوت محمد الحازم,,
:ياسلااااام امس ضاربني واليوم جاي تامرني اساعد مرتك00

محمد بغضب لم تشهده غلا,,
:تبيني انادي امي ماعندي مانع تراا الخنيز اللي بالشقه مهوب مني انا بس حتى اخوانج امس
سهرانين وبالعين عندي والمره شكلها على وشك ولاده وتراني على اعصابي لاتزيدينها علي ياغلاا

غلا باهتمام وبخوف,,
:والله حمود00
بس امي مسيره على امي نوريه تفطر عندهم مهيب اهنا

محمد وهو يضربها على راسها بخفه,,
:هذا مسلفته احد00
وش دخل امي الحين ابيج تعاونينها

غلاااا تبعد يده,,
:لااقصد لوجاتها ولاده

محمد وهو خارج ,,
:وانا لوح يعني لوجاتها ولاده بوديها الطبيب

عاد لشقته ليجد مها اتمت اغلب ترتيباتها ’’’
وتجلس وهي ممسكه بطنها وتمسك يدة الكرسي من الالم,,
تعتصر اليده وكانها تخفف وقع الالم الشديد’’’
محمد يجثو على ركبتيه امامها,,
:نروح الطبيب مها00

مها برفض,,
:لا لا فديتك مايحتاج لو وديتني انا بكريه بينقعوني عندهم لين بكره ماولدت
خلني الطلق يروح ويرد

محمد بخوف,,
:بس وجهج اصفر وشكلج تعباانه حيل

مها وهي تمسح على خده بحب بعدما خف الالم قليلا,,
:يابعد عمري ياحمود لاتحاتي احس شكلك مايساعد تحاتي وبتصير ابو لتختمها بضحكه وهي تضع يدها
على شفتيها عادتها اذا ماضحكت

اما محمد فابتسم بحب,,
فوضعهما لايستحمل الدعابات’’’
يخاف عليها كثيرا" ويتالم لالمها,,
يعلم بانها تتصبر امامه وتدعي القوه والجلاده’’’
لكنها تتالم كثيرا",,
اتبع رغبتها بمكوثها بالمنزل ونزل ليتركها مع غلا يرتبان الشقه’’’
فجلوسه بقربها مع قلقه القوي سيضعفها وهي تحتاج للقوه بقرب اخته الشقيه,,






*******
*****
***
**
*





بعدما تلقى الخبر من مبارك,,
احترق غيضا" منها وخوفا" عليها’’’
حذرها مرارا" من الابتعاد,,
وها هي ابتعدت والآن بالمستشفى لايعلم مابها’’’
اتشكي كسور00
ام رضه فقط00
اتتالم صغيرتي00

وهو بالطريق لم يترك هاتف ابن عمته بسلام,,
بل اغرقه بمكالماته المبالغ بها’’’
رغم طمانته بانها مجرد رضوض ولن تمكث بالمستشفى اكثر من اربع وعشرون ساعه,,

دخل من بوابة الحوادث,,
يركض وهو يرتدي برمودا وقميص ضيق’’’
لباس لايرتديه الا بالاماكن الخاصه,,
لكن ماان اخبره بحادثة اخته’’’
لم يهتم حتى لو انه يلف فوطه فقط حول جسمه لاكتفى بها وذهب,,

وصل للاستقبال وهو يسال ولايعرف لم ازداد قلقه’’’
راى مبارك يركض ناحيته,,
:هلابك هادي تطمن طيبه وبخير والحين بالملاحظه عطوها مغذي

هادي يتوجه لغرفة الملاحظه ولم يعر الممرضات اي اهتمام حيث ممنوع دخول الرجال,,
قابل اعتراضهن بدخوله اللامبالي وبصوت مرتفع,,
:خلوووووود00
لياتيه من آخر الغرفه ومن خلف الستاره صوتها ببكاء,,
:أ-ن-ا هن-ييي

أتاها على عجل ورآى الجينز مشقوق من جهة ركبتها لقدمها اليسار حتى الاسفل’’’
وملفوفه برباط ويدها اليسرى ايضا بها مشوخ وملفوفه ,,
ووجهها الجميل به بقع زرقاء وبعض المشوخ الطفيفه’’’
ضمها الى صدره بحنان وبرفق,,
:سلامات ياالغاليه ماتشوفين شر

خلود تتعلق به وبخوف وندم,,
:انا آسفه - ياربييي خفت ياهادي بغيت اقابل ربي ماانتبهت للحصاه والله ماانتبهت
وجاني مبارك قلت له ناد هادي والله مابغيت اخاويه للمستشفى بس هو عيااا والله ياهادي والله

تعلقت عيناه بعينيها الدامعتينه,,
تهذي وتقول جمل غير مترابطه ’’’
اتعتقد بانني قد اوبخها 00
هل انا قاسي او مخيف لدرجه خوفها ورعبها الشديد مني00
مسح دموعها وبهمس,,
:بس حبيبتي خلاص 0وخير ياطير لاجابج مبارك ولد عمتج ومثل اخوج

كلمه زادت رجفتها كثيرا",,
كيف يقول بانه مثل اخي وهو ياكد خطبته لي’’’
وموافقتك اخي عليه00

هل يكذب00
وماقصده بهذه الحركه00







*******
*****
***
**
*






علم كل من في المزرعه بحادثة خلود,,
لكن بعد سماعهم صوتها ارتاحوا وهدأوا رغم شدة القلق’’’
فعادت السيارات لاصحابها لبيوتهم,,
وانفضت الجمعه بعد هذه اللمه الجميله’’’
كلا" في ملوكته يحوم ويجول,,

اصرت ام هادي على الذهاب للمستشفى للاطمئنان على فلذة كبدها’’’
اما حسنا اتى مشاري لاصطحابها بعد نزولها من سيارة مشعل حيث لم يبقى سواها
هي وعليا وسارا وام ناصر بالمزرعه,,

مشاري يتحرك بعدما ركبت حسنا والصمت يعم المكان,,
لم تنتبه لغضبه فهي قلقه على خلود’’’
ونيتها بمرافقة مشعل كانت من باب قبول دعوة زوجة عمها الغاليه لااكثر ولااقل,,

حسنا تلتفت على مشاري وبطلب,,
:توديني اشوف خلود اتطمن عليها00

لتفاجأ بنظرة مشاري الحاده الغاضبه اللتي اخرستها,,

لتعيد كسر حاجز الصمت بهمسها اللطيف,,
:حبيبي فيك شي00

مشاري وصورة مشعل وحسنا تلوح امامه,,
:مافيني الا كل خير يابنت الاصول

حسنا وقد تذوقت طعم سخريه مر من نبرة صوته لترد بغيض,,
:ممكن اعرف ليش هالاسلوب الغريب اللي اعتقد اني آخر وحده تستاهله00

مشاري يقف على جانبي الطريق ويلتفت بغضب فو يعلم بانه لن يتحكم باعصابه
وهو مازال يسوق السياره,,
:ليــــــــــــش00
انا اعلمج ليييييش مهوب بالسياره بالبيت

حسنا وهي تنظر اليه بخوف ممزوج بضيق,,
:مشاري شفيك انا وش سويت00

مشاري يمسك السكان ويتنهد بصوت عالي وهو يدير عجلة السياره ويحركها للمنزل,,
صمت قليلا ثم اردف,,
:نقصوا السيارات يوم تركبين مع مشعل00

حسنا وهي غارقه بمشاعره المتضاده-خوف-لوم-رهبه-غضب لتجمد عظامها من شعورها الموجع بالبرد
المفاجئ جرااء سؤاله ,,
:التفت عليه وبدهشه وحيره,,
:تشك فيني00

مشاري ولم يستطع الرد بتاتا" على سؤالها ,,
لتجيبه على سؤاله الاول بنبره قريبه من البكاء,,
:اذا ماعندك خبر هادي ومبارك مع خلود بالمستشفى
وفهد ودا ابوه وباقي البيت للبيت
وانا مابقى سياره تاخذني الا مع مشعل وامه دعتني والا انا كان ناويلي اتصل عليك
اقول لها لاماراح اركب معه لان ولدج طلقني خلاااص00
لاتنسى انه ولد عمي والحين مااعده الااخوووو تسمع اخووووووو
مشاري هالاسلوب والاسئله اللي ماهيب من عقلك تراها تتعبني
انهت عبارتها ببكاء خافت موجع

اما هو فصمت - اخرسه كلامها الصادق والواعي,,
فعقلي لاتصدر منه اسئله وتصرفات غبيه كهذه’’’
هي زوجتي حلالي انا وماكنت ادعي اللامبالاه به هاهو يصاحبني حتى بسباتي,,
اكره هذا الشعور واكره هذه الغيره اللتي اتت بغير وقتها ولامكانها’’’



توجه بها للمستشفى حيث اختها حتى تراها وتهدأ قليلا",,




*******
*****
***
**
*






هادي يخرج من غرفة خلود ويجلس برفقة مبارك,,
الذي اصر المكوث معهم حتى تخرج خلود بسلام’’’
هادي بابتسامه,,
:هاااا شفتها00

مبارك بحرج فهو قبل يومين يمازح هادي بحقه بالنظره الشرعيه,,
:يارجال ماانتبهت ابيلي شوفه ثانيه

هادي يضربه على كتفه,,
:احمد ربك ماذبحتك على ذاالحركه وتراها من كبدي انك شالها للمستشفى

مبارك بحرج وهو يمسح العرق من جبهته,,
:هادي السموحه , بس وش تبيني اسوي وهي تعبانه ودمها ينزف انطرك لين تشرف
شلتها وخذتها للمستشفى

هادي بضحكه,,
:تبي تضحك00
اقولها عادي مبارك مثل اخوج

مبارك يبتسم,,
:وانا عاديني مثل اخوها صحيح00

هادي بحذر,,
:انا لو علي مازوجتك وانت عارف ليش, اولا عمتي الله يهديها اللي بتعسر في خلود
وانا هالبنت ياروح يامعبود مااقوى على زعلها او ضيقتها
وانك للحين بالك وخاطرك بغيرها

مبارك بضيق,,
:اي بس انت ممنيني

هادي بجديه,,
:ماقلت شي من حق خواتي علي ابلغهم واشوف رايهم اذا هي وافقت الله يوفقكم انا مااتدخل

مبارك باندفاع,,
:وانا بسكنها ببيت بروحها باجر لي شقه قريب من بيت اهلي وش رايك00

هادي وهي يهز راسه بالرفض,,
:لا الشور المستعجل ذا مااحبه شوف راي اخوانك وخواتك اما انك تجيني تقول لي راي عشان ارضى واوافق
وانت ماانت بمقتنع

سكت ثو التفت على مبارك وبغمزه,,
:والا عجبتك راعية الدباب00

مبارك يقف بارتباك,,
:راعية الدباب الله يخليها لكم يارب انا ابي رضاك ياهادي كلمها وكلم خالتي وشوف رايهم

هادي وهو يلمح والدته القادمه برفقة فهد من بعيد,,
:هذي خالتك جات وان كان على خلود لاتحاتي صدقني باعطيها خبر وباخليها تفكر بس موب الحين بعد عرس
علويه






*******
*****
***
**
*

[إلميآسـه]

توجه لمنزل اخته,,
فقد اتاه منها رساله تطلب منه الحظور لمنزلها’’’
لعلمها اعتذاره من عمله لما حصل مع بنت خاله,,
ولغياب زوجها لعمله’’’
ايضا" لانها تحتاج مواجهته بمايجول ببالها,,
فالصمت لاينفع بموقف كهذا’’’
موقف رسمت ملامحه منذ البدايه لايحق لاحد مسح هذه الملامح دون اعطائها اي مبرر,,

قبل خديها ثم اعطاها قرصه بكلتا وجنتيها,,
ابتسم ثم جلس وعينه لم تفارق ملامحها الهادئه’’’

اما هي فقدمت القهوه وجلست بقربه على الارض,,
:بروك اخبار خلود00

مبارك بجديه,,
:تنوز وتطارد البنوز --طيبه مافيها الا عافية ربي

عبير تصمت ثم تردف,,
:اهاااا , وبعد اخبارك00

مبارك وهو يدقق النظر بملامحها,,
:اخباري كلها تسرج ,, ادخلي بالموضوع لو سمحتي

قالها وهو يمد فنجانه لتسكب له من القهوه,,
طالبا" ايضا" بان تسكب مايجول بفكرها على مسامعه,,

اما هي فاخذت ترتشف من فنجانها بهدوء,,
اطرقت براسها للاسفل ثم رفعته وقالت بتساؤل وحزن,,
:مبارك صحيح انت خاطب خلود00

مبارك يبتسم نصف ابتسامه,,
:اذا انتي قالج الفلته ليش تسالين00

عبير بضيق,,
:الفلته لولاه غديت كني الاطرش بالزفه

مبارك وهو عاقد حاجبيه,,
:طيب مافيه مبروك00

عبير بالم,,
:على ويش مبروك 00
على انك بتذبح سارا وحب سارا وانا اشوف 00
خليتني اوهمها بحبك واصير مرسال الغرام واخرتها تستسلم لافكارك الغبيه
انهت جملتها وهي تضرب باصبع السبابه على راسه بخفه,,

اما هو فتنهد وكانه يجمع مايستطيع من جزيئات الاكسجين اللتي سحبتها اخته بجملتها السابقه,,
:عبير وش تبين مني الحين , اقول لهادي ماعاد ابي خلود وبرجع اخطب وحده ماعاد لها بخاطري محل00

عبير وهي تدمع,,
:مبارك هديت بنت خالك ولاعاد بقيت فيها عود صاحي حرااام عليك

مبارك بالم وغضب,,
:اسكتي ولاكلمه انتي اول من شراا الهدايا وقلتي لي وديتها على اساس انها مني وعارضتج لاتنسين
ولاكنت محبذ الفكره ليييين جا ذاك اليوم الاغبر وشريت لها بعيد ميلادها السلسال غيرها ماطرى علي
اهدي ولااخربط حركات مالها داعي

عبير ببكاء وهي تضع يديها على وجهها,,
:وانا موب مضايقني الا لاني السبب , بس كنت ابيها تتعلق فيك لاني اشوفك تحبها ومتعلق فيها
يعني بغيتها طرب صارت نشب

مبارك وهو يرفع يديها من وجهها,,
:انا والله العظيم لولا حركة جابر قسم بالله مااخليها لغيري لو يفحط هادي ولد عمها ويحجرها ماخليتها له
بس والله ياعبير والله هااا اني عفتها ولاتساليني ليش ,, ماعاد ابيها خلاص كل ماطرت علي تذكرت حركة جابر
السخيفه فيها وفيني

عبير بالم ,,
:انتي تدري ان سبة رجفتها هديتك يامبارك00



مبارك وهو يعود لعالم الماضي الاليم,,
عبير اتته تركض وملامحها يحتلها الرعب والفزع,,
امسكت ثوبه وبخوف,,
:مشعل مشعل بيذبح السوري

مبارك وهو ينقل نظرته التائهه ليلتقط اكبر قدر من صورة الخوف اللتي يراها امامه,,
لتنقل بسرعه عيناه اشارات عصبيه الى عقله تحدد الخطر الذي وضعا هو واخته بنت خاله به’’’

مبارك يمسك زندي عبير بقوه وبصوت حازم منخفض,,
:انطميي لااحد يسمعج , خليني افهم وش السالفه 00

عبير وعينيها تذرف الدموع,,
:حسنا دقت علي تقول تعالي احلفي لمشعل ان الهديه منج وانج مسويه مقلب بالسوري
لانه قرى الكرت
قالتها وهي تلطم على خديها بخوف,,

مبارك بهدوء,,
:البسي بوديج بس لازم تعرفين سارا شقالت لاخوها

عبير ببكاء,,
:تقول ان الهديه مني واني سويت فيها مقلب ابد انها من معجب وهو يضربها ذبحها من الضرب



اخذ اخته لمنزل خاله وقلبه يرجف قبل يديه,,
يخاف عليها ويخاف على قلبه منها’’’
فشعوره مؤلم بان يتسبب بالالم لاحب الناس واقربهم لقلبه,,
وهو مكتف اليدين لايستطيع التصرف’’’
فبكلا الحالتين هو مكبل,,
لايقدر الجلوس وقلبه ضرباته توجع قفصه الصدري من قوتها وكانها ستكسره’’’
ولايقدر التدخل فتدخله مشكله لهما كليهما قد تصل للقطيعه او لشيئ لاتحمد عقباه’’’


مكث نصف ساعه وكانها نصف عمره,,
حتى اتته عبير تلهث ركبت والتفت براحه’’’
:فكها الحمدلله قبل لااجي عقب ماحلفت حسنا ان الهديه هي جايبتها بالاتفاق معي وانها مقلب لها
عاد ولد خالك المصون ماقصر بمرته مع اخته حسبي الله ونعم الوكيل

مبارك وهو يتحرك بالسياره وعين على عبير والاخرى على الطريق,,
:استغفر الله ياربي وشو له تحلف كذب

عبير وهي تلتفت للطريق,,
:الله يعينها على دفع كفاره على كذبتها لو انها ماكذبت كان ماتت اخته بين ايده

مبارك وهو يمسح على جبينه بتعب,,
:وش صار على سارا

عبير تلتفت عليه وبصوت مخنوق,,
:تقول حسنا ان جاتها رجفه بايدها موطبيعيه هي اللي خلته يوقف من الضرب وعقبها حسنا حلفت كذب

مبارك يضرب الدركسون بيده,,
غبيه انتي اكبر غبيه
ومن يتبع النسوان ماهوب رجال والله ياعبير لو صار لها شي ان موتج انتي على ايدي

عبير ببكاء قوي,,
:ابيلكم الخير ابيكم لبعض لاني اموت فيكم ماتوقعت الزفت ولد خالك بيمسكها مع انها حلفت له انها ماتعرف احد
وعمرها مامشت مشي بطااال وش اسوي بمخه التنح




ذكرى قاسيه قاسيه قاسيه على قلبه,,
يعلم بانها تاذت من حبه كثيرا"’’’
لكنه لن يربطها به ابدا" حتى لايؤذيها مجددا",,
فما يشعر به اليوم ناحيتها عكس ماكان يشعر به قبل مده’’’
الآن لايتخيل نفسه بقربها,,رغم انه سابقا" لاايتخيل حياته من دونها!!!
غريب حال البشر فعلا" غريب00





*******
*****
***
**
*






اعادها لمنزله سبقته للاعلى,,
لم يستطع تركها بهمها فلحقها على عجل’’’
ليجدها قد نزعت لباسها لاترتدي سوااا لباسها الداخلي,,
وتهم بارتداء بيجامتها’’’
اقترب بخفه وامسك لبسها وحملها ليعتذر بقدر شوقه منها,,
حاولت التملص لكنها احاطها بعشقه فقال الاسف بآهاته’’’
والتمست له العذر بآهاتها,,

حالهم حال عاشقين00
غابا في دوامة العشق00







*******
*****
***
**
*



خرجت منها غلا بعدما انهت مابداتاه من ترتيب,,
جهزت حقيبتها وماتحتاج لطفلها’’’
وماان ارتدت لباسها حتى زاد عيار الطلق بقوه,,
:آه ياربييييييي ماعاد اقدر استحمل
ياربي متى بيرجع آآآآآه

سمعت صوتا من شقة ابنها محمد ,,
لم تستطع الانتظار بالتاكيد انها مها,,
:يارب سترك الله يهون على بنيتي
مهوي افتحي الباب ياامتس

فتحت الباب ,,
:يمه مغص فظيييييييييع ذبحني يجي ويروح والحين زاد

جمله تجلسها,,
:يابنتي ريحي هذي الطلوق الله يهون عليتس يارب بادعي محمد اكيد انه بالمجلس

مهابرفض,,
:لايمه ذاالحين عند عمه بالبر لاتدقين عليه ماابيه يجيني ظارب الطبلون خليه على راحته انا باستحمل

جمله تقف,,
:اجل بقوم مشاري

ذهبت مسرعه الى غرفة مشاري ,,
فتحت الباب لتسمع صوتا نسائيا" بغرفة نومه ’’’
:الغريب ان حسنا عند اهلها وش ذاالصوت00
دخلت لتفجع من المنظر00





*******
*****
***
**
*




مترك يعود من العمل من المطار,,
متعب استقبلته منى باعتراضاتها المعتاده’’’
لايعلم لم تبدلت 00
هل لانها وصلت لماتصبو اليه من زواجنا00
ام انني اتوهم حبها من البدايه00

جلس على الكرسي الهزاز وبصوت مرهق وهو يفتح ازرار قميصه العلويه,,
:منى اليوم بالذات ابي ارتاح رجاءا خلي التحلطم بعدين

منى تجلس بقربه ,,
:ابي افهم الحين كلا" درى ان احنا متزوجين ليش ماتسكني ببيت اهلك00

مترك ينظر لها بضيق,,
:مافيه محل تدرين بيتنا الدور الأرضي صالات ومجالس والدور الثاني جناح لامي وابوي وجناح للضيوف
والثالث جناحي وجناح لفارس اذا اعرس ,,وين احطج يعني00

منى تقف متخصره بيدها,,
:وليش ان شالله جناحك وش هو له مخليه فاضي ليش مانسكنه والا ناوي ترجع منيره00

مترك لا يعلم حقا" لم لم يصطحب منى لتسكن معه في جناحه ببيت اهله00
هل لانه لم يتخيل بان تحتل احداهن مكانها00

وقف منهيا" الحوار وبحزم,,
:شوفي غير هالشقه مالج عاجبج كان بها مهوب عاجبج الباب يفوت جمل

دخل الى غرفته وهو يدندن موال براسه جديد منى من اعطته اللحن بنفسها00000000000!!!







*******
*****
***
**
*






:يافضح عيني فضحاااااااه

مها مستنكره,,
:وش فيج يمه

جمله تجلس واضعتا" يديها على رأسها علامة الخجل,,
:ياامتس افتضحت ببنت عبدالله داخلتا" عليها شقتها هي ورجلها

مها تضحك وتتألم بنفس الوقت,,
:يمه ماصار الا الخير عادي احنا بناتج

جمله بخجل اكتسى ملامحها,,
:والله انكن بغلاتهن بس ياامتس حتى لو ادخل على ريمه بذاالمنظر ان افتضح ياويلي ماعاد لي وجه اواجههم

طرقات على باب الشقه فوقفت جمله لتفتح الباب ,,
اذ بمشاري يرتدي ثوبا وعلى وجهه علامة خوف وتعجب,,
:يمه فديتج وش فيكم
ماجيتيني الشقه الا بكم شي

جمله بخجل و حرج,,
:يمك مستحيتا" منكم انت وحسنا احسب انها عادها ببيت اهلها

مشاري بابتسامه,,
:لا جبتها على العشر انتي تسبحين بغرفتج مالقينا الا غلاوي وش فيها مها وش عندكم

جمله تتذكر من تتألم خلفها,,
:اييييييه مها تطلق شكلها بتولد ابيك تودينا المستشفى

مشاري على عجل,,
:يلا انزلوا انا باخذ المفتاح وبانطركم تحت

اخبر حسنا بذهابه بمها الى المستشفى ,,
وخرج يصحبهما اتاه اتصال من محمد,,
:الو هلا ياالغالي اخبار عمي مستانس بالبر
محمد بصوت قلق,,
:انا بالمستشفى عمي جاته نوبة سكر وتعبان ادق على مترك جهازه مغلق وفارس مسافر كالعاده
وانا ودي تجي عنده ابي اروح اشوف مهوي ماادري احاتيها

نظر الى مها من المرايه الاماميه للسياره وابتسم,,
: خلاص جايينك انا ومها الحين شكل النتفه ورعك بيظهر يرفس ببطن امه