فجـــر: عاد عزووووز تكفى
عــزيز : لا يعني لااااااااااااااااا
فجـــر: ابي بلييز
عزيز: جووري لا حرام عليج اكثر من جي لا شوفي صرتي كريهه من الضعف
فجــر: بس شهــــــــر
((فجر تبي تشترك بالدايت سنتر وعزيز مو راضي ))
يدخل عليهم بدر: ماما . انا بروح بيت خالي بدر بشوف شروق
فجر: اختك وين
بدر وهو صاير احمر من الحر : الغبيه بنتج تبي تتسبح فالبرجه بتنصلخ من الحر .



نواف وهو متمعن في اللاب توب : مييييييييي
مي وهي تعدل البدي : هممم
نواف وهو يأشر لها : هاي يخصج ؟
مي تطالعه : لا لاتفتحه
نواف: فتحته وخلصت
دمعت عيونها : والله من قبــــل مااتـــــ
قطعها نواف ومسكها من يدها لعند لاب توبه : همم شوفي الفايل .
انصــــــــدمت
مــي وعيونها الناعسه توسعت : انت
نواف : اي اناااااااااااا
مي : ما اصدق اكتشف ان انت من حبيت سبحان الله . يعني ربي كتبك من نصيبي
نواف وهو يضحك: اهاااااااا عيل احين فهمت سر هالميداليه وطلع من الكبت الميداليه اللي عليها حرف الاي والاف . ضحكت له
: بس وين حصلتها
نواف : تذكرين يوم المطــــار
ضحكت ع كل شي صار وحمدت ربها مليووون .ز هي بدون ماتدري حبت نواف بس فرحت لما عرفت ان كل حبها كان لشخص واحد . بس جاسها فضول وسألته
وهي مقبطه جبينها : ام نواف من الللي كنت تحبها ساره صح
نواف ابتسم لها : كنت اكن لها مشاعر بس الحين في وحدة احبها واموت فيها لا والاكثر اذوووب في هواها ضمها لصدره بكل حنان ورقه همس في اذنها : احبـــــــــــــــــــــــــــــــــــــــــــــــ ج

.

فالكويت .
مها : يمـــــــــــه ولدج جننني
ام فهد وهي تحمد الله ع مها : فديتج وين عزيز
مها : يمه فالسرير نايم ابوه جنني ادق له ومايرد.
ولا بدخله فهد: هلا وغلا باغلى ثنتين فالدنيا
باس امه ع راسها وراح لمرته : فديييييييتج
مها تدزه : روووح روح انت عيار اصلا ليه ماترد ع التلفون خليتني احاتيك
فهد والتعب باين ع وجهه: والله انشغلت فالشركه وطلعت للمسجد . فتحنا اليوم خر مسجد واذنت فيه هاي وصيه سعووود
دمعت عين ام فهد ولمها فهد : يمه ادعيله يمه ادعيله.

بعد خمس سنوااااااااات

ماما حالو بللللللللللللللللع
نوف:فديت كلامك الحلو انا فديت الكتكووت
وقف لها : هييييييي انا مو تتوتوت انا ثعووود
نوف :فديت سعودي انا
دخل فراس : بس فديت سعووود
نوف ووهي تقرب منه وتشيل الغتره والعقال : وفديت ابو سعوود . عطته ظهرها بتودي الغتره بس كان اسرع ومسكها وكانت منزله راسها وتم هو يغني لها :
على حبنا تمر أيام وانتي يا هنا فيني@
غراما كل مامر عام احسه يكبر بعيني.
كبرنا او بعدنا صغار تظل اشواقنا فينا@
مادام نحب بعض ونغار لبعض الله يخلينا.
تضيق بصدري الانفاس اذا غبتي وغاب الضي@
واحس اني وسط هالناس مثل طفلن يدور شي.
هواك فمهجتي ساكن كثر هذا الفضا والكون@
ودونك عالمي ساكن بلا طعم وبليا لون.
احبك موت انا واحيا كثر ماحب انا ذاتي@
ومن شر وبلا الدنيا عليكي كم انا احاتي.
لانك قطعتن مني ومايسواك عند انسان@
انا لليوم احس اني هذاك المغرم الولهان.

ويدخل سعود: بابا عييب تثوي جيي حق ماما
فراس وهو مستمتع بكلام ولده : ليش عييب من قالك
سعود: عمي حمود يهاوش اذا قلت حلوة كمات حق بنت منوره
فراس وهو يضحك: احين منور قده يقووول منوره والله ولدج نكته

.
فجـــــر : بدر يا ماما بس عاد .
بدر اللي بيروح 4 ابتدائي : ماماتي والله خلاص حفظت
فجر : يبا تعال . بعطيك 500
بدر : مااااااااااااااابي درست قولي حق بنتج .
يدخل عزيز: شفيكم صوتكم لين برع ؟
فجر: مايبي يدرس .
عزيز: خليه براحته لاتظغطين عليه .
فجــــر: اوكي

.

خلالها انتقت عهود للسما بعد ماتركت الاثر لرحيلها ولكن دون علم احد .


همسات مني .
همســـه حب تعلمتها من فراس الصابر اللي تحمل الامرين لجل قلب حبه من اول نظره . همسه حب من ام لقت ابنها وعطته كل المشاعر اللي يحتاجها .

همسه صبــر من نواف اللي صبر ونال صبر ع عذابه بحبه لساره وعوضه ربي بمي همسة صبر لبدر اللي عانى من زواجه من عهود وصبر لين ظهرت الحقيقه

همسه عتاب لعهود يوسف وام ساره وابوها لانهم نسوا ان الدنيا فانيه وان المختفي لازم يبين .

همسه عشق لقلب راح وترك الكل وراه لقلب حب لحد الجنون وع ذلك وصي لصاحبه همسه تخص سعود

هسمة صداقه لفهد اللي مانسا صديقه وتوصياته .

همسات كثيره لو عددتها ماراح انتهي منها كل منهم ارسل لي همسه علمني كلمة ووضح لي حرف .

فكم من ضحكات رسمها ع محيياي نواف .

وكم من دمعات تحدرت ع وجنتاي من حزني على سعود ورحيله .

وكم من مواقف وكم من مواقف حركتني

اعجبتني رجوله فراس . وحركتني مشاعر فهد وبعثرتني قوه مها .

لكل شخص منهم مكانه بقلبي . ببدا بالابطال .

نوف امم بالواقع شخصيتها قريبه من شخصيتي لحد كبير من النوع المتعلق بالماضي والامة . من الصعب ان تتخلى عن الماضي من الصعب انها تصدق الخيانه من اقرب الاشخاص لها . واقصد فيها بعد اقرب الاشخاص منها ورحيلهم وموتهم. شخصيه وضحت من خلالها سلبيات هالموضوع وشخصيه فيها تضاد .يعني صعب تبين مشاعرها وصعب تغير قناعاتها وعدها الحب مايجي الا مره وبعدها تكتشف ان الحب يجي مع العشــره .

ســاره الشخصيه الضعيفه الانهزاميــــه اللي تتعلق باوهام الماضي وصعب انها تتنازل عنها ومشكله بدت تظهر في مجتمعاتنا وسببها الرئيسي تقليد الغرب . الا وهي اللقطاء او مثل مانقول ابناء الحرام اللي مجتمعاتنا ماتتقبلهم بعكس اني فالقصه خليتهم متقبل بها لا وتزوجت . وبعد وضحت من خلالها كيف الانسان يتأثر بمن حوله شافت كل اللي حولها يحبون فيهالشي هي علقت حالها بنواف مع ان الحب ما يأتي بصفات او غيرها الحب مشاعر بلا اختيار .

مهــا فيها كبرياء يذكني في انسانه عاشرتها وعشقت كبرياها حتى لو تنجرح ماتبين . مع ان هالانسانه حبت بس ماوضحت حبها بالصريح كانت نظراتها تفضحها بس عمرها ماباحت بالحب الا بعد ما ارتبطت بهالشخص. شخصيه احسها تمشي فالسليم تعجبني كل تحركاتها

ريــــم اقرب االشخصيات لقلبي . كانت محرك فالقصه مشاغبه مجنونه شقيه . عنيده كانت متنفسي في بث الشقاوة كلها . حتى باحيان اذا بخاطري اسوي شي وماقدرت ابثه من خلالها وضحت من خلالها كيف جنون الحب هاي الحب بنظري نادر في زمن المصالح حب صعب ينوجد لان حبها مجنون لابعد الحدود حب للحب ذاته وشخصيه فيها التضاد تجد فيها الشقاوة والهدوء الحب والكره العقل والجنون

عهود بتصجقون اذا قلت ان هالشخصيه حبيتها حييييل . حركت لي القصه وسوت لي اكشن مع انها ما كانت ع البال بس خطرت كذا ودخلتها عهود بينت فيها حياه البنت المدلله المترفه شلون وثقه الاهل الزايده وين وصلتها اضافه الى الصداقه الي للحين نحن نعاني اسوء ايراداتها لنا .

لينـــا البنت المتحرره التي تصطدم بشاب ع عكس باقي الشباب اللي هو بدر مايبيها فهالشي اثار جنونها . تحاول تحصل عليه وتنصدم انه مو ملك لها وقلبه مو ملكه وفجأة تتغير والسبب خسارتها لوالدها تتحول لبنت لتزمة من خلالها بينت ان الانسان متغير ومايظل ع حال واحد .

فجر ومي جو كذا بالصدفه فجر اعتبرها من كماليات القصه وبنت حالمة منتشره في وقتنا الحالي ونفس الحال ع مي اللي مثلها مثل بنت هالجيل تحت من خلف شاشه الكمبيوتر اللي في الغالب تنصدم فالواقع .

شيخه ام وايد منتشره في هالزمن تنحرم من ولدها سنين وبعدها تلقاه بين احضانها اتمنى من الله ان يجمع كل شخص بعيد باهله ويرجعه لاحضانهم .

بدر . وما ادراك ما بدر شخصيه بينت من خلالها ما لا نوله دايما ان الشاب قلبه مايلين فالحب على عكس بدر اللي الحب لعب فيه ومو ضعفا بالعكس لان الحب مشاعر حلوة تندر في هالزمن .بينت من خلاله شلون الايمان يرجع كل شي بينت شلون هو مطيع لامه لدرجة انه داس ع نفسه علشانها . وهني يظهر شلون الطاعه للوالدين فيها ايجابيه وسلبيه .

سعود . شخصيه ملائكيه مدري اذا بتنوجد في زمننا ولا تندر فيه شخص مهتم للاخرين ع حساب نفسه لدرجة انه يموت وهو يوصي الاخرين ع حالهم متناسي الالمة واحزانه شص وضحت من خلاله التضحيه وحب الاخرين العميق شخص لدرجة حبه ضحى بحب حياته في اصعب لحظاته

فهد شخص هادي يكتم مشاعره والالمه صعب ينفسها . وصعب انه يبوح فيها وهالشي يقتله بدال مايبنيه بالعكس يضعفه . وضحت من خلاله تعلقه الشديد باصحابه وبالذات سعود وشلون انه صعب عليه انه يتناسى الماضي ويتقبل الخساره .

نواف شخصيه محبوبه مبتسمة . تخفي كل الامها تحت قناع البسمة انسان يرسم بسمة غيره وهو ميت الم وحزن . شخص وضحت من خلاله الصبر ع المصايب تحمل خساره اقرب الناس له . شخص رائع نادر الوجود شخص حالم وحنون ورومنسي

فراس شخصيه دخلها كذا وصارت تحتل جزء كبير من افكاري فالبدايه كان شخص تملكي يبي يملك نوف بجبروته بس بعدها تغير لما شاف حب نوف لسعود . الحب الحقيقي اصبح شخص اخر وبعد رحيل سعود صار هو سعود الثاني . يعني شخصيه رائعه من الممكن انها تحل بكل محل انها تعمل لغيرها وتتنازل عن نفسها شخصيه مضحيه .

عزيز وسامي حمد وطلال ماهم الا كماليات اضفتها للقصه . لتتماشى مع الاحداث