LinkBack URL
About LinkBacks
ساره: اجل اسمعي هذي
سما: خير مسكتي عليها شي
ساره: هههههههههه اسمعي بس لما كنا نقول لها عن هزاع والي سواه معاكي كانت متضايقه انا حسيت انه على هزاع بس قلت خلني انتظر ما ابي استعجل بحكمي عليها لما انتهينا من حكاية هزاع تفاجأت فيها تقول " يا عمري ياسما والله ماتستاهل واحد مثله المفروض يخجل من نفسه يكلم بنت عمته كذا وبهالاسلوب" تبين الصراحه عجبني ردها ماهو عشان انها دافعت عنك بس البنت فعلا تحب الحق ظلت تتكلم عن الحق والي المفروض يصير والمفروض انه مايسوي كذا وكذا تبين الصدق كنت طايره فيها وبعقلها قلت اذا فعلا سما حاطه عينها على هالبنت فهي تستاهل لما قلنا لها عن مرام والي سوته مع سامي وانو هزاع راح طلبها تضايقت اكثر وبكل ادب ياسما قالت " ابي اطلب منكم طلب ابي تسمحون لي اقول لامي عن هالمرام امي تحب هزاع واجد اكيد انها بتوقف في هالموضوع وقفه مايقدر هزاع انه يرفض لها طلبها فيه حتى لو كنتو تكرهوه هذا مايمنع انه امي توقف جنبه هذا بعد اذنكم طبعا واذا منتو راضيين خلاص انا ماراح اجيب سيرة لها" عارفه وقتها اكبرت بعيني كثير والله انا لو مكانها ما اسويها كنت بنتظر لما ارجع البيت وبقول لامي بس هذي تستأذن تخيلي
سما: والله والله انها متربيه بس بعد ما ادري ليه ما ابي استعجل فيها
ساره: في شي مضايقك؟
سما: بالعكس كل شي مطمني حولها بس ما ادري ليه انا متردده
ساره: عشان وضعها يعني
سما: ابدا والله انا عمري ما فكرت كذا فيه شي بداخلي مانعني مافيها شي لو انتظرت شويه
منال: تنتظري على ايش
ساره: يما منك وانتي دايما كذا ماتجي الا بالوقت الي فيه السوالف العدله اذنك هذي ياحبها للسوالف
منال: هههههههههههههههه حرام عليكي والله لسا داخله وما سمعت شي سمعت سما تقول مافيها شي لو انتظر شويه
سما: اقولك بعدين
منال: كذا يا سما ساره تدري وانا منوله حبيبتك اخر من يعلم
سما: والله لو اني حبيبتك زي منتي حبيبتي كان دقيتي علي وقلتيلي انو هزاع خطب مرام
منال: من صدقك انتي كفايه سود وجوهنا اتصل واقولك بعد هذا تفكيره بمرام بس فضيحه فما بالك اذا سواها
ساره: وليه يعني ايش بتسوي اذا سواها
منال: بطرده من بيتي
سما بحده: من صدقك انتي
منال: لا تعصبي تراني ماني ناقصه يبيها يروح ياخذها ويشبع بيها لكن دخله على بيتي مافي
ساره: بس هذا اخو زوجك
منال: انا قايله له اذا اخذ مرام لا يحلم يدخل البيت وهي على ذمته هذا الي قاصر بعد مرام بنت ناصر تدخل بيتي
عبير: من جاب سيرة الزفت مرام
منال: هههههههههههههههه مرحبا بالي تبرد قلبي وتطفي غيضي والله
عبير: هلا وغلا بام محمد كيفك يامنال والله وحشتيني
منال: وانتي اكثر والله
عبير: ايش اخبار العروس؟
ساره: تمام الحمدلله
عبير: ها قولي لي مالها الزفت مرام
سما: حقيقه انك ماتستحي وانا حيطه قدامك؟
عبير: يوووووه انتي متعوده عليكي اسكتي بس خليها تخلص حكايتها عن مرام انشا الله من دمار الى ادمر
سما: اجل ابشري تراها قصه تغث السامع
عبير: والله!! قولي يامنال شوقتيني
منال: اخو زوجي طلبها للزواج
عبير: هااااا!!!!!!!!!!!!!
ساره: جيبو مويه للبنت
عبير: مين اخو زوجك هزاع؟!!!!!!
منال: ايوا هو فيه غيره
عبير: هزاااااااااااع بن محمد الي موقف الديره على حيل يتزوج مرام!!!!!!!!!!
ساره: تخيلي
عبير: جعلها ماتتهنى فيه جعل مايعدي عليها يومين الا وهي بفضيحه تضيعه منها وتطيره بعيد عنها قليلة الحيا معدومة التربيه تاخذ من؟!! هزاع بن محمد ويوم انه بغا يتزوج ليه ماجبتيه لي يا مغفله
منال: وتحسبيني داريه يعني
عبير: ايش قصدك!! اخذها عن حب يعني؟
منال: لا عاد هذا الشي الوحيد الي عارفه انه مو صح مافي أي علاقة حب بينها
عبير: وهذا معمي يعني ماسأل عنها ماعرف بلاويها مغفل هالرجال وانتو ليه ماكلمتوه
منال: ماهو راضي يسمع لاي احد معاند نفسه ومحسب انه صح عجز عادل وهو يقوله انها ماتناسبه وقاله يسمعني بقوله عن سوالفها مارضى
عبير: حقيقه انه مغفل والله انه طاح من عيني مرام عاد خلصو البنات
سما: انا داخله جا دوري منال عبير ما اوصيكم انتو بتخلصو قبلي اسبقوني على القاعه لحد ما اجي بتلاقو الشغالات مجهزين كل شي ماعليكم الا تحددو الوقت متى يبتدو وخلو عيونكم عليهم ابي الكل يكون مبسوط
منال: توكلي على الله وعلينا انا بخلص تسريحه وماكياج وهذاني رايحه
عبير: وانا معاها لا تقلقي وزمان منظمه الحفلات هناك وشايفه شغلها عدل
