أتعلمين!!أي حزن يبعث المطر

[جرح الزمن]

الجزء الحادي عشر
::
اقترب موعد عقد القران
::

ابو عبدالله : ادري يابنيتي ان بخاطرج عرس كبير مثل اي بنت بس انتي عارفه ان الظروف ماتسمح
ساره : ويــه يبه والله ماهمني لا حفله ولا غيره تدري فيني ما احب هالسوالف ولا اواطنها
ابو عبدالله : زين والملجه منو بتعزمين عليها جم وحده يعني ؟
ساره : يبه واللي يسلم عمرك لا تحاتي ماكو الا مرت عمي ودلال
ودانه وهديل رفيجتي و مممم انــا !
ابو عبدالله : واهل خالد ؟ نسيتهم
ساره : هــااه ؟ ايي ماكوو احد بس امه واخته وخالاته وعماته
ومادري بناتهم بيحضرون ولا لاء بس كلهم مايتجاوزون عشره !
ابو عبدالله (يبدو خاض في هذه الامور زياده عن اللزوم ) : وخالتج
مادقيتي عليها
ساره : خالتي تدري فيها تعبانه وماتتحرك يعني ماتقدر اتيي ,,
انتوا عاد لا تنسون تعزمون عيالها
ابو عبدالله : الحين انا قاعد اذكرج شلون انسى !
ساره : مــادري بس بغيت اتفلسف عليك شوي .
ابو عبدالله ( عاد للخوض في امور ليست من تخصصه ) : وانتي
زهبتي نفسج نفنوفج جاهز حجوزات السفر شصار عليها ؟
ساره : يبه شفيك الله يهداك ! هد اعصابك صدقني كل شي تمام
مرت عمي و دلال ودانه ماقصروا معاى بشي
ابوعبدالله : اي والله طلع طيب ام عبدالعزيز وقت الشدايد
ساره : اي والله ودتنا لكل الاماكن اللي نبيها ولا قالت لا ولا اعترضت
حتى دانوه ودلال مستغربين تصدق
ابوعبدالله : ماتبي تكسر بخاطرج المهم بدلتج مالت الحفله جربتيها ؟ لا
تطلع ضيجه ولا وسيعه وتتوهقين يوم الحفله
ساره : ههههههههههههههههه يحليلك يبه ماتوقعتك تحاتي
لهدرجه ابشرك قستها وتمام التمام
ابوعبدالله : زين شفيج ماتاكلين نفس الاوادم ضعفانه وايد هالايام
ساره : يـــــــبه ترى بدعت حدك !


على الرغم من كون ساره بالفعل انطوائيه ولم تحبذ حضور الحفلات والاستقبالات قط
لكن زفافها الملغي *طبعاً* لم يكن من تلك الحفلات التي لا تفضلها
فليس بإمكان احد منا انكار ان ارتداء فستان العرس - مهما كان لونه - هو أحد
الـذ احلام المراهقات والتمخطر به امام جمهور من الاقارب هو اسمى غايات بعضهن !
لكنها ببساطه نفت اي اهتمام بهذا الحلم البريء ,,
واكتفت بحفل عائلي جداً لئلا تردم ذكرى فقيدها الغالي



~~~~~~~~


" تمت المهمه بنجاح " تعبير تفوهت به دانه والابتسامه تعلو شفتيها
لتنوه عن انتهاء حفل عقد القران المختصر دون اي قلاقل ولتشير ايضا
الى رحيل العروسين لقضاء شهر عسلهما المختصر - فقد خفض الى اسبوعان فقط ! -
دلال : انا مو مصدقه ان دانه مابجت اليوم !!
هديل : وي اسم الله عليها شكو تبجي ؟ !
دلال (بعفويه ): مادري من الفرح الحزن تشتاق لامها بيوم عرسها نفس المسلسلات يعني

رن جهاز هديل للمره الــ 17

دانه : شفيه جهازج مابلع ريجه اليوم كل شوي داقين عليج
هديل : هذي نوره وعليه امها ماخلتها تحضر وقلبها معانا كل شوي تدق
دلال (بنبره اسى ): ويييي تلاقينها شفقانه على شوفه ساره
هديل : معانا على التلفون بث مباجر "نزلت ساره" " لبسها المعرس
الشبكه" "شربها المعرس العصير" ا"خت المعرس سوتها مناحه"
ماتشوفيني حتى وقت الزفه الجذابيه واليباب ماسكه الجهاز كله عشان تسمع
واخرتها قامت تبجي وسكرت والحين دقت بس ماني راده عليها دبلت جبدي
دلال : وااااااي شفتي حتى رفيجتها بجت انا مستغربه ساره ليش
مانزلت دمعتها اليوم !!
دانه ( بعد استماع طويل ) : اهى حلفت ماتبجي
هديل: دلال لا تفاولين عليها بروحها دمعتها سخيه خل تستاااانس شوي
دانه (تضرب كف بكف ) : اي والله دمعتها ببيزه الله يستر عسى مو مسويه
فلم هندي عند الريل الحين



~~~~~~~~


على متن الطائره
كانت اطراف ساره ترتجف بقوه .
خوفا , خجلا , فرحا ام حزن لا ادري , ربما جميعها معاً

خالد : ليش ساكته ماقلتي ولا كلمه من الحفله , بالسياره قلنا مستحيه
الحين احنا بالطياره ماطار الحيا ؟!
لم تنظر اليه وواصلت الصمت حيث تشبثت بالمقعد بكلتا يديها
تفهم هو مقدار خجلها منه وفي محاوله ناجحه بادر الى وضع يده
فوق يدها ليطمئنها قليلا
خالد : بس تدرين انلطعت خوش لطعه وانا انطرج بالسياره على ماغيرتي هدومج
ساره ( اخيــرا تحدثت ) : اسفه بس تدري على ما مسحت المكياج
وعدلت شعري وغيرت هدومي و
خالد ( مقاطعا بهمس ) : ماكو داعي تبررين ياحياتي

قال الكلمات المناسبه في الوقت الغير مناسب

" امبيه هذا منو يحسب عمره عشان يقول حياتي ؟ خاطبت نفسها بجزع
ثم استدركت " انا اللي شفيني ! اهو بس يحاول يتقرب مسكين
شكو خايفه منه هذا وانا كنت اعرفه واكلمه شلون لو ماعرفه خير شر ! "
كل هذه الافكار كانت قد قفزت الى عقلها في اقل من جزء من الثانيه
حيت اوقف تراكم غيرها باستمراره بالحديث

خالد : الظاهر انج خايفه من الطياره
ساره : هــااا اي حدي اخاف من الطيارات
خالد : عيل شحقه قاعده يم الدريشه وتفاوضين عليها بعد
ساره : اي بس اخاف من الاقلاع بعدين عادي احب القعده يم
الدريشه ياخي عشان اشوف كـل شي

ابتسم وهو يحسد نفسه على كم البراءه الذي وجده في زوجته
المرتجفه " يحليلها " وصفها بهذه الكلمه محدثا نفسه المغروره



~~~~~~~~


بعد ساعات كانت الطائره قد هبطت بركابها بطبيعه الحال
قد صليت لكي تفقد هذه الطائره واحدا من ركابها
ولكنها لم تستطع التخلص منه ! للأسف !

سعود : هلااا والله بالنسيب حمدالله على سلامتكم مو جنه طيارتكم تأخرت ؟ ولا انا غلطان
خالد : الله يسلمك شدراك عاد اننا تونا واصلين وان الطياره تأخرت شوي
سعود : اي ادري الطيار مضيع الدرب
خالد : هههههههههههههههه الظاهر انك مجيك على الاوقات وعارف اننا بندق عليكم اول مانوصل
سعود : اي ادري بساره بتفتت اعصابك عشان تدق علينا المهم عسى ماتأذيتوا مع التأخير ؟
خالد : لا ابشرك امورنا تمام اللهم لك الحمد ( ثم خفض صوته مازحا ) بس ليش ماقلت لي ان اختك تخاف من الطيارات ؟
سعود ( مستغربا ) : تخاف من الطيارات !! توني ادري بهالسالفه حالي حالك
شكلك انت اللي مخرعها عطها التلفون خل تقولي شمسوي فيها
خالد ( اطلق ضحكه مدويه كسابقتها ) : اي جيك عليها ترى ليما الحين مابلعتها


كان الوضع قد تطور الى اطلاق الدعابات والمزاح بين خالد وسعود نظرا
لتوطد العلاقه بينهما عقب وفاه احمد حيث افسح ذلك المجال لخالد
ليتعرف على افراد هذه العائله عن كثب بالرغم من ذلك كان سعود
قلقاً بالفعل على شقيقته الصغرى

سعود : هلا بام سرور الحمدالله على السلامه
ساره ( ضحكت بهدوء ) : ام سرور عاد الله يسلمك
سعود : ها شلونج يقولون تتنافضين من الطياره ؟!
ساره (دفعه واحده ): الحمدالله انتوا شلونكم ابوي شخباره
اهوا يمك . . عطه السماعه خل اكلمه
سعود : قبل لا اعطى التلفون لأبوي ما اوصيج لا تثقلين على ريلج بالمصاريف
بطاقتج معاج اذا حسيتي ان الميزانيه خرمت لا تمصخينها
ساره : انشالله انشالله عطني ابوي
سعود : اوف كل هذا مشتاقه للوالد زين لحظه حتى اهوا قاعد ينقزني يبي يكلمج
ابو عبدالله : هلا ببنيتي
ساره : هلا فيك يبه شلونك
ابوعبدالله : انتي اللي شلونج عساج مرتاحه

واكملا الحوار الروتيني من سؤال عن الاحوال وغيره كأنهما لم يتحدثا
منذ دهر وكأن الوداع لم يكن منذ ساعات قليله فقط !

لما تعمدت الاصرار على محادثه ذويها سرعان ما استقرا في المطار ؟
هل اشتاقت اليهم فعلا ؟
ام اتصلت لتعرف ان كانوا قد اشتاقوا اليها ؟
ام انها اردات ان تريه بان لها احباء تشتاقهم ويشتاقونها ؟ !

[جرح الزمن]

الجزء الثاني عشر

لم تتوقف حلقات مسلسل "المكالمات الخارجيه" عن البث في ذلك الاسبوع

عبدالعزيز : وينك ياخي شفيك ماتتصل علينا ؟! الحين انا مو قايلك دق كل
ثلاث اربع ايام سمعنا صوتك ياخي حتى لو مالك خلق بس خمس دقايق ;
طيبه خاطر للوالده
عبدالرحمن : انشغلت شوي سافرت مع واحد تعرفت عليه لمنطقه قريبه لنا نتمشى
وتدرى وقت السفر ماتفكر باحد
عبدالعزيز ( متهكماً وغاضباً في آن واحد ): الله يهديك ومخلينا نشلخ التلفون وانت مادريت عنا !!
ياخي طمنا بمسج على الاقل ولا ماسمعت عن هالاختراع !؟
عبدالرحمن (يصطنع الاهتمام ): خلاص انا اسف حقك علي
عبدالعزيز : المهم دق على امي وابوي خصوصا امي ترى قلبها شاب عليك نار
عبدالرحمن : انشالله انشالله ايه شخباركم وشلون دانوه ودلال
عبدالعزيز : ماكوو زود اخبار اختك دلال انخطبت بس ليما الحين ماكو شي اكيد مجرد كلام
عبدالرحمن (بلا مبالاة) : ايه وانت شلونك مع الدوام والترقيه
عبدالعزيز ( انزعج ) : طلعت من خشمي والله سولف بشي احسن واللي يرحم والديك
عبدالرحمن ( بحذر ) : وبيت عمي شعلومهم ؟
عبدالعزيز : ملجه بنت عمك كانت الخميس اللي طاف شنو ماعندك خبر ؟ ترى لازم تدق تبارك
عبدالرحمن ( لم يصدر اي رد فعل فقد ذهل تماما رغم توقعه لهذا الخبر
لم يعتقد بانه سيجرح من جديد ظن انه قد تعود على الاحساس بتلك
الغصه الحارقه المؤلمه )
عبدالعزيز : الــووو وليييه لا يكون انقطع
عبدالرحمن : ها انا معاك عالخط
عبدالعزيز ( مقدما خدمات لا يملكها ) : اذا تبي تعرف تفاصيل دوين "النشره المتنقله "
عندها كل الاخبار
عبدالرحمن : لا وانا شكو بس حبيت اخذ واعطي معاك اشوفك مالك خلق يله الله يسهل عليك
عبدالعزيز : شنو بولد انا ! شفيك ماقمت تعرف تتكلم
عبدالرحمن : مادري شدراني شنو لازم اقول !

استمر الحديث الممل لدقائق معدوده فقط ثم انتهى بسلام حار لكل الاصدقاء
ليباشر عبدالرحمن باجراء مكالمه اخرى لوالديه ليطمئنهما عن دراسته
ويفسر لهما كيف انه لا يعاني من حرقه تملاء صدره كلما استقيظ صباحا وتذكرها
ويشرح لهما كيف انه قلبه لم يجرح على الاطلاق وان احواله لا يمكن ان
تصبح افضل مما هي عليه الان !

~~~~~~~~

دلال : قلت لج دام انهم يقولون انه زين انا موافقه
دانه : هــوو انتي ماوافقتي على اللي اصغر منه توافقين عليه !
دلال : من كبره الحين ترى مو شايب
دانه : بينج وبينه تسع سنين مو جنها قويه التسع سنين !!
دلال : عادي بالعكس احسن تفكيره ناضج , مو ياهل ويبيله احد يفكر عنه
دانه : سبحان الله وجهه نظر يديده هذي !!
دلال :قديمه ولا يديده ترددت بما فيه الكفايه خل اتزوج وبس
دانه : صاحيه انتي شنو خل اتزوج وبس ! ترى عرس وريل ومستقبل كامل مو كره طائره !
دلال : فاهمه شنو الزواج مو محتاجه شرح يالخبيره
دانه (توميء باشارات الجنون ) : هالعايله كلها مخفات اولها عبدالرحمن رافض السفر
وفجأه وافق وتاليها انتي العرس مو بخاطرج ابد وبعدين توافقين على واحد
مايناسبج حتى فكريا
دلال : عبدالرحمن انتى ادرى بظروفه هالمسكين وعارفه
شاللي خلاه يتحمل غربه مايطيقها
دانه : زين هالمسكين له اسبابه انتي شنو اسبابج
دلال : ادور على راحتي وو ناستي
دانه ( الخبيره ) : ياربي منو اللي مفهمج ان الزواج سعاده و وناسه
ترى ان كثرت بس اول سنه بتستانسين , وتاليها شقا وتعب
دلال : انتي اللي منو مفهمج ان كل زواج فيه شقا بالعكس
مو يمكن يحبني ويتمنى راحتي والاقي عنده اللي مالقيته اهني
دانه : مالقيتيه اهني سكتي بس اللي يسمعج يقول معلقينها بالمروحه
ومانعين عنها الاكل والشرب !!!



ضلت دانه تناقشها بطريقه تهكميه دفعتهما الي الشجار على غير المعتاد
فانحسم الخلاف باصرار كل منهما على وجهه نظرها الغير مقنعه !

~~~~~~~~

بعد ايام

نبث لكم حلقه جديده من المسلسل العائلي " المكالمات الخارجيه "

دانه : هااا رحتوا ايطاليا ولا بعد
ساره : اليوم بنروح لها
دانه : بالطياره
ساره : لا يقول خالد ساعتين بالسياره ونوصل
دانه : زين الــوووو الـــوووو
ساره : هو شفيج اسمعج
دانه : اشوى المهم لا تنسين وصايتي الجناط والشحاطات حق الجامعه
اهم شي مالت ديور السودا اللي بغيت اشتريها وامي مارضت
ابيها يعني ابيها
ساره : انشالله ولايهمج
دانه : حتى انتي اخذيلج ترى يقولون ارخص بايطاليا لا بعد يقولون تنزيلات
ساره : انشالله انتي تامرين امر
دانه : ماراح تروحون لندن
ساره : لا شيودينا هناك
دانه : بعد انتوا تناقزون من ديره لديره قلت يمكن تمرون على حمني
ساره : هههههههههههههههه اي والله تعب بس وناسه
دانه : اي استانسي ترى هالايام مره بالعمر ماتنعاد
دلال : اقول جبي يالخبيره وعطيني السماعه
دانه : زيــــــن الوو ساره هاج النسره بتكلمج
دلال : الووو هلااا ساااااره شلووونج ولهنا عليج
ساره : هلا فيج بخير الله يسلمج حتى انا اشتقت لكم والله ها شتامرين عليه
دلال : لا يعل راسج سالم مابي الا وناستج وانسى هالسخيفه ووصايتها
ساره : ههههههههههههه لا عاد الا دندون تامر امر
دانه ( مخاطبه دلال ) : انتي السخيفه
وتهم بسحب سماعه الهاتف من يدها
دلال ( مدافعه عن لفظها ) : اي والله سخيفه وماتستحين على ويهج
عيل البنت رايحه شهر عسل وانتى مابقى شي ماوصيتيها عليه
دانه : هلا ساره مالج شغل فيها مثل ماوصيتج لا تنسين وهاف فن !!
ساره ( كادت ان تظهر ابتسامتها عبر خطوط الهاتف ) : اكشخ يالانجلش
في الطرف الثاني من الغرفه
خالد : يالله سارونه خل نمشي
اشارت له زوجته بالايجاب واستأذنت من دانه بلطف
ساره : يالله دندون لازم نطلع الحين سلمي على الكل باي
دانه : تيك كيرر باي
ساره : انشالله عمتي !!

كانت في منتهى السعاده
لدرجه ان صفه السرور قد طغت على نبره صوتها
وعلى ملامحها الناعمه ايضا
وكان هو ايضا شديد السعاده بإنجازه هذا
فقد بنى لها قصراً من الفرح واحياه في قلبها الموجوع
اجتاحه شعور بالفخر واراد ان يسعدها اكثر فأكثر
ليمنح لنفسه حق الزهو بنفسه والفخر اكثر و أكثر

~~~~~~~~

دانه : تدرين ليتنا قايلين لها انج انخطبتي وجذي
دلال : لا يامعوده خاف مايصير نصيب ( وتخفض صوتها برويه) بعد خاف المعرس يغير رايه
دانه : ويـــع عشتو حاصل له دلال ترضى فيه ويغير رايه كافي عيوبه الشرعيه
دلال : ههههههههههههههههه حرام عليج ترى الريال ماينعاب
كل من مدحه لابوي ولعبدالعزيز
دانه : ويـــع اصلا عساه يغير رايه فكه !

طرق لباب الغرفه تبعه صوت نحنحه منها عرفن الفتيات بأن الطارق هو والدهن
فنهضت دلال بعجله لفتح الباب له
دلال : هلا يبه
وقبلت رأسه باحترام
بينما ضلت دانه جالسه على السرير دون اى مبادره للحركه * كالمعتاد*
ابوعبدالعزيز ( مخاطبا دانه ) : انتي متى تصيرين نفس اختج ؟
دانه ( ببلاهه مصطنعه ) : وي شكو اصير نفسها !!
ابو عبدالعزيز : زين طلعي من الدار ابي اختج بكلمه راس
دانه : انشالله بنفتك من عريس الغفله
ابو عبدالعزيز ( بنبره لا تخلو من القسوه ) : مو شغلج يالله قومي
دانه : وااااااي انشالله اسود مو اهل بس يصارخون !!
تناولت احدى المجلات من على مكتب اختها الصغير وخرجت من الغرفه
تمشى ببطء بينما كانت دلال تحاول جاهده كتم ضحكاتها وتغلق الباب
الذي عجزت شقيقتها الصغرى عن اغلاقه ثم توجهت للجلوس الي جانب والدها


دلال : آمر يبه
ابوعبدالعزيز : كلمني بو راشد

* بالمناسبه راشد هو من تقدم لخطبتها ,, وبطبيعه الحال فإن ابو راشد هو والد من تقدم لخطبتها *

دلال : انزين !
ابوعبدالعزيز : وقالي انكم بتسافرون بعد الزواج على طول حق كوريا
دلال : كوريا !!
ابوعبدالعزيز : انتي تدرين ان راشد دبلوماسي
دلال ( مقاطعه ) : بس انا ماوافقت الا لما دريت انه ماراح يروح سفارات او قنصليات
يعني ما راح ابعد عنكم
ابو عبدالعزيز : السفره هذي شهرين او ثلاث اشهر مو عمل دائم
وبعدين ترى فيها فرصه كبيره له
دلال : ولـوو مو ورا الملجه على طول
ابو عبدالعزيز : اعتبريه شهر عسل
دلال : بكوريا !
ابوعبدالعزيز : ولا يهمج تراه قالي انه هالشغله ملحه وان بعد ماينجز
شغله بيوديج شهر عسل
دلال : هــا لا مو عن جذي بس جنه 3 اشهر مو بسيطه !
ابو عبدالعزيز : اذا تبين نخلى الزواج بعد مايرد من السفر
اهم شي راحتج وهم مو مخالفين

غرقت لثواني في الصمت

ابو عبدالعزيز : خلاص اخليج تفكرين وبعدين ردي علي خبر
دلال : لا خلاص انا موافقه الزواج بعد مده يعني مو باجر بسافر
عندي وقت ارتب نفسي
ابو عبدالعزيز : اكيد ماتغيرين رايج وتوهقيني
دلال : لا ماراح اغير رايي انشالله
ابو عبدالعزيز : خلاص توكلنا على الله


لما وافقت على أي حال ؟
لما وافقت على من يكبرها بحوالي عشر سنوات دون غيره ! ؟
أكانت حياتها مزريه لهذه الدرجه !! ليس باعتقادي
ام كان الالحاح عليها شديداً ؟ لطالما تحملته فلما اختلف الامر الان (!)
ايعقل ان يكون السبب هو السعاده الصادره عن ساره ؟
هل جعلها ذلك تفكر مليا بشأن سعادتها ومستقبلها هي الاخرى ؟
ربما لكن هذا ليس بالسبب المقنع

غموض قد ساد تغير رأيها المفاجيء عن مبدأ الزواج ككل

~~~~~~~~

عبد العزيز : وافقت على السفر معقوله ؟
ابو عبدالعزيز : الظاهر ان امك فاره راسها وذابحتها بالحنه
عبدالعزيز : . ماعتقد انا قايل لامي تخليها تاخذ قراراها بنفس
بدون تدخلات من اي احد
ابو عبدالعزيز : هذا نصيبها وهذا اللي كاتبه ربك لها
عبدالعزيز : ونعم بالله عموما راشد خوش الريال
ابو عبدالعزيز : ايه الفال لك
عبدالعزيز : لا لا لا سالفه العرس هذي انسوهااا حرام ادفن طفولتي
ابو عبدالعزيز : اي طفوله اطول مني وتقول طفوله .
عبدالعزيز ( مال على والده مداعبا) : اتغشمر معاك بس ترى صج توني لاحق على الزواج ومجابل المره والعيال
ابو عبدالعزيز : اي عيال ؟ ! الحين انت اخطب بعدين تكلم عن العيال
عبدالعزيز : لازم اتطمن على اخوي الصغير اول واستره بعدين اتزوج
ابو عبدالعزيز : عذر اقبح من ذنب الحجي رايح معاك راسك يابس


يتميز افراد هذه العائله بصفه تندرج تحت الغباء احيانا !
وتحت قوه الشخصيه احيانا آخرى !
لا بد انكم قد ادركتم ما انا بصدد التحدث عنه *العناد*
يقال ان العناد والاصرار على رأي واحد ولو كان خاطئا هو نوع من الغباء والحمق
و البعض فعلا مؤيدين لهذه المقوله بينما يرى آخرون ان الثبات على
موقف واحد دون التأثر باراء الغير ودون الانجراف معهم هو سمه من
سمات الشخصيه القويه والعزيمه الخ .

برأيي ان العناد يمكن يندرج تحت هاتين الصفتين معاً ( الغباء والقوه ) بحسب الموقف والقضيه !!
و ربما لا ينتمى لأى واحده منهن فلا يعتبر العناد غباء او حتى قوه !

[جرح الزمن]

يااعضاء اذا كانت القصة ماعجبتكم خبروني عشان ما اتعب عمري وامتبها لكم
انا بصراحه زعلانه منكم لهالدرجه القصو مو عاجبتكم
انا مارح اكمل الا اذا شفت حماااس منكم

اختكم
جرح الزمن

[نونا الحبوبه]

والله جاااااااااااااااااااااااااامده مووووووووووووووووووت
بالله عليك لازم تكمليها الله يخليك مشتاقه اعرف نهايتها

[جرح الزمن]

الجزء الثالث عشر

مازال النقاش حول أمر زواج دلال مستمراً ,, لا تقلقوا
سيتم ولكن وفق بعض الشروط *المتوقعه*
دلال : ترى من الحين اقولكم ماكو شي راح يتم وعبدالرحمن مو اهني
دانه : هوو اي اكيد , شلون تتزوجين واخوج مايحضر !
ام عبدالعزيز : اول شي تو الناس على هالحجي وثاني شي لا تخافين بوقت
العرس اخوج بيحضر ,, ثالث شي منو قال انه في شي بيتم وواحد من
اخوانج مو اهني ؟
دلال : اي ترى قلت لكم من الحين كل شي ولا حمني دوين بالطقاق
مو ضروري تكون موجوده لكن الا حمني
دانه : اشـــكره جــدامي !! زين يادليل بنشووف من بيوقف معاج غيري
ياناكره الجميل ياخاينه

~~~~~~~~

مدد اسبوعي عسل ساره لشهر بإصرار من زوجها وبترحيب عميق منها
كانت سعيده جدا ولم تشأ لهذا الشعور ان ينتهي فقد خشيت ان ينتهي
الفرح بانتهاء رحلتهما الورديه هذه !

على الرغم من انها اكتشفت تقلب مزاج زوجها الا انها تكيفت مع ذلك
وتحملت قسوته وجفائه احيانا لتنعم بعذوبه لسانه احيانا اخرى
قضيا معا اجمل اللحظات تنزها في كل مكان كانا يخرجان من الفندق
منذ الصباح الباكر ولا يرجعان الا بعد تناول العشاء أو لتناوله !
لم تشعر بهذا القدر من المتعه احبته كصديق , كمرافق وكزوج يكاد
ان يكون حنوناً ولكن دائما مايتراجع عن هذا الحنان باطلاق احد تعليقاته اللاذعه
شعرت بأنه العالم بأسره عشقته بكل حالاته حين كان يداعبها
بسخافاته المعتاده ,, حين كان يسخر منها حين تتوه منه دائما في احد المجمعات الضخمه
او حين كان يؤنبها - على تأخرها في الاستعداد للخروج مثلا - بألفاظه السوقيه
اظنته يمزح ؟ ام باتت تلك الالفاظ تعتبر نوعا من المزاح ؟
عجيب هو امر هذه الفتاه صارت تتقبل من هذا الغريب معامله حمقاء
هي التي لم تسمح لاحد من اشقائها او صديقاتها ان من احترامها صارت
تأذن له بالتحدث معها باسلوب مبتذل وحقير
تنازلت عن كبريائها الجامح امامه هو فقط لما لا ادري
ايكون هذا تعرفيها للحب ؟ التنازل والانحناء لمن لايستحق ؟

كما تعرفون فإن لكل شهر نهايه واليوم هو نهايه رحلتهما


ساره : ترى اخذت رقم عبدالرحمن من دانه
خالد : عبدالرحمن منوو
ساره : ولد عمي
خالد : ايه هذا اللي يدرس برا
ساره : ايــه عليك نور احنا مو راح ننزل ترانزيت بلندن جم ساعه بردتنا للكويت
خالد : اي خلصي
ساره : راح يعطينا شغله موصينه عليها ربعه مادري اخوه المهم انه بيدز شي معانا للكويت
خالد : ترى والله بلشتينا بأهلج ووصاياهم
ساره : شدعووه كلها جيس صغيرون لا تخاف مو جنطه كبيره
خالد : "جيس صغيرون" زين امرنا لله ,, ترى انا متزوجج انتي بروحج مو متزوج اهلج وعيال عمج والقبيله كلها
ساره : خـــالد لا تصير جذي عاد

~~~~~~~

ام عبدالعزيز ( مشتعله غضباً): الحين انت ريــال شطولك شعرضك اخرتها تطلع موصي اخوك على لعبه
دلال ودانه انفجرتا ضحكا لاغاظه شقيقهما الكبير
عبدالعزيز : يمه الله يهديج هذي مو لعبه يهال ,هذي الله يسلمج لعبه كمبيوتر
يعني عن طريق الانترنت يلعبونها ناس اكبر مني حتى كبرج
ام عبدالعزيز : هــو !! ماعندهم اشغال , عيال يقعدون يجابلون لعبه جنهم يهال
عبدالعزيز : يابنت الحـــلاااال اللعبه عالميه ومايفهما اي شخص بالعكس
فيها ذكاء وتكتيك وأمم وقارات وحرووب
ام عبدالعزيز : حتى بالالعاب حروب ؟ ! زين انت مو كفيتك اللي عندك
عبدالعزيز : هذي نفسها نفس اللعبه بــ
دانه ( مقاطعه ) : هووو من صجك انت موصيه وحالتك حاله وتلفونات على موعد
طياره سارون وريلها اخرتها تطلع عندك اللعبه
عبدالعزيز : خليني اكمل يالمطيوره وبتفهمين
دانه : كمل ياللي مو مطيور
عبدالعزيز : بس هالسي دي اللي بيدزه عبدالرحمن مع بنت عمج عباره
عن
نسخه اجدد من اللعبه فيها خرايط اكثر وامكانيه ابتكار شخصيات جديده فهمتي ؟
دلال : اقول شرايكم تغيرون الموضوع ترى لاعت جبدي
عبدالعزيز ( مازحا ) : ماكوو فايده جهله
ام عبدالعزيز : منوو الجهله ؟
عبدالعزيز : دليل ودووين يمه مالقيتي الا هالخوات اتييبنهم لنا عوع
ام عبدالعزيز : اشوى حسبتك تقصدني
عبدالعزيز : لا محشومه يالغاليه
ام عبدالعزيز : وبعدين على قولتك اختك غير هالموضوع كل واحد شحط
شطوله وقاعدين يسولفون عن لعبه

بهذه الملاحظه الواقعيه قد انهت ام عبدالعزيز النقاش الذي بدأ للتو

~~~~~~~~

" الحين انا منحاش من الديره بكبرها عشان ما اشوفهم عشان انساها يقومون واييون لي عندي ! سبحانك ياربي الظاهر شوفته مكتووبه علي "
وجه عبدالرحمن لشخصه هذه الكلمات بينما كان يقود سيارته متوجها الي المطار لاستقبالها ولتسليمها الامانه
تلهف كثيراً لرؤيه وجهها الجميل مره آخرى اراد ان يحتضن ملامحها بعينيه
لم ينساها قط ! اراد فقط ان ينعش صورتها في ذاكرته
في الوقت نفسه قد كرهـ رؤيتهما معاً خشيّ ان يتألم امامها خاف ان
يوقض فيه ذلك جروح لم تلتئم ولكن اصابها الخدر - رأفه من الخالق - لبعض الوقت !

وقف امام بوابه القادمون متوجسا ينظر الي الخارجين منها ويتفحص معالمهم
الدقائق تمر كالساعات حين يفكر بها وكالثواني حين يتذكر وجود زوجها
قلبه يخفق بعنف كانه في انتظار لعمليه جراحيه قطرات العرق تتصبب من على جبينه القلق بات جليا على تقاطيع وجهه التى قد طغى عليهاالاحمرار صار يفرك كفاه ببعضهما تاره وبرأسه تاره آخرى
لم اعهد قد على هذه الدرجه من التوتر (!)
بدا لي كمراهق متخوف من الحكم الذي سيتلقاه جزاء جريمه قد ارتبكها

مجرد ان لمحها صار يسمع كل شي كطنين الذباب قد اختل توازن حاسه السمع عنده
وحمدا لله لم يختل بصره ايضاً !
هاهي تتقدم وقد ميزته من بعيد تسبقها ابتسامتها الرائعه ممسكه
بيد شخص قد رأه مره او مرتين في عزاء الفقيد احمد المقام قبل اشهر

" الحين هذا اهو مو احلى مني حلوو بس هم انا مملوح " بات يتحدث كالاطفال الان " مهما يكون ماراح يحبها كثر ما احبها "

عبدالرحمن : حمدالله على السلامه
معا : الله يسلمك
سلام وتعارف استغرق دقائق هذا هو عالم الرجال " عالم السرعه "
لاحظ الحقيبه الصغيره التي يحملها غريمه فأدرك انها سيمكثان هنا لاكثر من من مجرد ساعه او ساعتين

عبدالرحمن : هوو تبوني اوصلكم للفندق
خالد : لا ترى كلها جم ساعه وبنرد للمطار ماتسوى فندق ولويه
عبدالرحمن ( تجبره اخلاقه ) : عيل شرايكم امشيكم
ساره : لا مانبي نثقل عليك وراك دراسه ودوام
عبد الرحمن : لا ماوراي شي جان انتوا ماتبوني فهذا شي ثاني
خالد : لا بالعكس احنا نبي احد يدل عشان يودينا لمكان حلو هالجم ساعه

أخذ على عاتقه وظيفه المرشد الساحي مرغما تمنى ان يرفضا
ان يفضلا الاسترخاء في قاعه الانتظار او ان يحبذا التنزه لوحدهما لـكـن الرياح لا تجري كما تشتهي السفن !

كانا يتشاركان الضحك ويتبادلان الحب امام ناظريه
و كان عليه الابتسام دوما وابداً !

~~~~~~~~

لاحقا حين عادا الي الطائره واستقرا في مقعديهما

ساره : بليز خالد لا تمسكني جذي جدام الناس
خالد : شنو اللي "امسكج جذي" شتبين انتي ؟
ساره : اقصد لما حطيت ايدك على جتووفي
خالد : وليش معترضه انشالله ؟ بالعكس مافيها شي حياتي
ساره : ادري ان مافيها شي بس مايصير تمسكني جذي جدام ولد عمي
او اي ناس نعرفهم احس فشله ! بعدين حتى حياتي وحبيبتي ومادري شنو لاتقولهم جدام اهلى بليز ترى بينقص ويهي وانحرج
خالد : غريب امرج !!

هل اعتبرت الفاظ التعبير عن المحبه عيبا يتوجب النهي عنه !!
ام انها لم ترد ان تعرف عائلتها بقدر الاهتمام الذي تحظى به فيقومون بتخفيض مقدار رعايتهم لها ؟ ! سبب تافهه

~~~~~~~~

دانه : زين ليش مانروح لها اليوم ؟!
ام عبدالعزيز : لاحقه باجر يابنيتي توها واصله وتعبانه وولهانه على اخوانها
ماراح تقعد تجاملكم
دانه : هـــو يعني احناااا مو خواتهاااا !!
دلال ( تأشر بيدها على دانه ) : هذي ماتفهم
دانه : يــاسلام ياختي ولهت عليهااااااااا ابي اشوفهااا افففف
دلال : خلاااص هذا البيت يمنا خطوتين روحي
دانه : بعدها ماوصلت اذا وصلت ارووح
ام عبدالعزيز : قلت لج ماكو روحه الا باجر
دانه : اف
دلال ( عاقده الحاجبين) : اف منج


اشتاقوا لها كثيرا ارادوا رؤيتها ومعرفه اخبارها
اين ذهبت ؟ وماذا فعلت ؟
وكيف هو طعم الزواج والحب ؟
وماذا يشبه التواجد مع من تحب ؟
وكيف يكون العشق ممتعا لهذه الدرجه ؟
الدرجه التي جعلت نبره صوتها تتغير لتجعل العصافير تقرر الغرق في الصمت

~~~~~~~

وصلا الي منزل والدها استقبلوها بحراره جارفه

ابو عبدالله : حيا الله ساره وخالد توه مانور البيت
عبدالله : حيا الله ام سرور وابو سرور
ساره : وااااااي شنو سرور اي شي لا تسوونها علوق انت وسعود
سعود : ماسرع مانرفزتي غشمره يالدعله غشمره
ساره : دعله بعد !
خالد ( يجلس متمللاً ) : دلوعه والله
ساره : اي مو دعله دلوعه
عبدالله : تعترف بعد !
ساره (تتحدث وتنظر الى زوجها ): والله على الاقل الدلع لايق علي
مو نفس بعض الناس
ابو عبدالله : من اولها بتتعايرون !

استمر الحال على هذا المنوال من المزحات (الثقيله بالنسبه لـ ساره ) التي
كانت تفجر الشباب وتفجر ساره غيظا حيث اخذت كل الامور على محمل الجد
فلم تسمح لنفسها بالاستمتاع باللحظات المرحه القليله التي تقضيها
مع والدها وشقيقها وزوجها ( زوجها * لهذه الكلمه رونق غريب * )

~~~~~~~~

اخيرا اجتمعت بالفتيات

ساره : وااااااااااااي ليماالحين مو مصدقه انكم ساكتين عن هالخبر الحلوو وماقلتوا لي
جذي تخلوني اتنح جدام خالتي مادري شالسالفه
دانه : والله كنت ابي اقوولج بس هذي مو راضيه شكو مادري
دلال : ماكان في شي اكيد يعني بس كلام وجذي ,, وبعدين قلت اخليج
بفرحتج ماني مخربتها عليج
ساره : تخربينهااااا !! لا غلطانه بالعكس والله افرح زووووود
دانه : قلت لج اختي ماعندهااا سالفه . . الا اقول في واحده من رفيجاتج يايه اليوم
ساره : على اساس هديل بتيي بس مادري شصار ودقت قالت بتيي بيوم ثاني
دانه : احسن مالي خلق اجابل واجامل
ساره : خالتي وين راحت سلمت عليها وباركت لها سالفتين وقامت شفيهاا ؟
دلال : عندها عزى اليوم ومادري منو ولده ومادري اي عيوز بيزورونها
تعرفينها تخلص على مشاويرها بيوم واحد
دانه : شتبيين بامي هاااا تبينها تقعد عشان مانسألج ونسولف على راحتناااا ادري بخططج
ساره : لا والله مو جذي سألي اللي تبين وسولفي باللي تبين بعد
دلال ( مخاطبه شقيقتها المتهوره ) : انتي شفيج ماتعرفين تتكلمين ؟
متى بتتعلمين الاسلوب والذوق متى !؟ !!
دانه : على طاري الامهات شلون ام ريلج عسى مو شريره نفس المسلسلات
ساره : اي يحليلهاااا تهبل حليووه وطيبه
دانه : وخالد طالع عليها ولا لاء
دلال : وااااااي فشلتينا سكتي بس تحقيق ولا تحقيق
ساره : ههههههههههههه لا تخافين طيب
دلال : واخته مو عنده اخت وحيده ؟
ساره : امبيه اخته حدي خايفه منها شكلها نسرررره تخرع
دانه : ويي شكو تخافين منها ؟ انتي شلج شغل فيها اصلج !
ساره : نسيتي اننا بنسكن معاهم
دانه : اي والله صج بس هم مالج شغل فيها ان طولت لسانهاا اناا لها
ساره : حرام عليج البنت ماطلع منها شي
دلال : دووين هرموناتها متخربطه هالايام زاهبه للهوشات
دانه : المهم ريلج شلونه معاج
ساره : زين
دانه : بس زين انتي بتجلطينيييي ولا شنوو
دلال : اقول عمي شلون رضى تسكنين بعيد عنه
ساره : واي سكتى كاسر خاطري امس يحاجيني يقول ليش ماتقعدون عندنا
بس اذا فكرتي فيها ترى هم ام خالد واخته قاعدين بروحهم ومايصير يخليهم
بعدين مادري شلون الواحد يسكن عند اهل مرته ترى مو حلوه !
دانه : امبيه حدنا بنفقدج والله
ساره : حتى انا احاتي ابوي واخواني بعد
دلال : خل سعود وعبدالله عمي اللي شنو بيسوي
دانه : زوجوه
ساره : مالت عليج وعلى اقتراحاتج زين قال زوجوه قال

~~~~~~~~

ابو عبدالله : ماودك تعرس وتبرد جبدي خلنى اشوف عيالك
عبدالله : آآخ قلبي بعده محترق على اخوي شلون اخطب واتزوج ,,
ولا افكر بهالموضوع بكبره
ابو عبدالله : هذي ساره اختك تزوجت وبعدين الدنيا تمشى واحنا المفروض
مانظل واقفين بنفس المكان بالعكس نمشي معاها قبل لا تسبقنا
عبدالله : ساره وضعها غير وضعي
ابو عبدالله : وضعها نفس وضعك وظروفها نفس ظروفك ولا نسيت انها اخته مثل ما انت اخوه
عبدالله ( يعض اصابعه ندما ) : بس اهي ماذبحته انا اللي قتلته بغبائي وعنادي
ابو عبدالله : اخاف اموت ولا اشوف ذريتك ياوليدي
عبدالله : عسى روحي فداك عسى يومي قبل يومك لاتقول هالكلام يبه
ابو عبدالله :عيل خلني اخطبلك دانه
عبدالله : دانه بنت عمي ! اول شي والله يخليك لا تضغط علي بسالفه الزواج
وبعدين دانه ترى صغيره يمكن كبر ساره اخر وحده افكر فيها كزوجه
بنات عمي مثل خواتي
ابو عبدالله ( باصرار ) : انت اختار اللي تبيها
عبدالله : يبه والله مو بخاطري لا زواج ولا يحزنون وان مابغيت اتزوج مو رادني الا لساني
ليش ماتزوج سعود ماعتقد بيمانع
ابو عبدالله ( نفذ صبره ): ازوج الصغير قبل الكبير !!؟
عبدالله : ويمكن حتى مايقول لا اذا قلت له عن دانه


لا اعرف مابال الفتيات والشباب مضربون عن الزواج كأن هناك ذئبا في انتظارهم
ليله العمر ! وان فروا منه فإن هناك تنين متربص للناجين امثالهم وسيظل يلاحقهم
الى ان يفترسهم في نهايه المطاف !!
لما عزف الكثير منهم عن الزواج وهو سنه من سنن الحياه والطبائع البشريه !

~~~~~~~~

بحر وصعب مرساه says :
انا مو مصدق انج معاي بنفس كليتي وليما الحين ماعرفت منو انتي

Nobody worth your tears & the only one who worth it , won't make you cry says :
انا مو بكليتك قلت لك من قبل اخذت ماده بكليتك بعدين شكو تعرفني ؟

بحر وصعب مرساه says :
شفيها اذا عرفتج ؟ ولا جيكره


Nobody worth your tears & the only one who worth it , won't make you cry says :
أنا جيكره اصلا الحلا ياخذ من حلاي

بحر وصعب مرساه says :
اكيد بطه ولا في وحده تتغلى هالكثر على اسامه الـ****

Nobody worth your tears & the only one who worth it , won't make you cry says :
تصدق انت وايد شايف عمرك على الفاضي يافاضي باي ياسخيف

[جرح الزمن]

طرفا المحادثه القصيره هذه :

(1)
Nobody worth your tears & the only one who worth it , won't make you cry
نـوره
نعم نوره ,, لا ترمقوني بتلك النظرات فقد عاد ذلك الجهاز *اللعين* الى غرفتها
بفضل والدتها فهي من اعادته لغرفه ابنتها لادخل لي بالامر
يال هؤلاء الاهل الا يتعلمون من اخطائهم ؟
أ لم يستشفوا العبر من تجارب غيرهم !!


(2)
بحر وصعب مرساه
شخص ما من هذا الحوار استنجت ان اسمه اسامه وانه ابن عائله ذات صيت في
الكويت , كما ان شعرت بأن الغرور يكاد يتدفق من فتحتي انفه !
وعرفت ايضاً بأن هناك العديد من المحادثات الالكترونيه قد سبقت هذه


" سخيف غبي شلون خليت هالتافهه يستفزني " تسألت بهذه الكلمات
وهم تهم بتسجيل الخروج من برنامج المحادثه ثم توجهت الي غرفه المعيشه
لتقوم بواجبها اليومي وهو :
.:: مجامله والدتها لمده ساعه على الاقل قبل خلودها الي النوم ::.

ام ناصر : مابغيتي تفارقين الكمبيوتر
نوره : كنت اسوي تقرير
ام ناصر : ماصارت تقرير هذي
نوره : شسوي شلون ارفع تقديري عيل

رن هاتفها النقال بضع رنات
نوره : ويع هذي شتبي احد يدق الساعه 10 ونص بالليل
نوره : الوو
جنى : هاااي شلونج شخبارج
نوره : بخير انتي شلونج
جنى : تمام انتي شلونج
نوره : !!!! قلت لج بخير الحمدالله
جنى : اوبس سوري مو مركزه معاج توني شابكه عالنت واسولف بالمسن
نوره ( بشراسه ) : دامج مشغوله شكو داقه
جنى : ابيج تشبكين
نوره : يبيلها تلفون هذي جان دزيتي مسج وخلاص خرعتيني
عبالي عندج سالفه
جنى : مادزيت مسج بيكوز أى نو انج راح تنطشين عشان جذي دقيت
نوره : هم راح اطنش مالي خلق
جنى : نوووو نواره بليز القيرلز كلهم اهني مو ناقصنا الا انتي
نوره : ادري انهم موجودين كنت اونلاين قبل شوي
جنى : واااي ليش طلعتي يالله شبكي اقيين
نوره : مابى جنى صراحه مالي مزاج
جنى : بلييز بلييييز بلييييييز دونت بي سيلي
نوره : اوكي اوكي

استأذنت من والدتها ثم عادت للاتصال بشبكه الانترنت وقامت بتسجيل الدخول
في برنامج المحادثه وباشرت التخاطب مع صديقاتها من ضمنهم جنى
التى قد عرفتها منذ المرحله المتوسطه ولكن علاقتهم قد فترت مؤخرا
مع انشغال كل وحده منهن بحياتها الجامعيه


Apple-Pie says :
ولكم نوار عاش من شافج

لو نظر الي نيوتن لادرك بأن للجاذبيه قانون آخر says :
هلا نونو

صعب انساك واخشى مع الوقت تنساني says :
ولاكم حجيه

Nobody worth your tears & the only one who worth it , won't make you cry says :
قوه بنات


استمر الحديث لدقائق قبل ان تفاجيء بوجود ذلك المغفل الذي كان يستفزها


بحر وصعب مرساه says :
ها اشوفج رجعتي ماقدرتي على فراقي

Nobody worth your tears & the only one who worth it , won't make you cry says :
ويع من زينك ماقدرت على فراقك مالت عليك وعلى اللي علمك على الانترنت

بحر وصعب مرساه says :
اذا لايعه جبدج مني صكيني بلوك ادري انج حبيتني ودشيت قلبج

Nobody worth your tears & the only one who worth it , won't make you cry says :
ويع ياكرهك استلم احلى بلوك

قامت بحظره كى لا يتمكن من محادثتها وانشغلت بالسخريه مع صديقاتها حول
استاذ قد اخفق في شرح ماده ما فنسيت ان تمسحه نهائياً من قائمتها
ومن حياتها

[جرح الزمن]

الجزء الرابع عشر

خلال زياره روتينيه قامت بها ساره للإطمئنان على والدها وشقيقيها
قررت ان تقوم بزياره الفتيات في منزل عمها ايضاً فقد اشتاقتهم رغم انها كانت تتحدث اليهم في الامس القريب . . !

في منتصف السلام كان الحوار كالاتي
دانه : هــا شلونج مع الريل ؟
ساره : تمام الحمدالله
دانه : اففف ردينا على تمام وما تمام يالعبيطه فهمي من السؤال اني ابيج تسولفين وين رحتوا وين ييتوا ؟ شسويتي معاه؟ يعني نبي نعرف اسلوب حيااااتكم
دلال : تقولج تمام يعني ماتبي تتكلم بعدين انتي خلي عندج شويه ذوق ترى مو كل شي ينقال لليهال اللي نفسج
دانه : طاااااااااااااع هذي يهال اصلا انا اكبر منهااا
دلال : عمر مو عقل ياختي البنت ماتبي تقول بتحتفظ بهالاشياء لنفسها انتي شكو !
دانه : انتي اللي شكوو !
ساره : لا والله عادي ماعندي خش ودس اذا تبون اقولكم شصار من
ركبت للطياره
ليي امس عشان تطردوني من الدار مره وحده
دانه : اييي ايييي نبي جذي تفاااصيل ممله
ساره : انشااااااالله
دلال : الا على طاري ريلج شلون اخته القشرااا معاج ؟
ساره : اي والله قشرا تخيلي مثلا اعزمها تطلع معانا سينما او مطعم
مع ان خالد نفسه مايبيها ! تخيلي تتصرف جنه اهي اللي عازمتني وتتمنن علي !
دانه : هــووو !! جليله الخاتمه
ساره : اييييي تنرفز تكلمني من طرف خشمها جنها مغصوبه على الطلعه
مو جنها رازه ويهها غصب
دلال : الحين مو انتي عازمتها بعد تحملي
ساره : انزييين تستحي على ويهها شوي مو كل مره ترتز جنها مو مصدقه
دانه : اي والله المفروض تفكر انهم توهم متزوجين ومحتاجين شويه خصوصيه
دلال : علمي نفسج
ساره : تخييييلوووا كله لازقه باخوها ومتعقله بايده جنها اهي مرته وحبيبته
وانا داشه عرض بالسينما تقعد بيني وبينه جنها ياهل بمطعم ولا كوفي شوب
كله لازقه فيه جنه بيطير ولا اذا نتمشى بمكان واااااي انغث اهما مع بعض
وانا بعيد شوي عنهم وتعرفين هذي ماااكو احساس ماتفج عنه !
دلال : والله لو اني منج جان الزق فيه واخلى وييهاا فاهي شنو بعد ريلي وحره فيه
دانه : اي والله اول مره تقولين شي صح بحياتج يادلول
ساره : لا وي استحي جدام خلق الله ماسكته وحالتي حاله !
دانه : بس تصدقين هذي خبله معقده نفسيا
ساره : لا مسكينه احسها تغار صج انها تلوع جبدي وتطلعني من طوري
بس اذا ذكرت انا شكثر متعلقه باخواني ما الومها صراحه يمكن لو احد من
اخواني متزوج قبلي ويدلع مرته جدامي جان سويت العن من اللي تسويه
دلال : ساره تتليعين لو انتي مكانها جان بجي ومناحه وجدامهم تمسكين عمرج
وهم مادروا عنج ولا عن هوى دارج
دانه : هههههههههههه هذي ثاني مره تقولين شي صح بحياتج
دلال (متجاهله دانه ): خلي اللعانه لاهلها وانا اختج
ساره : انتوا الظاهر ماتعرفوني عدل
دلال : نعرفج اكثر من نفسج
دانه : الحين انتوا قمتوا تتكلمون عن اخت الريل وبعد ماسولفتي لنا عن الريل
ساره : اييي ادري السالفه تحوس بخاطرج سمعى امس كنااا طالعين مع بعض بروحنااا
دلال : النسره مو معاكم
ساره : لااا اشوى
دانه : وين رحتوو ؟
ساره : رحنا السينما مو اهني القصه السالفه بعد ماطلعنا من المطعم
دانه : وين تعيشتوا
ساره : ابل بيز المهم قبل لا نطلع كان يسألني اذا اخذت ليسن ولا لاء
دلال : انتي ماخذه الليسن بس ماتسوقين
ساره : اييي المهم قام يطفرني انتي قاري ماتعرفين تسوقين شلون
بتسوقين سياره
دانه (باستهزاء): يحليله يعرف يطفر بعد
ساره : حده هذا فن عنده اصلا من كثر ما ينني طلعت له الرخصه عشان يسكت
تدرين شقال ؟
دانه : شقال
ساره : يقول هذي مزوره
دلال : ههههاااي ابداع ريلج
دانه : وييه هذا مو صاحي
دلال : زين وبعدين شصار ولا خلصت السالفه
ساره : سمعي قام وقالي عيل سوقي الحين اذا طلعنا من المطعم
دانه : وسقتي !
ساره : اكييد صار لي ساعه ادافع عن عمري واقوله اسوق احسن منك
وسايقتي راكده وحالتي حاله اخرتها ما اسوق
دلال : زين ماخفتي والله
ساره : وبيني بينج قلبي كان بيطلع من مكانه من الخووف هالحجي الساعه 11 ونص جذي
دلال : انزين وعسى ماخبصتي ولا خطرتي الاشاره حمرا
ساره : لااا بس كنت بطيييئه ورد يطفرني من يد ويديد يبيني اسرع اكثر بس كنت خايفه ومو راضيه
تدرين شسوووووى
دانه : شسوووى ؟
ساره : شغل كل الليتات اللي داخل السياره وقال الحين اخليج تسرعين
ولا تعرفين اللي قاموا الشباب يطلون بالسياره ويلحقونا هالعقديشن
ويـــــع بغيت اموت انا اطفي هالليتات واهوا يرد يشبهم يقولي لا تطفينهم
دوسيعلى البنزين ؟ امشي اكثر عشان مايلحقونج ليمااا اخر شي
دست عدل وبغينا ندعم بسياره كانت جدامنا الا شعره عاد زفني زف
خنقتني العبره بس مابجيت
دانه : عمى بعينه شكو يزفج مالت عليه مو اهوا اللي خلاج تسرعين
دلال : خلي الدعمه والزفه هذي سالفه بروحها لكن سالفه انه يشب الليتات
جنه خبل ويخلي هالميانين يلاحقونج بنص الليل !! اسمحيلي بس ريلج فيه لوثه عقليه
دانه : ايي انتي ماتسمعين عن الخبول اللي يفتحون ابواب السياره
على البنات بالاشارات ولا يلزق بسيارتها واهي تمشي خصوصا راعين
السياكل ترى نصهم فاقدين
ساره (بانزعاج واضح ): لا اسم الله علينا سويتوها سودا !
كله ضحك وغشمره المسكين ما ارتكب جريمه !
دانه : والسجين انشالله من دريت انه يزف وانا كارهته
ساره : دندون لو سمحتي لا تقولين عنه جذي
دانه : اففف تدافع عنه بعد زين انا اسفه حقج علي
دلال ( التي شعرت بتوتر الاجواء وارادت تغيير الموضوع ) : الا صج سألتي لي اصيله
ولا مو اصيله ؟
ساره : ايــــي واي كنت بنحط بموقف لا احسد عليه بس ربج ستر
دانه : لحظه لحظه شنو اللي اصيله ومو اصيله ؟ تتكلمون عن خيل انتو ؟
دلال : اي خيل انتي بعد اقصد هديل
دانه : هديل منو اي اي ذكرتها هو ليش تسألين ؟
دلال : ايه ساره قولي
دانه : الحين انا اكلمج تقولين لها كملي . ماكوو احتراام بهالعايله !!
ساره : طلعت بيسريه
دانه : يعني شنو بيسريه ؟
ساره : يعني مو اصيله
دلال : حسافه عاد خوش بنت
دانه ( بنفاذ صبر ) : احد يفهمني شالسالفه قبيل لا ازنطكم انتوا الثنتين
دلال : الله يسلمج انا قلت لساره تسأل عن رفيجاتها اصيله ولا مو اصيله
دانه ( التفتت على ساره ) وانتي ماتدرين شنو اصل رفيجاج بالضبط شكو مرافجتها عيل
ساره : لا ماهمتني هالسوالف كنت برافجها مو بناسبها
دانه ( عادتت للالتفات لدلال ) : زين كملي
دلال : وطلعت مو اصيله
دانه : بــس !! هذي السالفه!! قولوا شعندكم ؟
دلال : كنا بنخطبها حق عبدالعزيز
دانه ( شاهقه مخيفه ) : بتخطبون حق عزيز !! وانــا ما ادري !!
دلال : شكوو نقولج عزوز نفسه ماعنده خبر واصلا السالفه تفركشت بما ان البنت مو اصيله
دانه : ودي اشهق بعد بس دام انه عزيز نفسه ماعنده خبر بخططكم الخبيثه
خلاص مالي حق اشهق
ساره : زين الحين في داعي اعزمها ولا لاء ؟
دانه : هوو عزميها ليش لا
ساره : دوين لا تتكلمين وانتي ماتدرين شالسالفه كنت اسال دلول ماسألتج
دانه : شنو افهم بعد
ساره : شفيه مخج واقف اليوم ,, مو على اساس نعزمها وعبدالعزيز يشوقها بالصدفه البحته فهمتي ؟
دانه : اهااا اممم عموما الحين خربت السالفه عموما ترى ماكان فيها زود
مادري شعاجبكم فيها الصراحه
دلال : بالعكس اصلا حدي منقهره
دانه : تصدقوون سالفه الاصل وما الاصل هذي ماتعجبني
دلال : هو يعني عادي تاخذين واحد مو من مستواج ؟
دانه : مو من مستواي شفيج تقولينها جذي ؟ جنج طالعه من مسلسل مكسيكي !
ساره : هوو دندون من صجج عادي تاخذين واحد مو من شيوخ الاصل
دانه : شفيها !! اذا عاجبني وداش مزاجي ليش لا !؟
ساره : ياسلام جنه السالفه بكيفج الحين !
دلال : اي والله جنه ابوي ولا عزوز بيعطونج مجال وبيخلونج تاخذين على مزاجج
دانه : شفيكم سألتوني وجاوبت ,, والكلام ببلاش بعدين بصراحه شالعقليه
وين قاعدين ! اصل ومستوى ومادري شنو كل الناس متساويه الحين "سيم سيم "
ساره : عيل تبين تاخذين اي شي ؟ حتى الرسول عليه الصلاه والسلام قال " اسأل عن العرق فإن العرق دساس "
دلال : لا هذي بتروح تاخذ لها اي واحد
دانه : ساره انتي اخر وحده تتكلمين بهالسالفه رافجتي هديل ماقلتي مو اصيله يعني
ساره : يــاســلام ! انا ماقلت إننا نعيش ببرج عاجي وننفصل عن العالم
ولا نرافج احد ولا نختلط مع الناس ولا بنقعد ننقي ربعنا صراحه !
بس اذا يينا نناسب وقتها نعرف نختار
دانه : واااي تفكيركم مادري شلون صاير مخوخكم مركبه بالمقلووب !
ترضين ترافجينهم وتخاوينهم ولا تبين تاخذين منهم !
دلال : اي ترى كل شي الا الزواج هذي مافيها روح وتعال يالخبيره
دانه : ووي بلا خبيره بلا بطيخ

احتقد النقاش كعادته وعاد ليهدأ ثم يحتد فيهدأ دام الجدال لنحو ساعه
في مسأله الزواج ورضى الاهل و أصل كل من الخاطب و المخطوب
وتأثير ذلك في الحياه الزوجية سواء على المدى القريب , او البعيد
وانتهى الامر كالمعتاد بعدم اقتناع اي منهن بنظريه الاخرى !

مارأيكم انتم هل نظريات الطبقات المختلفه والمستويات الاجتماعيه والاعراق
مازالت مهيمنه على مجتماعتنا وعلى قرارات الزواج بين افرادها ام لا ؟

بالنسبه لي اوافق ساره تماما في ما تقوله فإني ارى هذا الامر كـ سنه
من سنن الحياه والطبيعه البشريه التي لا يمكن الاعتراض عليها !



~~~~~~~~



بعد اسابيع
-ابو عبدالله وابو عبدالعزيز مازالا يضغطان على ابنيهما لإقناعمها بالزواج
-ام عبدالعزيز تكاد ان تطير فرحا باقتراب موعد زفاف ابنتها
حيث يسود الاجواء توتر حاد وغير معهود على الاطلاق بين دانه ودلال !
-عبدالله تخلص من عقده الذنب التي كانت تطوق عنقه واصبح اكثر انطلاقا
مع اصدقائه وفي عمله على حد سواء , واعتقد بأنه قد بدأ يتراخى امام فكره الزواج
-سعود سبق اخيه الى نفض هاله الاحساس بالذنب من حوله وعاد للمارسه
حياته الطبيعيه منذ اشهر مرت *كما تعلمون*-عبدالعزيز رافض لاقتراح الزواج رفضا قطيعاً , بل انه بات يهدد ويندد
بالسفر الي شقيقه ان لم يكفو عن مضايقته بهذا الشأن
- نوره لاتزال مدمنه على الانترنت وقد تحدثت الى مختلف الاجناس من بقاع
متنوعه ولا اخفيكم سراً بدأت تسأم من تلك الشخصيات المكرره التي تحاورها
-هديل بانتظار فارس الاحلام ليخطفها على حصانه الوردي عفوا "الابيض"
- ساره مازالت متشبثه بتلك السعاده الوهميه التي لطالما جرت بحثا عنها
ومازالت تختلق الاعذار لئلا تفقده !
- عبدالرحمن عاد لكتابه القصص والخواطر ولكنه توقف عن رسمها على الورق
ليكتفي برسمها في مخليته وبكلمات اشعاره فقط !

~~~~~~~~

عبدالعزيز : يمه ترى عبدالله مسوي حادث
ام عبدالعزيز (بفزع) : حادث !! اللهم كافينا الشر عسى ماصار له شي بس ؟
عبدالعزيز : اللي فهمته من سعود انه في كسر بريله محتاج عمليه
ام عبدالعزيز : لا حول ولا قوه الا بالله زين متى صار الحادث
عبدالعزيز : مادري الصبح او العصر توني داق على سعود بسأله عن اشتراك النادي
جان يقولي عن الحادث
ام عبدالعزيز : زين وانت وين رايح الحين
عبدالعزيز : رايح لهم المستشفى بعد وين
ام عبدالعزيز : زين زين دير بالك على نفسك ولا تسرع ياوليدي
عبدالعزيز : تامرين على شي ثاني ؟
ام عبدالعزيز : لا سلامه راسك
عبدالعزيز : زين اذا وصل ابوي البيت قوليله لا تدقين عليه وتقولين له واهوا
يسوق خاف يرتفع سكره ولاشي تدرين شكثر يحب عبدالله
ام عبدالعزيز : انشالله

هرع عبدالعزيز مسرعا الى المشفى قلقا على ابن عمه على شقيقه الثالث
قلقا على أُخوه وصداقه عظيمه كان من الممكن ان تنطفيء بغمضه عين

~~~~~~~~

هناك كان ابو عبدالله يتصبر على احر من الجمر في غرفه الانتظار والراحه

ابو عبدالله ( بعصبيه ) : لا تلف وتدور علي شقال الدكتور
سعود : مثل ماقلت لك يبه بسيطه انشالله
ابو عبدالله : ربع ساعه تكلم بهالدكتور واخرتها كلمتين بسيطه انشالله شقال عن اخوك
سعود : هد اعصابك يالغالي يقول ان جتفه اليمين مكسور و ريله اليسار مكسوره (ثم انزل رأسه وسكت )
ابو عبدالله : هالحجي كله اعرفه كمل شفيك ساكت
سعود (افرغ مافي جعبته ): يقول انه كسر ريله جايد شوي ومحتاج عمليه
واحتمال ان عبدالله يعرج لفتره قبل لا يقدر يمشي عموما هذي كلها
توقعات وخرابيط اطباء انشالله بيقوم مثل الحصان طول عمرنا نتكسر
واحنا يهال ماعليه شر انشالله وتدري الاطباء يحبون التفلسف وتضخيم الموضوع
ابو عبدالله : لا تاخذني بشراع وميداف شقال الدكتور عن الغيبوبه اللي اخوك فيها
سعود : يقول هذي شغله طبيعيه , وبيقوم منها عادي
ابو عبدالله : يعني الدماغ مو متضرر
سعود : هذا اللي تحاتيه لا يبه ااشعه مو مبين فيها اي ضرر للدماغ واصلا مافيه جروح
ابو عبدالله : الحمد لك يارب الحمدالله
سعود : قلت لك مافيه الا العافيه انشالله
ابو عبدالله : يعني انت ماشفت الدم اللي كان على دشداشته وعلى راسه !
سعود : امبلااا شفته بس هذا كان دم رفيجه مو دمه
ابو عبدالله : ايــه الله يرحمه شفت ابوه شلون انهار ,, ماينلام حاس بحرقته على ولده
سعود : الله يعينهم على بلواهم بس انت لا تكدر خاطرك ولا يضيق خلقك
وانشالله عبدالله بيقوم سالم ماعليه شر

~~~~~~~~

أما هنا فكانت ام عبدالعزيز توضح لابنتيها الوضع وتقص تفاصيل الحادث
طبعاً بإضافه بعض البهارات الشخصيه

دلال : عبدالله !!
دانه : لا مــا اصدق بيت عمي يايايتهم عين ولا مسوين لهم عمل
ام عبدالعزيز : اي والله مقروودين
دلال : وساره درت ولا لاء
دانه : ايي صج عندها خبر ولا لاء ؟
ام عبدالعزيز : ماظنتي
دلال : انزين وعبدالله شنو حالته بالضبط ؟
ام عبدالعزيز : توه ابوج مكلمني بالتلفون يقول ان حالته مو بسيطه . . كسور وكدمات وايد
وانه بغيبوبه ومو عارفين حاله دماغه
دلال : ويييييييييي عسى مافيه ارتجاج نفس المسلسلات
دانه : لا اسم الله عليه ترى بدعتوا بتوقعاتكم
دلال : زين يمه كان معاه احد ولا بروحه
دانه : لااا اكيد مع احد سيارته جدام بيتهم اليوم الظهر شايفتها
ام عبدالعزيز : كان معاه رفيجه اللي يسوق توفى الله يرحمه
دلال : لاحول ولا قوه الا بالله العلي العظيم الله يرحمه
دانه : الله يرحمه طيب والسياره يعني الحادث كان جايد ؟
ام عبدالعزيز : حسب كلام عزيز يقول ان السياره منتهيه معلوجه علج !! وان الدم بكل مكان
دانه : اهو راح شافها . .
ام عبدالعزيز : اكيد ماراح يتحجى من فراغ
دانه : اف والله قهر

~~~~~~~~

هناك للمره الثانيه
سعود : يبه ترى محد قال ساره للحين
ابو عبدالله : . شنقولها بس
سعود : بعد لازم تدري ان مادرت اليوم بتدري باجر
ابو عبدالله : خلاص دق عليها ولا تدري دق على خالد خله يبلغها
سعود : انشالله

وابتعد عنهم بضع خطوات ليتسنى له الحديث بهدوء

سعود : السلام عليكم
خالد : وعليكم السلام هلا سعود شلونك حبيبي
سعود : الــووو الووو شالحوسه اللي يمك . ما اسمع شي
خالد : لحظه

وابتعد هو بدوره عن الجو الصاخب الذي كان يحيط به
خالد : هلا سعود عسى ماشر ؟ شفيه صوتك ؟
سعود : عبدالله مسوي حادث
خالد ( مصدوم) : لا شلون عسى ماتعور ؟
سعود : انشالله انه بخير المهم ابيك تبلغ ساره بدون ماتخرعها وتصروعها
خالد : زين انتوا وين بأي مستشفى ؟
اخذ منه البيانات ثم عاد الي الصخب في الداخل جلس وطلب الحساب وقد ظهر الارتباك جليا على وجهه " وليييييه شلون اقولها الحين,, بيتهم صج فقر ونحس "
عنود (شقيقته ) : شفيك متخسبق وبعدين ليش طلبت الحساب صراحه انا ابي احلي
خالد : هذا واحد من الربع يبيني اروح له
ساره : عبالي سعود اخوي لانك اول ماكلمته قلت سعود
خالد : شنو مافي سعود الا اخوج لا هذا سعود صاحبي
ساره (غيرت الموضوع قبل ان يتفاقم ): عاد حسافه خووش مطعم مع انه لويه وازعاج بس يونس
عنود : لول مره اسمعج تقولين شي سنع وصح
ابتسمت ساره باستغراب امام تلك الاهانه العابره
خالد : يالله يالله قوموا
قرر ان يخبرها عند اقترابهم من المستشفى بعد حوالي العشرين دقيقه كانوا هناك فاخبرها ببساطه لم تصدقه بان شقيقها مازال على قيد الحياه اصابتها عقده الموت ائنذاك خشت ان يكون رحل وتركها ايضا !
انهارت اعصابها وساءت نفسيتها للغايه باتت تبكي دون سبب فقد كان ذلك الحادث بمثابه المبرر لها لتطلق حزنها كان بمثابه المنفذ الذي سمح لألمها بالاستيقاظ من جديد وجعل سعادتها الزائفه تصرخ طالبه الخروج على هيئتها الحقيقه هيئة جروح داميه !

توقفت عن الاكل والشرب او حتى التخاطب لغير والدها كلفها ذلك غاليا
ضيعت صحتها رونقها وجمالها وجنين لم تعلم بوجوده الا بعد ان خسرته !

[رهف الروح]

مجهود رااااااااائع

الف شكر لك غاليتي

يعطيك العافيه

[جرح الزمن]

الجزء الخامس عشر

توجهوا مسرعين اليها كان بوسعهم ان يفعلوا شيئا !
لا داعي لشرح الموقف اعتقد ان بإمكانكم استيعابه

ابو عبدالله : لا حول ولا قوه الا بالله العلي العظيم كنا بواحد صرنا باثنين !
سعود (بحده ): اي واحد واي اثنين الله يهديكم
ابو عبدالله (مقاطعا ): اخوك واختك بعد منو ؟
سعود (ازدات حدته ): يايبه كبرتوا السالفه واهي ماتسوى عبدالله صار له
حادث بسيط مايسوى هالخبه وهالعفسه كلها صارت قصه عنتر
ابوعبدالله : وهالحادث الصغير شفت شسوى باختك المسكينه مو قلتلك قولها شوي شوي
شخلاها تزعل كل هالزعل
سعود : خالد هو اللي ماعرف يبلغها مو انااا
خالد : لا تتهمني باني ماعرفت اقولها اختك اللي معقده اي معقده لا تطالعوني
جذي من قلت لها قامت تبجي وانهارت سوتلي فلم هندي وفشلتني
سعود ( فاض به الغضب ) : ماني راد عليك يالسفيهه !

تفاقمت عقبات ذلك الحادث البسيط الي ان خرجت عن السيطره

~~~~~~~~

في احد غرف المشفى كانت مستلقيه في شرود تام
لم تكن حزينه ائنذاك بقدر ماكنت تفكر بالخطوه القادمه التي ستجعلها اقل حزنا
و لم تكن وحيده ايضا بل كانت كل من ام خالد وام عبدالعزيز وبناتها في زيارتها

فكل من دانه ودلال تحاولان اقناع ساره بتناول الطعام بينما زوجه عمها ووالده زوجها
تحاولان اقناعها بأن ماخسرته ليس عظيما لهذه الدرجه وان الحياه لن تتوقف
عند هذه التجربه وان الدنيا ستستمر لا محاله فمن الاجدر بها ان لا تتخاذل
وتبطيء في العوده الى حياتها الطبيعيه الرائعه السعيده جدا جدا جدا مع زوجها الحنون !

ام خالد : ايي ترى انتي مو اول وحده تتعور باول حمل
ام عبدالعزيز : نص الحريم يتعورون باول حمالهم
ام خالد : وانشالله بتردين تحملين وتترسين لنا البيت عيال هذي مو نهايه الدنيا حتى اختي ام صلاح متعوره من قبل

لم تكن ساره تكترث فعلا بهذه الكلمات او تولي ادنى اهتماما بها
قد خسرت شعورا عظيما بالفعل ولكنها اعتبرت مافقدته فرصه لها
لاعاده حسباتها وترتيب حياتها من جديد !

ام عبدالعزيز : حتى انا ترى تعورت مرتين قبل لا احمل بعزيز وهذا انا ماضرني يبته ويبت دلول وحمني ودوين
دانه ( مقحمه نفسها بالحوار ): الحين انا بفهم قلتي عزيز ودلول وحمني
كلها اسامي دلع شمعنى انا قلتي دوين مايصير تقولين دندون مثلا ؟ !
دانه انزين مو لازم دلع بس مو دوين عاد !

ضحكت كل من والده خالد ودلال التي كانت تهم بترغيب ساره ببعض الطعام

دلال : سااروون يله عاد لازم تاكلين مايصير جذي
دانه : طاااالعي ويهج شلون صاير اصفر يبيلج تتغذين خل ترد الروح فيج
(ساره لا تنبس شفاها بحرف )دلال : زين الشوربه انا مسويتها وحطيت فيها ذره مثل ماتحبينها
دانه : فكرتي الذره عن العياره
(لاتزال رافضه لفكره تناول الطعام )

طرقات خفيفه على الباب تلاها رأس عنود مطلاً عليهم

عنود : اقول ترى خالد بيدش يشوف ساره
ام خالد : اي حياه الله
ام عبدالعزيز (تأمرهن بالخروج خلفها ): يله بنات

خرجت ام عبدالعزيز وبناتها تليها ام خالد التي امسكت بذراع ولدها قبل ان يدخل ليرى زوجته

ام خالد : الله الله بالكلام السنع
خالد : اي كلام سنع بعد
ام خالد : مو كافي من طاحت وان ماشفتها ولا تطمنت عليها ولا سألت عنها
لا تكدر خاطرها بعد بروحا شايله هموم الدنيا على راسها
خالد : ولييييييه زين زين ممكن ادش واتهبب اشوفها الحين ولا لاء
ام خالد : دش بس لا تنكد عليها ياوليدي البنت مسكينه تنرحم
خالد (بتملل): انشالله اي اوامر ثانيه
ام خالد : ابتسم
خالد ( مصطنعا الابتسامه ) : هه جذي زين
ام خالد : زين يالله روح


دخل لتختفي الابسامه المصطنعه وتظهر مكانها ابتسامه رائعه فجأه !

خالد : حمدالله على سلامه الغاليه
ساره (اخيرا تحدثت ) : الله يسلمك
خالد : خرعتينا عليج بس ماشالله الويهه شزينه منور
ساره :
خالد : وانتي بعد لا تكدرين عمرج ولايضيق خلقج انشالله نعوض هالبيبي بـ 11 . لا شنو 11 مو جنه 4 وايد علينا

( يال سخافته لم يتعلم حتى اطلاق الدعابات الجيده )

دام كلامه للدقائق وكان ردها دائما مقتبضا لا يزيد عن بضع كلمات
كان يتحدث دون ان ينظر مباشره الي عينيها فينشغل بالنظر الي الورد المجاور
لسريرها تاره او لكأس الماء الذي لم يشرب منه شي تاره اخرى او بالتطلع
الى السماء من خلال تلك النافذه الصغيره الي شاشه التلفاز او الى سقف الغرقه احيانا
ولم تلحظ هي ذلك فلم تكن تنظر اليه ايضا فقد اجتهدت مقلتاها بمراقبه
المنديل الذي كان يتفتت بين اصابعها الصغيره

ساره (مقاطعه لمواعظه العظيمه) : خالد
خالد (متوجسا) : هلا ؟
ساره : ابيك تقول للدكتور يطلعني اليوم ابي ارد البيت
خالد : انشالله تامرين امر

لم يسألها لأي منزل ارادت الرجوع ربما لم يكترث عموما قد عادت لمنزله مرغمه لا بطله

~~~~~~~~

مرت اسبوع اجرى خلاله عبدالله عمليه جراحيه كللت بالنجاح وتعافت ساره من صدمتها

لا لا لا الى اين ذهب بكم التفكير لن اقوم بقتل عبدالله أيضا
يكفي ماسببته من انهيارات عصبيه لهذه العائله اعترف بأني اود ان
اقتل بعض الاشخاص ولكن ليس عبدالله بالطبع قد كرهته حين اتخذ
ذلك الموقف الغبي من ادمان شقيقه وايضاً غضبت حين عرفت بانه كان
يعرف بحب عبدالرحمن الجارف ولم يقم بأي مجهود لانقاذه !!
ولكني بالطبع لا اود ان اودي بحياته
بل وددت ان اسفح ذلك المقيت المدعو بـ خالد !
كم اتمنى ان ينقرض من على وجهه الكره الارضيه ظل لطوال اسبوع
متجاهلا لزوجته ولم يشاركها قلقها على شقيقها المصاب ولو للحظه
لم يكلف نفسه حتى عناء زيارته بعد المره الاولى ياله من احمق عديم الاحساس
اتتغاضى عن الوقوف بجانب زوجتك المسكينه في محنتها ؟!
فبينما ظل هو يهنيها مراراً وتكراراً بعدم اهتمامه بها او اكتراثه لامرها
ظلت هي تدافع عنه عند ذويها وتخلق له جميع الحجج والاعذار "مشغول" ,,
" خالتي تعبانه وودها المستشفى " ,, " واحد من ربعه رجع من السفر ولاهي معاه "
عذر واهي تلو الاخر الى ان بات تجاهله واهماله لها ولمشاعرها معروفا
فقررت ان تواجهه في ذلك اليوم الكئيب

ساره : ليش مارحتي لاخوي اليوم انت مو قلت لي امس انك بتزوره ؟
خالد : وقت ثاني اعوضها بمصيبه ثانيه انشالله (اطلق ضحكه غبيه كصاحبها
ثم استطرد ) مو انتو اللي مخترعين المصايب
ساره : انت شفيك متغير هاليومين بزياده !!
خالد : انا مو متغير طول عمري جذي
ساره : لا هذي مو طريقه كلامك ولا هذا كان اسلوبك ماكنت تزعلني
كنت تعتذر حتى عن عنود اذا غلطت علي
خالد : الظاهر اني عطيتج ويه زياده عن اللزوم قلت عروس لكن انتي ماكو
امل تتعدلين المفروض تنامين بطراق وتقعدين بطراق
ساره (حاولت ان تفتعل الغضب لكن ضعفها لم ينجدها ) : أنــا ؟! ليش شسويتلك ؟
قصرت بحقوقك ؟ غلطت على اختك ولا على امك ؟ تجاهلت وجودك ؟
ولا كنت اخونك واكلم غيرك عشره ؟
خالد : شتقصدين
ساره (تخنق دموعها ) : اقصد اللي انت فاهمه تحسبني مادري عن تلفوناتك
ولا تحسبني غبيه مدمغه الماي تمشي من تحتي ولا احس فيها
خالد ( صحى من غيبوبته ): ليش كنتي ساكته ومتحمله !
ساره : كنت غبيه بس لما تحملت تصرفاتك ونزواتك حسبت انك تحبني
لكن الظاهر انك تعاني من انفصام ! مره تحبني وتخاف علي و مره
تعاملني جني جاريه عندك ولاني قادره اتحمل هالعيشه !! خلاص مليت مليت
ساد السكون للحظات كان هو خلالها يحاول ان يستوعب ماقالته
وهي تحاول ان تجمع كل قواها لتنطق الكلمات التي ستطلب بها انقاذها مما هي فيه
ساره (اكملت بازدراء ) انت واحد حقير اناني ماتفكر الا بنفسك وماتعرف تحب غير ذاتك
تحسفت اني قبلت فيك وندمت على كل يوم عشته معاك
خالد (تملكه الجنون حين سمع صفاته الحقيقه فنهض من على اريكته وامسك ذراعها بعنف ) : سمعي ياماما
الحقير هو البيت اللي طلعتي منه ومره ثانيه لا ترفعين حسج علي
فاهمه ولا تبين طراقين يفهمونج
ساره( تحاول الافلات من يديه ) : وخر ايدك عني فعلا كنت مخدوعه فيك !!

حاول ان ينهال عليها بالصفعات ولكنه كان يضرب الهواء من شده سخطه
حيث لاذت هي بالفرار قبل ان يتمكن من ان يمسها وبينما كانت هي تجري على الدرج
خرج من غرفتيهما يزئر " شوفي انتي تلمين اغراضج وتردين بيت اهلج وورقه طلاقج بتوصلج لي هناك "
لم ترد بشي سوى الدموع

لا اعرف ماذا فعلت له كي يفكر بضربها !!
فلم تقصر هي بواجبتها نحوه بل اني ارى العكس تماما هو من اهملها
وهو من راح يبحث عن ملذاته وشهواته عند نساء اخريات

قد ذاقت طعم الحزن والالم من قبل ولكنها لم تجترع الاهانه الا منه
هي من
عاشت كاميره تهان وتكاد ان تضرب من قبل من احتل اوسع المساحات
في قلبها لم تصدق ما اقدم على فعله دون سابق انذار او ايه مبرارات ,,
بالاحرى هي لم تشأ ان تصدق ماتلقت منه من اذلال !!
لكن الموقف كان اكبر من ان يفتح لها المجال لكي تصدق ماحدث ام لا

بصوره اسرع من البرق كان قد تم الطلاق وافترقا !
بعد ايام كان قد عاد الى وعيه يطلب مغفرتها يعدها بانه لن يعود الى فعلته هذه
فيرق قلبها لدقائق ثم تدرك انه سيكرر لحظات استهتاره لا محاله
وتتذكر بانها لن تتكمن من احتمال معاملته القاسيه لها او السكوت على
اي من نزواته الشاذه بعد الان لذا قررت تركه الي غير عوده
تكثرت علامات الاستفهام والتعجب حول هذا الانفصال السريع الذي لم تسبقه
اي مقدمات !! لتفضي اخيراً للمقربين منها بما كان يفعله وكيف كان يستغل غيرها
وبينت ان صبرها على ذلك كان نتيجه لظنها بأنها مجرد نزوه ذكوريه يمر بها كل رجل
على هذه المعموره بالطبع كانت مخطئه فهو ليس برجل بل مجرد حامل لهذا
اللقب يخلو شخصه من اي صفات للرجوله فكيف سمح لنفسه بالتطاول
على مخلوق ضعيف بالضرب ؟!! بفعلته هذه كان قد محى آثار الرجوله المتبقيه فيه
او التي ظننتها موجوده فيه !!

~~~~~~~~

في خضم شكو ساره لبنات عمها عن تجربتها الزوجيه القصيره

دانه (تتحدث بحذر لئلا تجرح عزيزتها ) : مابي الومج وادري هالحجي ما منه فايده الحين
بس المفروض يطيح من عينج ولا توفقين عليه من اول ماجرب يرقمج باسلوبه التافهه !
ساره : تدرين اول ماكلمته بالتلفون قبل الزواج خطر لي هالخاطر وسألته
قالي انه كان بيشوفني ارد عليه ولا لاء على قولتهم يختبرني
دانه : ماشالله راده جاهز !!
دلال : يمكن هذي فعلا نيته في ناس يسوونها ترى
ساره : اي نيته بعد . . مو طلع صج يكلم بنات بعد شنو معناتها
دلال : اللي مستغربه منه انتي شلون قدرتي تسكتين لما دريتي انه مغازلجي !
ساره : قلت يمكن يتغير يسنعه الزواج
دانه : بالعكس جان قلتي له يمكن كان بيستحي على ويهه ويبطل هالسوالف المكسره
ساره : صراحه خفت ان يهيني زياده ويخليها عيني عينك على اساس
اني ادري قلت خل يحسبني مادري شالسالفه ويحترم شعوري
دلال : اوف لهدرجه بايعها انه بيكلم جدامج !
ساره : بايعها وبس خليني ساكته
دانه : ويييه بس غيروا سيرته الحمدالله انج افتكيتي منه ترى هذا صج كان مو صاحي مينون !!
دلال : اي والله من كلامج حسيته خبل مره يخاف عليج ومره يأذيج !
صج ترى عقله مو مضبوط الحمدالله ربج ريحج منه قبل لا يصير بينكم
عيال وحوسه لها اةل مالها تالي
ساره ( اطلقت تنهيده حزينه ) : الحمدالله الا صج شصار على عرسج ؟
دلال : ماكو بعد شهر تقريبا لويه مع التجهيز
ساره : والمعرس شلونه
دانه : جيكر
دلال : لا مملوح بس خشمه شوي طويل
ساره : هههههههه اهي على الشكل المهم الاخلاق
دانه : والدقه في المواعيد !!
دلال : طلب انه يكلمني بالتلفون وجذي والله طيب وحليو
ساره : قولي امين
دلال : امين
ساره : عسى الله يوفقج ويسعدج وعسى ربي يسخره لج هو وملايكه السما وسكان الارض
دانه : آمين اجمعين
دلال : انتي شكوووو
دانه : هوو دعااااء دعاااااء شفيج انتي
دلال : الا اقول شخبار رفيجاتج مالهم حس العاده هديل على طول تسير عليج
ساره : هديل لا حس ولاخبر ونوره دقت امس وتتكلم عادي شكلها ماتدري عن الطلاق
دانه : هوو يعني تتوقعين مادروا ؟
ساره : منين بيدرون خبرهم فيني من تعورت تطمنوا على وتحمدوا لي السلامه وبس
دلال : مممممممممممممممم اقول الساعه صار 10 ترى لازم نرد بيتنا
ساره : واااااااي شكو تروحون خلوكم عندي
دانه : اي والله تو الناس
دلال : اي تو الناس ياللي قومي بس بعدين ترى البيت يم البيت لاحقين على بعض
ساره : خلاص دام البيت يم البيت قعدوا شرايكم تنامون عندي اليوم
دانه : ههههههههه وييييييه تذكرين هذيج الايام انتي كله تنامين عندنا وعزوز
وعبدالرحمن ينامون عند اخوانج ونسوي عصاابات لا عاد اخوانج فيهم لعانه
مو طبيعيه كله يروحون الجمعيه ويشترون لهم ولا يشترون لنا بس لج !!
دانه : عشان ما ابجي واسويلهم مناحه عند ابوي
دلال : لااا وعزيز وحمني يعدونج معانا مساكين ويصير عندج دبل عاد
تقعدين تتشيحطين علينا بالبطاط و الككاو
ساره : تذكرون يوم كنا نتحاذف احنا وياهم لما كنا احنا بالدور اللي فوق واهما باللي تحت ,,
وتحذف مخاد ومجلات واشياء اخرى ماتنقال !
دلال : ايييييي امبيه لما تعور عزيز وانجرحت جبهته
ساره : وودوه المستشفى وخياط وحاله وقعدنا نبجي عبالنا ذبحنا
دلال : صج ترى منظر الدم ماينسي يخرررع
دانه : عاد عزوز عظامه ملزقه بعلوج كل شوي متكسر ولا منجرح
ساره : هههههههههههههههههه كلهم جذي عاد شدعوه اخواني اللي مقصرين
كبروا واهما كل شوي واحد طالع لنا بحادث ولا كسر ولا ولا
دلال (موجه حديثها لدانه ): يالله يالله انتي مو وراج هومورك
دانه : امبييييه اي والله ذكرتيني
دلال :اصلا المفروض انا اقعد وانتي تروحين
دانه : لاااااااااااااااااءه رقلي على رقلك ماتقعدين اهني وانا اروح !!
دلال : زين يالله هزي طولج

[جرح الزمن]

الجزء السادس عشر


أهي مواقف ام ردود افعال ام وجهات نظر لا اعرف مالمفترض بي اطلق عليها (؟)

- ابو عبدالله
لم يجادلها كثيرا او يثنيها عن طلبها المُلح للانفصال على الاطلاق
من ناحيه اخرى , هو لم يشجعها ايضا ارداها ان تتخذ قرارها بنفسها لتتحمل
هي نتائجه دون ان تلقي اللوم على احد آراه مصيبا

-عبدالله
قد عارض الطلاق غي قراره نفسه ولكنه آثر السكوت

-سعود
لا يختلف موقفه عن موقف والده سوى بأمر واحد
هو رغبته الشديده بتهشيم وجه طليق شقيقته

- ابو عبدالعزيز
تنحى عن الادلاء برأيه

- عبدالعزيز
كان انطباعه هو الاسى عليها اكثر من الموافقه او الرفض
فكانت كلماته الاولى حين علم بشأنها " مسكينه مو موفقه ابد ! "

-ام عبدالعزيز
كان استهجانها لامر الانفصال جليا وواضحا ولكن من هي لتبت بموضوعٍ
حساس مثل هذا

-دلال
لم تكترث كثيرا بالمعارضه او التأييد بقدر ما اهتمت بما هو الافضل لمصلحه ساره

-دانه
امتزجت مشاعرها بين الحزن والفرح فقد شعرت بالاسى على شقيقتها الثالثه
ولكنها في نفس الوقت قد سرت كثيرا لتخلصها من ذاك الاحمق !

- ساره
حقيقه لا اعرف فمنذ ان انفصلت عن زوجها باتت تتصرف ببرود غريب جداً !!

-عبدالرحمن
لا اظنه على درايه بالموضوع بعد !
* عذراً اعلم انكم بانتظار رد فعله لكنهم لم يخبروه فماذا عساي ان افعل !؟ *

~~~~~~~~

هديل: اقول انا مو داقه اسولف بس بقولج عن ساره
نوره : شفيها بعد !؟
هديل : تطلقت
نوره : .
هديل : الوو
نوره : شنو !
هديل : مثل ماقلت لج تطلقت
نوره : والله ماتستاهل اولها تعورت وتاليها طلاق شنو مو قادر ريلها يصبر على العيال !!
هديل : لا ياغبيه مو لانها تعورت السالفه اكبرر من جذي
نوره : بس تصدقين يمكن خيره لها
هديل : ايه حتى امي توه تقولي احسن ماتصير مطلقه وبياهل بعد !
نوره : اقول مو يمكن مطلقها من قبل . يعني اهي تعورت من الصدمه لانه طلقها
هديل : لااا يامعوده انتي مخج وين شطح فيج لا تقعدين تألفين قصص
نوره : زين انتي كلمتيها ؟
هديل : طبعا
نوره : عرفتي شالاسباب ؟
هديل :المشكله انها صايره تتحجى بالقطاره ولا ينوخذ منها لا حق ولا باطل
نوره : بعد هالسوالف مافيها تفاصيل ترى ماتنلام
هديل : عيل شحقه تسألين بالله !
نوره : قلت يمكن تقولج شي يعني
هديل : المهم اللي فهمته انه ماكان زين وياها . .
نوره : اصلا انا كارهته وقايله انه خبيث من اول
هديل : الله يخليج انتي من بقى ماكرهتيه
نوره : على قولتج كااااره كل الرياييل صايره معقده ههههه
هديل : لا والطامه الكبرى انج ماتتوبين عن الكلام معاهم
نوره : النت غير والحياه العمليه غــير
هديل : الا صج بعده الكمبيوتر عندج ولا شالته امج بعد ؟
نوره : ماانشاااال اهم شي انه ماكو وحده من رفيجاتها تفر راسها على النت واحنا بخير
هديل :شلون يعني ؟!
نوره : ماتقعد وحده تتكلم عن النت وتقول انه مو زين ومن هالخرابيط
وتخلى امي اتيي البيت ودها تقطه من الدريشه
هديل : بس مايصير جذي شالتفكير مو كل ناس تستخدمه استخدام سيء لهدرجه
نوره : شقصدج يعني استخدامي سيء ؟
هديل (تلعثمت بالكلمات) : لاا مو عن بس يعني انتقد طريقه تفكيرهم
نوره : ايي خلينا من هالسالفه بس قوليلي يعني الحين لازم ادق على ساره ولا شلون ؟
هديل : اعتقد انه هذا اللي المفروض تسوينه
نوره : ياربي هذا طلاااق اكلمها شقولها
هديل : ادري انه طلاق بس لاتنسين انا اقرب رفيجات لها يمكن الوحيدات
من دشت الجامعه بعد انتي تدرين فيها شكثر انطوائيه !
نوره : اممممم والله محتاره مادري ادق شقول !؟
هديل : مو لازم انتي تتحجين يمكن اهي تبي تفضفض خليها شوي تخفف عن نفسها جان بقلبها شي
نوره : توج تقولين انها تتكلم بالقطاره
هديل : يمكن ترتاح لج اكثرر
نوره : ماظنتي والله عموما يصير خير بحاول اكلمها باجر ولا عقبه
هديل : ولييييش مو اليوم !
نوره : بس مالي مزاج . .
هديل : ترى اهي مو اليوم متطاقه عشان تنطرين حق باجر
نوره : واااااااي عليج انا اول مره اسمع ان المتطلقه لها خلق تلفونات يامعوده
يمكن ماتبي تسمع صوت احد ماخطرت على بالج هالفكره ولا ليش يعني كانت تكلمج بالقطاره على قولتج
هديل : ها مادري بس مهما يكون المفروض مانكون مقصرين ماها ونكون موجودين بالسراء والضراء
نوره : روحي زين سراء وضراء صايرتلي ابله عزيزه
هديل : منو عزيزه ؟
نوره :ابله عربي مدرستني بالثنويه اقول امي تنايني يالله باي اكلمج بعدين
هديل : باي !

لم تكن والدتها تناديها لم تكن حتى متواجده في المنزل فقط ارادت العذر
لانهاء المحادثه التي شارفت على ان تكون ممله لكلتيهما

~~~~~~~~

كان عبدالله خلال تلك الاحداث المتعاقبه قد نقل الي البيت
حيث اعدت له غرفه في الطابق الارضي ليسكن فيها مؤقتا الى ان يتماثل تماما للشفاء
في تلك الغرفه ظهرا في يوم امس بالتحديد ,, كان والده مازال يلح بامر الزواج إليكم معزوفته المحفوظه

ابوعبدالله : وليش تعصب عاد !
عبدالله : ماعصبت بس شلون تبيني اخطب واتزوج وانا مجبس !؟
ابو عبدالله : بعد ماتفك الجبس
عبدالله : اصلا انا الحين شلت فكره الزواج من راسي . .
ابوعبدالله : وليييه مو كنت موافق جزئيا ولان راسك شوي
عبدالله (مستعينا بالهدوء) : ورديت عن موافقتي انـا الحين رااافــض
ابوعبدالله : عطني سبب مقنع غير الجبس
عبدالله : ساره
ابوعبدالله (متنهدا) : شفيها ساره
عبدالله : ماني متزوج الا اذا تزوجت
ابوعبدالله : وانا كل ماقلت لك شي تقولي ساره ! اختك تزوجت
عبدالله ( مقاطعا ) : وتطلقت
ابوعبدالله : وتطلقت بتعيد السالفه من يد ويديد ؟!
سعود : ســلاااام عليكم
عبدالله ووالده : وعليكم السلام
ابوعبدالله : تعال تعال اقنع اخوك يتزوج
عبدالله : يبه شرايك تقنعه هو وتفكني
سعود (متظاهرا بالرفض ) : لا لا يامعود سقولك الزواج رجس من عمل الشيطان
ابوعبدالله : بالعكس الزواج ستر وتكمله لنص دينك
سعود : ستره للبنت وفضيحه للريال
ابوعبدالله (مظهرا انزعاجه ): افاا
سعود : يه مايصير نتغشمر يعني
ابوعبدالله : يعني مابخاطرك عرس
سعود : ممم والله فكره ليش لا ؟ نجرب شي يديد
ابوعبدالله : عيل نتوكل على الله واخلي اختك تدور لك ولا انت حاط وحده ببـ ـ .
سعود : لا لا لا لا مو حاط وحده ببالي ولا يحزنون
عبدالله كان يقهقه مسرورا بانصراف والده عنه
ابوعبدالله : ليش الـ لا لا لا ؟ مو توك تقول خوش فكره
عبدالله ( محدثا سعود ) : استلم ماصدق انك وافقت وبيرح يخطبلك بعد صلاه المغرب خله يزوجك ويرتااح
ابوعبدالله : لا تلووموني بس منيتي اشوف عيالكم
سعود : باذن الله بتشوف عيال عيالنا بعد عسى الله يطول لنا بعمرك ويخليك لنا
عبدالله : امين
ابوعبدالله : مالنا شغل بهالكلام انتوا تدرون ان مابقى بالعمر كثر مامضى
سعود : انشالله يبه بنعرس بس خل الامور تهدا شوي
ابوعبدالله : اي امور !؟
سعود : كل الامور

بعد نص ساعه من الجدال والمناورات بين عبدالله وسعود ووالدهما
كان ساره تعود لتعلن اعلانها اليومي في هذا الوقت

ساره : الغدا زاهب
ابوعبدالله : جان يبتي لاخوج غداه لاهني
عبدالله : لا عكازتي عندي واقدر ادبر نفسي
سعود : ريحه الاكل تشق الخشم شق مو طبيعيه
ساره : وعليه اكيد يوعان وماتريقت يالله قوموا شناطرين لايبرد الاكل

توجهوا الي غرفه الطعام وخلال شروعهم في تناول الغداء

ابوعبدالله : ماشالله هم اليوم ام عبدالعزز دازتلنا غدا
ساره : اي واحنا طابخين بعد قلت لها خاله ماقصرتي خلاص لاتدزين وتكلفين
على نفسج بس مصره انها تدز
ابوعبدالله : الله يجزيها بالخير
عبدالله : على الاقل احسن من طبخ "مليكا"
ساره (مستغربه ) : مليكا منوو ؟
عبدالله : اللي تطبخ مو مليكا
ساره : لا اندراني
عبدالله : عاد انا شفهمني بهالسوالف هذا شغلج انتي
سعود : ههههااااي اخوج اي وحده تشتغل عندنا يسميها مليكا شكو مادري
ابوعبدالله: حتى انا ولاعمري حفظت اساميهم صعبه
سعود : عاد تأقلموا مع الوضع المساكين
ساره : اقووول بالله هذا نقاش ! تكلموا بموضوع سنع

لم يتطرقوا الي مواضيع جاده في الايام التي مضت على الاطلاق
فلم يتكلموا عن احداث او اشخاص او عن اي شيء من شأنه ان يؤثر على
جو الهدوء الجميل الذي ساد احساسيهم ,, بالاحرى معظم احساسيهم


سعود : اقــول هالدار يبيلها تلفزيون مايصير جذي ناكل وبدون تلفزيون
مليت وانا احن حطو تلفزيون
ساره : احسن عشان معدتك تظل مركزه بالهضم
سعود : شنو معدتي بتقعد تطالع التلفزيون معاي
ساره : المخ اللي يوجه المعده للهضم ولما تتابع التلفزيون راح يتشتت راسك بين وظيفتين
سعود : يــاسلام حكم حكم
ساره : طبعاً اصلا المفروض ماتقرا ولا تسولف مثل ما انت قاعد تسوي الحين
هدووء تام وانت تاكل او حوار بسيط اذا كلش ماتقدر تسكر حلجك استمتع
بالاكل ياخي تلذذ
سعود : ومنج نستفيد يا ام استمتع
عبدالله : لا عاد الا القراءه ماعرف اتريق الا وانا ماسك الجريده
سعود : الحين انتوا مسوين لي روحكم مثقفين يا انسه "تركيز بالهضم " واستاذ " احب اقرا جرايد " ؟!
ابو عبدالله : ماتعرفون تاكلون وانتوا ساكتين يعني


رن جرس . . !

سعود (يهم بالنهوض ) : يالله سترك منو يايينا الحين ؟
ابوعبدالله : خلك قاعد اكيد راحوا يفتحون الباب
ساره ( كانت تعلم ) : يعني منو بيكون

بعد ثواني معدوده جاءت الخادمه تحمل باقه من الورد الابيض

سوما : ماما ساره هذا ورد في يجيب بعد تبي قطي زباله
ساره : لا حطيه بالصاله وعطيني الكرت

فعلا قد قامت بوضع الباقه الكبيره في غرفه المعيشه وتوجهت الى مخدومتها
تحمل تلك الورقه الصغيره اخذتها ساره قرأتها ثم قامت بدسها تحت صحنها
كل هذا كان يحدث اما ناظري سعود وعبدالله اللذان لم يخفيا استغرابهما الشديد

سعود : يه
ساره : لاتخاف ماراح ارجع له مابإذني ماي
عبدالله (احتدت نبره صوته ) : شحقه بتخلين الورد عيل
ساره : حسافه ينقط خله
سعود : والكرت اللي عليها

صمتت وظلت تقلب الطعام بالملعقه كما كانت تفعل حين وقعت في حبه في الجامعه
أتذكرون ؟
كان يوما رائعا مثل هذا تماما لكنه يختلف عنه بشيئن اثنين فقط
اعتقد أنكم تدركون ماهما الشيئان فلا داعي للتحدث عنهما
اشار ابو عبدالله لهما بالسكوت بينما استمرت هي في شرودها !

~~~~~~~~

نوره : هلاا والله عاش من سمع هالحس
ساره (ببرود ) : هلا فيج
نوره : شلونج
ساره : بخير الله يسلمج
نوره : لا يضيق خلقج بس هم وانزاح وانا اختج دامه موزين مايسوى تنقهرين عليه
ساره ( سرعان ما غضبت دون مبرر ): حتى انتي دريتي وداقه تتقصين الاخبار
نوره : لا وربي بس بشوف شلونج واذا تبين تفضفضين تراني موجوده لج وعديني مثل اختج
ساره : اذا بغيت اتكلم اعرف منو ادق عليه لا تخافين
نوره (ارادت انهاء المكالمه حالاً ) : عموما انا لازم اسكر التلفون لان امي تبيه
ساره : الله وياج
نوره : مع السلامه

دلال (التي كانت جالسه برفقه ساره ) : هو شفيج قبيتي بالبنت
ساره : ماقبيت فيها ولا شي اهي اللي اسلوبها خايس . داقه تسحب مني كلام الاخت
دلال : اهي لحقت تتكلم اصلا !!
ساره : ايه بسرعه سكرته لا و تقولي امي تبي التلفون الظاهر نست انها داقه من موبايلها
دلال : انتي خسبقتيها طبيتي فيها مادري شفيج
ساره : اوووه لا تلوميني حاسه الدنيا كلها ضدي
دلال : بالعكس كلنا معاج تلقينها ماعرفت تتكلم بس
ساره : احسن انها سكرته ماكنت ابي ارد عليها اصلا
دلال : انزين شرايج نقوم نقعد بالحديقه . .
ساره (بدأت تخنقها دموعها ) : مالي خلق شي ودي انام وما اقوم
دلال : تعوذي من ابليس توج شزينج لا احنا ولا هالمكالمه اللي عفستج !!
تدرين شلون سكري التلفون بكبره ولاتردين على احد
ساره : هذا اللي بسويه وارتاح تدرين انه ليما الحين يدز لي مسجات
دلال : وتردين عليه ؟
ساره : لا شنو مينونه !؟
دلال : اشوى بعد قلت يمكن اشتقتي له
ساره : اشتقت له
دلال : .!!!
ساره : بس بعد اللي صار مستحيل ارجع له ولا افكر ارد عليه
رغم الخوف الذي مازال يسكن دلال الا انها كانت متأكده من ان ابنه عمها ستتخذ القرار الصائب ولن تفكر بالعوده ابداً

~~~~~~~~

نوره : بل هذي شفيها !! ؟
ناصر : منوو اهي
نوره : وانت شكوو صج ملقوف
ناصر : الحين انا ملقوف ولا انتي الخبله اللي تتكلمين بصوت عالي
نوره : افف اقول اذا سألت عني امي قولها اني رحت انام
ناصر : تنامين ولا
نوره : ولا شنو
ناصر : ولابتجابلين ترى اذا انرفعت السماعه يبين انج شابكه ولا نسيتي . .
نوره : انت قولها نايمه ومالك شغل


توجهت الي غرفتها وقامت بقفل بابها اتصلت بشبكه الانترنت على الفور
تماما كما توقع شقيقها


نوره " وع ماكو احد شابك الا هذا غريبه ماصكني بلوك للحين ممم خل اخلى المسنجر مفتوح على مايدش احد اهذر معاه"

نهضت وتوجهت الى سريرها لتلهي نفسها بتصفح احد المجلات الفنيه

" قطع ملل ادش جات ؟ لا لا مالي خلق ادش جات واتحمل الاشكال السخيفه ! ممم زين ليش ما اقعد اعبط على هذا "

قامت برفع الحظر عنه ولم ينتظر هو الى ان تكلمه بل تحدث اليها على الفور


بحر وصعب مرساه says :
ها اشوفج شلتي البلوك

Nobody worth your tears & the only one who worth it , won't make you cry says :
بل ذكرتني

بحر وصعب مرساه says :
طبعا شلون انساج وانا اصلا ماضفت بنت غيرج

Nobody worth your tears & the only one who worth it , won't make you cry says :
يمه يعيارتكم ماضفت بنت غيري اي يصير خير


بحر وصعب مرساه says :
كيفج لاتصدقين بس ماقلتي لي ليش شلتي الحظر


Nobody worth your tears & the only one who worth it , won't make you cry says :
نزل العفو الاميري عندك مانع شنو مشتاق للبلوك ؟ ترى حاضرين ؟

بحر وصعب مرساه says :
لا لا ياحلو العفوو وراعيه العفوو

Nobody worth your tears & the only one who worth it , won't make you cry says :
بدينااا !! احترم نفسك ولا صج برد الحظر

بحر وصعب مرساه says :
وانا شقلت الحين

Nobody worth your tears & the only one who worth it , won't make you cry says :
انت عارف شقلت

بحر وصعب مرساه says :
زين اسفين شرايج فيني الحين


Nobody worth your tears & the only one who worth it , won't make you cry says :
اي جذي خلك خوش ولد


بحر وصعب مرساه says :
ولد تراهنين اني اكبر منج

Nobody worth your tears & the only one who worth it , won't make you cry says :
لا انا اكبر


بحر وصعب مرساه says :
لا انا اكبر انتي عمرج 19

Nobody worth your tears & the only one who worth it , won't make you cry says :
شدراك !!؟

بحر وصعب مرساه says :
نسيتي انج كاتبه سنه ميلادج ولا ال 85 حق شنو

Nobody worth your tears & the only one who worth it , won't make you cry says :
اي صح واي قطيعه حاط بالك لكل شي

بحر وصعب مرساه says :
شعبالج

Nobody worth your tears & the only one who worth it , won't make you cry says :
زين وانت جم عمرك


بحر وصعب مرساه says :
جم تتوقعين

Nobody worth your tears & the only one who worth it , won't make you cry says :
اقول بتقعد تسويلي فلم جم تتوقعين وجم مادري شنو ترى ماحب هالخرابيط

بحر وصعب مرساه says :
بل انتي شفيج جذي متجبرته خلاص يمه عمري 24

Nobody worth your tears & the only one who worth it , won't make you cry says :
يمه بعينك شلون 24 وبعدك بالجامعه شناطر على ماتتخرج ولا حضرتك فاشل دراسيا ؟

بحر وصعب مرساه says :
عن الاستنتاجات كنت ادرس برا وحولت للكويت لتخصص ثاني

Nobody worth your tears & the only one who worth it , won't make you cry says :
اممممممم وين كنت تدرس


بحر وصعب مرساه says :
كاليفورنيا

Nobody worth your tears & the only one who worth it , won't make you cry says :
اي صح كاليفورنيا انت الخرطوم ويخب عليك

بحر وصعب مرساه says :
الحين مو انتي اللي سألتي ؟


**استمر الحوار بينهما لغايه ال2 بعد منتصف الليل **



بحر وصعب مرساه says :
تصدقين انا ارتحت لج وايد

Nobody worth your tears & the only one who worth it , won't make you cry says :
اقول انت مو وراك دوام باجر ولا بتظل قاعد للابد على النت


بحر وصعب مرساه says :
امبلا بس ماراح اقوم الا اذا قمتي

Nobody worth your tears & the only one who worth it , won't make you cry says :
هو بالله قعدت لين وقت دوامك شلون بالله ماتقوم

بحر وصعب مرساه says :
طز بالدوام اهم شي اني قاعد اكلمج

Nobody worth your tears & the only one who worth it , won't make you cry says :
ياسلام زين تصبح على خير


وقامت بتسجيل الخروج قبل ان يتسنى له الرد
" واااي احس عظامي بتتكسر بس صج دمه خفيف وخبل تسوى القعده معاه "


~~~~~~~~

في اليوم التالي
ام عبدالعزيز : اييي هلا يمه متى بترد زورنا ياوليدي لو شهر ولهنا عليك
عبدالرحمن : انشالله يمه امتحانتي الشهر الياي
دلال :سلمي عليه يمه وقوليله ماكو عرس بدونه لا يفكر يطنش
دانه : عطووووني السماعه بكلم اخوي
ام عبدالعزيز : الله يوفقك ويسخرلك ملايكه السما وسكان الارض
دانه : مو باقي الا تصير كريمه مختار "ربنا يجعلك بكل خطوه سلامه يابني ". .
اقوول عطوني التلفوووون بس
عبدالرحمن : المهم شخباركم انتوا شلون ابوي وينه هو يمج
ام عبدالعزيز : لا والله راح يصلي
عبدالرحمن : ودلال عساها مستانسه مع معرسها
ام عبدالعزيز : بخيرر كلهم بخير ويسلمون عليك

في هذا الوقت كانت دانه قد صعدت الي الطابق العلوي ورفعت سماعه الهاتف

دانه : الووو عبدالرحمن هل تسمعني
عبدالرحمن : ايه شلون ما اسمعج صار لي ساعه اسمع صراخج
ام عبدالعزيز: ماتتوبين عن سوالفج رايحه للتلفون الثاني
دانه (تجتاحها نشوه الفرح ) : ساره تطلقت
عبدالرحمن ( الذي كان يتمشى في ارجاء شقته قد جلس على اقرب كرسي ) : . ساره تطلقت
بنت عمي دانه عن المقالب السخيفه يمه صج دانه تطلقت
ام عبدالعزيز : اي والله مسيجينه ماتهنت توها متعوره وبعدها على طول تطلقت
عبدالرحمن : متعوره
دانه : شفيك انت كاااانت حامل وتعورت وطاح البيبي
عبدالرحمن : كانت حامل !! انتو شقاعدين تقولون
ام عبدالعزيز : الكلام اللي قالته اختك صح
دانه : ايه شفيك مو صدق
عبدالرحمن : وانتي ليش مستانسه هالكثر
دانه : هوو انت اللي ليش م ومستانس
عبدالرحمن : ليش استانس ؟
دانه : هذاااا اللي بيجلطني ويقول ليش استانس بعد