بعض من تجهيزاتي (( مع الصور))

**شمعه حياته** · 09-Dec-2006,02:00 PM

بسم الله الرحمن الرحيم
حبيت اطلب رايكم عزيزاتي وخواتي في بعض من تجهيزات زواجي

نبتدي اولا بالنظارات والساعات والاكسسوارات

من ماركه ديور خذت هالنظارتين

وخذت لي هذا الخاتم من نفس الماركه

وهذي الساعه

وهاي مجموعه من اكسسواراتي

وخذت لي كم طقم ذهب من داماس ومجوعه فرفشه حقت نانسي

والحين مجموعه العطور

وعطر من لانكوم

ومجموعه كوكوشانيل الكامله وتحتوي على

العطر

و بودره الجسم

وكريم الجسم

ومعطر الشعر

ومزيل العرق

واخيرا الصابونه

مجموعة الاستحمام :

صابونه, مقشر جسم, كريم الجسم, شور جل,رغوه
وخذتهم من ذا بودي شوب

المكيــــــــــــاج :

شنطه صغيره منBurburry

وخذت كحل سائل وجاف وماسكرا لانكوم وبودره ماك
مجموعه شادو من لانكوم بعد

خذت لي بعد خافي عيوب وفوندشن من ماركه لانكوم

وكريم اساس من شانيل

مكينه نزع الشعر من براون

وخذت 20 قميص نوم والكل نصحني اخذ اكثر بس مدري خواتي اش رايكم

كثرت من الجلابيات الكويتيه والفخمه وخذت فستانين و6 بدلات كشخه

خذت لي عطورات عربيه من عبد الصمد القرشي وباريس جاليري وجنيد

خذت لي عطورات الفواكه والزهور من زهور الريف اللي عندكم بالسعوديه

وبس

احس ناقصتني اشياااااء وايد ياليت يا بنات تساعدوني انا وحيده امي وبنات عمتي كبار عني وبنات خالتي صغار وااايد وانا محتاره ما عندي غيركم

واتمنى ان اغراضي تعجبكم

ربي يحفظكم

**وردة غلا** · 09-Dec-2006,02:49 PM

بصراحة روووووووعه
ماشاء الله هذا ذوقك مررررررره حلو
بس ابقى اقولك اذل تقدرين تكثري من البدلات الكشخة كثري وقمصان النوم تكفي .
وماكنية بروان حلوة بس انا اقول الحلاوة لانها افضل شي
من ناحية المكياج حلو كل شي كاملوالعطورات ايضا والاكسسوارت والنظارات كمان
كلهم حلوين والعدسات الاصقة اذا تحبين
ولاتنسي الزواج تجهيزاته
تحياتي لك
وردة غلا

**نجوله** · 09-Dec-2006,08:26 PM

ياعمري الله يوفقك شموعه والله كسرتي خاطري . بس شوفي أدخلي موقع عالم حواء راح تستفيدي منه

وأغراضك فيه نقص بالعطورات أنا صراحة أشوفهم قليل لأنك هم الي تحتاجينهم ولا يضرك كثرهم
وقمصان النوم تمام العدد كافي كذا بس أنتي ما ذكرتي لبس البيت يعني يبي لك تنانير قصيره وبناطيل وباديهات للبيت
وطبعاً حنا بالسعودية نهتم بالدخون يعني البخور مع العطورات طبعاً كل النوعين المعمول الفاخر والعود القماري.
وبعد فيه عطورات الغرفه والبيت إذا كنتي في بيت لوحدك.

وبعد إذا أنتي رومنسيه فيه الألعاب يعني يبي لك كم لعبه لغرفة النوم وش بعد اممممممممممم
هههههههه إذا تذكرت أقولك
وفيه أشياء خاصة بس أقولك عليهم في الخاص ok

وأن شاء الله يوفقك ربي يالغالية وإذا بغيتي أي شي اسألي

**عربجيه بس اليفه** · 09-Dec-2006,08:39 PM

حبيبتي 20 قميص نووم كثثثير مرره

حتى لو انك طوول يوومك في غررفة النووم ياشيطاانه

عموما انتي مااخذتي شنط ماركات

يبيلك 4 شنط ماركاات جفنشي وشانيل

ولويس فيتون و قوتشي مثلا

ويبيلك بعد كم حزاام مااركاات بعد

وطقم المااس نعووم

وبعدين السااعة اللي اخذتيها زرقا

يبيلك ساعة صنقل يعني سير معدن

ويبيلك جلد سودا وبيضا

اتمنى اكوون افدتك

وشكراااا

عربجية بس اليفه

**همسه شوق** · 10-Dec-2006,01:02 PM

تسلمين والبنات ماقصروو

يعطيك الف عافيه

وربي يوفقك بزواجك

**شمعه حياته** · 10-Dec-2006,04:59 PM

الف الف شكر خواتي والله ساعدتوني وااااااااااايد
ربي يحفظكم ويحميكم
نجوله انتظرج عل الخاص ياقبي

وتسلمون مره ثانيه ربي لايحرمني منكم

**بنوته كيوت** · 10-Dec-2006,09:27 PM

يسلمو مره روعه وذوووووووووق

**جداويه عسل** · 10-Dec-2006,10:09 PM

الف مبروك ياقلبي وربي يتمم لك على خير ان شاء الله
اغراضك مرة روعة وشيك ناقصك يمكن الله يكرمك الاحذية وبعض مبلابس عادية للبيت مدري اخذتي ولا لا وخذي عدسات اممممممممممممممممممم ايش كمان ياربي
ايوة وخذي طقم حمام اللي هو روب اللي تلبسيه بعد ماتاخذي الشاور وبس هذه اللي جا على بالي
ربي يوفقك