LinkBack URL
About LinkBacks
الجزء الثالث والعشرين
مرام\وععععععععععأنا مرام أحط حنا مابقى الا هذا الشيء.وعشان مين عشان
حنينواتخسي
رهف\طيب قولي من البدايه ماتبين بدال هالمحاظره الطويله اللي قلتيها
مرام\زين خلصينامين بيوديكم!!زياد!!
رهف\لا ماأتوقعاظن نواف اللي بودينا
مرام\أمي بتروح!!
رهف\لا مش رايحه.بس أنا وترف وبنات عمي
مرام\أها.
ودخلت ترف هاللحظه
ترف\رهف مرام بسرعه نواف يقول خمس دقايق أن ماطلعتوا بروح عنكم.
رهف\زين يالله .
ترف\منتي برايحه!!
مرام\أهــووووا شفيكم قلت لكم ماأطيق هالخرابيط اللي تنحط بأيدكم
ماتفهمون.!!
ترف\زين لا تذبحينا مايسوى علينا قلنا كلمهأووف
طلعوا البنات متوجهين بيت عمهم بو فيصل وأول ماوصلوا شافوا بنات عمهم
جالسين بحديقة بيتهم ينتظرونهم أركبوا معهم السياره وراحوا للمشغل اللي بيحط لهم
الحنا
ساره\أقول بنات وين مرام.
رهف\ماجات على قولتها ماتحب الحنا.
ساره\ليه بالعكس حلووأصلا أحنا من سنين ماتحنينا
رهف\أي والله صادقه.من كثر العروس اللي جيتنا.أحنا ماصدقنا أحد يعرس
عندنا عقبال اللي قدامنا.
نواف\لا أن شاء اللهالله لا يقولها.
سوزان\ليه ياأخ نواف ماتبي تتزوج
نواف\بس.أنا مستحيل أتزوجخليني اعيش حياتي وأستمتع بعدين لاحقين على
الزواج
سوزان\كل هذا ولا أستمتعت ياولد عمي!!!
نواف\توني شباب.والا أيش رايك!!
ترف\خــلوه في حالهالولد لسه مراهق.وأنتوا تفتحونه على أمور كبيره
نواف\تكفين على المراهقهحبيبتي خليتها لك.وبعدين سكروا الوضوع ماعندكم
غيره!!
رهف\الا عندنا وش سويت بالأمتحان!!!
نواف \مالت.كل مواضيعكم زي وجيهكمأقول أسكتوا بحط أف أم أبرك لي.
كان جالس معه مضايق حييللأنها هذه المره الثالثه اللي يواعد فيها الولد
ومايجيهوطبعا الكل معصب عليه.وكل مره يطلب منهم السماح وفرصه
ثانيهوهم يسامحونه لأنهم محتاجين له.
واللحين هو متكدر لأنه ماتحقق اللي في باله
ناصر\أقول أحمد ماتلاحظ شيء!!
أحمد\اللي هو!!!
ناصر\ماتلاحط أنا كل مانرتب الأمورونواعد عمر في مكان.وبعدها يتاجل
الموعد.
أحمد\طيب.وش تبيني أسوي!!مافهمت عليك!!
ناصر\ماتحس أنه خيره من الله.
أحمد\يعني
ناصر\أنا قصدي.وش رايك نترك هالشيء.
أحمد\أنت مجنونوالا مب صاحي.
ناصر\ أنا في كامل قواي العقليهصدقني ياأحمد صدقني أن كل اللي نسويه مش
خير لناأحنا ندمر والله بيعاقبنا على هالشيء.
أحمد\أقول بلا هالفلسفه اللي مالها داعيوأسكت احسن
ناصر\لا ياأحمد مش سكتلين متى بنمشي بهالطريق!!لين متى بنظل زي الكلاب
المأموره!!متى بنعرف أن الله حق واللي نسويه حرام!!!متى ياأحمد متى!!
أحمد\أوكيانت تبينا نوخر عن هالطريق صح!!!
ناصر\أيه
ناصر\طيب يااخ ناصر!!!ماسألت نفسك كيف بنعيش!!!مين اللي بيصرف علينا
وعلى أهلنا!!أنت أكثر واحد تدري بحاليوأنا بعد أعرفك عدل صدقيني الطريق
مسدودأحنا كم مره حاولنا نبتعد عن الشيءوش صارت النتيجه!!رجعنا مره
ثانيهوألعن بعدأقول بس.سكر هالموضوعلأنه مش مستفيدين شيء غير عوار
الراس.
وبكذه تسكر النقاش الحار اللي بين أحمد وناصرلكن ياترى هل بيسكت ناصر عن
هالمتاهه اللي عايشينها وبيقاوم تأنيب الضمير!!
\يوم الأربعاء!!؟وعرس حنين مش حاظره!!
هيفاء\ماراح يقدر لأن طيارته الأربعاء الساعه ثمانيه بالليل.
روابي\الله يرجعه لنا بالسلامه
هيفاء\وأنت متى بتجين !!
روابي\أن شاء الله بكره جايه.
هيفاء\أها زين.
روابي\وش صار على موضوعك.
هيفاء\أي موضوع.!!
روابي\عريس الغفلهوافقتي عليه والا لسه!!
هيفاء\آآه ياروابي لاتذكريني لحد اللحين مش مستقره على رأي مره أقول ايهومرات
أقول لا
روابي\أقول بلا دلع ووافقي الرجال له أسبوعين ينتظر ردك!!!
هيفاء\أوووف زين خلوني أفكر زي الناس.حتى بالخطوبه بتتحكمون.!!!
روابي\يعنني اللحين تفكراقول بلاهذره وقولي أنك موافقه.تراني أعرف حركات
البنات!!
هيفاء\لا والله وش تعرفين بعد!!
روابي\أعرف كل شيء!!
هيفاء\أكيد بتعرفينلأنك مجربه ومبهدله نايف وياك!!!مسكين والله
روابي\حبيبتي نايف زوجي يموت في تبهدلي وخناقي معهلدرجة أنا مايعيش ألا
بــ بهدله محترمه كل يوم.
هيفاء\هههههههههههههههههههههههههههه والله أشتقت لك يالخايسه وأشتقت
لــسوالفكمتى تجين !!!طولتي .!!!
روابي\أيه قولي أنك مشتاقه من زمان.ههههههههه أصلا أنا الكل يشتاق لي.
هيفاء\زين زين عرفنايالله عاد تعالوا بكره من الصبح
روابي\اللي يشوفك يقول بنشوفك الصبحنسيتس أن وراك جامعه !!!
هيفاء\المهم أنكم تجون بدري.
روابي\طيب يالله تامرين على شي من الرياض
هيفاء\سلاكتك حبيبتيبوسيلي التوأم فديتهم والله
روابي\ان شاء الله مع السلامه
هيفاء\مع السلامه.
جالسين في مقهى الجامعه ماوراهم شيء!!لا شغله ولا مشغلهبكره ماعندهم
محاظرات كل محاظرتهم الظهروصوت الموسيقى والأضواي الخافته معطي جو
خيالي وحلووكل واحد منهم يفكر لبعيدوخصوصا يوم التخرج اللي قرب.
لافي\وأخير يافهد بنفتك من الجامعه.
فهد\أي والله بنفتك .
لافي\ياللهمتى بيجي اليوم اللي أقول أشتقت للجامعه وقومة الصبح والكلاسات
والكويزات حاله والله!!
فهد\لا والله مش قايل أشتقت لهابقول فكه الله لايعودها من أيام
لافي\تخيلتخيل بس.بعد هالعناء والمشوار الطويل مانلقى وظيفه!!
فهد \حرام عليك أتفائل بالخيران شاء الله نلقى.وبعدين ياحبيبي أحنا شهادتنا مو
أي شهادهلا تنسا أنا أحنا من جامعة الملك فهد
لافي\لا مش ناسيبس ماتدري الدنيا حظوظ ياخوي.
فهد\الله يسهل أذا جاء ذاك اليوم.الا ماقلت لي شخبارك مع العنود!!
لافي بابتسامه\الأوضاع مستقره.وكل شي أبيه بيتحقق أن شاء الله
فهد\شكلك ناوي نيه!!!ولا تقولي يالخاين!!
لافي\أف عليك أنت أول واحد بتدري.بس خلني أخل وأتفرغ لــ حبيبة قلبي
جالسه في الصاله وهي معصبه حييلفستانها لسه ماخلصه الخياط.وهي ميته
قهرعرس أختها بكرهوهي ماخلصت أمورهاحتى الحنا ماحطته .كل ماتتذكر
أن الفستان ماجهز نفسيتها تصير زفت.لا والأدهى كل ماتتذكر سالفة المعجبه
المجهولهتمووت من القهر لحد الآن ماردت عليها برسالهوهي متشوقه لشوفة
هالبنت اللي ترسل لها.
ريم\العنودحشى ماصارت من الصبح وأنا أناديك.وينك أنتي!!
العنود\موجوده.بس أفكر شوي.
ريم بغلاسه\في مين!!لافي!!
العنود\أممم هو لازم يحوز على تفكيريبس هالمره أفكر بشي ثاني!!
ريم\واللي هو!!
العنود\ولاشي .قومي نروح لــحنين أكيد اللحين محتاسه مع الحنايه!!
وبالفع راحوا لــ حنين وشافوها جالسه تتحرطم على الحنايه.مره تقولها شيلي
هذا ومره تقولها لاتسوين هناومره تقولها حطي من هالجهه
حنين\أنتي ماتفهمين قلت لك أبيه خفيف!!
الحرمه\شسوي ياأختيلازم نسويلك كذه انتي عروس والا نسيتي.
حنين\لا واللهولا زم هالعروس تسون لها هالحفله!!انا ماأبي هالكثر ماأحب
العنود\حنين وشفيك على البنيهوبعدين هي تعرف شغلها وأنتي مش أول عروس
تحطين حنا
حنين\أوووف والحل ماينشال
الحرمه\لا طبعا ماينشالوالا تبين يخترب الحنا!!
حنين\يكون أحسن بعد.
أستغربت الحرمه من حنين وتصرفاتها الغريبه هذه اول مره يصير معها هالموقف.كل
المعرسات يحبون يكونون بأحلى صوره وأجمل حنا الا حنين.
حنين بالفعل كانت متضايقه حييل وخصوصا ان العرس قرب ومابقى لها الا يوم واحد
وتسكن مع فيصل.ماتدري وش تسويخلاص الفاس طاح بالراسوندمت أشد
الندم أنها ارتكبت هالغلطه ورضت بــ فيصللكن خلاص عقب أيش الندم
ياحنين!!أنتهى كل شي.وبدت الحياه الجديده اللي راح تعلن فصلها من بكره
\لا والله ماتروحون وأنا ماخلصت.
سوزان\والله محد قالك تهذرين ساعه كامله
ترف\حرام عليكم هذا جزاني أني أونسكم.
ساره\طيب أنتي خلصي اللحين ويصير خير.وخالد بالطريق يعني يبله ربع ساعه
ويجي.
ترف \لا والله وخالد اللي بيجينا بعد!!.عزة الله رحت فيهاأكيد بيطنز علي مالت
عليه.
ساره\ههههههههههه ليش أنتي حاقده عليهحمدي ربك أنه بيجينا.
ترف\ياربيتكفون الله يخليكم قولوا له لا يجي اللحين الحنا يبيله وقت عشان
ينشف!!
سوزان\وش لا يجي اللحين !!ماعندنا وقتورانا أشغال كثيرة
ترف\طيب على اقل وحده تتم معي وبعدين أدق على أي احد يجينيرهف تمي
رهف\لا ياحبيبتي مااقدرريحة الحنا بتخنقني وأنا مش طايقه نفسي أبي أغسله
ساره\ترفصدقيني بيجفانتي بس هدي.
وقعدت ترف تحاول فيهم وتترجى كل وحده أنها تجلس معهابس الكل
رافض.مايبي أحد يجلس أكثر من هالوقت
دق خالد على البنات وقالهم أطلعواوأطلعوا له كلهمماعدا ترف اللي بالمووت
البست عباتها وحطت الغطاء على وجهها
خالد\هلا والله.هلا باللي حاطيين حنا.أمووت في ريحته ياناسساروه وريني
حناك.
ساره\شوف حلو صح!!
مسك خالد أيد أخته الثنتين وشمهم.
خالد\.أمووت في ريحته ياناسكل يوم حطيه.
سوزان\ياسلام وأنا ليه ماقلت لي وريني حناك.!!
خالد\بدت الغيره أشوف!!لأنها ياحبيبتي جالسه قدامعشان كذه قلت لها.فهمتي!!
سوزان بدلع\فهمت
خالد\أمشي
ساره\لا أنتظر ترف ماجات.
خالد\ليه!!
ساره\بتلبس عباتها وبتجي.
خالد\وليه الآنسه مالبست بدري!!!
ساره\لأنها آخر وحده حطوا لها حنا ولسه ماجف.
خالد\أها
طلعت ترف للشارع وكان شكلها يموت ضحك الغطاء حقها ملفوف بشكل غريب
وشوي وبيطيح وأكمام عبايتها رفعتهم لوراء وأيدينها رفعتهم لفوق.وهي تمشي
تتحرططم على البنات اللي راحوا وخلوها.
رهف\هذا هي شرفت.
خالد يوم شاف ترف وشكلها ضحك عليها من قلب وقال هذا فرصه عشان أنرفزها
قربت ترف من السياره ورفست الباب برجولها
ترف\وعمى أن شاء الله فتحوا الباب.
خالد\ههههههههههههههههههههههههههههههههههههههاي فتحوا لها الباب بتكسر
سيارتي.
أفتحوا لها الباب
ترف وبكل عصبيتها\ياحليلكم والله.!!تاركيني لحالي وجالسين في البرادوالله أنكم
ماتستحون.صج بنات عم على الفاضي.وأخت خرطيوولد عمي مايستحي
خالد\نعم آنسه ترف,,,ماسمعت عيدي اللي قلتيه مره ثانيه.
ترف\كلمة الملوك ماتنعاد.
خالد\هههههههاي ضجكتيني واللهانتي يخب عليك لقب خدامه هربانه من بيت
كفيلها
الكل قام يضحك على ترف .وهي خلاص البنت وصلت حدهاودها تذبح
خالد.وتحط حرتها فيهبس ماتقدر تسوس شي.خصوصا أن الحنا عائق كبير.
ترف\ضحكتوا بليا ضروس أن شاء الله
ساره\ترفوا حتى والحنا بايدك تتخانقين والله أحس شوي بتجين تجلسين قدام.
ترف\خلوني بس أروح البيت لعلم عليكم ابوي ياللي ماتستحون.
خالد\ترف وععععععععععععععع خنقتينا بريحة الحنا خيستس سيارتي.
ترف\لا والله اللي يقول أني انا الوحيده اللي حاطه حنا ياأستاذ خالد.
خالد\صح أنهم كلهم حاطين حنا بس حناهم جف مش مثلك توه محطوط وعععععععع
عليك أنا ماأطيق ريحته خيستي سيارتي.
ترف\خالد
خالد\ها
ترف\جــــــــــــب
خالد\ههههههههههههههههههههههههههههههههههاي ياي عرفت أرفع ضغطك
ويـــــــــــــوا هههههههههههههههاي
ساره\خالد خلص ذبحت البنت خلها في حالها.
خالد\والله هي اللي تحرشت فيني من البدايه وأنا رديت عليها.
ساره\طيب خلاص أسكتوا وصلنا.
سوزان\وبنات عمي مش موصلهم.
خالد\الا بوصلهم بس أول أنتوا لأني مواعد نواف
ساره\أوكي بنات عمي مع السلامه.
رهف\مع السلامه
نزاوا البنات ومابقى غير ترف ورهف في السياره عم الهدوء في السياره.
رهف تفكر في بكره وعرس ولد عمها
وترف تفكر كيف تقهر ولد عمها المغرور
وخالد مطنش زعل ترف بس أنه مستانس عليها.
كلها خمس دقايق ووصلوا البنات بيتهم ونزلت رهف بسرعه البيت ونست أن ترف
صعبه تنزل وهي بأيدها الحنه.
والمسكينه ترف تحاول أنها تفتح الباب بس مش قادره حاولت أكثر وأكثر بس بدون
فايده الحنا لسه ماجف وهي تدعي على أختها رهف اللي تركتها مع المجرم خالد
.وهو مستغرب منها نسى سالفة الحنا وينتظرها تنزل ويوم طال الأنتظار كلمها
خالد\ترف جاعبتك القعدهمادريت أنك مره تحبيني وماتبين تنزلين!!
ترف وهي متجاهله كلامه لأنه ماتبي تخوض معركه كلاميه ثانيه\أوووفمش قادره
أفتح الباب بأيدي
خالد وتوه متذكر\أأأأوه نسيت سوري بنت العم وقام خالدمن كرسيه وفتح باب
السياره\تفضلي آنسه ترف.
طالعته بنظره بعدين أسكتت
خالد\أشيلك بعد.تراني حاظر. أنتي أمري بس
ترف بصوت واطي وهي منحرجه منه ومنقهره في نفس الوقت\سخيف تنكت بعد.
خالد\نعم.
ترف\ولا شيء.!!وخر شوي أبي أنزل
خالد\مش موخر وش بتسوين يعني
ترف\خالد
خالد\ها
ترف\والله مش فاظيه لخناقه ثانيه أجلها بعدين يكفي اللي فيني.
خالد\أن شاء الله من عيوني.وهذاني وخرت سمي
طلعت ترف من السياره ومشت بسرعه لباب بيتهم ويوم بتدخل لفت عليه
ترف\خالد
خالد\ها
ترف\مالت عليك.ودخلت.
خالد\ههههههههههههههههههههههههههههههههههههههههههههه ههههههههههه والله
هالبنت خبلهوأنا خبل ثاني لأني ساكت عنها.
دخل خالد سيارته وهو يضحك على بنت عمه اللي سماها الخبله
\تسلم عليك.
لافي\منوا.!!
ريم\العنود
لافي\الله يسلمها ويسلم غاليها يارب
ريم\ومين غاليها!!!
لافي بزهو\أنــــا
لافي\شخبارها.
ريم\زينهبس تحاتي فستانها اللي ماطلع من الخياط.
لافي\ليه.!!
ريم\خربه عليها.وهي مسكينه متضايقه حييل.والمشكله أنا بعد بكره الزواج يعني اذا
أخترب الموديل مافي أمل تدخله ثانيه.
لافي\حبيبتي والله
ريم\عيــــــــــــــب.أستح توك صغيرون على هالكلمات
لافي\شوف من يتكلم.ترى أنا لافي في الجامعه السنه بتخرجوأنتي ريم في ثاني
ثانويوالا نسيتي!!وبعدين عادي أقول هالكلام هي أصلا زوجتي من زمان بس مااحد
يدري
ريم\أيه في الحلم.
لافي\في الحلم ايهبس بعدها بيصير حقيقه. مافي أحد معنا.أنا والعنود وبس.
ريم\والباقي ياكل خس.
لافي\هههههههههههههههههههه أيه .الباقي ياكل خس.
اليوم الثاني.
\ياربي هالبنت مفشلتنا
العنود\وشفيك يمه عسى ماشر.
أم حنين\أم فيصل داقه من شويوقالت بترسل واحد من العيال عشان ياخذون أغراض
حنينورحت قلت لأختك العنيده ويوم درت أنه أحتمال يجي فيصلسوت لي حرب
مالها داعي.وقالت لي الأغراض بشيلها معي بكرهالحمد لله والشكر عمرك شفتي
متزوجه مثل أختك
العنود\هههههههههه والله نكته هالعنود شكله فيصل مسوي لها فلم مرعب
أم حنين\ودقيت على ام فيصل وقلت لها اللي قالته أختكوالله أني منحرجه من الحرمه
العنود\معليش يمه وسعي صدرك أذا بتمسكين أفعال حنين منتي مخلصهوبعدين
لاتلومينها يمه.هي عايشه بظغوط نفسيه وبكره زواجها يعني معليش سامحيها
ام حنين \الله يهديها ويصلحها
جالس في قسمي الجديدهو مو جديد جديد .بس سويت له new lookيعني غيرته
كله على بعضه.وحطيتله أثاث جديدأثاث يليق بمتزوجين جدد. حتى اليوم رحت
الحلاق وظبطت شكلي وسويت تنظيف بشره وأشياء كثيرة مالها آخرأنا دايما أسويها
لأني من المهتمين بشكلي من الدرجه الأولىمش بس البنات اللي يهتمون في شكلهم
حتى الأولاد يحبون يجددونشسالفه!!
أيش فيني على كلمة جديد!!الله حاله.!!!يمكن
لأني غيرت كل شي فيني حتى الأشياء اللي متعود أسويها يوميا ماقمت أسويهامدري
ليش!!! كل هذا عشان حنين !!!وياليتها عاد حاسه فيني!!الا ماعطتني أكبر طاف.أنا
مدري هالأنسانه متى تضحك!!او تبتسم حتى!!شكل اليوم اللي بشوفها فيه تبتسم
بصورها وبكتب على الصوره (يوم تاريخي).ههههههههههههههه ياحليلك يافيصل
بكره زواجك على ستة الحسن والجمال حنين هانم حلو اللقب صح!!!مين يصدق!!أنا
فيصل اللي ضاربين فيني المثل في العزابيه وحاطيني القدوه في العايله
أتزوج!!وبسهوله.خلال شهرين ونص قررت وخططت وعزمتوبكره بتبتدي حياه
جديده بالنسبه لي حياه ماأعرف وش نهايتها لأني بالأساس منصدم لحد الآن أني
أتخذت هالخطوه الكبيرهبصراحه أقولها وأعترف لنفسي أني مش عارف وش بيصير بحياتي
مع حنين!!هل بيتوفق هالزواج وبيستمرأو بصير زواج فاشل لأن أساسه غلط في
غلطالله يعلم وش تخبي لنا الأيام.!!والله يستر من حنين وعنادهاأبدا أبدا
مش سهله هالبنتأدري .أدري أنها كذه من يوم هي صغيره وعيشتها والمسؤليه اللي
انحطت فيها خلتها جامده وقويه مايهزها الريحبس ولومش كذه تعاملنياللي يشوفها
يقول كأني سارق حلالها.اووف من هالبنت مجننتنيصح أنها عانت كثير بحياتها ويمكن
تعقدت بعد من المصايب اللي تنحط على راسها بس ولو لازم تقدرني. انا صرت
زوجها اللحينيوم شفتها كنت ولهان عليها مره وزين أني مسكت نفسي ماأبي أبين
لها أني مهتم مره فيها لأنها هي تفكر أني ماخذها تسليه وعناد فيهازين اني ماطعت أمي
ورحت بيتهم مره ثانيهوالا كانت بتصير علوم ثانيهلأني مستحيل أقدر استحمل
مزاجها البايخوأكيد أني بقط عليها كلام يخليها تعرف من أنا!!مش هي بس اللي
تتحكم وتأمر على كيفهاحتى أنا أمر وأتحكم بعد.أوووف!!!.ماتدري هالغبيه وش
معزتها بقلبي!!آآه منها بس.
واقفه وسط الغرفه وشوي بينكسر ظهريمن صبح الله وأنا أجهز الشنط مع أختي
العنود اللي جايه تساعدني لي ثلاث ساعات جالسه أدخل أغراضي في
الشنطهوالمشكله أن بقى أغراض كثيرة مالهم مكانومدري وين أوديهم فيه!!حتى
الغرفه مزحزمه مره وصايره ضيقه حييلليتني طاوعت أمي وخليت فيصل ياخذ
الأغراضعلى الأقل كان أفتكيت من هالبلشه!!بس شسوي !!والله يوم دريت أن فيصل
هو اللي بياخذ الأغراض عصبت حييل وقلت لا وألف لا ماله داعيوالزواج
بكرهيعني مش مهم هالمشوار.أنا أدري أنه يبي يجي لبيت عشان يراقب تصرفاتي
وجياتي وروحاتي.مدري مين مفكر نفسه الأخ !!صح زوجيبس مو معناته أنه
يتحكم ويسأل أنا لسه ماتعودت عليهوماأبي أتعود أصلا.!!لأني بالأساس ولا مره
أحد سألني وين بتروحين ومع من!!انا اللي أتعودت أسأللأن ظروف بيتنا حتمت
علي هالشيءوفرضته علي فرض.آآه بس.بكره زواجي من فيصل والله يستر وش
بيصيروالله أني مرعوبه منه هالولد خبيث أحس بهالشيء!!مدري ليه!!!
العنود\حنين.
حنين\هلا
العنود بعبره مكتومه\خلاص.
حنين\خلاص أيـــ
أسكتتماقدرت تكملعرفتوش تبي تقول لها أختها.
خلاصبتطلع من هالبيتوالله العالم متى برد له مره ثانيه.!!!يمكن بكره أوبعده كل
شيء جايز ياترى متى بترجع عند أهلهاعند عزوتها!!عند ناسها!!!!
حنين(يالله يالعنودليه
ذكرتيني.خليني أنسى شوي)
العنود وهي تكابد الدمع اللي بعيونها\خلاص ياحنيناليوم أخر يوم تجلسين في
هالبيت. اليوم أخر يوم بتنامين بهالسرير وأشرت على السرير.اليوم أخر يوم بسمع فيه صوتك عشان أنام
مرتاحة البال.اليوم اخر يوم بشوفك فيــ .أخنقتها العبره وصاحت من قلب على أختها.
لكن حنين وينها !!وينها من هالشيء!!وش ردة فعلها وهي تسمع كلام أختها اللي يقطع
القلب.
ماصاحتحنين ماصاحتكابرتايه كابرت وضمت أختها.
وقالت في نفسهاهادموع لايمكن تنزل بعد هاليوم عشان واحد أسمه فيصل بيبعدني عن
أهلي.مستحيل أبتعد عنهم مدام أنا حيهأنا لهم وهم لي.
حنينبكره زواجها من الجنتل فيصلتوقعاتكم !!وش بيصير بكره!!بيستمر الزواج.
========
