رواية أنا مش ورقة

[# بنت عتيبة #]

السلام عليكم ورحمه الله وبركاته

احنا هنعيش قصه مع ابطالها محمد وعبد الرحمن سنة اولي طب بالمناسبة هما كانوا اصحاب منذ الصغر
ممكن تكون القصة طويلة او قصيرة بس ان شاء الله هنستفيد منها

المهم ندخل في احداث قصتنا
الحلقة الاولي

يصحي محمد اول يوم ليه في الكليه ايه ده الساعه 10 طبعا محمد صاحي مفزوع اول محاضرة
راحت عليه

ينادي محمد علي والدته

ماما ماما انت مصحتنيش ليه ينفع كده من اول يوم مفيش التزام
والدتهتدخل انا قعدت اصحي فيك من الساعة7 وكالعادة صحيني بعد 5 دقايق لا لابعدربع ساعة لحد ماوصلنا الساعة 8 وانت نايم في سابع نومه وانا زهقت منك
ازاي ده انا محستش بأي حاجه خالص انا زعلان اوي

وهنا يدخل والد محمد زعلان اوي ياحبيبي لك حق تزعل والايبقي ماعندكش دم

محمد:مش كده برده يابابا قول لماما اصلها مش مقدرة.

الوالد: مش مقدره لا مالهاش حق اتصدق بالله انت ماعندكش دم.

محمد: ليه كده بس انا مالي ماما هي اللي ماصحتنيش بذمه.

الوالد: ياسلام ياخوي انا مابكلمش علي كده انت زعلان اوي لما فاتتك اول محاضرة.
طب ماانت ضيعت صلاة الفجر انهارده مازعلتش اوي كده ليه وللاانت خلاص بعد امتحانات الثانويه العامه مش هشوفك تاني في الجامع .

محمد: في سره انا فاتتني محاضرة الكليه بس الحمد لله ربنا عوضني خيرا منها محاضرة ابويا
ده بدل مايقولولي تفطر ايه ياحبيبي نروح نحضره ماعلينا.

الوالد: انت سكت ليه نمت

محمد:لالا ابدا خلاص سماح المرة دي انا هجهز بقي قبل مايفوتني باقي المحاضرات.

وهنا يرن موبايل محمد الظاهر صاحبه عبد الرحمن بيطمن عليه

محمد:ايوه ياعبده ازيك عامل ايه

عبد الرحمن:الحمد لله رب العالمين انت فين

محمد :انا علي السرير اصلي راحت عليه نومه.

عبد الرحمن: ولا يهمك تتعوض المهم انا مستنيك ماتتاخرش يلا.

محمد : ماشي مسافه السكه ويجهز محمد وينزل عشان يقابل عبد الرحمن.

محمد: كل دي زحمه انا هركب ازاي وبعد عناء طويل محمد يركب الميكروباص وينطلق الي الكليه .

ويفاجا محمد بواحده تيجي تقعد جنبه.

وبعد فتره تساله هو حضرتك في كليه ايه
محمد: نعم طبعا هو سامع بس مستغرب السؤال
تعيد البنت السؤال مرة تانيه
محمد:ليه حضرتك فيه حاجه

البنت:لاابدا بس زي مانت عارف ان النهارده اول يوم في العام الدراسي وانا مااعرفشاي حاجه في الجامعه فبسال حضرتك ممكن نكون في نفس الكليه فتعرفني عليهاوكده يعني

محمد: يفكر فترة طويله ياتري اقولها ايه دلوقتي اروح معاها كليتها واخدمها واعمل فيهامعروف طب وعبد الرحمن اعمل فيه ايه .

ولكن فجاه يفتكر محمد قصة سيدنا موسي عليه السلام مع المرأتين وكيف كان حياءوه وادبه معهم وكذلك حياء المرأتين

محمد : بصوت حازم هو حضرتك في كليه ايه
البنت :في تجاره
محمد :خير انا مش في تجاره ومعرفش حاجه عنها وكأنه يقول لها اسكتي واياكي تتكلمي تاني.

وبعد عناء ينزل محمد من الميكروباص واخيرا هيقابل عبد الرحمن

ياتري ايه اللي هيحصل بينهم؟
هذا ماسنعرفه في الحلقه القادمه ان شاء الله


منقووول

---

v,hdm Hkh la ,vrm

[# بنت عتيبة #]

الحلقة الثانية

محمد يدخل الكلية يدور علي عبد الرحمن وبعد لف كتير في الكلية ايه ده ده شبه عبد الرحمن خالص

لا لا بس اكيد مش هو ايه المقشة اللي في وشه دي هههههههههههههه وللا البنطلون شكل الترزي ضحك عليه وخد باقي القماش وقعد يفحصه من فوق لتحت لا دا اكيد مش عبد الرحمن ولو عبد الرحمن امتى وازاي وليه حصله كده ويقطع تفكير محمد صوت عبد الرحمن.

عبد الرحمن:ايه يامحمد هو انا كنت بايت معاك امبارح وللا ايه ده بدل ماتخدني بالحضن قاعد تبصلي من فوق لتحت.

محمد :لا ابدا ياعبده وياخده بالحضن وحشتني اوي انا معرفتكش يابني انت ايه اللي حصلك 3 شهور اجازة يحصلك كل ده ايه اللي حصلك؟!!!!

عبد الرحمن :بعدين احكيلك المهم انت ازاي تفوت اول محاضره من اولها كده طب حتي خليك ملتزم اول يوم.

محمد:صحيح عملتوا ايه من غيري.

عبد الرحمن:طبعا الدكتور كان زعلان جدا انك محضرتش وكان عايز يلغي المحاضرة لولا ان العدد كان كبير

محمد:انت بتتريق

عبدالرحمن:مانت اللي سؤالك غريب هنعمل ايه يعني من غيرك لاانت الكمبيوتر ولا البروجيكتور وللا حتي الميكروفون عشان المحاضرة تتعطل من غيرك

محمد:ماشي ياعبده بكره تعرف اهميتي.

عبدالرحمن:المهم انت ازاي راحت عليك نومه والفرق بين جلسة الشروق والمحاضرة قليل يعني ماتلحقش تنام فيه!!

محمد:مش اما اكون الاول صليت الفجر ابقي اقعد جلسة الشروق

عبدالرحمن:يعني انت ضيعت صلاة الفجر انهارده ازاي؟!!!

محمد:يلا ابدا المحاضرة التانيه كلي اذان صاغيه امال يابني لومكناش دفنينه سوا
عبد الرحمن:دفنا مين

محمد:ايه يابني احنا مش كنا بنصلي ايام الامتحانات وبعد كده بئي انت عارف انا بحب النوم اد ايه .
اوعي تقولي ان انت لسه بتصلي الفجر!!!!!

عبدالرحمن:انا بفضل الله بصلي كل الصلوات في المسجد.

محمد:بجد عليه انا برده الكلام ده!!

عبدالرحمن:المهم دلوقتي يامحمد انا هرن عليك كل صلاة عشان اذكرك بيها وبالذات صلاة الفجر بس اياك تفتح عليه انا بقولك اهو والا هخليك تشحنلي.

محمد:براحه بس عليه احنا اول يوم في الدراسه

عبدالرحمن:ماهو عشان كده لازم نفتح صفحه جديده مع ربنا احنا فرطنا كتير اوي يامحمد

محمد:في سره فرطنا في ايه انا مش فاهم اي حاجه؟!!!

عبدالرحمن:هنبتدي من انهارده
اول حاجه لازم تعرفها اهميه صلاة الفجر
انا لواديتك صندوق فيه طوب وصندوق فيه دهب وقلتلك وصلهم مكان معين ياتري اهتمامك بالاتنين هيكون نفس الاهتمام

محمد:لا طبعا دا حتي لو صندوق الطوب ضاع بسيطه هشتري صندوق والطوب اهو كتيرفي الشارع لكن صندوق الدهب لو ضاع هعوضه ازاي

عبدالرحمن :الحمد لله اتفقنا بص بقي صلاة الفجر اغلي من كنوز الدنيا يعني لوضاعت مش هتعرف تعوضها.

1-قال رسول الله صلي الله عليه وسلم
( من صلى الصبح في جماعة فكأنما صلى الليل كله ) رواه مسلم .


2- قال رسول الله صلى الله عليه وسلم
( من صلى الفجر فهو في ذمة الله (حفظه) فلا يطلبنكم الله بشئ من ذمته ) حديث صحيح
رواه الطبراني ومسلم بلفظ مشابه .


3-قال رسول الله صلي الله عليه وسلم
( بشر المشائين في الظلم إلى المساجد بالنورالتام يوم القيامه ) صحيح .


كده اتفقنا ان صلاة الفجر مهمة ماشي

محمد:ماشي ياسيدي كمل باقي المحاضره اما اشوف اخرتها معاك

عبد الرحمن:بص بئي انت قبل ماتنام لازم تكون متوضي وتقول اذكار النوم بكره ان شاء الله هجيبلك كتاب حصن المسلم
وتكون مخلص انك عايز تقوم بجد تصلي ولازم تكون عارف ان صلاه الفجر دي ترمومتر علي صدقك شوف بئي انت صادق ولا .
خلاص اتفقنا يامحمد هرن عليك وهستناك تكنسل

محمد:خلاص خلصت المحاضرة يلا بئي قولي ايه اللي غيرك كده

عبدالرحمن :هوا نا ههرب منك ماحنا مع بعض اهو يابني ان شاء الله هحكيلك تعالي بس نروح الجامع لان الظهر قرب يأذن وبعد الصلاه ان شاء الله هحكيلك

وفي الجامع عبد الرحمن يقوم يصلي السنة

عبد الرحمن:انت مش هتصلي السنة

محمد:دا كويس اني بصلي الفرض يابني

عبدالرحمن :ماشي ياسيدي بس الرسول صلي الله عليه وسلم بيقول من صلي اثنا عشر ركعه في اليوم والليله بني الله له بيتا في الجنه

محمد :ماشي ماشي صلي انت بس وخليني اقعدلي شويه بئي عشان تحكيلي بين الاذان والاقامه

محمد :يراقب عبد الرحمن وهو بيصلي ايه دا الواد اتغير 180 درجه هو ايه اللي حصله ماكنش بيتكلم كده ابدا الواد اتجنن وللا ايه انا خايف عليه لاحول ولاقوه الا بالله ايه ده وكمان بئي بيصلي كويس ماشاء الله ايه الخشوع والسكينه دي هو مستني نتيجه امتحان تاني وللا ايه
ياتري ايه اللي حصله 3شهور يتقلب القلبه دي!!



الحلقة الثالثة

ينتهي محمد وعبد الرحمن من صلاة الضهر

محمد:يلا بقى احكيلي

عبدالرحمن:ياعم اصبر حتي استني لما نختم الصلاة ونخرج من الجامع هحكيلك واحنا مروحين.

محمد:ماشي انا صبرت عليك كتير

عبدالرحمن:معلش استحملني

ويخرج محمد وعبدالرحمن من الجامع ويعيشوا ازمه المواصلات
يركب محمد وعبد الرحمن اخيرا

محمد :يهزر مع عبد الرحمن مابلاش بخل يااخي وهات عربيتك معاك وارحمنا من الزحمه دي

عبد الرحمن :ماشي ماشي

محمد:يلا كلي اذان صاغية

عبدالرحمن:بص ياسيدي انت عارف طبعا محمود ابن خالتي انا وهو ومجموعه من اصحابنا نوينا بعد الثانويه العامه وقرفها اننا نسافر بعيد ونصيف بئي ونعيش حياتنا
وبالفعل سافرنا وقضينا ايام حلوه فسح بئي وسهر واغاني وافلام وملاهي كانت ايام حلوه

محمد:ايه ده وانا ليه ماقولتليش

عبد الرحمن:ماتقطعنيش يامحمد
المهم واحنا راجعين كان السواق مشغل اغنيه انا واصحابي كنا بنحبها اوي وكنا قاعدين نصقف
لقينا واحد مانعرفوش بيدي للسواق شريط ويقوله لوسمحت من فضلك خد شغل ده احسن
طبعا كلنا اعترضنا واولنا السواق المهم الشخص ده قعد يتكلم واحنا ودن من طين والتانيه من عجين كلامه طبعا زي قلته انا تقريبا ماسمعتش كلمه منه
وفجاه الاتوبيس كان هيعمل حادثه بس ربنا ستر
وكأن دي كانت رساله من ربنا لينا بس احنا اللي مابنفهمش

محمد:يااااااسلام وده بئي اللي غيرك هو انت بقيت حساس اوي كده هههههههههههههههه

عبدالرحمن:شكلي مش هكملك الحكايه

محمد:صحيح انا نسيت أسالك ع البت سها اللي كانت معانا في درس الكيميا البت دي اللي انت كنت بتحبها صحيح هي دخلت معانا طب

عبدالرحمن:يارب صبرني اديك قعدت تقاطعني لحد مامحطتي جت انا هنزل واكملك بكره

محمد:بس استني طب تعالي اتغدى عندي وكملي القصه ماما عامله فراخ هديك فرخه بحالها بس تعالي

عبدالرحمن:جزاك الله خيرا المهم انا نسيت اقولك ابقى اظبط المنبه عشان صلاة الفجر وانا برده هرن عليك

محمد:طب يلا انزل قبل ما السواق يرميك من الشباك

ويودع عبد الرحمن صاحبه محمد

ومحمد:يفضل قاعد وينزل المحطه اللي بعده اما نشوف اخرتها مع الواد عبده دي ايه

ويدخل محمد البيت ماما انا جعان اوي يلا فين الفراخ

والد محمد:يابني اصبر شويه احكيلي عملت ايه انهارده في الكليه

محمد:دا انا عملت عمايل تخيل يابابا الواد عبد الرحمن بيصلي والله وقال ايه هيرن عليه كل صلاه عشان يذكرني بيها وانا قال ايه اكنسل عليه واقوم اصلي

والد محمد:وايه الغريب في كده عقبالك يابني ربنا يهديك

وبعد اما ينتهوا من الغدا

محمد:صحيح انا هدخل انام واسيب الموبايل واما الواد عبد الرحمن يرن العصر والمغرب والعشاء والفجر تكنسلوا عليه وتقوموا تصلوا

ها مين هياخد الموبايل وللا بابا ياخده عصر ومغرب وماما تاخده عشا وفجر

والد محمد:وسيادتك هتعمل ايه هتنام من دلوقتي لحد تاني يوم الكليه

محمد:الله اعلم انا تعبت اوي انهارده

ويدخل محمد ينام ويسيب الموبايل

ياتري عبد الرحمن هيعمل ايه بكره مع محمد ان شاء الله

[# بنت عتيبة #]

الحلقه الرابعة

بالفعل عبد الرحمن يرن علي محمد في كل صلاه ومامته تكنسل

وتروح تصحي محمد وهو لا حياة لمن تنادي وبالقوه يصحي عشان يروح
الكليه

عبدالرحمن ومحمد يتقابلوا في المحاضرة ويقعدوا جنب
بعض

عبدالرلحمن:ماشاء الله عليك يامحمد كنسلت عليه حتي في صلاة
الفجر شكل الكلام بيجيب معاك نتيجه

محمد:اه امال ايه وفي سره ربنا يخليلي ماما
وبابا

وبعد
دقايق يدخل الدكتور وبعد مرور ربع ساعة من
المحاضرة

محمد:الحق ياعبده البت سها اهي هي جايه متاخر ليه ههههههه
مش تقولها تبئي تقعد جلسه الشروق عشان تيجي بدري
صحيح هو
انت قلبتها وللا ايه دي قرفتني في الاجازه اسئله عليك لدرجه اننا افتكرناك مت هو
انت صحيح كنت في السعوديه بتعمل ايه

عبدالرحمن :هو انت مش هتبطل كلام

محمد:لا انا عايز اعرف بقى ايه اللي حصل
بينكم

عبدالرحمن:طب ايه رايك تستأذن من الدكتور ونطلع احكيلك بره
وللا علي ايه هو هيطردنا دلوقتي

محمد:خلاص خلاص

وبعد شويه يتكلم
محمد تاني:هو احنا مش هنعمل صحوبيات

عبدالرحمن :لا ان شاء الله نعمل ربنا
ييسرالامور

محمد:طب الحمد لله

عبدالرحمن:لا مش اللي في دماغك

وبعد
انتهاء اليوم الدراسي

عبدالرحمن :يلا عشان نصلي الضهر ونروح واحكيلك في
الطريق

وفي طريقهم للبيت

عبدالرحمن:انا مش عايز سها تشوفنا ولو شافتنا نهرب منها بأي
طريقه

محمد:هو انت يابني عامل عامله وبعدين ماتشوفناش ازاي مش
هنحضر وللا هنلبس طقيه لخفه وللا نبقى نقعد تحت البنش في المحاضره
احسن
انت مالك بقيت غريب كده ليه

عبدالرحمن :اسمعني بس ربنا ان شاء الله هيصرف نظرها
عننا

محمد:طيب اما اشوف اخرتها

عبدالرحمن :بص ياسيدي

باختصارالحكايه

محمد:لا انا عايز تفصيل ممل

عبدالرحمن:ماشي ياسيدي
انا وسها
تقريبا اهلنا اتنازلوا عن وظيفتهم الاساسيه

محمد:اه انا كده فهمت الحكايه وعشان كده انت شاحت الهدوم
اللي انت لابسها ومش معاك فلوس حتي تحلق لاحول ولاقوة الابالله وطبعا مش معاك فلوس
عشان تخرج سها وتفسحها طب كنت اتصل بيه اسلفك

عبدالرحمن :تسلفني ايه انت
مابتفهمش

محمد:ليه الغلط ده بس
خلاص كنت
هخلي بابا يشوف لوالدك شغلانه جديده

عبدالرحمن:بص انت تروح تتغدى عشان شكلك جعان عشان كده مش
فاهم وبكره هفهمك
واحكيلك
علي كل حاجه

محمد:مااااااااشي

عبدالرحمن: السلام عليكم ورحمه الله
وبركاته

محمد:وعليكم السلام ورحمه الله وبركاته

وبعد اما عبد الرحمن يودع محمد

محمد:هو الواد ده بيتكلم كلام كبيرانا مش اده وللا انا فعلا
اللي جعان ومش فاهم حاجه!!!!

الحلقة الخامسة

وبعد انتهاء اليوم الدراسي كالعاده

عبدالرحمن:محمد انت فهمت حاجه من اللي قلتها امبارح

محمد:بصراحه ومن غير ضرب لا

عبدالرحمن:طيب بص يامحمد انا وسها تقريبا عايشين نفس الظروف عايشين غربة في وسط اقرب الناس لينا
عايشين غربة يشكيها البيت بجدرانه فكيف بمن تحويه الجدران
اهلي انا وهي اتنازلوا عن وظيفتهم الاساسيه وهي التربيه والاحتواء
لا وياريت المأساه وقفت عند كده لا كمان كانوا موافقين علي علاقتنا انا وسها وكأنهم شالوا حمل تقيل من علي اكتافهم وظنوا انهم بكده استريحوا مننا
معرفه اهلنا بعلاقتنا وموافقتهم عليها كان معناها عندنا ان خلاص الامر المحرم بئي مباح لا دا ممكن كمان نقول عليه حلال مادام اهلنا عارفين ايه تاني هيهمنا
ربنا يغفرلنا ذلاتنا وتقصيرنا
المهم لما نتيجه الثانويه العامه ظهرت انا وسها تقريبا كان مجموعنا واحد وقلنا ان شاء الله ندخل طب سوا وهنقضي 6 سنين مع بعض ومفيش حاجه هتفرقنا وقعدنا نحلم كتير اوي
وفي نفس يوم النتيجه محمود ابن خالتي اتصل بيه وقالي انا عازمك انت وسها بمناسبه نجاحكم علي حفله المطرب(.)الحفله دي هتبقي جميله اوي والمطرب هيكسر الدنيا هستناكوا تفوتوا عليه متتاخروش بئي
وبالفعل اتصلت بسها وحددت معها ميعاد وقابلنا محمود وروحنا الحفله سوا ووقت ماكنا في الحفله كنا فرحانين ومبسوطين اوي
لكن فجأه في نص الحفله محمود قالي
انا مش قادر اخد نفسي حاسس ان مفيش ذره هوا
انا قلقت عليه جدا وقررت انقله المستشفي وقلت لسها روحي انت عشان متتاخريش وانا هطمنك ان شاء الله
وفي طريقنا للمستشفي اتصلت بخالتي وقلتلها احنا في طريقنا دلوقتي للمستشفى لان محمود تعبان شويه
ولما وصلنا للمستشفي حاله محمود كانت بتسوء
وجه دكتور اول ماشاف محمود قاله قول لا اله الا الله
قول لا اله الا الله والدكتور يكررها كتير وفي كل مره الدكتور يقولها محمود يقوله انا فرطت كتير انا فرطت كتير اوي
والدكتور مازال يردد قول لااله الا الله وحمود مابيقولش الا انا فرطت كتير وانا مش مستوعب اللي بيحصل
قلت لمحمود انت فرطت في ايه فرطت في ايه يامحمود قولي
وقبل مايجاوبني لقيت الدكتور بيقول (انا لله وانا اليه راجعون)
قلت للدكتور يعني ايه يعني ايه رد عليه
الدكتور:انا لله وانا اليه راجعون
يعني محمود مات خلاص ازاي دا كان لسه معايا في الحفله ازاي مات ازاي دا لسه صغيرومكانش تعبان مات ازاي
دامكانش عارف انه هيموت. وفرط كتير اوي في ايه ياريت قالي

يتبع ان شاء الله

[# بنت عتيبة #]

الحلقة السادسة

محمد:بص ياعبد الرحمن من اولها كده احنا مش هنخرج من الكليه انهارده الا لما تحكيلي كل اللي حصلك

عبدالرحمن:ماشي ياعم محمد
انت عارف انا كل ماافتكر يوم وفاة محمود احس اوي بمعني الأية

(أَوَمَنْ كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ )122الأنعام
الحمد لله رب العالمين انا كنت ميت وربنا احياني فله الحمد سبحان من يحيي ويميت
انا بعد ماسمعت الدكتور وهو بيقول انا لله وانا اليه راجعون خرجت من المستشفى
من غير ماستنى خالتي ولا اي حد انا كنت شبه فاقد للوعي خرجت ومكنتش عارف
اروح فين ومعرفش مشيت اد ايه
وطول ماانا ماشي في الطريق شويه اضحك وشويه اعيط كنت بكلم نفسي ساعات
بصوت عالي وساعات بيني وبين نفسي
محمود مات لا انا مش مصدق انا اكيد بحلم
محمود مات ازاي ممكن كان تعبان وانا معرفش
محمود مات دا كان لسه قاعد معايا في الحفله كان لسه بيكلمني مات ازاي
محمود مات يعني مش هشوفه تاني
طب وفرط في ايه
فرط في ايه فرط في ايه كتير وخلاص مات ومش هيعرف يعوضه؟!!!!
مات لاااااا ازاي دا لسه صغير
يعني خلاص مش هيرجع بيته تاني ولا هيكون مع اهله
محمود هينام لوحده انهارده
مفيش حد هيبقى معاه
بس ازاي دا القبر ضلمه اوي
محدش هيرضى يكون معاه يونسه
لا محمود مامتش انا اكيد بحلم دا لسه كان بيعزمني علي الحفلة في ثواني كده مات
ممكن يكون الدكتور غلطان اه ممكن. ممكن خالتي لما تروح المستشفي تلقيه
عايش اه ممكن
اكيد هيكلمني دلوقتي
وهسأله فرط في ايه
طب هو فرط في ايه حد يفهمني فرط في ايه
لا ااااااااا هو اكيد مات الدكتور هيهزر معايا في الحاجات دي
خلاص ياعبد الرحمن هو اكيد مات
طب.
فجأة كده مات ممكن كنت انا اللي ابئي مكانه
طب مااحنا الاتنين زي بعض
مقضيين حياتنا اغاني وافلام وبنات ووووووووووو
ايه بقى اللي مفرطين فيه
كان نفسي اوي يامحمد حد يسمعني كان نفسي اشكي حالي لحد
كان نفسي ابويا او امي حد فيهم يفهمني كان نفسي اترمي في حضن اي حد فيهم
انا مش يتيم
لا انا يتيم مش لاقي حد فيهم يحس بيه وفي الوقت ده اللي حسيت فيه اني لوحدي في
الدنيا دي حسيت اني في غربه
حسيت ان محدش بيحبني ولاحد بيسمعني كنت تايه
ووقتها بطلت اضحك وبقيت مش قادر اوقف دموعي.
وكأنها كانت محبوسه ومستنيه حد يفرج عنها
هو ان بعيط علي محمود وللا بعيط علي نفسي وللا بعيط علي ايه بالظبط
طب هو محمود ارتاح كده وسابني لوحدي تايه
اعمل ايه اعمل ايه بس حد يقولي حد يعبرني انا برده انسان انا مش يتيم.
وفي وسط الحيرة دي
لقيت سها بتتصل بيه　
ارد عليها جايز الاقي عندها جواب وللا
بلاش ارد احسن

ياتري عبد الرحمن هيرد علي سها وللا.؟!!!!!

[# بنت عتيبة #]

الحلقة السابعة

محمد:وعملت ايه رديت عليها وللا لا

عبدالرحمن:قلت لاااااااا انا مش هرد عليها بس لقيتها بتتصل
تاني وتالت قلت خلاص اما ارد عليها انا كده كده ضايع

ومش لاقي حد يسمعني مهياش فارقه كتير

سها:ها ياعبده عملتوا ايه

عبدالرحمن:محمود مات ياسها

سها:بلاش هزار.انت فين دلوقتي

عبدالرحمن:بقولك محمود مات ياسها

سها:مات ازاي

عبدالرحمن:ده السؤال اللي عايز اعرفه

سها:اكيد كان تعبان

عبدالرحمن:لا

سها:هو لازم يعني يقولك انا تعبان مجايز مخبي عليك

عبدالرحمن:بقولك مكانش تعبان دا كان بيقول انه فرط كتير.فرط اوي .ياتري فرط في ايه

سها:هههههههه هتلاقيه كان عايز يعزمني علي حاجه في الحفله وفرط في حقنا

عبدالرحمن:انا مبهزرش دلوقتي بجد محمود ماااااااااات

سها:خلاص ياسيدي انا لله وانا اليه راجعون علي العموم ابقى اديني رقم خالتك عشان اعزيها واجب برده وللا انت ايه رايك

عبدالرحمن:انا كنت مصدوم من ردها انا تايه وخايف وعايز اعرف محمود فرط في ايه والاقيها بتهزر
فقولتلها خلاص ياسها عايزه حاجه تانيه

سها:اه شوفت نسيتني كنت هقولك ايه انت عارف طبعا الاجازه قربت تخلص وندخل الكليه بقى والمذاكره وكده فقولت لبابا اننا نروح مصيف وقلتله ان انت تبقى معانا
فوافق فقلت اتصل بيك
افرحك ها ايه رايك؟!!!


عبدالرحمن:تفرحيني بأيه بقولك محمود مات مات

سها:وانا كنت قلتك يعني انه مامتش ماشي ياسيدي خلاص مكلنا هنموت عايزني اعمل ايه تاني قولي؟!!! انت بقيت غريب اوي علي العموم انا مستنيه ردك بس متتاخرش عليه يلا سلام

عبدالرحمن :انا قفلت معاها وانا مصدوم وزادت حيرتي اكتر ممكن محمود فعلا كان تعبان طب فرط في ايه ياتري ايه الصح وايه الغلط وايه رد سها دي كمان هو اللي بعمله انا وهي صح ومن حقنا

محمد:سؤال يعني؟ هي البت دي معندهاش دم

عبدالرحمن:انا وهي معندناش دم بس الفرق انا شوفت محمود وهي ماشفتوش انا حسيت بحرقه كلامه وندمه علي التفريط وهي ماحسيتش بحاجه بص انا والله مشفق عليها جدااااا ربنا
يهديها هي عامله زي الي بتدور علي حد يحسسها بوجودها زي بالظبط عايشه في غربه تايهه في دنيا غريبه عايشه في بيتها زيي .ممكن اهلنا يحسوا ان اثاث البيت اتغير بس
مايحسوش بوجودنا ولا بحالنا الحمد لله رب العالمين

محمد:طب وانت ليه ماتحاولش معاها

عبدالرحمن:هقولك بعدين اجابة السؤال ده عشان مانخرجش بره الحكايه وترجع تزعل وتقولي انت كل يوم بتعلقني
بعد مكالمه سها اكتشفت ان الساعه بقت 30/3 الصبح اتفزعت جدا وقلت ايه ده انا كل ده بلف في الشارع وقررت اني اروح
ولما وصلت البيت لقيتهم في انتظاري وكأني عملت جريمه

وبابا سألني بصوت شديد وانا اصلا مكانش مستحمل اي كلام ومكنتش عايز اكلم اي حد

سياده البيه ممكن يقولي كان فين ومحضرش جنازه ابن خالته

اسماء اختي ترد بكل سخريه:اكيد كان مع البت بتاعته مهو معدش في دم اليومين دول

انا ماردتش عليهم يظهر ان حتي دموعي معادتش بتتشاف ودخلت اوضتي وقفلت عليا الباب طبعا بابا قعد يزعق بس انا خلاص معادش يفرق معايا

وانا في اوضتي رجعت تاني للحيره اللي كنت فيها وهمي زاد اكتر من مقابله ابويا واستهزاء اسماء

هما بيعملوا فيه كده ليه حد يجاوبنيوقعدت اعيط كتير. واقول لنفسي هو انا اللي مكبر الموضوع وللا الموضوع فعلا كبير

محمود مات وفرط كتير .

وسها تقولي انا عايزاك تسافر معانا. وابويا يزعقلي واختي اسماء دي كمان نقصاها الحكايه
وافتكرت يوم حادثه الاتوبيس واحنا راجعين من الرحله يوم مالشاب قعد يتكلم واحنا

مانتبهناش لكلامه وكان الاتوبيس هيعمل حادثه. ده كمان كان ايه. ومحمود مات وانا ممكن كنت ابقى مكانه
ياااااااااااااارب اعمل ايه .حسيت اني اول مره اقول يارب من قلبي واستغربت نفسي وانا بقول كده

ومن كتر العياط حسيت اني مصدع وغلبني النوم

وانا نايم حلمت

محمد:حلمت بأيه

عبدالرحمن : حلمت بمحمود قعدت انادي عليه لقيته بيقولي ألحق نفسك ياعبدالرحمن
قبل فوات الاوان
ألحق نفسي.ألحق نفسي ازاي طب قولي انت فرطت في ايه.ها يا محمود فرطت في ايه قولي

وسمعت صوت بيناديني بيقولي البدايه من هنا وشاور علي جامع

انا مانتبهتش للصوت وقعدت انادي علي محمود انت فرطت في ايه قولي .ومحمود كان للاسف ساكت قعدت انادي عليه كتير وبصوت عالي وهو ساكت

محمد:سؤال محرج يعني هو انا كنت فين من كل ده؟

عبدالرحمن:انت كنت الجزء اللي لازم يتقطع

محمد:يتقطع يعني ايه؟


يتبع ان شاء الله

[# بنت عتيبة #]

الحلقة الثامنة

محمد:يعني ايه الجزء السليم اللي لازم يتقطع هو احنا مش اصحاب

عبدالرحمن:لا

محمد:أزاي

عبدالرحمن: انت اخويا يامحمد عشان كده كنت لازم اقطعك

محمد:انت كلامك متناقض ازاي بتقول اخوك ودلوقتي تقولي كان لازم اقطع

عبدالرحمن:هتفهم كل حاجه في وقتها ماتستعجلش

محمد:ماشي مع اني زعلان وفي حاجه كمان انت نسيت تقولي انت ماحاولتش مع سها ليه انها تلتزم زيك

عبدالرحمن:اصبر بس انا فاكر مانسيتش
انا بعد ماحلمت الحلم قمت من النوم مفزوع بصيت في الساعه لقيتها 5الصبح قولت ده الميعاد اللي كنت بصلي فيه الفجر في الجامع وافتكرت الصوت اللي كان بيقولي في الحلم الطريق من هنا قلت خلاص انا انزل اصلي الفجر واشوف
قمت اتوضيت وفتحت الباب عشان انزل لقيت ابويا بيقولي وده اختراع جديد سيادتك بقيت بتخرج كمان في الوقت ده

فقلت له :لا يا بابا انا

نازل اصلي الفجر
طبعا هو مصدقنيش وقالي انزل روح زي ماانت عايز واعمل اللي تعمله
انا نزلت الجامع وانا حزين جدا من رد ابويا بس قلت انا هزعل علي ايه وللاايه

محمد:ها وبعدين

عبدالرحمن:لما روحت الجامع كان فاضل على الفجر تقريبا دقايق لقيت راجل هناك وشه كله نور ولحيته بيضه انا كنت بشوفه ايام الثانويه العامه بس انهارده حسيت اني اول مره اشوفه بصلي كده وابتسم وكأنه بيقولي اهلا بيك كنت حاسس انه عايز يكلمني ويقولي مالك يابني السؤال اللي كان نفسي ابويا يسألهولي
ولما اقيمت الصلاة انا مش عارف هو كان قاصد انه يقف جمبي فعلا ولاايه.
المهم
الامام كان بيقرا بالأيات دي وكأني اسمعها الان يوم سمعتها منه كانت كأنها طرقات

قُلْ يَا عِبَادِي الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ53
وَأَنِيبُوا إِلَى رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمْ الْعَذَابُ ثُمَّ لا تُنْصَرُونَ54
وَاتَّبِعُوا أَحْسَنَ مَا أُنْزِلَ إِلَيْكُمْ مِنْ رَبِّكُمْ مِنْ قَبْلِ أَنْ يَأْتِيَكُمْ العَذَابُ بَغْتَةً وَأَنْتُمْ لا تَشْعُرُونَ55
أَنْ تَقُولَ نَفْسٌ يَا حَسْرَتَا عَلَى مَا فَرَّطْتُ فِي جَنْبِ اللَّهِ وَإِنْ كُنْتُ لَمِنْ السَّاخِرِينَ56
أَوْ تَقُولَ لَوْ أَنَّ اللَّهَ هَدَانِي لَكُنْتُ مِنْ الْمُتَّقِينَ57
أَوْ تَقُولَ حِينَ تَرَى الْعَذَابَ لَوْ أَنَّ لِي كَرَّةً فَأَكُونَ مِنْ الْمُحْسِنِينَ 58
بَلَى قَدْ جَاءَتْكَ آيَاتِي فَكَذَّبْتَ بِهَا وَاسْتَكْبَرْتَ وَكُنْتَ مِنْ الْكَافِرِينَ59
وَيَوْمَ الْقِيَامَةِ تَرَى الَّذِينَ كَذَبُوا عَلَى اللَّهِ وُجُوهُهُمْ مُسْوَدَّةٌ أَلَيْسَ فِي جَهَنَّمَ مَثْوًى لِلْمُتَكَبِّرِينَ 60
وَيُنَجِّي اللَّهُ الَّذِينَ اتَّقَوا بِمَفَازَتِهِمْ لا يَمَسُّهُمْ السُّوءُ وَلا هُمْ يَحْزَنُونَ (61
اللَّهُ خَالِقُ كُلِّ شَيْءٍ وَهُوَ عَلَى كُلِّ شَيْءٍ وَكِيلٌ (62
لَهُ مَقَالِيدُ السَّمَوَاتِ وَالأَرْضِ وَالَّذِينَ كَفَرُوا بِآيَاتِ اللَّهِ أُوْلَئِكَ هُمْ الْخَاسِرُونَ (63

الامام قرا بالايات دي في الركعه الاولى وانا في ذهول هو التفريط كان في جنب الله التفريط كان في جنب الله وانا ساجد قولت يارب انا ازاي فرطت في جنبك وبكيت كتير ازاي فرطت

كنت حاسس وانا ساجد ان الراجل اللي جه وقف حنبي ده كان سامعني بس انا مكنتش قادر املك نفسي من البكاء
وفي الركعه التانيه اكمل الامام باقي سورة الزمر وكانت دي طرقه تانيه علي دماغي

قُلْ أَفَغَيْرَ اللَّهِ تَأْمُرُونَنِي أَعْبُدُ أَيُّهَا الْجَاهِلُونَ (64
وَلَقَدْ أُوحِيَ إِلَيْكَ وَإِلَى الَّذِينَ مِنْ قَبْلِكَ لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنْ الْخَاسِرِينَ (65
بَلْ اللَّهَ فَاعْبُدْ وَكُنْ مِنْ الشَّاكِرِينَ (66
وَمَا قَدَرُوا اللَّهَ حَقَّ قَدْرِهِ وَالأَرْضُ جَمِيعاً قَبْضَتُهُ يَوْمَ الْقِيَامَةِ وَالسَّموَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ (67

واكمل الامام القراءة الي نهايه السوره وبعد مانتهينا من الصلاه
زادت حيرتي هو انا ممكن اكون بعبد حاجه تانيه غير ربنا؟ازاي ده
هو انا مش مقدر ربنا حق قدره وازاي اقدره حق قدره؟!!!
يارب انا ازاي فرط في حقك؟
في الحلم قال البدايه من هنا طب هي فين البدايه دي؟
فين حد يجاوبني علي الاسئله دي
انا ازاي فرطت واشركت مع ربنا وازاي مقدرتش ربنا حق قدره ازاي ازاي فين الاجابه
لقيت الراجل اللي جنبي بيقولي: ازيك يابني انت كنت فين؟ وحشتيني

وانا في سري :وحشتك ايه هو انت تعرفني سيبني في اللي انا فيه وماردتش عليه

لقيته بيقولي: بص يابني انا اسمي الحاج حسين انا معنديش اولاد ويشرفني انك تبقي ابني وانا يسعدني انك تعتبرني زي ابوك

انا كل ده ساكت ومستغرب قلت هو يعرفني منين عشان يقولي الكلام ده وبعدين زي ابويا ايه انا خلاص مش عايز اكلم حد ومبصدقش حد مفيش حد في الدنيا دي فاهمني ولا بيحبني دا ابويا حتى قالي روح زي ماانت عايز .

لقيته بيقولي :علي العموم يابني انا هنا وقت كل صلاة لو احتاجت اي حاجه وقام وسابني وراح قعد في ركن من اركان الجامع

انا قمت عشان اروح وانا في طريق للبيت

قعدت اسال نفسي يمكن تكون عند الراجل ده الاجابه ولاايه
بس انا كنت تعبان قوي مكنتش حتي قادر افكروكأن الايات كانت ضربات على راسي والراجل ده كمان قال ايه عايز يعتبرني ابنه
اذا كان اللي عندهم عيال متبريين منهم دا بقى عايز يعتبرني ابنه دنيا عجب والله

ولما روحت البيت لقيت سها بعتالي رساله بتقولي اكيد انت طبعا دلوقتي اعصابك ارتاحت ونسيت اللي حصل انا واثقه ومنتظره ردك بالموافقة علي السفر

محمد:طب وعملت ايه بعد كل ده ربنا يكون في عونك

يتبع ان شاء الله
الحلقة التاسعة

عبدالرحمن :انا بعد ماروحت من الجامع زادت حيرتي ياترى الراجل ده هو اللي عنده الحل اللي انا حلمت بيه
وياتري هو كان قاصد يقف جنبي في الصلاة وللا ايه وللا سها كمان هي مش حاسه بيه ليه تقولي انا واثقه انك
اعصابك استريحت وهتوافق تسافر معانا هو انا اتجننت وللا ايه انا ايه اللي حصلي
والايات اللي انا سمعتها برده دي كمان ايه انا مابقيتش عارف حاجه
هو انا ليه ماردتش على الحاج حسين مش كتر خيره قالي هعتبرك ابني مجايز الاقي عنده الاجابه انا يعني لاقي حد
يسمعني

انا خلاص دماغي هتنفجر وابويا يقولي روح زي ماانت عايز اروح فين بس
واعمل ايه بس ومن كتر التعب والتفكير وانا اصلا مكنتش نمت الا حوالي ساعه فنمت من غيرما احس

محمد:وبعدين ايه اللي حصل

عبدالرحمن:ماصحيتش الا على صوت اختي اسماء وهي بتقولي قوم ياسعاده البيه الهانم عايزاك
انا صحيت ومكنتش قادر ومكنتش مستوعب قولتلها هانم مين

اسماء:هو في هانم غيرها الست سها عايزاك علي التليفون

محمد:وكلمتها

عبدالرحمن:انا كنت متردد بس مقدرتش مكلمهاش

سها:ازيك ياعبدالرحمن ايه اخبارك دلوقتي
انا رنيت علي الموبايل كتير انت كنت فين

عبدالرحمن:انا كنت نايم ومسمعتش الموبايل

سها:نايم كل ده دا الساعه 30/2

عبدالرحمن:30/2 يااااااااااه اصلي مانمتش من امبارح

سها:ليه بتفكر فيه

عبدالرحمن:لا بفكر في اللي حصل لمحمود

سها:انت لسه فاكر يابني مكلنا هنموت هي حاجة غريبه انت عارف ايه الغريب في الموضوع

عبدالرحمن:ايه

سها:انت .انا مش عارفه ايه اللي حصلك كنت بعقلك

عبدالرحمن:انا برده اللي غريب ماعلينا وكنت بعقلي هو انا اتجننت

سها: المهم احنا هنسافر بعد بكره ان شاء الله اكيد طبعا هتيجي معانا


عبدالرحمن:بصراحه انا لسه مش عارف


سها:وسيادتك هتعرف امتى دي تالت مره اكلمك في الموضوع ده انا مش هتحايل عليك كتير انت حر سلام

محمد:ايه ده قفلت في وشك السكه هههههههه اكيد انت طبعا زعلت وقررت تبعد عنها

عبدالرحمن:زعلت ايه انا اصلا كنت مستغرب افعالها
وبعد المكالمه قولت هو فيه ايه انا اللي مكبر الموضوع ومستغرب افعالها وللا انا زي ماهي بتقول بقيت غريب واتجننت

وفي وسط الاسئله دي افتكرت الحاج حسين لما قالي انا هنا في الجامع كل صلاه
قلت خلاص جايزالاقي عنده اجابه
الساعه 30/2يعني العصر قرب يأذن طب والظهر مش هصليه

ايه ده هو انا اصلا محافظ على الصلاه انا ضيعت كتير

محمد:ها وبعدين

عبدالرحمن:صليت الظهر ونزلت الجامع لقيت الحاج حسن فرحت اوي لما شوفته وحسيت اني هلاقي الاجابه عنده
وبعد انتهاء الصلاة
لقيته بيقولي ازيك يابني ايه اخبارك انت مجيتش ليه في صلاه الظهر

عبدالرحمن:في سري هو انت يعني كنت بتشوفني كل يوم في كل صلاه وبعدين قلتله اصلي راحت عليه نومه

الحاج حسين:ان شاء الله هتعوض اللي فاتك خيرانا كنت واثق انك هتيجي انهارده

عبدالرحمن:ليه الثقه دي

الحاج حسين:انا حاسس انك محتار وعايز تتكلم مع حد

محمد:ايه ده وهو عرف منين

عبدالرحمن:هو ماشاء الله عنده بصيرة هو على فكره طبيب قلوب

محمد:عندنا هنا في الكليه

عبدالرحمن:لا هو مش طبيب بشري .هو طبيب رباني وروحي

محمد:ماعلينا هو انا يعني كنت فهت اللي قبل كده كمل يابني كمل اما اشوف انا هفهم امتي.

يتبع ان شاء الله
الحلقة العاشرة



محمد:المهم الحاج حسين ولا الدكتور حسين ده قالك ايه

عبدالرحمن:قالي مالك يابني محتار ليه كده. ربنا يهديك للخير

محمد:وحكيتله

عبدالرحمن:هو قالي اعتبرني زي ابوك والكلام اللي هتقوله ده سر بينا انت عارف على الرغم انه كبير في السن الا اني كنت حاسس اني بكلم واحد صاحبي وحسيت براحه في كلامه وقررت اني احكيله اللي حصل كله لحد مكالمه سها الاخيره بس وانا بحكيله على سها مش عارف ليه كنت مكسوف اوي منه وكنت محرج

محمد:يمكن عشان قفلت السكه في وشك في اخر مره

عبدالرحمن:ماشاء الله عليك يامحمد انا طول عمري بقول عليك ذكي

محمد:ايوه يابني طبعا بس اول مره يعني اقولك حاجه وتقولي صح

عبدالرحمن:صح ايه. هو ايه اللي انت بتقوله ده انا كنت مكسوف عشان قفلت السكه في وشي هي دي حاجه تكسف.
انا كنت مكسوف اصلا وان بقوله على العلاقه اللي بيني وبينها.هو ايه اصلا اللي يربط بينا عشان اتكلم عنها

يعني هي بالنسبه لي ايه يعني لما ابتديت احكيله عنها قلتله انا اعرف واحده اسمها سها مكنتش عارف اكمل ازاي وللا اقدمهاله على انها ايه هو طبعا كان
فاهموطول ماانا بحكيله كان مبتسم
انا بصراحه كنت مستغرب وقلت في نفسي ده اللي هلاقي عنده الاجابه ربنا يستر بس بعد ماخلصت

لقيته بيقولي

الحاج حسين:ها يابني خلصت حكايتك

عبدالرحمن:اه

الحاج حسين:بص يابني انا قبل مااجاوبك واخرجك من حيرتك اسمع الحديث ده بس مش بودانك العاديه

عبدالرحمن:هي في ودان غير عاديه

الحاج حسين:ايوه يابني انا عايزك تسمعه بأذن قلبك ماشي اسمع معايا كده

عن أبى سعيد الخدرى أن نبى الله صلى الله علية وسلم قال ( إن رجلا قتل تسعة وتسعين نفسا ، ثم عرضت له التوبة ، فسأل عن أعلم أهل الأرض ؟ فدل على راهب ، فأتاه ، فقال : إنه قتل تسعة وتسعين نفسا ، فهل له من توبة ؟ فقال : لا ، فقتله ، فكمل به مائة ، ثم سأل عن أعلم أهل الأرض ؟ فدل على رجل عالم ، فقال : إنه قتل مائة نفس ، فهل له من توبة ؟ قال : نعم ، ومن يحول بينه وبين التوبة ؟ انطلق إلى أرض كذا وكذا ، فإن بها أناسا يعبدون الله ، فاعبد الله معهم ، ولا ترجع إلى أرضك ، فإنها أرض سوء ، فانطلق حتى إذا نصف الطريق أتاه الموت ، فاختصمت فيه ملائكة الرحمة ، وملائكة العذاب ،
فقالت ملائكة الرحمة : جاء تائبا مقبلا بقلبه إلى الله تعالى ،
وقالت ملائكة العذاب : إنه لم يعمل خيرا قط ،
فأتاهم ملك في صورة آدمي ، فجعلوه بينهم ، فقال : قيسوا بين الأرضين ، فإلى أيتهما كان أدنى فهو لها ، فقاسوا ، فوجدوه أدنى إلى الأرض التي أراد ، فقبضته ملائكة الرحمة 0 صحيح الجامع


قال قتادة : فقال الحسن : ذكر لنا أنه لما أتاه الموت نأى بصدره )

الحاج حسين: ها ايه رايك


عبدالرحمن:يااااااه قتل مائه نفس وربنا تاب عليه

الحاج حسين:ايوه يابني ربنا غفور رحيم

عبدالرحمن:سبحان الله

الحاج حسين:عشان ماتقنطش من رحمه ربنا مهما بلغت ذنوبك وانت كمان سمعت انهارده في الفجر الايه


قُلْ يَا عِبَادِي الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ (53)

الحاج حسين :ها ايه رايك

عبدالرحمن:رحمه ربنا واسعه كده. سبحان الله

الحاج حسين:ايوه يابني نرجع بقى لحيرتك واسئلتك

بالنسبه للي حصل لكم في الاتوبيس وانتم راجعين من سفركم دي كانت رساله من ربنا بتقولكم فوقوا انتوا بتعملوا ايه. بس للاسف كان جهاز الاستقبال عندكم مش شغال بيستقبل بس مابيترجمش وسبحان الله عصيتوا ربنا بنفس المعصيه ورحتوا تحضروا حفله اغاني وووو

وموت ابن خالتك محمود فجأة دي رساله تانيه بس المره دي كانت ليك لواحدك لان محمود خلاص زي ماقالك في الحلم فات الاوان ممكن كنت انت اللي تبقى مكانه

وتفريطك انت ومحمود كان في جنب الله

عبدالرحمن:طب احنا فرطنا في جنب الله ازاي

الحاج حسين:فرطتم في جنب الله بالمعصيه بترك الصلاة والاغاني والافلام وضياع الاوقات والحب المحرم كل ده تفريط في جنب الله

عبدالرحمن:طب الصلاه و الاغاني والافلام وتضيع الوقت وعرفته الحب المحرم ده ايه؟

الحاج حسين:الحب المحرم ده اللي بينك وبين سها يعني انت وانت معاها عارف ان ربنا شايفكم

عبدالرحمن:اه طبعا

الحاج حسين:انت بقى قدرت نظر ربنا ليك وانت معاها لما انت عارف انه مطلع عليكم انت كده بتخون ربنا وبتنتهك حرماته

عبدالرحمن: بنتهك حرماته بس احنا مابنعملش حاجه من ورا اهلنا هما عارفين وموافقين على كده

الحاج حسين:مش معنى ان اهلكم موافقين على كده خلاص الامر بقى مباح ومستحب يابني انت سألتني في الايات اللي سمعتها انا ممكن اكون بعبد حاجه تانيه غير ربنا؟

عارف الحاجه اللي انت بتعبدها غير ربنا دي ايه هي؟ حبك لسها انت متبع لهواك

عبدالرحمن:متبع لهوايا ازاي

الحاج حسين:انت يابني عرفت دلوقتي طبعا ان اللي بينك وبين سها ده حرام ماشي وربنا مايرضاش بكده وانت بكده مش مقدر ربنا حق قدره اتبعت هواك وتركت أوامر الله يعني
انت دلوقتي تقدر تسيبها؟بعد ماعرفت انه حرام

عبدالرحمن:بصراحه لا مقدرش

الحاج حسين: يبقى انت متبع لهواك هو اللي بيأمرك وينهاك دلوقتي عرفت انه حرام بس مازلت مصر عليه وعصيت امر ربنا

عبدالرحمن:انت ماتتخيلش هي بالنسبه لي ايه ان اقدر اسيب الاغاني والافلام وكل المعاصي اللي بعملها والتزم بالصلاة بس هي لاااااا مقدرش

الحاج حسين :طب جاوبني بكل صراحه انت ترضى بالامر ده لاختك ؟

عبدالرحمن:بس احنا اهلنا عارفين

الحاج حسين :انا بقولك ترضاه لاختك جاوبني

عبدالرحمن:بصراحه لا

الحاج حسين:طب بص يابني انا عايزك بقى بعد ماعرفت ان رحمه ربنا واسعه اوي عايزك تنفذ اللي الراجل عمله في الحديث اللي سمعته

عبدالرحمن:ازاااااااااااااااااااااي اقتل مائه نفس وبعدين اتوب!!!!!

الحاج حسين :لا طبعا انا مقولتش كده انا عايزك تنفذ اللي هو عمله على قدر استطاعتك يعني تحاول بقدر الامكان تبعد عن مكان المعصيه انا عايزك تقبل على ربنا بقلبك وشوف هو هيعملك ايه

عبدالرحمن:يعني اعمل ايه اسافر

الحاج حسين :والله اذا امكن لك السفر سافر

عبدالرحمن:اروح فين يعني

الحاج حسين:تقدر تسافر السعوديه تعمل عمره هناك

عبدالرحمن:السعوديهطب وسها هبعد عنها

الحاج حسين:بص يابني انت تسافر دلوقتي. ربنا ان شاء الله ييسرلك السفر. وماتقولش لسها ان انت مسافر يعني مثلا ماتروحش تتصل بيها وتقولها انا بودعك لاني مسافر او انا عايز اشوفك احنا عايزين نبداأ اول خطوات العلاج ماشي ولما ترجع من السفر ان شاء الله هنشوف موضوع سها سيبه دلوقتي على جنب

انا عارف انك هتلتزم بالصلاه وهتبطل تسمع اغاني وافلام وغيره انا واثق منك انت هتقدر ان شاء الله

محمد:يعني طلع دكتور اهو.

عبدالرحمن:هو طبيب قلوب مش دكتور بشري قولتلك انت غلبتني معاك شكلي مش هكملك
الحكايه.

محمد:خلاص خلاص حقك عليه كمل

عبدالرحمن: قلتله بس سها.انت ماتتصورش هي بالنسبه لي ايه هسيبها ازاي

الحاج حسين:ماشي يابني انت بس سافر دلوقتي واما ترجع هنشوف موضوع سها المهم انك ماتكلمهاش لحد ماتسافر اتفقنا ده وعد وماتكلمهاش وانت هناك اتفقنا

عبدالرحمن:وعد!!!!!

الحاج حسين:ايوه وربنا شهيد على كلامنا

محمد:طب وانت عملت ايه كلمتها واخلفت الوعد وللا .

يتبع ان شاء الله







يتبع ان شاء الله

[# بنت عتيبة #]

الحلقه الحادية عشر


عبدالرحمن:انا لما رجعت البيت لقيت بابا بيقولي اهلا اهلا. وسيادتك ماشاء الله بقيت بتصلي ايه ده كله طبعا مش معقول تكون الست سها اللي قالتلك التزم بالصلاه

قولتله بابا انا عايز عمي يبعتلي دعوة عشان اسافر السعوديه

والد عبدالرحمن: ماشاء الله وانت والست سها طالعين تعملوا عمره سوا هههههههههههههه عشنا وشوفنا. ده بقى اللي كانت بتتصل بيك عشانه

عبدالرحمن:لا انا هطلع لوحدي

والد عبدالرحمن:اه وهي هتقابلك هنا يعني

عبدالرحمن:لا انا هسافر لوحدي ومش هقابلها هناك انا هعمل عمره لوحدي صدقني

والد عبدالرحمن:اصدقك ياسلام علي اساس ان كلامك ثقه يعني

عبدالرحمن:يابابا صدقني المره دي انا بجد عايز اتغيير صدقني

والد عبدالرحمن:خلينا مع الكداب لحد بابا الدار بس مش عارف ليه انا حاسس انك فعلا متغيير مالك سها زعلتك في حاجه؟

عبدالرحمن:لا انا عايز اسافر اعمل عمره

والد عبدالرحمن :خلاص انا هكلم عمك يبعتلك دعوة عشان تسافر في اقرب وقت واخلص منك بقى

عبدالرحمن:تخلص مني يابابا .طيب انا هدخل اوضتي حضرتك مش عايز حاجه

والد عبدالرحمن:لا يااخويا سلامتك انا هعوز منك ايه يعني

عبدالرحمن:انا دخلت اوضتي ومش عارف ليه المره دي كلام ابويا مش مأثر معايا انا كل همي كان في كلام الحاج حسين انا كنت فرحان اوي وانا معاه حسيت بجد انه ابويا وزادت فرحتي لما عرفت ان المغرب قرب يأذن وهروح اشوفه تاني

محمد:ايه ياعم هو سها وللا ايه

عبدالرحمن:محمد بلاش هزار انت اصلا لو شوفته كنت عرفت

محمد:ماشي ياسيدي الحبيب كمل

عبدالرحمن:انا لما روحت الجامع لقيته بيقولي ازيك ياحبيبي عامله ايه وحشتني وانا طبعا مستغرب وحشتك ايه انا كنت لسه معاك لحقت اوحشك

الحاج حسين:ها عملت ايه في السفر

عبدالرحمن:انا خلاص ان شاء الله هخلي عمي يبعتلي دعوه وان شاء الله اسافر في اقرب فرصه

الحاج حسين:انا واثق انك هتبقي كويس وهتقعد في يوم من الايام مكاني هنا

عبدالرحمن:لا بلاش الخيال الواسع اوي ده انا ممكن اتغيير اه بس ابقى مكانك واسعه اوي دي

محمد:ليه يابني واسعه ماانت دخلت طب اهو

عبدالرحمن:اشد في شعري ارحمني

محمد:لا شد في لحيتك

عبدالرحمن: انت كلت ايه انهارده

محمد:لا عادي يعني ماكلتش بدنجان ولا حاجه

عبدالرحمن:لا انت اصلا مش محتاج تاكله

محمد:قصدك ايه

عبدالرحمن:لا ولا حاجه. المهم بعد صلاه المغرب لقيته الحاج حسين بيقولي خليك معايا هنا لحد العشاء
عايز اقولك كلام مهم

انت عارف الوقت اللي بين المغرب والعشا قصير جدا وناس كتير بتغفل عنه فانا عايزك تقضيه في طاعه ربنا وفي كلام مهم عايز اكلمك فيه بس ركز معايا

الحاج حسين:عارف ياعبد الرحمن انت ليه لازم تتوب من المعاصي اللي قولتلك عليها

عبدالرحمن:ليه

الحاج حسين:عشان رجوعك للطريق المستقيم وتوبتك طاعه لربنا وربنا بيأمر بكده
اسمع معايا الايه دي كده اسمع ربنا بيقول ايه


وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ (31)


الحاج حسين:فهمت انا قصدي ايه

عبدالرحمن:بصراحه لا

محمد:ههههههههههه ماانت مابتفهمش زيي اهو

عبدالرحمن:اقعد ساكت شويه واسمع

المهم الحاج حسين قالي :بص يابني الايه دي مدنيه يعني ربنا بيخاطب فيها اهل الايمان يعني ربنا ماقالش في الايه وتوبوا الي الله ايها العاصون او المذنبون وربنا قال كمان ان الفلاح هيجي بالتوبه رزقني الله واياك الفلاح في الدنيا والاخره قول امين

عبدالرحمن:امين

الحاج حسين:يعني لما اقولك توب ماتقوليش هو انا بعصي ربنا التوبه دي هتبقي مستمره معاك لحد ماتموت يعني بعد ماتلتزم ماتقولش خلاص انا كده كويسه لااااااا انت لازم تجدد توبتك باستمرار ماشي

عبدالرحمن:ماشي

الحاج حسين:وكمان انت لما تتوب حتحس بسعاده محستش بيها قبل كده

عبدالرحمن:بس انا سعيد في حياتي قبل وفاه محمود كنت بعمل كل اللي انا عايزه في الوقت اللي انا عايزه

الحاج حسين :بص يابني دي سعاده وهميه هتحس بالفرق بعدين وهتقول عم حسين قالي
وبعدين انت لو قاعد في مكان دبغ الجلود طبعا عارف الريحه اد ايه كريهه

انت بقى مش هتعرف ان الريحه دي كريهه الا لما تخرج منها لانك وانت فيها متعود عليه وكأنها شئ طبيعي انت اتعودت علي المعصيه وكأنها اصبحت عادة وحبيتها ووهمت نفسك ان دي السعاده ابدا والله عارف السعاده الحقيقيه فين

عبدالرحمن:فين

الحاج حسين :في طاعه ربنا يابني والله والقرب منه بص انا عايزك تفر لربنا من كل حاجه تفر لربنا من هواك والمعاصي وكل ذنوبك من كل حاجه تبعدك عن ربنا
انت عارف لما تحقق اللي قولتلك عليه مين هيفرح بتوبتك اوي

عبدالرحمن:اكيد حضرتك طبعا لانك اللي دلتني علي الطريق

الحاج حسين: اكيد ان شاء الله هفرح بتوبتك. بس
الله هو اللي هيفرح بيك اوي
اسمع معايا الحديث ده كده

عبدالرحمن:ايوه بأذن قلبي صح

الحاج حسين :ايوه اسمع كده


سمعت رسول الله صلى الله عليه وسلم يقول لله أشد فرحا بتوبة عبده المؤمن من رجل في أرض دورية مهلكة معه راحلته عليها طعامه وشرابه فنام فاستيقظ وقد ذهبت فطلبها حتى أدركه العطش ثم قال أرجع إلى مكاني الذي كنت فيه فأنام حتى أموت فوضع رأسه على ساعده ليموت فاستيقظ وعنده راحلته وعليها زاده وطعامه وشرابه فالله أشد فرحا بتوبة العبد المؤمن من هذا براحلته وزاده
تخيل فرحة الرجل اد ايه لما كان خلاص استسلم للموت بعد ماضاع منه كل حاجه وفجأة رجعتله متخيل معايا فرحته اد ايه
الله الملك
فرحته بيك وانت راجعله وتقولي انا جيتلك يارب تائب اليك فاقبلني فرحته بيك اكتر من فرحه الرجل برجوع دابته اليه
حسيت اد ايه ربنا كريم
طب اسمع كمان الحديث ده
يقول النبي صلى الله عليه وسلم فيما يرويه عن ربه عز وجل، قال: ((إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) رواه البخاري
يعني تخيل انت لما ترجع من العمره ان شاء الله هتكون واحشني ازاي واول مااشوفك هفرح بيك اوي ولله المثل الاعلي
سامع ومن اتاني يمشي اتيته هروله سبحان الذي يتودد الي عباده وهو غني عنهم
انت بس اقبل علي ربنا بقلبك انا هستناك الفجر وان شاء الله دي هتكون اول جلسه شروق تقعدها معايا اتفقنا انا عايزك لما تروح تفكر في الكلام اللي قولتهولك وتطبقه مش تسمع وخلاص والفجر ان شاء الله نتقابل وانت علي وعدك معايا بالنسبه لسها

عبدالرحمن:احنا مش قلنا سها علي جنب دلوقتي

الحاج حسين:اه علي جنب يعني مالكش دعوه بيها عبدالرحمن الله شهيد علينا وعلي فكره الحل ده مؤقت لان البنت دي مش هتسيبك الحل النهائي لما ترجع ان شاء الله من العمره

عبدالرحمن:طب براحه عليه واحده واحده كل ده ومؤقت امال لو كان نهائي كنت هتقولي اموتها

الحاج حسين:تموتها ايه انا عارف انك صعب ان انت تسيها عشان ماتقوليش اني مش حاسس بيك بس البنت دي هتفضل عقبه في طريقك لو مالتزمتش باللي قولته مالكش دعوه بيها لحد ماتسافر

عبدالرحمن:ربنا يسهل

الحاج حسين:اصدق الله يصدقك

عبدالرحمن:يعني ايه

الحاج حسين:يعني لو ربنا اطلع علي قلبك وشاف فيه صدق علي عزمك انك تسيها هيعينك انوي بس انت واصدق الله

عبدالرحمن:اصدق الله ازاي

الحاج حسين:قوم في التلت الاخير بين يدي الملك وقوله ياااااارب انا عايز اسيبها بس مش قادر بس انت تقدر وألح في الدعاء بس تكون صادق

عبدالرحمن:هحاول

الحاج حسين:لا هتنفذ مش هتحاول

محمد:وانت عملت ايه .

يتبع ان شاء الله

الحلقة الثانية عشر


عبدالرحمن:انا لما رجعت البيت كنت في صراع طويل بيني وبين نفسي

نفسي تقولي ماهو ربنا غفور رحيم وايه يعني لما تسافر معاها وترجع علي وقت العمره الحاج حسين مش متخيل اني مقدرش ابعد عنها

ماهو ربنا تاب علي قاتل مائه نفس زي ماهوا قالي . وانا مش هقتل حد

بس محمود مات فجأةممكن اموت وانا معاها هناك طب وكمان انا عرفت انا فرطت في ايه وممكن اعوضه

بس انا بحبها.اعمل ايه بس

والتلت الاخير هيجي امتي

وللا هي كمان زعلت مني ومش هتتصل بيه تاني دي خلاص هتسافر بعد بكره يعني المفروض ارد عليها دلوقتي

طب مالحاج حسين قالي خليها علي جنب يعني ايه علي جنب

وماليش دعوه بيها ازاي؟

انا عرفت انها معصيه بس

بس ايه هو مش الحاج حسين قالك انت كده مش مقدر ربنا حق قدره ومتبع لهواك وهو اللي بيأمرك وينهاك

طب مانا ممكن اخليها تلتزم بالصلاه وتبطل سماع اغاني وافلام وغيره حتي اكون كسبت ثواب فيها وللا ايه؟

بس الحاج حسين قالي سيبها علي جنب وقال ايه دا حل مؤقت !!!

انا احسن حاجه اقوم انام واريح دماغي من الصداع ده

اه صحيح اما اقول لماما تصحيني

ماما ماما لوسمحتي صحيني قبل الفجر بربع ساعه

والده عبدالرحمن:ليه وراك ايه مش خلصت مذاكره وللاانت هتذاكر لطب من دلوقتي

عبدالرحمن:لا صحيني بس. هقوم اصلي ركعتين

والده عبدالرحمن:ماشاء الله لاقوة الابالله ايه ده

عبدالرحمن:ماتنسيش ياماما الموضوع مهم جداااااااا

والده عبدالرحمن:ماشي يابني

وبالفعل والده عبدالرحمن تصحيه لكنه يقولها صحيني علي الفجر انا عايز انام

والده عبدالرحمن:انت مش قولت الموضوع مهم جدااا قوم يلا

عبدالرحمن:لا انا عايز انام

والده عبدالرحمن:انت حر يابني
الله يهديك


عبدالرحمن:
الله. اه الحاج حسين قالي الحل عند ربنا انا مقدرش بس ربنا يقدر

وقام عبد الرحمن بسرعة واتوضي وهو بيصلي ويقرأ بفاتحة الكتاب.فجأة النور قطع في المكان ولكنه أضاء في قلب عبد الرحمن

ففزع عبدالرحمن:ايه الضلمه دي انا مش شايف حاجه خالص. وافتكر محمود

هو محمود في ضلمه كده لوحده .القبر ضلمه كده باباه ومامته اللي بيحبوه سابوه ومشوا .سابوه لوحده

سابوه لوحده في ضلمه.

وانا اللي عصيت ربنا كتير عصيته كتير اوي

عصيته مع سها واتبعت هوايا ومقدرتش ربنا حق قدره لو مت دلوقتي سها هترضي تقعد معايا في قبري لو ثانيه واحده

طب ايه اللي يستاهل.ايه اللي يستاهل اني اعصي ربنا وافرط في جنبه

يعني ربنا كريم وامهلني واعطاني فرصه تانيه وانا اقول اسافر مع سها وايه يعني

ويسجد عبدالرحمن:ويبكي بكاءا طويلا لم يبكيه من قبل ولم يذق طعمه من قبل

ياااااااااااارب انا مقدرش اسيب المعاصي بس انت تقدر تبعدني عنها
.
ياااااااااااارب انا بحبك اوي وجيتلك تايب من ذنوب كتير انت اعلم بها مني
.
يارب انت سترتني كتير وامهلتني كتير وانا برده كنت عايز اعصيك يارب توب عليه

يارب انا فرطت في حقك كتير
وعصيتك كتيروبعتلي رسايل كتير وانا برده كنت عايز اعصيك

ويسمع عبدالرحمن اذان الفجر فيقوم يصلي تاني ركعه وينزل الجامع

وبعد انتهاء صلاة الفجر

الحاج حسين:ازيك يابني انا حاسس انك اتغيرت ماشاء الله لاقوة الابالله صليت في التلت الاخير صح

عبدالرحمن:الحمد لله رب العالمين

الحاج حسين:طيب يلا عشان تقعد معانا جلسه الشروق احنا كل يوم بنقرا جزء قراءن يلا عشان تقرا معانا

وبعد انتهاء جلسه الشرق

الحاج حسين:اخدت بالك من الايه دي


بسم الله الرحمن الرحيم


قُلْ أَنَدْعُو مِنْ دُونِ اللَّهِ مَا لا يَنفَعُنَا وَلا يَضُرُّنَا وَنُرَدُّ عَلَى أَعْقَابِنَا بَعْدَ إِذْ هَدَانَا اللَّهُ كَالَّذِي اسْتَهْوَتْهُ الشَّيَاطِينُ فِي الأَرْضِ حَيْرَانَ لَهُ أَصْحَابٌ يَدْعُونَهُ إِلَى الْهُدَى ائْتِنَا قُلْ إِنَّ هُدَى اللَّهِ هُوَ الْهُدَى وَأُمِرْنَا لِنُسْلِمَ لِرَبِّ الْعَالَمِينَ (71
)
عبدالرحمن:يعني ايه

الحاج حسين:بص انا حاسس انك اتغيرت

بس انا عايز اطلب منك طلب وماتعتبرهوش امر انت بتعتبرني زي ابوك صح

عبدالرحمن:اه طبعا

الحاج حسين:طيب يابني انا عايزك تجيبلي كل حاجه في البيت بتفكرك بسها حتي خط الموبايل وشرايط الاغاني كل حاجه بتفكرك بالمعاصي القديمه

عبدالرحمن:ليه

الحاج حسين:لانك دلوقتي جيت الجامع وبدات صلاه وعرفت ان الطريق من هنا. صح

عبدالرحمن:ايوه صح

الحاج حسين:الحاجات اللي بطلبها منك دي لو سبتها عندك هتوقعك تاني وماتقولش لا. وهتبقي دايما محتار عارف ان الطريق من هنا وده الطريق اللي هيوصل للجنه ان شاء الله بس الحاجات اللي عندك دي هتفكرك بالمعصيه وهتستهويك ليها تاني

وممكن في يوم من الايام تقول ايه العقد دي. والالتزام ده مانا كنت عايش حياتي وكنت كويس كان مالي انا ومال الطريق ده .هو ده هترد علي عقبك بعد ماربنا هداك لان في حاجه بتستهويك وبتفكرك بالمعاصي.انا مش عايزك تبقي محتار انا عايزك تبقي وجهتك واحده وهي لله وطريقك واحد وهو الطريق وراء الرسول صلي الله عليه وسلم وهدفك واحد وهو الجنه

انا عايزك تجيب الحاجات دي في اقرب فرصه اتفقنا

عبدالرحمن:بس انا عايز أسال سؤال هو انا ليه محاولش مع سها انها تلتزم زيي انا خلاص مش هكلم معاها في كلام فاضي زي زمان انا خلاص اتاكدت ان ده حرام انا هكلمها عن الالتزاموبس

الحاج حسين:لما تجيب الحاجات اللي قولتلك عليها وتيجي ان شاء الله هجاوبك علي السؤال ده

محمد:طب وانت عملت ا يه؟


يتبع ان شاء الله

[# بنت عتيبة #]

الحلقة الثالثة عشر

محمد:طب وانت عملت ايه اديته الحاجات اللي طلبها

عبدالرحمن:انا بعد ماوصلت البيت سالت نفسي هو هيعمل بالحاجات دي ايه وهيرجعهالي تاني وللا ايه دي غاليه عندي اوي

بس انا ازاي افرط فيها كده بسهوله

شرايط الاغاني عادي مش مشكله حتي لو حنيت لسماع الاغاني ممكن اشتري تاني

بس حاجات سها والهدايا كل حاجه منها.كل حاجه بتفكرني بذكري حلوة معاها لو الحاج حسين اخدها هيديهاني تاني

طب اديه شويه منهم واحتفظ بالباقي .هو يعني عارف ايه اللي عندي

بس هو قالي انها دايما هتبقي عقبه في طريق التزامي وهتخليني اقع تاني

اعمل ايه.

بس هو اكيد عارف ان ده الحل
وانا فعلا كل مااحس اني بقرب من ربنا لما بفتكر سها بحس اني ببعد

اكيد هو ده الحل

بس ازاي هو مش متخيل. هو لو مكاني هيعمل كده يعني

سها خلاص هتسافر بكره.انا حتي مااتصلتش اعتذرلها .زمانها زعلانه دلوقتي

وكمان عايز خط الموبايل يعني مفيش فرصه اني اتصل بيها او تتصل بيه ولا رسايل ولا اي حاجه كده

هو بيقفل كل حاجه تربطني بيها وعايز الحاجات في اقرب فرصه

هو انا هفضل لحد امتي محتار كده وماليش وجهه

ااااااااااااه ماهو الحاج حسين قالي فعلا كده

طب ماانا ممكن احتفظ بالحاجات بعيد عن عيني صح فكره برده

بس اكيد في يوم هضعف واطلعها تاني وتستهويني تاني زي مالحاج حسين قال

وبعدين هو قالي انا زي ابوك وده مش امر ده طلب وهو بيحبني

ممكن لما يلاقيني استجبت بسرعه يرجعهم ليه تاني في اقرب فرصه زي ماانا عملت .اه صح برده

خلاص ماشي هنفذ طلبه وامري لله

بس انا ممكن لو اتاخرت للظهر ارجع في كلامي تاني خلاص انا هحضر الحاجات كلها دلوقتي وحتى اشيل الخط من الموبايل قبل ماسها تتصل بيه تاني

وبالفعل جمعت الحاجات كلها في شنطه كبيره

بس كان الموضوع صعب اوي قعدت اقول لنفسي بسهوله كده هتفرط في سها طب لو عرفت اللي انا عملته ده هتعمل ايه.دا اكيد مش هتعرفني تاني


افرط في سها طب ماانا فرط في حق ربنا كتير

لا خلاص مش هينفع كده لازم وقفه انا هفضل كده لحد امتي ماينفعش كده


انا انام دلوقتي واظبط المنبه علي الظهر عشان اصحي ادي الحاجات للحاج حسين

محمد:وفرطت فيها فعلا واتنازلت كده عنها بسهوله

عبدالرحمن:بصراحه وانا شايل الشنطه ورايح الجامع كنت متردد بس قلت كفايه كده انا مش هفضل كده كتير

محمد:وبعدين ايه اللي حصل

عبدالرحمن:اول مالحاج حسين شافني قالي انا كنت واثق انك هتيجي وقبل اذان الظهر كمان

محمد:هو الراجل ده ماله

عبدالرحمن:الراجل ده ماشاء الله عليه بيزرع فيك الارادة والثقه بالنفس وقبلها الثقه في الله وكأنه بيقولك هتقدر رغم كل الصعوبات وهتوصل وتتخطي كل العقبات

المهم بعد الصلاة

الحاج حسين:بص يابني انت دلوقتي حطيت رجلك على بدايه الطريق

ودلوقتي انت بقيت فاضي

عبدالرحمن:ماانا فاضي من زمان

الحاج حسين:لا انا قصدي فاضي من المعاصي لازم تشغل وقتك بالطاعات عشان مايكونش عندك وقت تفكر في المعاصي

عبدالرحمن:يعني اعمل ايهصحيح حضرتك ماقولتليش انا ليه محاولش مع سها انها تلتزم

الحاج حسين:بص يابني الاول انت لازم تعرف ان الذنب اللي بتعمله وتستصغره او تصر عليه بكده بيصبح كبيره من الكبائر يعني ماتقولش ان ربنا تاب على قاتل مائه نفس وانا ماعملتش كده انت كده هتتجرأ على الله يعني مثلا انت لما تسمع اغاني تقول انا احسن من اللي بيغني مابعصيش ربنا زيه. ولما تكلم سها تقول دا انا احسن من اللي يبعمل كذا وكذا


وحط في دماغك دايما ان النية الصالحه لاتصلح العمل الفاسد والنية الفاسدة تفسد العمل الصالح


عبدالرحمن:يعني ايه

الحاج حسين:يعني لما مثلا تقوم تصلي ركعتين الصلاة دي عمل صالح صح

عبدالرحمن:صح

الحاج حسين:انت بقى لما تكون نيتك انك بتصلي عشان الناس تقول ماشاءالله عليه

يبقى كده نيتك الفاسده افسدت العمل الصالح


وبالنسبه للنيه الصالحه التي لاتصلح العمل الفاسد

ده بقى اللي انت عايز تعمله


عبدالرحمن:يعني ايه

االحاج حسين:انت دلوقتي نيتك ان سها ربنا يهديها وتلتزم زيك

عبدالرحمن:ايوه

الحاج حسين:لكن عشان تعمل كده لازم طبعا هتتكلم معاها وتقف معاها وحوارات وكلام ووووووو وده طبعا حرام عمل فاسد يعني

فنيتك الصالحه ان انت تهديها مش هتصلح العمل الفاسد اصلا وهو الكلام معاها
فهمت يابني

عبدالرحمن:فهمت

الحاج حسين:دا بالاضافه الى انك بعد كده ان شاء الله هتبقى قدوه واي حد ميعرفش الحلال من الحرام ممكن يقتدي بيك في العمل ده وتبقى سنيت سنه سيئه

محمد:طب وقالك هتعمل ايه يافاضي

عبدالرحمن:هقولك بكره ان شاء الله

[# بنت عتيبة #]

الحلقة الرابعة عشر

محمد:ها وانت عملت ايه يافاضي

عبدالرحمن:هقولك اهو

الحاج حسين:بص يابني انت دلوقتي سيبت المعاصي صح

عبدالرحمن:الحمد لله رب العالمين

الحاج حسين:المعاصي بئي مش هتسيبك في حالك وياريت كده وبس انت هتبدأحرب

عبدالرحمن:حرب

الحاج حسين:ايوه حرب. بس لازم قبل كل ده تعرف انت مشكلتك الاساسيه في ايه وايه اللي بيوقعك

بص يابني انت مشكلتك اللي

لازم تحط ايديك عليها عشان تعالج نفسك صح انت بتدور

علي الحب بس للاسف في مكان غلط ده مش حب ده وهم والله يابني

عبدالرحمن:طب واعمل ايه

الحاج حسين:انت لازم تدور علي حب جديد

عبدالرحمن:طب ومالها سها انا لسه هدور علي واحده تانيه

الحاج حسين:لا سها ولا واحده تانيه انا عايزك تحب
الله وتعلق قلبك بيه هو وبس
وبعدين انا عايز أسالك سؤال هي لو سها عرفت انك بتحب واحده تانيه معاها هتعمل فيك ايه

عبدالرحمن:هتعمل ايههتعمل كتير اوي اكيد هتشاكل معايا ومش بعيد توقع بيني وبين التانيه وتعملي مشاكل كتير لا انت مش متخيل هي بتحبني اد ايه

الحاج حسين:خلاص يابني

بص بئي ربنا مايرضاش انك تشرك في حبه حد تاني لازم ربنا وبس اللي يبئي علي عرش قلبك

فاهم يابني

عبدالرحمن:طب ماانا بحب ربنا

الحاج حسين:الحب يابني مش كلام الحب فعل

يعني انت عملت ايه عشان تعرف سها انك بتحبها

عبدالرحمن:يااااااااااه

الحاج حسين:بص بئي انا عايزك تحب ربنا بجد تحبه من كل قلبك وهو ده الحب الحقيقي اللي هيغنيك عن كل حب بتدور عليه

وعايزك من دلوقتي تدخل
الحضَّانة
عبدالرحمن:ليه هو انا لسه نموي ماكتملش وللا ايه

الحاج حسين:ايوه انت.

مش هينفع تواجه الحياة دلوقتي قبل مايكتمل نموك

محمد:هههههههههههه وان شاء الله دخلت اي مستشفي

عبدالرحمن:المهم

محمد:ايه ده هو انت مش هترد عليه

عبدالرحمن:لا ماليش مزاج المهم

الحاج حسين:بص يابني انت هتبدأ من دلوقتي دروس الثبات لان سها مش هتسيبك في حالك وربنا يسهل وتسافر في اقرب وقت

انت دلوقتي لازم تلزم المسجد والقراءن

صحيح انت حافظ كام جزء قراءن

عبدالرحمن:بلاش اسئله محرجه

الحاج حسين:ماشي يابني انت هتبدأ ان شاء الله حفظ من دلوقتي هنبدأبجزءعم هو سهل وان شاء الله تتم حفظه في اقرب فرصه

عبدالرحمن:ومين اللي هيحفظني

الحاج حسين:ان شاء الله انا يلا نبدأ بأول سورة في الجزء وعارف لو مجيتش حافظ لا انا عارف انك ان شاء الله هتحفظ وهتختم في اقرب وقت

عبدالرحمن:ماشي هسمع بعد بكره

الحاج حسين:اتفقنا

وبعد الانتهاء من السورة

الحاج حسين:انا عايز لما تروح تسمع السوره وتفهم تفسيرها عشان كل سوره تبقي في قلبك وتمشي في عروقك ودمك ماشي

وانهارده بالذات عايزك تسمع سورة ق

عبدالرحمن:ليه

الحاج حسين:اسمع بس الكلام اسمعها مثلا للقارئ(.)

عبدالرحمن:المشكله مش في القارئ

الحاج حسين:امال في ايه

عبدالرحمن:انا اصلا مش عندي قراءن علي الكمبيوتر ولا شرايط

الحاج حسين:لاحول ولاقوة الابالله خلاص تعالي معايا البيت انقلك كل القراءن علي فلاشه والتفسير كمان

عبدالرحمن:ماشي اتفقنا

الحاج حسين:انت لسه عند وعدك

عبدالرحمن:خلاص ان شاء الله اول مااروح هسمعها

الحاج حسين:لا انا عارف انك هتعمل كده وياريت تسمعها كتير

وتقرا تفسيرها انا قصدي سها

عبدالرحمن:سها ربنا يسهل

محمد:وبعدين عملت ايه

عبدالرحمن:انا اخدت الفلاشه وروحت البيت واول مادخلت شغلت سورة ق بصراحه انا في الاول ماكنتش حاسس بحاجه ومش فاهم ليه هو اختار سوره ق بالذات

شغلتها تاني وقلت اما اقرا التفسير

بس فجأه سمعت صوت سها بره

ايه ده هي جيه ليه اعمل ايه دلوقتي

اسماء:ازيك ياسها فينك

سها:الحمد لله ازيك يااسماء ايه اخبارك

امال عبدالرحمن فين

اسماء :في اوضته

سها:هو قافل الموبايل ليه انا قلقت عليه اوي

اسماء:مش عارفه هو اصلا اتغيير كتير انا مش عارفه ايه اللي حصله تخيل بئي بيصلي

سها:اه .ده بئي غريب اوي

انا كنت جايه عشان اخده ونروح نعزي خالتك مش واجب برده وللا ايه

اسماء:اه طبعا

سها:طب ممكن تقوليله

اسماء:ماشي
وتنادي اسماء عليه وانا طبعا كأني مش سامع

سها:ممكن يكون نايم

عبدالرحمن: وانا في اوضتى وهى بتقول .ممكن برده امشي بئي

اسماء:لا دا لسه داخل من شويه مالحقش ينام يعني

عبدالرحمن:ماشي يااسماء لما اشوفك

سها:طب ممكن تدخلي تشوفيه


اسماء:ماشي

عبدالرحمن:سها عايزاك بره.انت مابتردش ليه كل ده مش سامع

عبدالرحمن:لا سامع

اسماء :طب وبعدين يعني هتسيبها واقفه بره كده

محمد:اه دي حتي قلة ذوق

عبدالرحمن:اعمل ايه.هتزعل لو مانزلتش معاها طب حتي اخرج اعتذرلها وخلاصطب والوعد دا لسه مأكد عليه انهارده وكأنه عارف انها هتيجي

انا لو اخلفت الوعد مش هقدر ابص في عينه تاني ولو ماطلعتش لسها هتزعل

طب والسوره اللي انا سمعتها دلوقتي والتفسير

بسم الله الرحمن الرحيم


وَلَقَدْ خَلَقْنَا الإِنْسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ (16)



الحاج حسين مش شايفني بس ربنا شايفني


إِذْ يَتَلَقَّى الْمُتَلَقِّيَانِ عَنْ الْيَمِينِ وَعَنْ الشِّمَالِ قَعِيدٌ (17)مَا يَلْفِظُ مِنْ قَوْلٍ إِلاَّ لَدَيْهِ رَقِيبٌ عَتِيدٌ (18)


واي كلام هقوله لسها هيسجله الملكين.اي ملك هيسجله


وَجَاءَتْ سَكْرَةُ الْمَوْتِ بِالْحَقِّ ذَلِكَ مَا كُنْتَ مِنْهُ تَحِيدُ (19) وَنُفِخَ فِي الصُّورِ ذَلِكَ يَوْمُ الْوَعِيدِ (20)

　

طب برده ممكن وانا بكلمها اموت ماهو محمود مات فجأه هقول لربنا ايه ساعتها مكنتش عايز ازعلها هي دي حجه


وَجَاءَتْ كُلُّ نَفْسٍ مَعَهَا سَائِقٌ وَشَهِيدٌ (21) لَقَدْ كُنْتَ فِي غَفْلَةٍ مِنْ هَذَا فَكَشَفْنَا عَنْكَ غِطَاءَكَ فَبَصَرُكَ الْيَوْمَ حَدِيدٌ (22) وَقَالَ قَرِينُهُ هَذَا مَا لَدَيَّ عَتِيدٌ (23)



ويوم القيامه هيكون في سائق وشهيد

سائق لارض المحشر وشاهد علي اعمالي

ايوه يارب دا عمل كذا وكذا وعصاك في كذا وكذا وهيشهد بكل اللي عملته مع سها داانا عملت بلاوي كتير اوي


أَلْقِيَا فِي جَهَنَّمَ كُلَّ كَفَّارٍ عَنِيدٍ (24) مَنَّاعٍ لِلْخَيْرِ مُعْتَدٍ مُرِيبٍ (25) الَّذِي جَعَلَ مَعَ اللَّهِ إِلَهاً آخَرَ فَأَلْقِيَاهُ فِي الْعَذَابِ الشَّدِيدِ (26)


ممكن ربنا يلقيني في النار ولا يبالي


قَالَ قَرِينُهُ رَبَّنَا مَا أَطْغَيْتُهُ وَلَكِنْ كَانَ فِي ضَلالٍ بَعِيدٍ (27)



والشيطان يتبرأمني ويقول انا يارب ماضليتوش هواللي كان ضال


طب ماانا في غني عن كل ده دي الجنه






وَأُزْلِفَتْ الْجَنَّةُ لِلْمُتَّقِينَ غَيْرَ بَعِيدٍ (31)هَذَا مَا تُوعَدُونَ لِكُلِّ أَوَّابٍ حَفِيظٍ (32) مَنْ خَشِيَ الرَّحْمَنَ بِالْغَيْبِ وَجَاءَ بِقَلْبٍ مُنِيبٍ (33)ادْخُلُوهَا بِسَلامٍ ذَلِكَ يَوْمُ الْخُلُودِ (34)لَهُمْ مَا يَشَاءُونَ فِيهَا وَلَدَيْنَا مَزِيدٌ (35)


طب وايه اللي يستاهل اني اضيع الجنه عشانه دي الجنه




يارب خلاص انا تبت اليك انا مش هقدر اعصيك تاني لا مقدرش

انا مقدرش علي نار الدنيا .طب ونار الاخره

لا انا خلاص مش هخلف وعدي مع الحاج حسين.مش هخلف وعدي مع ربنا


اسماء:عبدالرحمن انت روحت فين .ماترد عليه انت بقيت مابتسمعش

عبدالرحمن:ايه يااسماء مالك

اسماء :مالي ايه انا قاعده انادي عليك وانت ايه كل ده مش سامع يلا اطلع رد علي سها

عبدالرحمن:سهالا قوليلها انا مش رايح في حته وخلاص قوليلي تنسي في يوم من الايام انها عرفت واحد اسمه عبدالرحمن

محمد:ايه ده بالسهوله دي تكسر قلبها طب وهي عملت ايه




يتبع ان شاء الله.

[# بنت عتيبة #]

الحلقة الخامسة عشر

محمد:طب وايه اللي حصل

عبدالرحمن:اسماء اختي اتنرفزت عليه وقالتلي

اسماء:انت اتجننت يابني خلي عندك ذوق واطلع كلمها

عبدالرحمن:بصي هو ده اللي عندي انا مش هكلمها قوليلها تشيلني من دماغها

اسماء:انت بقيت غريب مالك؟!! انا مش هطلع اقولها الكلام ده

عبدالرحمن:هي اصلا زمانها سمعت صوتنا العالي مش محتاجه تسمعه تاني منك


وتخرج اسماء تشوف سها


اسماء:معلش ياسها اعذريه اكيد وفاة محمود ماثره عليه هدي نفسك بس

سها وهي منهاره ومش قادره تتكلم:لا هو خلاص مش موضوع وفاه محمود ولا حاجه
انا عارفه هو ماله

اسماء:طب ياريت تعرفيني عشان ارتاح وهدي نفسك بس يابنتي ليحصلك حاجه

سها:هيكون اخوكي هو السبب

اسماء:طب بس استني قوليلي .استني بس سها ماتنزليش وانت كده.استني يابنتي

سها:سيبيني يااسماء


وتدخل اسماء تنادي علي عبدالرحمن


اسماء:مش هتنزل ورا سها البنت منهاره حرام عليك انزل وراها ممكن تعمل حاجه في نفسها

عبدالرحمن:وانا مالي انا كنت قولتلها تيجي

اسماء:ماشي لما ارجعلك

عبدالرحمن:ياشيخه روحي

وتنزل اسماء ورا سها بسرعه

اسماء:استني بس ياسها ماتعمليش في نفسك كده انت عارفه عبدالرحمن بيحبك اد ايه ومش هيقدر يستغني عنك هتلاقيه بس اتجنن في عقله يومين ويرجعلك اعذريه انت بس

سها:لا يا اسماء الموضوع مش موضوع جنان ولا حاجه انا عارفه ايه اللي حصله هو اكيد بيحب واحده تانيه

اسماء:تانيه مين.هو هيلاقي احسن منك فين

سها:صدقيني هو اكيد بيحب واحد تانيه بس مسيري اعرفها ومش هسيبهم في حالهم

اسماء:بتقولي ايه بس ياسها عبدالرحمن مابيحبش حد الا انت

سها:انت مش عارفه حاجه يااسماء .انا عايزاكي بس تقوليله اني مش هسيبه في حاله ومش هسيبهم يتهنوا ببعض انا مش هبله
انا مش ههدي الا لما اعرف هي مين

مايفكرش اني هسافر كده واسيبه في حاله لاااااااااا. انا هسافر اه بس هعرف اخباره وانا هناك بمعرفتي يلا سلام

ولما ترجع اسماء البيت

اسماء:انت يابيه هتفضل كده لحد امتي

عبدالرحمن:يعني ايه

اسماء:انا عايزاك تعرض نفسك علي دكتور امرض نفسيه وربنا يستر

عبدالرحمن:قصدك ايه

اسماء:قصدي ان انت خلاص اتجننت

عبدالرحمن:انت مش ملاحظه اني اخوكي الكبير والمفروض تتكلمي معايا بأدب عن كده

اسماء:ياسيدي لا ادب ولا قله ادب انا مش عايزه اتكلم معاك خالص انا بس عايزه اقولك .

عبدالرحمن: مش عايز اسمع منك حاجه كفايه كده

اسماء:اسمع بس سها بتقولك انها مش هتسيبكوا تتهنوا مع بعض

عبدالرحمن:مين دول اللي يتهنوا مع بعض

اسماء:هي بتقول انك حبيت واحده تانيه

عبدالرحمن:في سره مش لما ابقى اخلص من الاولي الاول

بصي يااسماء لا تانيه ولا تالته سيبيني لوحدي دلوقتي

اسماء:يعني انا عايزه اقعد معاك اصلا ممكن يكون اللي عندك ده معدي

عبدالرحمن:اسمااااااااااء امشي دلوقتي من وشي

وبعد ماتخرج اسماء

عبدالرحمن:هو ايه اللي انا عملته ده
انا كده خلاص ضيعتها من ايدي

انا احب واحده تانيه ازاي ده طب وسها
هو اللي انا عملته ده صح

مااحنا كنا هنتخطب قريب

طب ليه مقولتش كده للحاج حسين ممكن كان وافق وكنت ابقى في غنى عن المشاكل دي
انا حاسس اني قلبي متقطع ميت حته انا مبقيتش عارف حاجه

لاااااااااااا انا مقدرش ابعد عنها ابدا

الحاج حسين مجربش عشان يعرف هو بيقولي كلام نظري وبس لكن التطبيق صعب وصعب اوي

ماانا كنت كويس ايه اللي جرالي كنت عايش حياتي ميت فله وعشره انا ايه اللي حصلي

وايه تأنيب الضمير ده اللي بقيت عايش فيه

الاول كنت ماشي في السكه دي ومكنتش اعرف انها حرام كنت مقضيها مع سها واللاغاني والافلام مكانش

حد بيقول ده حرام وللا حلال كنت مستريح كتير

بسدلوقتي عرفت انه حرااااااام.هي دي المشكله

عرفت انه حرام بس مش قادر اسيبه

ايه الحيره دي بس

انا اروح الجامع واسمع الايات والاحاديث وكلام الحاج حسين بس اجي اطبق الاقي التطبيق صعب اوي دي سها.

اعمل ايه بس


الله اكبر .الله اكبر


ايه ده العصر

ياتري هلاقي الحل عند الحاج حسين لاااااااااا هو مش حاسس بيه وبعدين ايه الحرب اللي قالي عليها دي هي في حرب اكتر من اللي انا فيها

وفي الجامع

الحاج حسين:ازيك ياحبيبي مبارك عليك

عبدالرحمن:هو فيه ايه

الحاج حسين:انا حاسس انك حطيت رجلك علي بدايه الطريق

عبدالرحمن:طريق ايه انا منفعش انا مقدرش اكمل معاك بالطريقه دي

الحاج حسين:بص انا مش عايز اسمع كلمه مقدرش دي ابدا منك فاهمني يابني

انت ثمره عنيه انا مش هسمحلك ترجع ولو مللي واحد لورا فاهم

عبدالرحمن:صدقني صعب

الحاج حسين:وانا مقولتش انه سهل وقولتلك من البدايه انها حرب فاكر

عبدالرحمن:فاكر بس انا مش اد حرب ولا غيره وبعدين احنا كنا هنتخطب قريب

الحاج حسين:بجد

عبدالرحمن:اه والله

الحاج حسين:وان شاء الله هتفضلوا مخطوبين ست سنين ايه طوله البال دي وبعدين انت عارف اصلا ان حتي لو اتخطبتوا هي برده اجنبيه عنك يعني الكلام معاها في حدود الضروره مفيش حاجه اسمها رنات ولا رسايل ولا اي حاجه وماينفعش تقعد معاها الا في وجود محرم وبالتالي ماينفعش تتفسحوا سوا في الكليه فاهمني

عبدالرحمن: كل ده ليه

الحاج حسين:هو ده الدين انا مبجبش حاجه من عندي يعني الخطوبه اللي في دماغك برده لا وماتقولش اني بشدد عليك هو ده الدين

انت تقدر تتجوزها دلوقتي؟!!!!

عبدالرحمن:لا طبعا

الحاج حسين :طب خلاص سيبنا من موضوع الخطوبه والجواز دلوقتي

انا عايز اصارحك بحاجه مهمه انت ياعبدالرحمن للاسف عندك ورم خبيث ومش هينفع نعالج اعراض الورم ونسيب الورم ذات نفسه

عبدالرحمن:ورم !!!! . امتي وازاي وفين الورم ده وعرفت منين

محمد:عرف منين .شكله يابني دكتور ودكتور شاطر جدا بس انت اللي مش مصدق


يتبع ان شاء الله



الحلقة السادسة عشر

عبدالرحمن:انا نفسي يامحمد اقولك حاجه من اول مابدات احكيلك القصه

محمد:خير

عبدالرحمن:بصراحه يامحمد انت اللي دخلك طب ظلمك وظلم الناس اللي هتقع تحت ايدك ربنا يكون في عونهم

محمد:ليه كده بس ياعبده انا عملت ايه

عبدالرحمن:كل ده وماعملتش امال لو عملت هتقول ايه اكتر من كده

محمد:ايه ياعبده والله انا بحبك اوي ونفسي بجد نبقي اصحاب طول العمر وعايز اطلب منك طلب

عبدالرحمن:طلب ايه

محمد:مش هتضربني

عبدالرحمن:اما اشوف قول بس يارب صبرني

محمد:انا كنت عايز يعني اننا نبقي نسايب

عبدالرحمن:نعم بتقول ايه. نسايب يعني ايه

محمد:هو انت عندك اخوات تانيه غير اسماء

عبدالرحمن:اسماء تعرف اني مش طايقكوا انتوا الاتنين بس بصراحه ان خايف علي البشريه من نسلكم لا كفايه كده اوي
سيبك من موضوع اسماء دلوقتي

وبعدين هي البت هتعنس جنبك انت لسالك كتير اوي

يابني .وبعدين يعني انت لما تشتغل هتاخد ايه يعني يابني اسكت وخليني اكمل حكايتي انت لسه في سنه اولي


محمد:استني بس

عبدالرحمن:اعقل يامحمد الله يهديك لما تكبر وتعقل نبقي نتكلم في الموضوع ده

محمد:اعقل ليه هو انا مجنون

عبدالرحمن:لا ابدا انا اللي مجنون اسمعني بقى

محمد:كمل ياسيدي

عبدالرحمن:انا لما روحت الجامع وكلمت الحاج حسين وقلتله انا مقدرش علي الطريق ده صدقني

الحاج حسين:بص يابني ياحبيبي انا مش عايز اسمع منك كلمه مقدرش دي ابدا عايز اسمعها منك في حاله واحده بس


عبدالرحمن:حاله ايه

الحاج حسين:عايزك تقول مقدرش مقدرش يارب اعصيك ابدا مش هسمحلك تقولها الافي الحاله دي بس انا عايز يبقي شعار حياتك دايما

بسم الله الرحمن الرحيم
(إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ 15))


ماشي ياعبدالرحمن انا عايزك تسمعني كويس فاكر الحرب اللي قولتلك عليها


عبدالرحمن:ايوه فاكر

الحاج حسين:الحرب دي بقى هتكون بينك وبين نفسك والشيطان والمعاصي والناس كمان كل دول مش هسيبوك في حالك بعد ماتتوب

عبدالرحمن:حرب انا .

الحاج حسين:ماتقولش مقدرشهتقدر ان شاء الله

عبدالرحمن:طب واعمل ايه

الحاج حسين:انت تركت المعاصي وبعدت عنها اه لكن المعاصي دي لسه في قلبك
يعني مهمتنا دلوقتي قلبك قلبك ياعبدالرحمن الورم الخبيث ده في قلبك

عبدالرحمن:انا عندي ورم خبيث امتي ده

الحاج حسين:ايوه ورم المعاصي والذنوب اللي لو ماقضيتش عليها هي اللي هتقضي عليك وتموت قلبك وتموتك

انت لما تدخل طب ان شاء الله هتعرف ان الورم الخبيث في اي مكان في الجسم الدكتور الشاطر لما يجي يعالجه لازم يقطع الورم ويشيله تماما وياخد جزء سليم من جنب الورم ويقطعه كمان عشان يقلل نسبه رجوع المرض مره تانيه

انت لازم تعمل العمليه دي وحالا
قلبك لازم ينضف عشان يصلح لحب الرحمن
خليك معايا واحد واحده كده وماتملش ابدا.ماشي

هسألك شويه اسئله ورد عليه

الحاج حسين:انا لو بعتك في مهمه مدتها ساعه واحده بس ومقابل المهمه دي هديك قدر من المال ولو مانفذتش المهمه هحرمك من المال ده وهزعل منك هتعمل ايه في الساعه دي

عبدالرحمن:اكيد طبعا هركز عشان الحق اخلص اللي طلبته مني قبل مالوقت يخلص

الحاج حسين:طب في الساعه دي هتدي لسها ميعاد او هتتسلي بسماع اغنيه او فيلم اووو اي حاجه تشغلك عن المهمه

عبدالرحمن:لا طبعا انا مقدرش علي زعلك والله

الحاج حسين:طب كويس
طب انت ترضي تقعد في بيت خراب

عبدالرحمن:لا طبعا

الحاج حسين:كويس اوي
طب انت لو معاك اسفنجه مليانه ميه مش نضيفه هتعمل فيها ايه

عبدالرحمن:هعصرها عشان تنزل اللي فيها وبعد كده اغسلها

الحاج حسين:كويس اوي يابني
سؤال كمان انت لو نويت تبني عماره وخلاص رميت الاساس وبدات تبني فيها لو حد جه يهدها هتسيبه

عبدالرحمن:لا طبعا بعد التعب ده كله اسيبه ازاي

الحاج حسين :ماشي اتفقنا

عبدالرحمن:اتفقنا عليه ايه.

الحاج حسين:علي الكلام اللي قولتهولك

عبدالرحمن:يعني ايه انا مش فاهم اي حاجه

الحاج حسين:هفهمك يابني ركز انت بس معايا امشي معايا واحده واحده كده لحد الاخر
عارف المهمه اللي سالتك عليها دي ايه دي مهمتك في الدنيا عارف انت مهمتك في الدنيا انك تعبد ربنا وتجمع حسنات عشان تدخل بيها الجنه
والساعه اللي قولتلك عليها دي عمرك بس للاسف انت مش عارف هو هيخلص امتي فاكر محمود رحمه الله

عارف انت لو مانفذتش المهمه مش هتتحرم من مال او جاه لااااااااا دانتا هتتحرم من الجنه.الجنه ياعبدالرحمن

وعارف انا لو زعلت منك عادي انا لااساوي شئ في ملك الرحمن لكن لو ربنا غضب عليك بتفريطك في المهمه اللي خلقك عشانها هتعمل ايه وقتها يوم لا ينفع مال ولا بنون

وعارف البيت الخراب اللي انت ماترضاش تقعد فيه ايه هو

عبدالرحمن:ايه

الحاج حسين: ده قلبك اللي خربته بالمعاصي وزي ماانت ماترضاش تقعد في بيت خراب ولله المثل الاعلي ربنا مايرضاش بقلبك ده ابدا يعني زي ماقولتلك مهمتنا قلبك

عبدالرحمن:طب والاسفنجه دي ايه

الحاج حسين:برده قلبك

عبدالرحمن:برده قلبي ايه حكاية قلبي

الحاج حسين:ايوه قلبك ده حكايه اسمع كده

يقول الرسول الكريم صلي الله عليه وسلم (ألا إن في الجسد مضغة إذا صلحت صلح الجسد كله، وإذا فسدت فسد الجسد كله ألا وهي القلب) رواه[البخاري ومسلم)


يعني لازم قلبك اللي يتصلح الاول لان صلاحه هيصلح باقي الجسد

يعني قلبك ده عامل زي الامير وباقي الاعضاء والجوارح خدم عنده
يعني قلبك ده هو اللي بيأمر وينهي

عبدالرحمن:طب وانا هعصر قلبي زي الاسفنجه ازاي ده

الحاج حسين:ايوه لازم قلبك يتعصر عشان ينزل كل المعاصي اللي فيه وينضف عشان يصلح لحب الرحمن

عبدالرحمن:قلبي هيتعصر

الحاج حسين:اه العصرة دي بتدل اصلا علي حياة قلبك

عبدالرحمن:يعني ايه اصلا قلبي يتعصر

محمد:ههههههههههههه هيعمل عصير قلب حلوه حلوه هههههههههههههههه ابقى اديني شويه عصير قلب واتوصي والله ياواد ياعبده دمك خفيف
عصير قلوب قال عصير قال ممكن برده تضيف عليه حبه كلاوي يبقى كوكتيل ايه ماقولكش

عبدالرحمن:وعايز نبقى نسايب لا كفايه نبقى اصحاب كفايه اوي

محمد:ليه كده بس دا انا بحبك هات حبه عصير بقى

عبدالرحمن:عصير في عينك امشي من وشي والله ماانا مكملك انهارده باقي القصه

محمد:استني بس

عبدالرحمن:انا لو فضلت كمان شويه معاك هينقلوني المستشفي اوعي سيبني انا ماشي


محمد:استني بس ياعم هديك حساب العصير استني بس صحيح امتي عملت العمليه ااااااااااه انت سافرت السعوديه عشان تعملها هناك .ماترد عليه ياعبده مش هقاطعك تاني


يتبع ان شاء الله