رواية بنيت لك في داخل فؤادي من اللهفة قصر

[ĄŁ3ŊŏΘōĐ]

الجزء الاول

يت ضربه قويه على راسها من ورا صارخت بقوه: عميروووووه والله بيك شي ماشفته شو بلاك أنا مش فايقه
ضحك عمر وشرد عنها .
يلست تتحرطم وهي ترمس ربيعتها كلثوم فالموبايل وهي طايحه على بطنها على الشبريه : خايس ماعليه أن ما صطعتك ((ضربتك))
كلثوم : غاليه شو فيج شو بلاج تتحرطمين؟
غاليه: يعني ماتعرفينه عميروه ماعنده مونه غير الضرابه والمغايض
ضحك كلثوم : خخخخخ حليله ياهل .
غاليه : أونه لا والله ويضربني متى يبا يعني أوووف عفته مره راسي ومره ظهري أخر شي بيوط على بطني .
كلثوم فيها ضحكه: الله يعينج ويصبرج .
غاليه: شو الدراسه , أحس الطب صعب بس ماشاء الله عليج شاطره انتِ .
كثلوم : الله يعيني ياختي صعب الصراحه ووووووووايد ووايد بس شو أسوي طموحي .
غاليه: أنا خاطري أستوي مصممت أزياء أن شاء الله بسجل السنه اليايه ^_^
كثلوم: مادري ليش مادرستِ ها السنه
غاليه: يختي أرتاح نفسياً ههههههههههههههه.
كثلوم: هههههههه أرتاحي وأشبعي بعد لحقه على الكرف .
غاليه: أوكي كوموتي (( تدلع كلثوم)) أخليج الحين بسير عند ماماتي وباباتي بطالعهم شو يسون .
كثلوم : أوكي , سلامي عليهم فديتج ., الله يحفظج
غاليه: فمان الله الغاليه .
سارت غاليه الخيمه هي داخل حوي البيت وتتكون من داخل من جلسه ومفروشه بفراش وزوالي (( في أيام الشتاء نسويها حلوه حق اليلسه )) وفي النص الكوار داخله الضو دخلت غاليه الخيمه وشافت الكل يالس هناك العايله تتكون من (( أم أبو غاليه (( شيخه)) , عبدالله (( أبو غاليه)) وحرمته أم غاليه عائشه , وأخوان غاليه: سالم عمره 33 (( معرس وحرمته أسمها سلامه عمرها 28 وعندهم عيال فاطمه7 وميره 4 وعبدالله 2ونص)))وعلي 28 معرس وعنده حرمته موزه عندهم حمد عمره 4 سنين وبنت عمرها سنه أسمها مريم)) وهزاع 24 ومنى 22 (( حنطاويه عيونها متوسطه يعني جميله بشكل جذاب مخطوبه لولد خالها سلطان)) وبعدها غاليه (( حنطاويه يايه على الاصفر شوي عيونها كبار وناعسه وشفايفها جذابه ومتوسطة الجمال)) 20 والهنوف 18 ))و أمنه 12 وعمر 9 سنوات )))

الموجودين كانوا أبو سالم وأم سالم وسالم وعلي وحرمته موزه وبنتهم وهزاع واليده شيخه والهنوف وعمر

غاليه: السلام عليكم .
الكل: وعليكم السلام
وسارت سلمت على يدتها شيخه .
اليده شيخه: عنبوه وينج غاليووه ما تنشافين
غاليه (( الله يعيني)): ماشي فديتج يدوه يالسه أرمس ربيعتي
اليده شيخه: عنبو شوها الرمسه الي ماتخلص.
غاليه أف سوتلي سالفه الحين : فديتج يدوه توي الا مرمستنها .
اليده شيخه: هي زين تحريت بعد.
غاليه والخيبه شو تحرت بعد وقامت غاليه بتروح
قبضت اليده عصاتها: وين وين ما شفناج يالسي لمرقج بالعصا
غاليه: يدوه كله ولا عصاتج توبه خلاص
طلعوا الشباب سالم وعلي وهزاع وأبو سالم علشان يروحون المسيد وأم سالم وراهم راحت أطالع الخدامات شو يسون وعن تجهيزات العشا.
اليده شيخه: هاا غلوي ما نخطبتي جان ما انخطبتي بيبلج معرس انا.
غاليه ولخيـبــــه :لالا يدوه كله ولا المعرس الي عندج ما أباه حشا علي.
اليده شيخه: وشو بلاه ولد عمج خليفه شو فيه ما تبنه
غاليه: لا بس عشان انا مخطوبه
اليده قبضت العصا: شوه محد قالي منوه بعد هذه ألي خطبنج
غاليه : والله هذه سلامج الله يدوه عماد الي في ستار اكاديمي
اليده شيخه: غربل الله عدوج وين تعرفينه هذه .
ميثوه: لايدوه هذه في ستار اكاديمي
اليده شيخه: يعني بلا هل الويه هذه اشتار اكادمي مال الشقر والحمر
الكل نقع من الضحك
الهنوف: اوووووه يدوه طالعه خطيره ثرج اتعرفينهم.
غاليه: خخخخ يدوه من ورانا هااا
اليده شيخه: حشا منك يالبنات تراني والله لمرغكن بها العصاا
الهنوف: انزين يدوه كيف تعرفينهم
اليده شيخه: وانا شو دراني بهذاله غاليه ها هذه ما دري شو اسمه غاوي
بققة غاليه عيونها : هيه فديتج يدوه تبين اشوفين صورته . طلعت البلاك بيري مالها وروتها صورته
اطلعته يدتها .
اليده شيخه: غربل الله عدوج شو هذه شو تبانه الانقلزي.
غاليه: والله يدوه هذه مب انجليزي تونسي يدوه هذه حلو قمر .
اليده شيخه: شو هاا المنكر قومي عني لخبر ولدي عليج (( ابوسالم)).
غاليه: يدوه خلاص اخر مره توبه ما باه عماد ابا أحمد ولا كارلو لالا انا ما اتخله عن عماد.
اليده شيخه: صدق ماتستحين يامسودة الويه وزخت عصاتها بتضربها سارت غاليه ورا موزه علشان ما تضربها .
اليده شيخه: ما عليه ان ما يوزتج خلوف .
غاليه بحزن: يدوه حرام عليج.
اليده شيخه: جب جب جب ولا كلمه.
الكل ضحك عليهم
غاليه تصاصر الهنوف: أووف ابا أروح شكلي بنضرب اليوم
الهنوف تضحك: ههههه تعودنا تخليج
اليده شيخه: شو بلاكن تتصاصرن هااا.
غاليه: ولا شي يدوه حبيبتي
ولانه ابوسالم حادر .
ابو سالم : السلام عليكم
الكل: وعليكم السلام
اليده شيخه: والله ان هااي. قاطعتها غاليه
غاليه: يدوه ما ولدت ناقج
اليده شيخه نست السالفه: وااايه على ناقتي يابت حوير
سارت غاليه بعد ماخلصوا سوالف وعشا حجرتها , وخذتلها شاور وبعدها صلت ولبست بجامتها ونامت .
الساعه 7ونص الصبح
طاااااااااااااااخ
طااااااااااااااااااااااااااااااااااااااااااااااااا ااااااااااااااااااااااااااااااااااااااااخ
طااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااخ
نشت غاليه متروعه وصرخت : منوووووووه قلبي عورني من ها الدقيق حراااااااام عليكم .
اليده شيخه : قووووووووووومي عنبوه الحين القايله وأنتِ بعدج تناخرين .
أطالعت غاليه الساعه : عنبوه من ساعتين ناشه أصلي ما واح لي أرقد والحين الساعه سبع ونص وعلت صوتها : يدوووه الحين بعدها 7 خليني أرقد خمس دقايق بس
اليده شيخه : لالالالالالالالالالالالالالالالالالا ماشي غناتي الحين اباج انا بعطيج شي .
غاليه بحزن: أن شاء الله يدوه ببدل وبيي

قامت غاليه ولبست كندوتها ووقايتهااا وسارت عند يدتها شافت عندها بريج وتفوح منه ريحه ما أدانيهااا عرفتو شو هو (( حلول طبعااا)) .
اليده شيخه: يلسي بنيتي يعلني افدااااااااج
يلست غاليه وشافت يدتها تيب كوووب طويل كم كبره وتصب حلول وتمزره . الصراااحه غاليه زاغت وسدت خشمهااا من ريحته الي تكرهااا
اليد شيخه: هااا اندوج الفنيان شربيه
غاليه بققت عيونهااا وتقول في نفسهاا:باين فنيااان هاذي يدوه ناويه تجتلني
غاليه: هااا يدوه ماباا متروس بطني
اليده شيخه زخت عصاتها : ماشي يلا قلت تشربينه يعني تشربينه
غاليه تبلع ريجهاا: بسم الله وخذت الكوب من عند يدتها وتمت اطلعه
اليده شيخه: عنبوه يلسه تقرين فيه انتي شربيه يلا مره وحده ولا لضربج بالخيزرانه(( العصاا)) .
غاليه: ان شاء الله يدوه
اليده شيخه: هيه اباج جذيه تسمعين الرمسه
ويلست غاليه تتيقم منه شوي شوي
اليده شيخه: عنبوه حد يشرب جذيه يلا مره وحده شربيه
غاليه: ان شاء الله يدوه
وشربته كله وهيه ليعه جبدهااا بتموت
غاليه وهيه في حاله ما يعالمها غير الله: يدوه بسير ارقد
اليده شيخه: شو راقده بعد الحين يا الله يالله جدامي الحين بيي خلوف ولد عمج بشلنا الزريبه .
غاليه برجاء: يدوه تخليج ما أبا أسير .
اليده شيخه : ماااااااشي يالله جدامي ليكون تستحين من خلوف بعد لا تخافين بيوزج أياه .
غاليه في نفسها : ياربي بتجتلني ناويه يدوه من زينه خلوف الي يقول الحين احبه .
غاليه : أنزين يدوه خلاص
اليده شيخه اطالعها بنظرات : يالله قومي سير حطيلج شوي من هذاك الطحين الي تحطنه وأجحلي
غاليه : ها يدوه من صجج أنتِ
اليده شيخه: يالله بسرعه .
غاليه : أن شاء الله يدوه , ويلست تضحك في خاطرها وتقول : يدوه يالله يامخج أستغفر الله تباني بعد أتعدله حركاااااااااااااااااااااااااااااااااااااااااااات .
سارت غاليه حجرتها وحطت لها كريم واقي شمس وشوي فوقه بودره وأجحلت وحطت بلشر وردي وأحمر شفاه خفيف . أطالعت عمرها : الحين حلوه شكلها يدوه تباني أتعدل حق معاريس خخخخخخخخ .
نزلت غاليه وطلعت برع ولقت يدتها يالسه في الخيمه وياها خليفه , غاليه بأرف أوووف مادري ليش أتعدل حق هذا أوووف ها الخقاق مره مايعيبني يطلعني من ورا خشمه تقول مادري شو شايف عمره أووووف
حدرت وقالت: السلام عليكم ورحمة الله وبركاته
اليده شيخه وخليفه: وعليكم السلام
غاليه أطالع خليفه: شحالك خليفه يعلك بخير
خليفه : الحمدالله يسرج الحال وأنتِ أخبارج
غاليه: الحمدالله .
أطالعت اليده شيخه غاليه برضاء وقالت: فديتج غاليوه تعالي يلسي عدالي.
غاليه في نفسها ياويلي على الحب أنا وقالت: أن شاء الله يدوه .
(( خليفه الولد البجر لعم غاليه سعيد وعمره 26 وسيم وأبيضاني بشكل ملفت وتحس من شكله شوي مغرور وله هيبه وهوحبيب يدته تموت عليه وهو كل شي يسوي لها عنده خوان وهم حمدان 24 وعلياء 19 وراشد 12 ومايد 8 سنوات))
يلست غاليه عادال يدتها , وهي مجابله خليفه , وكل ساعه عينها تي في عينه ,
غاليه في نفسها : أأأأووووووف شو ها شكلي بيلس جي مجبلتنه طول اليوم .
اليده شيخه : غاليه شو بلاج ماتاكلين تريقي . ولا تستحين
غاليه في نفسها:أي قلبي فضحتني
غاليه: لافديتج يدوه عادي عندي باكل الحين أنا ما أستحي هههههه.
شافت غاليه على شفايف خليفه شبه أبتسامه وأنقهرت صدق : أأأووووف ها الخقاق يقهر والله .
يلست تتريق قمه لقمه تقول حد قاصبنها تاكل ههههههههههههههه.
أشرت اليده حق غاليه تقولها وتقمز : كلي كلي .
ضحكت غاليه وقالت في نفسها: أتحرا الشباب الحين شرا قبل يبون المتان ههههههههههههههه
وضحكت بصوت عالي: ههههههههههههههههههههههه وغصت . كح كح وغدا ويها أحمر
زاغت اليده شيخه : يااااااااويلي على بنتي خلوف يبلها ماي ودحها على ظهره يابلها ماي ويلس يدحها حست غاليه أن عظام ظهرها تكسرت, صرخت عليه: بس بس ظهري عورني والتفتت له وعيونها كلها دموع
خاز عنها وعطها كوب الماء وقال: شربي
أطالعته بكل حقد وشر وخذت الكوب بدفاشه شربت شوي منه وكحت
قال خليفه بصوت واطي : صحه
سمعته غاليه وغصت مره ثانيه وتمت تكح .
خليفه ضحك وقال: كل ساعه وتشرقين شوي شوي شربي .
غاليه تمش عيونها شوي شوي من الدموع عن يخترب الجحال واطالعه بقهر : أن شاء الله عمي .
اليده شيخه : فديتج شو بلاج جني عطيتج بعين .
ضحك خليفه علي يدته , أطلعته اليده شيخه: شو فيك تضحك؟
خليفه: لا فديتج يدوه ماشي يضحك
اليده شيخه : هي بعد أتحراااااااااااااااك
ضحكت غاليه وقالت في نفسها : ماشاء الله كل شي تتحرا هع هع صدق أنج يايدوه شي .
قامت اليده شيخه وقالت: يالله يالله قوموا نروح الزريبه.
لاخر لحظه غاليه تترجاء يدتها : يدووه
اليده محرجه : غاليوو بتسمعين الرمسه والا أفشلج جدام خلوف .
غاليه بصوت واطي : عنبوه يدوه خلاص طاح ويهي خلاص فشلتيني أنتِ ياحسرتي
وسارت وراهم , سارت غاليه بتركب الفتك مال خليفه وتيلس ورا يدتها بس صرخت عليها العيوز وقالت: وين بتركبين فديتج , والخدامه تبينها تركب ورا خلوف عنبو ماتستحين يالله ركبي وراه . وغمزة لها
أحمر ويه غاليه خاطرها تشرد وتروح حجرتها وتنخش في لحفها من الفشيله بس وين بتروح عن يدتها بتيها بالعصى تمرقها (( تضربها)) . أستسلمت للامر الواقع وسارت تيلس ورا كرسي خليفه وهي مخنوقه دوووم يدتها شيخه تفشلها جدام ها الخليفه الي ما أطيقه غاليه .
غاليه : يدووه ليش شاله الخدامه .
اليده شيخه : أباها تلقط ويايه الرطب مابروم رويحتنا أنلقطه
غاليه: هاااااا ياها أحباط شديد ثرها جي السالفه يعني شالتنها أشغلها وتخليها تلقط رطب بصوت واطي : والهنود الي هناك شو خانتهم يوم نحنا بنيلس أنلقط أن شاء الله
اليده شيخه : هااا شو قلتي
غاليه أبتلشت: ماشي فديتج بس أن شاء الله قلت
وشوي ولا خليفه يركب . أخرت غاليه شوي عن السيد لانها تعرف عمرها تقبض السيد وتلوي عليه تقول السياره بطير أو بطيح منها هع هع هع .
وشوي تي مطبه وتقبض غاليه بالسيد وتي يدها على خصر خليفه حسته فز فزه وهي خوزت يدها بسرعه من الفشله
وتقول في خاطره : حليله زاغ أممممي فشيله ويهي أحترق ووووووووووين أوديه وووووووووووين ياربي ياربي

يلسوا خليفه واليده شيخه يسولفون في السياره عن البوش , والزريبه . وووايد أشياء .
غاليه يالسه وساكته وتقول في نفسها . :: أوووف راسي دار من الصدعه .
وشوي الا يرن تلفونها وكانت عواش حرمت عمها خالد (( عمره 25 سنه)) (( وهي عمرها 23 سنه وعنده بنت عمرها سنتين واسمها نوف)) وخالت خليفه في نفس الوفت
ردت عليها غاليه: هلا والله بالطرش والرش والماي المبرد بالغرش
عواش شاقه الحلج: أهــــلين فديتج خخخخ أشتقت لج يالعنز
غاليه تضحك: أشتاقت لج العافيه . أقول أنتِ العنز هب أنا .
عواش : خخخ أسوالف فديتج هع شو وين الغاليه جنج الا في السياره شو سايره مكان .
غاليه بصوت وواطي: الله يخلي يدوه فديتج يارتني وياها هي وخليفان الزريبه علشان ألقط رطب .
ضحكت عواش عليها : ياحليكم خخخ وخليفه هذا دومه يايدوه خخخ الله يعينكم عليها
ضحكت غاليه وبصوت واطي : كل ولا يدوه , تعرفين حليلها عيوز ولا أحلى .
غاليه : أشوف ناشه مصباح الله خير
عواش: خخخخخخ فديتج نوف أذتني وقلت بتصلج
غاليه : وشحالها نوافه فديت رووحها .
عواش : فديت روحها تناطط شرق غرب مأذتني .
ضحكت غاليه وشافت الجو سكون عند يدتها وخليفه جنهم ياليسن يسمعونها .
اليده شيخه رمست: غاليوه منو ترمسين
غاليه علت صوتها: يدوه هاي عواش حرمت عمي خالد
اليده شيخه: هي فديتها سلمي عليها .
وقال خليفه : وسلمي عليها بعد .
غاليه : أن شاء الله , وردت تقول حق عواش: سمعتي
عواش: هي ردي السلام وعطي خلوف بوسه عني أنزين وضحكت
حرجت غاليه وبصوت عالي: شووووووووووووووووووو , وخفضت صوتها للهمس: شو أنتِ ينتي يعني أوونج بس أووووف يالقهر منج بشوفين يوم برد البيت أن ماشفتي شي ماشفتيه
عواش : أبببببببببببببببببيه بتراويني شي ماشفته تخليج رحميني ناويه عليه أنتِ وتهددين بعد وضحكت
غاليه : ماعليه ماعليه خلاص أخليج الحين فمان الله .
عواش: الله يحفظج
غاليه: ترد السلام عليكم .
الكل : الله يسلمها
اليده شيخه : شو فيج كنتِ تباغمين زيقتني
غاليه: فديتج يدوه ماشي .
وصلو الزريبه , طبعا اليده شيخه , خلت البشكاره تركب النخله وتلقط , وحاولت غاليه تركب النخله ماقدرت تخاف , ويلست يدتها تلقط من النخل الصغار الي توصل لهن , وغاليه سوت مثلها , ملت غاليه من التلقيط وسارت صوب يدتها وحطت الرطب داخل السله وقالت: يدوه بروح ألقط بيذام من الشيره أوكي
اليده شيخه: سيري سيري أنتِ ما وراج فايده
غاليه: حرااااااااااام يدوه
اليده شيخه: خلالالالالالاص روحي خليني ألقط
غاليه: أن شاء الله يدوه
راحت غاليه صوب الشير لقت خليفه يالس وياكل بيذام وكان في ذبانه (( حضنه)) حوالي ست وكانن صفر كباااااااااار , عاااااااااد دخلن خاطر غاليه وهي تمشي أطالعهن بكل لذه , وتقول في نفسها : أخ ياقلبي والله خاطري فيهن يااااااقلبي
شافها خليفه من بعيد , عاد يوم هي شافته أنتبه لها شقت الحلج , وعطته ذيج الابتسامه .>>>> (( الاخت نست شو سوت له في السياره))
خليفه حس أن ها الابتسامه وراها شي يت صوبه ويلست حذاله
خليفه في نفسه : شكلها تبا شي ولا مابتعطيني ها الابتسامه .
خليفه بدون نفس: خير اخت غاليه
غاليه أوووف منه : ماشي سلامك ماشاء الله عليك شد لقط بيذام وخلصت هههههه
ضحك خليفه : شكلج حاطه عينج على مالتي , ماشي لاتتحلمين
غاليه أوووف من ها الزطي : ززززطي .(( يعني بخيل))
خليفه: لا والله أمبوني بعطيج بس أنتِ ماتستهلين .
غاليه: أوكي مابه شي منك أصلا أفففففففففففف , وقامت وسارت عند الشيره تحاول تطرح لها بيذامه , قبضت عصا طويله ويلست تحاول تطرح لها بس ماشي امل أنقهرت وعقت العصا تحت ويلست متنرفزه .
سار خليفه وغسل البيذام , ويا جدام غاليه وفرهن في ذبانها
غاليه تفاجأت وقالت بتردد: حقي هذا
خليفه: هي حقج
قالت بتردد أكثر: شكرا .
راح خليفه عنها , كلت لها وحده ويلست تتلذ بها , وسارت صوب يدتها لقتهم مخلصين , وسارو ا ركبوا السياره لان الساعه 9 وصلت والحر بدا يزيد
عاد ها المره يلست غاليه في النص , عاده في النص كان أخيس عن أنها تكون وراه .
ردت غاليه وسارت توطي رأسها وترقد, من التعب

يتبع

---

v,hdm fkdj g; td ]hog tch]d lk hggitm rwv

[ĄŁ3ŊŏΘōĐ]

الساعه 11 ونص الضحى عند الهنوف يالسه تقلب القنوات وأتأفف : أووووووف شو ها ماشي شي عدل في التلفزيون شو ها .
يا هزاع ويلس عدالها وقال: هاتي الرمونت .
الهنوف طالعت صوبه : قولي لو سمحتي
هزاع متنرفز: أووف منج لا والله هاتي أحسن لج .
الهنوف : لالالالالالالالالالالالا
هزاع زخ يدها وردها على ورا : هاتي
الهنوف شوي وبصيح : ها أندوك عنبوه كسرت يدي . وخلاها هزاع ويلست تفرك يدها بألم وقالت: ما عليه أن ماخبرت أبويه .
هزاع: خبريه أتحريني ما أروم أرمس يعني .
وشوي أن حد يدق باب الصاله ويدخل كان سيف ولد خالتهم وعمره 24 , عدلت الهنوف الشيله وقال: السلام عليكم.
وقامت وردوا السلام : وعليكم السلام .
قام هزاع وسلم بالخشم على سيف , وصد سيف صوب الهنوف وقال: شحالج يالهنوف
الهنوف : الحمدالله شحالك أنته
سيف: الحمدالله عايش
ضحكت الهنووف: عاش من شافك عنبوه وينك من زمان ماشفناك
سيف يبتسم: الا هنيه .
هزاع : لاوالله قومي جلبي ويهج
الهنوف : لا والله لا أضحكني وووايد عنبوه فضحتني جدام الريال .
هزاع: عيل بتمين متفزره جي . يالله سيري طالعي غاليه شو تسوي .
الهنوف: غاليه راقده
هزاع: أنزين سيري وعيها ويلسي وياها .
الهنوف: أففففففففففففف وسارت فوق
الهنوف تدخل غرفة غاليه وتنط فوق شبريتها بدفاشه : غايوه نشي نشي . أنا ملانه
نشت غاليه وفركت عيونها بتعب وقالت: خير شو ها أبا أرقد وردت تطيح مره ثانيه , طاحت الهنوف عدالها وقالت : غاليوه تعرفين منو يالس تحت!!!
غاليه: منووووووه يعني؟
الهنوف: حبيب القلب سواااف .
قامت غاليه مرعبوه : حلفي قولي والله .
الهنوف: صدق والله .
غاليه قامت أطالع عمرها في المنظره وقالت: عيوني مورمه شو ها شوي وبصيح
ضحكت الهنوف عليها : أونج خخخخ سيري غسلي ويهج وبيب لج قطن وماي ورد بارد وبنحطهن على عيونج وبخوز الورم.
قامت غاليه وربعان على الحمام(( الله يكرمكم )) وخذتلها شاور دقيقتين وطلعت .
غاليه: شو زهبتي الاغراض .؟
الهنوف تضحك: هي يالله تعالي طيحي .
ويلست الهنوف تحط في القطن ماي ورد وتحطه على عيون غاليه
وتمت خمس دقايق . وبعدين خوزته وراح الورم عن عيونها
قامت غاليه تتعدل حطت لها جحال من داخل وفوق عيونها وشوي بودره وبلشر وحطت لها أحمر شفاه بس بطريقه تخليها شرات براطم العروسه (( اللعبه)) .
أطالعت غاليه الهنوف: ها أنا حلوه الحين
الهنوف: تجننين يا ألبي بس ياليت روميو ينتبه بس
يلست غاليه عدال الهنوف باحباط وحطت يدها على جتف الهنوف وقالت باحباط أكثر: تخليج لا تعورين قلبي وتقولين جيه
أبتسمت الهنوف: يالله خلينا نروح تحت عن يروحون .
غاليه ترتجف : لاأستحي ,
ضحكت الهنوف: صدق أنج حركات توج يالسه ومتخبله ووتتعدلين له والحين أونه أستحي .
الهنوف : يالله يالله جداااااااااامي .
ونزلن تحت لقن هزاع وسيف يالسين يسوالفون ومعاهم حد كان خليفه ولد عمهم وعلي أخو غاليه , ياها غاليه أحباط شديد . (( سيف ولد خالة غاليه حنطاوي عيون حاده ووسيم بشكل ملفت , عنده أخو معرس عمره 28 وأخوات موزه (( الي هي حرمة علي ) ومها عمرها 19 ومنال 16 وفاطمه 14 وعبدالعزيز 7 ))
سارن صوب الشباب وقالن: السلام عليكم
ردوا عليهم: وعليكم السلام
أطالعهن هزاع بنظره ناريه تقول روحن , وأبتسم لهن علي (( علي أنسان فري عادي عنده عكس هزاع , ويحب خواته بشكل فضيع ))
علي : يامرحبا الساع بالشيوخ .
أبتسمن له وسارن صوبه وحبنه على الطرفين ووحده يلست يمين ووحده يسار
أبتسمت غاليه له: شحالك حبيبي .
علي: الحمدالله فديتج , علومج أنتِ؟
غاليه حاست بوزها: الحمدالله فديت روحك
الهنوف : ياويلي أنا , وأنا يعني بنت البطه السوده .
ضحكوا عليها .
قال علي : لافديتج تراني شايفنج الصبح بس هاي (( ومط غز غاليه)) ماشفتها .
ضحكت غاليه وأطالعت صوب سيف كان منشغل بتلفونه وأنقهرت وقالت بخجل : شحالك سيف
أنتبه لها سيف وأبتسم (( هي ذابت عاد)): الحمدالله يسرج الحال ومن صوبج
أبتسمت : الحمدالله .
ويت عينها على خليفه لقته يطالعها وجنه مش عايبتنه أبدا أطالعته بنظره حقيره وردت أطالع صوب علي .
قالت حق علي: علاوي وين مريومه فديت روحها .
أبتسم علي : عند أمها
بوزت وقالت: و حمد
تم علي يتصدد وفجأ ضحك ومسك راس غاليه ولفه وأشر في زاويه من زوايه الصاله وقال: هناك.
ضحكت غاليه كان حمد يالس أمبين الكراسي ويلعب بسيارته . سارت صوبه وشلته وتم مبوز ويقول لها : قومي قومي أبا ألعب بسيارتي
غاليه : لالالا ماشي , وصاصرته : بسير عند خالي سيفوه
حمد بوز وهو يصاصر غاليه: لا ما أحبه
غاليه: ليش
حمد: لانه يقول بيضربني أن ماسمعت الكلام
غاليه: هي سمع الكلام علشان مايضرب حليله خالك يحبك
حمد : أزين عموه
أبيسمت غاليه : انزين عطني بوسه
ضحك حمد ووتقرب منها وخوز الشيله شوي عن خدها وعطها بوسه: أمووووووووووووح .
الكل صد صوبهم وضحك
قالت غاليه: ياويل قلبي خلاااااااااص ما أقدر اتحمل . عطني بعد وحده
وها المره بصوت عالي: أموووووووووووووووووووووااااااااااااااااااااااح .
يلست غاليه تحت مدوخه وتهز راسها أخ قلبي أخ قلبي . وضحكوا عليها كلهم وعلى حركتها , أستحت , يوم شافت سيف يضحك وخلت حمد يكمل لعبه وهي سارت صوبهم وشوي ولان اليده شيخه ياايه قاموا سلموا عليها كلهم .
يلست اليده شيخه وقالت: شحالك سيفوه
سيف : الحمدالله خالوه وشحالج أنتِ (( تصير خالته أخت يدته ))
اليده شيخه: الحمدالله ولدي وشحال عربانك(( أهلك )) يعلهم بخير
سيف : الحمدالله كلهم بخير وسهاله ويسلمون عليج .
اليده شيخه يلست تحرك عصاتها وأطالع ساعتها : عنبوه الساعه 12 وربع الحين وماتبونها الصلاه انتوا يالله قوموا عن تضربون بها العصا .
ضحكوا عليها .
قال هزاع : يدوه نحنا ريايل وبتضربينا بالعصا بعد .
اليده شيخه : هي نعم شو مب عايبتنك رمستي .
سالم : يالله شباب قوموا الصلاه
وروحوا الشباب يصلون بس بقى في الصاله الهنوف وغاليه واليده شيخه .
أطالعت اليده شيخه غاليه: ووينج انتِ من الصبح من ردينا وماشفتج
غاليه: والله يايدوه سرت ارقد شوي .
اليده شيخه: والله ها الرقاد ماله ووالي .
ضحكن غاليه والهنوف عليها . وسارت الهنوف عنهن تصلي في حجرتها , وكانت غاليه بسير بس زختها اليده شيخه : وين بسيرين ها
غاليه : بسير اصلي
قبضت اليده شيخه يد غاليه وقامت وقالت: وديني الحمام (( الله يكرمكم))
غاليه : أن شاء الله يدوه .
وسارت توديها وتمت واقفه عند الباب تترايا يدتها يلست حوالي نص ساعه .
ضحكت غاليه وقالت: شكلي مابصلي اليوم
ووأخيرا طلعت اليده شيخه من الحمام(( الله يكرمكم)) وقالت لها: يبي لي كرسي بصلي عليه
وسارت غاليه حجرة اليده ويابت لها الكرسي وحطته في المصلى (( هو عباره عن حجره للضيوف علشان يصلون فيه))
وسارت غاليه تتيدد علشان أتصلي وعقب الصلاه .
قالت اليده شيخه : غاليوه وديني الصاله .
أبتسمت غاليه بتحمل: ان شاء الله يدوه .
بعد الغدا سارت اليده شيخه تأخذ لها قيلوله ويلسن الهنوف وغاليه يسوالفن لين الساعه 4 وقامن يصلن يوم اذن العصر.
الهنوف: أقول تعالي نتصل حق علياء نقولها بنلعب ورقه .
اتصلت غاليه على موبايل علياء وبعد فتره ردت .
غاليه : هلا والله .
علياء: أهلين . السلام عليكم
غاليه: وعليكم السلام , أخبارج الغاليه
علياء: الحمدالله فديتج والله ملاااااااااااانه حدي .
غاليه: والله عيل تعالي ألعبي ويانا ورقه
علياء شاقه الحلج : والله صبري خمس دقايق بس وأنا عندكم .
بندت علياء عن غاليه وتلبست مخوره وشيلتها صفوه ونزلت تحت لقت خليفه يالس تحت وسارت صوبه
علياء: خلوف ممكن توديني بيت عمي عبدالله.
خليفه: ليش
علياء: بليزز توها غاليه متصل بي تباني أيي
خليفه: لا والله وهي ليش ماتي عندج
علياء: خلووف تخليك بليززز
خليفه : أنزين أفففف سيري شغلي السياره لين أتلبس .
عند غاليه والهنوف , يت الهنوف مبوزه وقالت: الشيخه منى تذاكر واماتبا تلعب حضرتها افففففففف .
غاليه: اوووف منها فايجه خخخخ المهم تعالي نطلع برع يمكن نلقى واحد من الشباب علشان يعلب ويانا
سارن برع لقن اليده شيخه وأمهن يالست على الحصير ويتقهوين , سارن صوبهن ويلسن والورقه في يد غاليه . قالت الهنوف حق أمها: أمي وين عيالج
أم سالم( عائشه)) : ما ادريبهم ليش شو تبينهم
الهنوف: خلاص ماشي
أم سالم وهي تشوف الورقه بيد غاليه: أها الا علشان ها الورقه
شقت غاليه الحلج : أمي بتلعبين ويانا
أم سالم: ها الي ناقص بس .
وشوي ولان سيارة خليفه تحدر الحوي ويعدلن البنات شيلهن . وتنزل من السياره علياء وخليفه وراها , ويسلمون على اليده شيخه وأم سالم .وييلس خليفه يتقهوا
علياء تصاصر غاليه: شو بنلعب
غاليه: الشيخه منى تقول تدرس ومالقينا حد رابع .
وشوي وتقوم اليده شيخه وأم سالم وياها بروحون عند يرانهم . ويقوم خليفه
علياء تقبض كندورت: خلوووف تعال لعب ويانا
الهنوف: تخليك ولد عمي .
غاليه شاق الحلج : خلوووف
أطلعهن خليفه وهو رافع حياته ويقول: علشان اليوم الجو حلو وبرد بلعب وياكن
تيلس علياء مجابله خليفه وتدفرها غاليه : قومي روحي انا وياه
علياء : لالالالالالا انا .
الهنوف : لالالالالا أنا .
غاليه: انا يعني أنا
خليفه : صدق أنكن يهال .
الهنوف : يالله كودي بودي سيد الا بغدادي وطلعت غاليه .
وخوزت غاليه علياء ويلست مجابله خليفه .
ضحك خليفه : يعني واثقات أني بفوز خخخخخ .
وشوي ييلسون يلعبون
خليفه محرج: حوو أنتِ لعبي زين بتخسريني .
غاليه منقهره: لاوالله أنا ألعب زين تحيد عمرك ماتلعب زين.
خليفه: لمي ثمج عن أيج طراااق
غاليه: جب جب أحترم نفسك
خليفه : والله ان تميتي جي بفر الورقه
علياء : خلوف خلاص مابترمس
أطلعتها علياء بترجي: غاليووه
غاليه: أنزين بس هب ترمسني جي
يلسوا يلعبون وجان يفوزون خليفه وغاليه ضحكت وقالت حق خليفه : كفك .
خليفه مد يده بدال ما يصفق يدها ضربها على الخفيف على خدها .
فجت غاليه حلجها واحمرت من الغيض : لا والله
خليفه: تستاهلين الي ياج من كثر مارفعتي ضغطي في اللعبه مره ماتفهمين شي
غاليه قامت متضايقه وسارت صوبه وبدون مايعرف شو بتسوي, ضربته بقوه على ريله وشردة

نهاية الجزء الاول

[ĄŁ3ŊŏΘōĐ]

الجزء الثاني

سارت غاليه بكل بروده المطبخ تسويلها كابشينوا .
في الطرف الثاني كانن علياء والهنوف مبطلات حلجهن من حركة غاليه , تقول صدق أعداء , أما خليفه صدق ريله عورته لان الحبيبه غاليه ضربته بالنعاله الي كانت في ريلها , وتم يفرك ريله وشوي الدخان وبيطلع من راسه من الضيقه , والغضب . تم متنفرز وكان شكله يقول : ماعليه أن ماخليتج تنسين أسمج يا غاليوه
كانن علياء والهنوف متروعات على غاليه لان خليفه مكشر ويتنافض من القهر شوي وخليفه يقوم وقال : بسير أشرب ماي
قالت الهنوف: يلس بسير أيب لك من المطبخ التحضيري
خليفه اطالعها بنظره ناريه: يلسي محلج بسير بروحي.
قام خليفه وسار صوب المطبخ ودخل وشاف غاليه يالس تغني وهي تسوي الكابشينوا
هي انتبهت له بس أونها سوت طاف , بس في داخلها ترتجف من الزيغه .
سارت صوب ثلاجة الماي تصب لها ماي حار شوي خليفه زخ له كوب من الرف وغسله , وسار يصب له ماي من الثلاجه في نفس الوقت الي غاليه يالسه بتصب أونها
دزها خليفه , ويلس يصب له فولت غاليه , وضربته على جتفه بقهر ويلست تتحرطم: ماأدري شو أتحسب عمرك أوووف منك أكرهك.
خليفه سمعها ووشوي وبينفجر , حط الكوب على الطاوله وسار صوبها , غاليه تروعت شكله بيضربها ردت ورا على اليدار. طاح الكوب من يد غاليه , وفي نفس الوقت زخ خليفه يد غاليه ولفها وردها على ورا , حست غاليه خلاص بيغمى عليها ويدها شوي وبتنكسر عضت شفايفها بألم وقالت: خلني أحسن لك
خليفه وأنفاسه تحرق ويه غاليه: ما بخليج لين تتأدبين .
غاليه تصرخ: الحمدالله متأدبه احسن عنك.
خليفه يشد أكثر على يداها وغاليه تتألم وتقول: حرااام يدي تعورني أي أي
خليفه يقولها لها بكل عجرفه : بشوفين أن ما خليتج تعرفين منو هو خليفه سعيد .
غاليه: أونك عاد . شكرا ما أبا أعرف
خليفه انقهر: أسكتي أحسن لج فايقه تنكتين أنتِ
غاليه بدلع لا أرادي : ما أبا .
خليفه فج عيونه وتم يتأملها بدون وعي , غاليه يوم شافت عيونه كيف أطالعها نزلت عيونها بسرعه تحت وتمت ترتجف , وبسرعه أنتبه خليفه لعمره وخلى يد غاليه وطلع برع المطبخ التحضيري .
يلست غاليه على الارض وهي حاطه يدها على قلبها وترتجف حاولت تتنفس بنتظام , وشوي شوي رد تنفسها ينتظم تنهدت وقالت: خايس حماار روعت قلبي
قامت ووايجت من الدريشه , أرتاحت يوم ماشافت السياره : الحمدالله الحمدالله
عدلت شيلتها وسوت لها كابشينوا,وطلعت لقت الهنوف وعلياء يالسات على الزوليه يسوالفن .
يلست عدال علياء , حركت علياء بوزها وقالت: الصراحه أنتِ حركاتج ووايد قويه !!!
غاليه: لاوالله انته شفتيه بروحج شو سوا قهرني الخايس.
علياء: أووف منج حليله أخويه , يسوالف وياج , وثاني شي مادري شو فيج أنته عليه أصلا هو محد أحسن عنه وأنتِ الي تتسببين عليه
غاليه بقهر: شوي شوي عن ينطر لج عرج , الا ناقص تاكليني
علياء: أووف منج ومن أسلوبج الخايس .
غاليه قامت : زين زين مشكوره ماتقصرين . إيي منج أكثر
الهنوف: تضاربن احسن علياء خلاص خليها
روحت عنهن والدمعه في عينها وهي تقول: كله يردون عليه مب هو الغلطان بعد, أكرهه أكرهه حقير .
سارت حجرتها وطاحت على شبريتها وتمت أصيح , يلست وقالت: مادري ليش أصيح صدق اني بايخه .
بعد فتره بدون وعي نامت , نشت الساعه 7ونص , أنقهرت من عمرها أنها فوتت صلاة المغرب , قامت تتمسح وتصلي .
نزلت الصاله ببجامتها الوسيعه وما أنتبهت حق الحضور, خطفت من جدامهم وطاحت على الغنفه وشغلت التلفزيون , أدور شي أطالعه , تمت تتأفف بصوت عالي: أوووف أوووف شو ها الملل .
حست الصاله هدوء , مب الا هدوء تحس الجو متوتر ماتدري ليش . صدت صوبهم بققت عيوانها على الحضور , قامت وحطت المخده فوق راسها وصرخت : غمض غمض عيونك خلني أبا أروح حجرتي أخ ويهي أمييييييييييييييييييييييييييييييي
ضحكوا عليها عمها أبو خليفه وأبوها وعلي وامها كانت معصبه وغاليه شوي وبصيح
أبو خليفه: خليفه غمض عيونك خل البنت تخطف .
خليفه توتر وهو مب مستوعب أنه كان يطالعها : ها أنزين
نزل خليفة راسه وخطفت غاليه تربع , دخلت حجرتها منقهره وتشاهق : ليش ليش يشوفني لالالالالالالالالالالا يالفضيحه .
طاحت على شبريتها تفكر وشوي والا بموبايلها يرن شافت رقم أبوها ردت عليه بتردد: هلا أبويه
أبو سالم: وينج غاليه تعالي تعشي
غاليه : ماأبا .
أبوسالم: يالله نزلي أترياج وسكر .
غاليه : أهممممم ليش . يمكن راح
قامت وتلبست , وهي نازله من عالدري يالسه تغني غينه أجنبيه وأتهزز فجأه وقفت ضحك عمها ((سعيد)) أبو خليفه عليها وقال: الحين تغنين بعد .
بوزت غاليه وقالت: تحريت محد في الصاله .عمي فشلتني على الاقل قول ماسمعت
أبو خليفه: أونه بعد صدق أن لسانج يباله قص .
غاليه: أهو ناقص عمي
هزاع: أصلا هو من انقصه يطول شبر فأحسن نخليه على ماهو .
ضحكوا الكل , نطرت غاليه براطمها بقهر: هي زين تمصخروا عليه وسارت يلست عدال علي وقالت : الوحيد الا مايجرح شعوري هو علاوي فديته
هزاع : أونه علاوي بعد .
أبو سالم: وانا يعني الي يجرحج .
أبتسمت غاليه: لا فديتك أدريبك أنك تحبني , بس لزم التغير شوي يوم أتبزا عليك ويوم على علاوي يعني بالدور هع .
بصوت هامس سمعته غاليه: أونه أمحق بزا .
رفعت راسها وأطلعت خليفه بنص عينها وقالت بعصبيه : ولي مب عايبنه يدق راسه في اليدار
هزاع : شو رايج أدق راسج أنتِ .
غاليه: لاوالله .
علي : كله ولا راس الغاليه ولوى على راسها
غاليه : علاوي خلني شيلتي بطيح . خاز علي عنها وضحك . يتمصخر الحبيب
أبو سالم: ها شو الشور ياأبو خليفه علشان سيرت المزرعه يوم الخميس .
أبو خليفه : والله زين
غاليه داشه عرض: هي هي خاطري أغير جو الله ياويلي منو بسير ويانا .
أبو سالم : ياحبج للمقاطعه .
غاليه بوزت : سوري بابا
أبو سالم أبتسم : ان شاء الله عمج وفريجه ونحنا وعمتج صبيحه وفريجها.
غاليه: والله حلو , أنزين أبويه فديتك قول حق قوم خالتي الموز( ام سيف)) بليز
أبو سالم: ان شاء الله بطالع ريل خالتج مطر .
غاليه : والله فديتك باباتي .
أبو سالم ضحك: يامخرشج انتِ مادري كيف بتعرسين ماجنج الا ياهل
أحمر ويه غاليه وسكتت , ضحك هزاع: استحت أستحت أونج حركات
فجا ينفج الباب بكل دفاشه وتحدر اليده شيخه : السلام عليكم يالشواب
ردوا عليها : وعليكم السلام ورحمة الله وبركاته
أبو سالم: أمايه عنبوه نحنا بعدنا شباب مب شواب
اليده شيخه تيلس حذال خليفه وتأشر بعصاتها على أبو سالم : وها الخيوط الي في ويهك شو يسمونها
ضحكوا وقال هزاع : عاده خيوط يدوه هههههه .
أشرت بعصاتها صوب هزاع: عاد انت أسكت أسكت من الحين شعرك أبيض
هزاع حاس بوزه : والله فديتج يايبنها وراثه من عندج
اليده شيخه: لا فديتك ولا وراثه ولا شياته شوف شعري وخوزت الشيله عن راسها كان شعرها أحمر محنتنه هههههه
ضحكت غاليه: ماشاء الله يدوه شعرج مافي مثله , غير عن شعورنا ليش ماطلع شعري أحمر شرا شعرج
اليده شيخه: وااايه فديتني محد طالع مثلي غير خلوف يعلني أفداه .
ضحكت غاليه بصوت عالي .
صدت عليها اليده شيخه: شو يقرقطج
أنقفطت غاليه: يدوه أذكرت سالفه بس
اليده شيخه تضرب غاليه بعصاته على جتفها ((نقزت غاليه من الضربه)) : ماياز الا الحين تذكرينها .
غاليه: يدوه حرام ليش جي تكرهيني .
اليده شيخه ردت وضربتها بالعصا: انا أكرهج
غاليه خافت: لالالا أنتِ اصلا منو يحبني شراتج!!!!
أبتسمت اليده شيخه: هي أباج جي حرمه .
بوزت غاليه: يدوه انا بنوته مش حرمه .
اليده شيخه تصارخ أونها ماسمعتها : شووه قلتي .؟
غاليه طالعت يدتها برعب: فديتج ماشي.
يت البشكاره وحطت القهوه على الطاوله جدام غاليه , نقزت اليده بعصاتها غاليه ’ يعني صبي قهوه , فزت غاليه كانت سرحانه وبغمت , الكل صد صوبها , أطالعتهم وهي مبوزه , ومنحرجه , وقامت أصب قهوه حق الموجودين عطت أول شي عمها بو خليفه وبعدين أبوها ومدت يدها تعطي هزاع بس قال مايبا وخذه منها علي وبعدين صبت ورفعت راسها على الي جدامها كان خليفه , حاست بوزها ومدت يدها بالفنيان صوبه , خذه منها ولمست يده , طبعا غاليه أنقهرت, أمبونها تبا تجب القهوه عليه بس قبضت عمرها , وتمت تسب في نفسها يعني بها اليد حشا , حست خليفه إيطالعها بنظره مرتبكه , طنشت ولاهمها , صبت ليدتها وعطتها .
سارت حجرت التلفزيون مالت اللالعاب شافت عمر يلعب بلاي ستيشن ومعاه راشد ومايد عيال عمها سعيد صرخت: خيانه تلعبون من ورايه كرش
ضحك راشد: هي نلعب من وراج .
ضحكت تتطنز: ادري خايفين أقلبكم
عمر: تخسين العنز
سارت عنده وضربته بالخفيف على راسه : تخسي الاانت يالزطي
دزت عمر : قوم عمور بلعب .
صرخ عليها عمر: لالالا ما ابا .
ضربت راشد على راسه: رشود قوم أبا ألعب .
راشد : لالا عمور الخسران خليه يعطيج .
شلت عمر بالقوه ويلس يصيح : ما أبا ماأبا
غاليه: جب تبا ولا لا بنلعب بالدور الي يخسر يعطي الثاني
حط راشد الدور بس السهل وصد صوبها وقال: هذا الي يناسبج
غاليه: تخسي الا أنت حط هارد أحسن لك .
حط راشد هارد , ويلسوا يلعبون عمر يشجع راشد ومايد يشجع غاليه .
يلس عمر يقولها : انتِ الي فوق
غاليه معصب: جب عمور أرديبك تبا تخربط بي علشان أخسر
مايد: غاليوه شوه هذا طالعه الاخيره
ضحك راشد: اونها أقولها أيزي مستواها بس مب طايعه أونها .
عمر: أقولك تراها عنز
صرخت غاليه: عمور أنجب أحسن لك .
وطلعت غاليه الاخيره طبعا وراشد الخامس , عمر رفع فنيلته ويسل يدق على صدره فرحان .
ضحكت غاليه عليه وقالت: تراوينا عضامك يالتيس
عمر حرج: جب يالدرام
غاليه: درام في عينك . وسارت صوبه تيره من شعره وير هو شيلت غاليه وعفد على شعرها وغاليه تباغم وعمر يسبها .
وراشد ومايد يشجعون منو بيقلب
راشد: عمر ضربها ضربها قوى
مايد: غاليووه عطيه بكس
صرخت غاليه: عيموره بس شعري عورني عنبوه أنا أسوالف وياك جلبتها صدق ترا بتندم صدق هب تقولي بعدين أشتريلي من الدكان أييي خايس
زادت غاليه وزاد معاها عمر , صرخت غاليه: أبوويه والله بخبره عليك .
يا صوت من وراهم: ماشاء الله على اليهال .
صرخت غاليه: سلوم طالعه ها الخايس شكه عافد عليه
صرخ سالم: عمر قوم عن أختك العوده عيب جي أسوي .
خاز عمر من الزيغه عن يضربه سالم(( ترا سالم عصبي ويخافون منه العيال)) .
سالم: ياويلك ان شفتك مره ثانيه تضرب أختك العوده , وصد صوب غاليه : وأنتِ ياهل تضاربين وياه .
تعلثمت غاليه: هو بدى عليه
عمر: جذابه
سالم: أوووص انته .
أبتسمت غاليه بنتصار يوم سالم سكت عمر أخيرا أنتقمت منه (( صدق أنها ياهل ))
روحت غاليه الصاله مالقت حد فكرت وقالت: أه شكلهم راحوا يصلون .بسير أصلي أنا بعد.
سارت تصلي ويلست على الاب توب أطلع أذا نزل مسلسل كوري يديد
تمت تتحرطم: أووف يقهروني إلي يقطعون في الدراما يوم يترجمونها
سمعت صوت الهنوف وهي داخله: علشان محد ياخذ من وراهم ذنوب
قالت غاليه: أووف يعني مابياخذون ذنوب من الحركات الباقيه والله يخربون عليه أكون مندمجه وهم يقطعون عليه .
ضحكت الهنوف: والله أنج خايسه
بوزت غاليه : خاست ريحج عنزوه .
الهنوف تتطنز : كمسا ميدا أوني .(( هي بالكوري ومعناها: شكرا أختي ))
غاليه: علموج بعد
الهنوف: منو خربني غيرج
غاليه: اونه
الهنوف طالعت غاليه بجد: أقول غلوي أنتِ شو سالفج مع خلوف
غاليه: منو
الهنوف: بعد منو غيره ولد عمج
غاليه : ماشي
الهنوف: عيل ليش كل ما أتشاوفون تضاربون
غاليه: هو يقهرني شفتي شقا حركاته
الهنوف: بس أنتِ تبدين
فكرت غاليه شوي(( غاليه ماتعصب من الهنوف لانها تحبها أكثر من عمرها )) وأعترفت: صح انا أبدى , ضحكت وكملت : مادري يوم أشوفه خاطري أتحرش فيه
ضحكت الهنوف: أنتِ عجيبه الله يعين الريال عليج شكله بيعاف ييت بيتنا منج
نقزت غاليه: بخبرج شو استوى اليوم
الهنوف اندمجت: شوووه.؟
غاليه: تعرفين أنه شافني ببجامه جدام عمي وابويه وأمي بعد
الهنوف: حلفي يالفضيحه , ليكون شاف شعرج بعد
اطنزت غاليه: بعد بجامه وشيله ماشي مونه طبعا بدون شيله .

نهاية الجزء الثاني

[ĄŁ3ŊŏΘōĐ]

الجزء الثالث.

الهنوف : صح . أصلا مايركب هع .
غاليه: انزين فكينا من طاريه الحين . خاطري بأم علي
الهنوف: أنزين سيري سوي لج
غاليه: ما أروم انتِ سوي لي.
الهنوف حطيت يدها على خصرها : لا والله
غاليه تسوي نفس حركاتها بس بغباء: هي والله
تاففت غاليه وضحكت ضحكه شيطانيه واطالعت الهنوف: هنفوه بسير عند عواش بخليها أسويها لي وضحكت
الهنوف ضحكت: شوها العقل الي عليج
غاليه: صبري بتصل أول
دقت غاليه على عواش حرمة عمها خالد: هلا عواش اخبارج
عواش: الحمدالله أخبارج أنتِ
غاليه: تمام فديتج
غاليه : والله ملانه ووايد وخاطري بام علي .
عواش: فالج طيب
غاليه: فديتج تعرفيلي .
عواش: أدريبج ماتين عندي إلا حق الأكل
غاليه بوزت : أفا بنت سعيد
عواش: أونج زعلتي .
غاليه ظهرت لسانها : أوني .
عواش: يالله تعالي بسير أقول حق الخدامه تسوي لنا أم علي
غاليه: مشكوره فديتج , أقول عواش يدوه في البيت
عواش: لا مش موجوده في العزبه
غاليه: أحسن
ضحكت عواش: زين عيل فمان الله
قامت غاليه وقالت: هنوف بتين وياي .؟
الهنوف: ما أروم مالي بارض
غاليه : صدق أنج عيوز
الهنوف: تحيدين عمرج.
غاليه: جب , وراحت عنها, دخلت غاليه حوي بيت عمها خالد , كان البيت هدوء , سارت صوب الباب دقته دقته محد فج تأففت وقالت: أووف وينهم.,, وشوي يتبطل الباب شقت غاليه الحلج وقالت: امبوني بدخل بدفاشه بس وفرتي عليه القفظه هع
بحلقت عيونها على الي جدامها ودخلت قصتها الي طالعه بسرعه وقالت: أنت!!!
أبتسم خليفه بمسخره وقال: لا يدي
أطلعته غاليه بحتقار وقالت: سخيفففف .
أسترخت ملامح خليفه وقال بصوت واطي : يا محلاها من ثمج .
شهقت غاليه وقالت: شو شو قلت عيد
ضحك خليفه بتوتر وقال: قلت سباله
غاليه ببرأه : والله , تحسبت شي ثاني , شكلي اسمع غلط .
خليفه ضحك: توج تدرين أنج ماتسمعين زين .
غاليه بوزت : لاتضحكني تحيد عمرك يالهرم
خليفه عصب : أنتِ ما أتوبين , كله تسبين
غاليه بعناد: كيفي
خليفه تنفس بعمق وقال: شو تبين أسوي بج ها .
مطت غاليه لسانها وقالت: قرصني هاهاها , وربعت المطبخ تأففت غاليه في نفسها : أوف منه أنا كل ما أسير مكان أشوفه جدامي ياهي حاله.
وصلت المطبخ لقت البشكاره واقفه , وتحط عجينة البف في الفرن , تجربت منها وقالت : وين ماما عواش.؟
أشرت البشكاره بيدها أنها في الحجره المجابله للمطبخ , راحت غاليه صوبها , لقتها يالسه تلبس بنتها نوف , بغمت غاليه بصوت عالي: وووووووووووووي
فزت عواش وقالت: الله يغربل بليسج روعتني صدق انج خايسه
غاليه: انا !!!
عواش تضحك : لا أنا
تقربت غاليه من نوف , بس نوف صاحت وحظنت امها بخوف حاست غاليه بوزها: حشا تقول جني باكل بنتج هاي الزفته
عواش : شو دراني فيج اليهال يخافون منج .
غاليه تأشر على نفسها: أنا حرااام عليج , وكملت بأحباط: مادري مع اني طيبه ووايد ووايهم يعني الطيب مافيه فايده في هذا الزمان .
عواش أبتسمت : يالله خلينا نسير الصاله , عند خلوف
غاليه تأففف: وانتِ ليش ماتخبريني أنه ولد اختج هنيه
عواش بستغراب: توا ياي , وانزين شو بيستوي أن ماخبرتج .
غاليه: بطيح نصي هاهاهاهاهاهاهاهاها
عواش: لاضحكني ,يالله خلينا نسير .
غاليه : أوكي
سارن غاليه وعواش مع بنتها , الصاله , كان خليفه يالس ويبدل في القنوات , ركضت نوف لحضن خليفه ويلست جدامه ويلس خليفه يبوسها ويحضنها ويلست عواش على يمينه و غاليه عدال عواش . حطت غاليه ريل على ريل ويلست تحركها بتوتر . صدت صوبها عواش وقالت: تراج دورتي راسي من كثر ما تهزين ريلج
أنتبهت غاليه حق عمرها وقالت: أوووه سوري مدام .
عواش: تتمصخرين حضرج.
غاليه: أفا أنا
عواش: انزين شو بلاج متوتره , ليكون من .
قاطعتها غاليه بسرعه وهي ترص عيونها بتهديد: لا فديتج . لامتوتره ولاشي
أطالع خليفه بنص عينه غاليه وأبتسم بمكر, أنقهرت غاليه وخاطرها تعطيه بكس وتوطا في بطنه .
ضحكة عواش وقالت: صدق أنكم تناسبون بعض
أطالعتها غاليه بقهر: سيري لا.
أبتسم خليفه على الخفيف وقال : هزرج
أحمر ويه غاليه , وتفتفت وقالت: تستهبلون أنتوا هااا
وراحت عنهم تفور من الغيض,يلست على الدري الوارني , بوزت ويلست تقول: أووف ليش عواش جي تيلس ترمس , صدق تقهرني , أوووف أفففف , قهر . ياويلي أحس الحراره الي في جسمي كلها يت في ويه أوووه , وحطت يدها على خدودها تبردهن
حست بحد ييلس عدالها وقال: أحم
صدت صوبه وبوزت : أووف أنته شو تبا بعد
تنهد خليفه وطالع جدامه وقال: انتِ ليش تكرهيني .
اطالعته غاليه بصدمه وقالت: أنا ما أكرهك
أطالعها خليفه في عيونها وقال: بس تصرفاتج اكبر دليل .
غاليه ببرأه: والله. ماكنت منتبهه .
ركز في عيونها اكثر وقال: عن الاستهبال
غاليه : ما أستهبل والله , توترت غاليه من نظراته وغطت ويها ,بيدها وقالت: لا اطالعني جي أنته توترني
ضحك خليفه: والله , عيل في أمل .
خوزت يدها عن ويها ولقته يطالع جدامه وقالت: كيف يعني شي أمل , شو تقصد.
صد صوبها وغمز : مالج خص .
ضحكت وضربته على جتفه : اونك بعد تغمز انته ماتستحي عيببببببب
رفع خليفه حاجب ونزل حاجب : لا والله وأنتِ أتحسبني أصغر عيالج تضربني على جتفي , عنبوه أستحي شوي أول شي انا ولد عمج وثاني شي ريال يمكن في يوم من الايام يأخذج .
فجت غاليه عيونها على وسعهن : ها , أنت!!!
خليفه: هي
غاليه: لالالالالا ما أتخيل .
خليفه : أقولج انا تخيلي
غاليه: ما أبا
خليفه: كيفج .
غاليه بوزت: انته ليش تقولي ها الرمسه , يسد يدوه حاشرتني وتهددني , وبتم الا أفكر فيها بعددد
خليفه أبتسم : تبين تعرفين ليش .
غاليه ببرأه:هي
ياصوت من وراهم : هي وبعد .
فزوا , لان عمهم خالد , واقف فوق رواسهم وقال: ماشاء الله الحبايب يالسين يسوالفون
غاليه أحمرت وخليفه توتر, وكأنهم مزخوخين بجرم, قال خليفه: والله ماشي خالد بس كنت أسوالف ويابنت العم شوي
خالد بمسخره: والله .
غاليه قامت : هي شو فيها يعني
تقرب منها خالد: لامافيها شي, بس لو حد غيري شافكم شو بقول عنكم .
غاليه ببرأه: عادي أخو وأخت يرمسون .
خالد : حلوه , والله أنج بقره . سيري يالله .
غاليه تخصرت بضيق : لاوالله تحيد عمرك ثور.
زخها خالد من ذينها وقال: منو عيدي أنا شو يالله
تألمت غاليه : خلاص , الشيخ خلود
خوزها خالد عنه: خلود في عينج .يالله سيري
سارت عنهم وقبل ماتدخل البيت , طلعت لسانها وحطت صبعها تحت عينها , اونها تعيب .
ضحكوا عليها خالد وخليفه , يلس خالد حذال خليفه وأطالعه وحاس بوزه
خالد: صدق أنها بقره
خليفه: حليلها , صدق أنها سوالف .
خالد يهز راسه بأسف: صدق انك ماعندك سالفه , مادري شو تحب في هاي الخبله
خليفه أبتسم: تجنن خبالها يخبلبي.
خالد: ماشي مونه بس ياحسره ماتدريبك شكلها
خليفه بحزن: الا ماعندها خبر .
خالد أطالع خليفه بجد: أنزين أنته ليش ماتخطبها ؟
خليفه أطالع فوق: أخاف ترفضني.
خالد بتفكير: شو دراك أنته أنها بترفضك يمكن ماترفضك
خليفه: أحس أنها تعتبرني شرا أخوها , يعني تضربني بمصخره عادي عندها جني أخوها .
ضحك خالد: حلف , الله يعينك بس. انته بس أدعي أنها تكون من نصيبك .
خليفه: أمييين
شوي فكر خالد: شو رأيك تقولها انك تحبها وتفك عمرك.
خليفه: ماأقدر .
خالد: ليش , جان تباني أخبرها حاضر
خليفه: لاتخبرها , بيي اليوم الي أخبرها فيه .
خالد هز راسه : زين والله .
خالد: يالله عيل , ندخل داخل
خليفه : يالله .
دخلوا خليفه وخالد الصاله , لقوا غاليه منسدحه وحاطه على korea TV وأطالع دراما , تحنن خالد , أطلعته غاليه بأرف وردت أطالع التلفزيون .
يا أيلس خالد عدالها وقال بصوت واطي: عيب قومي يلسي ماتستحين الريال هنيه
غاليه بعبط: أي ريال منو تقصد خلووف!!!
خالد يعيب عليها: خلوووف في عينج قومي
غاليه بصوت عالي: اوووف مايرزاء عليه الا خلوف هذا
يلست غاليه غصبن عنها, وتأففت , لان الخدامه داخله بصحن أم علي , سارت غاليه صوبها وخذت الصحن وحطته على الطاوله , وخذت لها صحن صغير وحطت لها منها , ويلست تاكل.
خالد: أنتِ ماتعرفين الا تاكلين روحج مره ماتعزمين حد
غاليه: نسييييييييييييت.
خالد: انتِ تذكرين شي أصلا
غاليه: عن تاكلني أوووف منك.
خالد يقلدها: أووووف منك ما أقول غير على ويهج
غاليه خذت نفس: اخبرك ليكون انته عديلتي وانا مادري.
خالد يستهبل: والله , حلفي أنتِ بس
خليفه: بسكم ترا رفعتوا ضغطي.
غاليه: والله لاتخبر حد
خليفه عصب: عن الاستهبال.
غاليه: والله محد قالك تدخل عرض
خالد : أووووص صخوا .
خليفه شل الرمونت بيبدل , صرخت غاليه : لا لاتبدل .
خليفه : مادري شو تبين فيهم هذيله , أنا ما أبا أشوفهم
بدل خليفه , قامت غاليه معصب وقالت: أنا اتابع ها الدراما وأبا أشوفها غصبن عنك . وقامت وقفت جدامه ومدت يدها وقالت: عطني احسن لك
أطالعه خليفه بأحتقار: شو رايج تين تضربيني أحسن
غاليه بغياض: والله
خالد : غاليه شو ها التصرفات ؟
غاليه صدت صوبه: أنته ما تشوفه , ابا أطالع الدراما وهو يبدل .
خالد: انزين نحنا مانبا نشوف ها الكوريين .
غاليه: بس أنا أبا أشوف .
خليفه بغياض: أثنين ضد واحد ماشي أمل
غاليه : خليفان عطني الرمونت أحسن لك
خليفه: تخسيييين , وياويهج ريلج خليفان.
غاليه بضيق : يعني بالقوه .
ضحكوا خالد وخليفه وقال خالد: اونه قوه . قوة بن عروه
غاليه: تستهبلون حضركم
خليفه: هي نستهبل يالله قومي عن ويهي
خالد: يالله سمعي الكلام .
غاليه بقهر : والله ما أخوز .
خالد: أحسن لج سمعي الرمسه ولا والله لتندمين.
شوي ويسمعون صوت : شو بلاكم على البنيه
خالد أعتدال: لا ماشي أمايه بس نرمسها
اليده شيخه: عيل شو كنت تخربط عليها وتحولف
خالد يستهبل : كنت أعزم عليها على ام علي .
بققت غاليه عيونها وقالت: جذووووووووووووووووووووووووووب.
خالد يأشر لها ويقول: أوص أوص .
عيبت غاليه على خالد وقالت: يدووه بسيرين معنا المزرعه
اليده شيخه أطالعها بنص عينه : هي عيل شو , شكلج ماتبيني أسير
بققت غاليه عيونها: حشا يدوه وبصوت واطي : حشا , أنا ماقلت جي لو قلت مادري شو بسوي .
ضحك خليفه , بوزة وأطلعته بحقد وتأشر له ياويلك أن قلت شي
زادت ضحكت خليفه وقال: يدوه تعرفين غاليوه شو قالت
غاليه أحمر ويها قهر , وشوي دموعها بيطيحن من القهر .
أبتسمت اليده شيخه بود لخيلفه وقالت: شو قالت هاي العنز
أنفجعت غاليه: حراااااااااااام يدوه الحين انا عنز
اليده شيخه قبضت عصتها : هي عنز , أووووص ولا كلمه ولا بضربج بها .
بوزت غاليه: اوكي وبصوت منخفض وقهر: أوووف كله تهديد.
أطلعها خليفه بأبتسامه وقالت اليده شيخه وهي أطالع خليفه ونظراته : خليفه !!
فز خليفه: هلا يدوه
اليده شيخه وهي تنطر حاجبها: شو توك بتقول
أبتسم خليفه : ماشي بس شكلها غاليه تحبج ووايد يدووه
اليده شيخه بتعجب: صدق فديتها بنتي
وحضنت غاليه, غاليه ضحكت في نفسها , يدوه برئيه بسرعه ينقص عليها
ويت عواش وفي يدها بنتها نوف , ويلسوا يسوالفون
مرت الايام , ويا يوم السيره للمزرعه , الكل متحمس , غاليه في الحجره يالسه أطالع عمرها في المنظره , وتتحرطم : اوووف ماياز الا ها اليوم تطلع ها الحبه أوووف منها .
دخلت الهنوف عليها: ماخلصتي تعديل .
عبست غاليه : اوووف ماتشوفين ها الحبه شقا ناطره , وكملت بقهر : أوووف
الهنوف ضحكت: حليلج.
غاليه عصبت : أوكي اوكي تمصخري عليه . حاست بوزها بقهر: أطلعي برع
الهنوف بوزت : أنزين شوي شوي .طلعت الهنوف
عبست غاليه بحزن وقالت: أوووف ياها الحبه , حطت واقي شمس وتجحلت وحطت قلوس وردي على الاحمر , ولبست جلابيه لونها وردي مع صفوه ورديه بعد عوار راس وتجليب في الثياب , وسحبت شنطت ثيابها وراها وهي ظاهره , وقفت عدال سيارة هزاع بقهر , صرخت : هزاااااااااااااااعوووووووووووووووووووووواه .
محد رد عليها
صرخت مره , ومرتين , وثلاث ماشي رد . مرت خمس دقايق
يلست بقهر , ويلست تتحرطم : ياها الحر أوووف .
سمعت صوت من وراها: صمختينا من ها البغيم
اطالعته من طفر عيونها : محد زغرك أنته
تنفس خليفه بقهر : صدق لسانج يباله قص
أنقهرت غاليه : لا تتكلام حر .
ضحك خليفه : ليكون انفخ عليج وأنا ما أدري .
غاليه : فاااضي .
عصب خليفه : أنتِ أصلا محد يعطيج سالفه .
غاليه اطالعه بقهر: أوكي خلاص عرفنا
هزاع : غاليه شو قلة الادب هاي
غاليه ببراءه : ماقلت شي
هزاع بستهبال : حلفي
غاليه : مش حالفه .
هزاع : يالله قومي حطي شنطتج في السياره وركبي .
ركب هزاع سيارته , وخليفه راح برع , بوزت غاليه وقالت بصوت واطي : أوووف ريايل بلاش .
حطت شنطتها في السياره , وسارت تركب , في الكرسي الجدامي , عدال هزاع , يلست وهي حايسه بوزها بقهر , أطالعها هزاع بنص عينه , وقال: سوي شوي أحترام حق خليفه
غاليه بتردد: أنا ماقليت أدبي عليه , هاي سوالف
هزاع : بس أنا أشوفج زودتيها . أنا سكت عنج ما أبا افشلج جدامه , بس صدق أنتِ وايد مزودتنها وهو دوم أشوفه يسكت عنج , بس أحتراما لنا
غاليه تفكر , صدق زودتها وهو يسكت عنها دووم , دووم تعق الرمسه دوووم تراده وتقل أدبها عليه
غاليه وهي أطالع هزاع : صدقك أنا زودتها , خلاص بعتدل
أبتسم هزاع : زين تسوين .
ضمت غاليه يداها لصدرها وسكتت , رن تلفون هزاع , شاف الرقم , أرتبك وحطه صامت , ضحكت غاليه في سرها وهي أطالعه بنص عينها , وقالت في سرها : صدق مغازلجي أتحراني ما أعرف , وحاست بوزها بأرف .
مرت ربع ساعه ووصلو ا للمزرعه , أول وصلوا قرب المزرعه , شوي وأطلع غاليه راسها من الدريشه وبعدين نص جسمها .
صرخ هزاع عليها : ياالمينونه !!!!!!!!!!!
غاليه وهي تصارخ : خلني أخذ حريتي ووووووااااااااااااااااااااااااااااااااوووووووو.
ضحك هزاع عليها , شوي وتسمع هرن وهزاع يمطها وهو يصارخ : فضحتينا الريايل بيشوفونج .
غاليه بطلت عيونها ودخلت بسرعه , عدلت شيلتها ويلست تقول : كله منك ليش ماتقول أن وصلنا .
ضحك هزاع : مينونه , خليفه كان ورانا وشافج , فضحتينا يالسباله
غاليه بحزن وفشيله : والله. بصييييييييييييييييييييييييييييييييح
هزاع هز راسه بأسف : أصلا هو عافج من كثر مايشوفج بلا شيله .
غاليه بعصبيه : خلاص فكنا , لازم تذكرني يعني .
ضحك هزاع عليها , نزلت غاليه ولاكانها مسويه شي , شافت أبوها يطالعها بقهر , أبتسمت مفتشله , سلمت على عمومتها وصلت عند بو خليفه مطها صوبه وصاصرها وهو يضحك : شكله أبوج معصب من الخاطر عليج خخخخخ الحمدالله انه ماكان ريل عمتج هنيه وريل خالتج ولا فضحتينا .
برطمت غاليه : الحمدالله , عمي دخليك خايفه أبويه يفج نعاله الحين ويعطيني بها على راسي
ضحك بو خليفه : والله انج سوالف ياغاليه , أنا بكلمه ماعليج
لوت غاليه على عمها : فديتك سعود .
أبو خليفه يخوزها عنه : سعود في عينج .قومي قومي عني فضحتني جدام الريايل .
ضحكت غاليه وهي تقوم عنه : زين زين كله ولا الشخصيه هههههه
سلمت غاليه على ريل عمتها وريل خالتها , وراحت صوب الحريم , لقت حرمت عمها خليفه وعمتها صبيحه (( عندها حارب عمره 25 و سلمى20 وصقر 15, وسلوى 22 ومايد 8 )))وخالتها شمسه وبنتها منال ومها وفاطمه وولدها عبدالعزيز في حضنها . وحريم خوانها وأمها ويدتها . وعواش حرمة عمها خالد . وسلمت عليهم
يلست عدال سلمى ومها , أطالعت علياء بنص عينها بعدها متضايقه منها , ابتسمت علياء من نظرات غاليه لها , ألتفت غاليه ببتسامه لمها : أخبارج ؟
أبتسمت مها بود: الحمدالله . أخبارج أنتِ
غاليه: الحمدالله , وانتِ سلمى أخبارج
حاست سلمى بوزها بخقه : يسرج الحال
أبتسمت غاليه بأرف لأسلوب سلمى المأرف , مادري على شو شايفه عمرها .
مها تصاصر غاليه : غلوي تعالى نقوم
غاليه : أوكي
مها غمزت للبنات , شوي ويقومن , وأطلعهن اليده شيخه وتقول: وين سايرات
غاليه: فديتج يدوه سايرات نتمشى .
اليده شيخه : عيل برايكن فديتكن
بس منى وسلوى سارن يتمشن برواحهن , ومنال والهنوف وغاليه ومها وسلمى وعلياء رباعه لقرب الاعمار أمبينهن , يلسن على الرمل , وشوي تي سايره نسيان فتك وقفت عدالهم وتنزل الدريشه أبتسم حارب: أشوف الياعدات يالسات هنيه
غاليه بدت : ياعدات في عينك
أبتسم حارب : ثرا أم لسان طويل هنيه وأنا مادري .
غاليه: لاوالله ما أحيد لساني طويل
ولان الدريشه الي وراها تنفتح . ويظهر راس هزاع : أخبار البنيات .؟
كلهن : الحمدالله
شوي لانه خليفه يالس في الكرسي الي عدال حارب ويقول : أشحالكن
كلهن: الحمدالله بخير شحالك انته؟
أبتسم خليفه وطالع صوب غاليه , طلعت غاليه لسانها له , ضحك خليفه .
هزاع : حرووب يالله روح فكنا منهن .
غاليه عصبت ووقفت : اونه فكنا منهن الي يقول نحنا الحين الي يايات عندكم روحوا يالله .
ضحكوا حارب وخليفه وهزاع , قال حارب : والله انج صدق . وسكت بيا يرفع ضغطها .
غاليه : شو بلاني أنا
ابتسم حارب: عنز بعد شو !!!
هزاع : حارب فكنا , عنبو انته وهي , ما تفكونا من حشرتكم ترا سيف يتريانا
فزت غاليه وقالت : ليش وين هو سيف .
أبتسم بقهر خليفه من شاف فزتها , تكلم هزاع : مقرز .
غاليه بخوف : والله , حليله ولد خالوه , يالله بسرعه سيروله
ضحك حارب : أونج عاد تحاتينه
غاليه أحمرت: ترا ولد خالوه لزم .
هز حارب راسه : اها
بدون مقدمات روحوا , يلست غاليه عدال سلمى , قرصتها سلمى , أطالعتها غاليه مستعجبه , أشرت لها سلمى تتقرب وقالت: شفتي كيف يطالعني .
غاليه: منوه !!!!!
سلمى : خليفه
غاليه مستعجبه :والله , ما أنتبهت .
سلمى : لو شفتي نظراته , وبخقه : شكله معجب فيني
غاليه بقهر: يمكن .
سلمى : صدق , يطالعني بنظرات غير غير
غاليه أنقهرت أكثر وابتسمت بتصنع: أها.

نهاية الجزء الثالث

[ĄŁ3ŊŏΘōĐ]

الجزء الرابع.
أخترب مزاج غاليه من سلمى , سلمى ووايد ترمس ورمستها كله مركات , وخقه , وغاليه ماتهمها ها الاشياء .
يلست متملله , قامت عنهن , أطالعتها مها وقالت: وين سايره
غاليه أبتسمت : شوي بتمشى وبيي
سارت غاليه عنهن , يلست تفكر , وتتمسخر على سلمى كله من تشوف حد طالعها تقول أنه معجب فيها , ماعندها مونه صدق , نفخت بقهر , خليفه معجب في سلمى لالا, أصلا هذيله مره مايناسبون بعض أبدا , وقالت بصوت : هي مايناسبون بعض
حطت يدها على راسها قالت : اصلا أنا شو اباهم ليش ها الاحساس الفضيع
شوي وتسمع سياره يايه وراها , عمها خالد , أبتسمت له وتعلقت في دريشته وقالت: خالد تخليك أبي أسوق
خالد ضحك: حلفي
غاليه شوي وبصيح ((بتمثيل )): تخليك خالد .
خالد : اوكي بس سوقي زين هب أسوين شرا هيج المره .
غاليه: أوكي ولا يهمك
ركبت غاليه وياه (( ترا سيارة خالد قير عادي )), وساروا مكان يعني مستوي , نزل خالد من السياره ونطت غاليه على الكرسي
أبتسم خالد: مره أنتِ مب مصدقه تسوقين
غاليه: هي أموت وأسوق أنا
خالد : يالله حطي ريلج على الكلش وبدلي القير وعطي ريس . سوت غاليه الي قالها اياه خالد , وتخوز ريلها بقوة عن الكلش عصب خالد عليها وقال : يالله مره ثانيه
ومره ثانيه وثالثه ورابعه والمره الخامسه فلحت , والسادسه خربتها
ضربها خالد على جتفها من الضيقه وقال : هااي اخر مره
تمت غاليه تضحك بشكل هستري , وغلطت مره سابعه فول عليها خالد وصرخ : نزلي أحسن لج يالله.
تمت غاليه تضحك , نزل خالد ويا صوبها وبعدها هي مانزلت وتضحك , فج الباب بقوة : نزلي
عطها طرقات على ويها من الضيقه وهي تضحك , نزلت وطاحت تحت من الضحك
أطالعها خالد بعصبيه وقال : خبله . وراح عنها, قامت غاليه وهي تضحك وصرخت : صبر صبر .
ربعت وراه , وهو يسرع عنها , وقف وفجت الباب بسرعه وهي تضحك , أطالعها مقهور : مب بسج ضحك .
خف ضحكها وقالت: ما أقدر
هز خالد رأسه : مادري ليش أنتِ يوم تركبين السياره تيج حاله هسترية , شكلج مينونه
غاليه عصبت : تحيد عمرك يالمينون
خالد يصارخ: لاتركبين أنزين
غاليه : خلاص خلود أسفين .
خالد : خلود في عينج
غاليه: انزين خلاص
ركبت غاليه , وهي قابضة عمرها عن الضحك لان شكل خالد وهو معصب يضحك بالنسبه لها .
وصلوا المزرعه , سارت غاليه صوب الحريم ,ويلست عدال عواش وقالت وهي تضحك : ريلج يضحك .
أطالعتها عواش: شو فيه ريلي فديته , ليش يضحك
غاليه كتمت ضحكتها : يوم يعصب شكله يضحك
عواش ضحكت: ليش عصب عليج
غاليه خبرت عواش السالفه كلها , ضربتها عواش على جتفها وقالت :حليله ريلي عذبتيه
غاليه كشرت عن ضروسها: انتِ وريلج كله تضربوني الحين جتفي غدت خضرا منكم
فكرت غاليه شوي : وين عيل البنات !!!!!!!!!
عواش: سارن داخل , الي بتشرب ماي وعصير والي بسير الحمام .
غاليه: أها . زين.
اليده شيخه: تعالي بنتي فديتج عدالي.
غاليه سارت صوب يدتها : أن شاء الله يدوه
أبتسمت غاليه يوم يدتها ضمتها لها , حست بشعور حلو أنه حد يحبها
وشوي لان , بو خليفه ياي صوبهم وياه , هزاع وحارب وخليفه وحمدان وسيف.
يالسوا عند اليده شيخه , وقامن الحريم الباقيات ودخلن داخل بس تمت غاليه ويدتها.
أنتبهت غاليه حق حمدان وقامت: سمحلي ماشفتك أشحالك
حمدان : يسرج الحال شحالج انتِ(( حمدان من النوع السكوتي وماله حس))
غاليه: الحمدالله بخير وسهاله .
وأطالعت سيف بمستحى : شحالك سيف
أبتسم لها بود وقال: الحمدالله بخير وعافيه , شحالج أنتِ يعلج بخير
طارت غاليه من الفرحه على أبتسامته وردت عليه بعفويه : الحمدالله فديــ . ووقفت عند ها الحروف كانت بترتكب غلطه فضيعه لو كملت
صدق عقلها مب وياه , ولاهي تخبلت علشان تقوله ((((فديتك))))!!!!!!!!!!!!!!!!!!!!!!
حلوه هاي , الحمدالله محد أنتبه لها , وسيف طالعها بتعجب يباها تكمل , بس هي أحمرت ويلست , أطالعها سيف وأبتسم . غاليه , توترت من نظراته وأبتسامته الجذابه , تنفست بعمق وتمت تترتجف بخوف : ليكون عرف قصدي , والله ماكان قصدي أقوله جي
سكتت غاليه وسرحت , سمعت صوت يقول : معقوله غاليه ساكته ؟
ألتفت له بقهر : أنته لزم تتحرش فيني يعني .!!!!!!!
فج حارب حلجه : شووووووووووووووووووووووووه , أتحرش فيج
غاليه بعصبيه : هي هي بعد شو .
حارب: والخيبه شو فيج معصبه .!!!
حاست غاليه بوزها وسارت صوب عمها بو خليفه ويلست عداله , وحطت راسها على جتفه
حارب : ياويلي انا .
غاليه بوزت : أسكت أسكت .
حارب : عنبوه ما أقدر أقول شي
غاليه اطالعت عمها سعيد (( بو خليفه )) : عمي سعود
أبو خليفه : أمري الغاليه
غاليه أبتسمت : ترا حرووب ووايد مزعج لوع بجبدي
أبو خليفه طالع حارب بتمثيل: ليش مزعج بنتي وملوع بجبدها
حارب : أفا خالي أنا !!! انا أزعج بنت الغالي وألووع بجبدها أفا
غاليه: لاتيلس تستخف دمك اوكي
حارب: لو أنا أخوج, مادري شو بسوين بي صالونه مثلااا.
ضحكت غاليه بعبط : صالونة سمج هاهاهاهاها
قال هزاع ببتسامه بايخه: بااايخه يالسخيفه
بوزت غاليه: طالعوا الحين بدا هذا بعد
قامت غاليه: انا بروح عند الحريم أوكيك
سارت لقت عواش , وأمها وام خليفه وعمتها وخالتها في المطبخ يعابلن ومعاهن سلوى ومنى , غاليه سارت صبت لها ماي , وسارت . صوب البنات لقت مها وعلياء يلعبن بلاي ستيشن سيارات, ربعت صوبهن وقالت: يااااااااااالخيانات
علياء: محد قالج تيلسين عند الريايل
مها : نحنا أستحينا نطلع عندهم , انتِ عادي وعيال خلوتج وعمتج وعمج الصراحه شي يقهر
غاليه : يالغيرانه , عنبوه مايسوا عليه حرووب الخسف لوع بجبدي .
علياء: حليله
أطالعتها غاليه بنص عينها : حله حلوووول في بطنه .
علياء: ياويلي بعدج زعلانه .
غاليه تدلع: هي . حبي ريولي برضا
علياء: تخسيييييييييييييييين .
مها : ليش زعلانه ؟
علياء: سالفه طويله أطالعت غاليه: سوري غاليه , ماكان قصدي أقولج شي أو أزعلج كنت معصبه هذاكي اليوم شوي
غاليه أبتسمت: أوكي خلاص مسامحتنج
علياء: والله
غاليه : والله .
مر الوقت يا العصر , كانن علياء ومها وغاليه يالسات وملانات حدهن , زخت غاليه تلفونها , شوي أطالع اللسته ويطلع رقم هزاع , يتها فكره وأتصلت سيده بهزاع
غاليه: هلا بالغالي
هزاع : هلا
غاليه: هزاااااااااااع طلبتك!!!
هزاع بتململ : خير
غاليه: انا ملانه حدي ومها وعلياء ويايه , تخليك ودنا مكان حوطنا
هزاع :اوووووووف
غاليه: هزااااااااااااااع حراااااااام عليك
هزاع: اوكي خلاص فكينا .
غاليه : يالله خمس دقايق .
ضحك هزاع : اونه خمس دقايق , شو انا حرمه علشان اتلبس.
ضحكت غاليه : أوكي بياي
هزاع : هب تتأخرن أقل شي 10 دقايق .
وبند في ويها : يالله قومن تلبسن بنسير
أطالعتها مها بقلق: أخاف أبويه مايطيع؟
غاليه : أتصلي له وسأليه
اتصلت مها ورمست أبوها: بسير مع البنات نتحوط . ويا هزاع أظن . هي أعتفس وياها : أوكي
أطالعتهم بحزن : أقولكم مابطيع أعرفه
أطالعتها غاليه بحزن : والله خاطري تروحين بس شو نسوي .
تلبسن عبايلهن غاليه وعلياء بعد ما استأذنن من أهليهن , ويت وياهن الهنوف وسلمى وأمنه(( أخت غاليه الصغيره )) وفاطمه (( أخت سيف)) عقب صياح خلوها
وشوي ماتوقف, سيارة ليسان 2010 مالت خليفه جدام الباب , بطل هزاع الباب وقال : هب هب انا قلت مها وعلياء ثرا القوم كله بيي
غاليه: أعوذ بالله قول ماشاء الله .
ركبت غاليه في النص وطرف السواق وهو خليفه كانت علياء وطرف هزاع سلمى , والهنوف وركبت ويا البنات الصغار ورا , وشوي لان حارب طالع ويقول : صبروا
فج الباب جهة سلمى وتفاجأ بالزحمه وقال: ماشاء الله وانا وين أيلس
خليفه : سير بسيارك
حارب: لا والله روحي , خل هزاع ايي ويايه
خليفه : خله محله هزاع أنزين شل وياك حد من البنات
حارب: لاما أباهن
خليفه: عيل أنطب
حارب : أوووووووف
عصبت غاليه: والله شو نحنا مب مازرين عيونك
بطل حارب عيونه على وسعهن وقال: لا!!!!!!!!!!!!
غاليه : يالله يالله روح عنا . وضحكت .
راح حارب لسيارته , ركبها بروحه , وراح وراهم , رمست غاليه في الدرب وهي تشوف الدكان ((البقاله)) : خاطري في فتامين سي
أطالعها هزاع : بس فتامين سي
أبتسمت غاليه أبتسامه خبيثه : لا طبعا جبس وحلاوه وأيسكريم .
أبتسم خليفه : وأن ماخطفناج شوي بتسوين ؟
أبتسمت غاليه بمصخره : طبعا بعق عمري من الدريشه
ضحكوا عليها , ووقف خليفه عند الدكان وأطالعهن وأطالع غاليه خصوصا : لاحد ينزل أنزين .
ونزل وياهزاع وشوي يسمعون هرن , صدن البنات ورا , وشافن سيارة حارب الاستيشن وراهن ظهر يده يسوي بياي حقهن .
و نزل وسار صوبهن ودق على الجامه نزلت الهنوف الجامه قال: حد ينزل منكن عندني
رمست غاليه : أونه توك شو تقول .
حارب أبتسم : نسي نسي . بروحه لساني رمس مب انا
غاليه : أن هب نازله , شل الصغار
حارب : لا سلمى تعالي عندي .
سلمى أطالعت البنات تفكر : أوكي بسير .
أبتسمت غاليه وقالت بصوت واطي: أحسن
علياء سمعتها وضحكت , أطالعتها غاليه عن تفضحها . يوا هزاع وخليفه , أطالع هزاع بستغراب : عيل وين سلمى
الهنوف: راحت عند حارب
هزاع : لو ها الحشره تسير وياه أحسن.
ضحكت علياء: لالالالا صدقني بشوف السياره منجلبه من الضاريب .
غاليه عصبت : لاوالله تتمسخرون حضركم , والله لنزل تراني , واطالعت هزاع : قول الا مسويه جو عندكم أصلا .
بوزت غاليه من القهر , يعني مب لها الدرجه هي مسويه لهم أزعاج حراام عليهم
صح لسانها ماتروم تقبضه ,. أبتسم خليفه في المنظره لها , وقال: بالعكس مسويه جو حلو . لاتزعلين غاليه ماعليج منهم غيرانين .
أطالعت المنظره ويت عينها على عينه , تمت تتأمله لدقيق , فجأ حست أنها تلخبطت أحمرت أزرقة أصفرة , بس لانه أبتسم .
تنفست غاليه بعمق تحاول تخفف من سرعه دقات قلبها العنيفه وتقول في نفسها : شو فيني انا حشا مايرزا عليه عيونه بس , تنفست بعمق حلوه عيونه الله يغربال عدوه نزلت غاليه عيونها عن المنظره , وأطلعت صوب الهنوف , حاس هزاع بوزه : بعد !! شو رايك تتغزل فيها
خليفه بطل عيونه وقال: عنبوه مب لها الدرجه .
أبتسم هزاع وقال: أطالعوا كيف تروع خخخخخخ , ياأخي أسوالف محد يسوالف عندكم انتوا الاثنين
خليفه: عاده سوالفك أنته شرا ويهك
هزاع : اونك عاد
خليفه : ما خبرتنا وين تبن أسيرين .؟
علياء: شو رايك الملاهي .
هزاع : ها الي ناقص
غاليه عيبتها الفكره : هي هي نبا
الهنوف تفكر : وهي مب بعيده صح
خليفه : اوكي
هزاع : شوه شو ملاهي أنته وياها ها الي ناقص
خليفه : حليلهن خلنا نحوطهن
هزاع : محد مخربنهن الا انت عاطنهن وايد فيس
غاليه : أول شي خلووف الي يسوق وهو بيودينا انته شو عليك
هزاع : قالت شو عليك منوه اصلا الي موافق انه يطلعكن مب انا .
خليفه : هزاع خلاص خلنا نسير نغير جو من زمان مالعبنا بتصل لحارب الحين
اتصل خليفه لحارب , طبعا حارب يلس يتحرطم شوي وبعدين سكت وبند عنه خليفه
وصلوا الملاهي , طبعا علياء وغاليه ربعان والبنات الصغار وراهن أمنه وفاطمه , تقول مب شايفات خير .
أطالعهن هزاع باسف: هذيله حد يوديهن مكان , تقول مب شايفات خير في ها الدنيا
ضحك خليفه : صدقك يفضحن الواحد
أبتسم هزاع بقهر : أونك توك غمضاتنك
خليفه أطالعه : يعني الواحد مايغير رايه يوم يشوف بلاويهن هع
وردن علياء وغاليه صوب , هزاع وخليفه , هزاع وخليفه صدو الصوب الثاني جنهم مايعرفونهم .
غاليه : هزااع وين ساير
هزاع يتلفت ويقول: خليفه سمعت حد يزقرني
خليفه يبتسم : مادري يمكن تتوهم .
هزاع: أممم يمكن
غاليه قبضت يد هزاع: أقول لاتيلس تستهبل أنته .
هزاع صد لها : قومي قومي عني انا ما أعرفج
ضحك خليفه على شكل غاليه المعصب , حاست غاليه بوزها : عن الاستهبال
وتحنحت : ترا مايبنا فلوس
هزاع : حلفي
غاليه: والله
هزاع بصدمه: شكلنا عيل بنفلس اليوم
ضحكن علياء والهنوف على شكل هزاع .
رمست علياء: وين حارب وسلمى عيل .
خليفه : توني متصل لحارب يقول واصل .
وشوي يسمعون صوت وراهم , يقول : أخيرا لقيتكم
أبتسم خليفه : الحمدالله ماضعت
حارب: شو حرمه قالوا لك أضيع
عصب غاليه : لاوالله الا الحريم يضيعن يعني
أبتسم حارب بغياض : يمكن !!!
غاليه تعيب : ووايد أتضحك أنته .
سلمى : وووي انتوا ماتسكتون من تجابلون لزم ضرابه
أبتسم حارب : غاليه شرا أختي وأحب أضارب وياها , لانه شكلها يضحك يوم تعصب وضحك .
ضحكت غاليه بهبل : هاهاها ووايد أضحك ها !!!!!!!!
حارب بعبط: لاشوي
هزاع : خلصتوا وبعدكم
حارب: لابعدنا شوي ههههههه
هزاع: أوكي خذوا راحتكم نحنا بروح
غاليه: لالالاانا بروح وياكم , حارب يلس بروحك
حارب: افا ماهقيتها منج يابنت الخال .
غاليه ضحكت: تعالى تعالى , مالنا غنى عنك
اطالعت صوب خليفه لقته يطالعها بنظرات معصبه , طنشت , عاده غاليه من شافت الالعاب تخبلت قبضت يد هزاع , على بالها هزاع , بس من شافت الويه , فجتها وركضت صوب هزاع , إبتسم خليفه على خبالها .
أختارت غاليه أخطر لعبه , وحارب وياها والباقين ماطاعوا .
ركبت غاليه , وركب حارب في الكرسي الي عدالها , الكرسي كان منفصل , وكانت اللعبه عباره عن كراسي منعزله , واللعبه أدور بك وتخلي راسك تحت وريولك فوق طول الوقت .
ضحك غاليه واصل عند الي تحت
خليفه: شكلها ينت البنت .
هزاع : أنا مستعجب مع انه هي وهو أكثر أثنين يتأثرون بها الالعاب بس بيموتون ان ما جربوهن
عند غاليه وحارب , حارب يعيب على غاليه ويسوي حركات , وغاليه تضحك وتقول: بس يالخايس , أحس مخي بيطلع من عيوني
ضحك حارب : خخخخخخخخ حشا خخخخ
غاليه تباغم : توبه أركبها مره ثانيه أه اه والله زياغ
حارب بصوت عالي : أسكتي عني أحس راسي داير
غاليه : اوووووووووووووووف اميييييييييييييييييييييييييييييييييييييييييي لحقيني
حارب: يدوووووووووووووووووووووه بموت لحقيني
غاليه تضحك: يدي لحقنيييييييييييييييييييييييي
حارب: أبووووووووووووووووووووووووووووووووووووووويه
غاليه: أممييييييييييييييييييييييييييييييييييييييييييييييي يييييييييييي بموووت
وقفت اللعب نزلوا غاليه وحارب , يترنحون شكل السكاره , يلست غاليه على الدري مال اللعبه قابضه راسها , ويلس حارب عدالها حاط راسه على ريوله
شوي وتتهاوع غاليه : أ ه اه
زاعج حارب: لالالالالالالا , ويلس يتهاوع
ضحكوا عليهم هزاع وخليفه والبنات, زاعجت غاليه: والله محد حاس فينا
هزاع: محد قالكم تركبون اللعبه
خليفه : يالله قوموا نسير .
رن تلفون هزاع, وسار عنهم يرمس
قامت غاليه , وحارب , شوي والا غاليه تقبض بطنها وتتهاوع , كان عند خليفه كيس فيه عصير.
طلع العصير منه وعطاه غاليه , خذته غاليه بسرعه ويلست (( النص محذووف هههههههه))
ومن شافها حارب يلس يتهاوع بس ما تقيء (( علشان ماألوع بجبودكم ))

سارت غاليه الحمام (( الله يكرمكم )) تتغسل , لانها مب طايقه عمرها , خليفه قال حق البنات ييلسن مع حارب مكان وهو سار يا غاليه , وهو يلس يترياها لين تخلص .
طلعت وويها مصفر على الاخر , اطالعها وقال: أخر مره تركبين مثل ها الألعاب
اطالعته غاليه والله ها متفيج تحلم أودرهن وهزت راسها
وساروا رادين صوب الباقين . يوم كانوا يمشون تجدمت غاليه وهي أطالع تلفونها , وشوي لان سيارة الحديقه جدامها , مطها خليفه بسرعه , وضمها صوبه من الخوف .
وقال وهو معصب : لو دعمج الحين وتنفس بعمق وهو يأخرها عنه ويقبض جتفها: انتِ ينتي ليش ماتنتبهين يوم أنتِ تمشين
الموقف بالنسبه لغاليه كان كأنه خيال , بدون ماتحس لقت عمرها جريبه من خليفه الا في صدره , ويوم بعدها عنه وشافت عيونه المعصبه وويه المحمر , دموعها نزلن بدون ماتحس .
نهايه الجزء الرابع .

[ĄŁ3ŊŏΘōĐ]

الجزء الخامس

تمت تشاهق من الصياح , أطلعها خليفه بصدمه وقال: شو فيج
هزها بخوف : غاليه بسم الله عليج شو فيج
خفت غاليه من صياح ويلست تمش دموعها وهي تشاهق واطالعت خليفه بخوف , وبعد تردد قالت: خوفتني .
أطالعها خليفه بستغراب : خوفتج!!!!!!!!!!
غاليه بوزت وهي تمش دموعها بيدها : هي يوم صرخت عليه وانته معصب .
ضحك خليفه: يالحساسه . روعتج وانا معصب
غاليه: هي , أول مره أشوفك جي
تنفس خليفه بعمق: لانج خوفتني , ما أقدر اتخيل أنه مكروه يصبج
غاليه أطالعته بستغراب : ها !!!
أبتسم خليفه بود وطلع كلينكس من مخباه وعطاها أياها وقال: خذي مشي ها الدموع وسمعي , خفت أبتسامته : ما أبا أشوف ها الدموع مره ثانيه
هزت غاليه راسها , تحس عمرها جدامه كانها طفله بتصرفاتها
مشى خليفه ومشت وراه ألتفت لها وقال: تعالي مشي عدالي
تجدمت غاليه صوبه ومشت عداله تمت ساكته وأطالع جدامها , وتفكر : ياحليله خليفه ووايد يهتم فيها ويحاتيها
شافوا من بعيد حارب والبنات , وهزاع يالس وياهم , يوم وصلوا عندهم وقف هزاع وسار صوب غاليه: شو حالج الحين
أطالعته غاليه بهدوء وقالت: زينه
هزاع: زين
يلست غاليه عدال علياء والهنوف , أطالع خليفه غاليه وقال: تبين شي أنا بسير أشتري ماي وعصاير
ما أطا
لعته غاليه وقالت: لا, مشكور
سار خليفه , رفعت غاليه راسها لقت حارب متساند على الشيره ضحكت وقالت: أخبارك حروووب
حارب أطالعها بأرف: الحمدالله عايشين
غاليه : لين الحين ليعه جبدك ؟
حارب: شوي , بس راسي داير أكثر.
شوي وخليفه ياي ووياه قرطاسه , يلس وعط غاليه قرشة ماء , وعصير ليمون , وعطى حارب نفس الشي
اطالعه حارب وقال: متأكد ان عصير الليمون يخوز اللوعه ولا يزيدها
أبتسم خليفه : مادري والله انته أشرب وسكت .
حارب فج عصير الليمون ويلس يشرب منه , أطالع غاليه بغباء : شربيه حلو
أبتسمت غاليه لشكل حارب الغبي : أن شاء الله عمي (( حارب تصرفاته ماتقول واحد عمره 25 , ومن شكله بعد ينشاف واحد عمره 19 سنه حتى اللحيه توها تطلع له , لونه حنطاوي , الي يمزه عيونه الكبار الي تعطيه شكله الطفولي ))
يلست سلمى ترمس خليفه , وخليفه يرد عليها ويبتسم , أطالعتهم غاليه منقهره , هاي ليش ترمسه
قام هزاع وقال : يالله نسير أميه توها متصله ومحتشره , وابتسم : لان تأخرنه ووايد أونه .
قاموا كلهم , وركبوا سيايرهم بس هزاع ركب مع حارب , لان حارب ماله نفس يسوق
ساروا البنات الصغار ويا هزاع , علياء ركبت جدام ووراها الهنوف عند الدريشه وغاليه , صوب الدريشه الثاينه ورا خليفه .
أطالعها خليفه من المنظره , كان شكلها يكسر الخاطر , ويها مصفر ومبوزه بعد
تم هزاع يسرع بسيارة حارب , ضحك خليفه: أونه يبا يسابق
نطت غاليه : يالله عيل سابقه يالله !!!!!!!!!!!!!!!!!
خليفه نطر حاجب ونزل حاجب وقال: أنتِ مب توج تعبانه , شو ها النشاط المفاجئ
حاست غاليه بوزه: أعوذ بالله .
خليفه أبتسم : من الشيطان .
أسرع خليفه , ويلس يسابق هزاع , سبق خليفه هزاع بعدها خفف هزاع السرعه , وصلوا المزرعه , نزلوا البنات وراحن الفله الي في المزرعه , دخلن الصاله عقت غاليه عمرها على الغنفه . يتهن مها , مبتسمه وقالت: أخيراااااااااا يتوا مابغيتوا تون حرااااااااام حسيت بالملل .
أبتسمت الهنوف بفرحه : فاتج السيره صدق كانت طرر
مها بوزت : حلفي , حرااام لاتيلسون تقهروني جي .
غاليه تجلبت على الغنفه بضيج , أطالعتها مها بستغراب : غاليوه شو فيج
علياء بحزن : ركبوا هي وحارب , لعبه ادور بالراس وحالهم لين الحين جي
سلمى: مادري ليش يركبونها يوم هم مايتحملون
نفخت غاليه بضيجه ,.
كتمت مها ضحكتها : والله حليلهم
شوي ويندق الباب , سمعن صوت ريال تغشت مها , كان حارب شكله مصفر أطالع سلمى وقال : سيري سوي أي شي حق اللوعه , جبدي ليعه .
سارت سلمى المطبخ .
وسارت مها ومعها الهنوف وعلياء فوق , وغاليه كانت منكمشه على الكرسي
أطالعها حارب بعيون ناعسه وقال : شو فيج , بعدها اللوعه فيج
قالت غاليه بمرض: أحس عمري بردانه .
قام وسار صوبها وقال: يمكن فيج حمى, تقرب منها, تحركت غاليه وأطالعت صوبه حط يده على راسها بشكل عفوي وخوزها وتم يهز راسه أونه فاهم .
وبعدين يلس عدالها بس تحت وتم يطالعها بعيون ناعسه : أمممم عيونج حمر ووخدودج ورديه وويهج أصفر وشفايفج . سكت وتم يطالعها بشكل غريب وفجأه قال: خضر
نطت غاليه برعب وقالت : احلف
قبض حارب بطنه وتم يضحك من كل قلبه : خخخخخ بقره .
بوزت غاليه وقالت: حقير , خوفتني تعرف صدقتك بعد أووف منك .
ردت انسدحت , اطالعها حارب: أوووف قومي أبا أطيح ,أكبر غنفه منسدحه أنتِ عليها ليش ماشي غيرها يعني
غاليه بضجر : اوووف لاتيلس تخربط عليه قوووووم
راح وطاح على أقرب غنفه , تنهد : أوووفف هاي متى بتي .
وشوي وتدخل أم حارب وتقول: وااااااااااابويه شو فيكم متسدحين .
سارت عند حارب ويلست عند راسه ويلست تمسح شعره : فديتك شو فيك ويهك مصفر .
حارب يدلع: فيني لوووعه
ضحكت غاليه وقالت: يمكن حاااااااااااااااامل ههههههههههههههههههههه مبرووك مقدما هع هع هع هع .
أطالعتها عمتها بضيج وقالت: شو بعد حامل , لاتتمصخرين على ولدي
تأففت غاليه وفي نفسها: مااااااااااالت تقول باكله انا
أبتسمت بتمثيل وقالت: سوري عموه
أطالعها حارب أونه يقهرها , شوي ولان سلمى يايه وفي يدها عصير ليمون صارخ حارب بصدمه: عصير ليمون مره ثانيه .
أطالعته سلمى بغباء: هي بس هل المره حاطه فيه ملح
بطل حارب حلجه : ملح , حلفي انتي بس .
سلمى : والله انا يعيبني جي
حارب بعصيبه: أنا قلت سوي لي مب لج يعني
سلمى بنرفزه: عادي لو ماتباه بشربه أنا
أم حارب: شو ها لاتيلسون تباغمون , اطالعت سلمى : لو سويتي له زعتر او شي ثاني زين مب عصير ليمون وملح
عصبت سلمى , وسوت طاف حقهم وروحت , شوي ويتبطل الباب , اليده شيخه طبعا قالت بصوت عالي: شو بلاكم تصارخون
أم حارب: فديتج امايه ماشي, بس فديته حارب ليعه جبده وبطنه يعوره
اليده شيخه : ليش ماتقومين تسوين له حلول
حارب بغباء: حلول , أستوعب: لالالالا تخليكم أرحموا حالي
قبضت اليده شيخه العصا: ماشي , ماشي يلس محلك الحين بقول للبشكاره تسوي حلول حقك
ضحكت غاليه , أطالعها حارب بقهر , وفجأه ابتسم وقال: يدووه حتى غاليه بطنها يعورها
اليده شيخه : وووووووايه بنيتي شو فيها ؟
غاليه نشت بكسل ومنقهره : مافيني الاعافيه
حارب: خريط بطنها يعورها تبا حلول
اليده شيخه قامت : بسير أطالع البشكاره تسوي لكم حلول
ربعت غاليه صوبها : والله ماتقومين . أنا مافيني شيء بقول حق البشكاره تسوي حق حاروووب حلول . ولا شرايج أنا أسويه وغمزة حق حارب بنتصار
أبتسمت اليده شيخه حق غاليه وقالت: فيج الخير , بنيتي .
قامت غاليه وسارت المطبخ , طبعا اليده شيخه كانت يايبه , حلول وياها مانسته يلست على الكرسي الي في المطبخ , وأمرت على البشكاره انها تسوي حلول حطت راسها على الطاوله بملل. حشا ماصارت هي , لين الحين تحس بلوع ودورت راس , صح اللعبه سوت فيها بلاوي , والسياره زادتها أكثر . الحمدالله تحملت وما تقيأت في السياره (( ماحبيت أكتب الكلمه الي نستخدمها نحنا لانها شوي يعني فهموها أنتوا))
حست بحد يدخل المطبخ , رفعت راسها مع خصله من شعرها طايحه على ويها , أنصدم خليفه بشكلها الطفولي الجميل , بس عوره قلبه على ويها المتعب .
دخلت غاليه خصلة شعرها برتجاف , ورفعت راسها ببتسامه متعبه , تقرب خليفه ويلس على الكرسي المجابل , وقال بهدوء: شو حالج الحين
أبتسمت غاليه: الحمدالله
شم خليفه ريحت حلول وقال: حلول حق منوه
ضحكت غاليه وقالت: حق حروووب
خليفه أبتسم وقال: ليكون يدوه
غاليه كتمت ضحكتها وقالت: بعد منوه يعني ههههههه
أطالع خليفه غاليه بجد وقال: غاليه!!
غاليه أطالعته بستغراب وقالت: هاا!!
خليفه بتوتر: أحم غاليه , أنا أشوفج ووايد ياحارب, يعني سوالف وضحك ومصخره , وماخذه وووايد راحتج وياه سكت شوي وقال : ترا هو مب اخوج يعني عادي ياخذج الله لاقدر يعني , ويمكن بحركاتج وتصرفاتج هذي تعلقينه فيج
غاليه فاجه حلجها على وسعه بستغراب توها تستوعب شو يقول لها قالت له: ترا أنته بعد نفس الشي
خليفه أطالعها بتردد: ترا انا غير
غاليه بستغراب أكثر: كيف يعني غير , لاوالله ترا انته بعد ولد عمي
خليفه : أنزين , وقال بضيقه: بس انا ما أباج تسوالفين وياه جي أباج بس ويايه
حست غاليه دقات قلبها بيطلعن هذا شو يقول , تخبل , ضحكت بغباء : ليكون يغاااااااااااار .
خليفه عصب : شو فيج الحين تضحكين
غاليه بعفويه: بس فكرت بفكره غبيه جدا , أطالعته وهي تضحك : ليكون تغااار!!!!!
قالها خليفه بستغراب: أغاااااااااار !!!
غاليه بغباء: لاوالله عيل ليش تباني أسوالف وياك أنته يعني بس وماتباني اسوالف مع حارب
قام خليفه وقال : بس جي اوكي خلاص طبي السالفه أنا بروح
وراح خليفه , غاليه ضحكت , فكرت أنه يغار بروحها تضحك مووت , شو يغار بعد ها متفيج ماعنده مونه .
فجا غاليه حست بنشاط , خخخخخ خليفه طير التعب عنها , وخلها نشيطه , راحت صوب الخدامه , لقتها خلصت الحلول صبت في كوب حق حارب وسارت الصاله لقت خليفه يالس وياهم , سوت طاف حقه , وسارت صوب حارب وعطته االحلول أطالعها حارب بقهر .
يترجا حارب يدته : يدووه خلاص مافيني شي الحين

اليده شيخه: شربه , شربه , يمكن يرد العوار بعدين لك
شربه حارب مجبور , وغاليه كاتمه ضحكتها خلاص تحس عمرها ماتقدر . حاست أم حارب بوزها بدون ماتقول شي, وأطالع غاليه بنظرات قهر .
سوى حارب عمره انه يشربه ويوم قامت عنهم اليده شيخه , وأم حارب وياها , قام يربع وجبه في البلوعه , أطالع غاليه بحقد
رمس خليفه وقال : شو تسوي
خليفه بدون مايطالعه : اللعب psp.
سار عنده حارب ويلس يطالع
أطالعتهم غاليه بقهر وتقربت منهم , أطالع شو يلعب خليفه , شوي وتيلس عدال خليفه وتندمج وياهم , كان خليفه يلعب سباق سيارات .
وطلع خليفه الثاني صرخت غاليه: أففففف شو ها كنت بتطلع الاول لولا هذا
أطالعوها حارب وخليفه بستغراب , هاي من وين يت , محد حس بها (( مندمجين الربع كانوا )).
أخرت غاليه عنهم بمستحى , قام حارب وسار عند الشباب وخليفه يالس محله مندمج في اللعب
قالت غاليه : أفففف شو ها الملل
أطالعها خليفه وقال : تعالى , أذا تبين تلعبين
تقربت منه غاليه وقالت ببتسامه : والله
أبتسم خليفه: هي
عطاها خليفه ال psp, ويلست تلعب , وخليفه يلس يطالع تلفونه وعق السفره عن راسه , شوي وغاليه تقول : خليفه أمممم مادري شو سويت
تقربت من خليفه وعطته الpsp قربت راسها تبا اطالع شو يسوي وتصقع في راسه , صرخت : والله سوري ويلست من الغباء تمسح راسه (( نست عمرها الحبيبه ))
أطالعها خليفه بصدمه وقال: قومي عني الحين , عن يدخل حد ويشوفج جي أسوين , ويفسر على كيفه
بوزت غاليه وقامت وهي تقول في نفسها : صدق غيبه , أنا شو أسوي .
قامت أطالعها بنظرات مستغربه أبتسمت وقالت : أمممم برووح عند البنات .
سارت صوب البنات ’ لقتهن حطات mbc max ويطالعن فلم , وقفت جدامهن وقالت : يالله المغرب الصلاه
منى : وأنتِ لزم توقفين جدامنا يعني
غاليه سارت صوب منى ومطت خدودها : ياحبي لج
منى تخوز غاليه: قومي قومي عني
غاليه تغايضها : نو وي
منى تضحك من تقرقيط غاليه لها: غاليوه قومي ترا والله لخبر عليج
غاليه تقاطعها ببتسامه خبيثه :منوه ها سلطوونوه
أحمرت منى : قومي قومي سلطونوه في عينج أسمه وبنبره رقيقه: سلطان
ضحكت غاليه : ياااااويل حالي أنا على سلطان .
منى : جب جب
ضحكت سلوى وقالت: حليلها منووه تستحي (( سلوى بعكس سلمى رقيقه وطيبه ))
ضحكوا البنات على شكل منى المحمر , وسارن يصلن في حجرهن,(( ا الفله عباره عن طابقين, الطابق العلوي كان عباره عن ثلاث أقسام قسم الي في جهة الغرب كان يتكون من ثلاث غرف وحمام واحد وصاله كانن مها و وغاليه وعلياء في غرفه , ومنى وسلوى وسلمى في غرفه وفي الغرفه الكبيره منال والهنوف والبنات الصغار , وفي قسم ثاني كبير في جهة الغرب هو حق الشباب وبابه برع وله دري يطلعك برع والي في النص كان حق الحريم وعيالهن , وتحت حق الشواب وحريمهم هههه بس ريايل صبيحه(( أم حارب )) والموز (( أم سيف ))مابباتون عندهم )))
يلسن يسوالفن بعد صلاة المغرب , نزلن البنات بس بقن الهنوف وعلياء ومها وغاليه وسلمى يلسن مها و الهنوف وسلمى , ونزلت غاليه وعلياء تحت , لقن أم سالم وأم خليفه وأم حارب وأم سيف وعواش وبنتها نوف يالسات يسوالفن .
رمست أم حارب بتنقيز : ليش يالسات فوق مانزلت اطالعن شو نبا أو يمكن نبا مساعده مره ماتنشدن
أنقهرت غاليه ,عمتها من تشوفها لزم تقول ها الرمسه بس علشان تفشلها أونه , ماقلت لبنتها الشيخه الي يالسه فوق جي عيل
اطالعت غاليه عمتها بنص عينها : سمحيلنا عموه , بس يلسنا نسوالف وخذنا الوقت لادرينا به , وها نحنا هنيه جان تبين شي حاضرين
أبتسمت أم سيف: سلامتكن بنياتي , فديتكن أستريحن
أبتسمت غاليه بود لخالتها : فديتج خالوه , عيل وين يدوه
أم سيف ببتسامه : عند الشواب برع
غاليه سارت يلست عدال عواش وأم خليفه وعلياء عدال أمها يلست , وقبضت نوف وتمت تلوعوزها , صاحت نوف بوزت غاليه: نوافي ليش جي
نوف تصيح وتقول : ما أاريد
غاليه عطت عواش بنتيها وقالت: أفففففف شلي ها الحشره
ضحكت عواش : محد غيرج الحشره
نقزت نوف صوب خالتها أم خليفه وحضنتها ضحكت غاليه: قولي أنج تبين خالتوج يالهرمه .
أم خليفه أطالع غاليه اونها متضيقه: لاتقولين لها الهرمه لو أنتِ مب غاليه على بوخليفه جان ضربتج
غاليه طلعت لسانها : بتضربني .
أم خليفه أطالع غاليه : يا ها اللسان أن ماقصيته وضحكت : والله أنج نكته ياغاليه
غاليه: حرااام عليج عموه أنا نكته ترا بزعل .
أم خليفه ضحكت : كله لا زعلج أنتِ عاده
يلسوا يسولفون وكل ساعه , أم حارب تحط على غاليه رمسه وأي شي أتسوي حطت عليها , غاليه أنقهرت من تصرفات عمتها صدق, شوي وتقوم أم سالم وتزقر غاليه وياها وسارن المطبخ , صكت أم سالم باب المطبخ وقالت: غاليه, انتِ تعرفين أسلوب عمتج
هزت غاليه راسه: هي اعرف مادري شو بلاها حاطه عليه جي
ضحكت أم سالم وقالت: عمتج من يومها جي , مادري ماتحب حد ياخذ الاهتمام عنها .
غاليه بطت عيونها: تغار عموه مني
أم سالم: يمكن , بس الي أبا أقولج أياه حاولي أنج ماتغلطين عليها وما ترمسين وووايد وترادينها أزين قبضي عمرج
غاليه : بس أمي أنتِ تعرفين لساني ماأروم أقبضه
أم سالم بضيقه: قبضيه أحسن ولا بقطعه
غاليه بتمثيل: ليش جي يعني كلكم تبون تقصونه .
ضحكت ام سالم على بنتها الخبله , غاليه يلست تنبش في المطبخ أطالعت أمها الي تسوي جاي لها وقالت: ماماتي وين الكابشينوا
أم سالم: مادري
غاليه : أنتِ مايبتي
أم سالم: أمبلا بس مادري وين حطنه الخدامات
غاليه لقت علبة كوفي بنكهة الكاكو وقالت: أميه هذي عبلة قهوه بالكاكو مالتج
أم سالم : لا
أبتسمت غاليه وقالت: خخخخ محد بيدربي بشربه هع
أم سالم : يمكن مالت وحده من حريم خوانج.
غاليه: يمكن
سارت وثورت لها ماي حار وحطت لها في كوب عود كيسين من القهوه وصبت الماي الحار عليه وتم تشرب وقالت: امي حلو
أبتسمت أم غاليه وهي راده عند الحريم : زين
شربت غاليه كوبها كله , الصراحه عيبها ووايد سارت وحطت بعدها كيسين وصبت ماي حار عليه وسارت الصاله صوب الحرمات
يلسوا لين الساعه عشر , وبعدين ساروا يرقدون , سارن البنات يطالعن فلم هندي على الديفيدي في صالتهن .
سارت غاليه تاخذ لها شور , طلعت ولبست بجامه بنيه كانت الساعه وحده , يلست معاهن تتابع الفلم , بس حست حلجها يعورها , ((مشحط )) قالت :حلجي يعورني مادري شو فيه
علياء: مادري انا ماعندي دوا الحلج
ضحكت غاليه: يوم مب عندج أنطبي
علياء : أوووف منج
غاليه: أبا أسير أشرب ماي بس مب ناقصه أبدل بعدني
مها : عادي طلعي محد تحت الا عمومج
غاليه : أوكي , على ظمانتكن انزين
منى : يعني منو بيكون هناك الشباب ماظن يسيرون هناك ها الوقت
غاليه : اوكي .
طلعت غاليه سايره المطبخ , شعر غاليه مب طويل حده بس لين نص ظهرها لانها دوم تقصه ومموج , كانت لفتنه بشباصه بنيه صغيره ومنزله خصل منه وقصتها على ويها بشكل غير مرتب . سارت المطبخ صبت لها ماي بارد , وشربته على مهل
يلست على الكرسي ماخذه راحتها الاخت , وشوي تسمع أصوات يايه , كانت أصوات خشنه , تروعت : أمي بدون شيله وقميص البجامه نص كم ياويل حالي
تمت أدور محلها ماتعرف شو تسوي , ماتعرف وين تندس
فجت وحده من سدات المطبخ , لقت أن مافيها شي , دخلت داخلها بسرعه , وصكتها . سمعت أصواتهم داخل المطبخ
يلس حارب على الكرسي وقال: أففففففففف والله أني ميت يوع
خليفه : انته مب بطن عليكم
حارب : هب هب هباك الله قول ماشاء الله
ضحك سيف وقال: هذا مهما ياكل مايمتن , تقول عود كهرباء
حارب بخقه: فديتني غرشوب
هزاع : مالت عليك جانك أنته غرشوب
حارب: ليش غيران يالطرنبه
ضحكت غاليه في نفسها , صدق حارب ماأيوز عن طبعه
هزاع بمصخره : انا طرنبه , أنا جسمي البنات يموتن عليه
حارب: وع أمحق جسم
هزاع : غيران انته أصلا
خليفه يلس على الكرسي الي عدال حارب وقال : شو بسوون حقنا أكل
هزاع : والله أنا ما أعرف أطبخ
حارب: يووو كنت اتحراك خدامتنا
هزاع: حارب احسن لك أنطب , والله أنك فايج
حارب أطالع سيف بجد: أقول سيف شو بسوي لنا
سيف بستهبال : ليكون خدامتكم و أنا مادري
حارب بمسخره : والله حلف بس انته
خليفه: أنا أعرف أسوي بيض مطبوخ بس
سيف : وانا أعرف أسوي بيض مقالي
حارب : أممممم وأنا محد علمني أسوي شي هاهاهاههاها
هزاع: بايخه لاتعيدها مره ثانيه
حارب : والله لو نزقر غاليووه تسوي لنا شي أحسن
خليفه: يمكن راقده
هزاع: عنبوه ماتسمع صوت التلفزيون طار الدنيا ها السواحر مايرقدن الحين
سيف: أنزين اتصل لها
.
غاليه , أرتبكت ماعرفت شو اسوي تلفونها في ايدنها , أرتجفت لو رن الحين خلاص بتنتهي حياتها , قبضته بسرعه وهزاع يضغط على الرقم , وحطته صامت ولان هزاع متصل سيده , تم قلبها يدق بشكل عنيف , ماردت عليه أتصل مره ثانيه ماشي رد
اطالعهم وقال : ماترد !!!
خليفه: عيل ندبر عمرنا
سمعت غاليه حشرتهم , وتغسيل وتشغيل الغاز وفتح الثلاجه .
شوي وتسمع غاليه خطوات يايه صوبها وشوي تتبطل السده الي هي فيـــــــــــها .

نهاية الجزء الخامس

[ĄŁ3ŊŏΘōĐ]

الجزء السادس
غمضت عيونها برعب , وانفتحت السده بشوي شوي . وأتسكرت بسرعه
نزل خليفه , وهو يضحك على حارب الي مايعرف حتى يقلي بيضه وفتح السده الي كانت على الطرف , أنصدم بالي جدامه , وتم عشر ثواني يستوعب الي كانت يالسه وضامه ريولها لصدرها ومغمضه عيونها , سكر السده بسرعه , واتساند عليها وهو يفكر : هذي شو يابها هنيه ؟
وضحك بعدم أستواعب : ينت هاي
أطالعه حارب بهبل: شو تسوي هناك شو في السده
قام خليفه بتوتر ومنقهر من حارب المتدخل دووم: ماشي ,مالقيت شي
أطالعه حارب : اها زين .
أشوي ويلسوا على طاولة المطبخ ياكلون , وخليفه يفكر بتوتر : شو ها بتختنق هاي لو تمت هناك اكثر
بعد خمس دقايق خلصوا أكل , ظهروا بس خليفه أستأذن منهم بسير الحمام (( الله يعزكم )) . سوا عمره ساير الحمام ويوم شافهم أختفوا , سار صوب المطبخ , وفج السده , بس ها المره لقها فاجه عيونها برعب أطالعه
حست غاليه انها بتختنق من الحر , خلاص تحس انها تعرق وتنشف من الخوف , هل الي فج السده شافها او لا ماتدري لانها غمضت عيونها
سمعت أصواتهم تطلع لبرع المطبخ , يلست تصبر عمرها : خمس دقايق بس صبري غاليووه
ماسمعت اصواتهم , بس فجأه السده أنفجت , فتحت عيونها على وسعهن وحطت يدها على فمها من الخوف , قالت بصدمه : خليفه!!!!
أطالعها خليفه وقال: أنتِ شو تسوين هنيه ؟
غاليه بوزت وشوي بتصيح : كنت في المطبخ أشرب ماي , وفجأه سمعت أصواتكم ماعرفت شو اسوي ودخلت داخل هاي السده
تنفس خليفه وقال: أنزين , يمكن الحين حد يرد ويشوفج , شو بسوين يعني
أطالعته غاليه بحزن وهي تمش ويها العرقان , فصخ خليفه سفرته وعطاها أياها خذتها غاليه بمستحى ولفتها على شعرها ويدها , خاز عنها خليفه علشان تطلع من السده .
طلعت غاليه وهي مستحيه , تحس عمرها غلط كان بنطلون البجامه راص عليها تقول سكيني زين انه القميص شوي طويل , بوزت أكثر وهي تشوفه يتأملها بدون مستحى
شافت الضيقه باينه على ويه وقال: شو ها اللبس
أرتجفت وقالت: لاتسألني تخليك أففف
خليفه بقهر : يعني ها لبس حد يطلع به في بيت فيه شباب
غاليه: والله أنا شو دراني أنكم بتون هنيه يعني
خليفه : أوكي خلاص , يالله سيري
غاليه بخوف: انا خايفه حد يكون برع , أول شي طالع الدرب
حاس خليفه بوزه , وسار يطالع ,ورد : سيري محد . ربعت غاليه صوب قسمهم فوق , وصلت فوق, ولقت حارب في ويها سيده عند القسم النصفاني.
رص عيونه وطالعها بستغراب : أنتِ شو تسوين هنيه جي
فرت على ويها سفرة خليفه , ووربعت و دخلت القسم وصكت الباب بسرعه , تمت تتنفس بقوة , أطالعنها البنات بستغراب وقالن : شو فيج ؟
أبتسمت غاليه بتوتر : ماشي بس ربعت خفت حد يطلع ويشوفني
ويلست وياهن بتوتر , ولا ركزت على الفلم أصلا , كله تفكيرها بالمصيبه الي يت على راسه , خليفه شافها , بشكل حتى خوانها ما شد شافوها به , صح أنها غلطت وطلعت بدون شيله وببجامه ضيقه بعد , بس والله نظراته بعد هو خايسه , يعني مايستحي يطالعها جي , أبتسمت الا عافني من كثر مايشوفني ببجامه وبدون شيله بعد أففففففففف شو ها الحاله , وحارب بعد ياويل حالي يالفضيحه الحين بشوف سفرت خليفه وبفسر السالفه على كيفه
حست غاليه عمرها ضايقه , قامت وسارت الحجره , وطاحت على شبريتها , ويلست تفكر وتفكر لين ياها النعاس ونامت
أربع ونص الفير
فجأه ينفتح الباب بكل دفاشه وتحدر وتقول: بنياتي يالله قومن الصلاه
تمتحت مها برقه وقامت , وبعدها علياء , أما غاليه ففي سابع نومها(( رقادها ثجيل هع))
سارت اليده شيخه صوب غاليه وفجت اللحاف عنها , وتمت تضربها بالعصا وتقول : قومي لابركتن فيج حق الصلاه
غاليه ماتقدر تفج عيونها من النعاس , شافت اليده شيخه عدالها غرشت ماي فيها شوي فجتها , وعلى ويه غاليه سيده
نشت غاليه مرعوبه , وأطالعت الشبح الي واقف فوق راسها وصرخت صرخه قويه , يتها ضرب قويه على راسها بالعصا
يلست تمسح راسها بألم وسمعت صوت اليده شيخه: شعنا تصارخين من الفير عنبوه ماتستحين
غاليه بقهر وبصوت واطي: أفففف حد يوعي جي تقول فلم رعب .
شوي ام سالم تي ووياها أم سيف
أم سيف : خير أن شاء الله شو مستوي ؟
غاليه بصوت واطي: يدوه سوتلي فلم رعب تضربني بالعصا وتصب ماي على ويهي وانا راقده
اليده شيخه: ها البنت ماتنش شرا خواتها أتصلي راقده لين الحين
أم سالم : فديتج امايه خلاص نشت غاليوه
اليده شيخه بتهديد بغاليه: ان رقدتي بيج بها العصا . وتراويها عصاتها
قامت غاليه منقهره (( من تهديدات يدتها)) .
سارت غاليه الحمام (( الله يكرمكم)) وتيددت , وصلت الفير , وسارت طاحت على شبريتها ورقدت سيده
الساعه 12 الظهر
نشت غاليه كسلانه , سارت خذت لها شور , ولبست جلابيه بنفسجيه مع شيله بنفسجيه وفضيه , حطت ايلنر فوق عيونها وجحال وشويت بودره على الخفيف
طلعت برع القسم , تلفتت , ماكان حد في البيت , بوزت وقالت: وينهم؟
تنهدت برتياح وهي تمشي واصله عند الدري وقالت: ان شاء الله ماأحصل حد من ها السبلان برع
شوي وتنزخر يدها بقوة , حست أنها بطيح خلاص , قبضاها الي مسكها ويرها صوبه , طاحت على يده الثانيه بشكل درامي .
غمضت غاليه عيونها برعب , كانت خلاص مقتنعه انها بطيح .
فتحت عيونها شافت حارب في ويها , يطالعها بتعجب أو بنظرات ماعرفت تفسرها
تموا بها الموقف دقايق , فجأه خوز حارب يده وطاحت غاليه على الارض.
صرخت غاليه بألم وقالت: خااايس ليش خوزت يدك
حارب ببلاها : يدي عورتني
غاليه بقهر: اففففففففففففف منك , ويلست تمش راسها بألم : راسي يعورني ايييي
ضحك حارب وقال: لو حد شافنا بيقول هذيله يالسين يرقصون وتم يضحك وكمل: شفتي كيف حطتي على يدي تقول يالسين نمثل مسلسل كوري , وضحك
غاليه نشت بقهر وهي تعدل شيلتها : هي والله متفيج انته , والله أنك روعتني
أطالعها حارب بنظرات غريبه وقال: أمممم أبا أسألج عن شي
غاليه أطالعته برتباك عارفه قصده : خير اخ حاارب
حارب: شو كنتِ أتسوين البارحه تحت
غاليه أحمرت : ماشي بس بس أشرب ماااي
حارب بجديه : لاصدق , وشو ياب سفرة خليفه عندج
غاليه بعصبيه: حارب تخيل ولديك , لاتسأل
حارب: عيل السالفه فيها ان يعني
غاليه بقهر : لاوالله وتقلده بستهبال : عيل السالفه فيها أن يعني تنفست وأطالعته : لاتيلس تفسر عكيفك أوكيه .
غاليه ماعرفت شو تقول أو كيف أدور جذبه , لانها تحس انه حارب بيكشفها وسفرة خليفه امييين يت هاي مصيبه ثانيه
غاليه : حاارب ما ابا أجذب عليك بس تخيلك طب السالفه
أطالعها حارب بقهر وراح , أنقهرت غاليه من نظرات حارب لها , أكيد بفسر السالفه عكيفه .
نزلت غاليه تحت , مالقت حد , ظهرت برع , الدنيا مغيمه وخرسانه مطر وكان نفاف يطيح
شافت الاولاد الصغار يلعبون فوق العرقوب , (( كانوا عمر ومايد(( أخو حارب )) وراشد (( أخو خليفه )) وعبدالعزيز(( أخو سيف)) ومايد (( أخو خليفه)) ""ملاحظه""(( أنا بحط مايد أخو خليفه بأسم (( مايد سعيد)) وأخو حارب (( مايد )) بس )). وكان وصقر في الجهه الثانيه يرمس تلفون
سارت صوبهم , وقالت: الشباب شو يسون
أطالعها عمر وهو يبتسم:نتزحلق
غاليه سارت صوبه : عطني عطني الزحليقه
مايد سعيد: لا , انا الحين دوري
غاليه : ميود خلني انا بعدين أنته
أطالعها مايد سعيد بحزن وقال بتردد: أنزين
غاليه عورها قلبها عليه , كانت ملامحه تشبه خليفه بشكل كبير, حركات الويه , الاسلوب , النظرات
غاليه أطالعته ببتسامه : أنته الحين لعب دورك وأنا عقبك
فرح مايد سعيد وسار ركب على الزحلاقه وتزحلق , وبعده غاليه , ركبت
شعور حلو , الهوء بارد ثلج , فجأ وتنجلب , الاولاد نقعوا ضحك , عصبت غاليه : جب لاتضحكون .
أطالعت فوق لان واحد عندهم , ويضحك وياهم بعد . سارت صوبهم وهي شاله الزحلاقه وياها .
كان سيف يالس وياهم ويضحك , أستحت غاليه , ليكون شافها وهي منجلبه يالفضيحه .
يوم وصلت أبتسمت وقالت: السلام عليكم
رد سيف عليها : وعليج السلام شحالج
غاليه : الحمدالله , أخبارك أنته
أطالعها سيف وضحك : يسرج الحال
بوزت غاليه وقالت: ليش تضحك
سيف : شكلج يضحك يوم أنجلبتي
أنقهرت غاليه منه وقالت وهي تحط يدها على خوصرها : لا والله
شل عمر الزحلاقه وسار يتزحلق , وانجلب عمر بعد , وتموا يضحكون عليه , وهو محمر من الغيض .
غاليه كانت واقفه , وسيف يالس على التراب , وهي أطالع الأولاد وتضحك خاطرها تلعب مره ثانيه بس تستحي جدام سيف .
وشوي تسمع صوت دراجه واصله عندهم وصاحبها مبين , كان لبس جنز أزرق , وقميص أحمر كت مع طاقيه
ولابس نظرات , غاليه بستعجاب : منو هذا ياي صوبنا أشوفه
سيف: هذا خليفه
غاليه بصدمه : حلف
سيف رفع حاجبه : عيل أجذب عليج الحين .
وقف خليفه عدالهم , وفج النظرات ببتسامه : مرحبا
سيف وغاليه : مرحبتين
ضحك سيف وقال: وين سرت
خليفه: الا هنيه ماسرت بعيد
وتموا خليفه وسيف يرمسون , أنقهرت غاليه , تحس عمرها مسوين لها أكبر طاف ولاجنها موجوده , ماتدري تحس عمرها مستحيه متردده , أدش عرض في السالفه شكل كل مره بس بوجود سيف تشوف عمرها ماتقدر ترمس ووايد , أو أظهر تصرفاتها المعهوده
أسـتأذن خليفه وراح , أنقهرت غاليه حتى انه ماسألها عن حالها أو يعني طالع صوبها , حست بضيق منه , بقهر بحزن بألم لانه ما أهتم فيها شكل كل مره .
وراح سيف بعده , يلست تتأمل الأولاد يلعبون , وهي سرحانه , سمعت صوت وراها .
بند الدراجه , وأطلعها وهو يبتسم , أطالعته برعب وقالت: بسم الله
بوزت وقالت: روعتني
زادت إبتسامت خليفه وقال: صدق
هزت راسها بطفوله
أطالعته وهو ينزل من الدراجه , برشاقه , ويمشي صوبها وييلس عدالها ويفصخ النظاره , ويحيس شفايفه بجاذبيه
فجت حلجها لشكله الجذاب , صدق وسيم , لدرجه فضيييعه بعد
يلست تفكر : ياااي حتى اللبس راكب عليه شو ها الانسان يعذب .
ويلست تسرق النظر , أبتسم واطالعها وقال: شكلي عايبنج
أحمرت وحرارتها أرتفعت وأطالعت الجهه الثانيه : منو قال انت تتوهم
ضحك عليها وقال: عيل ليش أحمرتي وأطالعتي الجهه الثانيه .
غاليه نفخت بتوتر وشوي حاست راسها صوبه وقالت: امممم بس جذيه , وأنا ماحمريت أنته تتوهم
أطالعها في عيونها وقال: وايد تقولينها تراج ويقلدها : أنته تتوهم , أبتسم : شكلج متوتره مني هااا؟
غاليه زاد توترها : منو قال أنه أتوتر منك أنته
خليفه ببتسامه :عيونج .
غاليه بستغراب مصطنع: عيوني !!!!!!!
أبتسم خليفه وسكت , شوي ويقوم , قامت غاليه وياه وتمت أطالعه , خطرت في بالها فكره وقالت: خليفه بليزز
أطالعها بستغراب : خير !!
غاليه : أبا اركب الدراجه
أبتسم خليفه وقال: لا !!
غاليه شوي وبصيح : ليششششششششششششش
هز خليفه راسه : لا أخاف تنجلبين ولاتعلق كندورج في الدراجه
غاليه بسرعه : لاعادي بتحسر لبسه بنطلون , وشلحت عن ريولها كانت لبسه بنلطون بنفسجي , ضحك خليفه عليها , وعلى برائتها الزايده .
قال خليفه : ماشاء الله بعد مطقمه !!!
غاليه ببتسامه: هي شو اتحراني عيل
خليفه يلس يفكر شوي , يرفع ضغط غاليه
بوزت غاليه: ها شو مابتركبني
خليفه: بتركبين ورايه
غاليه فجت عيونها: شوو!!! كيف
خليف ضحك: خخخ تروعتي , عادي شو فيها
غاليه : شو تبا هزاع يقلصني بالسياره
ضحك خليفه: ههههههههه مايسويها دامني موجود
غاليه تضحك: أونك عاد
غاليه بتفكير : لو لبسه بنلطون وقميص خير عن ها الكندوره باخذ راحتي
أطالعها خليفه بخبث : شرا البارحه الفليل
غاليه نزلت راسها بمستحى وأحمرت : لا !!
ضحك خليفه وقال: يالله ركبي . ركبت غاليه , وقال: تعرفين تسوقين
أبتسمت غاليه: هي
وشغلتها وعطت ريس وراحت , ويلست تضحك وهي تسوق(( ردت لها الحاله))
ودارت بها كم دوره , وشافت خليفه يلوح لها ,ويقول لها بالاشاره تعالي
يت صوبه وقالت : شوي بعد
خليفه: بس يالله , عن يشوفونج الشواب
غاليه بحزن : أنزين .
ركب خليفه الدراجه , وسار عنها, سارت مشي لين البيت , أطالعت ساعتها كانت توها وحده , صلاة الظهر فاتت , دخلت المصلى وتيددت وصلت الظهر
ظهرت الصاله لقت امها ويدتها وعمتها , وخالتها وحريم عمومتها والبنات
سارت صوبهم وحبت يدتها وبعدين امها والباقي , يوم وصلت عند مها سوت لها طاف وضحكت على ويه مها المفتشل والمتضايق .
غاليه: هاهاها صدقتي أسوالف وياج, وحبتها على خدودها
مها ضربتها على جتفها : صدق قهرتني
يلست غاليه عدال مها وسلوى . وشوي حطوا الغداء وتغدو , خلصواا الغداء سارن الحريم , الصاله الفوقيه , واليده شيخه سارت تقيل , أما عواش فسارت ترقد بنتها نوف , والبنات يطالعن تلفزيون
الهنوف : شو رايكن نلعب حكم
غاليه وعلياء : اوكيه
غاليه : ناقص حد مها بتلعبين
مها: ما أعرف
الهنوف : سلمى
سلمى: أوكي
غاليه : يالله
الهنوف وغاليه فريق وعلياء وسلمى فريق وسارن الصاله الثانيه, ولعبن . وكل ساعه الهنوف وغاليه يتضااربن .
غاليه : اففففففففف منج ماتعرفين تلعبين زين
الهنوف: أنتِ الي تحكمين عليه يوم أحط
غاليه: لاوالله الناس تحط شي عود
الهنوف: أففففففففف خلاص مابلعب .
ويرن تلفون سلمى : هلا , نحنا في الصاله الي برع , أوكيه محد غريب الا غاليه والهنوف وعلياء , أنزين
غاليه : منو هذا
سلمى : حارب !!
غاليه : شو يبا
سلمى أطالعتها بنص عين : ينشدني وين انا
غاليه تقهر سلمى : ليش شو يباج
سلمى : ماشي سلامج
شوي ويندق الباب , دخل حارب لبس بنطلون بيج لين الركب , وقميص بني نص كم . رفعت غاليه حواجبها : ياووويلي انا وضحكت : شكلك غلط
حارب بخقه : فديتني أدري أني اينن وأنتِ غيرانه مني .
غاليه : أونه غيرانه ماشي مونه
قامت الهنوف وقالت لحارب : سير يلس وياها رفعت ضغطي هاي
حارب : شو تلعبن ورقه
غاليه :هيييييييي
حارب: زين والله
أطالعته غاليه بفرحه : ألعب ويايه تخليك
تفيزر حارب بخقه : أفا عليج بنت الخال , انتِ بس أشري بصبعج وأمري
غاليه : أحلى ولد عمه في الدنيا
سلمى : مصختوها تراكم . يالسه أتمدح فيك وانته من الخقه بيوصل راسك السقف
حارب أبتسم : يالله أنا بخبص
خبص حارب ويلس يتلاعب بالورقه يعني يعدلها ويحط الاحكام الي يابهن عدال بعض
مد لعلياء علشان تقص , علياء ماأنتبهت أنه حارب حاط يده في المكان الي يباها تقص منه
تم يوزع وهو يبتسم لغاليه , غاليه شافت حركته , تحب تلعب وياه لانه أكبر غشاش
شافت غاليه ورقتها كلها أحكام , ضحكت من الخاطر
تموا يلعبون كل ساعه يفوزن غاليه وحارب , أنقهرن سلمى وعلياء وعرفن أنهم يغشون
علياء: يالغشاشين
سلمى : حد يلعب وياكم أنتوا أصلا
حارب ببراءه : متى غشينه وأطالع غاليه وقال: غشينا نحنا
غاليه بستهبال: عنبوه نحنا
قامن سلمى وعلياء عنهم, وسارن متضيقات , ضحكوا حارب وغاليه لين قالوا بس .
غاليه : صدق ألاعب وياك عجيب
ضحك حارب : أدري هههههه
غاليه: أفففف أونه وايد شايف عمرك تراك
حارب يبتسم : يحقلي مب حلو
غاليه أطالعه بستغراب : أنته حد قص عليك اليوم جنه
حارب: منو بيقص عليه غيرج يعني ,,,,,وضحك
حارب : سيري يبي لي جاي كرك خاطري فيه
غاليه : ليش خدامك انا .
حارب: محد يطلب منج انتِ شي
غاليه : اوكيه اوكيه عن تاكلني .
سارت غاليه ويابت دلة الكرك وكوبين وياها , وسارت صوب حارب , لقت عنده خليفه وخالد.
دخلت شافها خالد وأبتسم : هلا والله
غاليه وطت الدله وسارت أسلم عليه: شحالك يالغالي
خالد: يسسسرج الحال
خليفه : بس يايبه كوبين يبي زياده بعد حقج وحق خالد
حاست غاليه بوزها وقالت: اشتغل عندكم انا!!!!
خالد بستعجاب: حلوه هاي ويديده بعد .
غاليه : أسولف وياكم كل شي أصدقونه أنتوا.
سارت غاليه ويابت كوبات لهم , حدرت الصاله لقت خليفه وحارب يشربون الكرك , سارت صوبهم وصبت لها ولخالد .
تموا يشربون ويسولفون , وكل ساعه الشباب يغلوسون على غاليه
خالد : أنتِ شو ميلسج ويانا
غاليه ببلاها : ها
خالد: شكلج ووايد عايبتنج اليلسه ويانا سيري يلسي ويا البنات .
غاليه:خلاص يوم اندمجت بالسوالف تطردني
ضحك حارب وقال : خخخخ خلها يوم نبا شي بنقولها تسويلنا أياه
مد خليفه كوبه وقال: صبي لي
خذت غاليه كوب خليفه , وصبت جاي , وشوي وتعطيه اياه ,فلامست صوبعها صوبعه .

نهاية الجزء السادس

[ĄŁ3ŊŏΘōĐ]

الجزء السابع

خوزت صوبعها بسرعه وطاح الكوب وأنجب على ريل حارب , صرخ حارب بألم : أييييييييييييييييييييييييييييييييي
رصت غاليه بضروسها بفشيله وقالت وهي تيب التيشو له : وووالله سوري ماكان قصدي
حارب بقهر : قومي قومي
أنقهر غاليه : أفففف تستاهل أحسن .
حارب يصارخ : سيري يبي لي ثلج
غاليه قامت حايسه بوزها : اففف منه سارت تيب ثلج وتحطه على ريل حارب خذ حارب الثلج عنها بدفاشه , ويلس يبرد الحرق
قامت غاليه وسارت عند البنات , لقتهن يسوالفن , أخترب مزاجها من حارب ,سارت أنسدحت على وحده من الغنفات , تثاوبت بملل وهي تشوف البنات خلصن سوالف ويلسن يلعبن بالورق لعبة الخادم , أنجلبت للطرف الثاني وخذتها نومه .
الهنوف أطالعت غاليه: هااي شو فيها كله رقاد
مها تضحك: يمكن بيات شتوي عندها
ضحكن البنات عليها , وهي تسمعهن بس مش مستوعبه رمستهن , قالت بصوت نعسان ماينفهم: أســ كت وووا عـ ـن الحــ ـشره
علياء كاتمه ضحكتها : بعد ترمس وهي راقده
الهنوف حاطه يدها على فمها : عيل ماشفتي رمستها وهي راقده صدق تصارخ وتهاد وشوي بتضارب خخخخ
سلمى بتطنيز: والله , الله يعينها على مابلاها
انقهرت مها من نبرة التطنيز في رمسة سلمى : حليلها خخخ يمكن حالمه شي , يعني على حسب حالة الشخص قبل مايرقد يستوي به جي
وتمن يلعبن ويضحكن
الساعه 6 المغرب
نشت مصدعه , وجسمها متكسر من الكرسي الي طايحه عليه.
أطالعت تلفونها , ونشت مفزوعه : والخيبببببببببببه الساعه ست وماصليت العصر أووففففففففففففففف.
قامت وغلست ويها وتيددت , وصلت العصر وشوي يأذن المغرب وتصليه
ماسمعت حس في البيت أكيد برع يالسين في الخيمه أو الحضيره ومورين ضوو , لبست نعالها وحست بالبرد , ردت حجرتها ولبست جاكيتها , لونه بني مخطط بذهبي , نزلت تحت وطلعت برع لقت الشواب يالسين في الحضيره وعندهم ريايل غرب , تغشت بسرعه ,
وسارت الخيمه لقت الحريم والبنات , حدرت وسلمت , وتثاوبت
اطالعتها أمها : مب رقاد هذا لين الحين
غاليه: مادري والله بس شو اسوي حسيت أني تعبانه
قامت غاليه بسير , اطالعتها يدتها وقالت : وين سايره
غاليه حاست بوزها: برع شوي خاطري اتمشى
اليده شيخه : واابويه الحين
غاليه : يدوه بس هنيه
اليده شيخه : خلاص روحي بنيتي
قامت عواش وياها , تمن يتمشن ورا الفله
عواش: شخبارج اليوم, ماشفناج
غاليه : الحمدالله عايششه وأطلعت تلفونها وأطالع رسايل مسن البلاك بيري
عواش : صدق ماشفت حريم خوانج اليوم وينهن , توي أتذكرتهن
غاليه أطالعتها : هي , مادري الصراحه يمكن ساروا يتحوطون .
عواش : أممم فديت نوافي خليتها عند البشكاره عندهم
غاليه: أها .
عواش بضيقه : شكلج مب ويايه
غاليه ضحكت : والله سوالف , سوالف عزيزي ويلست تضحك وهي تقرا
عواش: طبي ها التلفون من يدج
رن تلفون عواش , طلع أن نوف تصيح , فراحت عواش عنها وقالت بتي عندها بعد شوي .
سارت شوي بعيد ويلست على العرقوب , واطالع القمر الي ظاهر أمبين الغيوم .
شوي وتسمع رمسه من وراها , شوي نزلت من العرقوب علشان ماحد يشوفها وسمعت
: هلا وغلا بالغاليه , اخبارج ؟ الحمدالله فديتج , الا مشتاق لج صدق من الخاطر .
غاليه تيبست محلها , ماعرفت من هذا , صوته غريب , وتخاف ترفع راسها ويشوفها
شوي ويقترب منها وييلس على نفس العرقوب , بس من الجهه الثانيه
وتم يخربط على الي يرمسه بكلمات الحب والغزل المكشوفه, انها خرطي
وشوي يضحك ,غاليه فزت وبعدين , ضحكت بضحكه مكتومه وهي حاطه يدها على فمها , تحس خلاص عمرها بتنفجر من الضحك شوي ويسكر وييلس يرمس: مالت على ويها أففف يالها اللزقه , لعت جبدي منها , ماتفج أبدا , حشا بروحي بليت عمري عليها يوم فريت عليها الرقم أمسات
ماقدرت غاليه تمسك ضحكتها وأنفجرت . فز الريال وقال: بسم الله الرحمن الرحيم من الي يضحك بسم الله أعوذ بالله من الشيطان الرجيم
وسار صوب الصوت لقها منبطحه تضحك , قال منفزع : ينيه أعوذ بالله من الشيطان الرجيم
غاليه زاد ضحكها وهي تشوفه يسمي ويطالعها برعب قبضت بطنها وقالت : تخليك لاتضحكني بطنيه عورني
أبتسم لها الريال وقال: الحمدالله مب ينيه
قامت غاليه منحرجه وتلثمت بالشيله وقالت بصوت واطي: أففففف يالفضيحه
قالت وهي متوتره وتتلعثم : أمم أنا كنن ت يالســ هـ هنيه وبعدين وبعدين صبر خلني اتذكر
ضحك الريال عليها , وقالت : هيييييييي كنت أطالع القمر وأشرت عليه وبعدين وسكتت تفكر
رص عيونه الريال وقال : وبعدين ؟
غاليه: هيييي بعدين أنته يت ووو هيي وانا اندسيت هنيه وسمعت بمكر: يوم كنت تغازل وتخرط على البنيه وضحكت .
افتشل الريال وقال : سمحيلي اختي أنا بسير عند أريال
غاليه: الله يحفظك
راح الريال صدت غاليه الصوب الثاني تاخذ نفس , : أه أه
غمضت عيونها وقلبها يدق طبول : أنا شو يالسه أقول أففف نسيت عمري ويلست أدق سوالف مع الريال
ضربت راسها وقالت : غبيه !!!
سمعها الريال ويلس يضحك عليها : صدق خبله بس ياحلات عيونها تقتل أرجال .(( شكلي جلبت )) أخ لو مب أنا عند أهلها وهم حاشيمني جان فريت لها الرقم
وفي طريجه لقا خليفه قال خليفه وهو يبتسم: هلا والله بفهد وين رحت
أبتسم فهد : الا هنيه أرمس بالتلفون
خليفه : شو راد عند الريايل
فهد: هي
خليفه : الله يحفظك
يلس يمشي خليفه وهو يرمس بالتلفون شاف نور تلفون فوق العرقوب , سكر التلفون وسار صوبه
قبض تلفونه ودق رنه , رن في تلفون غاليه بس رنه وحده , يلست غاليه تتحرط وتقول: منو ها المتفيج أفف منه خرب عليه .
ويلست بس ها المره تلعب لعبه في تلفونها , أبتسم خليفه , يوم درا انها هي
سار صوبها بشوي شوي , وشل التلفون عنها , خافت غاليه وقامت مفزوعه : بسم الله .
ضحك خليفه : ههههههههه تروعتي
غاليه بضيق : لا ماتروعت
خليفه : أشك .
غاليه ما أعطته سالفه ويرت التلفون من يده , ويلست محلها , ويلست تلعب في التلفون , خليفه أبتسم بقهر لتطنيشها له ويلس عدالها .
قال : أي
ألتفت متضيقه خرب عليها أندامجها في اللعبه : خير
جدم راسه منها وشاف التلفون كانت تلعب لعبه عن شيبه يصيد الذهب والمجوهرات .
ضحك : أنتِ مندمجه في هاي وحارقه أعصابج عليها
غاليه مدت بوزها شبرين : هي , شي حارنك
وردت تلعب وهي مندمجه , تتأفف كل شوي , خليفه أطالعها وأبتسم وأطالع فوق , وقال : غاليه
غاليه متأففه: شوه .
خليفه بجد : خلي الي بيدج
غاليه أستغربت من جديته ونزلت التلفون , وقالت: شو تبا
اتقرب منها , ورفع يده بتردد لين ويها , غاليه أطالعته بستغراب أكثر
زخ ويها ولفه شوي ورفعه فوق وقال وهو يأشر: أتشوفين هذاكِ
أطالعت القمر بتوتر وأستغراب وقالت بصوت خفيف : هيي
أبتسم خليفه وهو يخوز يده عن ويها : أنا عندي قمر مثله يالس عدالي
أحمرت غاليه بصدمه وتوتر , ووتمت تردد في نفسها يقصدني يعني أطالعت يمين ويسار ادور جان حد عدالها من التوتر , أبتسم خليفه وأطالعها وقال: منو غيرج هنيه يعني
غاليه بتوتر وهي ترص على عيونها: أنا .!!!!
خليفه : مادري بج الصراحه , هز راسه بضحكه من غبائها
غاليه أبتعدت عنه وقالت: انته شو تقول تتمصخر عليه
خليفه فج حلجه بصدمه : شوه اتمصخر
خليفه اطالعها بعدم تصديق : أنتِ ماتفهمين
وشوي حد ياي من وراهم وقاطعه : شو الي ماتفهمه ؟
كانت عواش , يلست أمبينهم تبعد خليفه عن غاليه , عواش ضحكت على أشكالهم
خليفه بضيق: أنتِ وريلج دووم في البلوعم !!
عواش: فديتتتتتتتتتتتتتتتتتتتتته ريلي شو فيه
قام خليفه منقهر: ماشي سلامتج
راح خليفه عنهم وهو منقهر , أطالعت عواش غاليه بستغراب : شو فيه
غاليه : مادري , بس كان يالس يتمصخر عليه
عواش : يتمصخر
غاليه: هي, يقول كلام مايدش العقل
عواش: انزين , قولي لي شو قال
غاليه: عواااش تخليج ماريد أستحي أقوله
عواش أطالعتها بمكر وقالت : شوه قولي
هزت غاليه راسه بالنفي
فجأ ضحكت عواش : ليكوووون هههههههههههههه
غاليه بوزت : شو بعد ليكون
ضربت عواش غاليه على راسها وقالت: مادري متى ها العقل بيفهم
غاليه : أففففففف شو بعد ها , شو افهم لا والله انا يعني غبيه
عواش: حد قال غبيه , بس شكلج وووايد بريئه ماتفهمين شوي
غاليه : شو الي ماأفهمه
عواش: أنا مابقولج شي أبدأ , بس بيي اليوم الي بتفهمين خليفه
غاليه وعلامات الاستفهام فوق راسها : أفهم خليفه ووواااي
عواش بقلة صبر : قومي الله يخليج خلينا نسير صوب الحرمات
غاليه نست السالفه : اوكي
ساروا صوب الحريم , ويلسوا يسولفون , وساروا يصلون العشاء
الساعه الحادي عشر ليلاً
تسللن غاليه ومها , وطلعن برع , كان المطر يطيح ماكان قوي كان خفيف . ربعت غاليه وفجت شيلتها بفرحه ونشلت شعرها
مها : غاليه اخاف حد يطلع ويشوفج جي .
غاليه : محد بيطلع , اخ خليني أستانس
غاليه تباغم : وووووواااااااااااااوووو محلات المطر يجنن
وتمت تناقز وخرست ثيابها من فوق لين تحت مطر وطين .
شوي تسمع صرخه من وراها , ألتفت كان هزاع واقف وهو ميت قهر
هزاع: أنتِ شو تسوين هنيه .
غاليه حايسه بوزها : ألعب في المطر حراام يعني
هزاع يرص على ضروسه: لاوالله , فضحتينا صوتج وواصل أخر الدنيا
وشوي ويظهر سيف من وراه ويقول : شو السالفه
غاليه وقفت متجمده محلها, سيف أطالعها بنظره وضحك على شكلها
وهي ربعت صوب مها , وخذت شيلتها وحطتها بسرعه على راسها
هزاع انقهر أكثر وقال: يالله سيرن داخل , فضحييييييييييييييييييييييه أنتن عندنا ريايل داخل لو حد الحين طلع منهم وشافكن شو بقول
مها أنقهرت : أنزين أنا كنت يالسه أهنيه ماسويت شي
غاليه انقهرت من مها وقالت بصوت واطي: يالخاينه.
هزاع بضيقه : حدرن داخل أحسن لكن
حدرن داخل وغاليه منقهره , ضربت مها على راسها وتقلدها بمسخره : أنا كنت يالسه هنيه ماسويت شي .
مها بقهر: لا والله شو تبين هزاع ياخذ فكره عني
غاليه: ألا هو هزاااااااعووووووه يعني منو , يالله لزم جدام هزاعواا مستويه أحسن وحده
مها : جب جب
غاليه : أففففففففففففففففففففففففففففففففف قهر خاطري أطلع برع
مها : شوو بعد مره ثانيه , ناويه هزاع يجتلج
غاليه اطالعت ثيابها الخرسانه ,وقالت: أوففففففففففففففففف بسير أبدل .
مها : الحمدالله أنا ماخيست ثيابي .
غاليه : أنزين خلينا نسير عند هذيله اللي كل يوم يشوفن فلم هندي , ماعندهن مونه
ضحكت مها: يالله نسير
غاليه : أوكيه
سارن مها وغاليه , ويلسن يالبنات الي حاطات فلم اجنبي يطالعنه , وعلى الساعه1 قامن يرقدن بس غاليه كملت السهر وهي تجلب في التلفزيون والساعه 4 الفير سارت وصلت وبعدين وطت راسها ونامت .
نشت الساعه 1 الظهر كالعاده , سارت تاخذ لها شور , طلعت من الحمام وهي تنشف شعرها الخرسان دخلت الهنوف عليها وقالت: قوم خالوه الموز راحوا
غاليه بحزن: حلفي , ليش ماتخبرني أنهم بيروحون
الهنوف أبتسمت : جاني يلست أنا والمها ساعه أنوعيج وأنتِ مب طايعه , أونه روحوا . ويوم قالت المها أنهم بيروحون قلتي لها الله يحفظج
أطالعتها غاليه بعدم تصديق : والله والخييييييييبه , ولاحسيت بكم أنا
الهنوف: والله هذا من السهر لين الفير
غاليه : أوففففففففففففففففففف شو اسوي ماياني رقاد
الهنوف: تخليج طالعي الهالات وصلن نص ويهج
غاليه : قومي قومي عني لا تخربين مزاجي .
الهنوف: انزين انا بنزل تحت . خلصي بسرعه فضحتينا برقادج
تأففت غاليه بقهر وسارت ولبست كندوره مخوره زرقاء مع شيله ساده صفوه , وصلت الظهر .
نزلت تحت لقتهم كلهم متيمعين تحت , لان قوم خالتها محد فالشباب خذوا راحتهم الا منسدح ولي بوزار وفانيله والي لبس بنلطون وقيمص (( أشكالهم غلط))
هززت غاليه راسها ببتسامه خبيثه , كان هزاع طايح تحت ولبس فانيله وزار
زادت ابتسامتها وهي أطالعه يضحك مع عمته صبيحه : صدق مايستحي يالس جدام البنات بفانيله ووزار أنا براويك
سارت صوبه وسيده عند صبوع ريله , وتهوس عليهن بقوة وتزلهن تحت
صرخ هزاع وهي ربعت وتقول: ماشفتك ماشفتك , لاتخليني أحلف
هزاع قام وعشر شياطين فوق راسه : يالخايسه أعرفج متعمده .
غاليه: لاوالله
قام حارب يبتسم : الله بتستوي ضاربه .
أم حارب : يالله ياها البنت لزم تحرج بخوانها . وتلعوزهم عيني عينك ضربته وهي قاصده
غاليه تربع وهزاع وراها بس يدورن في الصاله .
شوي ويدور جدامها حارب , وتلف الجهه الثانيه وهزاع يربع وراها , وحارب يبا يخرطف لها . كل ساعه يحط ريله جدامها.
شوي وتربع لباب الصاله , وتفجه بقوه, و يطلع جدامها خليفه , حطت يدها جدامها تبا يخوز عن جدامها وتدفره , مسك يدها وطاااااااااااااااااااااااااااااااااخ
خليفه سمع الحشره الي داخل حط يده على قفل الباب وفجأ ينفتح الباب وتطلع غاليه جدامه , تفاجأ بها, وبدون سابق أنذار تدفره عن جدامها حس عمره أن توارزنه أختل , فقبض يبدها الممدوده وغاليه بدون ماتحس مدة يداها وقبضته وحاوطتبهن رقبته وطاحوا .
حس ظهر تسحت من قوة الطيحه ومن الثقل الي فوقه , فتح عيونه , وهو يشوفها دافنه راسها في صدره وقابضه شعره .
رفعت راسها فوق وشهقت , وخوزت يداها عن شعره وقامت .
أطالع خليفه جدامه لقى هزاع واقف ومنصدم , وحارب وراه مستند على الباب ويضحك .
غاليه شوي وتصيح وتاشر على حارب: كلللللللللللللللللللللللللله منك الخايس خليتني أظهر برع .
وربعت داخل حارب قبض بطنه ويلس يضحك : هاهههههههههههههههه ماقدر ماقدر .
هزاع بضيقت الدنيا : أسكت أسكت .
هزاع بصوت واطي وهو يدخل : فضحتنا الله يفضحها .
حارب وهو يضحك : اخ تخليك كانننت أشكالكم تضحك .
خليفه في وادي ثاني : هااا
حارب زادت ضحكه : أوووووووووه الريال مب يانا .
خليفه أطالع حارب بقهر : أنطب .
غاليه يلست في حجرتها , حابسه عمرها , وتصيييييييييييح , الحين لو يشوفها هزاااااااااااع بيكسرها
غاليه: فضيحه , فضيحه أنا شو خلاني أطلع برع شو خلاني أفكر أني أفتح الباب .
دخلت الهنوف عليها وشافتها طايحه على الشبريه وويها على المخده : غاليه شو فيج
غاليه زاد يصاحها من القهر , يلست عدالها الهنوف : بسم الله عليج .
غاليه وهي تقوم من على الشبريه وتسير الحمام , سارت ووقفت
عند المغسل أطالعت عمرها في المنظره وقالت : ماعندي مونه أصييييييح
بس الموقف كان يفشل خاصتنا جدام هزااااااااع وحاااااااااااارب .
كان باقي لهم يومين في المزرعه ويروحون , وفي ها اليومين حاولت غاليه قد ماتقدر تتجنب هزاع وخليفه وما أصادفهم . ومن أشوفهم دخلوا طلعت بسرعه قبل مايشوفنها (( مايشوفون الا غبرتها )).
في اليوم الاخير غاليه كانت نازله تتغدا , شوي واصادف حارب جدامهما أطالعته بقهر وراحت , هو دار جدامها وتم يطالعها بنظرات خبيثه وقال: شو بعدج أونج زعلانه
اطالعته بحتقار وراحت وماسمعت الا ضحكته المطنزه .
على العصر ردوا بيوتهم غااليه ركبت مع أمها وأبوها وتجنبت الركوب مع هزاع . والهنوف راحت مع هزاع ومعاها أمنه وعمر
وأخوانها الباقين مع حريمهم وعيالهم .
ردت غاليه البيت بفرحه . ربعت سيده حق حجرتها بفرحه , ماكانت مشتاقه حق الحجره كثر مامشتاقه حق الاب توب مالها هع .
يلست طول اليوم داخل الحجره اطالع دراما كوريه , وتتجنب الشيخ هزاع .اليوم الثاني نشت من وقت وكانت الساعه تسع , على قولتها من وقت
سارت خذتلها شور ولبست جلابيه خضرا مع شيلتها . ونزلت تحت وسارت سيده صوب المطبخ ميته يوع .
سوت لها سندويشة جبن وداقوس , ويلست تاكلها وعيبتها وسوت لها ثانيه وكلتها ويوم خلصت أكل
شوي ويدخل هزاع المطبخ , أرتجفت غاليه يوم شافته , أطالعها بنص عينه وقال: السلام عليكم
قالت بصوت واطي : وعليكم السلام
هزاع يلس مجابلنها وقال : سوي لي سندويجه
قامت غاليه بدون أي كلمه وسوت له سندويشتين جبن داقوس , ويلست مره ثانيه محلها
قال هزاع: اشوفج مطيعه اليوم
سكتت غاليه ولا قالت له شي , ضحك هزاع: وليش مندسه عني من ايام
غاليه أتجرأت : مب مندسه
هزاع: عيل من هذايج السالفه ماشفت الا غبرج
غاليه: بس جييييييي
هزاع بجديه: أنا مب قايل لج شي , كان مجرد حادث لاتحطين في بالج أني بهادج أو بقول لج شي وأبتسم
غاليه: زين
وقامت وراحت غرفتها
بعد أسبوع
كانت غاليه يالسه في حجرتها , دخلت عليها الهنوف ويلست على الشبريه وقالت: سيف ولد خالوه وأبوه هنيه
غاليه مستغربه : والله , ليش
الهنوف:مادري والله .
ويلسن الهنوف وغاليه يسوالفن . شوي وأيي عمر : غاليوه أبويه يباج في حجرته
غاليه أطالعت الهنوف : غريبه
الهنوف: روحي روحي طالعيه شو يباج أنا شاكه في السالفه
سارت غاليه صوب أبوها في حجرته دقت الباب
سمعت صوت أبوها يقول : دخلي !!
دخلت غاليه , ويلست عدال أبوها
أبو سالم: شحالج بنتي
غاليه: يسرك الحال, أبويه أشحالك أنته
أبو سالم : الحمدالله بخير وسهاله
أطالع أبو سالم بنته وقال: يابنيتي أنتِ الحين كبرتي وسكت وكمل : واليوم يا ولد خالج سيف وابوه يخطبونج وسكت .
غاليه بصدمه: ها
أبو غاليه: بســــ.

نهاية الجزء السابع

[ĄŁ3ŊŏΘōĐ]

الجزء الثامن
أبو سالم : بســ
ويرن تلفون أبو سالم اطالعه ورد: السلام عليكم , لا , موجود , موجود الحين ياي
سكر ابو سالم التلفون وقال: روحي الحين وبعدين بكمل لج السالفه
وقام ولبس كندورته وغاليه يالسه محلها منصدمه مش مستوعبه أن سيف خطبها
قامت وظهرت من الحجره , وربعت فوق لغرفتها , طاحت على الشبريه ويلست تتجلب من الفرحه , وشوي وتدخل الهنوف
أبتسمت وهي اتشوف غاليه تتجلب على الشبريه بفرحه : شو شو السالفه .
غاليه نزلت راسها بمستحى : سوافييييي خطبني
الهنوف: حلفييييييييييي والله سارت صوبها وحبتها على خدودها وهي تقول لها :مبرررررررررروك غناتي مبررررووووووك
وشوي ينطن على الشبريه , ويصارخن , مسويات حفله (( ها البنت تفضح مب شايفه خير هع هع)) .
عمر فج الباب بستغراب وراح صوبهن ويلس ينط وياهن , وشوي امنه تخطف وتشوفهم وتربع صوبهم وتنط وياهم وطاااااااااااااااااااااااااااااخ أنكسرت الشبريه وطاحوا كلهم فوق بعض , غاليه وفوقها عمر و الهنوف وبعدين امنه عاده أمنه دبدوبه حدها وعمر هيكل عظمي ماينبان منه غير عظامه , والهنوف مربربه وغاليه عاديه لاهي مربربه ولاضعيفه
صرخت غاليه : أاااأأأأأأأأأأأأاااااااااااااأأأي بموووت
وعمر عظامه تكسرن من الي فوقه ,أمنه ماقدرت تقوم ويلست تضحك مثل الهبله والهنوف تباغم على أمنه علشان تقوم عنها : قومي قومي جتلتينا
غاليه وهي تاخذ نفس وتضحك: أونه جتلتينا أنا شو أقول عيل
الهنوف تحاول تقوم بس ماقدرت من الثقل الي فوقها , عمر خلاص أنتهى من الوزن الزايد الي فوقه . أخيراً أمنه قدرت تقوم وطاحت على ينب والهنوف قامت بسرعه عن عمر, وعمر قادي أحمر من الخاطر , وغاليه مستويه خبزه هع هع
سحبت الهنوف عمر وكان طايح بدون حركه ومسكر عيونه وصرخت : عموووررر
غاليه تنش متكسره : شو شوه عمور شو فيه .
الهنوف تضربه على ويه وتصيييييييييييييح , غاليه يوم شافت الهنوف تصيح تيبست ويلست أصيح وياها, وأمنه واقفه منصدمه بدون أي حركه .
شوي ويفج عيونه ويضحك ويقوم , فجن الهنوف وغاليه عيونهن من الزيقه والصدمه وهن يطالعنه بدموعهن, شرد عمر من الحجره لانه يعرف عمره بنضرب ضرب ماشد شافه في حياته .
الهنوف وغاليه أطالعن بعض بصدمه وقالت غاليه : مامات
الهنوف وهي تصيح أكثر : الحمدالله أه اه اه . روعني .
غاليه قامت منقهره : الخاااااااااااااااااااااااااااااااايس يلعب علينا .
وأمنه بعدها محلها , غاليه أطالعتها بستغراب , هاي شو بلاها
وقفت جدامها تسوي لها حركات , بس لاحياة لمن تنادي .
شوي وتهزها :أييي أنتِ شو فيج بعد
أطالعت أمنه غاليه بصيحه ويلست أصيييييييييييح , عاده الحين هاي منو بيسكتها .
غاليه حاولت وياها بس ماشي فايده , الهنوف يت صوبها ولوت عليها وتمت أصيح وبعدين سكتت, قالت غاليه: أها قولي أنج تبين حنان
وضحكن
خطف هزاع من عدال الغرفه وسمع حشرتهن وضحكاتهن , أبتسم هزاع
فج الباب على وسعه وقال: السلام عليكم
الكل: وعليكم السلام والرحمه
هزاع بصدمه : شو الي مستوي في الحجره ,عنبوه مستويه مزبله , وأطالع الشبريه وهو رافع حواجبه : حشاااا حتى الشبريه مكسوره
غاليه بفشله: لا ماشي بس
أمنه قاطعتها: أنا لقيتهم يصارخون وينطون على الشبريه الهنوف وغاليه وعمر وبعدين نطيت وياهم وبعدين أنكسرت الشبريه
غاليه : مره ماخليتني اقول حرف واحد, بتموتين أنتِ أن مارمستي
أمنه اطالعت غاليه وهي مفتشله اونها, وأبتسم هزاع: ماشاء الله , وهو يطالع غاليه: ووايد فرحانه
غاليه أستحت , وماقالت شي والهنوف ضحكت
هزاع: يالله عيل أنا بروح
الكل: الله يحفظك
تمن الهنوف وغاليه يسوالفن
كانوا بعد صلاة المغرب متجمعين في الصاله يسولفون (( أبو سالم وأم سالم , وسالم وعلي ومنى والهنوف وعمر وأمنه )) , وغاليه توها نازله
وسارت ويلست عدال أمها , أبوها أطالعها وابتسم وقال : تعالي يلسي عدالي .
سارت صوبه ويلست عداله بمستحى , أطالعها وقال : انا ماخبرتج بالباقي وماظن حد قالج
أطالعته غاليه بستغراب : ها!!!
أبو سالم : أنا رديت ولد خالتج سيف وو
غاليه حست أن سطل ماء أنجب على راسها , أطالعت أبوها بصدمه
أكمل أبو سالم : وقلت لهم مالهم نصيب لان البنت ولد عمها يباها ومكلمني قبلهم وانا وافقت خلاااااص
غاليه بعدها أطالعه بصدمه مش مستوعبه الي يقوله , لالا أكيد هي تسمع غلط
غاليه : ولد عمي !!!
أبو سالم أبتسم : خليفه !!!
غاليه : خليييييييييييييييفه
أبو سالم اطالعها مستغرب : هيه خليفه
غاليه: لالالالالالالالالا
أبو سالم عصب : شو لا.
غاليه بصييحه : ماأباه
الكل طالع صوبها بصدمه .
أبو سالم والشرر ييطاير من عيونه : شو ماتبينه غصبن عنج بتأخذينه عكيفج هو, أنا خلاص عطيته كلمتيه .
غاليه : ليش , أنا مالي شور ؟
أبو سالم قام بعصبيه: هي مالج شور
وراح , يلست غاليه تصيح من القهر , ااطالعها سالم بحتقار وقال: بعد ترادين أبويه وتقولين ما أباه أستحي على ويهج . وراح هو بعد .
تقرب منها علي وهو يطالعها بشفقه ولوى عليها وقال: ليش ماتبين خليفه
غاليه وهي أطالع علي بدموعها: بس جي
علي: بس صدقيني مابتحصلين حد شرات خليفه .
غاليه تصيح أكثر : مااأبا.ما أباه.
علي وهو يطالعها في عيونها ويقول: بس أبويه , خلاص عطاه موافقته , وتعرفينه أبويه انسان عصبي , ورضيتي مارضيتي بتاخذينه
غاليه وهي تمش دموعها:شو أسوي الحين انا , كيف أتزوج خليفه وأنا ما أباه
علي: انزين شو فيه خليفه علشان ماتبينه؟
غاليه: مافيه شي بس , انا ماأباه مب مرتاحه له
علي: صدقيني يوم بتعرفين خليفه زين بتحبينه .
غاليه بقهر: أحبه يخسسسسسسسسسسي
علي: بس بس عن الرمسه هاي , خلاص رضي بالواقع
غاليه أتصيييييح : لالالالالا
أم سالم: بس يابنتي خليفه ريال والنعم فيه
الهنوف أطالع اختها بحزن : صدقها أمي
غاليه: ليشش لييش جي يعني أيوزوني غصبن عني
أم سالم: عيل شو تبين أبوج يسير عندهم عقب ماعطاهم كلمته ويقول خلاص البنت ماتبا ولدكم
منى : غاليه صدقها أمي وصدقني خليفه ووايد طيب وزينوالكل يمدح فيه
غاليه: بس أنا ماأباه .ليش ماتفهمون يعني
وراحت الحجره ويلست تصيييييح , ومر اليوم وغاليه في الحجره ومب طايعه تطلع منها أوتاكل
وأبوها قال لهم أنهم يطنشونها ومايسون لها سالفه بتزعل وبترضى بروحها
يومين , ثلاث , أربع أيام وهي نفس الحاله . في اليوم الخامس .,. هي خلاص فقدت الامل أن حد يسمعها أو يوافقها بالي تباه كل إلي ايي عندها ينصحها تسمع كلام أبوها لان هو الصح وأمها نصحتها تصلي أستخاره
صلت أستخاره وعقب مادعت دعاء الاستخاره يلست تدعي أن خليفه مايأخذها ((مينونه)) .وأن سيف ياخذها(( تفكير طفولي))
الساعه 4 الصبح.
كانت غاليه كل يوم تنش ها الساعه وأسير تأكل في المطبخ (ههههههه))
تسوي لها سندويش أو كورنفليكس , المهم وتشله حجرتها . وتسد ثلاجة الحجرة الي متروسه من كل لذا وطاب من الحلاويات .والكيك
الساعه 9 الصبح
غاليه نزلت ولاجنه شي مستوي , سارت صوب المطبخ . تشرب ماي .
شافتها الخدامه وقالت: ماما أنتِ يستوي شوي متين
غاليه بصدمه : حلفففففففففففففففففففي.
الخدامه: هي أنتِ كيف مافي أكل ويستوي متين لزم أضعف
غاليه تجذب على الخدامه: تعرفين انا يوم مافي أكل يستوي متين يوم اكل يستوي ضعيف.
الخدامه مصدقه: والله , أنتِ غير شكل سيري سيري أكل علشان أضعف
غاليه وهي تضحك: لالالاالحين مافي جوعان بأدين
يلست غاليه على الدري ويتها فكره : ماعليه ياخليفه أن ماخليتك أنته تقول ماأباها
غاليه يلست وياهم على الغداء ولا كأن شي أستوى, بس أبوها مارمسها , ماعرفت شو تسوي مش متعوده ان أبوها مايرمسها أو يزعل عليها جذي
بعد الغداء أبوها راح غرفته , وأم غاليه أشرت لغاليه تلحق أبوها وتراضيه
سارت غاليه ودقت باب حجرته , قال: أدخل
دخلت غاليه بتردد ومستحيه وقالت: السلام عليكم
أبو سالم : وعليكم السلام ورحمه .
غاليه تقربت من أبوها وحبته على راسه ويلست عداله وقالت : أسفه أبويه .
أطالعها أبو سالم وسكت, قالت غاليه: والله ماكان قصدي أرادك أبويه أو أعلي صوتي عليك بس كنت منصدمه مش متوقعه وأنا صليت أستخاره والي فيه خير ربي بيسره . خلاص أنا رضيت بخليفه , وأعرف أنك تبا لي الخير .
لوى عليها أبوها وقال: جي أباج بنتي , وصدقيني خليفه ريال والنعم .
غاليه: صح
أبتسمت غاليه وهي قايمه : عيل أبويه الحين أخليك تقيل وترتاح
وطلعت غاليه وهي مبتسمه : أه ياها العذاب
سارت الصاله لقت منى يالسه تجلب في القنوات , والهنوف يالسه عدالها , سارت صوبهن وحطت راسها على ريول الهنوف بدلع .
ضحكت الهنوف وهي تمش شعر غاليه : أشوفج فرحانه
غاليه حاست بوزها: هي شي قاهرنج.
الهنوف: أمممم شكلج رضيتي خلاص
أعتفس ويه غاليه وقالت بقهر: هي أرتحتوا الحين
منى أطالعتها : خلاص ماشي أمل وملجتج . بعد أسبوعين .
قامت غاليه مفزوعه: سبووووووووووووعين لالالالالالا.وهي تتنفس بقوه: ليش ليش جي بسرعه
منى ببتسامه ماكره: خليفه مستعيل
غاليه أحمرت : ششووه كيففف مستعيل ؟
منى ضحكت على غاليه المحمره من المستحى, كملت منى : سمعت أبويه يقول حق أمي أنهم خلاص حددو الملجه بعد سبوعين والعرس جي على شهر 6 .
يلست غاليه تعد على صبوعها الحين نص شهر 2 , باقي بس 4 شهور ونص بس .
صرخت غاليه بقهر: لالالا بموت شو ها القهر .
الهنوف بصوت واطي: سكتي سكتي عن حد يسمعج .
منى : أممم شكلج بتعرسين قبلي
غاليه: ماااااااالت عليج , فايقه تحاتين العرس.
منى : أونج الحين أنتي بتعرسين وانا حليلي
الهنوف أنصدمت وغاليه وياها وقالن: انتِ من صدقج
منى أحمر ويها: لالالا أسوالف
غاليه اطالعتها بمكر: أم أستحي على ويهج بسير أخبر أبويه بقوله بنتك العوده تبا تعرس وغيرانه مني اني بعرس قبلها (( مايقول هاي الي توها تخطط))
منى : ياويلج ان سويتها
ضحكن ويلسن يتابعن فلم في التلفزيون لين اذن العصر , صلن العصر .منى سارت حجرتها شكل كل يوم منى طول حياتها في حجرتها ياعلى النت أو ترسم , منى تحب الفن ووايد وهي متخرجة من كلية الفنون .
وغاليه والهنوف يالسات في الصاله منسدحات , قامت غاليه وصدت للهنوف وقالت: أممم تعرفين خاطري أسير عند قوم عمي
رصت الهنوف عيونها: أنتِ تخبلتي
غاليه:هي
الهنوف: عيب يلسي في البيت عيب أسيرين بيت خطيبج
غاليه: مالج خص على كيفي
سارت غاليه صوب بيت عمها خالد, ضحكت على الهنوف الي اتحراها بسير بيت الحبيب خالد كانت تسكن عنده اليده شيخه , الحوي كان يحتوي ثلاث بيوت كلهن طابقين ومساحه عوده بعد فاضيه ,الفله الي على اليسار كانت حق عيال عمها سعيد حمدان وخليفه والي في النص لي سعيد(( أبوخليفه)) والي على اليمين وهي قرب بيت أبو سالم لخالد وهي بالاصل لليده شيخه وهي شوي اجدم عن الباقيات .
سارت صوب باب فلة عمها خالد ودخلتها دقت الباب محد رد فدخلت
غاليه: هوود هوود حد هنيه ؟
حاست غاليه بوزها وسارت الصاله وشغلت التلفزيون ويلست اطالع التلفزيون .
مر عليها الوقت وماحست الا بعمرها الي وهي راقده .
فجأ فجت عيونها لقت عمرها يالسه في حجرة أمها , غاليه: أنا شو اسوي هنيه
مشت شوي وطلعت من حجرة أمها وسارت برع لقت يدتها والهنوف وامها يالسين على الحصير برع
سارت عندهم ويلست وياهم وتموا يسولفون .
شوي أمها تصد لها وتقول: شحال ريلج ؟
أبتسمت غاليه بمستحى: الحمدالله بخيير .
ضحكت الهنوف على شكلها : فرحااانه وياه , وغمزة لها .
غاليه: فديت رووحه خلوفي هي فرحانه ويااه ووايد .
وقفت غاليه ويلست تمشي في الحوي , وسارت صوب غرفة الخدامات , فجأه تظهر لها بنت صغيره تحبي بشكل غريب ماتدري كيف توصفه
صارخت الهنوف : ينيه ينيييييييييييييييييييييييييييييييه
غاليه ماعرفت شو تسوي شوي وتقرب منها وتشرد برع البيت وتربع وتربع .
شافت عمرها برع البيت , أشوي وتصد وراها وتلقى بقره سوده بقرون ووحده بنيه يطالعنها . خافت وأشوي ويربعن وراها .
ركضت وركضت وشوي تي وحده حمرا جدامها والسوده والبنيه وراها وينطن عليها طاحت غاليه على الارض بقوه وهي تصارخ من الخوف .
طااااااااااااااااااااااااااااااااخ
لقت عمرها طايحه من الكرسي , قامت بخوف وهي تسمي : بسم الله بسم الله أعوذ بالله من الشيطان الرجيم .
قامت لها يدتها بتعب ويلست على الكرسي عدالها بس فوق وقالت : بسم الله عليج بنتي شو فيج
غاليه وهي تيلس على الكرسي: سلامج يدوه بس حلمت بحلم
اليده شيخه وهي تلوي عليها : أعوذ بالله من الشيطان الرجيم فديتج ينا أنا وخليفه وشفناج راقده ومارمنا نوعيج عاده .
تذكرت غاليه سالفة الحلم , وهزت راسها بلاااا , اونه ريلي .
قامت وسارت الحمام , يلست تغسل ويها خمس مرات , حست عيونها قاديات كبار من الخاطر شكلها ووايد أثر فيها الحلم , وكل ماتذكر البقر تنتفض من الزيقه .عقدتها البقر من هي صغيره لزم يروقنها
غسلت ويها للمره السادسه سمعت صوت من وراها : مب بسج ماصار تغسيل ويه هذا , خوزت يدها عن ويها وأطالعت أنعكاسه في المنظره بقهر وخذت له كم حبت كلينكس ومشت ويها بهن .
وعقتهن في الزباله , ومااطلعته وهي بتروح مسكها من يدها وقال: شو فيج
غاليه بدون ما اطلعه : سلامك , فج يدي !!!
خليفه: مب فاجنها, شو بسوين يعني
أطالعت بحتقار وقالت: فجها أحسن لك .
حرك صوبعه داخل يدها ودخلهن أمبين أصبوعها , أرتجفت غاليه من ها الحركه وقالت بتوتر: أييي
خليفه ببتسامه ماكره : شو فيج
غاليه بصوت متوتر: ماشي بس فج يدي !!!
خليفه : شو بلاج ترتجفين
غاليه نزلت راسها تحت وقالت: ما أرتجف شو فيك أنته
حاولت تير يدها عن يده , أخيرا قدرت تفج يدها منه , سارت الصاله ويلست عدال يدتها , أطالعت يدتها وقالت: وين عمي خالد وحرمته عيل
اليده شيخه : ساروا يتحوطون
غاليه: اها ياحيهم .
يلست غاليه تسولف ويا يدتها, وبعدين ياخليفه ويلس عندهم وكل ساعه تي عينه في عين غاليه بس غاليه أطالعه بنظرة أشمئزاز وأصد الصوب الثاني
أنقهر خليفه منها ومن صدها له يعني من يتكلم كلمه سارت وغيرت الموضوع , من يعطي رايه في شي تقاطعه متعمده , أو تلهي يدته
تنرفز منها من الخاطر وخاطره يقوم لها ويصنها طراق .
رمست اليده : عيل متى العرس ياخليفه
غاليه انجلب ويها , وخليفه أبتسم لغاليه ويدته .
خليفه: أن شاء الله اول سته .
اليده شيخه ببتسامه : الحمدالله الي أباه بيستوي
غاليه بقهر منو يعني غيرج تارس له راسه علشان ياخذني
خليفه زادة أبتسامته: الحمدالله
اليده شيخه وهي تلتفت لغاليه: زين والله وبنشوفج عروس يابنتي ولوت عليها
غاليه صدق أحمرت من الخاطر وتمت ترتجف من القهر , وهي أتحولف لخليفه والله ان مارويتك منوه أنا ياخليفه بشوف.
شوي وأستأذنت غاليه وقالت أنها بترد البيت
اليده شيخه وقفتها وقالت: صبري صبري وين سايره .خلي خليفه يوصلج الحين المغرب مب زين تروحين بروحج
غاليه: يدوه مافيها شي عادي .دوم ارد بروحي الاخطوتين هن
اليده شيخه : لالالا ماشي تردين روحج . سير خليفه ودها
خليفه: ياالله ماشي سيره بروحج
وطلعت غاليه وهي صدق منقهره , مشت وهي مب عاطيه خليفه سالفه
دخلت باب الفله وهي سايره زقرها وقال: غاليه شو بلاج .
غاليه ماعطته فيس .
مشى صوبها بقهر وقبضها من جتوفها ولفها عليه وقال: أيييي انا أرمسج شو فيج
غاليه بحتقار: ماشي شو فيني بعد
أطالعها خليفه بشك وقال: انتِ مب موافقه صح
غاليه ضحكت بمسخره: ماشاء الله أنته ذكي وووايد
خليفه بعصبيه: عن المسخره لاتعصبيبي
غاليه بستهبال:والله
خليفه: صدق أنتِ مب موافقه ؟
غاليه بقهر: هي مب موافقه , مغصوبه ومنقهره بعد .
خليفه بحزن: ليش
غاليه : بس جي ماأريدك .
خليفه اطالعها في عيونها وقال: مب مهم بعد العرس بتحبييني
غاليه: حبك القراده
خليفه: أنتِ القراده
غاليه: تخسيييييييييييي
خليفه بحزم: لاتقولين لي اخسي .ترا والله لخليج تحبين التراب الي امشي عليه
غاليه: بتبطي .
خليفه مسكها بقهر من زنودها وهوس عليهن : أبا اعرف أنتِ متى بتعقلين
غاليه: يوم بيبض الديج .
فجأ .

نهاية البارت الثامن .

[ĄŁ3ŊŏΘōĐ]

الجزء التاسع

فجأه أطالعها خليفه بضيقه وهي ردت ورا وكانت وراها حصاه وأتخرطفت بها وريلها ألتوت , وطاااااااااااااخ
خليفه تروع عليها وسار صوبها , ونزل لمستواها ورفع راسها لحضنه وقال: غاليه !!
كانت غاليه مغمضه عيونها ويوم سمعت خليفه يناديها فجت عيونها بألم وقالت: ريلي أخ أخ .
يلسها خليفه وقال: شو فيها رِيلج
أشرت على ريلها اليمين بألم .
سار صوب ريلها وقبضها ويلس يهوس عليها
صرخت غاليه : أييييي لا تعورني
خليفه : ماعليج فديتج , هذا مجرد ألتواء وبيروح
غاليه بغضب: هيييييييييييي أنته ماتأنسه ولامابتقول جي , وهي أدزه عنها: قوم قوم عنيه
قامت عنه , وفقت وهي رافعه ريلها ونزلت ريلها شوي شوي, وعضت على شفايفها بألم وقالت: الله يغربل العدو
خليفه : تقدرين تمشين
اطالعته بقهر: هي أقدر, ولاحضرك تبا أشلني أذا قلت ما اقدر
أطالعها خليفه بمكر: تبيني أشلج
غاليه وهي تنافخ : ها الي ناقص بس
تمت غاليه تمشي وهي تعري لين وصلت باب فلتهم دخلتها وصكت الباب بقوه ويلست تتحرطم وهي تقلده : تبيني أشلج
يلست تمشي على ريلها اليمين لين حست انها خلاص ماتعورها ابتسمت بقهر : صدقه السبال
مرن الاسبوعين بسرعه قبل الملجه بيوم
قبضت غاليه تلفونها وأتصلت على ربيعتها كلثوم
كلثوم: هلا والله بالغاليه وينج من زمااان
غاليه بدفاشه: الناس تسلم أول وضحكت : السلام عليكم
كلثوم وهي بدورها ضحكت: وعليكم السلام , يالخايسه
غاليه : أفا أفا من أولها سبه
كلثوم وهي تضحك أكثر: هههههه اخبارج وعلومج
غاليه بوزت : أخباري ماتسر
كلثوم: افا , لييش
غاليه بقهر : كلثومي باجر ملجتي
كلثوم بصدمه: حلفي ولاتخبريني ماهقيتها
غاليه: والله كل شي أستوى بسرعه
كلثوم ببتسامه : ومنوه تعيس الحظ هذه أووو أقصد سعيد الحظ
غاليه بقهر: افففففففففففف لاتقهرني
كلثوم اختفت أبتسامتها: أفا , لييييييش؟
غاليه : أشوفج كل شويه عدتيها وهي تقلدها: افا ليييييييييييييش!!!
كلثوم : صدق غلوي انا أتكلم جد , انتِ ليش منقهره .
غاليه بحزن : باخذ ولد عمي
كلثوم: أي واحد ليكووون خليفه .!!!!!!
غاليه : أففففففففف منو غيره يعني
كلثوم : أحلفي خخخخخ خلوف بيأخذج انتِ ما أصدق .احيده يوم كانا صغار يوم تين بيتنا , أيي هوه عند مطر أخويه ويوم يشوفج يعصب وأيرج بكشج ويردج بيتكم ويلست تضحك .
غاليه: هي هي ضحكي انتِ, تعرفين انه بيوزوني أياه غصبن عني
كلثوم بصدمه: والله ,أنتِ مب موافقه
غاليه والدموع تهدد بالانهيار: هي مب موافقه ماأبا مت غصه تعرفين أنهم رفضوا سيف علشانه هو
كلثوم : صدق
غاليه وصوتها رايح: هيه هيه
كلثوم : أنزين أنتِ صليتي أستخاره
غاليه : هييه
كلثوم: عيل خلاص الله بيسرلج اللي فيه الخير
غاليه:أن شاءالله .
كلثوم : عيل بابياي الحين بخليج أميه تزقرني .
غاليه:أنزين بس لاتنسين تين أوكيه
كلثوم:ان شاء الله بيي جان طاعت ماماتي
ضحكت غاليه: أوكيه بايباي
كلثوم: مع السلامه
طاحت غاليه على شبريتها (( طبعا اليديده)) تذكرت,حشرت منى علشان تلبس فستان حق الملجه وهي مب طايعه أبدا أبدا , الكل حاول وياها . بس ماشي فايده .أنفتح الباب فجأه
فجت عيونها وشافت كيسه بيد منى حاست بوزها وقالت: خير شو عندج
منى : الحين تقوومين تقايسين ها الفستان
غاليه : قلت ماأبا ما أبا ماتفهمين أنتِ
منى : حلفت بس قايسيه
غاليه : اففففففففففففف , فكرت شوي: شو بخسر بجربه
غاليه بكسل : أوكي
منى ببتسامه : أخيرا .
قامت غاليه وأشرت لمنى : اطلعي من الحجره
ضحكت منى : انزين
طلعت غاليه الفستان من الكيسه كان الفستان لونه فوشي وعليه على الصدر كله لولو ويده كت وعليه طرحه كلها لولو , الصراحه ماأخفت أعجابها به لبسته كان صدق زار عليها من الخاطر . بس الزراري يباله حد يبنده
غاليه نادت منى: منى تعالي
دخلت وقالت: وووووواااااااااااااااااااااااوووو تهبلين
غاليه بخجل : صدق
منى : صدق تخبلين
غاليه بخقه : ادري انزين تعالي بندي الزراري
بندت لها منى الزراري, ويلست تصفق : صدقني خلوف بيتخبل .
غاليه اعتفس ويها : منو قال بشوفني
منى : خلاص هذا بتلبسينه , وترا بيدخل يشوفج
غاليه فجت حلجها: بشوفني منو قال , أصلا مابيدخل , اذا دخل ترا والله ما ألبسه ها الفستان
منى : أنزين أنزين خلاص . ترا بعد ساعتين بتي راعية الحنى
غاليه: لزم يعني أتحنى بعد
منى: هي لزم
غاليه: أنزين الشيخه منى ممكن تظهرين برع بفج الفستان
طلعت منى , وفجت الفستان وعلقته وطاحت على شبريتها , وغمضت عيونها مادرت كم من الوقت طاف بس سمعت صوت منى فوق راسها
منى: قومي الحنايه يت
غاليه: أففف صدق متفيجه هاي
منى: يالله قومي لاتيلسين تتحرطمين
غاليه: أنزين انزين . بتغسل وبيي أنتِ روحي
غسلت غاليه ويها , وسارت وتحنت لين كوعها وريوها حنى بسيط أمبونها مابتحني ريولها بس منى فوق راسها يلست وتريت لين نشف شوي وسارت تغسله, يتها منى مفحمه والشرر يطاير من عيونها: ليشششش تغسلينه
غاليه : ماليت ياخي لين متى يعني بتم ميلسه جي .
منى : لو تريتي نص ساعه بعدين غسلتيه
غاليه: ماريد أبا أرقد
منى : أوكيه كيفج
سارت غاليه حجرتها وتيددت وصلت وسيده طاحت على الشبريه بس يلست تفكر وتفكر لين رقدت الساعه 2 ونص
يوم الملجه الساعه 7 الصبح.
هزاع حادر حجرت غاليه
هزاع: مب بسج رقاااد اليوم ملجج.
غاليه: ياأخي شو بلاك أزعاج خلني أرقد
هزاع : لاوالله أنا ناش وأنتي راقده هذه مايستوي قومي يلسي ويايه.
غاليه: أطلع بررراء حررام عليك .ما رقدت.
هزاع ياه صوبها ويمط الحاف عنها شوي ويمط خشمهاااا.
غاليه: أااااااااااااااي شو بلاك. تمط خشمي .
هزاع: علشان يطول خشمج
غاليه: اييي قوم عني يعورني أااااااااي .
هزاع يغايض ويمط أكثر غاليه تصارخ
غاليه: أبووووووووووووووووووويه .
ويخوز يده عنها ويتم يضحك .
هزاع: ههههههههه يالله قومي الحين أباج تحت في الصاله
غاليه: خاااايس.
هزاع: حوووه تراني بمط خشمج يالله بسرعه.
وسار هزاع حجرت الهنوف ولقها رااقده سار وبند المكيف عنها ومط الحاف ومط شعرهااااااااااااا
الهنوف: اااااااااااي يعور.
هزاع: بمطه لو مانشيتي نشي.
الهنوف: ليش تمطهاااااااااااااي يعور وايد.
هزاع : علشان يطول شعرج ههههههههههه.
الهنوف: قوم عني والله لخبر أبويه أااااااااااااااااااااااااي أبوووووووووويه
هزاع: يالله قومي ماشي راقد أباج تنزلين الصاله الحين يالله بسرعه
وفجها وروح نزل الصاله ويلس يطالع التلفزيون ويبدل من قناه إلى قناه ولانه غاليه والهنوف نازلت يوم ين ييالسن قام هزاع وخذ سويج السياره وروح فولن غاليه والهنوف
غاليه : الحين هاذه موعني عشان أونه أيلس وياه ويسير خاااااايس والله. ماخلني اتهنى برقادي. والله حاله
الهنوف: عنلاته الخايس أونه علشان يطول شعرج
غاليه : هههههه وانا يمط خشمي أونه عشان يطول خشمج
ويلسن في الصاله وســارت غاليه المطبخ التحضري وصبت لها عصير وردت الصاله ولانه الهنوف رراقده على الغنفه .
يلست غاليه تبدل في التلفزيون وملت وبعدها الهنوف راقده الحبيبه مسطله على الاخر .شوي وانسدحت غاليه تحت التلفزيون وحطت المخده تحت راسها ويلست أتابع فلم ورقدت بدون ماتدري.
صوت حشره خفيفه وتقريصات وعت غاليه .
كانوا عبدالله وميره عيال سالم ومريوم بنت علي , وعمر جالبين المخاد تحت وعلى غاليه ويلعبون بالسياير الصغيره ومخلين غاليه درب لهم عراقيب وجانبيلات هع .
نشت غاليه مدوخه وفرت المخاد وقالت بتعب: أنتوا شو تسون
طالعتها ميره ببراءه : نلعب
عبدالله: نعب هلوو ووايد سياره سحومريوم تهز راسها بفرحه موافقه عبدالله ضحك عمر ورفس غاليه على ريولها وشرد , غاليه انقهر
وصرخت : أييييييييي أنتوأ واطالعت اليهال: يعني ماشي مكان غير عليه أفففففففففففففففففففففف عمر الخايس بشوف لاتشرد
عمر ركض عنها وقامت تلحقه , صادفها أبوها عند الباب: شو تبينه الصبي
غاليه بقهر: خاااااااايس ضربني على ريلي وشرد
أبو سالم: والله ماعليه
غاليه: الا أضربه اليوم ويايه بتطلع من الباب
قبضها أبوها وطالعها بستغراب: وين سايره
غاليه: بضربه
أبو سالم : بها اللبس ناسيه ان ريايل برع
أطالعت غاليه جلابيتها الي بدون يدين , وقالت بفشيله: نسيت
أبو سالم: يالله يالعروس دخلي داخال لاتفضحينا .
غاليه عروس, الا أمحق عروس : أن شاء الله
دخلت داخال , ماشفت الهنوف: هاي وين سارت أكيد سارت تكمل رقادها في حجرتها سارت صوب اليهال أطالعوها بخوف .
قالت : أنتوا وين أمهاتكم ها
عبدالله رمس: ماماتي وسكتت
كملت ميره: روحت بلع عند حلمات ووايد هناك عند عند الميلس وقالت نحنا نيلس عند عموه هنو بس عموه قالت أنا بثير ثويه وبيي ألسو عند عمر أذين
غاليه ويدها على خصرها : والله
قال عبدالله وهو يحيس راسه: والله
غاليه يتها ضحكه وبس بينت الضيقه: أنته تكمل عنها حضرك
عبدالله والخوف في عيونه :لا بث بث , وسكت وهو خايف .
غاليه : وليش تلعبون فوقي
أطالعتها ميره وهي تأشر لبرع : عموره قال يالله نلعب ولعبنا
غاليه بصوت عالي وأونها مضيقه: لاوالله تبون اضربكم
أشكال اليهال صدق كانت تكسر بالخاطر , والدموع في عيونهم وهم يطالعون غاليه وشوي لان الهنوف نازله من السلم وتقول: نشيتي
أطالعوها اليهال وربعوا صوبها يصيحون لمتهم الهنوف وقالت : بسم الله شو فيكم
تموا يصيحون ومتقبضين في الهنوف أشرت مريوم صوب غاليه وهي مبوزه
أطالعتها الهنوف بستغراب : شو مسويه فيهم
غاليه : ماشي مادري شو فيهم بزايين
الهنوف : أشك الصراحه انهم بزايين لان أعرفج زين . فديتهم حرااام عليج قلبي عورني عليهم
غاليه ضحكت: أحلى شي يوم يصيحون أصلا يجنون .
وشوي ويوا حريم خوانها وسارت غاليه تبدل ثيابها ونزلت , ويلسوا يسولفون . ترا موزه حرمة علي تعرف تعدل وبتعدل غاليه لانها مارضت تخلي وحده تي وتعدلها .
موزه : غاليووه يالله سيري فوق بين حريم الحين
غاليه: فايجات .
وشوي ويايه أم خليفه فزت غاليه , أستوت من أشوف أم خليفه تستحي , وتتلخبط (( ليكون خليفه مثلا ههه)) .
قامت تسلم عليها وقالت: شحالج عموه .
أم خليفه ببتسامه : الحمدالله فديتج واطالعتها بعجاب : واخبار عروسنا
بلعت غاليه ريجها ونزلت راسها : الحمدالله يسرج الحال
وسلمت عليهن كلهن وردت ويلست عدال غاليه , حطت يدها على يد غاليه وقالت : وين بتتعدلين
أبتسمت غاليه وهي لمه شفايفها بشكل أونها مستحيه : موزه بتعدلني
أم خليفه : زين والله
حمدت ربها غاليه لان أم خليفه ماتهتم بها الاشياء , ويلسوا يسولفون , وشوي روحت غاليه حجرتها لانهن راغنها هع .
شوي وأذن الظهر وصلت ويابوا الغداء لحجرتها ويتها موزه والهنوف
وغاليه تأكل وترمس: أنتن تغديتن
الهنوف: هي
غاليه : أها وأنا أخر الناس ايبون لي غدا وبعد يعني محبوسه في ها الحجره
أطالعت موزه : وين بنتج
موزه وأبتسامه على ويها : راقده , فديتها عقب ماروعتيها تمت مبوزه أون غاي غاي ساحره
ضحكت الهنوف : أبا أعرف شو مسوتبهم انتِ
أبتسمت غاليه : غاي غاي في عينها بنتج الساحره مب أنا
موزه: حرام عليج صدق أنج عمه شريره
غاليه: لالالا مابيوزها ولدي لاتحلمين .
موزه: مانباه ولدج جان بيطلع عليج , ولا على أبوه نباه مزيون ومؤدب
غاليه أرتجفت وهززت راسها خليفه أبو ولدي لالالالا ما أريد أتخيل
موزه ضحكت : شو فيج هاا , طرينا الحبيب والقلب فز
غاليه يلست تفكر: تعرفين أنا من خطبني خليفه لا رمست عواش وعلياء يعني مادري أحس اني مستحيه حتى حتى يعني مره سرت صوب قوم عمي خالد ولاشفت عواش ومن هايج المره ماسرت لهم . بس مره رمستها خطافي
.
كملت غاليه: تعرفين أحس اني لين الحين مب مستوعبه أني بأخذ خليفه
موزه : خلاص عقب كم ساعه بتستوين حرمته .
غاليه بخوف : لاتروعيني .
يلست موزه شوي وسارت أطالع بنتها ميره وولدها حمد. يلست الهنوف مجابله غاليه وأطالعها
قالت :غاليه
أطالعتها غاليه بملل : خير
بوزت الهنوف: بفتقدج .!!!
غاليه بضيق: الي يقول اليوم عرسي , لاتخافين أربع شهور بيلس على جبدج
الهنوف : غاليه بسألج بصدق
غاليه : نعم
الهنوف: أنتِ ليش ماتبين خليفه
أطالعتها بحزن: أنتِ أكثر أنسانه تعرفيني وتسأليني بعد
الهنوف: علشان سيف يعني
غاليه سكتت وهي حايسه بوزها
الهنوف: نسيه !!!!!!
غاليه: كيف تبيني أنساه كيف!!! سنين حبيته من كان عمري 13 تعرفين شو يعني 13 سنه ووايد صح يعني سبع أو ثمان بعد
الهنوف: أعتبريه حب مراهقه ونسيه . شوفي خليفه حليليه شو ذنبه يعني
صرخت غاليه : خليفه يغياضنيه بس يبا يتزوجني و يقهرني
الهنوف: شو دراج يمكن يحبج
غاليه بضيقه: حبته القراده .
الهنوف: صدقيني يمكن خيره لج
غاليه : انزين خلاص نحنا رضينا شو نسوي ماشي أمل الحين
الهنوف : غاليه !! وشوي ودموعها تنزل
غاليه ألتفت لها : شو فيج بسم الله ليش تصحين ؟
الهنوف: ما أقدر بفتقدج أذا روحتي عني !!
غاليه : الي يقول الحين أنا بسير كوكب ثاني .الا على بعد خطوتين .
الهنوف : صدق بس بتكونين في بيت ثاني غير بيتنا
غاليه ضحكت : شو رايج تاخذين أخوه علشان نكون في بيت واحد
الهنوف أحمرت : ها منو اخوه
غاليه : حمدان منو بعد
الهنوف: لالالا شو حمدان بعد
غاليه : عيل أنطبي ولاتيلسين أتصيحين أنزين
وبعد صلاة العصر يت موزه ومنى ويلسوا يسولفون , وبعد صلاة المغرب يلست تعدلها موزه حطت لها أي شدو فوشي مع فضي بشكل حلو دمجته .
وخلصت تعديل جي على الساعه 8 ولبست فستانها . وشوي يندق الباب وتفجه منى وشوي عواش داخله يوم شافت غاليه صرخت : ياويلي حالي على عروسنا
صدق غاليه أحمرت من الخاطر
وصدت عنها صوب المنظر تشوف شكلها لانها ماشفته وموزه ماخلتها أبدا أشوفه يوم هي تسويه
فجت غاليه حلجها : شو ها حاطتلي وووايد
عواش: لالالا مب ووايد حلو .
موزه: لاوالله ملجتج وتبيني أحطج شي عادي .
غاليه بوزت: أنزين
شوي علياء تحدر وتقول: هلا والله بحرمة أخويه القاطعه
غاليه أستحت وقالت: انا لالا أنتِ القاطعه .
علياء: خخخخ انا اصلا من اسبوعين عند خالوه في ابوظبي الا امس دريت عن الملجه أنها اليوم , حتى انه خطبج مادريت الاأمس ههههه مبروك فديتج
غاليه : الله يبارك فيج
وشوي وحد يدق الباب : هود هود حد غريب يبنا عقد الزواج علشان يتوقع
كان علي قالت منى وهي تفج الباب : هي حد غريب هات بخليها توقع
علي: أوكيه خليها توقع هنيه .
سارت منى صوب غاليه , أول ماشفت غاليه الدفتر الي فيه ورقة عقد الزواج تروعت أشرت لها منى توقع قبضت القلم بتردد , وتمت أطالع الورقه شافت توقيع خليفه وأنتفضت , وقعت وهي ترتجف توقيع خرابيط
وأنهلت التباريك عليها وعلي يقول :سوى لي درب بسلم عليها , دخل على وهو مبتسم ولوى على غاليه وقال: مبروووك الغاليه مبروووك فديتج
غاليه بصيحه: الله يبارك فيك الغالي
وشل الدفتر علي وطلع وتمن يحببنها الي في الغرفه معها .
غاليه: أففففففففففففففف قومن عليه مايسوا عليه ها الكثر تحبني
وضحكن عليها , ويت أمها وأم خليفه وسلامة حرمة سالم وسلمن عليها وباركن لها. وبعض الحريم وبعدين روحن ها الحريم
رمست أم خليفه : عيل خليفه يبا يشوفها .
غاليه بخوف وبدون شعور : لالالا
أطالعتها أم خليفه : ليش لا , عيل يروح ها التعديل بلاش وهو طالب بعد يشوفج
غاليه سكتت وهي تترجف قهر يعني ماشي مفر, هو طالب يشوفني يبا يقهرني يعني .
أطالعنها منى والهنوف وهن ميتات ضحك على شكلها المتروع .
وشوي ونزلت تحت في الصاله التحتيه
ويلست فيها وهي ترتجف , وتتنفس بقوه :لايااارب لالا ما اباه يشوفني لالا قلبي يعورني خايفه. خااااااايفه
وشوي وينفج الباب دخل هزاع ومعاه سالم وأبو سالم وخليفه وأبو خليفه وسلموا على غاليه عاده هي رفعت راسها يوم شافتهم
ويت عينها على خليفه صدق كان كاشخ سفره وعقال
وباركوا لها أخوانها وعمها وأبوها ويلسوا شوي وبعدين طلعوا بس تم هزاع
ضحك هزاع: أخبار عروسنا
سكتت غاليه , مالها خاطر ترد عليه حلجها نشف من الخوف .
تحنحن هزاع: شكل العروس مستحيه يالله عيل أنا بروح عنكم خذو راحتكم
غاليه رفعت عيونها له تترجاه مايروح ويخليها بروحها .
نهايه الجزء التاسع .