رواية عقلي يبي محمد و قلبي يبي فيصل

[إلميآسـه]

السلاااااام

على لســآن الكآتبة "مـــلح الحياة" :

بدون اي مقدمات ولاحكي فاضي من هنا ولامن هنا حابة اعرض عليكم روايتي الثانية (عقلي يبي محمد وقلبي يبي فيصل) واشوف ردود افعالكم ياعسل .

(عقلي يبي محمد وقلبي يبي فيصل) لكاتبتها ملح الحياة.







اهم شخصيات الرواية,,,,

العنود/بنت عمرها 22 سنة متخرجة من ثانوي وتشتغل في بنك تصيربنت عمة محمد وفيصل.فيصل/عمره 30 سنة عايش عشر سنسن في امريكا جراح قلب وسيم ومغرور حيل والكل يحسب له الف حساب اذا دخل مكان يوقفون له احتام من شخصيته وحضوره القويمحمد/عمره 28 سنة مهندس في شركة بترول متخرج من النمسا وسيم الى حد ما,,في شبه بينه وبين فيصل ولد عمه بس هذا اسمراني وذاك ابيض وعلاقته بالعائلة كلهم حلوة وشخصيتها واثقة واجتماعية وله علاقة خاصة بعمته ام العنود وعيالها,,,


في بيت ال معمر(البندري والجازي والوليد والهنوف)
العنود/جويزي مابتروحين الجامعة اليوم,,,
الجازي/لابطنش
العنود/وليه التطنيش بالله؟
الجازي/والله البارحة مانمت زين ومالي خلق اقوم من فراشي علشان الجامعة.
العنود/المهم انا والبندري بنطلع من دواماتنا وبنروح بيت جدي على طول
الجازي فزت من سريرها/لاحرام عليكم هذا ظلم
العنود اخذ ت شنطتها ومشت/اقول,,وفري ظلمك في نومك.
******************************* محمد/ماصار ذا يوم الاربعاء نستناه يجي من اسبوع.
خالد/وليش تستناه حضرتك!!!
محمد/علشان اشوفها واكحل عيني بشوفتها
خالد/انا لو منك اصارحها.
محمد/لا انا ابي اتاكد من شعورها اول وبعدين اقولها ,,اخاف يكون قلبها مشغول بغيري
خالد/انا اقول لو تكلمها عن شعورك افضل.
محمد/.خالد/
محمد/.خالد/ مادريت
محمد/عن شنو
خالد/فيصل ولد عمك جاي الاسبوع الجاي
محمد/سمعت ابوي يقول.ياه صار له عشر سنين في امريكا
خالد/الله يوفقه.اتوقعه تزوج امريكية,,
محمد/عمي يقول انه ماتزوج
خالد/يمكن كلام بس !
محمد/لاوصال تقول لما راحوا له ماكان متزوج وقال لهم ان فكرة الزواج ماهي في راسه هذا الكلام قبل سنتين طبعا (وصال اخت محمد زوجة سعود اخو فيصل)خالد/والله فيصل كل شي عنده عادي بتشوفه اذا رجعبيقلب الدنيا
محمد/هو من اول شايف حاله كيف بعد اللحين جراح قد الدنيا.اكيد مايشوف اللي حواليه.
.خالد/هاهاهاها اذا هو دكتور ترى حنا مو طرارين حنا بعد مهندسين قد الدنيا.
محمد/هاهاهاهاها شفيك معصب انت يااخي الدعوة سوالف.
** في بيت العامري بيت ابو فيصل (سعود ,سلطان,لطيفة,نوف,)
نوف/واخيرا اليوم الاربعاء بنروح بيت جدي كلنا.
وصال/أي وانتي الصادقة وحشوني مووت
نوف/ياسلام انتي قبل يومين كنتي هناك كيف مداهم يوحشونك!!
وصال/انا يوم رحت ماكانوا هناك كلهم وبعدين اليوم الاربعاء غير لاتنسين ان عماتي يكونوا موجودين هم وبناتهم.
نوف/.اي بناتهم.
وصال/شفيك
نوف/سرحت في.العنود
وصال/العنود!!!!
نوف/احلى بنات العيلة واذا بغيتي العالم
وصال/انتي نسيتي نفسك ولاغيرة!!
نوف/لاحرام عليك انا اغار من العنود حرامالعنود حبوبة والكل يطريها بالخير بس كنت افكر فيهاسبحان الله على جمال الكون اللي عنده بس ربك باليها بمرض وكل يوم والثاني طايحة بالمستشفى.وصال/هاذي قسمة الله ومافيها اعتراض
نوف/ماعليناكلها كم يوم وابو عبد العزيز يجي عندنا.
وصال/الله يسمع منك ويسمي عبد العزيز مو مثل اخوه فشلني مع عمي
نوف/سعود كان راضي يسمي عبد العزيز بس فيصل دق عليه وقال سموه باسل وراي فيصل يمشي على الكل في النهاية.
وصال/انا باروح اخلص شغلي حق الليلة
نوف/ok ,وانا اقوم اشوف اخبار المنتدى شو صار وشو ماصار
وصال/انتي ماراح يعمي عينك غير هالمنتدى.
من كثر ماتقعدين قباله

الليل في بيت العامري.(بيت الجد واللي ساكن فيه ابو محمد وابو خالد (عيال ابو محمد,وصال,وضحى,مشعل)(عيال ابو خالد لؤلؤة,طلال ,روان )
محمد/عمتي شلونك.
ام الوليد/انشد عنك يمه انت شلونك مع شغلك
محمد/انا بخير .والتفت الى الوليدوانت شخبارك مع الجامعة
الوليد/هانت باقي ثلاث سنين.
ام فيصل/هاهاهاها اجل ماهانت يمه ماراح منك غير سنة وحدة.
الوليد/انا اقول كذا علشان اعطي نفسي دافع.
ام خالد/خلاص الاربعاء يوصل فيصل.
ام فيصل/ان شاء الله.
ام وحيد عمتهم الثانية (هند,مرح,ليالي,وحيد )/ومتى بيجي ان شاء الله
ام فيصل/من الصبحيعني غذاكم وعشاكم بيكون عندنا
ام الوليد/الله يجيبه لنا بالسلامةوالله اشتقنا له حيل ابو عبد العزيز.
ام محمد/انا لو منك ياام فيصل خلاص مااخليه يسافر احكم عليه مؤبد تعويض عن هالعشر السنين اللي راحوا
في الحوش.
نوف/مرحوا والله انها عاجبتني يالدبة قولي عاد خذيها حلال عليك
مرح/لو تحلمين ماعطيتك اياها
لؤلؤة/شنو عاد؟
نوف/جزمتها .تهبل تناسب ثوبي اللي من زار
مرح/
no <<no>>>no
الجازي/عاد انتي ماطلبتي الا من اكرم خلق الله
مرح/ههههههه
لؤلؤة/طيب وقت اللي بتلبسين الثوب خذيها.
نوف/لاابيها لي على طول.
الجازي/والله انتي بعد شغلتك شغلة
الجازي/المهم بنات انتوا ماتلاحظون شي!!
نوف/لامرح/شي مثل شنو عاد
في جهة ثانية.
هند صديقة العنود من صغرهم تهمس للعنود/والله ولد خالك ماهو راضي يشيل عينه من عليك
العنود/لاتقعدين تهذرين مثل العجايز اصلا هو قاعد يناظر فيك
هند/لاوالله حشى قاعد يناظر فيك انتي وصال/علامكم اليوم عندكم اسرار.
هند/لاماعندنا شي بس قاعدين نحش فيك
وصال/فيني انا!!
هند/نقول مشاء الله عليها وصالوا ماكانها صارت ام ولاباين عليها.
وصال/الله ياخذك ياهندوه على هالسوالف.
لطيفة/الا تعالي بنشدك انا.
العنود رفعت راسها ولقت محمد بعده واقف يناظرها قالت هذا شسالفته كل ماارفع راسي الاقيه يناظر بسوي روحي بدخل داخل واذا عنده شي بيناديني
العنود/بدخل شوي ياجماعةوصال/المهم لاتصيفين وشوفي باسل عند خالتي اذا هو ساكت ولايصيح.(ورجعوا يكملوا سالفتهم‘)
وقامت العنود ومشت في جهة محمد اللي كان واقف فيها ويوم مرت جنبه ناداها.
محمد/عنود.لفت لعنده العنود/انا العنود يامحمد ماني عنود.!!
محمد(وهو يتاملها)/اسف والله مو قصدي اقلل منك يابنت عمتي
العنود بتبسامة /لاعادي امزح معك في شيء!!
محمد/ممكن اتكلم معك ؟
العنود/تفضل محمد/لا في موضوع خاص يعني مو هنا
العنود/شنو
محمد/يعني مايصير وحنا واقفين نتكلم فيه وكل شوي واحد يقاطعنا
العنود/بالمختصر
محمد/فيني اكلمك على جوالك؟
العنود/.
محمد/اذا بيضايقك خلاص
العنود/وهالشي ضروري؟
محمد/بالنسبة لي طبعا.
العنود/طيبدق علي الليلة بنتظرك
ومشت عنه وهو بعده يتاملها.
الجازي/انتوا منتوا ملاحظين ان محمد ولد خالي ماهو شايل عينه عن العنود اختي؟
والتفتوا البنات الى الجهة اللي كان محمد واقف فيها
نوف//أي والله لايكون يحبها؟
مرح/شكله يقول أي
الجازي/الا أي ونص.اصلا محمد رجله ماخذة على بيتنا في الفترة الاخيرة ومايجي الا اذا ضمن ان العنود تكون رادة من دوامها او في البيت ماهي طالعة .ودايما يقول لاامي خليها تقعد في البيت مرتاحة بدل الشغل ماعندنا غير عنود وحدة مانبي نتعبها .هذا شمعناته بالله
لؤلؤة/ماله معنى ثاني طلع محمد غرقان في العنود.
نوف/اصلا انا لو مكان العنود والله عاطيني هالجمال كله مااتزوج الا بعد قصة حب فلتة
مرح/ياي عليك يالرومنسية .بنشوف قصة حبك مع طلول كيف تكون
هاهاهاهاهاهاها
نوف بعصبية/ماهو اخر عيالك تقولين عنه طلول ؟
الجازي/الا صحيح شخباره؟
لؤلؤة/الاخبار كلها عند ام النوف
نوف/طيب
مرح/ندري طيب يعني خلص لو بعده؟
نوف/بلى قاعد يطبق اللحين.
مرح/د. اسنان
لؤلؤة/ولو انه مايناسبه .
نوف/وش اللي مايناسبه يلي ماتستحين على وجهك.
الجازي/هههههه هاذي الحقيقة بعد ليش الزعل.
********************************في اخر الليل
العنود قاعدة بغرفتها ودق عليها محمد.
العنود/الو
محمد/هلا والله
العنود/اهلين
محمد/نمتي؟
العنود/لا
محمد/تنتظريني
العنود/شنو كنت بتقول.
محمد/شخباركالعنود/طيبة.محمد لاتلف وتدور قول شعندك؟
محمد/اه .عنودانتي
قاطعته العنود/اسمي العنود.
محمد/ sory غلطة غير مقصودة.
العنود/وصاير تغلطها واجد
محمد/
العنود/أي كمل.
محمد/زعلتي يالعنود؟
العنود/واذا زعلت شبيصير؟
محمد/اه يالعنود بموت نفسي طبعا.
العنود/محمد/ماسالتيني ليه؟ طيب انا بقولك .العنود انا.انا غرقان فيك.
(العنود مسكت شهقتها لايسمعها محمد من المفاجاْة وسوت روحها طبيعية)
محمد/ لاتسكتين ردي علي يالعنود.
العنود/محمد/انتي في احد في بالك .بس صاريحيني.
العنود/لا
محمد/اه,,(بس هالمرة تنهيدة ارتياح)العنود/محمد انت فاجاتني وبصراحة مدري شقولك
محمد/انا يالعنود احبك من زمان بس كنت خايف اصرحك وتكونين حاطة في بالك شي ثاني.
العنود/ويوم عرفت ان بالي فاضي ارتحت؟
محمد/ارتحت حيل يا
العنود/.
محمد/كلميني عن نفسك.
العنود/ليه انت شلي ماتعرفه بالضبط؟
محمد/اشياءك الخاصة كلها مااعرفها
العنود/وانت تبي تنط مرة وحدة على اشياءي الخاصة
محمد/هاهاهاها ابي اعرف العنود
العنود/لسه بدري.
محمد/طيب فيني اقولك حبيبتي
العنود/لامحمد/ليه عاد حبيبتي
العنود/محمدمحمد/ياعيون محمد انتي.
العنود/.
محمد/شرايك تجين بكرة تتغذين عندنا في البيت
العنود/لامااقدر
محمد/ليش عاد؟
العنود/عندي شغل ولازم اخلصه .محمد انا بسكر زين اني تذكرت ان عندي بكرة شغلتصبح على خير.
محمد/ليش انا الليلة بنام علشان اصبح.حرام عليك انا بظل افكر فيكالعنود/تصبح على خير,,,,,,,,,,,وماعطته مجال يتكلم ,,,,,واخذت سماعة التلفون العادي ودقت على هند اللي تستناها تنقل لها الاخبار,,,
هند/هلا
العنود/اهلين.هند/ها .قولي
العنود/سمعي .
هند/قايلة لك انا هالنظرات ماهي طبيعية بس انتي ماصدقتيني.
العنود/مدري.
هند/وكيف تكلمتي معه.
العنود/لا ماعطيته وجه ابدا وكنت اكلمه بجفاف كبير.هند/وقال شيالعنود/لا عادي قام يتكلم على طبيعته

**خلوني اوصف لكم العنود وشخصيتها.العنود بنت مرة جميلة بشرتها برونزية وشعرها اشقراني مووت وعيونها رصاصية فاتحة وهذا الشي اللي يجذبك تناظر فيها من تشوفها رشيقة جدا جدا وهذا راجع لمرضها طبعا عندها تكسر بالدم وتتعب منه حيل معظم وقتها في المستشفى لانها ماتتحمل اي شي نعومة حيييل وبريئة لدرجة مو طبيعية كل الناس عندها طيبين ونيتهم صافية مادخلت الجامعة واشتغلت في بنك هي وهند بعد ماتوسط لهم خالها ابو فيصل اللي له د ور رئيسي في حياتها هي واخوانها بعد ماتوفى ابوهم لان ابو فيصل هو اللي تكفل فيهم وكان لهم ابو قبل لايكون خال وكانوا متعلقين فيه اكثر من جدهم
************************************اليوم الثاني.(في قسم بو خالد)
طلال/وين اختك نايمة.
روان/طبعا اليوم الخميس ماعندها جامعة
طلال/هاذي كلاه نايمة مافرقت عندها خميس لو جمعة.
روان/انت ماعندك تطبيق اليوم؟
طلال/لا
ويدق تلفون البيت
طلال/الو
نوف/.السلام عليكم
طلال/وعليكم السلام
نوف عرفته بس حبت تتعير/خالد شلونك.
طلال/هلا نوفانا طلال ولامو عاجبك صوتي.
نوف/طلال sory والله مااميز بينك وبين اخوك
طلال/غريبة مع ان في اختلاف كبير في الاصواتكيفك انتي
نوف/طيبة الحمد للهلؤلؤة قاعدة؟
طلال/لا طبعا ماهي قاعدة بس علشانك ممكن نصحيها
نوف/لاخلاص بدق عليها في غير وقتشكرا
طلال/داقة بس تسالين عن لؤلؤة؟
نوف/ايطلال/بس!!!!
نوف/اكيد ليش انت متوقع ان في شي ثاني يعني
طلال/.لا بس
نوف/طيب باي.
***بتكلم لكم شوي عن نوف وطلال.من الصغر والجد قايل نوف لطلال وطلال لنوف وكبروا ثنينهم على هاالشي وطلال يموت على طالايها ودايم يحاول يتقرب منها ونوف تحبه بس صديقاتها اللي يعرفون بها الشي ولا هي دايما اذا شافت طلال مايهزها رغم انها تذوب عليه بس تحب تثقل معه بزيادة وتتصدد عنه وهذا اللي مجنن طلال فيها اكثر واكثرطلال يدرس طب اسنان وسيم بدرجة معقولة يشبه لااخوه خالد كثير مملوح وجسمه متناسق صار همه الشاغل انه يلبس ويتكشخ علشان حبيبة القلب ترضى عنه لان نوف معروفة ااْناق وحدة في العيلة كلها .اما نوف فهي تدرس بالجامعة مع لؤلؤة ومرح ووالجازي بيضة عيونها وساع وشعرها ناعم وصابغته ثلجي وصاير يهبل فيها دلوعة ابو فيصل وبلا شك ماينرفض ليها طلب ابدا ومهما كان بس قلبها طيب
********************************لطيفة/اقول يمه
ام فيصل/نعم يمه
لطيفة/وين بتسوون حفل الاستقبال حق فيصل لارجع
ام فيصل/والله ابوك ماهو راضي يحجز شي الا اذا رجع فيصل يخاف ماتعجبه الحجوزات.
لطيفة/اه يمهوالله واحشنا فيصل
ام فيصل/اذا واحشك مرة يالطيفة فاانا امه يظل واحشني حتى وهو جنبي شتقولين عن قلبي اللي متقطع على فراقه.
لطيفة/خلاص يمه هانت كاهو راجع لنا بالسلامة.
ام فيصل/كلها من عمري يابنيتي.
لطيفة/يمه انتي كنتي تروحين له دايما في الاجازات.
ام فيصل/سنة اروح وسنتين مااروح واذا رحنا قعدنا اسبوعين لو ثلاثة في بالك يالطيفة هذا يطفي شوق الام ولا يكفيها انا اظل افكر فيه كل ليلة يمه
لطيفة/يمه فيصل ماهو صغير علشان تقعدين تحاتينه اللي كبره اللحين عندهم عيال.وانتي للحين تقعدين تحاتين,,,
ام فيصل/لاتلوميني يمه هذا ولدي وبكري وابي اتطمن عليه انا حتى اذا رجع وزوجته وجاب عيال بظل احاتيه.

يتبــــع

---

v,hdm urgd dfd lpl] , rgfd dfd tdwg

[إلميآسـه]

في بيت ال معمر.
ام الوليد/هلا والله بمحمد شلونك يمه؟
محمد/هلا عمتي وشلونك؟
ام الوليد/انا بخير انت شلونك
محمد/والله ياعمتي من كثر ماانتي واحشتني جيت اتغذى معك اذا بعدك ماتغذيتي؟
ام الوليد/لاوالله يمه انتظر العنود قالت بتصلي وبتنزل تتغذى معي جيت بوقتك حياك يمه.
محمد في باله(هذا من حظي يوم بقعد مع العنود على سفرة وحدة!!!)
ام الوليد/محمد شفيك انا اكلمك وانت عينك على الباب؟
محمد/لا بس
ام الوليد/علمني وش فيك انت هاالفترة منت طبيعي فيك شيمو على بعضك اصلا!!!
محمد/عمتي اذا خطبت العنود شبتقولين.
ام الوليد/العنود!!
محمد/اي العنود ليه فيني شي غلط علشان تستغربين؟
ام الوليد/لا يمه مو انت بس انت عارف وضعها الصحي يمه وانها تحتاج تبديل دم كل فترة والثانيةو.
محمد/ماهو شي جديد ياعمتي انا عارف وراضي بها الشي بعد
ام الوليد/بس يامحمد.
محمد/عمتي خليني اكون صريح معك انا احس بانجذاب ناحيتها واحس الدنيا تكون غير وهي موجودة واوعدك اني احطها في عيوني
ام الوليد/يامحمد اذا علي انا ماراح الاقي مثلك ابدا ياولدي بس
محمد/بس شنو ياعمتي؟
ام الوليد/اهلك يمه لازم تشاورهم في ها الموضوع
محمد/وهلي وين بيلقون احسن من العنود ياعمتي
ام الوليد/ولو يمه هذا زواج مو لعبة .
العنود من ورى الباب/يمه من قاعدة تكلمين؟
ام العنود/لبسي عبايتك يمه وتعالي
محمد متضايق حيل(اوووف كان شفتها اللحين بدون عباية)
وبعد دقايق دخلت العنود/السلام عليكم.ورفعت راسها ولقت محمد في وجها
العنود/محمد!!!
محمد/هلا وغلا فيك
العنود/اهلين
ام الوليد/ها يمه احط لك الغذىترانا ننتظرك
العنود/قعدي انتي ارتاحي وانا بجهزه واناديك
وراحت المطبخ وهي تفكر بمحمد صار له فترة يتردد على بيتهم ويتغذى ويتعشى معهم واحيانا يوصلهم مشاويرهم وين ماكانت بس ليش اليوم صايرة مشاعرها متغيرة ناحيته من بعد مكالمة البارحة!!!
محمد/جاية تجهزين الاكل لو تسرحين!!!
العنود انتبهت على صوت محمد/ها.
محمد/اموت واعرف في شنو كنتي سرحانة؟
العنود/ولاشي
محمد بتشكيك/متاْكدة!!
العنود/محمد انت لازم تسوي الشي اللي تبيه!!
محمد/مافهمت عليك؟
العنود/كنت تبيني اجي عندكم ويوم قلت لك لا انت جيت
محمد/انا اسف ماكان قصدي اضايقك؟
العنود/لا عادي ماعندي اي مشكلة
محمدتقرب منها ومسك الصحن اللي في يدها وهمس لها/انتي ارتاحي وانا بجهز لك كل شي ياقلبي
العنود ابتعدت عنه/محمد لو سمحت امي في الصالة وخليني اجهز الاكل
محمد/وانا شطالب غير اني اريحك!!
العنود/شكرا.



في بيت العامري بعد صلاة العشاء
الجد/انت منت خالي يامحمد عندك شي
محمد/
(خلوني اتكلم شوي عن شخصية محمد.محمد اسمراني مملوح وسيم ومثل ماذكرت قبل انه بينه وبين فيصل شبه كبير بس محمد اسمراني وفيصل اشقراني ابيضالمهم ماعلينا جسمه حلو وعيونه بنية وشعره ناعم وشخصيته مرحة بدرجة كبيرة والكل يحبه واللي مايعرفونه عنه انه رومنسي مووت مو طبيعي الكبير والصغير يعتمد عليه والجد يوده بشكل خاص وعلاقته حلوة فيه لانه حنون مع الكل)
ام محمد/محمد شفيك
محمد/ابي اتزوج.
ابو محمد/هاذي الساعة المباركة ياولدي واللي يبي يتزوج كذا مو عارف يقول كلمتين على بعض
الجدة/من بكرة انا بطلع معاهم ادور لك احلى عروسهذا محمد وليدي حبيبي
الجد/محمد حاف قولي المهندس محمد وحطوا في بالكم لازم تختارون له زينة البنات
محمد/.العنود.ابي العنود بنت عمتي
الجد/.
/الجدة/
ابو محمد وام محمد/
ابو محمد/والنعم فيها بنت اختي بس يامحمد انت عارف ضروفها الصحية وشقد العنود تعبانة في حياتها
محمد/عارف.
الجد/واحتمال ماتقدر تعطيك عيال
محمد/راضي.
ام محمد/فكر عدل يمه هذا زواج مو لعبة استقرار ومسؤلية
محمد/انا غير العنود ماراح اتزوج
.
.

الجد مسك سماعة التلفونودق على عياله يجون بكرة البيت ضروري.
محمد/شنو يعني ياجدي؟
الجد/يعني بكرة الله بيقدم اللي فيه الخير.
.
محمد طلع مع خالد.(خالد ولد عمهم وصديق محمد من الصغر وطدرسوا هندسة مع بعض واشتغلوا في نفس الشركة وبعدهم اعز صديقينخالد وسيم بس فيه شوية غرور مو مثل محمد مرح مع الكل بس قلبه طيب وفيه جدية اكثر من محمد مملوح مثل محمد ويمكن في حلاوة احلى من محمد علشان عيونه افتح منه)
خالد/بها السرعة
محمد/لاهي صغيرة انطرها تكبرولاتوني متخرج واستنى الوظيفة
خالد/ماقلنا شي بس كاْنك استعجلت
محمد/ولااستعجلت ولاشي
خالد/خلاص اجل نملك اثنينا في ليلة وحدة انت تاخذ عنود وانا اخذ هند
محمد/اسمها العنود ياخالد العنود
خالد/هههههههههه الله عليكم من اللحين مانرضى على بعض
محمد/لاتنسى انها حرمنا المصون
خالد/لا مانسيت انت قلت لها انك خطبتها من جدي؟
محمد/لا ماقلت
خالد/المفروض تعطيها خبر علشان لو وصلها كلام من هنا ولامن هنا ماتتفاجاْ؟.
محمد ماصدق على الله مسك جواله ودق على العنود.
العنود/الوو
محمد/هلا
العنود/اهلين محمد
محمد/عفوا اذا ازعجتك؟
العنود/لا عادي لسه مانمت.
محمد/ابي اقولك شي.
العنود/شنو.
محمد/اذا قلت لك ان الليلة في واحد خطبك من جدي شبتقولين؟

العنود/خطبني انا!!!!!
محمد/اي انتي ليش مستغربة
العنود/مو مستغربة بس
محمد/بس شنو
العنود/مدري.
محمد/جدي كلم عمتي وقال لها بكرة تجي البيت
العنود/اي صح كلمها وانا كنت جنبها.علشان كذا يبيها؟
محمد/اي علشان كذا.انتي شنو رايك؟
العنود.
محمد/العنود شنو رايك؟
العنود/لا بقول لا؟
محمد وتنهيدة ارتياح سبقت كلامه/ليه؟
العنود استحت من لهجة محمدوحست انه يبي يجرها بالكلام/بس.
محمد/بس انتي ماتعرفينه؟
العنود/ماهي فارقة عندي
محمد/واذا كنت انا
العنود/انت ؟!!!!!!!!!!!!!!!!!!
محمد/اي انا.
العنود/انت تتكلم من جدك؟
محمد/طبعا من جدي ليش يمزحون في هاالسوالف.
العنود/طيب ليش.
محمد/علشان نكون جنب بعض علطول.
العنود/بس ما مدانا عرفنا بعض يامحمد
محمد/فترة الخطوبة بتعرفنا في بعض وتقربنا من بعض
العنود/انت دايم كذا مستعجل
محمد/خايف تطيرين مني
العنود/ليش عصفور انا علشان اطير
محمد/انتي احلى من كل العصافير اللي بالعالم
العنودج/
محمد/الله على الخجلانين اموووت انا فيهم,,
العنود/محمد انت مو طبيعي ابدا كلمتني البارح وقلت لي احبك والليلة تخطبني جد انك مو معقول!!!
محمد/ليلتين من صارحتك بحبي بس حسبي عمري الللي راح قبل لااصارحك بتلاقينه ماينعد يالعنود
العنود/وليه ماصارحتني من قبل,,
محمد/كنت خايف
العنود/وشلي خلاك تصارحني مرة وحدة مدامك خايف؟
محمد/خفت تروحين مني يالعنودوماقدرت اتحمل اكثر.
وفي ها اللحظة دخلت البندري غرفة العنود وقعدت جنبها على الفراش وهي ماسكة مجلات في يدها
العنود/محمد فيني اقولك تصبح على خير
محمد/بس قبل ودي اقولك شي
العنود/شنو؟
محمد/احبك.
العنود انقلب وجها/تصبح على خير.وسكرت السماعة وهي حاسة ان عيونها بتطلع من الكلمة اللي قالها
البندري/عنود مو كاْنه في تلاطف بينك وبين محمد ولد خالي
العنود/بندورة.محمد
البندري/شفيه؟
العنود/خطبني من جدي الليلة’
البندري/جداحلفيقولي والله.مو مصدقة عنودوايايالف الف مبروك وقانمت حضنتها.مبروك ياست العرايس.
العنود/انتي شفيك مابعد صار شي
البندري/بيصير ياقلبي بيصير اصلا امي مستحيل ترفض محمد لانها لو تلف العالم مابتلاقيه ربعه.
وبعدين بيني وبينك كل البنات ليلة الخميس يعلقون على نظرات محمد لك.
العنود
البندري/انتي شرايك فيه؟
العنود/انا
البندري/اي شرايك في محمد؟
العنود/يعني
البندري/يعني شنو؟
العنود/يعني
البندري/عنود ووجع اخذ الكلام منك بالقطارة.تكلمي بسرعة
العنود/محمد انسان اجتماعي وحبوب ومهندس شاطر قدر يثبت نفسه بسرعة وطيوب.
البندري بنفاذ صبر/يعني.
العنود/انا ارتاح له وانبسط لمى يكون جنبي احس اني اميرة
البندري/عيني على الحركات .


يتبع

[إلميآسـه]

لؤلؤة ونوف على التلفون.
نوف/دقيت لك امس رد علي اخوك قال لي نايمة
لؤلؤة/اي واحد فيهم هم اثنينهم ماقالوا لي
نوف/.طلال
لؤلؤة/اوه ه ه ه طلول وشقلتوا لبعض ؟وكيف لعبتي باعصاب اخوي هالمرة ؟وكلمك عادي لو قام يصارخ اعرفه شراني بس ساعات يصير طيب.الو نوفوا بعدك معي على الخط؟
نوف/ممكن تعيدي كلامك بسرعة لو سمحتي؟
لؤلؤة/اعيد كلامي.!! وانفجرت من الضحك بعد ماسكتت شوي لانها ماكانت فاهمة
لؤلؤة/هههههه ياقلبي والله مو قادرة ههههههه
نوف/ياتعيدين كلامك ياقسم بالله راح اسكر!
لؤلؤة/ههههه قلت طلول وقلت بعد شراني هذولي هجاء اما الباقي وربي مدح مافيهم شي
نوف/لاوالله وتعيدينهم بعد !!اقول لؤلؤة ماودك اروح اقول لااخوي سلطان انك تحبينه!!!!ل
ؤلؤة بعصبية/نوف خلاص عاد انا ماقلت لك شي؟
نوف/اعتذري اول
لؤلؤة/ماني معتذرة اخوي وبكيفي يالله باي.وسكرت الخط بوجه نوف اللي استغربت من ردة فعل لؤلؤة
نوف/هاذي شفيها قلبت مرة وحدة؟وقامت تكلم نفسها.(لؤلؤة صار لها زمان تلاحق سلطان بعيونها وهو لاهي في نانسي بنت خالتي لايكون بس عرفت انه يحب نانسيوحضرتي جيت وقلبت مزاجها !!!)
اما لؤلؤة من جا طاري سلطان رمت نفسها على فراشها وقامت تبكي بدموع وبدون صوت كانت تحبه مووت بس هو مايعبرها اصلا!!! كانت تتمنى تصرح له بحبها ويوم نوت لقته مايل ناحية نانسي بنت خالته وقررت الانسحاب وانها تدفنه بقلبها الوحيدة نوف اللي كانت تعرف بحبها لسلطان وماعرفت الا بالغلطاه ياسلطاناه ياولد عمي ليش احبك وانت ماتدري عني.ليش اذوب في كل لحظة بحبك وانت مو قادر تحس فيني.حرام عليك والله .ليش مو قادر تحس بالقلب اللي يفداكحبيبي انا كلي فداء موطىْ رجلك يابعد طوايفي.شبيصير لو مرة بالغلط قلتيلي شلونك يابنت عمي؟شبيصير يعني لو ابتسمت في وجهي مرة وحدة بس مو اكثر!!!!
وقطع عليها جوالها يدق كانت نوف المتصلة عطتها بزي ورجعت كملت بكيها.
(لؤلؤة .البنت الوحيدة لاابو خالداخت طلال وخالد.مكملة لشلة بنات الجامعة نوف ومرح والجازي.رشيقة الى حد ما.سمراويةوشعرها ناعم.وفيها براْة عجيبة.تموت على ها السلطان اللي مو عارف لها درب من الاساس!!!)

***
يوم ثاني في البنك
هند/ياسلام طلع مافيه صبر ابدا!!!
العنود/شفيك عليه واحد ماعنده خرابيط اصلا قال ادخل من الباب احسن (ياعيني على الترقيعة ههه)
هند/والله وتدافعين عنه بعد
العنود/طبعا مو ولد خالي وبيصير خطيبي.
هند/وبعد.
العنود بضحكة/وحبيبي
هند/ههههههههه
العنود/تصدقين شوي واطير من الفرح.
هند/لاتطيرين بعدين تثبتين له صدق انك عصفور.
العنود/ههههه هذا جوالي يدقهاذي ماما.الو.اهلين ماماكيفك ليش.طيب انتي هناك.طيب باي.

هند/شفيها؟
العنود/تقول لاتروحين البيت تعالي بيت جدك يبيك
هند/عنودوا السالفة شكلها جد وبيحكمون عليك مؤبد وبيدخلونك القفص الذهبي وجدي مثل ماانتي عارفة مافي شي اسمه فترة خطوبة بين الاهل مثل ماصار مع وصال
العنود/هههه والله ماشكلنا بنحتاج فترة خطوبة اصلا
(هند.بنت عمتهم ام وحيد وتصير بنت خالة العنود.وهي اعز صديقة لها من الصغربنت فاهمة وشخصية ورزة وثقل.فيها شوية غرور اكثر من العنود لان العنود بطبيعتها طيوبة مع الكل.بس داخلها طيب سمرة ونعومة وهي البنت الكبيرة في بيتهم علشان كذا يعتمدون عليها في امور كثيرة.وصداقتها مع العنود معروفة عند العائلة كلها يدرون ان هند ماتعيش بدون العنود ولا العنود تعيش بدون هند ودايم مع بعضهم البعض في كل المواقف الزينة والشينة)

***
في بيت العامري
الجد/انا جامعكم علشان اقولكم اليوم ان محمد خطب العنود
ام وحيد/هاذي الساعة المباركة والله
ابو فيصل/لا خوش خبر بس ليش اختي ام الوليد ساكتة ماعندها تعليق عسى ماشر؟
ام الوليد/ماشر ياخوي بس الشور لاابوي ولكم
ابو خالد/واحنا نقول بنتنا لولدنا ولو نلف العالم كله ماراح نلقى مثل محمد
ابو محمد/علامك يام الوليد كاْن ولدي مو عاجبك؟
ام الوليد/حشى ولدك من العيب ياخوي؟
الجدة/علامك يابنيتي ليه متضايقة
ام الوليد/العنود
الجد/ليش العنود عندها خبر عن الموضوع قبلنا !!!
ام الوليد/ماعندها خبر يبى (اي هذا وجهي ههه) بس انا اتكلم عن وضعها الصحي
ابو فيصل/افا عليك بس يااختي محمد بيحطها في عيونه لاتحاتين
ام الوليد/اي بس حالتها مو مستقرة وانتوا ادرى بمرضها وحتى اذا الله عطاها عيال ماراح يكونون بخير,,,
ابو محمد/بيني وبينك يااختي ولاتزعلين مني.انا كلمت محمد عن الموضوع هذا بالذات وقال انه عارف وراضي ولا مصر عليها مايبي غيرها.
ام الوليد/
ابو فيصل/خلاص عاد يام الوليد لاتحاتين قلنا لك محمد بيحطها في عيونه وبعدين اذا محمد ماحطها في عيونه تبين الغريب ياخذها وتتمرمر معهمو معقولة يااختي هالكلام
ابو خالد/لاخلاص اختي ماعندها مانعانتوا بس متى راح تقولون للعنود؟
الجد/امها كلمتها وهي جاية في الطريق هني.
ابو فيصل/كلموا محمد يجي بعد علشان نتفاهم على كل شي
الجد/ما ناخذ شور العروس اول؟
ابو فيصل/يبى عنود وين بتلاقي احسن من محمدنا .ابو محمد كلم ولدك خله يجي على ماتوصل العنود ويكون عندها خبر بالموضوع
الجد/خلاص اذا انت تشوف كذا يابو فيصل دق على ولدك يابو محمد (ابو فيصل الكبير وكلمته دايما هي اللي تمشي لانه شخصيته قوية وهو اللي تكفل بااخته ام الوليد بعد ماتوفى زوجها)
وبعد دقايق دخلت العنود المجلس
العنود/السلام عليكم
الجد/وعليكم السلام والرحمة تعالي ياعروستنا قعدي
العنود بضحكة/وصرت عروس بعد ياجدي
ابو فيصل/من زمان وانتي عروس تعالي بس تعالي

***
ليالي/احلفي؟
البندري/اقولك البارح كلمها وانا معها ومن شوي امي كلمتها وقالت لها تروح بيت جدي
ليالي/ياي وناسة بكلم وضحوا اخر المستجدات تبلغنا اياها فورا(حلوة فورا عجبتني)
البندري/قولي لها الخايبة المفروض نسمع الخبر منها مو مو نايمة في العسل ماتدري عن شي.
ليالي/هاهاها طيب بقول لها يالله باي.

***
العنود نزلت راسها بالارض/.محمد
الجد/اي محمد زينة شبابنا وش تبين بعد!!
العنود/.
ابو فيصل/عاد يالعنود محمد شاريك بكنوز الدنيا
ام وحيد/ها شرايك يابنيتي؟
ابو فيصل/شرايها بعد هي وين بتلقى مثل محمد؟
الجدة/ماقلتي شي يالعنود؟
العنود/.اللي انتوا تشوفونه
ابو فيصل/اللي احنا نشوفه الف مبروك (كانه ابو فيصل مو عاطيها مجال تتلكم ولاحتى تفكر؟)
ام وحيد/كللللللللللللويش.بالمبارك يبنيتي بالمبارك.
ابو محمد/بالمبارك يااملنا
ابو خالد/ان شاء الله منه المال ومنك العيال يابنيتي.
محمد اللي توه داخل/مال وعيال شالسالفة عسى ماشر؟
ابو فيصل/ههههه عسى ماشر يعني ماتدري عن السالفة كلش
محمد/كيف بدري وانا توني جاي؟
ابو خالد/خطبنا لعنودنا وزواجناها
محمد يكلم العنود/وافقتي!!
ابو فيصل/ها محمد على اساس انك ماتعرف شي
وقاموا الجماعة يضحكون على محمد اللي بعده واقف مكانه وعيونه على العنود
الجدة/يالله عاد مو كلكم على وليدي محمد
الجد/تعال يبى محمد اقعد خلنا نتفاهم,,
محمد دخل وقعد جنب العنود اللي نزلت راسها يوم ان جدها وخواله ضحكوا من حركة محمد
الجد/احنا قلنا وافقت بس ماقلنا ارمي الحبل واقعد جنبها!!
محمد/مو لاني عارف ياجدي قوانينك من هاالناحية نملك اللحين ولااشوفها وعندنا اربعة خمسة شهور حق التاْثيث وحجوزات العرس ولااطلع معها ولااشوفها وعندك ليلة الخميس تشوفها هنا مع شعب الله المختار كله!!!
/
الجد/مشاء الله حافظ درسك زين
محمد/مو هذا الصدق!!
ابو خالد/ماعلينا متى تبون الملكة؟
محمد/الاسبوع الجاي نقرر
الجد/وليه الاسبوع الجاي نقرر واحنا مجتمعين اللحين
محمد/بيكون فيصل رجع ياجدي ويفرح معنا والله اني مو ناوي املك الا وفيصل بينا
ابو فيصل/بارك الله فيك يامحمد والله اني موعارف شقولك
محمد/لاتقول شي ياعمي فيصل قبل لايكون ولد عمي هذا اخوي الكبير والفرحة ماتتم الابوجوده في وسطنا
ابو فيصل/تسلم يامحمد تسلم
ابو محمد/لاياخوي محمد وفيصل اخوان ولو محمد ماقالها انا كنت بقولها شدعوة هذا فيصل ولدي الغالي
الجدة/اللي يرده لنا بالسلامة ان شاءالله ونفرح فيه هو بعد.
العنود كبر محمد في عيونها اكثر واكثر من هاالموقف وحست انه فعلا رجال بحق وحقيق ويعتمد عليه.
ام وحيد/اقول يالمعرس ليش ماتقوم توصلني البيت؟
الجدة/قعدي تغذي هنا ياام وحيد
ام وحيد/لايمه العيال رجعوا من جامعاتهم وهند اكيد وصلت من دوامها اللحين
الجد/كلميها يجون هنا
ام وحيد/ونومة الظهر اللي مايستغنون عنها.الليل ان شاء الله بمركم.
ام الوليد/اجل خذوني في طريقكم
ابو فيصل/وانتي ليش بعد بتروحين؟
ام الوليد/انا اللي عندي لو مااحط الاكل بعيونهم مايتحركون.
ابو محمد/يالله العروس بكبرها عندنا تتغذى معنا
محمد/لا عروستي بتتغذى معي مابعد ملكنا ياجدي علشان تمنعني من شوفتهاانا واحد عازم بنت عمتي على الغذى وين المشكلة؟
الجد رفع اكتافه بمعنى انت ماخليت لي مجال اتكلم وابو فيصل وابو خالد وابو محمد ضحكوا عليه,,
.
وصلوا ام وحيد وبعدين ام الوليد.
ام الوليد/عاد لاتصيفون
محمد/عمتي عاد محنا صغاراللي كبرنا عندهم عيال
ام الوليد/وانت حضرتك ليش ماتزوجت وجبت عيال مثل اللي كبرك توك تشوف بنتي لو توك تشوفها.
محمد/ههههه لافي هاذي معك حق ياعمتي.
ونزلت ام الوليد.وركبت العنود جنب محمد اللي كان يتاْملها
محمد/ماسمعت صوتك اليوم؟
العنود عيونها في الارض/يالله امشي تراني بموت من الجوع
محمد/ههههه ان شاء الله عمتي انتي تاْمرين امر.

في بيت ام وحيد
مرح/صدق ماحد عطاني خبر ولااحد علمني.
ليتالي/اي بس من الصبح عندي خبر
ام وحيد/اكيد وضحى قايلة لك؟
ليالي/ها وضحى اي وضحى
هند/والله ماشكلها وضحى ههه
مرح/عهههههههههههههههههه
ام وحيد/الا العنود مادقت عليك ياهند وقالت لك اللحين شي؟
هند/بلى يمه قالت لي من البارحة
ام وحيد/اليارحة!!!
هند/يمه هو كلمها البارحة وقال لها انه يبيها على سنة الله ورسوله وبس علشان لاتتفاْجا,,,
مرح/كلمها بس علشان يعطيها خبر لو في شي ثاني
ام وحيد/انتي منو لقفك بالكلام هاسكتي ولاكلمة
مرح/زين عاد بيت مافيه الا الزف والصراخ!!!

[إلميآسـه]

في مطعم الغابة اللبناني
كانت العنود تتاْمل في السقف اللي من سعف والطاولات الخشبية اللي كاْنها قديمة والنوافير اللي مالية المكان وصوت العصافير اللي عاطي المكان خصوصية وشاعرية
العنود/دايم تجي هنا
محمد/ليش ماعجبك اكلهم؟
العنود/تركيزي كله صاير على المكان مو على الاكل بصراحة باهرني المكان انا امووت على الاماكن اللي كذا كاْنه غابة ولا مغارة ولا شي من ها القبيل
محمد/وانا احبك انت
العنود صارت تطالع بصحنها
محمد/ياي ياخجول بتذوبني انت كذا.
العنود/.
محمد/اوعدك اخلي الايام اللي جاية بينا كلها حلاوة وقشطة مثلك بالضبط
العنود/.
محمد/انتي نور عيوني ودنيتي ومافيني اصبر بدونك صدقيني!!
العنود/خلاص محمد مشينا ترانا تاْخرنا
محمد/اي بس ماحلينا ياعمري؟
العنود/لا خلاص انا اكثر من كذا مافيني بعدين امووت يامحمد(هي كانت تقصد كلامه وغزله فيها طول الوقت وهو فهمها انها شبعت من الاكل)
محمد/لا مايصير كذا انتي مااكلتي شي انتي حتى باسل ولد وصال اكله اكثر منك؟
العنود/بنقوم نمشي لو لا
محمد/والحلى؟
العنود/اقولك مااقدر كله بيوم واحد يامحمد شوي شوي علي.
محمد/كله بيوم واحد مافهمتوطالع بالعنود اللي نزلت راسها بالارض بعدين ابتسم لمى فهم هي شتقصد.
محمد/ماشي نقوم اللحين بس ضروري نحلي الليلة ياعسل

***

في بيت ابو فيصل.
ابو فيصل/سعود انت ماكلمت اخوك تنسق معه الرحلة؟
سعود/كل ماادق له خارج التغطية
ابو فيصل/يمكن في مكان مافيه شبكة ارجع دق عليه مرة ثانية لانه ماْكد علي انك تتصل فيه ضروري؟
سعود/برجع اكلمه مرة ثانية ومسك جواله ودق عليه
باسل راح عند جده يلعبه,,
ابو فيصل/شفت وم صرت تحبي تاخذ الشي اللي تبيه.يحليلك ياباسلسعود كم صار عمره اللحين؟
سعود/تسعة شهور
ابو فيصل/العمر كله ان شاء الله.الله ياباسل لو يجي عمك فيصل ونزوجه ويجيب بنت نزوجك اياها
باسل/داد
ابو فيصل/خلاص وافقت ههه
سعود وقف بيركب شقته ومد يده لولده بس باسل تعلق في جده يبيه يلعبه وقام يبوسه يتحيل عليه
باسل/ابىبابا.
سعود/هو بابا وانالاانا بعد باب.قوم فوق خلنا نريح شوي
ابو فيصل/روح انت ريح وخله يلعب معي
(سعود الولد الثاني بعد فيصل وبعده لطيفة اللي تزوجت وعندها بنت وبعده سلطانسعود غير عن اخوانه سلطان وفيصل.يمكن انه مادرس مثلهم وكمل جامعة واشتغل من بدري مع ابوه في الشركة بس كان كل البيت متعلق في سعود اللي كان خادم الجميع بعيونه وبالذات ابو فيصل اللي يعتمد عليه في كل شي يخص البيت والشركة وهو بطبعه هادى ومايحب المشاكل متزوج من وصال بنت عمه اخت محمد ومستقر في حياته)


يتبع

[إلميآسـه]

في ا لليل في بيت ال معمر.
ام الوليد/ليش ماجبتي امك وخواتك معك ياهند
هند/امي راحت بيت عمتي وليالي مرتها وحدة من بنات الجامعة ومرح من العصر نايمة للحين ماقعدت
الجازي/شنو ها الكتلو جات اللي في يدك اشوف
هند/هذولا اغراض عرايس للعروس
العنود/جبتيهم
هند/انتي شتشوفين
ام الوليد/شنو
العنود/شي فساتينشي دبلهيك يعني ماما
ام الوليد قعدت تتفرج معاهم على الكتلوجات
البندري/ياسلام ولاكاني موجودة في البيت ماحد يعزمني ويقول لي تعالي.
هند/اهلين والله تعالي تونا بادين ماراح عليك وااجد
في بيت ابو فيصل
ابو فيصل/محمد ولد عمكم خطب العنود بنت عمتكم
نوف/قديمة من الصبح ندري عنها انت من وين تجيب اخبارك كلها مو فريش يابابي
سعود/بعد
نوف/هذا الحق اللحين هو من الصبح معاهم واتفقوا وخططوا على كل شي توه جاي يقول لنا الفضائيات ماقصرت
سلطان/لسانك طولان شوي يانف نف ويبيله قص
نوف عصبت مرة وحدة على سلطان لان علاقتهم متباعدة شوي مو مثل سعود اللي كان يموت عليها
نوف/نعم والله يتراوللي عندي ابو يقرر اذا كان لساني طولا ن ولا لا وبعدين انا كنت اكلم البابا
سلطان/تعالي اضربيني ياماما ليش واقفة مكانك!!
سعود/بس انت وياها بتتخانقون مثل العيال
سلطان/ماتشوف اختك شلون تكلمني
ابو فيصل/يعني ماني موجود بينكم
نوف سكتت لانها متطمنة ان النتيجة بتجي لصالحها لان ابوها يحبها من عياله هي وفيصل وخصوصا بعد ماتزوجت لطيفة صارت الاميرة في البيت الناهية الامرة
سلطان/ماتشوفها يبى شلون تتكلم.
ابو فيصل/لعن بو دارك ماعندك غير هالاخت في البيت حطها في عيونك وغمض عليها اشتري رضاها وودها لاتزعلها على شي مايسوى,,,,
سعود/اقول يبى لو رجع فيصل بعد ثلاثة ايام متى تتوقع يملكون محمد والعنود؟
ابو فيصل/والله ياسعود مدري بس مرتك شتقول
سعود/وصال تقول ان محمد مستعجل حيل يبي يملك
سلطان/ليش بتطير العنود ماالكل اللحين عارف انه لها وانها له ليش العجلة بالله
نوف/حقه ماخذ العنود زينة البنات كلهم
ابو فيصل/في هاذي معك حق العنود زينة البنات والله
سعود/احم احم وام باسل بعد ماهي قليلة
ابو فيصل /سلطان/نوف/ههههههههههههه
ابو فيصل/لاوالله ا م باسل ترفع الراس وماحد يقول عليها كلمة وانا موجود عساكم تكونون لبعض العمر كله يبى.
سعود/الله يسلمك يبى.
نوف/حركات حركات والله,,,
سعود/ههه انتي ماتجوزين من سوالفك ابدا.
سلطان/بس الليلة سوالفها على خفيف كل ليلة اثقل ياسعود من كذا
نوف/لاني زعلانةقالتها وهي تناظر بسلطان
سلطان/وعسى ماشر شلي مزعلك بالله
نوف/لؤلؤة زعلانة مني وماهي راضية ترد علي
سلطان/.
نوف/اقولك زعلانة مااشوفك سالت ولاقلت ليش زعلانة منك (وفي بالها تقول اه ياقساوة قلبك ياخوي اطري اسمها قدامك وماياثر فيك ابدا)
سلطان/وليش بالله تبيني اسال علشان تقولين لي عن اللقافة سوالف بنات ومالك شغل.
نوف/أي زين انك فاهمني عدل.

***
ام الوليد/هند ليش ماجبتي امك وخواتك معك
هند/امي راحت بيت عمتي وليالي مرتها وحدة من صاحباتها وماعرفت تجي معي اما مرح من العصر وهي نايمة,,,
الجازي/المهم شنو هالكتلوجات اللي في يدك وريني اشوف.
هند/هذولا اغراض عرايس للعروس.
العنود/جبتيهم
هند/انتي شتشوفين.
ام الوليد/شنو
العنود/شي فسا تين شي دبل هيك يعني ماما
ام الوليد قعدت معهم تتفرج على الكتلوجات.
البندري/ياسلام ولااحد يناديني ماكاني عضو في البيت
هند/اهلين واللهتعالي تونا بادين ماراح عليك واااجد
ام الوليد/شوفي هالدبلة يالعنود بتطلع عليك تجنن
العنود/وريني اشوف.
الجازي/ماهي حلوة
ام الوليد/وصفقة ان شاء الله من طلب رايك.
العنود/انا ابي دبلة الماستكون ناعمة حيل.ماابيها ملايانة كرستال.
البندري/يقولون مجوهرات الحرمين منزل شبكات روعة يجننون.
العنود/انا الشبكة ابيها خفيفة مرة وناعمة ماابي فيها أي تكليف
ام الوليد/قعدي على ناعم وناعم وماراح نطول لاايد ولاسماءياماما اخذي لك شبكة ثقيلة عليها القيمة وتملي العين مو تقولين لي ابي خفيفة.
العنود/أي بس يمه انا احب الاشياء الناعمة
هند/ولو انا مع خالتي الشبكة اخذيها ثقيلة.
البندري/أي بس عنود نعومة وحلوة عليها الاشياء البسيطة جدا
العنود/شفتي اختي شهدت معي.

***
يوم ثاني
خالد/باقي يومين على جية فيصل.
محمد/.
خالد/انا اكلمك وانت سرحان حضرتك.
محمد/
خالد/اذا مالي لزمة بقوم,,
محمد/.(ولاهو في الدنيا)
خالد بصوت عالي/محمد
محمد انتبه له/نعم!!
خالد/لاوالله زين.
محمد/شفيك تصارخ؟
خالد/ولا شي ياعمري بس لقيتك سرحان
محمد/لااي.
خالد/لابالله انك انهبلت.
محمد/اكلمها اللحين لو بعدين؟
خالد/محمد انت ملاحظ ان ماعندك غير موضوع العنود!!
محمد/خالد الله يوفقك انت جرب تحب من قلبك وبتحس فيني
خالد/الله لايبليني اذا بحب وبقعد مو داري عن دنيتي فماابي هاالحب
محمد/حرام عليك الحب احلى شي بالدنيااه بس لو شفتها اليوم شلون تتكلم واقسمك برب الكون اني ماسمعت من كلامها ولاكلمة.
خالد بتعجب/وشلون تقولي لو شفتها وهي تتكلم
محمد/اقصد اني ظليت سرحان في جمالهاوماانتبهت هي وش كانت تقول.
خالد/جمال الوجه يروح يمحمد اهم شي اللي داخل لانه ذاك بس اللي بيظل.
محمد/بتجيها هند اليوم.
خالد/من زمان ماشفتها؟
محمد/خلاص ولايهمك اضبطك .
خالد/وش تضبطني انت بعد!! انا قايل لك انا بروح لها الدوام وبتعرف عليها واذا عرفنا بعض وارتحنا لبعض بيصير نصيب لو ماانسجمنا كلا في حاله .
محمد/مو قادر اقاوم مااسمع صوتها.
خالد/انت ماراح تفكني الا اذا دزيت لها مسج.دز يبى وخلينا نتكلم مثل العالم والناس

***
في بيت ابو فيصل.
نوف/يبى ودي اسالك سؤال؟
ابو فيصل/اسالي
نوف/ليش احنا ماظلينا في بيت جدي مثل عمامي وطلعنا في بيت بروحنا (تبي تشوف طلال افندي على راحتها الحلوة هههه)
ابو فيصل/اخوك فيصل ماكان يبي يقعد هناك يبي بيت بروحنا.
نوف/أي بس يبى احنا من زمان هني يعني فيصل اكيد كان صغير يوم قال هالشي
ابو فيصل/والصغير مايكبر ولاماياخذون برايه؟
نوف/بقى سؤال اخير ياوالدي العزيز.
ابو فيصل/ساْلي ياعيون ابوك انتي.
نوف/اذا رجع فيصل وتزوج واستقر بيسكن معنا في نفس البيت يبى لو بيطلع ؟
ابو فيصل ظل ساكت.
نوف/يبى
ابو فيصل/اذا قرر انه يقعد فانا راح اكون مرتاح انه عيالي حوالي وعيالهم يربون في حضني واذا حس انه يبي يقعد بروحه في بيت ثاني فا انا يانوف يابنيتي بتضايق حيل بس ما بقدر اقوله يقعد اجباري.

***
الجازي/انا ميتة جوع واكيد ام الوليد حضرتها وكعادتها دائما ماسوت عشى؟
ام الوليد/طبعا ماسويت لاني كل يوم باقي الاكل حق الغذاء ارميه لان حضرتك ماتقعدين لي الا المغرب وماتبين تاكلينه؟فليش اتعب حالي معك واسوي عشى ؟
الجازي/شاطرة
البندري/شرايكم نطلب لنا عشى
العنود/طلبي من kfcابي مطافي/
هند/لامانبي كنتاكي نبي شي ثاني
الجازي/ام الوليد هي اللي تقرر؟
ام الوليد/غريبة والله ماهي عادة لك يعني.
الجازي/مو يالغالية انتي اللي بتدفعين.
هند/العنود/البندري*/هههههههه
هند/يعني للمصالح بس.
ام الوليد/اذا انا اللي بدفع طلبوا لنا صحنين مقبلات وفلافل وصحن مشاوي.
الجازي/ليش لا من عيوني يماما.نوسوا نوسوا ماما انتي يااحلى ماماوديني المرجيحة ولاالسينما ياماما.
وقامت تتصل على المطعم الا جوال العنود يدق بنغمة وصول مسج.
الجازي متعمدة/اقول اختي صار جوالك يتكلم ويجيب رسايل وانا كنت احسبه اطرش
البندري/ههههه تعرف جويزي تتصيد في الماء العكر
مسكت العنود جوالها وفتحت المسج وقلب وجهها بكل الالوان كان المسج من محمد(مايكفيني احبك,,,او تبادلني المحبة,,,ابي حضنك ابي قربك,,ابي وحدي اعيش بقلبك,,ابي اشيل عنك همك ابي احضنك واظمك ابي ابوسك على خدك وانسى العالم بصدرك)
الجازي/اقول اختي منو اللي راسلك؟
العنود/ها لا غلطانين بالرقم
الجازي/مبين انهم غلطانين لانك قاعدة تقرين حرف حرف يمكن تعرفين هم يقصدون منو؟
العنود/قلبي وجهك احسن
الجازي/ الا بعرف وبتشوفين
العنود/اتحداك.
الجازي/يمه شنو هذا اللي فوقك عنودوا وقامت بسرعة من مكانها على اساس انها خايفة .والعنود فزت من مكانها تشوف والجازي ركيض على الجوال اخذتها وانطلقت باقصى سرعة لديهاالعنود انتبهت لها
العنود /جويزي يادبة يللي ماتستحين على وجهك لو تشوفينا اذبحك والله اذبحك وصارت تركض وراها تبي تلحقها.
ام الوليد/أي زواج أي عيالهاذي حق زواج هاذي والله انها بعدها صغير ة
هند/لاتخافين خالتي محمد يكبرها

***
في المطبخ/العنود/جيبي جوالي احسن لك.
الجازي وهي تطالع بالمسج/اهياللمصيبةيالل العار.
العنود اسحبت جوالها بالقوة من جويزي
الجازي/مايفيدك قريته كله
العنود/لانك ملقوفة ؟
الجازي/مشكلتكم للحين مو عارفين ان الاهانات ماتاثر فيني ابدا ههههههههه بس تدرين قوية كبداية الا اذا كان يسبقها سوابق والله اعلم !!!
العنود/جويزي قلبي وجهك والله العظيم اول مرة يرسل لي.
الجازي/امممم طيب شسويتوا في المطعم؟
العنود/نمنايعني شبنكون سوينا تغذينا ورجعنا
الجازي/متاكدة مافي من هنا ولامن هنا أي شي
العنود وعيونها مفتوحة على الاخر/جويزي كنك صايرة ماتستحين ابدا انا اختك الكبيرة ياعمري وعيب تقولين لي هاالكلام,,
الجازي/انا بس ابي اعرف وش اللي صاير وليش داز هالمسج دون غيره
العنود اسكتت وهي تقول في بالها (الله ياخذك يامحمد انت بعد ليش راسل لي هالحزة ماكنت تستنى ينامون بعدين ترسل زين اللحين بتظل جويزي ماسكته علي )
الجازي/على العموم لو بغيتي ترسلين له شي من هنا ولامن هنا ترى حاضرين في خدمة الشعب السعودي ماعندنا أي مانع

***
يوم ثاني في بيت العامري .
ابو خالد/اليوم بدت الاجازة والعيال كلهم بيتجمعون هيبون يخططون وش بيسوون في الاجازة
الجدة/انا اقول خلونا نروح الشرقية يومين ويومين المدينة ويومين مكة ويومين ابها وعسير.
الجد/انتي شقاعدة تهذرين مافي تخطيط للاجازة غير لمى يجي فيصل.
ابو خالد/وانت الصادق يبى اذا شفنا فيصل وتطمنا عليه يصير خير بعدين الاجازة ماهي طايرة.
لؤلؤة/السلام عليكم
الجد/وعليكم السلام والرحمة اشرقت الانوار يابنت العامري اليوم بينحسب في التاريخ لانك قاعدة النهار مو مثل عوايدك نوم النهار وسهر في الليل
لؤلؤة/هههه لو مابتجي شلتي اليوم كلها ماكنت قعدت
الجد/مقيولة قاعدة لصاحباتك بس.
ابو خالد/قومي لبسي عبايتك اللحين عيال عمك بيجون
لؤلؤة/جدي انا ابي افهم شي واحد يوم ان احنا رابين مع بعض من الصغر وساكنين مع بعض وطلعتنا ودخلتنا مع بعض ليش في النهاية نتحجب عنهم!!!
الجد/الظاهر انتي تبين تغطين وجهك!!
لؤلؤة/لالالالا خلينا كذا على حجاب ارحم يلاللله بقوم انا قبل لاتغير رايك في سالفة الحجاب

***
نوف/مرحببببببببببببببببببببببببببببا كيف الحال
الجدة/وصلوا عيال عبد العزيز.
نوف/ليش مو عاجبينك عيال عبد العزيز.
الجد/واحد يقدر مايعجبونه عيال عبد العزيز اسفرت وانورت
ابو محمد/حيا الله بنتنا نوف
نوف/هلا عمي شلونك عساك سالم
ابو محمد/اسال عنك ياالغالية
نوف/تسلم ياعمي
مرح/هااااااااي
الجد/سلمي عدل مو هاي
ههههههههههههههههههه
مرح/جدي انت دايم تفشلني!!
الجد/انا ادري عنك سلمي مثل الاوادم علشان ماافشلك
مرح قامت تتحرطم
هند/السلام عليكم,,,
الجد/هلا ببنيتي هلا وقام يكلم مرح/شوفي اختك تعلمي الركادة منها,,,
هند قامت تضحك/ليش شمسوية؟
مرح/هذا جدي مايحب يتطور ابدا ؟
ابو خالد/ووجعة اللي توجعك؟
نوف/هههههههههههههههههههههههههه
مرح/انا برجع بيتنا احسن.
وفي هاللحظة دخلت العنود والبندري.
العنود/مرحبا
مرح/يالله قول لها تسلم مثل الاوادم مو مرحبا
وقاموا الموجودين يضحكون الا العنود والبندري اللي مو فاهمين شي.
الجد/خلاص هاذي انا مااقدر عليها اللحين وراها محمد.
العنود ابتسمت لجدها
الجد/ولا انا غلطان يا العنود.
العنود/حرام لاتتكلمون عن محمد كذا محمد طيب ماهو شرير .
ابو محمد/كفو والله أي هاذي الحرمة السنعة اللي تدافع عن زوجها في غيابه.
مرح /نوفوا قومي خلنا ندخل للجازي ولؤلؤة
نوف/يالله.
وطلعوا بيدخلون وبره كان طلال توه طالع.
مرح ضحكت بخبث/مرحبا طلال
طلال/هلا.مرح
مرح/وين اختك؟
طلال/داخل.نوف شلونك؟
نوف بدون ماتلف صوبه/اهلين.
طلال/فرحانة بالاجازة
نوف/شور
طلال/ووين ودك تروحين في الاجازة؟
نوف/ماادري ماقررت لسه.بخاطرك ابن عمي.
ومشوا ثنتينهم ومرح ميتة ضحك وطلال واقف مكانه مبتسم على اخر كلمة منها (بخاطرك ابن عمي)
طلال/اه منك ياثقيل.(كان يقصد نوف بكلامه هو عارف انه تدري انه يفكر فيها وماهي رافضته بس ماتعطيه وجه في معظم الاحيان وهذا اللي كان معلقه فيها اكثر واكثر)
وحيد/طلال انت من واقف تكلم؟
طلال/هاولااحد بس كذا من زمان جيت
وحيد/لا لسه واصلينتعال ندخل داخل عن وقفتنا في الحر.
مرح تبوس لؤلؤة/وحشتيني ياقلبي


يتبع

[إلميآسـه]

مرح تبوس لؤلؤة/وحشتيني ياقلبي
لؤلؤة/وانتي كمان وحشتيني.
الجازي/هيه تراني هنا ياعالم
مرح/جايتك ياقلبي ومشت لعند الجازي,,,,
نوف/فيني اسلم عليك لو بعدك زعلانة مني.
لؤلؤة/لا ماني زعلانة
نوف/ لا وامس بالله ليش زعلتي؟
لؤلؤة/كنت متضايقة مو زعلانة
نوف/ماهي ماشية علي بس يالله.
بعد العشى كانوا متفرقين ناس في المجلس اللي داخل وناس في الحوش وناس في الصالة.الخ)
العنود كانت قاعدة بالحوش
محمد/شلون قمري اليوم.
لفت العنود لعنده وبعدين قامت تتلفت حواليها اذا كان في احد سمع كلام محمد لو لا,,,
العنود/محمد مايصير كذا صدقني بزعل.
محمد/قعد جنبها/شنو اللي مايصير كذا شسويت انا
العنود/خف شوي علي من هاالكلام يامحمد.لايسمعنا احد
محمد/وشلي بيصير لو سمعنا احد ياقلبي!!!
العنود/محمد.
محمد/عيون محمد انتي.واحد يغازل زوجته شفيها بالله هاذي.
العنود/لاتنسى اني بعدني ماصرت زوجتك.
محمد/كلها كم ليلة ونملك.
العنود/أي صحيح متى بيجي فيصل؟
محمد/المفروض بعد بكرة
العنود/اممم
محمد/جهزتي حالك ياعمري.
العنود/لا لسه.
محمد/شرايك بكرة نطلع ناخذ الثوب وبعدين نروح.
نوف/صدناكم,,,,
لفوا محمد والعنود لقوا نوف ومرح والجازي ولؤلؤة.
محمد/عسى ماشر؟
الجازي/ماشر بس كيف تقعد مع اختي بدون ماتستاْذن مني؟
محمد/لا في هاذي معك حقاسفين والله,,
الجازي/أي خليك كذا هههههههه
مرح/متى قلتوا بتطلعون بكرة علشان نجهز حالنا
العنود/هههههه والله
نوف/ليش بالله كنتي تبين تطلعين مع محمد بروحك؟
العنود ناظرت بمحمد اللي ماكان شايل عينه عنها
العنود/والله خطيبي وولد خالي وماحد يقدر يتكلم بكلمة وحدة
محمد/عشتي يابعد طوايفي
لؤلؤة/اسمع بعد قلة الحيا عند هالاثنين
نوف/شوف ولد عمي خلينا نتفق احسن
محمد/نعم.
نوف/ثيابنا حق ملكتتكم عليك
العنود/انا مو موافقة
محمد/خلاص مرتي ماوافقت مااقدر اوافق.
الجازي/نوف/مرح/لؤلؤة/ههههههه
الجازي/والله وناسة كل شي مابتوافق عليه حضرتها انت بترفضه
محمد/اكيد ماحد يعترض على كلام الاميرة.
مرح/اممم حركات يعني.
لؤلؤة/سمعوا انا ابي بخيتة تطق لنا في الملكة.
نوف/لا نبي سارة والعنود
مرح/لا بخيتة
الجازي/لا سارة والعنود.
وصال/علامكم تتهاوشون انتي وياها
ولفوا كلهم على وصال اللي جت عندهم هي وباسل.
نوف/تعالي مرة اخوي عطينا رايك بصراحة
وصال/في شنو؟
الجازي/من تبين تطق في حفلة محمد والعنود بخيتة لو سارة والعنود؟
وصال قامت تطالع بالعنود ومحمد وتضحك/اللي انتوا تبونها جيبوها
محمد/مو ياوصال هم مو ثابتين على راي,,,
باسل من سمع صوت خاله لف لعنده بيرمي حالهواخذه محمد عنده
محمد/شلونك يابطل
باسل/بابا
محمد/انت كل الناس عندك بابا
باسل/بابا
محمد/طيب هاذي منيواشر بصبعه على العنود,,
باسل/بابا
محمد/قول هاذي قلبي.
باسل/بابا
نوف/مرح/لؤلؤة/هههههه حلوة ذي .


محمد/والاحلى منها ان احنا تحلنا ثقل دمكم يالله بسرعة كل وحدة تقلب وجها من غير مطرود.
نوف/اه انا نوف بنت عبدالعزيز تطردني !!
محمد/وخير ياطير !!
لؤلؤة/وانا بنت ابو خالد اخت رفيقك وصاحبك ولانسيت العشرة
محمد يكلم الجازي/وانتي اخت حبيبتي وخطيبتي وعمري كيف اطردك مايصير .
واشر علفى مرح وانتي دوري لك رد بسرعة علشان يكمل الفيلم الهندي
نوف تكلم وصال/كانه اخوك مو شايف خير يبي يغاوي البنت وهم بعدهم ماملكوا.
وصال/اخوي اصلا افكاره نظيفة لاتقعدين تهذرين
في هاالسوالف علشان ماتوحي له بها الافكار يانوفوا,,,,
الجازي/مبين افكاره نظيفة اللي يدري يدري واللي مايدري خلها على الله.
محمد/لا.قولي ليش ساكتة شسامعة علي من كلام يابنت المعمر
مرح دزت كتف الجازي/صدق في كلام لو بس كذا من راسك؟
الجازي/شفيك انتي لازم نسوي شوشرة في الجو وغيرة وسوالف
/ههههههههههههههههههههه//
وصال/تدرون اني نسيت اللي جاية على شانهمحمد جدي يبيك في المجلس
الجازي/ولو سمحت روح بروحك لاتاخذ اختي معك نبي نوصيها بكم وصية.

***

في المجلس.
محمد/في شي ياجدي
ابو خالد/سعود كل ماندق عليه مايرد ؟
محمد/وينه هو؟
ابو فيصل/قال بيكلم فيصل ينسق معه الرحلة ومارجع من العصر .
خالد/قوم محمد نطلع نشوفه.
ام وحيد/وين بتشوفونه
محمد/بنروح المكتب اللي بياكد فيه الرحلة وبنشوف مرهم لو لا.
الجد/أي بس لاتبطون وعطونا خبر اول ماتوصلون.
خالد/يالله
وقاموا بيطلعون الا سعود داخل عليهم المجلس
سعود/السلام عليكم.
الجد/سعود وينك يبه نحاتيك
ابو فيصل/كلمت اخوك فيصل.
سعود قعد مكانه وقام يطالع في وجه ابوه
ابو فيصل/اقولك كلمت اخوك؟
سعود/يبى فيصل.
الجد/شفيه؟
سعود/ماراح ينزل.
ابو فيصل/ماراح ينزل؟شنو يعني؟
سعود/ظليت معه طول العصر اكلمه ويقول انه مو مستعد نفسيا ينزل
هالاسبوع وكنسل الحجز وراح ينزل بعد عشرة ايام او اسبوعين.
وخيم على المجلس صمت طويل وثقيل وماحد من المو جودين
فتح فمه بكلمة وحدة مافي غير محمد اللي تضايق انه ملكته هو والعنود راح تتاجل زيادة!!
ابو فيصل/انا بروح البيت جيب معك امك واختك ياسعود.
ابو محمد/وين رايح يابو فيصل اقعد تعشى معنا.
ابو فيصل/مالي نفس يابومحمدبروح البيت اريح شوي
وبعد ماطلع ابو فيصل .
ام وحيد/ماهي حلوة من فيصل ابدا انه ياْجل رجعته.
الجدة/حرام عليه مايشوف حال ابوه شلون صاير.
الجد/انا اول مرة اسمع ان الواحد اذا بينزل الى اهله لازم يستعد نفسيا بعد!!!!
ام وحيد/لاتلومه يبى عايش عمره كله بعيد عنهم لازم يغير كل حياته اللحين
سعود/ابوي انصدم انا ماكان ودي اقوله بس ماباقي وقت على ميعاد رجعته لمتى بظل مخبي عليه.
ابو خالد/متى قال لك هالكلام.
سعود/صار لي يومين ادق عليه على الرحلة وهو يقول لي بعدين وبعدين واليوم قال لي انه ماراح ينزل.
ابو محمد/الله يسامح بس يافيصل كذا تسوي في ابوك اللي قاعد يحاتيك
ام الوليد/الا قول قاعد يستنى رجعته بكل شوق الدنيا.
يالله مافي ايدنا شي نسويه

***
في سيارة محمد

العنود/محمد شفيك؟
محمد/ولاشي
العنود/علي هاالكلام صاير شي في البيت
محمد/ليش قلتي هالكلام
الجازي/لانه كلكم على العشى ماكنتوا طبيعين وطلعت خالي ابو فيصل اكدت لنا انه في شي
محمد كان بيوصل العنود البيت وجات معاهم المرشد السياحي الجازي)
محمد/انا شخصيا تعبان .
العنود /اسم الله عليك وشلي متعبك قول.
محمد/ملكتنا راح تتاْجل.
العنود/.ليش؟
محمد/ماسالتني كم راح تتاْجل؟
العنود/اذا عرفت ليش بعرف كم راح تتاْجل.
محمد/فيصل
الجازي/شفيه
محمد/ماراح ينزل بعد بكرة اجل سفرتهاو بمعنى احر موعد رجعته.
العنود/ليش
محمد/يقول ماهو متهي ْ نفسيا انه يرجع بعد بكرة
الجازي/ومتى بالله ناوي يرجع الاخ!!!
محمد/عشرة ايام او اسبوعين الله اعلم
الجازي/وانتوا مافيكم تملكون قبل لايرجع !
محمد/انا عطيت عمي كلمة اني ماراح املك الا وفيصل بينا وماني متراجع عنها .
ولف على العنود ياخذ رايها.
محمد/والا انتي شرايك.
العنود/محمدافرض انه تاخر اكثر يعني شهر ومافوق
محمد/ذيك الحزة ماهو ذنبي انه مايكون بينا
العنود/
محمد/شفيك؟
العنود/ماادري ضايقني الخبر احس انه وراه بتجي مصيبة.
محمد/عمري ليش هالتشاؤم بالله
العنود/ماادري يامحمد احس ان احنا بنطول على مانملك
محمد وقف السيارة في شارع جانبي.ولف على العنود
محمد/حياتي انا ماابيك تتشائمين كذا
العنود/
محمد/لو كنت ادري ان هالخبر بيضيق خلقك كان ماقلت لك عنه.
العنود/قلت لك انا حاسة ماادري خلاص قفل الموضوع
محمد/اقفله وانتي شايلة هم الدنيا على راسك ماراح اقفله ابدا
العنود/لا خلاص صار وانتهى ومابيتغير أي شي
محمد مسك يدها وباسها والعنود ميتة من الحيا لانها عارفة
ان الكاميرا اللي قاعدة ورى تسجل باهتمام (الجازي)
محمد/وغلاوتك مارح يغيرنا شي بنظل مع بعض.
.ان شاء الله ننتظر العمر كله محمد للعنود والعنود لمحمد هاذي مافيها أي كلام
العنود اسحبت يدها من يده/انا عارفة بهاالشي بس الخبر ضايقني يامحمد
بس لاتشيل هم ,,شويات وبيروح,,,الا ماقلتي خالي شلونه!
مشى محمد من الشارعاللي كانوا واقفين فيه
محمد/عمي.عمي مسكين غياب فيصل كاسره من زمان وماشفناه
فرحان الا يوم قرب فيصل يرد ويوم سمع بالخبر سكت فيه الدنيا يالعنود.
العنود/ماينلام خاليفيصل ولده الكبير ومو هين عليه انه يظل بعيد عنه هالفترة كلها
عشر سنين يامحمد ماهي بسيطة.ليش مارجع اول مااخذ الشهادة وصار جراح
شلي عندهم هناك وماهو عند اهله ؟
كلها بكلها يامحمد قعدته بين امه وابوه واخوانه اللي قلبهم عليه
بس شنو تقدر نقول.فيصل من صغره اناني
ومايسوي الا لللي في راسه وبس!!!الله يسامحك يافيصل

***

[إلميآسـه]

في بيت العامري في غرفة نوف
نوف/ادخل.
وصال/نمتي
نوف/لا لسه قاعدة.
وصال/حلو
نوف/ليش!!
وصال/خذي باسل ورحي عند عمي قعدي معه
نوف/مااقدر
وصال/ليش؟
نوف/مااحب اشوف ابوي مكسور وزعلان
وصال/مرة عمي عجزت معه مو راضي يقوم من مكانه
وسعود وسلطان بعد عيى يتكلم معهم بشي
قلنا مافي غيرك عمي يحبك خذي باسل معك
وروحي قعدي معه شوي يمكن يتكلم معك.
نوف/ابوي اذا تضايق مايشوف اللي قدامه.
وصال/حاولي ماانتي خسرانة يانوف
اخذت باسل وراحت عند ابوها في مجلس الرجاجيل كان قاعد ومكسور
وماهي من عوايد ابو فيصل لانهم تعودوا عليه قوة الشخصية والسلطة,,,,,
قعدت قباله ومد باسل يده لجده يبيه يشيل والجد ماهو معه ابدا
وقام يبكي علشان يستعطف جده.
نوف/يبى باسل يبكي يبيك تاخذه
ابو فيصل/نوف شيلي باسل ماابي اشوفه
نوف/ليش يبى انت دايم تقو جيبوا باسل عندي
ابو فيصل/باسل يشبه عمه فيصل وهو صغير وانا ماابي اشوف شي يذكرني بفيصل.
نوف/بس هذا باسل ماهو فيصل.
وارتفع صوت باسل بالبكي ووصل لعند جده.وقام يناظر فيه ابو فيصل لين شاله وابتسمت نوف
ابو فيصل يكلم باسل/شفت عمك فيصل شيبي يسوي فيني ياباسل.
باسل/بابا
ابو فيصل/انا ماانكسر ظهري مثل ماانكسر اليوم .
احد يقول ماهو متجهز نفسيا علشان يرجع لبلده واهله,,
نوف/بابا اسمحليبس انا مو معك ابدا انا مع فيصل.
ابو فيصل/شتتقصدين يانوف؟
نوف/ماتزعل مني بابا.
ابو فيصل/قولي.
نوف/ بابا انا مع فيصل مو مع زعلكم منه يبى فيصل عايش عشر سنين
في امريكا مانزل لنا مرة وحدة واحنا مارحنا له غير مرتين ماادري ثلاث كيف تبيه يفرح لرجعته لنا وي.
قاطعها ابو فيصل/بس يانوف.
قاطعته نوف/اسمعني يبى ولاتقاطعني.
اللي ابي اقوله انه فيصل عايش حياة مختلفة عن حياتنا في كل شي
في الاكل والشرب ومعنى الحياة والمعيشة والتقاليد واللبس
والعادات والسلوك وكل شي.
كيف تبيه يغير هالنظام من حياته بسرعة وجيزة ويجي يعيش حياتنا
وياخذ طبايعنا وتقاليدنا وكانه عايش هنا !!صعب ياباب صعب خليه ياْقلم نفسه على حياتنا من هناك
حتى لو كان قادر يتقبل فكرة وجوده ينا ماراح يتقبل حياتنا بكل مافيها ويرجع بدون مقدمات وبدون ,,,
كيف اشرح لك اكثر بعد انا لو مكانه كنت باخذ اقل شي سنة كاملة
اجهز نفسي على العيشة بحياة جديدة
هو صحيح ضامن الوظيفة بس بعد لازم بيعود نفسه على كل شي من جديد
لاتنسى انه راح وهو بعده مادخل عشرين سنة يعني يعتبر بعده صغير واللحين ماشاء الله حواليه في الثلاثين .
ماادلاي يبى فهمت علي لو لا.
ابو فيصل كان ساكت وكانه يفكر في كلامها.
نوف/وماتدر يبى يمكن تاخيرته فيها خير له ولنا يمكن لو رجع بكرة يصير شي لاسمح الله
ربك حكيم في عباده يابو فيصل لاتتشاْم,,,,
وقامت بتمشي/يالله باسل تعال نروح عند ماما.
ابو فيصل/نوف.
نوف/نعم بابا.
ابو فيصل/ريحتيني يبىاحس كلامك خفف عني ثقل بقلبي
نوف/يعني بتقوم تتعشى ولا لا تراني ماكليت شي
في بيت جدي لاني كنت زعلانة انك طلعت وماعطيتني خبر.
ابو فيصل/خلني اقوم اصلي ماصليت العشاء وبعدين اجي اكل معك لقمة
نوف/يالله لاتبطي انطرك
واخذت باسل وراحت المطبخ عند امها وسلطان وسعود
ام فيصل/ها شلون ابوك
نوف/اذا في ثقة في نوف جهزي له شي ياكله اذا مافي بكيفكم,,,
سعود بفرح/من جد شلون اقنعتيه؟
نوف/قلت له

***
.
سلطان بسخرية/والله!!!
نوف اقعدت جنب سعود/والله ياسلطان انا مومقتنعة بكلمة وحدة من كلامي
ومافي أي عذر يشفع لفيصل بس انا مااقدر اشوف ابوي كذا ومااخفف عنه.
ام فيصل/زين سويتي
نوف/اللي سواه فيصل غلط .
سعود/ومن فينا يقدر يقوله يااختي والله اني عجزت معه اليوم وانا اكلمه
قلت له فكر في امي وابوي قبل كل شي قال ماني راد يعني ماني راد.
نوف/اول مااشوفه على المسنجر بكلمه وبقوله,,
سلطان/دايم تكلمينه؟
نوف/صار لي فوق الشهر مااشوفه بس ادز له ايميلات على طول
واول مايفضي يدزلي هو بعد بس ماتكلمنا مع بعض من زمان
ابو فيصل/السلام عليكم
وقفوا كلهم ///وعليكم السلام
ابو فيصل تقدم من سعود وعطاه باسل اللي
كان نايم على كتفه /خذ ولدك نيمه بفراشه ياسعود وروح استريح بكرة وراك دوام.
سعود اخذ ولده/ان شاء الله يبى ماتامرني على شي
ابو فيصل/سلامتك يبى
سعود/يالله تصبحون على خير.

ام فيصل/وانت من اهل الخير يمه
ابو فيصل/وين العشى اللي بتجهزينه يانوف؟
نوف/ليش ان شاء الله انا اللي بجهز العشى
ابو فيصل/انا لو ادري مافي عشى كان ماقمت وتعبت حالي
ام فيصل/تامر امر يالغالي اللحين اقوم اسوي لك شي تاكله.
نوف/أي شعليه بعد عندك ام فيصل حاطتك على راسها من فوق وش ماتبي تقول لك سم,,,,
ابو فيصل وهو يضحك على نوف/ انتي بس لو الله يفكني من لسانك كان انا في نعيم
سلطان/عطيها محمد ولد خالي بيموت علشان ياخذها وافتك منها
نوف/ يخسي محمدوا اخذه .
ام فيصل/الله اكبر عليك وش فيه ولد اخوي ماتبينه؟
نوف/مايعجبني,, قروي.,,,مايعرف يلبس ولايعرف يتكلم كلمتين ذربتين على بعضهم وفوق هذا كله معاشه مايجي ستة الالف ماتقولين لي شنهي مميزاته علشان اخذه بالله!!!
ابو فيصل/انتي من قال لك اصلا اني ناوي ازوجك محمد لو غيره مافي زواج اللحين بعدك صغيرة.
ام فيصل/الله يهداك بس ياعبد العزيز وين صغيرة عمرها 21 سنة وفي الجامعة ماباقي لها غير سنة ونص وتخلص وتقول صغيرة؟
ابو فيصل/انا بنتي ابيها تقعد عندي ماابي ازوجها ياعالم
نوف بااعتراض/لا يبى انا ابي اتزوج ماابي اقعد هني.
ابو فيصل/نوفوا صايرة ماتستحين بعد تقولين لي ابي اتزوج .ازوجك بشرط؟
نوف/موافقة بدون مااعرفه.
ابو فيصل/اللي بيتزوجك ياخذك وتسكنون عندي هني في البيت
نوف/والله فكرة منيحة كتيرة بابا ليش لاعلى الاقل اكلنا وشربنا مدفوع فلوسنا بس حق طلعاتنا ووناستنا.
ابو فيصل وام فيصل/ههههههه يالنصابة

***
في بيت ال معمر
ام الوليد/عنود مانمتي يابنيتي؟
العنود/لا يمه ماجاني نوموانتي ليش مانمتي؟
ام الوليد/من وين بيجيني النوم؟
العنود/اسم الله عليك شفيك يمه؟
ام الوليد/قاعدة احاتي فيصل .
العنود/
ام الوليد/ليش بس يافيصل تسوي فينا كذا كل مرة نقول خلاص بترد لنا ترجع تغير رايك
العنود/يمه فيصل تغير ماهو فيصل الصغير اللي كان علمكم فيه قبل لايسافر فيصل راح اكثر من عشر سنين اللحين وغيرته الحياة حييل يمه,,,
ام الوليد/وليش يرضى بانه يتغير على اهله وحبايبه
العنود/حبايبه عاد!! ماني معك في هاالكلمة ابدافيصل ماعنده هني حبايب ابدا فيصل اناني من صغره واهم شي مصلحته وبس.يمكن تغير في هالعشر سنين الله اعلم انا ماادري عنه .
ام الوليد/انتي زعلانة علشان ملكتك ببتاجل يالعنود.
العنود اسكتت ونزلت راسها بالارض.
ام الوليد/يمه عنود شفيك؟
العنود/يمه
ام الوليد/قولي يمه.
العنود/عندي احساس غريب .
ام الوليد/شنو؟
العنود/ماادري يمه احس ان بيصير شي كبير .
ام الوليد/ليش عاد يالعنود
العنود/ماادري انا متضايقة حيل وماادري شنو ممكن يصير بس حاسة ان في شي بيصير.
ام الوليد/قومي استهدي بالله وصلي لك ركعتين ونامي بلا هاالخرابيط
رفعت راسها لامها وهي تهزه بمعنى ان شاء الله وهي في قرارة نفسها حاسة ان مصيبة بتطيح على راسها.

***
ليلة الخميس وتجمعهم المعتاد في بيت العامري.
وضحى/هلا والله بزوجة اخوي اسفرت وانورت
العنود/تعالي شيلي عني الصينية وخلي التحية والسلام لبعدين
لؤلؤة/الله شو هالريحة الطيبة لك عنود شو عاملتينه اكل طيب
الجازي/بخاف مو لاالكن لحبيب اللئلب.(القلب)
ودخلوا هااللحظة ام فيصل وام محمد.
ام محمد/هلا وغلا ببنت المعمر والله.
الجازي/منهي فينا مرة خالي اكيد مو انا
ضحكوا الموجودين على الجازي,,,,
لؤلؤة/مقيولة اكيد العنود انتي شيبون فيك.
ام محمد/أي والله انا شبي فيك اللحين خليني على عنودي .
وضحى/الله يا ام محمد بايعتها وبصراحة بعد خلوني في عنودي.
ام فيصل/وهي الصادقة خلوها في عنودها بعد ماحد بينفعها بكرة غير مرة محمد,,,,
العنود/خلاص ترى من جد استحيت .
ام محمد/وي فديتها انا اللي تستحي
هههههههههههههههههه
لؤلؤة/شخبار عمي وعيال عمي.
ام فيصل/بخير يمه عساك سالمة.
وضحى/ومافي أي اخبار عن فيصل.
ام فيصل/لاوالله قالوا بعد عشرة ايام .وهذا احنا ننتظر هالعشرة ايام.
العنود/وهو ماكلمك ياعمتي؟
ام فيصل/هو اتصل فيني بس قلت لابوه اني ماابي اكلمه .
ام محمد/ليش عاد ياام فيصل مو زين عليك قاعد بروحه في الغربة وانتي تقولين ماابي اكلمه
ام فيصل/والله مالي خلق اسمع صوتهصار لي سنتين من شفته وقلبي متقطع عليه وهو هناك عاجبته القعدة ومو طاري على باله يرد ياام محمد.
ام محمد/بيرد يعني وين بيروح ماله غنى عن اهله ياام فيصل انتي بس لاتشيلين عليه هالكثر خله يتوفق وهو بعيد عنك
ام فيصل/اقول عنود يمه سامحينا ملكتكم تاْ جلت علشان فيصل.
العنود/ولو يااخالتي فيصل كبيرنا ولازم يحضر لنا فرحنا وحنا ماراح نسوي شي غير لمى يكون بينا
ام فيصل/الله يعطيك العافية وراحة البال يابنيتي ياالعنود

***
لطيفة والعنود ووصال وهند كانوا قاعدين يسولفون مع بعض
لطيفة/ابوي تازم نفسيا بعد هاالموضوع وماقدرت عليه غير خطيبته نوفوا,,,
هند/هههههه للحين تسمونها خطيبته
لطيفة/امي ماتسميها غير خطيبته شنسوي بعد.
وصال/بس لو جينا للحق فيصل ماعنده سالفة يالطيفة كم مرة يقول بيرجع ويرد يغير رايه
العنود/بلغيه لطيفوا اول مايرجع لازم يراضيني بهدية حلوة مو كفاية انه تسبب في تاجيل ملكتي.
هند/لاهاذي انا اشهد معاكي فيها وهدية مرافقة العروس ماتقل عن هدية العروس كلفة لاتنسون انه جراح وفلوسه قد الدنيا.
لطيفة/هندوا عيونك باردة على اخوي يللي ماتستحين.
وصال/اقول عنود شخبار اخوي!!
العنود/يو ء يوء وصال لاتفشليني عاد
لطيفة/ليش ان شاء الله تبين تقنعينا انه مايكلمك!!!
هند/ شهقت بصوت عالي خله باقي شلة البنات اللي جنبهم يلتفتون عليهم.
هند/يكلمها !!! وينك انتي وينقصدك كل ليلة مبسط حضرته في بيتهم,,
العنود/هندوا ووجعتين قصري حسك فضحتيني.
نوف من بعيد/تحتاجون مساعدة.وصال وهي تضحك/لامشكورين.
الجازي/ترى حاضرين ماعندنا أي مشكلة
العنود/الله ياخذ ابليسك ماتعرفين تتكلمين بصوت واطي ابدا.
هند/لانها قهرتني تقول يكلمك هذا ماباقي غير ينام في بيتكم عنودوه من قلة الحيا اللي فيه.
وصال/افا بس ياخوي كذا فضحتنا عند العرب.
العنود/انتي شيخصك بالله انا وخطيبي وعيون الحسود فيها عود ياقلبي.
هند/انا حسود يا عنودوا زين لكن اللي تقوم بحجوزات العرس مثل وجهك يافالحة.
وصال/يالله بلامنة على عنودنا احنا نشيلها في عيونا .
العنود قامت تتميع/شفتي الناس الذوق ياعمري.
لطيفة/والله عنودوا مااتخيلك عروس احسك بعدك صغيرة’.
العنود/مثل كلام امي بالضبط.وبعدين انتوا من قال لكم اني مصدقة نفسي عروس انا احس اذا حجت حجايجها وصار الموضوع جد ذيك الساعة شوفوا لكم صرفة ياعالم.
وصال/ها تبين تلعبين على اخوي.
العنود/والله من جد اتكلم احس لحظة اللي بيسالوني موافقة ولالا بقول لا وبقعد ابكي بعد
لطيفة/لاعيوني هاالكلام ماينفع لازم تعودين نفسك خلاص ترى الرجال تعلق
وصال/بس تعلق الا قولي كل ليلة يحلم.
هند/ههههه اللي مايستحي قام يحلم بعد هه
وصال/لطيفة/ههههههه
العنود/هيه انتي وياها بتشوفون شغلكم لكن.
مرح جت تركض عندهم ووراها باقي البنات
مرح/انا حاسة ان السوالف حقكم فيها اْن واخواتها بعد.
لطيفة/ياحبكم لهاالسوالف انتي وياها.
الجازي/لطوف فليها عيوني وخل نسمع سوالف العشاق.
وصال/انتوا صدق ماتستحون
لؤلؤة/معليش مانستحي مانستحي ماعندنا أي مشكلة.بس تكلموا شكنتوا تسولفوا فيه,,,
هند/سلامة قلبك ياعيوني بس كنا نقول ان العشى مرة روعة.
نوف/هند بابا مو علينا هاالكلام ياحلوة كلنا عارفين ان السالفة تخص حمودي وعنوده,,,
مرح/الله جبتيها جيب يانف نف حمودي وعنوده اممم تحسينه اسم رومنسي,,,
العنود/اقول الحمد لله على عقولكم بس.
مرح/عقلنا من عقلك ياحلوة الفرق اللي بينا وبينك سنتين بس !! يعني نفس التفكير
وجت الجدة مع ام وحيد.
ام وحيد/علامكم انتي وياها صوتكم عالي.
نوف/عمتي تعالي شهدي يتكلمون في المواضيع اللي خبري خبرك
ومايبون يشاركونه الكلام عبالهم بعدنا صغار.!!!!
ام وحيد قعدت جنب لؤلؤة/أي مواضيع خبري خبرك ياام لسان انتي
الجازي/ذيك المواضيع خالتي حقت الاعراس وماياتي بعدها
الجدة/صدق بنات هالزمن مايستحون ولايحشمون احد!!
لؤلؤة/أي علينا ياجدتي شفيك احنا نتغشمر,,,,
لطيفة/الا صدق عمتي ليش ماياخذون الدبل والشبكة اللحين وعقب يملكون
تكلمت الجدة بصوت عالي/لا.
وصال/جدتي شفيك ماقلنا شي؟
الجدة/فال ماهو زين يشترون الدبل قبل الملكة
العنود/جدتي احنا ماقلنا بس .
الجدة/ولاحتى تتكلمون في هاالسوالف بعد.ماهو زين كثر الكلام في هاالسوالف,,,,,
هند/خلاص جدتي ولاتتضايقين ولايصير خاطرك الا طيب .
ام وحيد/ولدك وينه ياوصال؟
وصال/عند خاله مشعل.
الجدة/ومحمد وينه ماشفته اليوم,,,,
شلة البنات قاموا يطالعون ويضحكون,,,,,,
وصال/معزوم على العشى الليلة ياجدتي هو وخالد,,,,
الجدة/منو عازمهم.
لطيفة/عشى عمل تابع الشركة
ام وحيد قامت تطالع بالعنود وهمست لها/الله يكون في عونه تلاقينه هناك وقلبه هني .

***
.وبعد خروج العوائل كلا متجها الى بيته.في قسم ابو محمد.
محمد/السلام عليكم.
ام محمد/وضحى/وعليكم السلام
محمد/لسه مانمتوا؟
ام محمد/لايمه انطرك
محمد/يمه لاتقولين بعد احط لك عشى وانتي عارفة اني معزوم.
وضحى/اقول اخوي كيف العشى كان.
محمد/اوه فلة يجنن.
وضحى/حتى احنا عشانا كان يجنن بعد,,,
محمد/مافي شك انتوا عشاكم بيصير يجنن والقمر جالس عندكم.
ام محمد/أي والله يامحمد راحت عليك الصينية اللي كانت مسويتها العنود تطير العقل.
محمد اعتدل في قعدته/افا مسوية لكم صينية وانا مو هنا ليه عاد عناد؟
وضحى/يمكن ماكانت تدري انك بتطلع تتعشى مع الشركة!
محمد/كيف ماكانت تدري وانا عاطيها خبر البارح!!زين لكن عنود عاندي على كيفك بيجيك يوم بتسوينها لي غصبا عنك
ام محمد/بس على فكرة ترى عنودوا ماهي طباخة ماتعرف تسوي اكلات رئيسية يادوب هاالكم صينية بس
محمد/ياسلام وليش بالله تقولينها باستخفاف .خليها عمرها ماعرفت شي اصلا هي انخلقت تكون اميرة مو تطبخ.
ام محمد/لا انا مو مستخفة فيها بس اعطيك خبر علشان ماتتفاْجا بعدين,,,
محمد/لالالا كل شي من عنود عسل وبعدين الله مكثر في المطاعم شحقه!!!
وضحى/بس بعد اكل المطاعم كل يوم يزهق يااخوي
محمد/ذيك الساعة ام محمد ماعندها شغلة.
ام محمد/هههه ياسلام هي لها العرس والوناسة وانا لي الطبخ مايصير يايمه.
محمد/هههه
ام محمد/يالله يمه مدامك جيت انا داخلة انام تصبحون على خير.
محمد/وضحى/تلاقين الخير يمه.
وبعد مامشت ام محمد لف محمد على وضحى واعتدل في قعدته.
محمد/يالله ابداْي النشرة
وضحى/ههههه أي نشرة ؟
محمد/تفاصيل اليوم
وضحى/لا بس انا فيني النوم
محمد/انا بكرة اجازة بطلعك وين ماتبين.
وضحى/واوومع مين ماابي.
محمد/ومع مين ماتبين بس يالله تكلمي
وضحى/طيب اخوي تبي التفاصيل كلها ولا بس اللي تخص العنود
محمد/زين والله صرتي ذكية لاني ساعات ودي اذبحك من الغباء اللي انتي عايشة فيه.
وضحى/ههههه مقبولة منك ابو عنود
اليوم سلمك الله كانوا يتكلمون فيك هي مع وصال ولطيفة وهند وقالوا انك ب.

في غرفة العنود الساعة 2 الليل
العنود بصوت كله نوم/الو.
محمد/لاتقولين نمتي بدون ماتتطمنين علي رجعت ولالا؟
العنود/هلا حبيبي.والله نعست تعرفني مو حق سهر ابدا.
محمد/
العنود/الو.
محمد/.
العنود/محمد وين رحت؟
محمد/عنود عيديها ثاني.
العنود/شني الللي اعيدها؟
محمد/حبيبي صايرة تجنن وانتي تقولينها اول مرة.
العنود/
محمد/يالله عاد بلا دلع علي وقوليها
العنود/انا.انا مو قصدي.
محمد/عنود ياقلبي قوليها ليش ها الحركات
العنود/محمد خلاص
محمد/انتي حاسة فيها؟
العنود/غير الموضوع
محمد/لاماراح اغيره ساْلتك انتي حاسة فيها؟
العنود/
محمد/خلاص مانبيك تقولين الكلمة بس جاوبي على سؤالي انتي حاسة فيها؟
***

يتبع

[إلميآسـه]

العنود/خليني ارجع اكمل نومي.
محمد/هههه لامافي هروب من الاجابة انا مصر اعرف
العنود/شتعرف؟
محمد/احساسك شنو؟
العنود/وتغير الموضوع بعد ماتعرف؟
محمد/أي بغيره.
العنود/وعد
محمد/وعد ياقلبي.
العنود/وماتساْل ولاسؤال خلاص.
محمد/ان شاء الله عمتي
العنود/اي
محمد بخبث/شنو أي فهمت شي انا من أي حقتك؟
العنود/أي احس فيها ناحيتك
محمد/احبك وربي الكون احبك ياعنود ودي اطلع واصرخ للعالم كله باني اموت عليك.
العنود/سويها وبتلاقيني ساعتها انتقلت الى رحمة الله,,,
محمد/ليش عاد!!
العنود/تقول بتطلع تصرخ للعالم كله انا وين اودي وجهي ذيك الساعة من الفشيلة
محمد/بالعكس هذا اروع احساس يالعنود صدقيني مافي اروع من احساس الحب .
العنود/الليلة صاير شاعر.
محمد/ ابي اكتب قصيدة حب ابي اوجز معانيها.
ابيك بين هاالعالم تفاخر يوم تقراها
ابيك لحرفها تطرب ابي غيرك يغنيها.
ابي لامن سالك انسان من اللي فيك سواها.
تقول اللي سكنت قلبه وروحه لي مهديها!!!وسلامتك يااغلى البشر.
العنود/الله الله.محمد تعرف اني استحي من هاالشي
محمد/أي شي؟
العنود/انت حساس ورومنسي
وانا احس اني غير عنك ومافيني شوية منك رغم المفروض انا اكون كذا.
محمد/بكرة اذا انكويتي بنار الحب بتكونين كذا يالعنود صدقيني.ولعلمك انا ماكنت كذا ولا لي في ها السوالف بس من تعلقت فيك صرت ادور على قصايد الحب ومااسمع الا اغاني الشوق و.
العنود/يعني بكرة اذا تزوجنا بقول لك هاالكلام ؟
محمد/اكيد بتقولينه وبتقولين احلى منه لانك بتجربين الحب الحقيقي
العنود/احنا مو قلنا ماراح نتكلم ليش جريتني في الكلام
محمد/هههه تعرفين ياالعنود انتي بريئة حيل واللي يبي منك شي بسرعة ياخذه وانا اموت على هالشي فيك.
العنود/محمد انا متضايقة ان الملكة تاْجلت.
محمد/عيون محمد مافرقت ملكنا بكرة لو بعد عشرة ايام صدقيني ماتفرق اذا اللي في قلبنا بيظل معنا خلاص ولاشي في ها الدنيا يهم.
العنود/بس.
محمد/يعني انا اللي صابر لين تكبرين واخذك بيعجز صبري عن عشرة ايام ياالعنود!! لاحبي انتي اقوى من انك تتاْزمين وتفكرين في اشياء تضايقك.
العنود/مشكلتي معك يامحمد اني حتى الاشياء اللي اكون واثقة منها تغير راي فيها سرعة وتقنعني دايما بحلول ثانية.
محمد/الا ماعلينا يقولون منورة اليوم بالوردي
العنود/وردي!!!منو قال لك اني لابسة وردي!!
محمد/وليش مستغربة كذا اني عرفت شنو لابسة
العنود/لان سخافة تعرف بعد شنولابسة؟
محمد/ههههه سخافة عاد ليش مو حلالي انتي
العنود/محمد حاط بيني وبينك ناس تنقل لك الاخبار.
محمد/حرام عليك انا كذاعاد؟
العنود/اجل شلون عرفت شنو لابسة
محمد/ساْلت وجاوبوني.
العنود/وليش تسال هالاسئلة عاد؟
محمد/انتي تضايقتي؟
العنود/طبعا تضايقت.عيب تعرف شنو لابسة.
محمد وهو يكتم ضحكته على تفكيرها البسيط/بس انا سالت لاني متضايق منك او بمعنى احرى زعلان.
العنود/زعلان منيليش شسويت انا؟
محمد/زعلان من عنادك اللي فيك.اقولك بكرة معزوم في الشركة تقومين تسوي لهم عشى وتجيبينه ولاحتى تشيلين لي قطعة تذوقيني طباخك؟
العنود/هههه تستاهل وبعدين والله اني ماكنت متقصدة اسويها في اليوم اللي انت مو موجود خالتي دقت علي وقالت لي مشتهية هاالصينية مني وسويتها
محمد/وليش ماشلتي لي قطعة اذوقها!!
العنود/محمد مو كفاية اني كنت متحملة تعليقاتهم كلهم عليها وعليك الليلة اقوم اشيل لك بيتاكد كلامهم علي,,
محمد بخبث/ليش شنو قالوا لك؟
العنود/خلاص محمد انا من جد فيني النوم بكرة بقولك .
محمد/ليش عاد كذا توها السهرة في اولها!
العنود/محمد انا ماتجي الساعة 10 الا راحت علي نومة واللحين الساعة 3 الفجر.
محمد/أي بس عمر محمد قبل تنامين في ذاك الوقت اللحين لازم تتعودين على السهر لاتنسين ان التلفون بيكون متنفسنا الوحيد بعد اصدار الحكم من النائب العام بعدم شوفتنا لبعض لين ليلة الزواج
العنود/يصيرخير بعدين خليني انام اللحين,,,
محمد/طيب عطيني شي يحمسني اخليك تسكرين,,,
العنود/محمد ترى من جد ماادري شبقولك بعد دقيقتينمن النعس اللي فيني
محمد/يعني مافي تسكرين.
العنود/طيب اول مااصحى بكرة من النوم وقبل أي شي بدق عليك زين كذا !
محمد/أي خليك كذا تعطين مغريات حلوة ياعسل .طيب حبي تصبحين على خير وبظل طول ماانا نايم انتظر متى تصحيني على صوتك الدافي
العنود/تصبح على خير.
رغم انها كانت فعلا نعسانة بس اول ماسكرت الجوال ورمته على المخدة جنبها فتحت عيونها وحست بنشاط غريبكان كلام محمد هو اللي صحاها من نومها وشعللها كذا ليه تحس ان محمد شي غير عنها هو صريح بحبه والكل عارف انه يموت عليها بس هي حاسة انها قاعدة تظلمه بس ليش ماهي حاطة في بالها سبب معين.محمد رومنسي وحساس وشاعري وهي باردة وماعندها هاالسوالف غرام واشواق واشعار وخواطر.
ماتدري ليش خطر على بالها انها لو اخذت محمد بتقتل حبها في قلبه من بروده هي تميل له حييل ويمكن تقدر تقول انها حبته بس مشكلتها ماهي قادرة تتجاوب معه في رومنسيته هي قاعدة تحس ان بينهم حاجز كبير من هاالرومنسية وهي ماهي قادرة توصل لمرحلة التعبير عن مشاعرها بطلاقة,,,,ومافكرت عنود اكثر في هاالشي لانها راحت في سابع نومة,,,,,(خلي التفكير على جنب ياعيوني ههههه)

***
يوم الخميس الصبح,,, في بيت العامري( بيت الجد )
وضحى/صباح الخير
الجد/صباح النور.انتوا ماتقعدون الا وجهكم قدام
وضحى/جدي يوم الخميس منو يقعد من الساعة 10!!
الجدة/خيابتكم مو منو يقعد من الساعة 10 كل الناس تقعد يوم الخميس قبل هاالوقت بعد يقعدون مع اهاليهم .
لؤلؤة تهمس لوضحى/لاتتعبين نفسك انا شوي وبقوم اخمد من جديد نعسانة مووت.
وضحى/ليش انا اللي ماني نعسانة ظليت سهرانة البارحة مع حمودي وبعدين قعدت على النت ومانمت الا 6 يعني مانمت غير ثلاث ساعا ونص بس!!!
لؤلؤة/المشتكى لله منهم .
الجد/لؤلؤة وين خالد اخوك.
لؤلؤة/الظاهر انه لسه نايم اقوم اصحيه (بخبث)
الجد/لا خليهم نايمين اليوم اجازتهم
وضحى/يبى حتى احنا يوم اجازتنا مافي جامعات ليش هاالتفرقات يعني!!!
الجدة/هم ماعندهم بكرة بيوت يفتحونها انتوا وراكم.
وضحى تهمس للؤلؤة/والله ماحد رايح فيها في العالم غيري وغيرك يالؤلؤووا
لؤلؤة/لا وامس متفقين الشلة كلهم انهم ينامون اسبوع الجاي يعني بداية الاجازة عند نوف عاد انا قلت حرام مايشوفون النعيم اللي احنا فيه فحلفت عليهم يمين ينامون هني عندي
وضحى/ههههههه الله ياخذك ياالملعونة على هاالافكار
لؤلؤة/ليش بالله علينا بس هذرة جدك وجدتك هم بعد بناتهم ولازم يسمعون هاالاسطوانات مثل مااحنا نسمعها
الجدة/انتوا علامكم كل وحدة تهذر في اذن الثانية ماتبونا نسمع شتقولون؟
لؤلؤة/ولاشي جدتي.
الجدة/لاعلينا مافي شي
وضحى/احنا كنا نقول لو ان اليوم الليل نروح بيت عمي ابو فيصل نتعشى هناك لانهم مابيروحون بيت جدهم,,,
الجد/والله خوش فكرة وليش تهذرين انتي وياها كان رفعتوا صوتكم علشان نتشاور كلنا مع بعض
لؤلؤة/معليش جدي بس كنا خايفين ترفض الفكرة او ماتلاقي استحسان من قبلكم يعني,,,
الجد/هذا اللي يعلمونكم اياه في الجامعات تصفون هذرة فاضية!!(يخرابي يمه من كلامك ياعم)
وضحى/هههه شنسوي بعد جدي هاذي الجامعات اللي حطونا عيالكم فيها بدل مايودونا ندرس برة,,
الجدة/هذا اللي قاصر بعد بنات تدرس برة؟
لؤلؤة/وش الفرق بين البنت والولد!
الجد/عن طولة اللسان وقومي نادي ابوك بكلمه,,,
لؤلؤة/شتبي فيه!
الجد/وانتي شيخصك ياالملقوفة
لؤلؤة/ول.
ابوخالد/السلام عليكم,,
/وعليكم,,,,السلام والرحمة
ابو خالد/وانتي صوتك كله عالي وبس,,
لؤلؤة بصوت واطي/من اهلك اللي بيذبحوني في عز شبابي.
الجد/اقول بو خالد ورا مانملك لخالد مع محمد في ليلة
ابو خالد/ياريت يبى انا قايل له هاالكلام قال انا اللحين مو مستعجل اول ماارتب اموري بعطيكم خبر
الجدة/ قال يرتب اموره قال !! أي امور هاذي اللي بيرتبها بعد!!
ابو خالد/والله انا ماحبيت اضغط عليه قلت اخليه براحته
الجد/انا اقول يوم ان محمد بيشتغل في شقته خلي خالد بعد مرة وحدة
ابو خالد/يعني اجبره يبى
الجد/لا يوم انه مو ناوي على العرس اللحين خليه على راحته

***
في غرفة محمد دق الجوال والعنود كانت متصلة وشاله محمد وراسه كله نوم
العنود/صباح الخير
محمد/.اي
العنود/بعدك نايم
محمد/أي
العنود/شفت شلون جننتني امس وانا بنام اللحين دورك تتحمل
محمد/بعدين
العنود/لا ماهو بعدين اللحين
محمد/اوهو.
العنود/وشخبارك بعد
محمد/ماادري.
العنود/حمودي صحصح شوي معي
محمد/ والله فيني النوم
العنود/ومتى بتقوم يعني؟
محمد/كم الساعة اللحين؟
العنود/عشر ونص
محمد/حرام عليك توها الناس.خليني انام
العنود/لامافي ليش يوم اني قلت لك سكر مارضيت يالله تحمل اللحين.
محمد/والله فيني النوم بعدين اكلمك
العنود/لاخلاص اليوم عقاب لك مافي تسمع صوتي يالله باي
محمد راح في سابع نومة ولاهو في الدنيا بعد.

***
العصر.
وضحى/اقول اخوي
محمد/قولي.
وضحى/بعدك على وعدك,,
محمد/أي وعد؟
وضحى/انت امس قلت لي بوديك وين ماتبين ومع مين ماتبين.
محمد/أي ذكرت ,انتي حضرتك مانسيتي؟
وضحى/كيف انسى بالمنة علينا هاالطلعات وتبيني انسى.
محمد/والمطلوب؟
وضحى/يالله نمشي
محمد/ههههه والله انك خفيفة دم وين تبين تروحين؟
وضحى/بعزم البندري وليالي على تمشية خفيفة
محمد/يصير اخت البندري تجي معنا؟
وضحى/لا طبعا اصلا هي وهند طالعين اليوم,,
محمد/اسمع بنت اللذينا تطلع وماتشاور بعد.
وضحى/بعدك اخوي مااخذتها علشان تشاورك.
محمد/يالله لبسي عبايتك وتعالي انا في السيارة.
طق طق طق
لؤلؤة/ادخل
وضحى/طيران لبسي عبايتك وتعالي بسرعة
لؤلؤة/لوين.؟
وضحى/انتي مو بتقولين انك ماتبين تروحين بيت جدك اليوم انا بنقذك قومي بمشيك معي عازمة بندورة وليال معنا يالله بسرعة.
لؤلؤة/أي بس انتوا تبون راحتكم وانا.
وضحى/يالله لؤلؤووة بلا بياخة امشي بسرعة محمد في السيارة لبسي عبايتك ونزلي مو تتاخرين,,,

***
الليل في بيت ابو فيصل
ابو فيصل/زارتنا البركة والله
الجدة/الله يحييك يمه
ام فيصل/من زمان كنا ناطرين هاالزيارة ياخالتي مو بس في المناسبات المفروض كل اسبوع تجون عندنا,,,
الجد/والله اليوم قاعدين الا لؤلؤة ووضحى يرطنون مع بعض يوم سالنهم وش تقولون قالوا بيت عمي بو فيصل مو رايحين بيت جدهم ليش مانزورهم الليلة قلنا بس نرجي عندكم
ابو فيصل/يعني لو مالؤلؤة ووضحى قالوا ماكنتوا بتجون؟
الجدة/الا وينهم صدق ماجوا للحين؟
نوف/جايين اللحين دقيت عليهم وقالوا انهم بالطريق.
الجدة/أي هم طالعين مع محمد اليوم وقالوا انتوا سبقونا وبنجي وراكم.
سلطان/ليش مابيروحون بيت جدهم؟
الجدة/ماشكلهم هااالاسبوع بيروحون؟اهاليهم راحوا وهم قالوا بنروح بيت عمي بو فيصل.
الجد/سعود مو هني.
ام فيصل/لاوالله اليوم الخميس يطلعون يتغذون برة ومايرجعون الا الليل.
نوف/مافي غير وجهي في هاالبيت.
ابو فيصل/هاالاسبوع بس مارحتي بيت جدك كل اسبوع انتي هناك.
نوف/ومن زين قعدتهم هناك رايحة برج الفيصلية!!
ام فيصل/وش فيها قعدة اهلي ماتعجبك بعد!
نوف/اهللك على عيني وعلى راسي بس مو كلهم طبعا.
الشغالة/ماما في جي لؤلؤة وود حى(عجبني اسم وضحى الجديد)
ام فيصل/خلهم يدخلون هني بناتنا ذولا
سلطان وقف بيمشي.
الجد/عسى ماشر.
سلطان/بمشي
الجد/وليش بالله؟
سلطان/علشان.علشان ياخذون راحتهم
ابو فيصل/لا يبى اقعد مايصير بنات عمك يدخلون وانت تطلع ماهي عدلة وبعدين ذولا حسبة خواتك وش فيها اذا قعدت معاهم.
سلطان قام يتحلطم ورجع مكانه.
وضحى/لؤلؤة//////السلام عليكم,,,
///////////وعليكم السلام والرحمة////
وضحى/عمي شلونك
ابو فيصل/هلا ببنيتي هلا
لؤلؤة/عمي شلونك
ابو فيصل/هلا لؤلؤة هلا
وراحوا عند ام فيصل وسلموا عليها وقعدوا جنب نوف.
وضحى/سلطان شلونك.
لفت لؤلؤة وشافته قاعد في الصالة وارتبكت حيل لانها ماانتبهت لوجوده بدخلتهم .
سلطان/هلا وضحى انتي شلونك.
وضحى/بخير عساك سالم.
نوف قامت تناظر بلؤلؤة اللي كانت عيونها على سلطان وهو اول ماشافها لف بعيونه بعيد.
سلطان/شلونك بنت عمي.قالها بدون مايناظر فيها
لؤلؤة/ببخير ولد عمي بخير.
الجدة/وين اللي معاكم.
وضحى/رديناهم بيوتهم.
الجد/عنود كانت معاكم؟
لؤلؤة/لا جدي البندري وليالي بس.
الجد/أي زين سوت يوم ماراحت معكم.
وضحى/لا هي طالعة مع هند اليوم عند صاحبتهم.
نوف/تعالوا وين رحتوا بسرعة!!
لؤلؤة/كل مكان
نوف/لاتذبحيني قولي بسررعة وين رحتوا.
ام فيصل/قولي لها بسررعة وين رحتوا لا تذبح حالها,,,
وضحى/رحنا المملكة وبعدين طلعنا نتمشى بالسيارة كذا.
نوف/ياسلام انتوا في المملكة وانا في مملكتنا بيتنا الكئيب.
ام فيصل/الله واكبر عليك يوم ماتطلعين تقوم القيامة .
ابو فيصل/مو قالت لك وصال تعالي معنا انتي مارضيتي
نوف/انا مااحب اطلع مع ناس عندهم عيال مجربة الوضع قبل كذا معروفة المحلات اللي بيدخلونهميالله اول يدخلون مذركير بعدين بي اتش اس وبعدين سيرجينت ميجور وبعدين نكست وبعدين ليمتتو وبعدين ليدي بيرد وبعدين خل ندخل التعليم المبكر نشوف الالعاب اللي عنده ويضيع اليوم وانا مادخلت المحلات اللي ابيها.هذا ناهيك عن صراخ عيالهم طول الطريق وتعالي اوقفي بناخذ له فشار لو بنعطيه حليب لو لو لو.
الجد/لاحول الله انتي بالعة مسجل ماتسكتين
لؤلؤة/هههههههه
نوف/انتي ضحكي احسابك بعدين ياماما .
سلطان /انا بروح المطبخ شوي
وبعد ماقام سلطان وضحى لفت على ام فيصل تكلمها ونوف همست للؤلؤة/قومي وراه
لؤلؤة برعب/جنيتي!!
نوف/قومي بنقول ان احنا بنزل شي من فوق وبنرجع وانا بركب وانتي تروحين له المطبخ
لؤلؤة/مستحيل!!!!
نوف/قومي
لؤلؤة/هو مو طايق يشوفني
نوف/اذا صرتوا بروحكم يتغير الوضع قومي جربي
وماعطتها مجال مسكتها من يدها وقاموا
نوف/بنجيب شي من فوق وراجعين
وتوهم واصلين المطبخ وقفوا عند الباب كان سلطان واقف في ظهر الباب ويكلم في جواله.
نوف/يالله ادخلي سوي نفسك بتشربين عصير او أي شي يالله,,,
لؤلؤة بخوف/لا نوفوا مااقدر انا حاسة انه مو طايقني.
نوف/يالله لاتقهريني امشي بدخل معك وبعدين بطلع من المطبخ الخارجي زين
ودخلوا مع بعض ولؤلؤة كانت خايفة مووت بس اول ماسمعت كلام سلطان في الجوال تلاشى خوفها ونزلوا دموعها وطلعت بسرعة من المطبخ ونوف وقفت متضايقة
كان سلطان يكلم نانسي بنت خالته,,,ويقول لها (حبيبتي نانسي انتي عارفة ان الليلة اسواْ ليلة في حياتي عشان ماراح اشوفك .)
ماكانت لؤلؤة تنتظر اكثر علشان تسمعه خذت بعضها وراحت تبكي في الحديقة ونوف اوقفت مكانها.
نوف بعصبية/سلطان ابوي يبيك.
سلطان لف عليها/طيب.ورجع يكلم نانسيلاحبيبتي نوف هاذي مو خالتك,,,,تبين تكلمينها,,,,طيب وعطى الجوال لنوف اللي قامت تطالع فيه باحتقار.
سلطان مد لها بالجوال/نانسي بنت خالتي تبي تكلمك.
نوف تقربت اكثر من الجوال وقالت بصوت يسمع نانسي/مالي خلق اكلم ناس قرووين هاالحزة لافضيت كلمتها,,,
وطلعت بسرعة قبل لاتشوف الشرر اللي بيطلع من عيون سلطان.
ولفت البيت على لؤلؤة مالقتها
نوف/ميري .ميري
ميري/نعم مدام,,,
نوف/وين راحت لؤلؤة؟
ميري/كانت في الهديقة بس بعدين يكتب لاانتي رسالة في جوال ويتلع,,,
نوف/وينه الجوال؟
ميري/هذا ماما
امسكت نوف الجوال وفتحت على الرسايل .
(نوف انا اسفة بس مضطرة امشي )
نوف دقت على لؤلؤة/ .الوهلا وينك وين رحتي طلعتي ؟مع السايق؟لا!!!لاتقولين طالعة تمشين بروحك !!بذبحك لؤلؤووه كيف تحطيني في هالموقف شوفي مابعدتي صح.دخلي الماركت اللي بيجي على يدك اليمين وانا ووضحى بنجيك اللحين مع السايق .مابرجعك هني بوصلك البيت بس لاتكملين مشوارك مشي الله يخليك.
نوف دخلت الصالة وكان الوضع مثل ماتركته عدا عيون سلطان اللي شبت اول ماشافتها.نوف/بابا معليش بناخذ السايق وبنطلع انا ولؤلؤة ووضحى بنروح الماركات بناخذ لنا تسالي.
سلطان/ماهو وقت طلعة اللحين والبيت مليان تسالي.
نوف/زين بابا
ابو فيصل/بس لاتطولين يبى,,
نوف مسكت يد وضحى اللي مو فاهمة شي /ان شاء الله يبى.
وبعد ماطلعوا
سلطان/يبى انت مو شايف انك عاطيها حريتها بزيادة!!
ابو فيصل/لا مو شايف
سلطان/اسمع هاالسمعة وش تسمي طلعتها مع السايق هي وبنات عمها .
الجد/يوم انك خايف عليهم كان رحت وصلتهم انت الماركت ماهو بعيد عن بيتكم!!
سلطان/انا اوصلهم !! علشان اذبحهم وارجع
.في السيارة
وضحى/انا ابي افهم شلي صاير بالضبط!!
لؤلؤة/انا ابي ارجع البيت
نوف/لؤلؤة انا اسفة والله ماحسبت بيصير كذا.
لؤلؤة/خلاص لاتفتحين الموضوع مرة ثانية ابي ارد بيتنا.
وضحى/شصاير
نوف/طيب بكلم ابوي وبقوله اني بنام عندكم ماشي.
لؤلؤة/.
نوف/ماتبيني؟
وضحى/لا تعالي شنو ماتبيك تعالي علشان اعرف السالفة.

[إلميآسـه]

هند والعنود كانوا يتمشون في المول ووصلوا عند محل سوري يسوي اختام ويطبع صور على كل شي
العنود/شوفي هاذي تجنن
هند/صورة ياسر القحطاني اللي تجنن ولا البلوزة!!
العنود/الله عليك الحركة طبعا.
العنود/لو سمحت
البايع/تفضلي مدام
العنود/في عندك اشياء امم
البايع/متل شو بدك مدام
العنود/يعني ميدالية تتعلق بالسيارة مثلا.
البايع/تكرم عيونك مدام كل شي بنساوي لك اياه انتي عندك الميدالية ولا بدك شوف لك شي مرتب.
العنود/لا انا ماعندي بشوف الا شياء اللي عندك.
البايع/شوفي مدام هاي حلوةوهي كتير مهضومةوهي مرتبة كتير كتير.
امسكت العنود وحدة على شكل اطار ذهبي مرصع حواليها بخرز ازرق
العنود/فيك تطبع لي بوسطها صورة.
هند/صورة منو لاتقولين محمد!!
العنود/لا مو صورة محمد.
البايع/تكرم عيونك الحلوين كل شي بدك اياه بساوي لك معك الصورة مدام
العنود/أي لحظة بس.وفتحت شنطتها وعطته الصورة.
.

يوم ثاني
الجدة تكلم في التلفون/من متى؟
أي خلاص امك عندهاطيب وماكلمتي امك تشوفين شخبارها اللحين.طيب يمه مع السلامة.
الجد/عسى ماشر منو تعبان؟
الجدة/في غيرها .العنود .
ام خالد/شفيها؟
الجدة/الجازي تقول انها البارح تعبت حييل وودوها المستشفى.
ابو محمد/الله يعافيها ماتستاهل هاالبنية
وضحى/متى بنروح نشوفها
,,,,,,,,,,,,,,,,,,,,,,,,,,,,,,,,يوم شافت ان ماحد رد على سؤالها قامت وراحت لمحمد اللي بعده نايم,,,
محمد/طلعي من الغرفة لااقوم اذبحك اللحين
وضحى/بتقوم يعني بتقوم
محمد/وضيحي ترى احنا اصحاب لاتخليني اغير تعاملي معك.
وضحى/مو علشان ان احنا اصحاب لازم تقوم محمد العنود تعبانة وودوها المستشفى
محمد استوعب الكلام وقام مرة وحدة
محمد/شفيها!!!
وضحى/ماادري اللحين الجازي كلمتنا وقالت ان عمتي ووليد معها من البارح
محمد/قومي طلعي بسرعة
وضحى/شبتسوي؟
محمد/بقوم ارقص!! شبسوي يعني ببدل وباروح لها المستشفى.

***

ام وحيد/ماتشوفين شر يمه عنود.
العنود واللي كان مبين عليها التعب/تسلمين ياخالتي
ام وحيد/يمه عاد شوي شوي على نفسك ترى ماعندنا غير عنود وحدة.
ام الوليد/اسكتي يااختي طول الليل مانامت من الالم,,,لا وضغطها بعد مرتفع وزيادة الخير خيرين.
ام وحيد/الحمد الله على كل حالجويزي وبندورة بروحهم في البيت
ام الوليد/قلت لهم خلوا السايق يوصلكم بيت جدكمبس الظاهر ماراحوا.
هند كانت جنب العنود وهمست لها /هذا كله من عيون السوري اللي بالامس عيونك حلوين وعيونك حلوين ورحتي فيها
العنود ببتسامة/حرام عليكالا بنشدك محمد عرف اني في المستشفى!
هند/والله ماادري انا لو ماكنتي دقيتي علي مادريت
العنود/حرام لاتقولون له لو عرف بيجي علطول
هند/خله يجي وش عنده اليوم جمعة
العنود/أي بس هو ماينام الا الصبح حرام.
ومامرت دقايق من كلامهم حتى وصل محمد مع امه وجدته وام خالد ولؤلؤة ووضحى
الجدة/عنود يمه اسم الله عليك.
***

يتبع

[إلميآسـه]

ومامرت دقايق من كلامهم حتى وصل محمد مع امه وجدته وام خالد ولؤلؤة ووضحى
الجدة/عنود يمه اسم الله عليك.
العنود تاشر على هند تعطيها شيلتها لاتذبحها امها وبالليالله فهمت هند ولبستها العنود بعد ماشافها محمد بدونها ولااول مرة.
العنود/يمه انا بخير ليش بس جيتي
ام خالد/ماعليك شر ان شاء الله
العنود/الله يسلمك.
محمد تقرب منها/سلامتك يالغالية.
العنود/الله يسلمك.
الوليد دخل/احم احمهلا محمد
محمد/هلا .
محمد/شقال الدكتور
ام الوليد/يقول يبيلها تبعد عن الزعل وتكدير الخاطر ضغطها مرتفع وهذا اللي متعبها اكثر.
محمد/ودمها!
الوليد/ماهو حلو بس اللي متعبها الضغط.
محمد/وطبعا الدكتور اليوم مايداوم!
الوليد/لا بكرة الصبح قال بيمر يشوفها.
العنود/يمه خلاص روحي البيت ارتاحي من البارح وانتي هنا
ام الوليد/لايمه انا بقعد عندك,,,
العنود/يمه خالتي ام وحيد عندي وهند هنا ومحمد بعد هني انتي ارتاحي لك شوي .
ام وحيد/أي والله يو خيتي انا بقعد معها انتي روحي للبنات شوفيهم وارتاحي لك شوي بعدين تعالي,,,
ام الوليد/لامافيني اقوم والله
ام وحيد/يالله اختي عاد قومي.
الجدة/قومي ارتاحي وكلنا معها
ام محمد/يعني مابنحطها في عيونا ياام الوليد!
ام الوليد/لا والله ماهو كذا بس
محمد/بس شنو عمتي مابتحتاج لشي وكلنا حواليها يالله عاد .
الوليد/يالله يمه امشي روحي شوفي بناتك في البيت من البارح تاركتهم ترى عادي احرقوا البيت يسوونها بناتك,,,
ام محمد/هههههههه يالله عاد ياالوليد لاتقول شذي عن خواتك .
ام الوليد/يالله يمه انا بقوم تبين شي اجيبه معك وانا جاية بعدين
محمد يهمس للوليد/مصدقة نفسها عمتي بترجع بعدين خلاص مافي زيارة ثانية هذا مستشفى حكومي مو خاص,,,
الوليد/هههه انا بسكت عنها لين نوصل وتدخل البيت وينتهي وقت الزيارة بعدين بقول لها
محمد/زين تسوي فيها .انا بظل هني معهم لاترجع انت وقول لاامك لاتحاتي.
الوليد/يوم انك جيت انا متطمن وبروح ارقد بعد,,,,
العنود/سلامتك يمه ماابي شي,,,
الجدة/يوم اني تطمنت على العنود وصلني معك على الطريق ياالوليد.
الوليد/يالله امشي.
محمد/وانتوا مابتمشون؟
وضحى/لابنقعد مع العنود نسليها شوي,,,
محمد قام يتحرطم
/لؤلؤة /في شي ولد عمي؟
محمد/لا.انا بقعد برة اذا احتجتوا شي نادوني,,,,
ام خالد/مانبي شي روح استريح بس
وطلع محمد من الغرفة بعد ما مشت الجدة والوليد وامه,,,
ام خالد/عيار هاالولد والله هو وين وقومته يوم الجمعة وين,,,,
ام وحيد/بعد بيتطمن على مرته مايصير,,,
وقاموا البنات يطالعون في العنود ويضحكون وابتسمت لهم ابتسامة باهتة كانت تعبانة بس مقاومة علشان وجودهم حواليها,,,
لؤلؤة قامت وفتحت في الاكياس وطلعت صحن فيه فطاير .ومدته للعنود,,
العنود/ماابي
لؤلؤة/مسوينا قبل شوي
العنود/مو مشتهية والله,,,
ام محمد/يالله كلي لك وحدة على الاقل مايصير انتي مو متعبك غير قلة الاكل يمه,,,
وضحى/ترى انا ولؤلؤوة اللي مسويينه,,,
هند/وهذا اللي يخوف في السالفة.
ههههههههههه ضحكوا كلهم حتى العنود’’’
وضحى/حرام عليك يابنت عمتي .
العنود/طيب جيبي وحدة.

لؤلؤة راحت عند العنود وعطتها وكانت هند قاعدة جنب العنود بس على اليسار ولؤلؤة جاية من اليسار فعطت العنود ومشت تلف على الباقي عطت عمتها وامها ومرة عمها ووضحى وراحت قعدت مكانها وهند تناظرها هي والعنود,,,
لؤلؤة/شفيكم ليش تناظروني؟
هند/سلامتك بس الظاهر اني في القائمة السوداء عندك
لؤلؤة/القائمة السوداء!!!ليش عاد.وانتبهت انها ماعطتها وقامت من مكانها يالله والله ماانتبهت يابنت عمتي والله وراحت عندها بالصحن ورفعت لها هند كوب القهوة اللي في يدها بمعنى ماابي,,
لؤلؤة/والله هند مو قصدي احقرك او اطنشك.
هند/لاعادي اصلا انا ماابي اذا شربت قهوة مااحب اكل معها أي شي.
العنود/لاتتعبين نفسك لؤلؤة وتظلين واقفة بالصحن ماراح تاخذ حطيه على الطاولة ووقت اللي بتشتهي بتاكل.
رجعت لؤلؤة مكانها منحرجة من هند وظلت ساكتة طول الوقت
لين بعد ساعة ونص وصل سعود ووصال
سعود/ماتشوفين شر يابنت عمتي.
العنود/الشر مايجيك ياولد خالي.
وصال/سلامات سلامات
العنود/الله يسلمك يابعد عمري
ام وحيد/اقعد تقهوى ياسعود
سعود/لابس عمتي بقعد مع محمد برة وطلع
ام محمد/وين ولدك ياوصال؟
وصال/انا ماعندي عيال اسم الله علي توني متزوجة
هند/ههههه وين موديته اليوم بعد
وصال/يعني وين بيكون مع خالتي
ام خالد/ليش ام فيصل ماهي جاية لنا
وصال/بلى جايين في الطريق هي وعمي ونوف
ام محمد/شلونه عمك اليوم
وصال/بخير
ام وحيد/انا قلت بكلمه امس وماصار عندي وقت
وصال/لا هاذي يومين وااجد احسن .
وضحى لفت للؤلؤة/صح وش سالفة امس ياعيوني؟
لؤلؤة/أي سالفة
وضحى/ماادري أي سالفة انتي ونوفوا طبعا وهبالكم الامسي اللي مافهمت منه أي شي!!!
لؤلؤة/اوه الامسي منسي يابنت عمي خلينا من امس
ابو فيصل/السلام عليكم.
وعليكم السلام والرحمة.
ام وحيد/شلونك اخوي
ابو فيصل/الحمد لله يااختي.شلونك ياالعروس
العنود/بخير.
ام فيصل/لامايصير كذا تخوفين محمد عليك
ام وحيد/هههه مايبيله شي ويخاف
ام فيصل/أي اقوله شخبارها قال ماهي طيبة ضعفانة وماهي راضية تاكل شي وهذولا زاعجينها زيادة.
ابو فيصل/قال هذولا انا فكرت خواتها عندها الا طلعتوا انتوا هذولا عند محمد.
ام خالد/بعد مالنا فيه اللحين.
ابو فيصل/ماتبين شي يابنيتي
العنود/سلامتك ياخالي
ابو فيصل/يالله طيبي وقومي بالسلامة خل نملك عليكم ويبتلش فيك محمد بروحه
العنود/هههههه حرام خالي محمد طيب ومايستاهل منك كل هذا.
ابو فيصل/أي دافعي عنه شعليهخلاص مطيحين في بعضيالله تقومين بالسلامة يابنيتي انا بطلع عندهم وانتوا لاتصيفون.
نوف/ان شاء الله يبى.
هند/نوفوا عبايتك تجنن وين مفصلتها
نوف/من الخواجة
وضحى/اه يالخاينة متى رحتي البحرين عنا؟
نوف/قبل شهر وشوي مو توها
وصال/انا اخر مرة افصل عند بدون اسم صار زبالة هاالمكان
نوف/من زمان هو زبالة موتوه,,,
هند/الاصحيح,,,,,,
نوف بغتها من الله ان الكل ينشغل في سالفة وراحت جنب لؤلؤة.
نوف/بعدك زعلانة؟
لؤلؤة/لا
نوف/مو مبين انك مو زعلانة
لؤلؤة/لاعادي مافيني شي
نوف/اكيد.
لؤلؤة/اكيد وبعدين انا شلته من بالي يانوف وبرة الغرفة
خالد/السلام عليكم
وعليكم السلام والرحمة.
خالد/شخبارها اللحين
سعود/الحمد لله احسن.
محمد/بكيفك هي صارت احسن !!!لابعدها تعبانة ويالله كل واحد ياخذ مرته ومع السلامة خلوها ترتاح
ابو فيصل/ههههه زين تسوي فيهم يامحمد أي خلك كذا خاف على مرتك
ابو فيصل دخل الغرفة وهو يضحك ومعه محمد
ام وحيد/ان شاء الله دوم هالضحكة يارب.
محمد/ان شاء الله عمتي.
ابو فيصل/محمد يقول لكم يالله قوموا خلو مرته ترتاح .
ام محمد/محمد يمه,,,
محمد/خلاص وقت الزيارة انتهى وهي تبي ترتاح يعني بااذنكم لو بدونه.
نوف/ياي على الذوق مااقدر انا
محمد/عاد قدرتي لو ماقدرتي مع الف سلامة ابوك بيمشي.
ابو فيصل/يالله ياام فيصل مشينا بعد اليوم محمد مو طايقنه
محمد/شيل معك احد بعد وخلصنا من الحشرة الزايدة بالمكان.
ام وحيد/الله يسامحك ياولدي.
محمد/الله يسامح الجميع عمتي بس بنستقبلكم في وقت ثاني اللحين معليش عنود تعبانة,,,
العنود/محمد لا.
محمد بدون مايطالع فيها/ترى الزيارة خلصت من نص ساعة .
العنود/معليش هند تبقى معي,,
محمد/لا مايرضون
العنود/ولا بالواسطة,,
محمد/لا . وهو في نفسه يقول هند تبقى وانا لا مستحيل طبعا.
ام خالد/خالد ماوصل.
محمد/بلى خالد بيوصل عمتي ام وحيد وانتوا روحوا مع سعود
نوف/احنا بناخذ لؤلؤة ووضحى معنا.
وطلع الكل وظلت ام وحيد عندها وهند كانت توها طالعة وخالد واقف برة وهي لابسة العباية ملكي.وكانت لؤلؤة وراها على طول
لؤلؤة /هند هند,,,
لف خالد عليها على طول ووقفت هند في مكانها
لؤلؤة/هند انا اسفة يابنت عمتي من جد اسفة والله ماكنت قاصدة
هند/شفيك انتي صايرة حساسة بزيادة!!!
لؤلؤة/لاموقصدي اكون حساسة بس خفت تاخذين على خاطرك مني.
هند/لاعادي عارفة انك ماانتبهتي لوجودي.ورفعت راسها لقت خالد يناظرها واول ماالتقت عيونهم ببعض لف على الجهة الثانية كانه مو مهتم.
هند/خالد شلونك
خالد رجع يناظر بصوبهم/من معاي!!!(تلفون حشى)
هند ماردت عليه فاقامت لؤلؤة تتكلم بدالها.
لؤلؤة/هاذي هند بنت عمتي.
خالد/هلا والله.
ام وحيد طلعت بهااللحظة
ام وحيد/ها خالد هني شلونك يمه,,
خالد/شلونك عمتي.
ام وحيد/اساْل عنك يمه,,,دربنا معك لو مع غيرك,,
خالد ضحك لها/هو بقى غيري مافي الا العريس .
هند/ان شاء الله هذا بيطلعنا كلنا علشان يقعد في النهاية بروحه!!!
جاها صوت محمد من وراها ونشف دمها/واذا قعد بروحه شيخصكم انتوا مرتي ياعالم.
هند بفزع/بسم الله الرحمان الرحيم جني انت!!!!من وين طلعت؟
محمد/من ارض الله وبعدين انتي عارفة ان الزيارة انتهت كيف بقعد والله,,,
ام وحيد/بس يبون يهذرون عليك يامحمد ماعليك منهم يمه,,,
محمد/شفتي ياعمتي دايما مظلوم.
خالد/أي لاتخليني اتكلم وطلع ظلمك,,,,
محمد ضحك لخالد/اقول خالد بتوقف عمتي زيادة روح وصلها .
هند/والله شكلكم مايطمن احسكم متامرين على شي!!!
خالد قام يناظرها/وليش بالله شايفتنا مافيا!!!
هند/عفوا ماقصدت.الظاهر انك تفسر كل شي جد .وقامت تناظر بلؤلؤة مثل اختك
ام وحيد/بتوقفونا في المستشفى؟
خالد/لاعمتي تفضلي.
ومشوا ام وحيد وخالد ولؤلؤة وهند.
.في غرفة العنود .كانت مضت على طلعتهم عنها ربع ساعة وربع.ودق تلفون الغرفة
العنود/الو
البندري/اهلين عنود.
العنود/هلا هلا بندورة
البندري/كيف صرتي اللحين؟
العنود/الحمد لله عارفة بالحال مايحتاج اوصف لك.
البندري/يالله عمري انتي قوية شدي حيلك وبتتغلبين على هاالازمة ان شاءالله,,,
العنود/لا هاالمرة حاسة اني بتغلب عليها ان شاء الله بس ليش ماادري؟
البندري/يمكن علشان
العنود/علشان وشو؟
البندري/عارفة مايحتاج اتكلم ياحلوة.
العنود/امي شلونها؟
البندري/أي ضيعي الموضوع .امي قاعدة تتهاوش مع الوليد مااقال لها انها مابتقدر ترجع لك توها مكتشفة بعد مااذن وقامت بتسوي لك عشى .
العنود/اجل قايمة الحرب في البيت عندكم.
البندري/اسكتي وليد الليلة رايح فيها رايح فيها
العنود/واعلي عليه اخوي وينه بكلمه
البندري/اذا هداْت العاصفة بخلي يدق عليك
العنود/شوفي قولي لاامي اني صرت احسن واني تعشيت وقلت بنام ارتاح لاتخليها تحاتيني زين
البندري/من صدقك اكلتي اكل المستشفيات!!!!
العنود/شفيك انتي انتي قولي كذا لاامي علشان تهداْ مو تروحين تقولين العكس.
البندري/لالالا افا عليك تامرين بشي يالغلا,,,
العنود/دعواتك يااختي.
البندري/ماراح اقصر ياالعنود صدقيني يالله تصبحين على خير.
رمت العنود السماعة وهي حاسة بخمول وتعب وارهاق وحطت راسها على المخدة وحاسة انها ميتة من الالم والجوع ومامرت دقايق الا باب الغرفة انفتح ودخل احد تضايقت لانها فكرت وحدة من الممرضات جاية تقيس الضغط مالفت على جهة الباب خلت وجها على الجهة الثانية وهي تستنى تسمع صوت الممرضة بس ماسمعت غير صوت اكياس تنحط على الطاولة وريحة اكل واحد يقعد جنبها !!!
لفت على الجهة الثانية ولقت محمد قعد وهو يناظرها.
العنود بفزع/محمد!!!!!!
محمد/اسم الله عليك يالغلا خرعتك ولاقعدتك من نومتك !!
العنود/محمد كيف دخلت الزيارة انتهت من قبل ساعتين !!وانتبهت انها مو لابسة الشيلة وشعرها طايح على اكتافها.ومسكت شيلتها بتلبسها بس يد محمد كانت اسرع منها ومسكت الشيلة قبلها,,
محمد/شفتك اليوم بدونها ليش بتلبسينها بعد.
العنود/لا محمد مايصير .
محمد مسك شيلتها وقربها منه وصار يشمها
محمد/ماعلي منك انتي حلالي ويصير اشوفك بدون شيلة
العنود نزلت راسها بالارض/محمد لا مايصير لاتخليني ازعل منك .وبعدين انت كيف دخلت بالله والزيارة انتهت.
محمد/ماراح اجاوبك غير لمى ترفعين راسك
العنود/وانا ماراح ارفع راسي الاا ذا عطيتني شيلتي
محمد .اعطيك اياها بشرط.؟
العنود/شنو؟
محمد/توافقين عليه؟
العنود/اول اعرفه
محمد/لامابتعرفينه توافقين وبس
العنود/مايصير.
محمد/خلاص اجل ماراح اعطيك اياها اذا على كذا.
العنود/طيب موافقة.
محمد تقرب منها وهو فرحان/شرطي اني البسك الشيلة بنفسي.
رفعت العنود راسها اول ماقال محمد هاالكلمة وتقرب منها بس محمد ماعطاها مجال لااي شي حط الشيلة على راسها وصار يلعب في شعرها وهو يسوي روحه يعدلها لها وهي حست ان الدم وقف في جسمها اول ماالمست يده شعرها وماعرفت حتى تتحرك من مكانها لين حست انها بتموت لو ظل يلمس شعرها بهاالطريقة الجنونية .محمد كان يمرر يده في شعرها وهو يتنهد بصوت مسموع وهي ماقدرت تتحمل اكثر بعدت نفسها عنه مرة وحدة ولفت الشيلة على راسهابسرعة.
محمد/ليش كنا رايقين مع بعض؟
العنود بدون ماترفع راسها لمحمد/محمد
محمد/خلاص فهمت مو من حقي اسوي هاالشيانا اسف اذا ضايقتك بس ماقدرت امسك نفسي عنك احمدي ربك اني
العنود بانفعال/محمد خلاص انا.
محمد/خلاص خلاص لاتعصبين سكرنا على الموضوعولف على الطاولة وقرب منها الاكياس وقرب لها البيتزا اللي كان جايبها
العنود رفعت راسها تشوف بالاكياس.
محمد ليش جايب معك هالاغراض كلها؟
محمد/مين يقدر على اكل المستشفيات ياعنودي؟
العنود/بس ماكان لازم تكلف على نفسك وتجيبهم معك انا كنت بدق على الوليد
محمد/ماني راد عليك اذا كنتي معتبرتها كلافة!! وبعدين متى ناوية تدقين على الوليد اذا متي من الجوع!!!!
وفتح البيتزا وصار يحط لها بالصحن الفاضي اللي جنبها.
العنود/.
محمد/يالله مدي يدك.هاذي سوبر بريم اللي تحبينها من بيتزاهت .
رفعت العنود راسها لمحمد متفاجئة منه وهو يبتسم لها
العنود/انت شنو اللي ماتعرفه عني يامحمد؟
محمد/اشياء وااجد مااعرفها اذا حابة تتكلمين فاانا اسمعك ياقلبي.