اعلنت الفراق

[يوسف فواز]

(( إيه أنا غامرْت ، و أعلنت الفــــــراق ))

إيه أنا غامرْت في ليلة زعل
من قلب ، ماهو مفتعل

كان السواد أعظم من الليل العتيم
كنت أستمع لعتابك ، و ذقت بتلابيبه غدر
في ليل جافاني البدر
وأكثر نجومه ترتوي بدمع النديم

واريت دمعاتي بيدي والصدر ضاق
غامرت و أعلنت الفراق

مدري تملـّكني قهر
مدري أنا حيل إنهزمت
أو هي دموعي والسهر
مدري فهمت أو ما فهمت

مير الوكاد أني نطقت و قلتها
كل الذي بيني و بينك إنتهــــــى

نقطة (.) ، و قصتنا انتهت


_._._._._._._._._._._._._._._._._


ما كنت أردّدها بغرور
لا والعلي الفرد الغفور

ماكنت أردّدها كِبْر
لكنّ ما فيني صبر

ما عاد فيني صبْر عاللي تفعلين
في كل لحظة تزعلين

ليه السوالف تبتدي مني بتحية و إبتسام ؟
و تصير في بالك كلام ، غير الكلام ؟
شك و غضب ، خوف و عتب
ليه؟ السوالف لك حلال و لي حرام ؟

يا ناس ما عدت أحتمل
ما عاد لي فيها أمل
يا ناس مهما شفت ضيّ ، عايش معاها في ظلام
أنا معاها شفت شيّ ، اللي يشوفه ما يلام

قبل الفجر ، تزعل بلا سبّه ، و تبدأ بالعتب
و أصير أنا غلطان ، و أصير السبب

و تبدا تبثّ سمومها ، و ترمي عليّ هموما
و تلومني و تجرحني ، و ترمي عليّ أقسى كلام
تنزع ضلوعي ، ثم ترميها على صدري سهام

و تحطّ جمره بالسهم ، لجل أنكوي بالنار كيّ
و ترمي على شفاهي سهم ، لجل أسكت و ماقول شيّ

ولا شافت جروحي تسيل ، و نار صدري تـتـّقد
ترمي السلام ، و تبتعد

و تقول: وش لي بك و دمعاتك تراق ؟
و طعمها مرّ المذاق

بأغيب عن عينك شهر
رح لملم جراحك بصمت
شيّبت في راسي الشّعَر
عذبتني ، ما ترحم أنت ؟

و أنا حشا والله ما عذبتها
بالعكس ، هانتني و أنا ما هنتها

صابر ، وهي عنّي التهت


_._._._._._._._._._._._._._._._._



بالليل تجرحني ، ولا شافت عتب
حتى كلام الليل ماني له سبب

وليا اختفى الليل و ظهر نور الفجر
جتني تحنّ و تعتذر

كيفك حبيبي ؟ آآآآآآسفة عاللي حصل
البارحة زعّلتك و مالك دخل
مدري وش اللي جاني و جاب الزعل

أدري غلطت بحقّك ، و جيت أعتذر لك ، و أعترف

تعترف ؟
وش تعترف
وش تعترف ؟ بالدمع ؟ لولا كلام الليل دمعي ما ذرف
وش تعترف ؟ بالدم ؟ لولا جروح الليل دمّي ما نزف

لا تعترف ، لا تعترف
كل اعترافاتك كذب
حتى العذر ما ينصرف

لا تعترف ، لا تعترف
أنا بأقول و بأعترف :

وجهك قمر ، لامن لمسته يطفي أنواره ، يغيب و نفترق
عينك بحر ، لا غصْت فيه أدوّر أسراره ، غدر بي و أغِرق
حضنك جمر ، لا جيت أضمّه تنطفي ناره ، و صدري يحترق
قلبك قصر ، لامن دخلته يقفل أسواره ، و يتحوّل ورق

ما شفت أنا ويّاك راحة ، ليلةٍ(تن) عذبه ، و دهر من العذاب
و إن كان تبغين الصراحة ، حبّنا كذبة ، و أنا عفت الكذاب

عفتك و عفت أيامك اللي ما تطاق
تووووبة ، و أنا أعلنت الفراق

فراق دمعي و السهر
فراق عقبه ما ندمت
ما شفت أنا بعدك قهر
عادت حياتي و ابتسمت

مبسووووووط يوم إني نطقت و قلتها
كل الذي بيني وبينك إنتهــــــى

نقطة (.) ، و قصتنا انتهت

[فارسة جوادها]

ابيآآآآت حــزينــة تلامـس جـروح بداخــلي

يعطيــك العآآفيـ***ـة اخـي يوسف

ولاننــحرمـ من جــديــدك وطــرحك

[محمود مسعود]

[frame="8 80"] بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

الاخ الكريم
يوسف فواز


سلمت يداك كلمات رائعه وحساسه تنم عن رقة مشاعر .
كلمات رومانسيه رائعه ورقيقه وحساسه.

تقديري واحترامي
اخوك
محمود مسعود[/frame]

[أوهــــــامَ]

كلماتَ في منتهي الروعهَ والجمــالَ
سلمتَ ع أحساسكَ الراقيَ
دمت . بخيرَ
.