ما يخوِّفني زماني
بس من فرقاك خايف !فجأه أصحـى ومـا أشوفك
لا تهددني . ظروفك
إعتبرني حلم / واقع
وإلاَّ ظلٍ ما يطوفـك
ضاميٍ عطشان جيتكلا يعشمني سرابك !
تسمح بكلمه ؟! بغيتك
قبل لا تبدي .
.
تدري وشْ حطّم غيابكْ
مرْكَبْ بداخلْ شعوري
منْ نسى قلبكْ حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني
وصارتْ الدنيـا / قسى !!
وصار دوري
أعشق أنواعْ الأَرَقْ
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر
منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا
يا حبيبي في غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني
والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى!
.
.
\\\
تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟
ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !
إيه كل الناس عندي
بس مابيهـم بدونك !!
تدري يا عمري بأنك
عندي كل الناس إنت !
ومهما تجرحني / مسامح
وكِل طعناتي / عوافي
عشت وافي لدنيتك
وبموت وافي
ما اخونك لو تجافي
ما هو آنا اللي إن ضاقت
علي الدنيا / خنت
.
.
.
غيبتك
غيبِتِك [ قسمه ونصيب ]
خلْني أشرَه عـ ( الزمن )
يا حبيبي ما هو عيب
إن بكى فينـي الوزن
( يا تصيب و يا تخيب )
[ فكره ] في بالي تزن
إنتَ [ أكثر ] مِنْ حبيب
إنتَ لي معنى ( وطن ) !!
يعني مِنْ غيرك " غريب "
ما أساوي أي ثمن !!
وإنتَ أقرب مِنْ / قريب
[ رمش ] وشعوري جفن
ولما عَن عيني تغيب
لا مدينـه ولا سكن!!
مااااتــ إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " !!
.
. \\
\\
عليك شلون ما أزعل؟
وتسوِّي أشياء تجرحني !
تضايقني بـ أفعالك
وتظن إنِّك مفرحني ؟
تسوِّد وجهي بـ طعونك
وتبيِّض ( وجه ) أحزاني !
[ ياليت ] اللِّي حصل منِّك
حصل من واحدٍ ثاني !
مثل غيرك ومنتَ غير
جرحت جروح ما طابتــ !
هقيته فيك يطلـع خير
ولكن هقوتي " خاااابت "
صدمني الكل
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي
توقعتك تحب لي الخير
وتدوِّر راحة أيَّامي !
وأشوف إن الحقيقه غير
تحب الخير لـ جروحي ؟
حبيبي الوقت ما قصَّر
وكلمة حق يا روحي :
( جميع الناس تتغيَّر ) !!!
.
.
\\\\
تدري وش ينهي؟!
ينهي أحلامي و [ طموحي ]
ويبتدي مشوار حزني
وتنتشر فيني جروحي !
ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم بـ عيني !
كيف أضحك
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك "
ما قدر يترس عيوني
من بعد عينك عيون !
ليه مستغرب جنوني ؟
يا موصلني الجنون شفت كل الدنيا هذي ؟!
ما تساوي أي شي !
قمت أسأل نفسي [ وييينك ]
من معاي ؟
ومن علي !
وبالنهايه لا تحاتي
تبقى في دفتر حياتي :
أغلى كلمه
وأحلى كلمه !
إنطقت فيها " شفاتي " !.
.
:
\\\
تدري وش صحَّى " " ؟
جرح نايم من سنين !ما ربحت
وما فرحت
جرحي فيني يستهين !
غيبتك كانت خساره
إفهم التعبير زين
من ترك قلبك دياره
وجه جدرانك ( حزين ) !
دمعتي تملي عيوني
عين تسأل فيني عين
تبكي فيني أو بدوني
وضعت بين الدمعتين !
وين أيَّامك يا " غايب " ؟
قلبي يسأل قول وين !!
يا بعد كل الحبايب
شوف وش سوى الحنين !
نمت وفي حلمي لقيتك
وقمت أردد كلمتين :
لا تغيب أكثر فديتك
نامت أفراح السنين !
:
تدري وش وقَّف وقَّف [ سنيني ] !
نبض قلبي
ليه ساكت ؟
والدموع اللي تباكت ؟
كل هذا صار فيني !!
يعني معقوله تغيب
وما تراجع بـ القرار ؟
منظر كئيب !
واقف بـ " سكة قطار " !
في قفص صدري ربيت
كيف أحس الطير طار ؟
لا نهاري هو نهار
وفيك أسهى ما دريت !
ومن يكلمني يقول :
يا بخت من به سهيت
إنت ما حسيت يمكن
والغياب أكبر دليل ,
دايم يردد لسانك :
" لذَّة الشي القليل "
راضي قلبي في قليلك !
المهم ألمح وجودك
تحترق أعصاب قلبي
وإنت غايب !
يا برودك !!!
:
تدري وش معنى يعني " الموت " المحقق !
عمرك إنتَ شفت [ دفتر ]
من غلا شخص يتشقق !
يعلَم الله وش [ ظروفي ]
يا بعد عيني وشوفي
مدري وش فيها حروفي !
ما تبي تكتب ( أحبك ) !
ليتك الليله " معايه " !
ليمتى وهذي السوالف ؟
كل ما جيتك تخالف !
قول إذا عـ البُعد حالف
وما تبي ترجع لي ثاني !
قول
علمني
عشاني
لا تعلِّقني بـ دربك
بين قلبي وبين قلبك !
ما أبي أكثر أعاني
عـ الأقل , عطني [ نهايه ] !
من أماني لي أماني
في دقايق في ثواني
أحترق وأقول :
وينك ؟
إيه وينك ؟
وين عينك !
يمكن بلحظه أشوفك
ويمكن إنِّي ما أشوفك !
وبين كل يمكن
أموت !
وأرجع أرجع للسكوت
يعني أرجع للـ " بدايه " !
:
jJ]vd ,a p'JJl ydJJJJhf;J
LinkBack URL
About LinkBacks
تـدري وش حطــم غيــــابكـ
عضو مياسي
رد: تـدري وش حطــم غيــــابكـ –
11-Jul-2010,04:50 PM 
