خليــتك عــشآن انــسآك

[فارسة جوادها]

السلام عليكم ورحمة الله وبركاته
هالقصيده لها بصمه بحيااااتي
يااارب تعجبكم

رحلت من الرياض ومقصدي كله عشان انساك
. . . . . . نسيتك؟ لاحشى واللي خلق راسي تنااسيتك


تناسيتك نعم لكن بقت في داخلي ذكراك
. . . . . . . . . . . بقى في داخلي زولك بقى في داخلي بيتك


ألا ياكيف أنا بآسلى ليالي غربتي واسلاك ؟
. . . . . . . . . . . مداام اني ليا جيت لمرآيا غرفتي جيتك


أشوفك في وسط عيني وأغمضها عشان امحاك
. . . . . . . . . . . واشووفك داخل جفوني إذا غمّضت ضمّيتك


أضمّك واشتكي طيفك على طيفك بدون إدراك
. . . . . . . . . . . وانا في غربتي ليتك تحس بحالتي ليتك


ورى عوج الضلوع ألقى بقايا ضحكتك والقاك
. . . . . . . . . . . وأسافر لك وانا حيّك واسافر لك وانا ميتك


نقشت أسمك على عرق الخفوق اللي فقد يمناك
. . . . . . واذا مرّ النفس صدري تذكرتك وحيّيتك


سنه مرّت وانا قلبي يعيش بضيعته بحمااك
. . . . . . . . . . . بدون أسباب لاتسأل ليا منّي تمنيتك


أهذري بك واغني بك ( أنا اهواك أنا أهواك )
. . . . . . . . . . . وأمرّك تايهٍ واذكرك لامني تعديتك


حبيبي طالبك تكفى سألتك بالذي سوّاك
. . . . . . . . . . . وش اللي يمنع عيوني ليا جيتك وراعيتك ؟


تحاكمنا على الفرقى بدون اسباب يامقسااك
. . . . . تخالفنا تعدينا الحدود ورحتْ خليتك


كذا مامن سبب يشرح نهاية قصتي وياك
. . تكبرت وتكبرت وتحديت وتحديتك !


تفارقنا ودمعات القهر تخشع على لاماك
. . . . . . . . . . . وبلاي اني من دموع الوداع المرّ واسيتك


حبيبي والفضا كله مساحات وسما وافلاك
. . . . يضيق وغيبتك قشراا وانا جيتك وناجيتك


مدام ان الغياب اللي يداعب غربتي فتاااك
. . . . . . . أماانه لاتجاهلني وانا للوصل ناديتك


صحيح اني تجاهلتك وخليتك عشان انساك
. . . . . ولكن والذي سوى عروقي . بس تناسيتك

---

ogdJJj; uJJaNk hkJJsN;

[أوهــــــامَ]

عليكم السلام ورحمة الله وبركاتهَ
أبيات في منتهي الروعه
صح لسانك ولسان شاعرهاَ
الله لا يحرمني من أبداعك
دمتي بكل خيرَ
.

[فارسة جوادها]

شرفني مروركــ
ياقلبي
واللة لايحرمني
طلتـــك

[راسم الكلمه]

قصيده روعه وذائقه جميله فارسه اتمنى لك التوفيق

[(القلب الكبير )]

[poem=font="traditional arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

نعم يا فارسة جوادها كل القصيد فداك = تسوقين الحروف اجمل بيوت ابياتها بيتك
مشاعر هزها نظمك تحاكي في القصيد خطاك = واعيش الحرف واحلم به وعذري ما تخطيتك
خيالي لا سرح بي في حروفي شفتني وياك = في احلامي مع الابيات اردد ما تناسيتك
وانا ما ادري في احلامي قصدتك او وصلت اقصاك = ما دام اني رضيت اكتب لك ابياتي وناديتك
ترا حتى الرياض اللي هجرتيه اهجره وياك = ومافكرت ادوس ارض اذا ما مرها طيفك
وطال الحلم بي واقراء القصيدة وارجع اتهجاك = وانا يا كثر ما منتني حروفي وحبيتك
ومريت القصيد اللي كتبتي استشف رضاك = واذا مريت انا مريت من قلبي وحييتك [/poem]

[فارسة جوادها]

اللة ابداآآآع لاينتهى اسعدني مروركـ