يابنـت يكفـي دخيلـك ،، لا تبوسينـي‎ !!!

[فـــاقد حـــنان]

يابنـت يكفـي دخيلـك ،، لا تبوسينـي
خلاص يكفي تـرى مليـت مشكـورة
وش لك بخدي يابنت النـاس فكينـي
عندي طريقة وهي ماهيب " محظـورة "




نامي على صدر [ ابوك ] وحيل ضمينـي
لو تصبح عظام صدري منك مكسورة
انتي أساساً مكانـك ،، فـي شرايينـي
مشاركـة بالمحبـة والغـلا " نـورة "


ولاهي غريبة علـى مثلـك تحيبنـي
لاني أحبـك وانـادي دوم " عصفـورة "
يابلسم جروح [ ابوك ] وفرحـة سنينـي
يامن لها بالضلوع وخافقـي ،، صـورة




أهديت غيرك كلام رويشـد " اعفينـي "
وانتـي لـك بذمتـي " درة وبلـورة "
اموت في ،، ضحكتك ،، وانتـي ذبحتينـي
بلشة عنيدة وكتكوتة وشطورة


أن جيت اريّح وانـام الليـل ،، توذينـي
متسلطنة تضرب الجـدران بالكـورة
تلعب على عينـي الكـورة ،، تورينـي
والله ولا [ سامـي الجابـر ] وجمهـورة



واليا بكت تنقلـب عنـدي ،، موازينـي
دنياي من دمعها وأن سـال " مذعـورة "
كـن الـزلازل بصـدري والبراكينـي
قامت تفجر وكـن الـروح " مخطـورة "





واليا ضحكت قلت أنا ،، بالسوق بيعيني
لو كان سعري ثلاث ريـال " معـذورة "
والله ما أحسد على ضحكك سلاطينـي
اموالهم في بنوك جنيـف " محشـورة "


انتي حياتي وعمري شمعـة سنينـي
ودي اشوفـك اليـا شيّبـت " دكتـورة "
ادواي لاجيت لك [ تعبـاااان ] ضمينـي
الوصفة اللي تـرد الـروح " عبـورة "

[فارسة جوادها]

تسلم على هالــــذووق الرآآآقي
.*صرآآآحة فآآقد حنآآن*.
.ابــــدآآع لاينتهـــي.
كلمآآت جدا جميلة.

[سيف الوالي]

تسلم الانامل الرائعة التي أبدعت هذه الكلمات الرائعة والراقية برقي كاتبها

تحياتي وتقديري الكبير

[البرنسيسه ملاك]

رائعه خيو فاقد حنان
اتمنى لك المزيد من التقدم.

[أوهــــــامَ]

أبيات روعه كروعتك أخي فاقد
الله يسعدك . ويوفقك فى حياتكَ
تقبل مرورى . اختكَ
الله يحفظك ويرعاك .
.

[kookee]

أبيـــــاتــك زووونـــــاان يســلـمـــووو
لاتـحـــرمـنــا مــن إبـــداعـــاتــك

[فـــاقد حـــنان]

أنتم الأزنن لا عدمنـــاكم