توك تدري فالهوى والهيام

[انثى مجروحه]

توك اللحـين تدري فالـهوى والهيام؟!
يوم جـفف ظلام الغدر عشق الجفون

جاي تـشكي لي الـضيقة وقل المنام
تحسب إنك إلين اللـحين خل وتمون!!

جاي بأصـدق بداية وأنته أكذب ختام
تحسب إن الخـيانة من تعدي تهون

من سهر/ يا سهيري لا يخاف الظلام
ومن طعن/ يا غريمي لا يهاب الطعون

من متى والجريح يطيب عقب « الكلام »؟!
من متى والعيون تحب « دمع العيون »؟!

كف دمعك! ترا توي بديت الملام
ياخي بدري على الدمعات توهم يجون؟!

لا تسولف ترى هالفرقى تهد العظام
لا تسولف تراني صدق صدق إمغبون

خل دمعك يسولف واذكر الله ونام
وحط راسك على « صدر الفراق الحنون »

ان صدفت الهوى قله: (عليك السلام)
وإن صدفت الحزن قله: (عساها تهون)

إنت ضيعتني عقب الجفا والخصام
وإنت علمتني كيف الخيانة تكون

منت قد المسامح / والوفا / والغرام
«أنت واجد عليك تحب يوم وتخون»

---

j,; j]vd thgi,n ,hgidhl

[أوهــــــامَ]

ان صدفت الهوى قله: (عليك السلام)
وإن صدفت الحزن قله: (عساها تهون)

أبيات فى منتهي الروعه والجمــال
صح لسانك عزيزتيَ
.

[فارسة جوادها]

أبيات فى منتهي الروعه والجمــال
صح لسانك عزيزتيَ
.