كيف ترفع ضغط المشرفين في المنتدى

[فارسة جوادها]

كيف ترفع ضغط المشرفين في المنتدى

--------------------------------------------------------------------------------


كيف ترفع ضغط المشرفين في المنتدى ^_^


1- أدخــل اي قسم واكتب أي موضــوع مالة دخــل في هالقسم >> الموضوع في وادي والمنتدى في وادي,, مثال >> اكتب موضوع رياضي في القسم الإســلامي,,
ويفضــل لو تكتـب عليه (( ارجــوا التثبيـت )) يكون لها طعم احسن ,,


2- خـذ لك موضـوع توه جـديد من أي قسم >>> انسخـه واكتبـه بإسمك مره ثانيه في نفس القسم ،، ويفضــل تكتب عليـه ((( فكــره جديــده )))
<< هنا المشــرف يـدوخ مايدري وين المكـرر عشــان يحــذفه >>


3- لا تشارك في أي قسم ولا ترد على أحد وبعدين أطلب من الإدارة تحطك عضو فعال وكل يوم أرسل تظلّم ،، ) إذا ماعطوك وجه
<< صدقني اذا ماقالوا لك اقلب وجهك . اضمن لك بيرقونك إلى (عضـو غثــه ) >>


4- اكتب موضوع في قسم الشكـاوي والإقتراحــات (( الفزعــه ياشباب )) >> طبعـا بيجيك المشرف طاير ،،
واكتب في الموضوع (( واحــد صفــر )) وجبمها صـوره واحــد يضحــك ,,
ّ<<في هـذي اضمــن لك البــوز يجي على خشـتك وانت توك تكتب الموضوع >>


5- شكّك في أي موضوع يـطرح في المنتدى في كل موضوع قل (( كأني شايفه في منتدى ثاني))
<< خلي العالم تــفهم أنه مسروق>>


6- ادخل على أي موضوع مثبت . وأكتب عليه( للرفع ) ,,
<< في هـذي احسن لك تطلع بشويش بكرامتك قبل ما يمزعونك >>


7- حاول ترد على المواضيع القديــــــمه >> طلع الغبار >> والجديده خلها تنزل .

<< كذا تقلب القسم حقه فوق تحت >>


8- شوف لك مشرف أو مشرفه وتلزق فيه.كل يوم إرسله رسائل خاصه تقـول له ،، وش رايك في ذاك الموضــوع. احـس انه ماصــل احذفه تكفى ,, ولا ذاك الموضـوع رهيـب ثبته تكفى ,,
<< هنا المشـرف يكره اليوم اللي خلـوه فيه مشــرف >>


9- دقق في إملاءات المشرفين. ورد عليهم فقط لتصحيح الإملاء ولا تجيب طاري الموضوع,,,

وعندما تصـل حالة تهـورك إلى درجــة الغليــان فما عليك سوى :


10 - عند تعيين أي مشرف جـديد . أبدا تكلم عن الواسطة وأنه ما يستاهل ولمح أن الإدارة ما عندها سالفة ,,
>> هــذي تغنيــك عن كل الوســائل اللي راحــت <<
والله يموتون قهر

الموضوع لترفية لاياخذ ع محمل الجد

[أوهــــــامَ]

ههههههههههههه لا شيخه ^_^
ميته ضحك والله على موضوعك .~
قال كيف ترفع ضغط المشرفين قال ههههههههههههه .~
المشرفين بالهم طويل جدأ . اذا ماكان بالهم طويل .
أستحاله كانوا وصلو لهذا المنصب ~
يسلموووووووو ياحبيبتي على الطرح الجميل .
الله يسعدك . دنيا واخرهَ
الأمضاء ( لجنة الإشراف والمتابعه ) ههههه.^_^
سلااااااااااام

[فارسة جوادها]

شرفني مرورك ياقلبو

[سيف الوالي]

الله ايسامحك ويهديك أختى العزيزة ((( فارسة جوادها )))
على هذا الموضوع والشرح الوافي لا أدري ماذا أقول رائع راقي /./. !!!!!!!!!!!
المهم حتى انا أرتفع عندي الضغط والسكر فما بال المشرفين ولا تعليق أكثر من هذا !!!!!!!!!!!!!!!!!!!!!!!!!!!!

تحياتـــــــــــــــــــي

[فارسة جوادها]

هههههههههههههههه
ظغطك ارتفع واللة هذا المطلوب
اسعدنيي مرورك

[فـــاقد حـــنان]

للأســف مـكـرر