أخر العنقـــود حيرتنـــي

[[.. ن..]]

السلام عليكم أسعد الله اوقاتك بكل خيـر دكتوري آلعزيــز .

سبق وكلمتك أني ابستشيرك بموضوع لآختي الصغيـرة ,
أطرح هنا مشكلتها وأتمنـى أجد لها حلول

دكتوري

أختي عمرها 8 سنين ثاني ابتدائي تدرس بمدارس تحفيظ القران

هي اخر العنقود قبلها بـ 8 سنين بنــت

المشكلة تكمن :

ماعندها ثقة بنفسها دايم صديقاتها والناس اللي بره هم الصح

واحنا كلنا خطأ

تقدس صديقاتها وزميلاتها وما تطلعهم غلطانين

عصبية وتصارخ بصوت عالي

عنيدة

ماتركز ابد بالشئ اللي معاها يعني نشتري لها اللي تبيه

ولو تشوف شئ مع غيرها ماتطالع للشئ اللي سويناه لها

تصيح وتبي زيهم

اذا صحيناها من النوم تجلس تصارخ وتضرب

دايم متنرفزة

حفظها وفهمها قليل مره

ما تحترمني ابد وتحطني مجال مقارنة لها ودايم تقارن نفسها فيني

احيان اكلمها اقولها خلاص بروح مشوار وبشيلك معي

تلقاها تقول ابروح لبنت عمي او بروح لبنات خالي اذا مارضت ماما تصيح وبالاخير تجيني تقول بروح معاك واكون محذرتها لاتصيحيني
خلاص اشيلك معي بس تسوي اللي براسها

احيان بمناسبات تشوف صديقاتها واللي معاها جالسين وهي تدور وتنقز وتلعب مع الصغار

احس هالبنت مو راكزه ابد و مالها شخصية
احيان نجلس نشوف مقاطع على اليوتيوب
تقول حطي هالمقطع تو بدأ تقول لا حطي هذا
وكذا ماتركز باللي تبيه

تخيل يادكتور لو ضربتها بقوة ماتصيح تقول لماما
ماتعورت وانا ادري انها تعورت

تشوف الغلط ولا تقول وقتها اذا جاء موقف تقول ترا هالشئ صار

احس فيها حركات عدوانية وحركات عيال

بالفترة الاخيرة مستواها الدراسي بدأ ينزل
ماتبي تغيب تبي تروح مع صديقاتها مع انهم يحفظون ويأخذون 1

بس هي تتعبنا بالمذاكرة وتروح تنسى هناك
وعندها اخفاق بمهارة الاتقان وتنقص بسبب التردد

اممم لاحظت فيها الكذب مره راحت المدرسة ومعاها حلاوة تجي تقول زميلاتي
وصتني حلاوة واعطتني ريال والريال حقها
واحيان تقول ماما تقولك اشتري لي هالشئ وتحلف وتقسم وادق على ماما تقولي لا ماقلت

حاولت افهمها واكلمها بس تنسى وتعاند
انا طلبت من ماما نعرضها على دكتور نفسي بس مارضت
انا احس انها محتاجه استشارة نفسية

أتمنى تفيديني دكتوري الفاضل

تقبل تحياتي نٌ

---

Hov hgukrJJJ,] pdvjkJJJd

[فارسة جوادها]

اللة يخليها لكم يارب وباذن الدكتور وليد ماراح يقصر