واخاف اقول عن نفسي جريحٍ مالقا نخوه ,, ولا اسلم من عتابات الخَلَق يوم القهر خافي !

[العنود العنزي]

!

/

أمانه يانديبي لاتعاتب والفنا حروه
.وحزني قبل لايدمي عيوني مدمي أطرافي !

من اللي صدّ عني يوم صار الشوق له ذروه
.هدم ساس الجبل , وآنا أصيح , ويرجع هتافي !

سقا الله يومي أمسك من كلامه بالزعل عروه
.وجيته بالكلام اللي مسكت وقال :- (موكافي) !

يقول إنه قبل شاعر وانا اللي حاذيٍ حذوه !
.وقلت :- (اسلم ولو تبغى تبعتك فـ الخلا حافي) !

وقال أهم حاجة فـ القصيد الفكره الحلوه
.وقلت أكيد حلوه دامك أنت الفكره بـ قافي !

سكتّ ثمٍ تنهّد ثم قام وعجّل المشوه
.وبعد مشوته هذي ماخبره إلا وهو جافي

بنالي قصر حزنٍ شامخٍ خطوه ورا خطوه
.يطول البعد ويطول الحزن ويطاول أكتافي

وراح وحبّ غيري والغبينه انها "نزوه" !
.ياليته كان صادق كان أقول إنه غدا وافي !

أنا من كثر ماجالي معه ماعاد لي هقوه
.على جال الحياة أعبث برملي والحطب طافي

وأنا ماقلت عن نفسي جواد وطيحتي كبوه
.أخاف أقولها والحظ يدبر وافقد إنصافي

واخاف اقول عن نفسي جريحٍ مالقا نخوه
.ولا اسلم من عتابات الخَلَق يوم القهر خافي !

حشا ماهوب أنا اللي تهدمه من داخله جفوه
.ولكن وقتي أغرقني طعون وكنت أنا غافي

ولاهي غلطتي يومي خذيت من التعب غفوه
.ولكن غلطتي يومي غفيت وطيبي لحافي !

صحيح الحب خلاّ في يسار الصدر ذا فجوه
.ولكنه يهون قبال شيٍ حطّم أهـدافي

أنا اللي ملّ يحسب كل من يضحك معه نقوه
.ولكنه عجز يلقى من النقوه حدٍ يافي !

أمانه يانديبي قل لـ هااللي غيبته بلوه
.يجيني يظلم ويشكي ويجرحني ويستافي

غديه يردّ قلبي في محله وإن هفا هفوه
.سكبت له القصايد والعتاب الدافي الصافي

واذا عيّا لايرجع وش تغير والفنا حروه ؟

.>>>>>>>بموت وسامح الله كل همٍ عاش بـ أطرافي



ممآ رآاق لي ,

[شتآت}~]

أنا أشهد

قصيدة جزله

صح الله لسان شاعرها واعتلى شانه

وتسلم يمناك على نقلها

العنود العنزي

ألف شكر لك خيتو

ماقصرتي بيض الله وجهك

بإنتظار جديدك القادم بكل شوق ولهفة

تقديري وفائق احترامي لشخصيتك الكريمة

[أبو ثامر]

العنود العنزي
سلمت انامك على مانقلتي لنا
قصيده في غاايه من الروعه والجمال
بنتظار جديد
تقبلي مروري وتحياتي
ابو ثامر

[أوهــــــامَ]

يعطيك الف عافيه على أختيارك الراقيًَ
وديًَ

[العنود العنزي]

مشكورين على مروكم الجميل الله يعطيكم العاااااااااافيه

[ابن بطي الشمري]

تســـلم يـــديــنك , , , وصــح الســانك !





بس البيت اللي يقول؟


أنا من كثر ماجالي معه ماعاد لي هقوه
.على جال الحياة أعبث برملي والحطب طافي






انا اقــول لا لازم ترجــع وتحيي الامل في قــلبك


صحيح الناس تغــيرت لكن في بذور كريمة واصول شريفــه




تقبلي مروري !

[غنوجة جده]

مما راق لك راق لي ايضا
يسلموووووووو يالغلا عن جد اختيارك ذووووووووق