ثماااان اسنين.

**هزني الشوق** · 28-Jul-2008,03:11 AM

اسنين, ثماااان

سلاااااام الله عليكم
م/ص/با الف خير ومناااياتي انكم بخير

ثمان اسنين
ثمان اسنين انا اخطط لهذا اليوم يا ابوالحزن
تيسر حالي وجاهز أوفي وعدي بوقته

وفجأه جتني تتعذر تقول اتأخرت الوعود
وانا مستغرب واسمع كأني وعدها خنته

حسبت انها تمازحني وتتصنع جفا وصدود
ضحكت بوجهها من قلب مع انها بايخه النكته

وقالت ارضى بالواقع قلبي ماهو المعهود
تغير كل شي صوبك نصيبي ما اضـــن انتــــه

وكنت بيوم محبوبي ولكن ما اضنا نعود
وصل من قبل ما توصل وانا ذاك الــصبر عفتــه

ولكن تكفى صدقني ويشهد ربي المعبود
ترى ما خنتك بغــفـلــه ولا كــلمتــه وشفتــه

صراحه اهلي قالولي بانه ولد اصل وجود
وجتني امه بصوره وبكلمــات الــمــدح اختــه

سكت وقلت هي فرصه مدام الجود بالماجود
وقالو كل من حولي علامات الرضى سكته

وانا فكرت دام امه واخته ما عليهم زود
اكيد اني براضيهم اذا وافقت واخترته

واراضى امي واخواني مدام ان الفرح مقصود
عطيت الناس انا كلمه ومعاهم وقتي حددته

ولا اقدر اغيرها ترى عند العرب منقود
اوافق واعتذر باكر واقول الراى غيرته

تبي تشرحلي المنقود تصدق عاد يابو الحزن
تبيني اقتنع وارضى بحال عمري ماعشته

انا ماني بقايلها عسى يفرش ثراها ورود
بعد ما حطمت قلبي وطعم الموت جربته

عسى بفستانها اشواك وفي ثوبه عقارب سود
ونارا تحرق الكوشهوتحرق بيتهم حتى

وموت بليلة الدخله يبرد حرتي يا كود
ولا احس انها بحضنه يلامس خد لامسته

علي اهون اذا ماتو ولا بنفس السرير رقود
ترى صعب علي اتخيل الي ماتخيلته

عسى قاع الثرى يقسى ويتحول صخر جلمود
وحفار القبر يركض يسوى فوق مقدرته

ترى دفنت عديم الذات تلوع حتى كبد الدود
ومن خان العهود ومات تعافه حتى مقبرته

عسى ربي يجازيهم بحبل من مسد ممدود
يعلقهم من اطرافه وفوقه نارا وتحته

انا ماني حقود وشين ولاني من نسل نمرود
ومن حط نفسه بوضعي بيقول الي انا قلته

مدام الفعل له ردت فعل والله ابشري بردود
ابدعي دامني حئي وابغرس لدعاء نبته

وبسقيها نزيف القلب ودمعا ما رحم اخدود
وتكبر والثمر ثاري من الي خانني وصنته

انا نذرا علي اكتب وافجر هالقصيد ارعود
وسمع كل بشر صوتي عجبته ولا زعلته

واردد للي يسمعني اذا حبيت حط احدود
انا حبيت دون احدود وشوف الي تكبته

ثمان اسنين انا ابني وجت صوره بكل ابرود
خذت منى شقى عمري وحلم قلت حققته

ثمان اسنين انا اخطط لهذا اليوم يا ابو الحزن
وتوافق من كلام اخته وصوره اربعه بسته

منااااتي تعجبكم يا الغلاااا.منقووول للاماااانه ثماااان اسنين. 88.gif