مالوم عقلي بعدها اليوم لو طار

[ترانيم حرف]

الدول, عقلي, طار

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

كلٍّ يقول أش فيك ياهيه وش صار = صارت عيونك نهر والحزن غيمة

ماعاد لك قوة ولا صرت صبار=ولا صار للفرحة بدنياك قيمة

من عادتك صبار وش فيك منهار= عسى أمورك يا خويي سليمة

قلت الزمن ياصاحب القول غدار = نصب بقلبي اليوم مليون خيمة

ماتت سعادة دنيتي أم لأحرار= من بعدها دنياي صارت ظليمة

يمًّه فراقك صعب ياعطر لأزهار= يا فاضلة يا زاهدة يا حليمة

مالوم عقلي بعدها اليوم لو طار= وصرت مجنون الفراق ونديمة

يمَّه دموعي بعدك اليوم انهار = والروح من نار المواجع سقيمة

يتمت بعدك في الكبر واظلم الدار=العيش بعدك هم موتي غنيمة

اللي تواسيني إذا كنت محتار=واللي رعتني بالكفوف الرحيمة

تبكيك شمس وارض ونجوم وقمار=حتى بكاها لليل لله تقيمه

تبكيك زهر ورد وحجار وشجار= ويبكيك بحر وبر حتى نسيمه

تبكيك سبحة تونسيها بالأذكار= يبكيك قلبٍ ساكنة في صميمة

يالله تنزلها منازيل لبرار= في جنة الفردوس تصبح مقيمة

يأرب اجعل قبرها روض ونوار=يأرب من غيرك هباته عظيمة[/poem]

---

lhg,l urgd fu]ih hgd,l g, 'hv

[ترانيم حرف]

[poem= font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]




ليه الدروب الواسعة بعيني تضيـق=حتى السماء أشوفها خرم إبـرة
وليه الحلقّ ناشـف ولا بلله ريـق=والقلب ضايق ما يجملـه صبـره
كنّ ابتسامي للمـلا صـار تلفيـق=من بعد ما كان الضحك شيء فطرة
ليت الهموم أضغاث لحلام ونفيـق=لو التمني بعض الأوقـات حسـرة
بعض الهموم بثقلها مثل ما طويق=كنه على متني ترابه وصخرة
وشلون بتجمل غصب للمخاليق=والعقل سارح والقلب صار جمرة
دآمّ الهموم إلي بصدري شواهيق=والوقت بين للي عبوسه وغدره
والهم مزق قلب الأفراح تمزيق=جرحه عميق وحالتي منه خطرة
من للي سواه أن طبق الهم تطبيق=هو خلقي ادعيه وأيقن بنصرة
الله ملاذ الخلق وقت الطواريق=من يسأله ما خاب يبشر بيسره
حتى ولو طوقت بالهم تطويق=إن زاد ضيقي اعتبر فيه بشرة
امسح سطور الحزن من دون تعليق=وازرع بأرض السعد هل يوم بذره
خل الألم يا خافقي وترك الضيق=دام الدهـر يومين ضيق ومسرة[/poem]