منو مثلي

[عاشقة زوجي]

السلام عليكم ورحمة الله وبركاته
بنات بقول لكم على حالتيي مع خالتي ام زوجي واتمنى الاقي حل من دعاءمجرب او تخفيف منكم
بنات انا متزوجه صار لي 16 سنه والله مارزقني بعيال والحمدلله على كل حال اللهم لااعتراض بس تعرفون اشلون الوحده اللي تتتم 16 سنه ماتحمل شنو نفسيتها تصير
المهم ان الله امعوضني اب زوجي الحمدلله الله رزقني بزوج اتمنى لكل بنات ادم وحوا ان الله يرزقهم بزوج مثل زوجي الحمدلله طيب وحنون وخلوق ويخاف الله وكريم طييييب مع اهلي ووووو من اغلب الصفات الزينه اللي كل بنت تتمناها في فارس احلامها .
المشكله الوحيده اللي في زوجي وامخربه عليه حبه الزايد لامه لاتوقولون هذي امه
ادري انها امه والله ثم والله انا امقدره هالشي بس امزودها معاها بالضغط علي علشانها انا والله لو يعطيها اعيونه ويعطيها كل اللي تتمناه ويهديها ووووو والله بالعكس انا اللي اشجعه مالي شغل هذي امه ومن حقه ومن حقهاااااااااااا
بس المشكله كلله يبيني اجاملها وكلله يشوفني امقصره معاها على قد طيبته ينقلب فوق تحت علشانها اذا شكيت اونبرت بكلمه وانا الشاهد علي الله اني ماازود عليها كلمه.
انها انسااااااانه سليطه وعصبيه وانانيه ماتحب اللا اعيالها وعمرها ماتمدح وكلله تذم فيني وفي حريم اعيالها وكل ماسويت لها شي تنكره وحتى الهدايا اللي اهديها تذمها وتتذمر مايعجبها العجب ولا الصيام برجب ولسانها سليط. .وياما جاملتها وتحملت من كلامها القوي على القلب اللي والله ماينقال حتى للطفل يعني ماتحترمني ولاتحترم حريم اعيالها كلنا موبس انا
والله ثم والله انها متعبه يبي لها قلب من حديد ومع هذا كلله تبي تلصق فينا يعني زوجي واخوانه اهم 6 الله يحفضهم وكل يوم تتغدا عند واحد من اعيالها عدا يوم الجمعه والله موب امبين في عينها كلله شرهانه وزعلانه وكلله تشوفنا امقصرين معاها واهي من النوع اللي ماتبي تقعد في بيتها كللللللله تبي لاصقه فينا يعني ماتبي تفك عنا والله تعبنا منها
اوكي رضينا تجينا وتتغدا وتقعد بس تبي من تروح بيتها تبي ترجع لنا ثانيه ماتبي تعطينا راحتنا تبي تترك بيتها وتقعد في شقق اعياله والله شي ممل وياريتها مثل خلق الله كلله عافسه اللوجه وكلله تدققع على كل صغيره وكبيره
تعبت والله تعبت منها احس اني موناقصه اللي فيني كافيني ولصقتها عندي والله تتعبني نفسيا وكلله قاعده على اعصابي اتمنى اللحضه اللي تقوم تروح بيتها شسوي
بتقولون صبري وتحملي والله الصبر خلص سالفت الانجاب صحيح من رب العالمين بس والله اضعفت قلبي صرت عصبيه وكلله العبه خانقتني وكلله نفستي تعبانه ومالي خلق اتحمل منها اكثر ولااحب احتك فيها اقول موامبين في عينها اني صاااااااابره وساكتها على الانجاب والسبب من زوجي اناا الحمدلله سليمه .
ابذمتكم مو المفروض تكون معاي زينه علشان هالشي؟
مع العلم اولادها كللهم تزوجو عقبنا والله رزقهم
بس زوجي
المهم خواتي انا بختصار ماحب انها تطول عندي اذا جات واهي من النوع اللي عديمت احساس اذا جات يجون اعيالها واحفادها وحريم اعيالها وتنقلب شقتي قلاب والله العضيم وانا ساكته
واهي لاصقه لصقه ماكو حواس مو المفروض تقوم وتنزل مع اعيالها مع العلم اهي بيتها تحت وانا شقتي فوق
ابيييييي حل بليز والله تعبت منها شورو علي
لاتقولون تحملي الله يخليكم قلت لكم التحمل خلص ولى رااااااااااح

--------------------------------------------------------------------------------

---

lk, legd

[مخاويه السراااب]

ياعمررري عورتي قلبي والله شوي وببكي

شتسوين بعد اصلا ماعندك غير الصبر وغير انك تتحملين هذي ام زوجك بعد يعني مافي فكه
والله اختي حاسه فيك وبمعاناتك لكن وكلي امرك لرب العالمين واستمري في تصرفاتك اللي حسيت انك
ماقصرتي عليها اصبري (وبشر الصابرين) صدقيني بتلاقين اجر من رب العالمين على اللي سويتيه لزوجك ولامه واللي انتي مو مضطره تسوينه ياقلبي طنشي كلامها وتصرفاتك شوفي هي وشو اللي تحبه
ودخلي لها منه . صدقيني جدتي ام ابوي ماقصرت في امي خلوها خدامه عندهم وحتى لما طلعو اهلي في بيت بروحهم وكان قريب من بيت جدي كانت توريهم الويل وكل تتكلم عن امي وكانت توشي ابوي عليها بس شتسوي صبرت وصبرت والحين الحمدلله كنا في حال وصرنا في حال .
صبري صبري صبري والله بيجازيك على صبرك وادري انك مليتي وطفشتي بس انتي مجبوره تسوين هالشئ عشان زوجك ولا تحاولين تتكلمين على امه قدامه لان الرجال اهم شئ عنده امه اهم من كل شئ بحياته
حبيبتي والله قلبي داعي لك الله يساعدك ويوقف معك ويسخر لك زوجك
في دعاء بصراحه زين اقريه اذا شفتي ام زوجك واذا زوجك معصب احفظيه زين

" اللهم سخر قلوب من احوجتنا اليهم من خلقك اللهم واكفنا شر من يقدر علينا ولا نقدر عليه ولا حول ولا قوة الا بالله "

بصراحه مره زين اهم شئ النيه والله يوفقك ويساعدك ويرزقك بالذريه الصالحه

بنتظار ردك

اختك مخاويه السراااب

[عاشقة زوجي]

مشكوره مخاويه السراب
والله ردج اسعدني كثير انشالله بصبر وبصبر وشوف اخرتها
ومشطووووره ياعمري على الدعاء

[adel-adel]

بصرااااحة موضوعج حساسة بالنسبة للاولاد وعيب الزوج ؟

طيب الزوج منة العيب المفروووض انتى ما تتضايقين وترفعين راسج فوق

ولا تهتمين ولا تفكرين فى احد ؟ اما سالفة الام هذى صج صج صج مصيبة والله

وكثير ما يشتكون من هذى الناحية وهى دلع الام للولد ؟ ومعرووف هذى اكبر خطااااا

والمفروووض الزوووج يحس بغيرة زوجتة ومهما الزوجة تحس بغيرة اكثر ما تتصورين

الحل مافى الا تحنين على زوجك بالعلاج او تتفاهمين بموضوع امة واذا مو راضى

روحى بيت اهلج كم يوم وشوفى ردت الفعل من زوجك او من امة اللى عافسة ويها على الفاضى

خل يحمدووووون ربهم انتى للحين صابرة على الانجاب و مشكلة امة ؟ اعذرينى على الكلام مو بيدى

اهم شى يا بنت الحلال لالالالالا تتضايقين من احد وضحكى وفرفشى ولا تفكرين فى احد والدنيا ما تسوى

وصدقينى لو تروحين بيتكم كم يوم راح يحس بالفرق والحيرة ؟ يعنى يكون زعل دلع مو صج عاااد ههههه

وعسى الله يوفقج قولى امييييييييييين ولا تنسين الدعوات والصلاة والله يصبر قلبج

وسامحينى على كلامى انا بعض المرات اخووووورة ههههههههههه

[دفنت قلبي]

عليك بالدعاء آن الله يهديها ثم بالصبر .

أتمنى لك يا أختي الحياة السعيدة


.
.
.

[هند الوفاء]

السلام عليكم ورحمة الله وبركاته,,

أختي(عاشقة زوجك)لا تضايقين روحك اكثر

وتحملينها أكثر من اللزوم

واضح انك كتبت وانت زعلانة كثير

موضوعك حله في الصبر, والدعاء, والسعي للعلاج

بصراحة كلكم في المشكلة تحتاجون لمسانده وصبر وأمل

انت اولاً : تصدقين سبب ضيقك كامن وراء مشكلة الانجاب.الله يعطيك اختي ان شاء اللهلا تفقدين الأمل حتى لو المشكلة في زوجكواجب انك تحفزيه وتحببي له الفكرة والاستمرار في محاولة الانجاب بطريقة ما يحس انه ناقص منه شيءلأن النفسية لها دور كبيروهذا يمكن مضايقك أكثر وانت ما تدرينالله يكون بعونك ولا تيأسي من الدعاء

زوجك ثانيا: لا تحسبين انه سعيدمشكلة عدم انجابهمأثره فيه أكثربس الرجال طبعهم ما يقولون
ليش عشان يبين الأقوىصدقيني تراه زوجك مسكينوفي نار عايشوهذا يؤكد سبب التصاقه بأمهويسمع كلامها وما يغلطهاحتى لو يدري هي غلطانهلأنه يخاف الله ويبي رضاهاومليون بالمية امه تواسيه واكيد يقولها اشياء هو ما يقولها لكعن الانجاب خاصةان المشكلة فيه هو
وامه اكيد بتضايق عشانه ولدها وكاسر خاطرها

ام الزوج:: ما في ام ما تحب تشوف عيال ولدهافيها قهر ويمكن بنفس الوقت ما تبي تشوفين نفسك على ولدها( لان المشكلة فيه)حتى لو انت راضية وما تسوين شيبس يظل الموضوع حساسبعدين هي مرة كبيرةلازم تحن وتطحنانت اصبري عشان زوجكوفكري برضاهولا تخلينه بمشاكلهو في وضع صعب عليه يستوعب كل شياختي تجاهلي سوالف امه وحناتها
تعايشي معهاكسبيها قد ما تقدرينحتى لو مللتكواذتكاخرتها بتحبكلانك صبرتي عليها
وحتى اذا ماحبتك اجرك عند الله كبير(إن الله مع الصابرين)تقربي منها وسولفي معها بلي يضايقكحتى لو حصلتي (مرادم) طنشيواستمري بحياتكدوري الحلو فيها وين
وضعي محاولتك بالانجاب براسك دائماهذا انت عايشه بالدنيالكن عيشتك بامل تبقى أحلى
وصبرك على ام زوجكوسعيك لرضا زوجكوالتفاهمتجاهلي النكد وادعي اللهتبقى حياتك أجمل

يارب تنحل مشكلتكوتسير امورك بخير
والله يبعد عنك المشاكلويسعد قلبك ويجازيك على صيرك دنيا وآخره,,

نسألك الدعاء

بالتوفيق

[رمـــاد]

السلام عليكم

بصراحه مدري الموضوع من متى موجود

و الكل ادلى بدلوه .

اللي فهمته من الكلام

مشكلة الانجاب

و هذي حلها عند الله و ما لك الا الصبر و الدعاء
و احمدي الله على كل حال و ترى الكثير عنده نفس مشكلتك

و بالنسبه لأم الزوج هذي بعد تصير عند اغلب الناس وسعي صدرك و اسمعي كلامي

حطي نفسك مكانها عجوز عيالها متفرقين في بيوتهم و حياتهم و زوجاتهم
و هي اللي تعبت عليهم و كبرتهم و ربتهم و للحين تعتبرهم صغار حتى لو خط الشيب فيهم

و لكل واحد صارت له زوجه و هي تحس ان هالزوجات اخذوا مكانها
و عشان كذا تنازع عشان تشوف مكانتها وين و تجلس تطلع العيوب في شغل الزوجه
و كل هذي محاولات طفوليه بس عشان تثبت لنفسها
ان الزوجه مهما تسوي ما راح تسوي زي ما سوت الام قبل

و عشان كذا تشوفينها تطلع العيب في طبخك و في هداياك

طيب و الحل ؟

الناس تفوتهم حيله وحده بس يبغالها سعه صدر شويتين

لما تجي بيتكم تعطينها الحق و الواجب في الترحيب بها و من الكلام الحلو سمعيها
و يا ريت تنادينها بــ الغاليه أم فلان <--- اسم زوجك
و في وسط السوالف سوي انك تطلبين المشوره منها في اي أمر
و بعد ما تجاوبك ترددين ما لنا غناة عنك يا أم فلان << تذكرين اسم زوجك
و النصح ما يجي الا منك
يعني بالعربي .

هي تجلس تتلزق فيكم مثل ما ذكرتي
انتي تلزقي فيها خليها تعاملك مثل بنتها

يعني السالفه حرب بنفس الاسلحه

و طبعا من الامور اللي انصحك فيها

ترتبين لها مجلسها و مكانها و مشربها و مأكلها
و اذا جت و ابتدت تطلع الانتقادات و هذا ليه صاير كذا
و هذا ليه ملحه زايد و مدري ايش

انتي وش تسوين في هذي الحاله ؟

اعتذري لها و حقك علينا من فوق يا أم فلان <--- اسم زوجك
و ترى التقصير منا حنا يا بنات اللحين و الشغل الزين ما يجي الا منك يا أم فلان <-- اسم زوجك
خليها تقتنع في قراره نفسها انها حصلت اعتراف من عدوتها ان شغل الام احسن من الزوجه

و أخيراً .

انا رددت اكثر من مره لازم تنادينها بــ ام فلان <-- اللي هو زوجك

ليش ؟ . بمناداتك بالطريقه هذي تحسسينها انك معترفه بأن الولد الى اللحين ملكها


هذا اللي عندي و ان شالله تحصلين المنفعه

تحياتي لك

رمـــــــــاد
.

[حبيبة ميدو]

السلام عليكم ورحمة الله وبركاته
اختي عا شقه ما ادري الموضوع من متى انا عضوه جديدة في منتداكم الرائع بس حبيت ارد على موضوعك وترى انا حاسه بيك عشان انا متزوجه ولي اهل زوج ما اقول غير الله يعينك ويعطيك طولة البال والصبر وترى بني ادم ما يدوم على حاله بيتغير من حال ليحال وان شاءالله تكون ايامك الي جايه كلها سعاده وهنا

وبخصوص الأنجاب لا تيئسي من رحمه الله اعرف وحد من اهل ماما ما انجبت لمدة 16 سنه تقريبا زيك واستعملت جميع الوصفات الطبيه والشعبيه وما في فايده الى لمن اردلها الله تحمل بعد ما جلست على خلاص اختها (المشيمه) بعد ما ولدت على طول وشوفيها عندها بنوته زي القمر

وانا ادعيلك انه ربنا يسعدك ويكرمك بالزوريه الصالحه ويهديلك ام زوجك ويحنن قلبها عليك

[اميرة الذوق]

الله يكون بعونك،


ويفرجها


وشوفي اذا زوجك يقدر ينقل شغله

تطلعوا بمدينه ثانيه<<<مع ان الشي هذا مو حل

واصبري

واحتسبي الأجر

وانا مع اخونا رماد

والله يرزقك بالذريه الصالحه