ديوان كلمات الأغاني .

[طبيب اسنان]

عهدا علي

عهد علي يا كويت أحضن وأبوس الارض
يا حبي بعد اللــه واجب علينا وفرض

انتي البدايه والامل والنور والعز والأمان
يا حب في الروح إكتمل يا شعله توجها الزمن
انتي الحياة ومالي ابد عنج غنات
بيتي وهناي وجنتي واغلى مكان
يا حبي بعد اللـــه واجب علينا وفرض

الكويت يا معنى الوفا والخير والحب والسلام
يحق لي فيج افتخر واسمج على صدري وسام
في كل صلاة ندعي لها يا رب تحفظها لنا على الدوام
يا حبي بعد اللـــه واجب علينا وفرض

[طبيب اسنان]

بلدي الكويت

الكويت يا ديره الأحباب
الكويت يا ارض اجدادي
الكويت يا جنه المشتاق
الكويت يا اسم بلادي
بلدي الكويت بلدي الكويت
احبك يالكويت بلدي الكويت

على ارضج مشينا على ترابك بنينا
انتي ديرتنا وغيرك ما حبينا
بلدي الكويت بلدي الكويت
احبك يالكويت بلدي الكويت

اطلبي الغالي يا كويت يرخص لك
كويتنا حره وبالروح نفديها
بلدي الكويت بلدي الكويت
احبك يالكويت بلدي الكويت

[طبيب اسنان]

اسمع صدى صوتك

اسمع صدى صوتك مع ضجّه الناس
والحس يسري للضماير حسوسي
انسى معاك العزم والفكر والياس
وحبك بقلبي للضمير مغروسي

واهيم في بحر بالامواج غطاّس
واسج وانسى عن ربوعي جلوسي
قربك شفا للروح والنود نسناس
وروياك سعدي عن ليالي نحوسي
يا مورد الخد المعسل بالألعاس
يا ضي جبينه في الظلام الدّموسي

العين عين اللي على الكف حبّاس
والصيد له بمعودات الفروسي
فرخ الحرار مذهب الريش طلماس
اشقر عليه من النداره هيوسي
ياضي ضيا خده كما نور نبراس
والا شعاع الشمس قبل الغلوسي

كنه يحش القلب مرهوف الامواس
حش الصريم اللي نواه اليبوسي
عليه من فقدي ووجدي والاحساس
مثل الضريم اللي عليه محموسي
نار اتواقد هبها نود لساس
موقد غضاها من حطبها يبوسي

[طبيب اسنان]

يا نسناس الهبايب

يـا نسنـاس الهبـايـب . يـالــبــارد الـذنـيــن
تطـلـب مــن طـلايــب . وانـا ادعـوايـه ويــن
دونـه قطـع ونصايـب . ومـهـلـكـات الـبــيــن

حنت بعـض الركايـب . خضـع البكـار الهيـن
خــلــوي بـالـخـبـايـب . دارت ولـدهــا ويـــن
من يختلط في النايب . إرغـاهــا والـحـنـيـن
قـول المعـنـا صـايـب . تبـع المجفـي محـيـن

دمـع العيـن العتايـب . منـهـا خــلاة الـعـيـن
فرق الولف الحبايـب . ومتـابـع المــقـفيـن
اتخـايـلـهـم قــرايـــب . مـنـي وهـــم نـازيــن
واتحسب أني صايـب . وفي مدراتي ضميـن

فـي لفحـات الهبـايـب . ثـر الصـواب امحيـن
خذم المهـار الحايـب . ومن الوحوش العين
عين الجريس الدايب . واهـدايـبـهـا زفــيــن
ومـفـرع م الـذوايــب . ضافي علـى المتنيـن

عـوده لـدن الرطايـب . كالـخـيـزران الـلـيـن
معزول ردف وحايـب . ومـضـمــره فـتـريــن
كـل شـي لـه سبـايـب . والنـاس المغرضيـن
مــدراتــي لـلـقـرايـب . مـدراة خشـم أوعيـن

يــا بوخلـيـفـه ثـايــب . خصّـيـتـك يالـفـطـيـن
إن حـدتـنــي نــوايـــب . غيرك من لي عويــن

[طبيب اسنان]

مايسوه احد

ضاقت الدنيا بعين ما تشوفه . دمعها لاشواقها فاض و شهد
ما على جلساتكم عقبه حسوفه . و اعذروني بس ما يسواه احد
أحرمتني منه في لحظة ظروفه . مدري الفرصة متى تسمح بعد
توني حطيت قلبي في كفوفه . قبل لدري وش نوى في ابتعد
يسهل المدخال و تكود النكوفه . في الهوى و يطاول العين السهد

[طبيب اسنان]

اغني لك

أهني اليوم بكـ انت عشانك من مواليده
وأغنيلك في ميلادكـ عساها لكـ سنة سعيــده
ضويت الشمع في يديني حبست في وقتها أنفاسي
تمنيتك هنا عندي تعيش الفرحه بأحساسي
نقشت اسمكـ على روحي نضمتك عقد بأحلامي
هدية لكـ اقدمــها في ليله فرحه أيامي
حبيبي ودنيتي وعمري أعيش احلامي بعمــرك
عسى ربي يعيد اليوم ميه مرة وانا قربكـ

[طبيب اسنان]

ما اقدر اقول

ما اقدر اقول خل نلتقي
ما اقدر اقول خل نفترق
خايف اذا جاء اشتقي
وخايف اذا راح احترق
صعب القرار والاختيار
ما اقدر اقول
عاملني بالطيب بهواه عاملته انا بكل برود
كل ماتمناني معاه يلقى بجابي له صدود
قصرت في حقه كثير وما قط شكى مره
واحساسه في حبي كبير ويقدر العشره
صعب القرار والاختيار
ما اقدر اقول
بادلته حبٍ له يزيد واهديته عمري اللي بقى
قربني من حلم البعيد ريحني من بعد الشقى
اخشى عليه من العيون لي من ظهر رسمه
واخشى شكوكي والظنون لي من طرا اسمه
صعب القرار والاختيار
ما اقدر اقول

[طبيب اسنان]

مجروح

اضحك وانا في داخلي مجروح
خايف من الناس لايدرون
اغيض من غاضني واروح
واضم من حبني بالهون
الحب ما هو لعب ومزوح
الحب لا جاء ترى مجنون
يللي تسلى بجرح الروح
من يجرح الناس ماينسون
اخفي الهوى والعيون تلوح
واغمض عيوني وهم يحكون
سر الهوى بيننا مفضوح
والصمت ما طاوع المفتون
في الحب ما عاد لي مصروح
بغير الحب ياللي يكون
لكن قلبي غدا مذبوح
واللي ذبحني تراه يمون
الحب ماهو لعب ومزوح
الحب لا جاء ترى مجروح

[طبيب اسنان]

ياللي خذيتي الشمس
لو تتركين لليل بعض النور
ياللي جرحتي أمس
ماعاشك إلا يوم
ودّه يكون شهور ودّه يكون شهور
يا أغلى من دمعي واقرب لي من إحساس
ياشوفي يا سمعي لو تتركي للناس بعض الدفا والنور
دامك خذيتي الشمس

داوي جروح الليل واهدي الحزن بسمه
لا تجرحين الصبح وتخفي الحسن عنه
مدي جسور الهمس
قولي أحبك حيل
لاجل امحي أحزاني
واحيا فـ زمن ثاني
حيث الزمن غيرك فيه الفرح مهجور
يا أغلى من دمعي واقرب لي من إحساس
ياشوفي يا سمعي لو تتركي للناس بعض الدفا والنور
دامك خذيتي الشمس

ياللي الحسن دربك وموت الفرح دمعك
ان كان مابه شمس
لو تظهري خدك أو همس من عطرك
علّه يدفي الليل
الليل عذّبه الجفا والناس في برد وظلام
و منك الدفا يبغى الدفا
والنوم وده لو ينام
ياعذبة الضحكه كفا كفا
كل الفصول صارت شتاء شتاء
من يوم اخذتي الشمس من يوم اخذتي الشمس

[طبيب اسنان]

تجاوز حدودة
أخطيت في حقي أمرار وسامحت
زاد الخطا منك وتجاوز حدوده.
حتى لون مديت ايدي لك وصافحت
القلب مايبغيك والنفس مسدوده
هم على هم زاد الكيل وأطفحت
أنا أحترق وأنت ماخذها بروده.
كم مره بمره لجل الحــــب أصفحت.
وهبت لك حــــب ماشفت مردوده
أنا تحت شمس حراقه تجرحت
وأنت تحت غصن غطاك بوروده
لا حي ولا ميت بين الناس أصبحت.
جسم ترى موجود والروح مفقوده