ديوان كلمات الأغاني .

[طبيب اسنان]

صارحيني


صارحيني منهو أنا بدنيتك منهو أنا بدنيتك
جاوبيني إن كنت فعلاً منيتك إن كنت فعلاً منيتك
ما كنت أرضى تزعلين وانتي بتهدين الزعل
ما أطيق عني تبعدين في قربي حسيت بملل
محرومة عيني شوفتك لا تحرميني كلمتك
حتى الصراحة بيننا صارت صعيبة بدربنا
وإن كان ودّك تبعدين صعبة أنا أنسى حبنا
ما يعني هذا ترجعين في دنيتي بألقى الهنا

[طبيب اسنان]

الحزن الاكيد


قف وناظـر دمعتي يوم ادرجت . . . يـوم شفتـك ناوي ترحل بعيـد
يوم كـلّمتـك وصديت اخرجت . . . أذهلتني دمعـة الـحـزن الأكيـد
كـلمتينٍ كـنت أبا قول أمرجت . . . دمعتيـنٍ سكـرن حبـل الوريـد
ولا عليها لـوم بالشوق ادمجـت . . . ما تريدونه عـلى ما كنت أريـد
ولو تقول أعداك نفسك ما نجت . . . قل نعم شوقي على شوقه يزيد
الحبـايب عـن دواخـلـها رجــت . . . ترجمان إحساسها صار النشيـد
عـن خـفايا في دواخـلـها لـجــت . . . وكونت بيـن اثنينك بالرصيـد
ولا لـغيـر اللـه بالشـدة رجــت . . . يـجمـع اللامة ويمحى كل كيـد

[طبيب اسنان]

حالمه


حالمه وابعاد تفكيرك خيال . في هجير الشمس ماتلقين فيّ
يوم عشتي من حياتي في دلال . تحسبين انك ملكتي كل حي
لو تندمتي وناديتي تعال . ماتغير صرخةاحساسك عليّ
كيف؟ وانتي للكبر صرتي مثال . وانطويتي في دنيتي احلام طي
غرك احساسي وتحقيق المحال . لبغيتي شي خذتي كل شي
الغرور يحطم جسور الوصال . يعمي عيونك ترى عن كل ضي
الغلا له حد يا بنت الحلال . خفّفي من كبرك الزايد شوي

[طبيب اسنان]

كابر


كابرقد ماتكابرانا معك متحمل وصابر
واعرفك اكثر من احساسي تجاهكوانت خابر
ان حبك لي كبيروقد ماتخفيه ظاهر
ياللي جروحك مالها الا انا
جرحك وانا اللي احملهجرحك وانا اللي ادمله
واعرف ان البعد ماحطم طموح.واعرفك ياسيدي كلك سموح
لاتكابر
ياللي الحياة بدونك اعذبها مرار.وانا على الصمت مالي اختيار
وتبي حقيقة واقعيباصبر معاكوباعيش كل الوقت راجي بانتظار
ياجرح طاهر كابر.

[طبيب اسنان]

سيد الغنادير


ان غبت عني حن قلبي وتشرهوان جيتني قلبي حفظ كل تقدير
لاشك في بعدك تغيب المسره.ياسيدي ياسيد كل الغنادير
عدني وعاودني بالاقبال كره.وانعش حياة مالقت منك تقصير
والله يالك في ظميري مبره.حتى هجوس الفكر تطريك بالخير
انكان تغليني على النفس مرةترى غلاك يفوق بالوصف تعبير
والله مااسلاك مثقال ذرة.سلطان فكري انت من وين مااسير

[طبيب اسنان]

حلم واحد

أنا ما ني حلم واحد أنا مجموعه من أحلام
بناها الشوق في صدري وهدت صرحها الأيام
عايش وسط هل العالم والي يصير لي مكتوب
ما أتعب ولا اهتم ولا ودي أعيش أوهام
ويكفي عندي عزت نفس أموت وتبقى هي حيه
عزت نفسي تكفيني تغنيني مع الأيام
أنا لي نظره في الدنيا تميزيني عن الثانين
وأنا للماضي ما انظر وأنظر دايم لقدام

[طبيب اسنان]

جيت في وقتك


جيت في وقتك مثل ما كنت دايم كل ما تطري على بالي تجيني
قبل لا توصل وصل عطر النسايم رحبت روحي وهلت فيك عيني
جيت غيث الروض قلب فيك دايم يا مسرة لحظتي وأحلى سنيني
أنت هاجس خاطري صاحي ونايم أحتريك وفرحتي بك تحتريني
من نصحني قلت ذا حاسد ونايم غايره منك الحلى والحب فيني
وأدري أنه لو يصير البعد ظايم دافي الإحساس منك يحتويني
عن هوى غيرك وكان الغيث شايم أنتا بس إلي بك أوقاتي تزيني
وين بلقى وصف لحسنك ملايم الكلام يذوب في ثوره حنيني
يا شقى الحيران يا سلواه دايم تدري أنك بين خفاقي وبيني
جيت في وقتك مثل ما كنت دايم كل ما تطري على بالي تجيني

[طبيب اسنان]

تقدر

تقدر تعيد إلي راح تشفي من القلب الجراح
يا حب زمان راح الحنان والعمر يا لمحبوب راح
إلي راح لا يمكن يعود يا من تجاوزت الحدود
كل يوم تجرح في الحبيب حتى كبر جرحه وصاح
سنين في حبك بكيت وأنت بغفلة ما دريت
راضي بهمي والنصيب أبكي في ليل وصباح
كم بعت فيني واشتريت جرحتني لين أستويت
ما عاد لجروحي طبيب أبعد ومالك في صلاح
تركتني لين انتهيت وعدت لي نادم وجيت
مالك للطيب نصيب والعفو منك والسماح

[طبيب اسنان]

تولعت بك والله

تولعت بك والله كتبلي على فرقاك حسبي على الحظ الردي كانه أشقاني
أنا ما شعرت إني مع الناس قبل ألقاك ولا ذقت للدنيا طعم قبل تلقاني
سقى الله ليالي خالدة عشتها وياك درب الحويه بين عشب وغدراني
تذكرت يوم أقبلت كأنك تحس بخطاك تمايل بعود النايف الطول رياني

[طبيب اسنان]

تعبت


تعبت من طول السهر وانتظاره أبي أ ستريح اليوم ما ني بسهران
شفت الهوى يضوي عشت احتضاره لا ني بموهوم ولاني بغلطان
هل الغلى يا كيف قفا نهاره قالوا سلام الله على كل ما كان
كنت أحسبك في ليل عيني منارة وأثرك وهم من يتبعك بات غرقان
قطعت حبل الود ما هي شطاره توي عرفتك زين ما فيك وجدان
يا ما لعبت الحب باسم الحضارة خنت الوفاء وتستاهل وسام خوان
رح ودع الفرح وتجرع مرارة أضحك على عمرك ترى كل شي بان
هزمتني لكن كسبت الخسارة والله ما تلقى عقب صدي إنسان