ديوان كلمات الأغاني .

[طبيب اسنان]

لا تـخـلـينـي


حبيبـي يا عـسى ربـي يـجيــبك
تشوف الحـال بعد اللي جرى لـي
حــياتـي كـلـها وأنا انتـخـي بـك
دخـيـلـك لا تـخـلـينـي لـحــالـي
أحـبك كـثر ظـلمك كـثر طـيبـك
كـثر ما مرّ طـيفــك فـي خيالـي
أبي قربـك أبي يـوم اهتنـي بك
وأبيك تـصيـر كل لـحـظـة قبالـي
أنا لا قـلت أحـبـك أعـتـنــي بـك
ولا يـمكــن أخـون اللـي وفـا لـي
حبيبي ويش أسوي كيـف أجيبك
وكيــف أبـدّل الـهـجـر بوصـالـي
حبيبـي ليـه ما تذكــر حـبيبـك
وليــه الـحــب تمـحــاه الليـالـي

[طبيب اسنان]

أبصمــلك


غيرك ما طـرى يا شوق لولا حبس ماي بروق
ما للحـب بعــدك ذوق أبصملك على العشرة
زان الـدهــر وإلا شــان فـيـك المغـرم الولهان
دايم حيـل لك شفقـان أبصملك على العشرة
حـبـك مـصدر إلهامـي لأجـلــه دايــمٍ سـامي
بلـسم جـرحي وآلامـي أبصملك على العشرة
لـو العـشـق أضــنـانـي ووصفـك فـيك عـزّاني
حـبـك سـر وجــدانـي أبصملك على العشرة

[طبيب اسنان]

انزعــه صمتـي


انزعـه صمتـي وعـلمنـي الكـــلام
خـلّـنـي أقـتـل مفـاهيـم الخجـل
واكتشف من عـندي أسرار الغــرام
شوفـة عيـونك طمـوحي والأمـل
أظـهرتـها عـيـوني همـي والهيـام
مـتعب الحـال قلبـي وما حـمـل
بقـطـعـه وقـتـي وبوصـلك ســـلام
يا حيــاة الوصـل أو حـل للأجــل
ليت أنا أبكي منك ليلي طول عـام
واذكـرك شخـصٍ بعينـي ما كمل
بـس مشكـلتـي قــدرك يا وســــام
مـنـك ما شفــت خـــطايا أو زلل

[طبيب اسنان]

أسهرتنــي


أسهرتنـي يا غـلا والنـاس هـجّـاعِ
النـوم عـنـي جـلا يا زيــن الأطـبــاعِ
الهم منـك اعتلى والصد بك شاعِ
ما قلت لي وش بلا العهد منك ضاعِ
من بدّ كـل المـلا عـيني لك تراعي
يا كـامـلٍ بالـحـلى ما للـجـنا داعــي
ارجع ترى لك وله من بين الأضلاعِ
إن جـيت لي يا هــلا مانـي بـطمـاعِ

[طبيب اسنان]

توادعــنا


توادعــنا أنا وياه لكن ما توادعــنا
رفـض قلبـي ورفض قلبه سوى هلّة مدامعنا
رجــع يبكي وبكاني أنا ما تـحمــل دمـوعـــه
ونادتنا ليالينا مسك يـدّي وتراجـعـنا
أنا فـضّـلت أعيـش بصمت سواءً كنت أو ما كنت
ولكن الأكـيــد آمن ومـحـبتـنا لـهـا مـعـنـى
حنيـن قـلوبـنا فـينا غـصـب عـنا يـناديـنا
يـبينـي يا ملأ واللـه عـسى اللـه لا يفرّقـنا

[طبيب اسنان]

ذبحنا الشوق


ذبحنا الشوق بغيابك وكل طاري لنا جابك
متى تسأل عن أحبابك علينا بس من قسّاك
نبيك وما نبي غيرك وعالي دوم تقديرك
رضينا بشرك وخيرك حبيبي وينها دنياك
تصدق من حكوا فينا وتبعد عن ليالينا
غريبة صرت ناسينا وغيرك ما قدر ينساك

[طبيب اسنان]

ترّوي


تـروّي يا حـسـن منـظــور تـروّي يا مــلاك الزيــن
تـروّي كـود عـينـي تـلتمس منك حـنيّه
شوصفك لو بغيت اذكـر مـحاسنك انعدم بك شين
وأخاف انّك تصر في وصفي لو قلت حوريّه
نـقـضتـي حـال المـقــدول عـلى عــارض المـتـنيـن
وشفـشف هـوى روحـي عـلى فركـة إيديّه
كـتبت القــصيـدة نـاوي أعـنّيـك أنا بـسـطـــريـن
سجـى الفكـر بالمـعنـى ولـك تـمّت النيّه
أنـا ويــن جـــابـتـنـي المــقــاديــر وانـتـي ويـــن
تـولّـعـتـي الـلـــه لا تـزيــد الـولـــع فـيّـه
وداعــك عـمــر حـي خـذيـتيـه بـطـرف العيـن
معــك حي وإلا غبتـي يمـوت بعرب حيّه

[طبيب اسنان]

يتيمــة


يتيمـة فرحتـي والله يتيمـة يـحسدوني عـلى فرحـة يتيمة
جمعنه ياس كل الخلق فينـي خفـوقي ما قوى صدمة عظيمة
حبيبي والله إني فيك مغـرم ونـفــسٍ مالهـا ذمّـة سقـيمــة
حبيبي كل شيء فيني ملكته ونار الحـب فـي جوفي ظريـمــة
إذا روحي لها في حبك ذنـوبِ هلا بذنـوبـها لو هي ظـليمــة
وإذا في حبـك إجرامٍ ارتكـبته فـأنا كـلّي فـخر بأعظـم جريمـة

[طبيب اسنان]

الحــزن الأكيـــــد


قف وناظـر دمعتي يوم ادرجت
يـوم شفتـك ناويٍ ترحل بعيـد
يوم كـلّمتـك وصديت اخرجت
أذهلتني دمعـة الـحـزن الأكيـد
كـلمتينٍ كـنت أبا قول أمرجت
دمعتيـنٍ سكّـرن حبـل الوريـد
ولا عليها لـوم بالشوق ادمجـت
ما تريدونه عـلى ما كنت أريـد
ولو تقول أعداك نفسك ما نجت
قل نعم شوقي على شوقه يزيد
الحبـايب عـن دواخـلـها رجــت ترجمان إحساسها صار النشيـد
عـن خـفايا في دواخـلـها لـجــت
وكوّنت بيـن اثنينك بالرصيـد
ولا لـغيـر اللـه بالشـدة رجــت
يـجمـع اللامة ويمحى كل كيـد

[طبيب اسنان]

طال صمتك

يا حبيبي طـال صمتـك وش جرى
لك اكشف الخافي وقل لي وش جــرى
صـارح اللي في الهــوى حبـك لـحـالك
ما حدٍ فـي خاطـره غيـرك طـرى
المـشـاعر فـي الهـوى تـطـلب وصـالك
وطيفك الغالي بعـيني ما ســرى
الـعيــون اللي تـعـذّب من جـمــالك
يا حبيبـي مـنـك جافـاه الكــرى
خاطـري مشغـول ويش اللي في بـالك
الزعــل إرمـه عـلى قــاع الثــرى
لا يـمـوت الـحـب من نــزوة خـيـالك
ارحـم اللي في الهـوى حاله بــرى