الخادمــــه, السـ, خالد, ـاعر, قصه
قبل خمس سنوات حدثت هذه الحادثه يعني الزبده (لا تشرهون علي في ايام التهور ).
في يوم من الايام وفي سالف العصر والأوان وانا فاغر 
مع اخواني في البيت نطالع التلفزيون (القناة الثانيه ) < <<< زمان ماكان عندنا دش
فإذا بأبي (الشايب ) يمر مسرعا من امام الكنيسه الي كنا جالسين فيها <<<< يعني( المقلط )
فلتفت بوجها بارد ومددت براطمي 
(!) نحوا اخواني ابوك وشفيه مسرع اكيد مسوي شي
ولاكن اخواني لم يلتفتواالى قائلين لي بصوتا واحد اذا ماتبي تشوف الفلم <<<< انقلع 
المشكله ان الفلم معيود اكثرمن عشرين مره<<<<<<<<< فلم الشرطي الالي
وكل ما وصولوا عند لقطه في الفلم نط واحدمنهم وشرح وش بيصير <<<<< مثل الي يقول انا شايفه قبل .
المهم طمرت الى الحوش لأشاهد ماذا حصل لأبي
وفجاءه <<<<<<<< تحمسك الكلمه صح . 
شفت مع ابوي حاجه غريبه عجيبه اول مره في حياتي اشوف ابوي يدخل علينا ومعاه مفاجأه مثل هذي .
خدامه ! ولكن أي خدامه 
( ملكة جمال )بمعنى الكلمه لو في مسابقة اجمل خادمه اتوقع راح تكون الاولى او الوصيفه
عندي شعورانها جايه بالغلط شكلها مطلوبه لناس هاي هاي 
(عيال نعمه) وغلطانين فيها
ولا الشايب ماصدق شافها في المطار لقطها ومشى . <<<<<< ( يالئيم) علينا الحركات هذي ابوي .
العاده ابوي يجيب عجوز وجهها معفط ريحتها قابه تنسد نفسك لماتشوفها 
المهم فلم اتمالك نفسي وبدأت امشي بخطواتي متثاقله وكلما قربت من ابوي والخدامه ابوي شوي شوي يختفي انا اقرب وأبوي يختفي انا اقرب وبوي يختفي .
وصلت عندها صرت اسمع صوت ابوي (ولا) اشوفه بس اشوف الخدامه .
ففغرت ( أي فهيت ) في جمالها .
وتخيلت الحوش <<< (دخلت جو). انه فراشات وزهور وشللات وانهار وانا والخدامه مسوين(هايدي وبيتر) 
وجالس ارعى اخواني في الجبال ومعلق في راس واحد منهم جرس>> هذا كله من تأثير الصدمه
فأشخص ابي نظره نحوي قائلاً وش عند الحبيب فاغر .
قلت: ابوي الحين هذي بتنام معنا ؟ فضحك (وقهقه)لا عند الجيران <<يضحك يحسسها ان حنا ديموقرطييين
قال: اكيد المسكينه راح تنام عندنا هذي جايه تشتغل وتأكل اهلها << يبي يقنعني عشان ماتعرض لها .
لاكن هي هات . هذيك الايام كنا مثل ( الكلاب المسعوره) .
نجلس نتابع (القناة الثانه) عشان نشوف ( ساق ) او( فخذ) بالغلط نشوف أي حاجه مو ماسحينها من الافلام .
$ طبعا انا لما سألت هذا السؤال حسبت حساب الي كانو جالسين معاي في الكنيسه (.أي المقلط )
الدلوخ الي يتابعون الفلم . .وفي اقل من الثانيه شبيك لبيك وانا جالس عندهم .
وقلت لهم :خلاص يشباب فرجت صار عندنا( دش دجتل ) ( صوت وصوره ) على الطبيعة
قالو اها بس رح انت وجهك الي تقول خروف جالس يبيع مساويك عند المطار . "ماصدقوا"
المهم مرت الأيام والشهور وكنا نسوي اجتمعات مغلقه نخطط كيف نصطاد الخادمه المسكينه
(الي معطيتنا اشكل ولاهي معبرتنا)
وملينا من كثر مانخطط ولا خطه تزبط معنا <<<<<< فاهمه الخدامه الحركات كلها 
وفي يوم من الايام وانا اتابع( القناة الثانه)في الليل الساعه الثانيه بتوقيت ام ا لقرى سمعت صوت واحد يدق بدقات خفيفه جدا على (النافذه) دريشةالكنيسه . من سوء الحظ اني كنت لوحدي .
على طول فكرت في نفسي قلت بس حرامي رحنا فيها .
المشكله الدريشه عليها حديد يعني ماراح يدخل لكن وش تقول
الكثره تغلب الشجاعه <<<< مثل داخل في السالفه بلغلط . 
رحت اعد اخواني لايكون واحد منهم طالع برىالبيت طلعوا كلهم نايمين . كأنهم الوان خشبيه
كاملين . (مفيش حد ناقص) .بدء الشك عندي يزيد انه حرامي من جد
المهم سويت مظاهره في البيت وقومت البيت كله وتجمعنا في الصالة نتشاور
حلتنا كانت يرثى لها صرنا نشبه ( سلاحف الننجى
) الي شايل سكين ولي شايل عصى المكنسه ولي ماخذساطور حقت الذبايح .
فتجهنا الى الكنيسه وبفعل سمع ابوي نفس الدق اكتشفت وقتها شي ابوي كان يحكي لنا قصص كثيره عن بطولاته لكن حسيت في تلك اللحظه انها كلها( نصب )! هههههه يلعب علينا الشايب طلع خواف .
بس السؤال الوحيد الي ماسألت نفسي في هذيك اللحظه الحرامي يطب البيت يدق الدريشه ليش .
فتحنا باب الحوش بعد ماخططنا وقسمنا انفسنا الى مجموعات <<<<< مسوين الكومندز
فأعلن (ماي فلذر) ابوي عن الهجوم. وفي خلال ثواني حاصرنا الحوش . ولاقوات الامن الخاص 
وشفنا شي ماكنا نتوقعه <<<<< 
طلعت الخادمه هي الي تدق الدريشه .
وبعد الخطط التي عملنها وفشلت واقتنعنا انها انسانه مستحيل تكون مثل الاخريات .
فأراد الله ان يكشفها ويكشف مخططتنا لها .وصادها ابوي في الحوش( صادوه )
سفرها ابوي في اليوم الثاني او انه رجعها مكتب الاستقدام .<<<<<< خرب علينا 
وبقيت هذه الخادمه صورتها لاتفارق مخيلتي من خمس سنوات وكل ماجلست انا واخواني اتذكرها
نهاية الفلم .
الحين عندنا خدامه عمرها اظاهر 60 سنه كل يوم مودينها المستشفى ( عجوز من جد ) 
مايستفاد من القصه
1- الانتباه من الخادمات بدخول رجال غرباء في البيت
2-انتبهو على اخوانكم او ابنائكم من الاقترب منهم او ملافتهم
3-جيتهم جيت شر الله يستر على اخوانا وخواتنا منهم
تقبلو تحياتي واحترامي
hgaJ ohg] Jhuv hgoh]lJJJJi ,hkJJJJJJh (rwi)
LinkBack URL
About LinkBacks
الشـ خالد ـاعر الخادمــــه وانــــــا (قصه) –
15-Jul-2007,11:53 AM 
ياشين المبالغه
