ارجو من جميع الاعضاء الدخول

**زمان الصمت** · 03-Jun-2007,03:28 PM

السلام عليكم ورحمه الله وبركاته
كيف حالكم انشاء الله بخيـــــــــــــــــــــــــــــــــــــــــــــــ ــــــــــــــــــــــــــــر
موب مطول عليكم واخليكم مع الموضوع بصراحه موب موضوع واحد هي ثلاي موضيع

(الاول)

كلمه عبد او العبد الكلمه هذي كلمه كل واحد منكم قد سمعه اوقالها
والكلمه هذي نقوله للي لونه اسود والكلمه هذي مشتهره في الرياض اي ان اهل الرياض اذا شافو واحد اسمر او اسود قالو هذا عبد
العبيد, تطلق سمر البشرة او السود
الرقيق, تطلق على البيض المستعبدين
وهذا كله في الجاهليه
الي ابي اعرفه ليه كلمه عبد او عبيد للحين نسمع الناس يقولونها بينما كلمه الرق او الرقيق اختفت ومصارو الناس يقولونها
وش السبب هل فيه فرق بين الابيض والاسود او الاسمر الابيض انولد في 9 شهور ولاسمر انولد في 11شهر الابيض كامل ولاسود مو كامل (والكمال لله وحد)
كلنا عيال تسعه يعني زي ما الابيض فيه عيون الاسود ولاسمر فيه عيونالخ
العبد هو عبد لله عز وجل اذا كان الاسمر او الاسود عبد الابيض وش يكون
كلنا انخلقنا من ترب

(الموضوع الثاني )
العصبيه القبليــــــــــــــــــــــــــــــــــــــــــــ ــــه
يعني اذا راح واحد يبي يخطب يسالونه اهل البنت الي هو رايح يخطب منهم وش اصلك وين تشتغل اذا طلع الولد على قد حاله تعصبو الجماعه ليه
هذي سالفه صارت لواحد من اخوياي الولد دوسري متربي مه من يوم حنا صغار يعني اخوان
كان يحب بنت جارهم ابوه الولد وابو البنت متربين مع بعض وزي الاخوان
زبده الموضوع انا الولد راح مع ابوه يخطبون البنت ابو البنت رفض
موب علشان فلوس ولا علشان شي تدخلو فيها ناس واجد على شان يزوجون الولد بس ابو البنت رفض مع ان البنت دوسريه بس بيضاء والولد اسمراني

شي ثاني
نشوف في الشات او في الحي الي ساكنين فيه عبارات مكتوبه على الجدران
مثل
القحاطين سلاطين 505
الموت كاسر والعز للدواسر 502
عتبان ياتعبان وغيرها
اذا صارت مضاربه في الشارع او في مجمع او كونيش نسمع الي متضاربين انا من القبيله الفلانيه القبيله الفلاني تاج راسك
ياخي افتخر بقبيلتك
انا دوسري وافتخر اني دوسري الواحد لازم يفتخر بقبيلته بس لحدود لان الواحد اذا صار تحت التراب محد بشايل عنه جزاء من سياته
القحاطين مايزوجون ولا يتزوجون الا من جماعتهم
الشهارين مايزوجون الي يجيهم
وغيرهم وغيرهم
رب العالمين يقول في كتابه العزيز(وجعلناكم شعوبـأوقبائل لتعارفو)

(الشي الثالث)
شكلي طولت عليكم ولا تزعلون مني
اخوكم زمان الصمت

**أسيرة ألم** · 03-Jun-2007,04:00 PM

في موضوعك الأول:
يمكن أحنا نقولها كامزحة وماتأثر لكن الواحد لازم ينتبه للوقت للي يقول فيها الكلمة

في الموضوع الثاني:
بصراحة اتفاجأت يعني مافيها شي الولد أسمر ايش حصل ويمكن يكون نصيبها في هالولد
وأول مرة أسمع بهاالشي.
أما بالنسبة للي يقول (الفلاني تاج راسك)طبعا هذا على حسب الموقف وكل واحد يفتخر بقبيلته لكن يجيك من الشباك للباب والله لأوريه هاهاهابس طبعا أعتبره جاهل

في الموضوع الثالث:
يعطيك الله ألف عافية

**النجلاء** · 04-Jun-2007,04:20 AM

الصراحه اعجبني الموضوع وفعلا انا من المعارضين لكلمه عبد
اكيد كلنا عبيد اللهومافي فرق بينا.

وموضوع الفخر بالقبايل انا ماحسه عيب اوخطأ بالعكس من حق كل واحد فينا انه يفخر بقبيلته بس اهم شي انه مايخطي على احد.

وانا اشوف ان في موضوع النسب صعبه تتغير النظره لان مو معقول بنت قبايل ياخذه واحد مو قبيلي انا ماودي اكون متعصبه صحيح الناس سواسيه بس بالنسب صعب.

ارجو انك ماتفهمني خطأ وتحياتي للجميع.

**زمان الصمت** · 06-Jun-2007,01:00 AM

يعطيس العافيه
يااسيره الم وياالنجلاء على الرد
واختلاف الراي لا يفسد للود قضيه
بس ياليت تشوفين القران والحديث وبعدين تتكلمين
ولا تزعلين مني يالنجلاء ويعطيكم الف عافيه على ردودكم
تمنيت الاعضاء كلهم يدخلون بس انتو كفيتو ووفيتو

اخوكم
محمد الدوسري

**البوادي** · 06-Jun-2007,08:57 PM

أولا مشكورة على الموضوع
ثانيا أنا اختلف معك في النقطة الثانية لنة استحالة أوافق على واحد ماهو بقبيلي لحديث الرسول

تحياتي

**نتالى توم** · 07-Jun-2007,12:57 AM

بسراحه الموضوع طويل لكن شكرا على الموضوع

لكن الموضوع الاول ما فى حد يختلف عن التانى كلنا بشر

لكن الى بيكره الاسود بيفكر انه عبيد يبقى عقله صغير

**هووواوووي** · 07-Jun-2007,02:44 PM

يسلموووووووووووووووووووووووووووو

على الموضووووووع الرائع

وما اقـــــــــــــــــــــــول

ألا الله لا يحرمنا تواجدكم ومن مشاركاتكم الرائعة

**طايل** · 07-Jun-2007,05:42 PM

[align=center]ذكرتني بواحد من الزملاء اذا شافنا مجتمعين قال ليش ما عزمتوني والا عشاني عبد رغم ان هذا الرجل افضل بكثير من غيره والحمدالله اخلاق وتعامل وتربيه ودين وكذلك في خفت دمه

اخي مسئلت الزواج ليس من السهل القبول بأي شخص هناك عادات وتقاليد ومخالفتها مصيبه فلو تزوجا من بينهم فروق في النسب اوغيره تكون الكارثه بعد حين وشدتها على الابناء اكثر

اخي نتكلم بعقل كل شخص لا يأخذ الا نصيبه

وانا لا يمكن ان ازوج اختي او ابنتي لشخص ليس له نسب رغم ان هناك من ليس لهم نسب افضل من من ينتمون الى اعرق القبائل

اما اللون فالعرق دساس

اما الجدران هؤلاء مراهقين لا يستحقون الالتفات[/align]

**في خاطري** · 07-Jun-2007,08:22 PM

يعطيك العافيه يالغلا على روعه الطرح

ننتظر جديدك القادم

تحيتي لك

**ونات حائره** · 09-Jun-2007,02:51 PM

موضوعك الاول نعم أرى إلى الان فيه عنصريه من ناحية الاسمر

ومازالت كلمة عبد موجوده مع العلم أنه أخلاقهم جدا عاليه وكما يوجد في الابيض

الطيب والرديئ كذالك الاسمر,بس أحيانا تطلق هذي الكلمه من باب المزح وأحيانا

لا

أما موضوع الخطوبه غالبية الاهل يسألون هذي الاسئله موالاسمر فقط

واما مسألة قبيلي نفكر بالعقل مومعقوله مايسأل عن الاصل والفصل وعلينا أحترام

الشرع والعادات

أمامايكتب بالشوارع فهذا جهل

ويعطيك ألف عافيه على موضوعك أخي

أختك ونات