على الجميع ربط الأحزمه سوف نقلع مع (ضيدانوسعــد)!!

[ناضح الأسحار]

الأحزمه, الجميع, ربط, شوف, على

[align=center]




السلام عليكم


رحله مع شاعرين :

ضيدان بن صبحان اللزيزي العجمي

&

سعد بن عبدالله بن حسين الهتلاني العجمي

رحمه الله

لا ترتسم ابتسامه عريضه على وجهه

من طرافة ما تبلودت بينهما من رديات رغم فارق السن بينهما

إلا نهما كانا ثنائي رائع يحاول كل واحد منهما

اغاضة الاخر في اطار من المزاح الودود


وقد وجدت لهم روائع

وددت ان تشاركوني قراءتها

.

.

.

أحبتي لـ نتابع الحوار اللي بينهم





.

.

.

.



الشاهي





ضيدان في أحد المقاهي :



[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تطلب لي الشاهي و تطلب لك حليب=. . . وانا على الحليب كبدي ذايبه


أنا احمدالله يوم ما انت بـ لي نسيب =. . . يقطـــع اصبي ٍ مايقـــدر شايبـــه [/poem]



.

.


فرد سعد متأففاً :



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قم اطلب لنفسك ترى منت بـ غريب=. . . ولاني بـ طالب لك ولاني بـ جايبه


تبغي الكفيّا يوم طرّيت المشيب= . . . واتعبتني مثل الوزير ونايبـه [/poem]


.

.


رد ضيدان :


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
في خوة الطيب انا مالي نصيب=. . . ومن خوة الرديان نفسي طايبه


وقد كان ظني فيك للعله طبيب=. . . والاريا بها مخطي وفيها صايبه[/poem]


.

.


وختمها سعد :


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل يبي يرمي رفيقه في الجليب =. . . وابليس نـــوّخ عنــدنا ركايبــــه


وعلـّمته الممشى سبقني فالخبيب=. . . اللي علومـــه كلّبـــوها خـــايبه[/poem]








الطيور الحايمه





شك ضيدان بوجود ثروه لدى سعد فالبنوك :


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عطنا من اللي يا سعد ربي عطاك=. . . عندك فــلوسٍ في البنوك ونايمــه


وانا رفيقك دايمٍ وامشي وراك =. . . وما ادري متى تمطر سماك الغايمه؟ [/poem]



.

.


رد سعد متأففاً :


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اللي عطاني خير بالشحذه بلاك =. . . هذي عطايا الله وذي قسايمـــه


يومك حسود وتوّ مابيّن رداك=. . . مـــا عندنا لك مايفطر صايمـــه [/poem]


.

.


رد ضيدان يذكـّره :



[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أظن من زارك بـ بيتك مانساك =. . . ولا ظن مثلك تنّسى قدايمــــه


يا رجل فكّر زين والرب يهداك =. . . عزّم ترى الرجّال من عزايمه [/poem]


.

.



غضب سعد :


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تعشّ عندي جعل ما تاكل عشاك =. . . عسى تعشــّاك الطــيور الحايمــه


واللي لنا جابك عسى يقلع مداك=. . . واللي يبي فرقاك محدٍ لايمــــه [/poem]


.

.



فختمها ضيدان بـ :


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تحسب انا قاعدين ٍ في رجاك =. . . وعاد الجمل يمشي على قوايمه


يالله المعبود جارك و دخلاك =. . . راحت خساره ذا الصبي تماينه !! [/poem]








خيمة سعد المهجوره





اتى ضيدان يتهزء بخلو الخيمه من الضيوف :


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يومين غيري ياسعد ما حدٍ جاك =. . . متكرسعٍ في خيمةٍ لك صغــيره


وامــدّ لك يمناي وتكف يمناك=. . . ويــاهي على نفس المسيّر كبيره


وابغى تغني لي وانا بسمع اغناك=. . . وترى الغنا ماهو بـ بس لـ " سميره "[/poem]


.

.



ضيّف سعد ضيدان باستكانة شاي ، ثم رد:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العلقم اللي لونه احمر عطيناك =. . . مكثــّرٍ شايـه ولا فيه شيــــره


خذلك بياله وانقلع عني اهناك=. . . مـا عندنا لك يا اسود الوجه غيره


واللي تسبّه قبل يومين غدّاك =. . . والبارحه عشاك يبغي الستيره


وعيّى يفكه من بلاويك فكـّاك=. . . يوم ابتلش بك ياردي البصيره


وانا اتذكـّر قبل عامين زرناك =. . . يوم انت تطلع بالثياب القصيره


وقفت عند الباب وتحك علباك=. . . اثرك على خبري ولا رحت ديره


واقولها فـ وجهك ولا حن بـ نقفاك =. . . مــا حـنّ للغيّـاب نـاتي بسيــــره [/poem]






عصابه





اتى سعد بفكره مجنونه وعرضها على ضيدان :


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ضيدان ما ودك نشكل عصابه =. . . نحتل بعض بنوكها والمحلات ؟


إما يجي لي ولك قدر ومهابه =. . . والا تبيّـتنا بيات "الشريفات"


والرجل ودّك يشتهر في شبابه=. . . بالطيب والا بالعلوم الرديات!


ولا يهتني فـ اكله ولا في شرابه =. . . إلين تطلع صورته فالمجـــلات [/poem]



.

.





رد ضيدان بحكمه وبعد نظر :


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تحسب انّـا يا سعد وسط غابه =. . . هاللي تراوالك تراهن عمارات


وموضوعك اللي جبت كله غرابه =. . . والظاهر انه سابع المستحيلات


واخاف لا تنبح علينا الكلابه =. . . ثم هات نسلم من مخاليبها هات


ويا بوك ماعمري دخلت النيابه =. . . ومن العمر ما باقي ٍ كثر ما فات


وان كان تبغي الراي قبل يغدا به =. . . من واحدٍ جرب جميع الحيالات


خل الحطب للي يعرف الحطابه=. . . نهارنا شمسٍ وفـ الليل لمبات [/poem]









اماني ضيدان





اخذ ضيدان الخيال والتمني :


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليتني تاجر وبيتي على الطاش =. . . ومساهم ٍ في نفـط بحـر الشمالــي


واشري من اللي تنطح السحب بالكاش =. . . ماهمـّني لو قالوا : الســـعر غالــي


واحجج اللي كاده العسر ببــــلاش =. . . وادفـــع مـــلايينٍ زكـاةٍ لمالــــي


وعندي سعد يعمل مقهوي وفراش =. . . والى بغيت امشي يطرّف نعالي


رجلٍ نعرفه زين ما هو بـ غشاش =. . . والى طلبته حاجةٍ جابهــا لــي


والرجل لا جاوز ثمانين مـا عاش=. . . وان عاش من عقب الثمانين بالي [/poem]



.

.




غضب سعد من "مقهوي وفراش" فكان رده :


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه فكري من الهم منداش =. . .من واحدٍ طرش كتابه وجالي


والله مالي خلق نمزح مع اللاش =. . .اللي تمنى الخير له والعنا لي


وقد قلت له : دعواك بـ ترد بهواش =. . . وارسل مكاتيبك على احدٍ بدالي


واما اعتذر ما دام الاوضاع تنـّاش=. . . والا قــلبنـــا الاولات التوالـــي


ويا صعب فهـّامك وتفهيم الادباش=. . . وبيـّن عليك انك تكت الدحالي


واليوم كثرت التمنى على ماش =. . . يا زين رضخك بالعصى والعقالي


وربعك يعرفونك : كميّخ وعماش =. . . وجهك مهوب من الوجيه الطوالي


يوم انت لا جوّ المسايير تنحاش =. . . مثل الثعل من رافعات الذيالي [/poem]







وقوع ضيدان بالحب





اشتكى ضيدان من همومه العاطفيه لسعد :

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

هنّـيتكم من قلب ياللي تنامون=. . .وانا جزت من لذة النوم عيني


نتنا من الغالي يجينا تليفون=. . . وحنا على حسب الطلب جاهزيني


واشوف حالي صار من دون في دون =. . . والله ما ادري يا سعد ويش فيني


ولولا الزجاير يا سعد واشقر اللون =. . . ومشاهد اللي مثلكم طيّـبيني


في مجلسٍ ما فيه حاقد وملعون =. . . ولا فيه نمّـامٍ بقلبه دفيني


لارمي بحالي من علوّ البليكون =. . . ويجيك علمي والخبر لك يبيني [/poem]



.

.



تعاطف سعد معه وكان رده :


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

أنا اشهد ان للحب تأثير الإفيون=. . .وانا احمد الله يوم حن سالميني


أشوف لي ناسٍ من الحب يبكون =. . . الله يعـــافيهــم ولا يبـتلينـــي


ويالربع شايبنا تولع ومفتون =. . . والوجد يومي به يسار ويميني


والحب مالي حيلةٍ فيه تدرون =. . . ومافيه : "يمه قولةٍ إرحميني"


يحب ذا الشايب وهو مـا له سنون =. . . واعيش وكبار العجايب تجينـــي


ويوم العرب بدوٍ وقبل يتحضرون =. . . كم ليلةٍ نبّـح كلاب القطينـــــي


على كلام اللي صفاته يعرفون =. . . وعقــّال من شيباننا الاوليني


لكن هداه الله وجـا كنه متكون=. . . وقبل امس علمي به ثقيلٍ رزيني


واليوم جـا بمطمـّةٍ كونها كون =. . . الحب واللي يجنن العاقلينــــي [/poem]



*
*
*
*

والى هنا نقف !!
أتمنى أنكم استمتعتم لـ هذا الشاعرين!!
والرحله الجميله

ودمتم بخير

صوت الروح[/align]

---

ugn hg[ldu vf' hgHp.li s,t krgu lu (qd]hk,suJJ])!!

[سديم ـآلهتآنـ]

[align=center]

/
/



ما أجمل نقلكـ أخي العزيز
وماأروعـ أسلوبكـ في النقل
أضفت المزيد والمزيد من جمال هذهـ القصائد
الله يعطيكـ العافيهـ
وسلمت أيديكـ

شآكرهـ لكـ مجهودكـ الطيب
مع التحيهـ

:
:
الهتآنـ
[/align]