لحظـه

**سلطآن آلروقي** · 07-Apr-2007,11:28 PM

أتمنى أن تنال القصيده على اعجابكم
لحظه !! ترى ماجيت اقدم لك اعـذار ^^^ لحظه !! وبعده سـوى اللـي تسويـن

لحظه !! بصحِّح بيننا بعض الافكـار ^^^ وباقول لـك حاجـه قبـل ماتقولين

لا تحسبينـي بانثـر الدمـع وانهـار ^^^ والا اترجى واطلبـك مـا تروحيـن

روحي عسى دربك بساتيـن وازهـار ^^^ روحـي وغيـري بالمخاليـق تلقيـن

صحيح لك بالقلـب حشمـه ومقـدار ^^^ لكـن شسـوي لـك اذا مـا تحسيـن

لي قلب لامنـه عشـق حيـل مـدرار ^^^ ومن الغـلا عنـدي يكفـي ملاييـن

بس إن لقى صد وجفى صـار جبَّـار ^^^ وأقدر افـارق واهجـرك لاتخافيـن

يابنت انا لي عزتـي وباخـذ الثـار^^^ وابغى انصحك لارحت اصحي تنادين

ماني براجع لاتقوليـن وش صـار؟ ^^^ لاتسألينـي ليـه ؟ انتـي تعرفـيـن

غيـرك تمنونـي وبالعـب وباختـار^^^ واعشق بدالك الـف وحـده بيوميـن

وانتي رصيدك بالغلا عندي اصفـار ^^^ ماهـو بذنبـي ماعرفتـي تحبـيـن

وكل الذي لجلك كتبتـه مـن اشعـار ^^^ والله خسـاره فـيـك ماتستحقـيـن

حتى صورك اللي من العـام تذكـار ^^^ بادوسهـا وانتـي قبالـي تشوفـيـن

يامـا عطيتـك الـف إنذاروانـذار ^^^ أقـدر افارققلـت لـك : لاتحديـن

واليوم انا ليه اتعـب النفـس واحتـار ^^^ دامـك جرحتينـي وكنتـي تسلـيـن

إن كنت حي ومن طويليـن الاعمـار ^^^ لجرح بدال الجـرح تسعـه وتسعيـن

والحين يالله خلـي دموعـك امطـار ^^^ وباحاول اضحك طول ما انتي تصيحين

أخوكم:سلطان الروقي

gp/Ji

**امــ الذوق ــير** · 07-Apr-2007,11:46 PM

صح لسانك
ويعطيك العافيه الابيات مره حلوه
والى الامام

**نغم فى حياتي** · 08-Apr-2007,12:56 AM

سلطان
قصيدة رائعة وجميلة صح لسانك
تحياتى
نغم فى حياتى

**عاشقة محمد بن فيصل** · 08-Apr-2007,01:11 AM

[align=center]صحيح لك بالقلـب حشمـه ومقـدار ^^^ لكـن شسـوي لـك اذا مـا تحسيـن

لي قلب لامنـه عشـق حيـل مـدرار ^^^ ومن الغـلا عنـدي يكفـي ملاييـن

بس إن لقى صد وجفى صـار جبَّـار ^^^ وأقدر افـارق واهجـرك لاتخافيـن

صــح لســآنــك ويعطيــك ألـف عــآفيــه
تقبـل مروري[/align]