(((( أنـــا ماأجبـــرك فيــــني ))))

**محمــد الرويلـي** · 27-Mar-2007,12:15 AM

بسم الله الرحمن الرحيم

والسلام عليكم ورحمة الله وبركاته

(( أنا ماجبرك فيني ))

[poem=font="Simplified Arabic,5,black,bold,normal" bkcolor="transparent" bkimage="backgrounds/23.gif" border="ridge,7,blue" type=2 line=1 align=center use=ex num="0,black"]

غريبه مابدر منه علامه ليه جافاني = وانا اللي ميت بوصله وهي بالهجر تسقيني
خساره ماجرى بالامس حسافه قول قيفاني= وانا اللي فاكره مثلي بكت من شانها عيني
دموع الفرحه تغمرني بيوم فيه لاقاني = فرحت وقلت هو حظي تعدل آخر سنيني
ولكن ردها قاسي عليّ وحيل بكاني = وانا ناوي لها بالخير وهي بالصد تجزيني
صحيح ان الخطا وارد ياقلبي ليه تعصاني = وانا حالف اهجر الحب علامك ليش تشقيني
تبي تعشق مثل غيرك لزوم تعود لساني = لزوم تعلمه يكذب ويخدع بالموازيني
وانا ماأسمح بهذا ابي اترك لها اوطاني = ترى هذا زمان الزيف وهو وقت الشياطيني
سلامي لماضي ٍ قفى سلام الله على أخواني =دروب المرجله والصدق تراها هي عناويني
لاني طالب الجنه وأبي من الرب غفراني = على الطاعه سعينا دوم وصلاتي ماتخليني
وهذا المختصر وأسمع كلامي فيه يافلاني = مدامك رافض المطلب أنا ماجبرك فيني
فمان الله ودعني وداع ٍ فيه تنساني = أخاف جلوسنا عندك عن الاخطاء يعميني
وأسوي معصيه أو ذنب بفضل أفكار شيطاني = ولاقي فعلتي صارت بوسط النار ترميني
لاجل هذا فمان الله مادامك ماتبي شاني = سموحه واقبلي مني وداعي يانظر عيني
قبل لا انهي ابياتي أبكتب واطلب أحساني = واصلي للنبي مليون واكررها ملاييني [/poem]

**عشير الود** · 27-Mar-2007,12:32 AM

[poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
عسى ماشر وش القصه وش الموضوع يافلاني = وش اللي صاير بخلي من المقرود ياعيني
عسى فرقاه يتعجل عسى دربه بالاحزاني = عساه يموت من ضيمه ويطعن بالسكاكيني
عساه يحل مع همه وش البلوه ياسلماني = وش اللي حل بمحمد كأنه يشتكي شيني
تشوفه وشي أبياته تشوفه كان ماكاني = اظن العلم متخفي وساكت مايحاكيني
عساك تشوف ياخله مصايب كل الازماني = ولا يوم يتفرد بك ولا لحظه تجي زيني
محمد صايبه عله كبيرة نطق بالساني =يقول الصدق ياخله اناماجبرك فيني
عسا ماشر وش المعنى وش المضمون بالشاني = فديتك وش تبي آمر فديتك يامعنيني
دخيلك كلي تحت آمرك من الرجلين لعياني = وكلي كلنا كلي لكلك كان تكفيني
انا ماراح اعديها لزوم العلم يشناني = لزوم العلم ياصلني كامل بالعناويني
تركتك واندفن جرحي تركتك قاف تقراني = وبالي صايبه غثه يبي همك يسليني[/poem]

**محمــد الرويلـي** · 27-Mar-2007,12:56 AM

[poem= font="Simplified Arabic,5,indigo,bold,normal" bkcolor="white" bkimage="" border="inset,8,indigo" type=2 line=1 align=center use=ex num=",black"]
كلام العين منعميه ماشافت غير بكاني = يقول الحين من قلبه انا ماجبرك فيني
يدف النفس من ضيمه يقول القول بجناني = علامه ليه متغير ياعينه ليه تبكيني
تشوفه بالفضى غارق تشوفه صار سلطاني = كانه مالك العالم بفضاكم بالبساتيني
كانه مختلف حاله تحطم بنيـة الباني = كانه يلقط انفاسه يقول القول مسكيني
وانا من حر مافيني تغالط بالزلل شاني = عجنت العلم من عندي وجيتك فازع بحيني
كبيره كان تتلطف كبيره بحقك العاني = تشوم النفس عن قربه تشوم يديه بيديني
ومن هو عاف مجلاسك سوى ابليسك وشيطاني = سوى الغادي توهم له بفيه شافها فيني
وانا مااقول غير انك عجل دنياك يافاني = وخلك صابته فرحه يشوف النفس تشكيني
على هونك ياجاهلنا على هونك بالاوزاني = محمد ماشكى قربك وقافه جالك بليني [/poem]

**الــظبـيـانـيـه** · 27-Mar-2007,03:11 PM

صـح لسـانكم يـا الشـاعرين

لا هـنتوا

<< لو كنت شاعره كان برد بـ شعـر

ههه

دمـتم بـود

**محمــد الرويلـي** · 27-Mar-2007,11:15 PM

بسم الله الرحمن الرحيم

والسلام عليكم ورحمة الله وبركاته

مشكور جدا على المجاراه

وش اقول غير صح لسانك يا عشير الود

والله يعز مقدارك دنيا وآخره

اخوك

محمد الرويلي