لمن يعشق وجودي (مريسي وافتخر بأصلي)

**فيصل المريسي** · 15-Mar-2007,06:11 PM

[poem=font="Simplified Arabic,5,white,bold,normal" bkcolor="black" bkimage="" border="double,10,red" type=2 line=0 align=center use=ex num="0,black"]
انا ماهمني الدنيا ولا همي متاعبها=مدام اني بها عايش ودايم مستريح البال
مريسي وافتخر باصلي وعارف كيف احسبها=ومن ارض العرب اصلي وباصلي تضرب الامثال
انا ماهمني شاعر بحروف قام يكتبها=لني عارف المغزى ولا يعجبني الغربال
واذا ودي اخربها اكيد اني بخربها=ولكن مالتفت للي يسمي نفسه برجال
مدام ابوي رباني بشرقها وغربها=وعارف كيف اتعامل مع الموقف وقيل وقال
انا ماخاف اعدائي ولو تطول شواربها=كثير اذناب تتخفى ورى غتره ولبس اعقال
واذا زادت بلاويها اكيد اني بأدبها=واسويهم حطب واوقد فناجين الغلا ودلال
ولاتغريني الدنيا ولا حتى مناصبها=ولا اركض ورى الشهره ولا بيها تجي بأذلال
ولا بالعب على المراءه واقول اني ابا اخطبها=ولا اتسلى بعواطفها واسويها مثل تمثال
وامشيها على كيفي وابعدها واقربها =واعيشها حلم كاذب واسليها بلعب عيال
وقدام البشر اكذب واسميها والقبها =اميرة حبي الاعظم وانا بعيونها محتال
ابد لا يمكن اتخيل بأني يوم اعذبها=لاني عارف حقوقي وعارف كيف ستر الحال
مع الفزعات تلقاني واقدرها واوجبها=واقدر من يقدرني ولو حمله يهز جبال
ولا صدق علوم الهرج ولا يمكن اكذبها=لاني لازم اتأكد وارد الفعل بالاعمال
علومي طيبه دايم وقلبي من يطيبها=ولا تتغير اخلاقي قصر فيني الزمن او طال
مدام الشعر يسكني وقيفانه انا اشربها=ابكتب شعر من قلبي عشان تردده اجيال
واصيغ حروف من فكري وازينها بأعذبها=واخلي الكل يسمعها كما نسمع صدى الموال
ولوتبعدني الدنيا مسافاتي تقربها=الى من تستقر روحي بدنيا طيبين الفال
واكون الشاعر الاول لبنت الشعر واعجبها=وألملم باقي انفاس القصيد بغربة الترحال[/poem]

**هجر الاحزان** · 17-Mar-2007,07:37 AM

تسلم وصح لسااااااااااااااااااانك اخوى على كلماتك الرائعه

هجر الاحزان

**سديم ـآلهتآنـ** · 18-Mar-2007,12:41 AM

[align=center]:
:
همسات وابياتـ قمة الروعه والجمال
كلام منطقي وسليم وهمس صادق
وحروفـ طاهره ونبيله . خرجت من قلب طاهر
ومعزوفه حملت عزهـ وفخر .

:
:

شاعرنـــا ( فيصل المريسي )
للـــــه دركـ ودر حرفــكـ وجمالــه
وروعة سكبــه . ونور طهـــره
ومشاعر صادقه خرجت
وانارت الصفحه . ببريقها الطيب
صح / لسانك / وبوحك / ودام نبضك

:
:
أختكـ " الهتآنـ

[/align]