قصائد تستحق القرائه

[عبدالمحسن العصيمي]

يجزاك بالخير


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يجـزاك بالخــيـر ياحــظ ٍ وقــف ضــدي=عـلمـتـنـي كـيـف اوجـه جـرحي لحـالي

ذكـرتـني بسـلـمي الـلـي مـن زمـن جدي=ونـسّـيـتـني كـيـف طعـم الـمـر ّ والحالي

خـلـيـتـنـي بـجـــد ابـيّـح لـلعــرب ســدي=وانـا الـذي مــا شـكــيت اول ولا تــالـي

كــنـت احـسـب اني حظيظ وماحد ٍ قـدي=إلـيـن زال الغــمـام وشــفــتـك قـبــالـي

ياحـــظ كـانـك عـلـى مـاقـيـل مـتـردي=لاتقـطع بقـسـوتك وجـهـي مــن عـيـالي

ان كا ن لي دون غيري صرت متصدي=اقـــول انـا حــســـبـي الله والله الــوالـي

لـيت الدمـوع الـدفـوق اللي غـزت خدي=تــبـيـت بالعــيـن حـتى تـركــد احــوالي

لـي خا فـق ٍ عـن مــواطي الـذل متعـدي=خلــّى المــطامن ورام الـنـايـف العـالي

ما هـاب جـرح ٍ نـفــذ بالجوف متحدي=ومـا خـاف هــم ٍ قــديــم ٍ دارس ٍ بــالي

والله كــريــم ٍ والى مـــديـت لــه يــــدي=ألـقـى كـــريــم ٍ أبـــد مــاردنـي خــالي

ويجـزاك بالخـير ياحــظ ٍ وقـف ضــدي=عـلمـتـني كـيـف اواجـه جـرحي لحـالي[/poem]



[align=center]نزف الشاعر

قديم الشوق[/align]

[عبدالمحسن العصيمي]

غاية مرادي


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
غاية مرادي عكس غاية مرادك=تعبت اصّحح بالظنون الخفيه

مدري متى ياصلني مركب فؤادك=الموج هادي والمشاعر قويه

حرارتي بالشوق جابت برادك=غلطة ( وفا وإخلاص ) تحسب عليه

صابر ولي عامين رهن إعتقادك=واقول خله يقرى نص القضيه

مرات اقول الخوف شتت ودادك=خايف على الفنجال والشاذليه

ومرات اقول الطيش ماسك قيادك=تلعب على الحبلين روحه وجيه

غلاك عندي يلتقي مع عنادك=دايم وانا بين الثنين الضحيه

لمعة بياضك مع عتامة سوادك=متى تصير الصوره صوره نقيه

جابتني نارك وإلتقاني رمادك=خليت ذيّ ورحت تركض لذيه

من عادتك تجرح وتهدي ضمادك=مايجتمع بالحب حسنه وسيه

دايم افكر وش نتيجة حصادك=الارض صبخا والموارد هبيه

لاتحسب إني تحت رحمة زنادك=ماجيت ابشحذ وإلا ادور عطيه

وان كان ودك فيني تبلغ مرادك=وش حاجتي لاصار فالخرج حيه

بانت مع المضمار كبوة جوادك=خسران والخسران ماله هديه [/poem]


[align=center]نزف الشاعر


خالد الديحاني[/align]

[عبدالمحسن العصيمي]

حضرة السلطان


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يتوهن الخُطا ويدوّر الساري على عنوان=وطريق الألف ميل بنظرتي يبدا من النيّه!!

انا هذي اساساتي ولو أخسر . انا الكسبان=عملت اللي علي والرزق عند الله وبأيديّه

تعال نفضّها سيره / ونتفائل / ترى الأنسان=ماراح يشوف خير ونظرته للناس سلبيّه

وكيف يعيش واحد من حياته كلها (زهقان)=وهو في داخله يملك حياه , وروح عصريّه

على ماتشتهي خذني معك ياحضرة السلطان=انا شعبك مدام ان الخطايا منك عفويّه

أنا ماني حزين ولو تشوف بعالمي احزان=ولاهو عابس ٍ وجهي ولا اخلاقي تجاريّه

وكيف احزن وانا احسك معي في معظم الأحيان=وتحييني بكلماتك اذا جت لا إراديّه

صحيح الزين مايكمل . وصدقني ماني غلطان=ولكن الجمال / يكون كامل وانت بك زيّه

لأن ماللندى روعه بدون الورد والأغصان=أقوله وأتخيل منظره في حضن جوريّه

تسمى لوحه الرسمه / بليا لمسة الفنان=وماللشعر متذوق بلا صوره جماليّه

حلاة الكلمه احساسك بها تطلع من الوجدان=وياشين الكلمه اللي تحسها كلمه صناعيّه

لك الله شاعرك لك قالها ياحضرة السلطان=واذا قصّر بها حرفه , ترى روحه رياضيّه[/poem]


[align=center]نزف الشاعر


ماجد الرويلي[/align]

[عبدالمحسن العصيمي]

الصحيب وصحيبه


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بارك الله في دقايق وقتها ذيك المصيبـه=وضحتلي في زماني شي خافي ما يبانـي

مادريت ان الصحيب ايبور حتى في صحيبه=لين شفت ان اليالي عشرها يصبح ثماني

من تردى في صيحيبه ياجماعه ويش ابيبه=جعلنا الفرقه ولا ناخذ سوى عشر الثواني

عقب سوق الطيب بانتلي خفاياه الرهيبـه=امتحني في زمانـي ياجماعـه وابتلانـي

ياجماعه والرجل لاطاب ذكـره زاد طيبـه=ياخواني ياخواني الرفـاع مـن الطمانـي

والرجل ماياخذ الا ماكتبلـه فـي نصيبـه=فالشدايد يبرز كحيلان وايخيـب الهدانـي

وين ابلقالي سنافي في مزايـاه العجيبـه=ان تعسربي زمانـي يانصيتـه يانصانـي

الردي اللـي تـردى فالبعيـده والقريبـه=ماله الا منطقي والكوبه اللي من لسانـي

والردي اللي تردى لازم ان يومه يجيبـه=مرحبا يامسهلا وارد صاعه صاع ثانـي

والله ان اخلي ملعون الجدف ايطر جيبـه=وايتحسر في زمانه ليه ماخالف زمانـي

لان كبدي ماتروم الا الشجاع وفيه هيبـه=ذاك منهو خوته اعتز فيهـا فـي كيانـي

قالو اللي في شبابه ماكسب غير المعيبـه=مايعدد في مشيبه من طويليـن اليمانـي

والفحل يبقى فحل ماتلحقه شكـه وريبـه=لو تجيه من التهايم بيـن ربعـه لولانـي

من يلوم الراس يومه في شبابه زاد شيبه=من يلومه في زمانه مازواه اللي زوانـي

من حداني للقصيده قطع ابوه وقطع صيبه=خل تاليهـا قصيـده لا يكـرر وايحدانـي [/poem][align=center]
نزف الشاعر

حقان بن ناصر[/align]

[عبدالمحسن العصيمي]

هيجنة الشعر


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بعض القصايد سوالف ليل=تمحى مع الصبح ما تذكر

والا بعضها حسن تمثيل=يصوغها شاعر مفكر

والفرق واضح بعدل وميل=والمر يفرق عن السكر

الشعر ماهو بقال وقيل=وقوافي ٍ ماهي بتذكر

الشعر منطق وله تحليل=بين ولا هو بمتنكر

وحلو النبا ما يجي تحصيل=تحصيل حاصل هو المنكر

والشعر ماهو لزوم تعيل=عشان تاصل وتتمكر

وإلا تميدح وتاخذ كيل=إفداوي ٍ بيتك مسكر

أو عسكري ضابطك حلحيل=تمدح تبي تفارق العسكر

الذيب يسرى مساري الليل=والا الثعل بالخفى يمكر

وشعيل يرخي المتن للشيل=يشيل حمله ولا ينكر

والحر ما يقبل التنكيل=والبوم في وكره موكر

واللي يميز صهيل الخيل=ما قال صوته هو الأنكر

واللي معه للفكر دربيل=يشوفها وجوه معكر

أقولها يوم شاف الويل=من كل غاوي ومتنكر[/poem]


[align=center]نزف الشااعر

محمد الوافي[/align]

[عبدالمحسن العصيمي]

سمرا نثيل



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يوم اوصّف واتغـزّل بمنسـوع الجديـل=وجهها مثل القمر فـي ظـلام قرونهـا

والهنادي وارداتٍ من الطـرف الكحيـل=كل نظرة تختلج في الضلـوع طعونهـا

ولو تعدينا حدود(ن) ورى سمـرا نثيـل=ماغزينا كربلاء ضمـن مـن يغزونهـا

ما حسبتك تمطر اشواق يالليـل البخيـل=خمس ساعات السحابـه تهـل مزونهـا

وقلت عنك بخيل يوم احسبك ليلٍ طويـل=واثر ساعات الزمـن يـدّرج طاحونهـا

يوم يتبـدد ظلامـك ويعلـن بالرحيـل=مع خيوط الفجر بـان البـرد بشنونهـا

ساقها النود الشمالي على يمّـة سهيـل=وراعي الذود اقتفاهـا ويقصـر دونهـا

مابغى صخب المدينه ولا غرس النخيـل=ولا امتطى ركب الحضـاره ولا قانونهـا

ما ترجى فزعة(ن) من شجاع ولا ذليـل=يرجي اللي قدرته بيـن كـاف ونونهـا

حيرته في سلم الاصحاب ماحصل دليـل=شاف في الصحبه عجايب ويجهل لونهـا

ومستحيل يصدّق اللي نقل قال(ن) وقيـل=لا اذن له سمعت ولا عين شايف نونهـا

ولا شذب عرقوب للي مقفي لـو يعيـل=ولا دخله الشك في النفس لو يشنونهـا

وما مشى له درب في ليل كود اشعل فتيل=من علوم المعرفه ضمن مـن يشرونهـا

داعي الريبه يزاوم نفوس(ن) مستحيـل=انها تشفى من الشـك فـي مضمونهـا

والمواري كنها البرق في دهـم المخيـل=وايتلاشا كلمة السـوء ضمـن فنونهـا

اتخذت الصمت قيمة وانا عابـر سبيـل=والسكوت من الذهب يوم اصوغ لحونها

وقالوا ان الهرج فضه ومحصوله قليـل=في ملاذ الصمت ما ابغى ثقل موزونهـا

بس لا ياخذ بخاطره ابو خصر(ن) نحيل=يوم أودّع للمجـرّة واسـوق ضعونهـا [/poem]



[align=center]نزف الشاعر

كديميس السيحاني[/align]

[عبدالمحسن العصيمي]

إلى متى


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
إلى متى ياقلـب تخفـق لطريـاه=وإلى متى ياقلـب وأنتـه تحبّـه

ألى متى ياقلـب تغفـر خطايـاه=دامه يزيد الوجـد فيـك ويشبّـه

إلى متى ياقلـب وأنتـه ترجـاه=وهو الغرور أعماه عنك وذهبّـه

إلى متى ياقلب تصّبـر برجـواه=دام إمتحان الصبر خلـك رسبّـه

اللي نسى ياقلـب لابـد تنسـاه=واللـي تكبّـر لازم إنـك تكبّـه

ماهي بلحيـة صبـر ولا مـداراه=المقفيـه بالمثّـل ياقلـب طبّـه

صبرك على جرحك يفيدك وتلقاه=وصبرك على المقفي هبال ومسبّه

شفت آخرتها قال مأنتـه بويـاه=عنك أنتحى في صوب ماخاف ربّه

ودامه نوى يسري بغيّه وعميـاه=أنا علـي ّ أقـول وأنتـه تنبّـه

الحر مايصبر على الضيم لاجـاه=ما يقبل الحقـران غـار الجلبّـه [/poem]


[align=center]نزف الشاعر

نياف العتيبي[/align]

[عبدالمحسن العصيمي]

سخيفه فكرة الفرقا


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مجرد طـاري الفكـره علـى بالـي بهجرانـك=تموت بداخلـي فرحـه ويعلـن دمعـي نزولـه

تصـدق كنـت ناويهـا تعيـش بنـار أحزانـك=أروح بعيد واشهرها سيـوف الوقـت مسلولـه

لك الله خطوتي الاولـى مشـت عميـا لعنوانـك=بدون أحـس أو أشعـر فقـد هالقلـب مدلولـه

لقيت العين فـي عينـك ورجلـي عنـد بيبانـك=ضحكت وقلت في نفسي(محاااال أنسااااااه بسهوله)

سخيفه فكرة الفرقا وأسخـف حييييـل نسيانـك=إذا دنياي مـن دونـك تخلـي الـروح معلولـه

تصـورت الجفـا لعبـه وابلعبهـا بميدانـك!!!!=أثر(طبع الهوى غااااااااالب) عبارة حـق مقيولـه

هزمني عشقي الصادق وملك هالقـاف شيطانـك=إذا جيت أكتب حروفي لغيـرك صـرت مشلولـه

أنا ما عـاد يعنينـي وجـودي وسـط شريانـك=يكفي الإحتواء اللـي معـاه النفـس مذهولـه!! [/poem]


[align=center]نزف الشاعره


همسات الليل[/align]

[عبدالمحسن العصيمي]

الحظ


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياشينهـا لامـن حـظ الكفـو مــال=وحـظ الـردي قايـم ولاجـاه ميلـه

بعض الحظوظ تخلـي الخبـل رجـال=وتحطه اطيب شخص من بيـن جيلــه

لـو كـان ماينبـاع فالسـوق بريـال=ويفر عينه مثل عين ( الحسـ0000 )

جثه عليهـا ثـوب وشمـاغ وعقـال=وليـا انبقـط بالهـرج مافيـه حيلـه

يالله دخيلـك مـن تردايـة الـحـال=ويالله دخيلـك مـن دروب الفشيـلـه

فـي عالـم ٍ مايعتـرف كـود بالمـال=يعنـي علـى موتـر جديـد ٍ مديلـه

ولا00 على منصـب كبيـر ٍ وفعـال=تحتاجـك العالـم بنـفـس ٍ ذليـلـه

أما كـذا ولا 00فخلـك علـى الجـال=( وراك عيشه ) فنت راعـي جميلـه

من قال هذي المرجله بس مـن قـال=المرجلـه فعـل ٍ مـوضـح دليـلـه

لايـازمـان المصلـحـه والتحـيـال=لاتهضـم حقـوق الرجـال الاصيلـه

اللي لهم في صفحـة الطيـب منـزال=اهـل العلـوم الطيـبـات الجزيـلـه

راعـي المراجـل للصعيبـات جمـال=الله يعيـنـه بالحـمــول الثقـيـلـه

معنز ٍ من جـد مـن عـم مـن خـال=قـرم ٍ مهيـل ٍ مـن قـروم ٍ مهيلـه

يفدونـه رخـوم ودنافيـس وانــذال=وتفـداه زنـد ٍ ماتـشـب الفتيـلـه

قول وفعـل والقـول مثبـوت بفعـال=القـول يفنـى والفعـل مـن يزيلـه

رزقه على اللي ثبـت الارض بجبـال=ماهوب مـن عنـد اليديـن البخـيلـه

وان كان مـال الحـظ ياطيـب الفـال=مالـك علـى تعديـل حظـك وسيلـه

اصبـر وربـك مايخـيـب لـلامـال=ماغيـر ربـك واحــد ٍ تشتكيـلـه

لكـن والله مايـكـدر لــي الـبـال=ويضيقـه فـي كـل يـوم ٍ وليـلـه

الا00 ليامن شفت حـظ الكفـو مـال=وحـظ الـردي قايـم ولاجـاه ميلـه [/poem]



[align=center]نزف الشاعر

بدر السبيعي[/align]

[عبدالمحسن العصيمي]

إلى وصالك دلني


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جيتك وأنا كلي أمل أحظى بلحظـه مـن وصـال=(( إلى وصالك دلني )) ياسيدي هل من سبيل

جيتك على وعد ٍ خذيته منك يـا عـذب الـدلال=نسيت .؟ لاتنسى انا عندي على وعـدك دليـل

لولاك ماغامرت فـي نفسـي وسويـت المحـال=لكنهـا نـار الغـلا شبّـت وهـان المستحيـل

ولولاك مامشّيت رجلي في وعور وفـي سهـال=ولولاك ماجرّيت موالـي وأنـا أناظـر سهيـل

ياما سهرتـك ياعيونـي ليـن أتعبـت الليـال=ياروح روحي كمّ انا سامرت بـك نجمـات ليـل

رح إنشد الصحـرا ودوّر فـالمراقيـب الطـوال=عني وتخبرْك الصحاري يوم أنـا ليلـي طويـل

رح وإنشد العشاق كم شالوا مـن حمـول ثقـال=إي والله إني من بعادك شايـل الحمـل الثقيـل

قل للشجر لما تمـره ليـه غصنـك فيـك مـال=صدقني بيقول الهوى من وين ماهفهـف يميـل

المشكله خابر ظـروف الوقـت حـل ٍ وإرتحـال=باكر ولو زان اللقـا لابـد مـن يـوم الرحيـل

لكن انا كلي أمل أحظـى بلحظـه مـن وصـال=(( إلى وصالك دلني )) ياسيدي هل من سبيل . [/poem]


[align=center]نزف الشاعر

مبارك أوظهير[/align]