نبع الحنان

[abdullah1]

الجنان

السلام عليكم ورحمة الله وبركاته .
هذه القصيدة في أغلى انسانه لم اراها في حياتي رحمها الله رحمة واسعة وجعل قبرها روضة من رياض الجنة واتمنى ممن يقرأها الدعاء لها.


[align=center][frame="10 50"]يالله اللـي رحمتـه عـدت حـدود المستحـيـل
صبر القلب الحزين اللـي فقـد نبـع الحنـان
رغم طول الوقت ما بين القصيده والرحيـل
اشهد ان القلـب يفقدهـا ولـو طـال الزمـان
لا تلومونـي تـرى اللـي فاقـده مـالـه مثـيـل
كيف ما افقدها وهي عندي لها قدر ومكان
شفتـهـا مــره وحـيـده لـكــن الـمــده قـلـيـل
شفت صورة وجههـا فيـه المـودة والأمـان
منوتي شوفـه طويلـه تشفـي القلـب العليـل
ودي أسعد في لقاها واطلق لحزني العنـان
واتمـنـى شوفـهـا دايــم صـبـاح وكــل لـيـل
كـل يـوم ولا تفارقنـي ولـو بـعـض الـثـوان
اعذرونـي والله اللـي فـاقـده مــا لــه بـديـل
احمد المولى على حكمه عظيم ولـه شـان
هـذي امـي شفتهـا رؤيـا قبـل وقـت طـويـل
لانها ماتت وانا في المهد مدري ويش كان
يالله اجعل قبرها روضـه مـن الجنـه ظليـل
وفي جنان الخلـد نتقابـل واشاهدهـا عيـان[/frame][/align]

---

kfu hgpkhk

[نجوله]

يا الله والله مبكية وحزينة فعلاً
الله يعوضه عن فقد أمه خير
وصح لسان القايل وسلمت على النقل

[abdullah1]

يا الله والله مبكية وحزينة فعلاً
الله يعوضه عن فقد أمه خير
وصح لسان القايل وسلمت على النقل

شاكر لك اختي الكريمه على مرورك ومعذره على عدم التنويه من البدايه على ان القصيده لي وليست منقوله لاهنتي على تواجدك.

[نجوله]

صح لسانك أخوي ويعوضك ويعوضها خير بالآخرة

الله يرحمها ويغفر لها ويجعلها من عبادة الصالحين

[سديم ـآلهتآنـ]

[align=center] وعليكم السلام ورحمة الله وبركاته

صح لسانك يالطيب

والموت علينا حق الله يحسن خاتمتنا ياربــــــــــــــــــــــــ

اللهم أرحمها ونقها من الخطايا
اللهم ارحمها برحمتك الواسعه
اللهم أرحمها وغفر لها وغفر لموتى المسلمين اجمعين[/align]