نزعل ونتكبّــر وحنا من الطيـــن إهداء لـغير مسجل

**الأ لمعي** · 12-Jan-2007,07:55 PM

مافيه داعي تدمي الجرح الدفين
لا لاتقلب في جروووح البارحه
ماودي انا نعيد ونزيد ويبين
شي في نفسي من زمان وطارحه
السالفه راحت ومنها منتهين
والسبب واضح لك ولاني شارحه
قلب تغني بك في ليل العاشقين
مايشتهيك اليوم وانته جارحه
ياصاحبي تدان مثل ما تدين
والصدق كنز للقلوب الفارحه
والصبر مفتااح الصبر للصابرين
واللهو سلوى للقلوب المارحه
قالوا هل الحكمه وناس عارفين
اذاتبي تكسب محبك صارحه
هي كذا والسعد حظ القانعين
وانته اعمااك الطيش وعينك سارحه
مافيه داعي للسوالف وانت وين
ياصاحبي واليوم غير الباااارحه

**غوايش كيووت** · 12-Jan-2007,08:28 PM

السلام عليكم اخوي ابو عبد الله على راسي والله بس بغض النظر عن قصيدتي الي كتبتها سواء كانت عن تجربه او عن غيره لاكن في هذا الزمن كثرت الخيانه وهذا هو مقصدي وصارت المصالح هي الي لها اولويات واذا الواحد حب من قلب طلع غلطان واذا خان اعظم ما اقول لاحد يحب لانه صعب الواحد يعيش من دون الحب هذا طبع الانسان والقلب ما إنخلق عشان نعيش ويدق دقاته بس كمان عشان يرعى الي يحبه بداخله ولاا انا غلطانه بس الحين صعب انك تلاقي شخص تثق فيه وتعطيه قلبك الي هو اغلى ما تملك.وتعليقي على القصيده رائعه وشكرا لانك اهديتها لي بس ليس مانتمناه نناله دائماوالي كتبها شخص ذو احساس جميلوشكر انا في انتظار جديدكاسفين على التأخير المفروظ اكون اول الناس الي ردو بس اعذرني

((تصفية القلوب من الاحقاد لاحظت انك كررتها كذا مره انشاء الله قلبي مب حاقد على احد لاكن مثل ما قلت في كلامي فوق))

**شوق السنين** · 12-Jan-2007,10:18 PM

نفخر نقول إنا على الصد قاوين
وهــــي علينا . في الحقيقـــــة قــــويه .!!

بصرااااااحه اعتقد لو كان هالبيت لحاله يكفي
عن جد كلمات حلوة . ابو عبدالله
مااعتقد وحدة مثلي تقدر تعطي هالكلمات حقها بكلمتين او تعليق
لانها قصيده اكثر من روووعه
بس

مين اللي قال بيني وبين أحد مشاكل الله لايجيب الزعل!!

صح
انت ماعلقت على القصيدة اللي انا نزلتها بس انتظر ردك ورد باقي الاعضاء
ومشكوووووووووووورين

**ناصر الشمري** · 13-Jan-2007,12:28 AM

السلام عليكم ورحمة الله وبركاته
بصراحه ابو عبدالله قصيدتك هاذي قمة الروعة وقمة الابداع الفكري وقمة النضج الذهني في عالم اليوم وهذا يدل على انك انسان كبير والكبير كبير في ادائة وفي شعره وفي مكانه وفي كل شي يمشي اليه وبصراحه انا صحيح اكتب شعر بس انت قمة الشعر ورحم الله امرا عرف قدر نفسه وهذا يدل على انك شاعر صح مو اي شاعر انا ادري ان شعراء بمعنى الكلمة ماشاركو في شاعر المليون في الامارات بس اعرف حق المعرفة ان عندنا شعراء بالسعودية فطاحلة شعر من قلب ولما يكتب الواحد يكتب صح تتاثر في كلماته وشعره .
تسلم وسلمت اناملك اخوي ابو عبدالله ونحتاج مشاركاتك في هذا المنتدي وخبرتك لان الخبرة لها دور في الحياة .

**النجلاء** · 13-Jan-2007,01:33 AM

صح لسانك اخووووووي ابو عبدالله

اخجلتني ياغالي<<<<<والله ماحد درى عنك اسكتي بس

امزززززززززح -بجد صح لسانك ابدعت

اختك النجلاء

**شوق السنين** · 13-Jan-2007,01:42 PM

ابو عبدالله أشوف الكل محتج على الاهداء
ولا أنا فاهمه غلط
اتمنى توضح الأموور أكثر
واعتقد
ماله داعي الردود اللي تلمح لحاجات بايخه
لو بصدق اصدق بكيفي
كل واحد عارف نفسه تمام ماخذ مقلب ولا لا
عالعموم اذا حبايبك كثيير انتبه لاتزعلهم
انتظر ردك
ومشكووووور

**أبوعبدالله** · 13-Jan-2007,02:39 PM

أخوي الألمعي ماشاء الله عليك مبدع بكل ماتعنيه كلمة مبدع من معاني وقصيده روعه والظاهر اخوي انت مريت في تجربه واثرت عليك وفيه حكم روعه في القصيده بس يالغالي انا ماقصد انك تنظلم وتسكت لا اقصد انك لاتخسر احبابك عشان اي سبب تافه حتى لوكبير صارحه واذا اصر لاتهجره لا خلك خويه بس اخف من اول وحسسه بغلطته وصدقني يجي يووم ويندم ويرجع لك لكن لو الكل كبر راسه وراح بطريقه ماضن ترجعوون لبعض وتذكر يالغالي ان دوام الحال من المحال يعني مافيه ملاك على هيئه انسان يعني لزوم يجي يووم ويغلط عليك واذا كانك تحبه صدق اصبر عليه وصارحه .

أختي غوايش تسلمين على المروور بس يالغاليه ليه نقوول الزمن والحب ليه مانقوول العيب فينا . أول شي الحب مافيه احلى منه واذا صارت مشكله على طوول قلنا الحب شين لايوخيتي الحب زين بس المشكله فينا لننا نغلط في الأختيار ولوولحظتي كل الي يسبون الحب اذا سألتيه ليش حبيت يقوول عجبتني اوعاجبني طيب وش الي عجبك يقوول شكله أوشكلها ياوخيتي الناس مهي مظاهر الناس مخابر واذا تبي تحبين صح حبي راعي الأخلاق الزينه والأخلاق ماتزين الأبزينت الدين يعني اخلاقك بدوون دين ماتنفع وانا كل الي ودي اوصله ان العيب فينا لأننا لم اخترنا الي نحبه غلطنا في الأختيار ولا اننا متخيلينه ملاك وماصدقنا اننا نمسك عليه زله وبعدين ذا مهو حب ذا أعجاب أوحب شهوه واسمحي لي على ذا التسميه بس اغلب الي يدعون الحب كل همهم شهوه بس طيب وش عقب الشهوه خلاص انتهت الدنيا ونسينا الحب لانه مهوحب اعجاب بس لكن لوحبينا الشخص نفسه يعني أخلاقه دينه واخر شي نفكر فيه الشكل ولايعني ذا اننا نحب واحد مهوزين يعني شين لانحب واحد وسط لاهو شين ولاهو زين والي يزينه دينه واخلاقه وعاداته واسلوومه يعني وش فكره واعتذر اذا كاني فهمتك غلط بس هذا الي فهمته من كلامك يالغلا. وانا ماقصد انك حاقده على احد لاني ماعرفك زين بس الي اقصده دعوه عامه بصيغه خاصه لتنظيف القلووب .ويسلموو على المروور يالغاليه .

أختي شووق السنين تسلمين لي على المروور يالغلا ويسلمووو على الكلام الحلو ومهو مستغرب عليك يالغلا . والله لايجيب الزعل بيننا ولابين اي احد نعزه اونعرفه والله يدووم المحبه وكل قصدي تنظيف القلووب ومراجعت الحسابات بس. واذا كان على قصيدتك بذن الله اسير عليها قريب . وتسلمين لي على هيك مروور .

أخوي ناصرهلاوالله هلابك يابن اخي هلابشمر كلهم هلابهلي ولايهونون البقيه و يسلمووو على المروور وعلى الكلام الرووعه وياخووك مهو انا الي قايل القصديه انا اعجبتني وقلتها لكم وماكتبت منقوول عشان محد يهملها والكل ياخذ المضمون منها واذا كان على الشعراء يووجد وكثير ولكن بعضهم لايحب الشهره ولايحب انه يتكسب بشعره اويعتبره وضيفه لان الشعر احساس والأحساس لايباع ولايشراء .وتسلم على المروور الرووعه

أختي نجلاءصح بدنك يالغاليه ويسلمووو على هيك مروور وبعدين من قال مادرينا فيك تراك غاليه ومافيه فرق بينك وبين البقيه كلكم مثل مثل كلاكم حبايبي واخواني .

أختي شووق السنين تسلمين لي على تنويرك صفحتي مره ثانيه ويالغاليه لاتاخذين بخاطرك من احد ولانسيتي القصيده . وبعدين يالغاليه ترا الكل مثل مثل هنا واتمنى منك تتذكرين ذا الكلمه زين (كلام الشات ينشات ) يعني لاتاخذين على خاطرك من احد وماجاك امسحيه بووجهي يالغلا .

ويسلموووووووو يالغالين على تنوريكم صفحتي .

ولاتحرمونا من هيك طله مره ثانيه ترا كل صفحاتي لكم يالغالين

أخوكم المحب / أبوعبدالله .

**AbDaL3zEz** · 13-Jan-2007,03:11 PM

صح لسانك يابو عبدالله

و يعطيك الف عااافيه على الكلمااات الرووعه

**غوايش كيووت** · 13-Jan-2007,07:37 PM

اخوي ابو عبد الله انت فهمتني غلط لان تفكيري مب كذا وانا يوم قصدت كلمة الزمن ما قصدت ان الزمن غلط لا الغلط فينا مثل ما انت قلت لان زمان اول غير الحين والناس تغيرو صارت المصالح فوق كل شي والحب ما هو على الشكل والمظهر مثل ما قلت يعني مثلا اني احب شخص عشان شكله وش ذا الجنون الحب حب القلب تحب الي جوات الشخص مب الظاهر تحب شخصيته ادبه احترامه اخلاقه وهي الاهم واكيد رح يكمله الدين وفيه مثل يقول((ياماخذ القرد على ماله يروح القرد ويبقى القرد على حاله))<<يعني لازم نفكر بعقل اذا جاء الجد ونشيل العواطف ونشوف كل الجوانب الحلوه في الشخص والشينه ونكتب السلبي والايجابي ولو الكل اتبع هذي الطريقه كان محد تعب ولا احد حس بالمرار>>مثلي لاني ما استخدمت هذي المعايير مثل الكلوفيه صقه احب اضيفها لك اخوي ابو عبد الله ولكل الي يقراء تقول((بنت تدم لخطبتاه ثلاث اشخاص الاول:جميييل وجذاب وعلى قد حاله الثاني:كبير في السن بس غني الثالث:فقير وعادي ابوها شاورها من تاخذين قالت البنت يابوي الاول لو باخذه بتعب معه لانه جميل ورح يغتر علي الثاني غني لاكن تروح الفلوس وتبقى النفوس او تروح النفوس واجلس بلاسند الثالث ابقبل فيه لانه فقير والفقر ما يعيب على الاقل يكون قلبه على قلبي ونعيش سوا))اعذروني لو في القصه نقص لاكن ناخذ المظمون منها وشكرا لك اخوي معليشش على الاطاله وانتظر جديدك وشكرا