اب يرثي ابنه ليله العيد عندما مات ابنه

[بنــت المــها]

العيد, ابنه, يربي

بـــــسم الله الرحمــن الرحيــــــــــم
هذه مرثية اب في ابنه بعد ما وافته المنية اثر حادث
لليلة عيد الفطر وهو قادم لقظاء العيد مع اسرته
في احدى المحفظات بين الرياض والجنوب.
قال فيها

(( صدوف الزماني ))


[poem=font="Simplified Arabic,6,white,bold,normal" bkcolor="darkblue" bkimage="" border="inset,7,burlywood" type=2 line=1 align=center use=ex num="0,black"]
نهار ثالث عقب عيد رمضاني=ناس عطاها الله وناس محرومـــه
احد قضى عيده سلام وتهــــــاني=واحدن توصله الكواكب همــــومه
صادفت صدفه من صدوف الزماني=منها قوي الحيل تفتر عـــــــزومه
هذا زمان الهم والامــــــــــــتحاني=وقت على قلبي تعاقب سهومه
الاوله كامل جميع المعــــــــــاني=مزبن المظيوم شرع الخصــومه
محمد الي في القسا واللــــياني=عقبه سمايه غايبات نجــــــومه
والثانيه باقرب قريب ودانــــــــي=خامس عيالي يوم جتني علومه
قالو مابين الخاصره وحلبانـــــي=ولدك مات اللي ترجي قدومــــه
جاء يومه الموعود باربع ثوانـــي=قلت السبب قالو دنى منه يومه
علم على الكبد الصخيفه كواني=كيت عطب ما تنشكى للحكومه
تهشمت كل الضلوع المحانـــي=مفجوع والمفجوع محدن يلـومه
اخذت لي ساعة وانا في مكاني=حسبت لي عشرين طيحه وقومه
وليا بغيت الهرج ييبس لسانــي=والذاكره عندي تقول معـــــــدومه
قمت اتلفت واتسمع باذانــــي=من شاف حالي ما تهنى بنـــومه
مما بقلبي رحت بالليل عانــي=للموتر الي ما بقى الا رســــــومه
عن روحتي ياليت ربي نهانـي=ولا شفت دمه سايح في هــــدومه
قمت ودفنته والله المستعاني=في خرقت(ن)بيظاء عليه محزومــه
يوم الجنوب بلاد قحطانــــــي=والحر غير لون وجهي سمومـــــــه
واقفيت من عنده وعشري ثماني=مثل المصبح والبلاد محكـــــــــومه
والله لولا اني وسبع البطاني=لا صكها مثل اشقر الريش حومه
طاوعت نفسي مير عقلي قواني=عن الخطا ما فيه نفس معصومه[/poem]


عذرا للاطالة
نسال الله ان يتغمده برحمته ويلهم اهله الصبر.

---

hf dved hfki gdgi hgud] uk]lh lhj hfki

[محمــد الرويلـي]

بسم الله الرحمن الرحيم


والسلام عليكم ورحمة الله وبركاته



مشاركه جدا رائعه أختي الله لا يحرمنا من أبداعاتك


وشكرا على تواصلك وبأنتظار جديدك


لك ودي


أخوك


محمد الرويلي

[ماجد العبيوي]

صح السانج اختي

ولاهنتي على هالبوح الحزين

وهيا تشكي حزن اب بفقدان ابنه

تقبلي تحياتي

[طـــــبشوره]

يا عمري الله يرحمه .ويصبر اهله

يسلموووووووووووو

[بنــت المــها]

يسلموااااااااااااااااا على المرور

[}}قايد الريم{{]

حقيقه ليتني ما دخلت وقريت القصيده !!

حزينه والله حزينه

الله يرحم فقيد الشاعر
ويصبر الشاعر على فقدان فقيده



يعطيك العافيه بنت المها
ودمتم بألف خير

[ذيب المطيري]

طاوعت نفسي مير عقلي قوانـي
عن الخطا ما فيه نفس معصومه
بنت المها يعطيك العافيه تحياتي لك اختي
تقبلو المرور


تحياتي


الذ يــــــــــــــــــب!!!!!!!!!!

[الحالمهـ]

يعطيك العافيه بنت المها

[القيصر تينوو]

الله يرحمه ويرحم موتى المسلمين

ويعطيك العافيه بنت المها

[أبو راوية]

يعطيك العافية أختي بنت المها
لكــــــــــــــن بقول شئ فيك عرفته من شعرك الرائع
عـــــــــــــزالله أنك شاعــــــــرة بنت شاعــــــــــــــــر
وصح لسانك والله يوفقكي
والسلام خير ختام