قصيدة فتاة تـــاركها ابوهــــــامؤثـــره ـ!!

**نصراويـه 11** · 25-Dec-2006,07:41 PM

السلااااامكيفكم انشاءالله منيحين

قصيدة تحمل الكثير من الحزن ولكنها رائعه في صياغتها
وهي تحكي واقع فتاة عاشته بعد طلاق والديها وان والدها
تركها ولم يسأل عنهـا الا عندما كبرت وجائها الخطاب ليخطبوها
وكان طامعا في مهرهـــا

هذا التعليق من خلال قرائتي للقصيدة اترككم معهـــا

فـي طقـه البـاب يفـرح قلبـي وعينـي
أركـض عليـه احسبـك يابـوي طقيتـه

خمسة عشر عـام تاركنـي وناسينـي
ياكـبـر ذنـبـك عـلـى بنـتـك وسـويـتـه

أنــا ضحـيـه زعــل مابـيـن قلبـيـنـي
تـفـرقـوا والـثـمـن بالـعـمـر لاقـيـتــه

من صغرتي كنت أضنك فرحة سنيني
مير الله اقوى على اللي بسبتك عانيته

في ضحك الأطفال يحرقني ويكوينـي
أنــك بعـيـد وغـيــري الـيــوم جـيـتـه

طول الدهـر عفتنـي واليـوم ترجينـي
عشـان طـاري المهـر ياشيـن ماجيتـه

ابيـك ضــد الـزمـن سـاعـة يبكيـنـي
وابيـك تمسـح سحـايـب دمــع هليـتـه

واذا مرضـت انـت يـابـوي توديـنـي
تشوف وش علتي مـن وضـع قاسيتـه

وتشـري لعبـه يابـوي فيهـا تسلينـي
تاخذ بعضها وانـا اخـذ منـك ماعطيتـه

فـي ليلـة العيـد ماألقـى مـن يهنيـنـي
الا امــي الـلـي تـحـس بـهـم اخفـيـتـه

يابـوي نظـرة غـلا ماهيـب ترويـنـي
ان ماحصـل بالعـمـر قـربـك وحسيـتـه

لـونـي يتيـمـه لقـيـت الـلـي يعزيـنـي
وانساك يامن ضويت الشمع واطفيتـه

مصيبـه أنـي ثـمـر قلـبـك وترميـنـي
في ظل زحمه غريـب صـرت فـي بيتـه

انتظــــر ردودكــــــم

**ســـ $$ ـــراب** · 25-Dec-2006,07:59 PM

الله يجزاك كل خير

قصيده رائعه ومعبره ومؤثره جدا

وجات في الصميم

الله لايحرمنا من مواضيعك الروووووعه

**دوست دارم** · 25-Dec-2006,09:59 PM

لاحول ولا قوة الا بالله والله قصيده تحزن
عسى الله يعوضها خير من ابوها يارب
رجال صالح يصوونها ويعطيها الحنان كله يارب

**سديم ـآلهتآنـ** · 25-Dec-2006,10:20 PM

رائعه أختي
الله يعطيكـ العافيه ع النقل
جزاكـ الله خيراً

**بَرَِآءَةْ دَمَعَتِي** · 26-Dec-2006,09:49 AM

وعليكم السلام

لـونـي يتيـمـه لقـيـت الـلـي يعزيـنـي
وانساك يامن ضويت الشمع واطفيتـه

مصيبـه أنـي ثـمـر قلـبـك وترميـنـي
في ظل زحمه غريـب صـرت فـي بيتـه

صج قصيدة محزنه
صح لسان اللي كاتبها
يعطيج الف عافيه اختي النصراويه على نقلة رائعه
تسلم يدج