شاركوا معي بقصة وقصيده .

[جنون أنثى]

[align=center][align=center]القصه والله ياجماعه الخير هي قصة بداح العنقري ؟

بداح العنقري هو امير ثرمدا وعلى ماذكر عنه انه امير وفارس وشجاع وكريم والكريم وجه الله .

وبداح العنقري كان معروف عنه انه (طراد هوى)وقلبه مايبي له شي

المهم ولا لكم باطوالها

ذكر احد جماعة بداح العنقري انه فيه بنت امير من امراء الباديه جميله ومزيونه


ومثل ماتعرفون بداح قلبه مايبي له شي

قرر بداح انه يروح لاهل البنت ويخطبها منهم وفعلا راح لهم بداح لكن؟

من اول سلوم الناس (سلوم تعني تقاليد) تختلف عن الحين من اول الناس الي يجيه ضيف ماينشده عن لزومه او طلبه الا بعد مرور ثلاثة ايام

وقعد العنقري عندهم الثلاثة الأايام ذي وصار يلعب مع اخوان البنت

(على الخيل اللعب .لاتحسبونه لعب على السياكل )

وكان مثل ماقلت لكم مشهود له بالفروسيه واعجبو به جماعة البنت وجاز لهم


بعد مرور ثلاثة ايام راح بداح لابو البنت وقاله عن طلبه وغرضه ومير يقوله ابو البنت والله ونعم بس خلنا نشاور البنت

(وعلى فكره ترى ماهوب كل البوادي واحد لاحد يجي يقول اصلا البدو مايشاورون حريمهم)

البنت ياجماعه ردت على ابوه بعد ماشاوره بالرد ذا
(افا يبه غرك الحضري ذا خيال القري ترى حيث انه لعب والا لو انه هوش ماهاش خيال القري زين تصفيح)

ومعنى كلامه انه الحضري او خيال القري الي هي جمع قرى خيال بالسلام والا بالحرب والجد مايسوي شي.

يوم قالت البنت ذي الكلمه ومير يشوم بداح العنقري عن البنت


وقال يافلانه قولي يالله ؟

قالت يالله

قال ان الله يعجل باليوم الي اوريتس فعلي به


والحين لو تلاحظون فيه مثل يقال الي هو
(شيمه عنقريه)

وهي ماخوذه من بداح العنقري يوم يشوم عن البنت


يوم اصبح الصبح وهو يركب فرسه يبي يرجع لاهله

البنت واهله صار الشي الي محد توقعه

صبحوهم الفضول من بني خالد

وتدور المعركه لكن الكثره تغلب الشجاعه ومير يقول ابو البنت انت يافلان ابيك تروح للعنقري

ويمكن تمكنه او ماتمكنه واطلب منه الفزعه

العنقري يوم سمع كلام الرسول الي مرسله ابو البنت قال

ماافزع الين تجين فلانه وتنخاني ثلانين نخوه


يوم قالو للبنت قالت وش لون بس ابي انخاه ثلاثين نخوه ؟

قالت له امه روحي وقولي له

العنقري يارجالي انخاك عشر ويتبع العشر عشرين وذولي الثلاثين


يوم جت وقالت له ومير يفزع وينصره الله ويرد حلال البنت وحلال القوم

يوم قضت المعركه ومير يجيب معه بداح العنقري الاعنه حقت الخيول

(وهي مثل الدليل فاذا كان معه خمس اعنه معناه ذبح خمس فرسان) العنقري جاب الاعنه الي لاتعد ولاتحصى .

يوم انهم شبو نار العز اهل البنت وقعد الشيخ الي هو ابو البنت ينشد جماعته انت كم ذبحت وانت كم جدعت ؟

وقامو يكذبون الي يقول انا ذبحت عشر والي يقول انا ذبحت خمسين


البنت يوم سمعت الكذب والنصب ومير تقوم وتقول لابوه الي ذبح فارس يجيب عنان الفرس


وهي جابت الصفريه الي مليانه اعنه وحطتهن قدام الرجال وقالت ذولي من بداح معطيني اياهن امانه اثناء المعركه

ومير يقوم بداح ويقول القصيده التاليه الي تجمع بين الحكم والفخر والغزل [/align]

[align=center][poem= font="Simplified Arabic,5,crimson,normal,normal" bkcolor="transparent" bkimage="" border="double,5,gray" type=1 line=0 align=center use=ex num="0,black"]
وراك تزهد ياريش العين فينا=
وتقول خيال القري زين تصفيح=
والله لحد ياما غزينا جينا=
وياما ركبناهن عصير مراويح=
وياما غزيناهم وياماغزينا=
وياما تقاسمنا حلال المصاليح=
ويوم الفضول بحلتك شارعينا=
والخيل باخوانك سواة الزنانيح=
اذا انكسر رمحي جذبت السنينا=
وخليت عنك الخيل صم مدابيح=
وترا الظفر ماهوب للظاعنينا=
مجسم بين الوجيه المفاليح=
البدو والي بالقري ساكنينا=
كلن عطاه الله من هبة الريح=
والصدق عندك مير هيا عطينا=
هيا عطينا الصدق يازينة الريح=
هيا عطينا الصدق هيا عطينا=
وان ماعطيتينيه والله لاصيح=
والله لاصيح صيحه من غداله جنينا=
والا خلوج ضيعوها السراريح=
ولي صاحب.كما طلع تينا=
عنهن جديد الثوب غادي تشاليح=
صخف بلطف باعتدال بلينا=
ولا مش مش البصره ولاهن تفافيح=
ياعود ريحانا بجال البطينا=
من وين ماهب الهوى بان له ريح[/poem][/align]


[glow=FFFFFF][align=center]وهو يركب حصانه ويروح يبي ديرته وميرتقوم البنت وتقول يبه يحرمون علي الرجال غير بداح قال له الابو وانتي تحرمين عليه من بد بنات ادم


وتقوم البنت من غير شعور وتلحقه يوم انهم مشو وراها يبون يردونه ومير يلقونه ميته

المهم جاء ابو البنت ودفنها


البنت الي توفت له اخت اجمل منه والاخت ذي قالت لابوه يابه الي ذبح اختي ابي اذبحه


قال الابو ابوك وش تذبحينه به ذا محد ينطحه تبين تذبحينه انتي؟


قالت لا مالك دخل انت حطني في بيت قدام قصر العنقري بثرمدا .

وافق الابو وفعلا سكنو قدامه

العنقري صار كل ماطلع من قصره

تجي البنت وتكشف له محاسنها

ويوم بعد يوم العنقري حب البنت وعلى قولهم (دقر عندها)

لكن هي لها مقصد ثاني اللي هو تبي تولعه وبعدين تتركه وتجحده


العنقري جاه مرض الحب الله يكفينا شره


واشتد عليه المرض الين ماجاء احد جماعته يقاله علي .

واخذه لراس ضلع ماهوب بعيد عن الديره يوم بدآ العنقري يونس الموت

وعلي حمى المخاطر يبي يكويه يحسب الي به الوثاب والوثاب مرض معروف .

ومير يقوم العنقري ويقول البيتين ذولي الي هن اخر ماقال بالدنيا[/align][/glow]

[poem= font="Simplified Arabic,5,red,normal,normal" bkcolor="transparent" bkimage="" border="double,5,gray" type=1 line=0 align=center use=ex num="0,black"]
[align=center]ياعلي هذا الموت ماهوب وثاب=
مير الله الله على الكفن والرهابه=
ولياحملتوني على اللوح والباب=
بالك تحرمن وقفتن عند بابه=
وذا توايق الزين وضاح الانياب=
قله توفى العنقري ياسفبا به=
ذا صاحبي ماهو لغيري بعجاب=
وليا شافني قامت تلاعج عذابه=
وليا شاف احد تغبى ورى الباب=
وليا شافني مافوق راسه رمى به=[/align][/poem]


[glow=FFFFFF][align=center]الله يرحمه ويغفر له ويتوب عليه

وبعد ماقضى العنقري من قصيدته مات فعلا ومير ياخذه علي ويدور به بثرمدا ويصيح ويقول

صلو على الجنازه يالمسلمين .

مر من عند بيت البنت ومير تسأله من اللي مات قال العنقري يطلبك الحل

قالت قل عليه الله

قال عليه الله

ومير تقول اصبر وان مت انا فادفنوني معه


ومير تجدع روحه من فوق السطح وتموت

<<<< تقول الله يستر كل ابطال القصه ماتواااااااااااااااا

وسلامتكم وارجو ان تحوز على أعجابكم

<< الدكتور1 الشيخه عذر1 القو1في [/align][/glow][/align]

[جنون أنثى]

[align=center]الله روووعه مشاركاتكم الله يسعد اوقاتكم

منبع مشكور ع المشاركه الطيبه وننتظر مشاركاتك في هذا الركن

عذر1 اسعدتني مشاركتك من جديد واقول الله لايحرمني منك [/align]

[bdr][/bdr]

[glow=FFFFFF][align=center]والأن شوفو هالمشاركه وان شاء الله تنال اعجابكم

فاجعة بن دويرج

هو الشاعر عبدالله بن علي بن دويرج

من أهل جفن من إقليم السر في نجد

عاش في فتره فيها قل وشح في أسباب المعيشة

أشتغل في النخيل واشتغل مع اللي يبنون يعني جرب أنواع الحرف المعيشية ألين أنه كبر وتوفى الله يرحمه ويرحم موتانا وموتى المسلميين

نرجع لحياته منول لما اشتغل في النخيل يوم انه نشيط يرقى النخل ويلقح ويصرم ويشوك وعقب ما انه كبر شوي ماعاد صار فيه شدة للشغل .

تزوج اخونا حاله حال غيره مثل الناس

وجاه عيال

ومن اول قليل اللي يعيش من العيال لأن الأمراض والصخاين مثل الجدري وغيره .

الله يادافع البلا

من اول يالشايفيين تموت المواليد مافيه مقاومه والعلاج من اول شحيح يعني قليل مو مثل الحين الحمد الله ع النعمه نحمده ونشكر فضله

اخونا الشاعر عبداله .

ربي رزقه بولد وعاش عندهم فتره ليين صار جذع وطلع من عندهم من قريتهم وراح الرياض .

الكاتب اللي اكتب منه القصه يقول مدري مو الرياض يعني مو متأكد يقول يالرياض يالظهران المهم انه اشتغل هناك

وعقب مدة توفت زوجته الأوله وقعد له مدة الين سبحانه وتعالى وفقه ورزقه الله ولقا له زوجة وخذها وجابت له عدة عيال لكن ماعاش له إلا بنت من هالذرية .

ويوم أنه كبر وصل عمره إلى السبعيين عاشت له هالبنية عنده في هالبيت

والبنية دايماً اذا صارت حنونه ولها رحمة تصير قريبه من قلب ابوها دايماً( انا اشهد ) ويشفق عليها أكثر ليه

لأنها هي اللي في وجهه وهي اللي تلبي طلباته وهي اللي عنده قبل

حتى الأم تحبها لأنها تساعدها وتصير معها وتصير دها الثانيه في البيت

زي مايقول الكاتب قربي لي هذا يابنتي وجيبي لي هذا يابنتي

وابن دويرج عايش مثل مايقول الكاتب ببيت شعبي في ثريتهم

ومن أول بيوت القرايا عباره عن مصابيح وعمد وحوش في أسفله سدرة ولا نخلة والحوش الثاني مكشوف وفيه غنمهم وحطبهم

وجزء منه هالبيت فيه ديوانية ومجلس وغرفة ع عامود فهذي الديوانيه وهذي المجلس وهذي الخارجة اللي يقعد فيها

خلاص بنختصر الطريق ونتكلم عن البنت اللي جايب فيها القصيده

البنية هذي عقب ماصار عمرها ست سنيين فزت سبحان الله

اله معطيها جمال بالحيل جميلة يعني وجهها مدوور وأبيض وعيونها وساع وحليله ومربيتها امها تربية حشيمة ملبستها ثوب ضافي اليين يدها والفستان واصل ليين رجليها

وفي ليلة من الليالي في ايام الشتاء
طلب من بنته انها تجيب له حطب من الحوش
راحت البنت وحطت السراج جنبها وتلمست تجيب من الحطب
يوم جت جت بتكسر العود صاير طويل ونقز العود وطق السراج وانكفى السراج
وانكب القاز منه وطفى وهي مابعد جمعت العودان اللي تبي قامت تلمس في الحطب تدور عويدات
واثناء ماهي تلمس والى تنقرص من يدها وتزعق ذيك الزعقه ويجون يركضون اثرها منقرصه من داب قرصه كايده
المهم حزمو يدها وسرى السم في جسمها ويوم يومين
ماابطت وتوفت الله الدايم .
بعدها حشت نفس ابوها وضاق صدره عليها

فالأبو إذا بغى يجلس وشاف الدريشة تذكر وقفتها عنده وأن كان يبي يشرب في ماعون ذكرها يوم تجيبه له وإن جاء عند المجلس اللي هو مجلسه تذكر حسها يوم تقول لبيه

ويقعد له شهرين او ثلاثه اشهر اوكثر على هالحال

الى جاالليل الاظلم يصلي ويدعي لها دعاء عسى الله لايحجبه

ويقول في القصيده هذي:[/align][/glow]

[glow=FFFFFF][align=center]عفاالله عن عين حلا النوم جافيها

كراها قليل وذارف الدمع محفيها

الى قلت الاياعين هيدي وهودي

جرى دمعها الصافي وهلت عباريها

تبين فروع الصبح ماذاقت الكرا

والاالوم عين فارقت شوف غاليها

ولازل يوم او ليله ماتعبرت

عن النوح اعزيها ولانيب قاويها

وانا في رجا جزل العطا عالم الخفا

يلطف بحال خافي الهم باريها

على نور عيني لب قلبي ومهجتي

تحن الضماير كل ماحل طاريها

حنين الخلوج اللي عن الضير فاختت

الى غاب عنها ساعة مايباريها

وانا كيف ماابكي طفلة غضة الصبا

حورية سبحان رب مسويها

نشت بلهدى والدين والحق والبها

قلو طالت الايام مانيب ناسيها

فيها طبوع كاملات حميده

حنون على الجيران ووصال عانيها

عفيفة نظيفه جيب ماداست الخطا

ولاهوجست بلمذهب اللي يرديها

حشى مابها من خافي العيب ذارب

سوى حشمة الوالد فهذا فهو فيها

كمل عمرها ثنتين مع عشر واربع

سوى محترمها تسفهه لويحاكيها

خذت هجرة بالبيت عندي قليله

امانة واخذها الخير اللي عطانيها

فلانيب جزاع فلاشك ولعه

اعرف الامانه مالها غير راعيها

فياسامع دعواي في مظلم الدجى

تمحا خطاياها وتثبت حسانيها

وتجعل لها في جنة الخلد منزل

تقطف ثمر جنات طيبه وتجنيها

وتعوضها في ماقصر من شبابها

برضاك ياخلاقها وانت واليها

الهي ودودي دعوتي تستجيبها

على النفس كله من غلاها مبديها

الاواتكدر خاطري من فراقها

ولولاغلاها ماتكلفت راثيها

سمية دموع المزن في غبة البحر

سوى البنك مايدرك ثمنها ويشريها

وانا ماابي الايوم يطري مسيها

عفى الله عن عين حلا النوم جافيها

وصلو على من لاافترى سيد الورى

عدد ماجرا من رايح المزن واديها[/align][/glow]

[glow=FFFFFF][align=center]وهذي من قصايد الرثاء الجميلة واللب توضح غلا البنت عند أبوها وامها وتبيين وش كانوا الناس عليه من حسن تربيتهم للأولاد والبنات ولله الحمد

تحياتي

ســـــأ!أ!أحــرة الـقـلـوب[/align][/glow]

[جنون أنثى]

[align=center]رووووعـــه كل قصصكم رووعه ابي اجيب قصه وقصيد ماحصل ولا هيحصل


اختكم عذر1 القو1في[/align]

[الأ لمعي]

هذان زوجان متعذبان شقو بالدنيا من اول ايامهم عذاب ونكد بسبب تدخلات اهلهم وهم اقرباء وصدق المثل اللي يقول( الاقارب عقارب ) والرجل بصراحه عان من زوجته لانها كثير ماتسمع لكلام اهلها والرجل صبار وحكيم لجل ان عنده منها ثلاث بنات ومع ذلك كابد معها عشر سنوات على هذا الحااال لعل الله يفرج عما هو فيه وقال قصايد كثيره تبين معاناته والجرح اللى ينزف منه

يقووووول القيده الاولى /

أمسحي دمعتي من خدي
واقول يالله تفرج عني يامناي
أمسح الدمعة من العمر كله
أعطيني سعادة لو مرة ياهناي
أسرح وافرح من بد البشر
أعطيني جو راحة ياغلاي
لاتروعيني مثل روعات الظبي
ترى دمعتي بخدي بصباحي ومساي
أرجووووووك ريحيني وبهجيني
تري ضحكتي تسر خاطري
لايدخل قلبي بناس ثاني
ناظري غربتي وارحميني
ابي افرح واغني ياروح وراقصي
عن سعادة حب وابهجي
ابي اكمل منيتي من بين كل ناسي
فرحة تدوم مع خل يقهر الحسادي
ابصبر مع الثلاث لانهم شيباتي
وابكتم عنهم كل غمي وهمي
ابحزن لجلهم يا ضناي
وابكي لجلهم واقول يارب استرني
واكتب لنا الخير بين الانامي
وامسح دمعتي بالفرج من على خدي


القصيده الثانيه / الحسره

يالله يامعبود ياعالم السرايا
تغفر ذنوب الالمعي من الزلات والخطايا
يامخرج ايوب من البلايا
تكشف كربتي بين البرايا
ياناس تعبت من علة صارت بشقايا
تلبدت بقلبي جراح بالعلايا
يدمع لها العين بسيالا
وينفجر لها القلب من الكتاما
يسهر لها خاطري بين النجوما
وتنحسر نفسي من النداما
يتبهرجن من الزينات بين الاناما
ويضحكن بلا احساس الهموما
يحسبون ان المال كثير بهمالا
ويسخرن فيني من الكلاما
يفروحون بخطاي بين النشاما
ويفضحون السر بين القرابا
يسروحون بسمعتى بين الملا
يسمع لها الداني من العليا
يفرح لها العدو قبل الصديقا
ويشمت بنا الانام بشامتينا
يحسبون انى من الفراق بنداما
ينعاف قلب امباع برخيصا
يصيح صوتي ويتحسر قلبي على الثلاثا
زهور مالهم غير رب البرايا
يارب احفظهم من كل الشرورا
واجعل لهم امل وحظ كبير بالمستقبلا


القصيده الثالثه بعنوان / الناس تهنو بالعيد وانا ماتهنيت
يالله ياللى تستجيب الدعوات
تفرحني مثل الناس بالمسرات
الناس تهنو بالعيد وانا ماتهنيت
أضمد جروحي من والويلات
أساير نفسي من الطيحات
واخادعها بنجوم السهرات
أكابد من هموم قلبي الجراحات
جرح عميق تصدع من العلات
علة في حياتي من الزمانات
ظلت عشر عجاف معشعشات
أهل يبون كنز من المليارات
وأهل يبون تسديد الديونات
انا ديوني غارقه بالويلات
اسهر الليل بالونات
أصبح على ذل من الحسرات
لا يشوفني اصحاب الديونات
اتقول تبي قصرا مثل الاخوات
وانا ظروفي مايتحمل الصعيبات
ابكي من هم سرابي بالشرقيات
وابكي على ثلاث كيف بالمستقبلات
أفكر اسافر عنهم وانسى الهمومات
افكر اندعس بين السيارات
ادور بالدنيا اى من الشغلات
اثارها ماهي من النصيبات
ادعوا ربي خالق البريات
يفرج مابي من الكربات
وصلاة ربي عد ماهل من القطرا ت
يلحقنا بمحمد واصحابه بالجنات

[عبدالمحسن العصيمي]

نأسف على التأخير بالدخول

واليوم جايب لكم قصة وقصيده



في عام 1421هـ

وفي عيد الأضحى مجموعه شباب من قبيله الشرارات بالجوف

في رحله بريه على سيارتين

وعند عودتهم أنقلبت احدى السيارات بالطريق وتوفى اصغر واحد فيهم

وكان سائق السياره أبن عمه ويدعى خميس

والشاعر قيل انه اخو المتوفي الأكبر

وهذي هي القصيده


يالجتي لجات خلج البعارين
خلت ولدها للظواري هديه
تجاوين حين الضحى بين نجعين
من الشروق لحين وقت المسيه
ولا كما لجات ظولة فلسطين
يوم المعادي جاه بالمدفعيه
ولاكما دقات عود الشقيين
يجاوب الألحان كالسمسميه
ماهو غلا ياناس مدعوجه العين
على الذي تنعاه كل السميه
جاني خبر بعام واحد وعشرين
تسعة عشر من بعد عيد الضحيه
يوم الربوع الصبح جاني خبر شين
قبل المنادي حادث بضحويه
مات العزيز الي من الناس مغلين
وتخالفت ممشى القلوب السويه
حطوا عليه من الكفن حول مترين
وحطوا النصايب طية فوق طيه
وانا جداي اكتب من القاف حرفين
ونوح نوحة جاذب الوارقيه
توه صغير السن من فوق عشرين
لازاد بعده ولا تأخر شويه
وانا من اول جاعله بين قوسين
مدعيه ذخر لليالي الرديه
خميس لو تصرف دموع من العين
ماعاد يرجع من خذته المنيه
وانت العوض يازبون المخلين
حيث عندك يالسنافي حميه
والله لولا الموت للأدمي دين
حكم القدر غير ياتي عليه
لقول ليته عاش من فوق سبعين
أو ليت عن موته يموت الرميه
دلهت نفسي عن فراق المحبين
ولاظن راع الولف ينسى خويه
ودمع الجفا مني تحدر على العين
يشدي كما عدن تراهت دليه
وكل مانصحت العين تقول بعدين
ولاجف دمع العين قالت شويه
اسهر ثمان ايام وانام يومين
ماترحميني يالعيون الشقيه
اسهر كما يسهر قريص ام قرنين
كن الوريد بداخله سم حيه
والي خذاه الموت غيره كثيرين
لكن غلاه يازن من الناس ميه
وصلوا على سيد العرب والنبيين
محمد المختار اخر نبيه

وسلامتكم


والي ماهو فاهم بعض الكلمات يقول لي وافهمه :)

الله يرحم ميتهم ويدخله الجنه

[أحمد العسكر]

مشكورين اخواني على القصص الروعه

واخليكم مع القصه هذه اعجبتني مره


الشاعر دعسان بن حطاب الدويش المطيري نزح شمال بسبب خلاف بينه وبين ربعه وراح يم النوري بن شعلان لقاة في مجلسة وقال السلام عليكم ومحد رد علية وقال السلام عليك يالنوري بن شعلان بعدين قال النوري يا دليم قلة هلا دليم القهوجي. من قوة الكبر والنوري اشتهر بالكبر .

بعدين قال دعسان القصيدة هاذي

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهل النضا حذرا تطيلون قامة =شيلوا عليهن طلعت الشمس ماشين
يا ليتني جنبت خازن سلامة=اما هزعت يسار والى على يمين
اما على الجربا مسفح يدامة =وألا لخو بتلا صعوط المجانين
من ذاق ركب الكور عاف المسامة=ومن رافق الدوشان عاف الشعالين
ربعي على كل القبايل ردامة =على الرضا وألا على غير راضين
ربعي أليا اخطا الراس لبس العمامة=أهل ماقف(ن) ثابت على العسر والين
لابد من يوم يثور عسامة =يقضى به الديان من راعي الدين
يجيك شغموم(ن) خوالة عمامة =يلحق على قلبن تهبد بالقين
توة صغير السن ماجا تمامة =ويدور النوماس عند المزايين [/poem]


تنوية ,
الجربا امير شمر
أخو بتلا ابن هذال أمير شمل عنزة



للمعلوميه القصه منقوله



ولكم تحياتي

[نجوله]

هذي سلمكم الله قصة وحيشه الغزاليه.والغزالات محلف يعني حلف تحالف مع شمر

ويقولون سنه من السنين كان وحيشه تسرح بالغنم وضايقووووها السواريح على فيضه كانت تسرحبه

.وضاقت به الوسيعه لاتقدر تردهم ولاتقدر تسرح بالغنم وتخلي غنمه ترعىويوم صكت به الدنيا

قالت مالي الا فايز ابن هذيل كساب الامداح يفزعلي ويفكن من هالبلاياوفايز ابن هذيل من ال عمود من شمر


ويوم نخته وحيشه كان موجود بنقرة ايوب في الجزيره


عقب مارحل من حايل بسبب المحل وقلة المطروفايز ابن هذيل بليه من البلايا مايهاب الموووت ولايناطح.

قصدت وحيشه به القصيده وارسلت مرسال الى فايز ابن هذيل يوصل القصيده له


تقول وحيشه






يامـلا ليـه ماشيـب الشيـب # انـا اشوفـه علـى قذلـتـي لاح


يا فايز ابن هذيل ياغيبة الذيب# ياعقاب مرقـاب علـى مـذرف راح


ياراكب حمرى تجيبه تحاذيـب# تجـدع يدينـه بالخـلا تقـل زنـاح


حمرى هميمن من خيار المناجيب # اكواعها عن لمست الزرو طفـاح


حمرى ليا مشت بروس العراقيب # اسرع من الشيهان لاشاف ملواح


ركابها من عزوتي منقع الطيب# ضد الحريب ان صاح بالنزل صيـاح


اربع ليالي صدق ماهي تكاذيب# تلفي على ابن هذيل كساب الامـداح


قل ديرتك سقف ياذعار الاجانيب# يضوي عليه من الشعب كل مصلاح


جاني ضعنهم مع دبشهم جناديب # وصار الخطر منهم علينا بالارواح


عجل علينا ياحصان الاطاليب # يالي مركاضك على الخيـل مسـراح


من خشم عرنان لريح تقريب# حامينها العصلان في عيـط الارمـاح







ومن حايل لنقرة ايوب لاهي اربع ليالي ولاشينالا تاخذ شهووووور المهم وصل المرسال لفايز وقصد القصيدة

ويوم قضى من القصيدة قام يتلفت فايز ابن هذيل وصكته الحميا ياربع مايمدينا الليله نطب بحايل قالوووو وينك

وين حايل يبيلنا ايام وشهورقال لا لاتقووولون الا هي .فار دمه والحميا صكته.

قصدت هالبيتين الي عقبها مقال شين.







وش هقوتك مداد من نقرة ايوب************ياربع مايمسي حوال الغزاله

فوق اشقح طلق الذراعين مرعوب**********اسبق من الشيهان معلف عياله

يذكر لنا جو المناعير مطبوب***********سقف ليا من النصي طب جالـه





وحط راسه على شجره عوشز ومات قهر

منقوووووووووووول

ألا ليت الرجال أول الحين >>> وسلامتكم

[ناضح الأسحار]

[align=center]موضوع مميز
والله يعطيك الف عافيه
ولاهنتي


وهذي مشاركتي قصه وقصيده .واتمنا تعجبكم

:
:
:

الشاعر شارع بن قويد

من الدواسر في شبابه
كان فارس شجاع كريم مشهور شهدتله تاريخ
جزيره العرب
في كل مكرمه…
و تعد سن شارع بن قويد حتى تعدى 90 من عمره ….
لو كانت الشجاعه تقتل احد لقتلته …
ولاكن رغم تقدمه بالسن كان في طليعه المحاربين ….
الى ان اقعده الكبر ولم يقدر على الحراك…. في احد الايام اوغير
( يعني اعتدى على قبيلته قبيله اخر )
على قبيله شارع وقام قومه كل واحد منهم يركب فرسه
ويلكدها ويمر امام شارع ويعتزي تذكر شارع شجاعته
وسنينه الي مضت لمى كان في طليعه المحاربين …. و صاح بأعلى صوته
(((اعطوني فرسي اعطوني فرسي اعطوني فرسي )))
ونسى نفسه ونسى شيخوخته ونسى المرض ….
واستمر في صياحه يطلب الفرس … والمحاربين مشغولين بالغاره عنه …
فمى كان من احدى النساء الى ما كانت اتعرفه الى ان ردت عليه
و قالت
((( وين انت و الفرس؟ انت عود قاضي معاد انت حول شي ))) …
تهيض شارع بن قويد من كلامها و قال :
\
\
[poem= font="Simplified Arabic,5,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بكيت مــا بين الجبل والنفودي =وذكرت انـا لي منزلٍ قد حميناه
و افكرت انـا في منازل جدودي =في عصرنا مـا قط حيٍ نزل ماه
اليـوم شبت واهنت بي عضودي=مـع الحريم ومركب الخيل عفناه
بين الحنايا والكــتب والعمودي=وعــزي لمن قل الجهد منه عزاه
يبجي بــفعله ناقلات الجعودي =لـــزرفل المظهور والاش خلاه
لـــزرفل المظهور قدم الجعودي =كــم واحدٍ بطراف انه طرحناه
وان هـج زملٍ معولجات الخدودي=كـم واحدٍ من شوف ربعه قطعناه
منضح شــباها والقبايل شهودي =وان لاح راق مــن الوسم زرناه
إليا ركــــبنا كل قدبا عنودي=يـا من بنى المصلاح لا طال مغلاه
كــــله لعينك ولا حاسنودي =ولا خـلوجٍ بالوهق باقي ضميناه
يــرغى بها في نازحات الحدودي=لا زبر الوسمي سقى النبت من ماه
لي نابتٍ وقـــت اللوازم زنودي=يـــا سعد منهم محسنه بالملاقاه[/poem]


مع تحياتي لكم.[/align]

[نجوله]

هذي القصه تقريبا تتحدث عن دهاء النسا هههههههه او كبار السن بعد المهم

سموا القصة .


أحدهم شك في حب زوجته له وهي الثانيه
لم تكن تمازحه او حتى تبتسمفأشارت عليه أحد العجائز بأن يحضر حيه ثم يخيط فمها ويضعها معه في الفراش ويتظاهر بالموت عندما تأتي لتيقظه
فلما اتت ورأت الحيه معه في الفراش ظنت انه مقروص وانه توفي
فنادت ابنه من زوجته الأخرى وانشدت وهي تبكي بحسره.


يازيد رد الزمـل بأهـل عبرتـيعلى ابوك عيني مايوقف هميلهـا
أعليت كم من سابق قـد عثرتهـابعود القنا والخيل عجـل جفيلهـا
وأعليت كم من هجمة قد شعيتهـاصباح والا شعيتهـا مـن مقيلهـا
وأعليت كم من خفرة في غيا الصباتمناك ياوافـي الخصايـل حليلهـا
سقاي ذود الجـار لاغـاب جـارهوأخو جارته لاغاب عنها حليلهـا
لامرخـي عينـه يطالـع لزولهـاولاسايـل عنهـا ولامستسيلـهـا


فلما سمع ماقالت
نهض وابتسم وأخبرها بالأمر فغضبت وقالت لن أعود عليك حتى يكلم الحجر الحجر والعود العود
فكبر عليه الأمر ولم يجد بد من العود على العجوز فقالت الحل لدي انكانت مازالت تريدك ام الحجر فهو الرحى عندما يبترم يصدر صوت اما العود فهي الربابه
وفعلا ذهب واخبرها وعادت معه


وسلامتكم



أتمني أن تكون نالت أعجابــــــكم

[نجوله]

************** صراحة قريت القصد والقصيده هذي مت ضحك صراحة على البطل المسيكين هههههههه

تفضلوا اقروها

هالسالفه نادره اللي اضحكت الملك عبدالعزيز الله يرحمه

وما اعتقد انها ذكرت بكتاب او غيره وما يعرفها الا الحضوراللي كانوا بمجلس الملك

وبالمجلس كانوا أغلب الموجودين يقصدون بالملك ويمدحون فيه عن شجاعته وكرمه وكان الملك يعطيهم اكراميه
وللملك بهذاك الوقت شخص ماسك بيت المال على مااعتقد اسمه ابن خثيله ، يوزع الشرهات

ومن بين الحضور واحد حضري يشوف هالعالم تقصد وتاخذ فلوس لمدة اسبوع وهذي حالتهم ،
انهبل قال بنفسه :انا وش محرمني وراي ما اقصد مثل هالرجال ؟

اليوم اللي بعده بوسط المجلس قال الحضري: يا ملكنا أنا عندي ابويتات ابقولها

الموجودين مستغربين و يتلفتون على بعض ناقدين عليه : هذا فلان وش عنده !!!
والملك كان بجنبه ابن خثيله والحضري كان منقهر من ابن خثيله من كثر مايوزع على خلق الله وهو ماحصله شي

رد الملك: تفضل هات اللي عندك يا فلان سمعنا

الحضري يقصد:


يا عبدالعزيز يا عيـن شاهنتا=تصيد الحبارى وتاكل ثندوتا
وابن خثيــله يــاكـل فضلـتـا= ======


وضحكوا كل الحاضرين ، وابن خثيله ضحك عليه وتقبلها برحابة صدر من طيبة نفوسهم أول

قال الملك : ابن خثيله عطه اللي يبي

ومابقى احد من الحضور الا وعطاه

أنتهى
*****

******************

هههههههههه الله يرحم الجميع والله من طهارة القلوب مو بالحين . *_^