قــصيده في جميع قبـــــائــل الســــعوديه !!

[القيصر تينوو]

جميع, قبـــــائــل

هذي قصيده قريتهااا في احدى المنتديات وعجبتني

وحبيت انقلهاا لكم

-----------------

يالله ياخالق اراضين وابحار **** الواحد المعبود رازق عبيده

الخالق الغفار علام الاسرار **** وفرق شعوب الارض في كل يده

وابدي واسولف من عذيبات الاشعار **** ابيات شعر والمعاني وكيده

اشري وابيع واعرف كيف بختار **** واختار من جزل البيوت الفريده

وذ كرتراث وعز وامجاد وافخار **** قبائل تومن بدين وعقيده

وصلت حضارتنا على سطح الاقمار **** ابنا الجزير والجزيره مجيده

في ظل حكام لهم فعل واشوار **** ال السعود اللي تفك الضهيده

نسل الزعيم الحاكم العادل البار **** مجدد امجاد الجزيره بجيده

حتى اصبحت حره وحنا له انصار **** في ظل اخو نوره هنوف سعيده

وصارت لابو تركي بطوله وتذكار **** والفخر والامجاد تبقى شهيده

وخلف لنا املوك لهم فعل واخبار **** الشعب واحد والقياده رشيده

والامن بانينه على ساس وجدار **** وقرو على العابث عقوبه شديده

وحنا حماة الدار من كل غدار **** وما همنا بطشه وخبثه وكيده

قبائل مالحقناهم اوعار **** وعشنا بهذي الدار عيشه رغيده

والحمد لله نحمده سر واجهار **** شعب تكاتف من سنين مديده

ودون الوطن جيش على كل معبار **** لارفرف البيرق ونادى عقيده

بشرق البلاد وغربها دوم حضار **** وارض الشمال اللي نفوده مديده

وارض الجنوب اللي تخيضر بالاشجار **** جزيرة فيها القبايل عديده

ارض بها قحطان وافين الاشبار **** وياعز منهم بالشدايد بسيده

واذكر عتيبه يوم للطيب مغوار **** لا ثارت الهيجا وقرب ضديده

وشمر هل الطولات والجود مقدار **** اهل الكرم واهل الفعول الحميده

وقوم اعنزه مروين الاخصام الامرار **** اولاد وايل من عصور عهيده

ومطير قوم تكرم الضيف لا زرار **** وياويل خصم في حراهم وعيده

واذكر قبيلة حرب يانعم الاخيار **** وتاريخهم يحكي سطور مجيده

وسبيع نعم القوم ووجيه الاسفار **** زبن الدخيل ليا زبن من طريده

واذكر قبيلة يام والطيب يندار **** اهل العلوم الوافيه والرشيده

ثم الدواسر تجعل الخصم منهار **** عيال زايد عز منهم سنيده

ثم السهول اللي لها الطيب مدرار **** وعن منهج العادات ماهي محيده

ثم اذكر العجمان حماية الجار **** والمرجله والجاه فيهم عتيده

واذكر بني مره طويلين الاعمار **** ما ينقد المري ولا له نقيده

ثم الهواجر لابة تقدح النار **** اهل الركاب اللي خطاها بعيده

واذكر بني خالد قبيلة وامار **** قوم لهم في المجد قول ورصيده

وبني تميم اللي لها الطيب مصدار **** بني تميم وكل فعل تجيده

ثم الزعوب اللي بها الخصم يحتار **** شجعان ماترضى سوا ماتريده

العازمي وافي وفي الطيب بيطار **** روحه على كل المصاعب صميده

ثم الظفيري في المصاعيب جبار **** والطيب والامداح باصله وطيده

ثم اذكر الاشراف بجلال واكبار **** اهل الحجاز اللي تفك الزهيده

ثم الهذيلي له مواقف ومندار **** راعي الفخر راعي العلوم السديده

ثم البقوم اللي لهم جيش وامهار **** ريف الضيوف ليا لفاهم وليده

واذكر ثقيف اللي لهم مجد وآثار **** ومهما حسبنا من كلام نعيده

وبلحارث اهل العز بشهود واقرار **** ا لحارثي ياطيب فعله وجيده

والمالكي معروف لا صار ما صار **** في موقف اهل الطيب يبذل جهيده

واثني تحياتي عدد وبل الامطار **** على سليم وكل خصم تكيده

واذكر جهينه هل مواقيف وادوار **** تلقى الجهيني راسم الطيب بيده

واذكر بلي والمجدله فعل واظهار **** وتاريخهم يحكي فعول فريده

وبني عطيه في المواجيب حضار **** قوم بوقت الجد قوم عنيده

ثم الحويطي والكرامه له اشعار **** ثم الشراري له فعول مفيده

ثم الرشيدي في الصعيبات صبار **** على علوم الطيب فعله يزيده

وباقي جنوب الدار والقاف مادار **** باقي على قلبي كلام واشيده

زهران نعم القوم في وقت الاضرار **** والخصم عينه من لقاها سهيده

والغامدي معروف له عزم واصرار **** راعي المراجل والعلوم المفيده

وشمران قوم والجمايل لها اطوار **** وبلقرن سم للقلوب النكيده

والاكلبي والمحلفي مابعد بار **** والحارثي طيبه وفعله يشيده

وبني شهر وبني عمر سيف بتار **** قوم على الاخصام نار وقيده

والاسمري والاحمري صيتهم سار **** بين القبايل والمواقف شهيده

واذكر عسير الهول ذربين الاذكار **** وابها احتموها فالسنين الشديده

وادهم والصيعر على حد الاقطار **** يحمون حد الدار من اللي يريده

وامشي مع الساحل مع جمله افكار **** رسمتها والطير زان اتغريده

وانزل على جيزان تاريخ واديار **** ورجال فيفا والقبايل عديده

وارجوا العذر واهل المواجيب عذار **** الي نسيته مانذكر في القصيده

الواهبي عدد ابيوته بالادوار **** من شاعر ماشل قلبه حقيده

شهران ربعي هم هل المدح والكار **** واهل الكند واهل السيوف الجديده

يوم البلد مايامن الزند لاثار **** زيزومنا ابن مشيط نعم الوليده

فالجهل شجعان وفي السلم تجار **** من بطن بيشه للتهم لارفيده

حبيت ابين موقفي بين شعار **** وارجوا سموحتكم على ذا النشيده

ماحب انافق واتعنصر تعنصار **** ولا ني باطيع اهل العقول البليده

ما كل من طب البحر قيل بحار **** وما كل من شل الفشق جاب صيده

فالشعر بستان به ورد وازهار **** واللي تعداها بيوته فقيده

واقولها في الشعر تكرار وامرار **** ضرف بلا عنوان يلغى بريده

وبعض السوالف له مواقف ومحضار**** وشعر بلا معنى لزوم نبيده

وصلوا على المرسول شفاع الابرار**** محمد الهادي وقدوة عبيده

=========================================
واذكر قبيلة حرب يانعم الاخيار **** وتاريخهم يحكي سطور مجيده

أي بالله وأنشهد
لأني حربي

أتمنى تحوز على رضاكم


أخوكم

القيصر تينوو

---

rJJwd]i td [ldu rfJJJJJhzJJg hgsJJJJu,]di !!

[ღ رقيّـق المشاعـّـر ღ]

[align=center]

واذكر عتيبه يوم للطيب مغوار **** لا ثارت الهيجا وقرب ضديده

صح لسانك والله ولاهنت يالذيب
والنعم بالحروب كلهم
ننتظر ابداعاتك يالحررررررربي فديتك[/align]

[القيصر تينوو]

فديتك وفديت العتبان كلهم وماعليك زود ياالغالي


رقيق المشاعر

مشكوور على مرورك الكريم

[ماجد العبيوي]

ومطير قوم تكرم الضيف لا زرار **** وياويل خصم في حراهم وعيده

صح السان شاعرها ويعطيك الف عافيه على النقله

والله ونعم ابكل القبايل

تقبل مروري

ماجد العبيوي

[بَرَِآءَةْ دَمَعَتِي]

يستاهلون اهل السعودية
فديتهم اهل السعودية وخاصة ربيعاتي

صح لسان اللي كاتبها
يعطيك الف عافيه اخوي القيصر تينوو على قصيدة منتهى روعه
تسلم يدك

[سديم ـآلهتآنـ]

وربي روووعه
يسلمو.ع الكلمات المتميزه خيو

[القيصر تينوو]

تسلمون على مروركم الكريم


وأسف ع التأخير في الرد


ونعم بك يامطيري وبقبائل السعوديه والخليج كلهم

[نجوله]

وشمر هل الطولات والجود مقدار **** اهل الكرم واهل الفعول الحميده

أنا أشهد ياناااااااااااس ونعم والله بشمر . فديتهم

ونعم بكل القبايل والله يسلموووو على النقل الرائع

[اسيـر الاحساس]

وسبيع نعم القوم ووجيه الاسفار **** زبن الدخيل ليا زبن من طريده

صح لسان من قايلها

مشكور اخوي القيصر تينوو

[القيصر تينوو]

ونعم بأهل شمر أخت نجوله


تسلمين ع المرور الكريم