[ سـجـل دخـولـك للـمـنـتـدى بـبـيـت شـعـري ]أرجو من الجميع المشاركه

**ماجد العبيوي** · 23-Jan-2007,09:57 AM

كـيـبورديه

غيبي على كيفك متى ماتودين
أبشرك قلبي تعود غيابك
مانى بسائل وين والا على وين
المسأله ماعاد تحمل عتابك
تذكر انى قد غفرتلك ثنتين
والثالثه يسقط بعدها حسابك
(من عادتى ماشيل هم المقفين
يدرى بها غيرك وحضرة جنابك)
وانتى من الغيبات طحتى من العين
سمجت من كثرة ذهابك وأيابك
الحب له سلم وأصول وقوانين
ومادمت ماتقواه نوخ ركابك

**نجوله** · 23-Jan-2007,10:01 AM

المشاركة الأصلية كتبت بواسطة ماجد العبيوي

والله ونعم فيكم ياشمر

انا نويت انساك لوعشت محروم
والله معاد اضرب على عشر الارقام

وسلامتكم

النعم بحالك أخوي ماجد

وتسلم عالابيات الروووعه

انا نويت انساك لوعشت محروم
والله معاد اضرب على عشر الارقام

أهل لها والله يالعبيوي تسلم

**نجوله** · 23-Jan-2007,10:04 AM

ياهم ياللي فـي خفـا خافقـي طلـت
ارحـل تـرى (نجلاء) قـرب رحيلـه

ياهـم جانـي ماكفانـي وحصـلـت
جسمي غضاء00وعضام جسمي نحيله

وليا حملـو سلمـى مثـل ماتحملـت
صاحت لجاء من جور حمل(ن) تشيله

أصبر ولو شفت الزمن مال مـا ملـت
وأقـول يمكـن يعتـدل عقـب ميلـه

آآآآآآه وأقول يمكن يعتدل عقب ميله

منقووول
الحزينة

**ماجد العبيوي** · 23-Jan-2007,10:58 AM

تسلمين يالغاليه

كــــيــــبــــورديــــــــــه

يانجوله قصتي معها تعدت حالـه الاعجـاب
أجل مابـه قصيـده قلتهـا الا هـي تغنيهـا
تناديني ياقيس ابن الملـوح ياقـرب الاقـراب
وانا ليلـى مـع عبلـه يانجوله قمـت اناديهـا
تمثنك حبها العذري ورى حـدب الضلـوع وذاب
تمكـنـي وخـلانـي اذوب بـكـل مافـيـهـا
سقى الله يا الشمريه يـوم جتنـي باواخـر آب
تزف الغيم بفصـول الغـرام اللـي بممحانيهـا
تقول : اقرب يا () ترى ماعاد حنا أغراب
وجيت اقـرب وثـم حطيـت يـدي بيـن يديهـا
تقولي : ماتحس بشي \قلت : الا انـا مرتـاب
اجل وش في يدينـك بـارده \قلـت دوك دفيهـا
تقول :انا .\ وقلت انا ! \ قالت كل ابونا احباب
وقلت اشوى .صراحه ماطمعت انـك تقوليهـا
تقول الحب .\ قلت: القلب شرَع للمحبـه بـاب
تقول: افراقناا \ قلت: ارجوك هذي بس تناسيها
يانجوله قصتـي معهـا تعـدت حالـه الاعجـاب
اجـل اكبـر دليـل اسمـي بقلادتهـا مخاويهـا

وسلامتكم

الرجاء من اختي الرد على هاذي الكيبورديه

**مايهـاب** · 24-Jan-2007,12:51 AM

[all1=00CCFF]عـلى ذيـك الـدروب اللـي ؟ تـهـز الـخـاطـر ويـشـقـــاء

ـــــــــــــــــــــــــــــــــ عــلـى ذيـك الـدروب الـلـي ؟ لـقـيـت الـحـب واصـنـــافـه

قــــلــوبً حـبـها تـعـذيـب ! تـنـزل ســـاعـه وتـرقـــاء

ــــــــــــــــــــــــــــــــ وقـــــــلـوبً يـــــــوم انـاظـرهـا ؟ اقــول بـصــدق روافـه

انــا قــلــبـي مـن الـتـعـذيـب ؟ احـسـه اطـهـر وانـقــاء

ـــــــــــــــــــــــــــــــ انــا قــلــبــي عــزيــزاً حــــيـل ؟ مــايـرضـيـنـي إتـــلافـه

واذا حــطـيـت لـي بـصـمـه ! تـراهـا دايـمــه تـبـقـــاء

ــــــــــــــــــــــــــــــ مــاهــي ذكـرى غــشـيـمً ! سـجـلـت فـي وسـط تــجــرافـه

دروب الـحـب مـاتـعــرف ! مـقــام ومـسـتـوى ارقـاء

ــــــــــــــــــــــــــــــ دروب الــحـب مـعــروفــه ! ولاتــحــتــاج ؟ عـــــــــرافـه

ولاكـن ؟ لـو بـغـيـنـا الـجـد ! نـادر فــالـبـشر نـلـقــاء

ــــــــــــــــــــــــــــــ بـشـر واحـد يـعـرف الــــحـب ؟ بـوصـولـه ! وبـوصـافـه[/all1]

**نجوله** · 24-Jan-2007,06:53 AM

المشاركة الأصلية كتبت بواسطة ماجد العبيوي

تسلمين يالغاليه

كــــيــــبــــورديــــــــــه

يانجوله قصتي معها تعدت حالـه الاعجـاب
أجل مابـه قصيـده قلتهـا الا هـي تغنيهـا
تناديني ياقيس ابن الملـوح ياقـرب الاقـراب
وانا ليلـى مـع عبلـه يانجوله قمـت اناديهـا
تمثنك حبها العذري ورى حـدب الضلـوع وذاب
تمكـنـي وخـلانـي اذوب بـكـل مافـيـهـا
سقى الله يا الشمريه يـوم جتنـي باواخـر آب
تزف الغيم بفصـول الغـرام اللـي بممحانيهـا
تقول : اقرب يا () ترى ماعاد حنا أغراب
وجيت اقـرب وثـم حطيـت يـدي بيـن يديهـا
تقولي : ماتحس بشي \قلت : الا انـا مرتـاب
اجل وش في يدينـك بـارده \قلـت دوك دفيهـا
تقول :انا .\ وقلت انا ! \ قالت كل ابونا احباب
وقلت اشوى .صراحه ماطمعت انـك تقوليهـا
تقول الحب .\ قلت: القلب شرَع للمحبـه بـاب
تقول: افراقناا \ قلت: ارجوك هذي بس تناسيها
يانجوله قصتـي معهـا تعـدت حالـه الاعجـاب
اجـل اكبـر دليـل اسمـي بقلادتهـا مخاويهـا

وسلامتكم

الرجاء من اختي الرد على هاذي الكيبورديه

الله الله صح لسانك أخوي
والرد والله أنا مو قدها ولا أعرف بسوالف الحب وخرابيطه

وألا كان نصحتك وأفدتك بحبيبتك الي مجننتك
بس تبي النصيحة من أختك>>>>>> يقولون الحب عذاب = أتركها وأنا أختك وأنسف الحب وراء ظهرك وريح بالك والحب مايوكل عييش

بس مايمنع اني ارد لك ببعض البويتات
احممم احمم احم
يالعبيوي حبل الرجاء ممدود
خل الكرامه راس نبراسك
لا تـــشكي الحـــــال وتــــرود
على المخاليق يــوم داسك
ماهـمـني هـرجـك ومـــردود
خلني بحالي وخلك بحالك

هاااه وش رايك فيني !! شاعره ؟ أووو لاااا !!

**ماجد العبيوي** · 24-Jan-2007,02:30 PM

المشاركة الأصلية كتبت بواسطة نجوله

الله الله صح لسانك أخوي
والرد والله أنا مو قدها ولا أعرف بسوالف الحب وخرابيطه

وألا كان نصحتك وأفدتك بحبيبتك الي مجننتك
بس تبي النصيحة من أختك>>>>>> يقولون الحب عذاب = أتركها وأنا أختك وأنسف الحب وراء ظهرك وريح بالك والحب مايوكل عييش

بس مايمنع اني ارد لك ببعض البويتات
احممم احمم احم
يالعبيوي حبل الرجاء ممدود
خل الكرامه راس نبراسك
لا تـــشكي الحـــــال وتــــرود
على المخاليق يــوم داسك
ماهـمـني هـرجـك ومـــردود
خلني بحالي وخلك بحالك

هاااه وش رايك فيني !! شاعره ؟ أووو لاااا !!

ياسلالالالالالالالالام ( ما اقدر اتكلم )

مسكتيني مع الايد اللي اتعورني

صح السانج ولاهنتي

**ماجد العبيوي** · 24-Jan-2007,02:43 PM

(( كـــيـــبـــورديــــــــه ))

بين نظرات التغلي وبين نظرات الدلال
إبتدات قصة عذابي وإبتديت اموت فيه
وإنتهى لليل السكينه وصار يومي للزوال
وإبتدى ليلاً تميز في هموماً تكتسيه
وإبتدت قصة غرامي وإبتديت الإنعزال
ساهر ليلي واهوجس في هوى إللي مهتويه
واعذابي واعذابي في هوى حسن الخصال
واعذابي يا نواف لاتقوالي ليه ليه
واعذابي حين صارت حالة النت إتصال
افتح الصفحه واحط الموقع اللي مشتهيه
وادخل لمنتدى احبه وخابره في كل حال
واكتب الرابط بيديه واكتبه دايم جزيه
منتدى مـيـاسـه بتمام وبالكمال
واضغط إنتر واصبر شوي لين يدخلني عليه
ويفتح الموقع واصايح ياللاله ياللال
من الوناسه قمت اغني ياسلام الله عليه
واكتب النك نيم حقي بسرعه وفيني عجال
ماجد العبيوي نكي كان تفهم يانـبـيه
وادخل همس القوافي وفيني خفيه ونفعال
وألمح بنظره سريعه كل نك نيم هنيه
همس القوافي ومعهم يطول الجدال
وتوم والمطيري وغالي الأثمان فيه
ثم ادور نكها واكتشف تو ماتزال
مادخلت مــيــاسه ومانوت حتى تجيه
واسكت اشويه وأردد أه ياجور الليال
كيف فكري تشغلينه وليه قلبي تظلميه
ثم تجي منهي تسمى ابفاتنه كل العيال
وتدخل همس القوافي وبرزانه تحتويه
ويبتدي عندي عذابي وعزتيلي لين طال
واعذاب القلب والله من غزالاً مبتليه
يكفي اني لا لمحت كتابته جاني هبال
اصفق كفوفي بخدي كني إنساناً سفيه
حتى في لون الكتابه ذوقها عالي وعال
يسجد الذوق متواضع وينحني ويبوس يديه
وادخل برايفت عليها ثم ابادرها بسؤال
ممكن شويه دخيلك عندي سؤال وجيه
واسكتت عني شوبه ثم ردت بإكتمال
وردها ذوب كياني يوم قالتلي لبيه
وأرجع وعيد ونفس السالفه بكل الليال
والله انك فلانه وافهمي ماتفهميه
انتي نوراً في سمانا وانتي الصعب المحال
وأنتي خال الزين كله لابعد امه وابيه
وانتي سيولاً تهادى من شهق وبل الخيال
وانتي النسمه العليله كل صباح تعتريه
وانتي الصيف ابسرابه وانتي الماي الزلال
وانتي فجر العيد والله انتي اللي نرتجيه
وانتي سيد الحسن كله انتي ايه بالجمال
روعه من صنع ربي انتي ياللي هيه هيه
هيه ياللي حيرتني بتغلي والوصال
سوق حبك مايوادع لا ريال ولا جنيه
يكفي إنك تاعبتني بين روح وتعال
إرحمي قلباً توالع في خفوقاً مشتريه
بالنهايه بالنهايه ينهي أطراف الجدال
وانفض اغبار الحقيقه عن عذاباً مكتويه
بإختصار اللي سمعته كان من بال الخيال
فكره مرت في بالي طيفها في ناظريه

وسلامتكم
ماجد العبيوي

**مايهـاب** · 25-Jan-2007,01:11 AM

[all1=0099FF]تقول إمهبول وقلـت : ماعـاد بـه صاحيـن

_________ترى أهل العقول اللي ( تعرفين) . أنا أصحاهم!

هبالي بيـاض ولاأعـرف أعيـش بالوجهيـن

______________طباعـي وكلـي مختلـف عـن مزايـاهـم !

ولاأكذب ولاأطعـن بالظهـر عارفتنـي زيـن

_____________أسـوق المطايـا حـروة إعـداي وأنصـاهـم

وانا لو نهجت المكر وألعـب علـى الحبليـن

_____________علي الحـرام أغـوي لـك المكـر وياهـم !!

وأدخلك نوره وأظٌهرك نـور فخـر الديـن

________وأزخرف حروف إسمك بالألماس . وأمحاهم!

وأعيٌشك حلم إسنيـن وأحـرق بهـاك إسنيـن

__________وأوادع عيونـك بـأزرق الدمـع وأنساهـم !!

ولكنـي :أعشـق فطرتـي والوفـا والـديـن

___________وحالف لبـوي وجـدي أحفـظ وصااياهـم !! [/all1]