اوول مشاركه لي لا تخلووني

[مين انا ؟؟]

اوول, تخلووني

السلام عليكم ورحمة الله وبركاته

اول شي حبيت اقولكم هذي اووول مشاركه لي بالمنتدى وانا عندي مشكله من جددد حبيت اني اخذ آرائكم فيها لاني محتاااجه اسمع شي يريحني ويرشدني

مشكلتي هي اني ملكت على شخص في فترة الخطبه قبل لا يكلمني ولا اشوفه كنت عادي مااحس بأي شعور ناحيته لاني مابعد عرفته ولا شي مجرد شوفة السنه بس بس مشكلتي بعد ماملكت وجلست معاه حسيت اني ابد ابد ماني مرتاحتله الولد حبوب وطيب ومافيه عيب بس انا ماادري ليه ماحبيته احس اني مااقدر حتى اسمع صوته لدرجة اني اصرفه في كل مكالمه حتى ريحت عطره اتضايق لما اشمها ماابي اي شي يذكرني فيه لا صورته ولا صوته ولما يجيني اكون مره متضايقه وصلت لدرجه اني مقدر اجامله لا بالسوالف ولا بالضحك احس اني مااقدر اكمل معاه ماقدرت احبه ولا اتخيل نفسي اتزوجه وانا بالحاله هذي كل يوم اصيح وادعي ربي اني احبه واصلي الاستخاره اني اتركه ولالاء اكثر من 10 مرات باليوم بس للحين ماني مرتاحه ولا ادري وش اسوي انا احس اني مااقدر احبه ولا اقدر حتى اجامله وحرام خليه يتزوج وحده ثانيه تحبه وتفرحه بس حبيت اخذ رايكم باللي لازم اسويه من جددد مره محتاجه لنصيحتكم :(

---

h,,g lahv;i gd gh jog,,kd

[ضي الأمل]

لعل حبيبتي ما في نصيب بينكم
سبحاااااااااان الله
اعط نفسك فرصة اكبر للتفكير
حبيبتي الرجل الصالح للماراة فرصة لا تعوض
قد يتركك وياتيك من ترتاحين له ويكون مصدر معاناتك
وقد لا ياتي
وقد يكون خيرة من الله
اعط نفسك فرصة للتفكير في محاسنه
اما وان لم تحبيه وترتاحين له
ارى ان تتركيه يسير في حياته ويعوض الله عليك وعليه بالصالحين
واستخيري الله عز وجل لا تقنطي وتياسي من استخارتك لله الا ان يشرح الله صدرك بالخير
وادعي الله ان يكتب لك ما فيه صلاح دنياك واخرتك
دعواتي

[RANNOOD]

مادااام استخرتي والي الان ما ارتحتي له اجل اتركيه

لانك بكرا راح تتزوجينه راح تحسين ان الحياه معاه اصعب ماراح تقدرين تتحملينها ويمكن صر فيه اولاد بينكم

والنهايه راح تتطلقيني وراح يتعب الطفل الي معاااك فمن الحين يكون الانفصال افضل

وبالتوفيق يارب

[المــاسة الشــرق]

حطي في بالك انك راح تعيشين معاه طول العمر
فشئ ضروري الراحه النفسيه وهي اهم شئ

حوالي تفكرين اكثر لان مثل ماقالت اختي الرجل الصالح مايتعوض
ناظري لجوانبه الحسنه
وادعي ربك انه يرشدك

والله يوفقك يارب في جميع الاحوال

[علي البدري]

مين انا
مرحبا بكي اولا بين احبائك
وكما قال الأخوات والأخوه السابقون اتركيه ومفيش مشكله يا ابنتي .أنت في مقتبل العمر وطالما إستخارتي الله ووجدتي عدم قبول للأن فتركيه وانتي كسبانه كسبانه ولا انت عايزه تعيشي حياتك هكذا

[مين انا ؟؟]

السلام عليكم ورحمة الله وبركاته

اول شي جزااااكم الله خييييييير كلكم من جد مدري وش اقولكم بس مررره ارتحت يوم قريت كلامكم

ماادري ارد على مين واخلي مين بس اشكررر كل وحده مرت على موضوعي ونصحتني وبحاول اجاوبكم كلكم الحين وافصلكم عن اللي فيني اكثر

اول شي انا قلتلكم الولد ابد ابد ماينقصه شي لا في شكله ولا في طبعه ولا شي وقلتلكم انه طيب وانا مقهووره من اللي فيني اني لييه اكرهه دام انه ماينقصه شي وانا فاتحت اهلي بسالفه واول شي كانوا يقولونلي ايه عادي بكره تحبينه مع العشره وكذا هم يحسبون اللي فيني طبيعيي وانا والله محد يحس باللي بداخلي انا اول ماحسيت باللي فيني سألت كم بنت من قرايبي وصديقاتي وثلاث تقريبا منهم قالولي ايه انا ماحبيته من البدايه بس الفرق بيني وبينهم انهم ماحبووه بسسس !! انا اكرهه هذا فررق يعني هم كانوا يكلمونه ولما يجيهم عادي يتقبلون وكل شي انا حتىى مكالمه ماابي اكلمه ولا ابي يجيني لدرجة اني ماابي اللبس شي يطلع فيه شي من جسمي عشان لا يجلسس يشوووفه !! مااقدر اجامله لما يكلمني اصير طول المكالمه مكتمه ولا اضحك ولا اعطيه وجه مره اعطاني صورته بالجوال والله والله يابنات صرت لما ادخل ابي اشوف الصور الثانيه اكوون خااايفه اني امرر على صووورته والففف واغمضض عيني عشان تمر صورته بسرعه لاني ماابي اشوفها قلتلكم كنت اصيح لحالي كل يوم وادعي ربي يحببني فيه ولا كنت اقول لاهلي ان الحاله مره مره قويه اللي فيني بس مره جاني ويوم طلع رحت نمت انا بعد ساعه ونص تقريبا قمت من النووم زززي الطاابوقه على قلبيي من الهمممم قمت اصصصصيح على طوووول ورحت تعوذت من الشيطان وصليت ركعتين وصليت الاستخاره وانا اصصيح وادعي ربي ومن هذاك اليوم وانا خلاص قلت لامي خلاص انا حتى صوته ماابي اسمعه ولا كلمته قالتله امي اني مريضه بعدين امي بدت تحس بوضعي شوي قالت يمكن اللي فيك عين مع اني والله دايم اقرا على نفسي الصبح والمساء المهم رحت الشيخ وقرا علي واعطاني مويه سدر وغسلت فيها جسمي لمدة 21 يوم واقرا سورة البقرة كل يووم واشرب مويه مقري فيها بس هذا كله احسه ماغير شي في شعوري والله بس انا اللي يقهرني ان تقولي سوي اللي تبينه واحنا مو غاصبينك عليه هذي حياتك بس من وراي هي وابوي يقولون هذي بتضيع مستقبلها وهذا نعمة نفس الشي خالاتي وجدتي يقولونلي كذا هذي نعمه والله بيعاقبك عليها ومحد بيبقالك لامك ولا ابوك واخوانك بتزوجوون حسيت اني بصيرر وحيييده من كلالامهم بس هم والله مايحسوون باللي فينييي والله انا مااتدللع ولا ارفس النعمه بيديي بس والله مااقدر اتحمل والله ماحبيييته ولا اقدرر اتخيل نفسي اعيش معاه في بيت واحد واجيب منه عيياال
اوقات اقول بتحمل عشان امي وابوي يفرحون فيني بس اجلس افكرر اناا اللي بعيششش معااه اللي بمووت بعدها هم ماهم حاسين باللي انا احسسه لييه اعيشش مهموومه عشان اهلي يفرحون فيني

بس ابيكم تريحوني وتقولونلي اللي صارلها مثلي هي قرت على نفسها او تندمت بعدين واللي عندها قصه زي اللي صارتلي بس يوم تزوجت راح اللي فيها تقووولي بعددد

لا تخلونييي جزززاكم الله خييير :( :(

[الفريده]

والله ياختى انا واقعه فى نفس المشكله بس الفرق انى مكنتش اتصور انى اتخطب للانسان ذى ده بس النصيب جماعنا والمشكله انه قريبه بس انا باحاول اتاقلم معه وربنا يسهل انا عارف انى هقدر اسعده بس هو لامش هيقدر يسعدنى ربنا معاكى احسن اتركيه لغيرك

[نجوله]

مع مروووووووور شهر على الموضوع ولكن أجبرت على الرد حينما قرأت الردود على الموضوع

أقول لكي ولأخواني وأخواتي الأستخارة ليست نتائجها بمفهومكم (أنكي تحسين بعدها براحه أو عكسها) لا بل أنتي تؤدين الأستخارة كما وردت في الأحاديث وتتوكلين على الله والله سبحانه يأتي بالخير لكي .

اللهم أكتب لها الخير أينما كان

[عذب المشاعر]

[align=center] اناااا في اعتقــاادي اذا انــه ما تحبينــه وتكرهينــه

واهلك ما راح يسوون شــيء

فيــااا انك تتركينـــه وتصرين على اهلك بالشيء هذا

او انك تآخذينــه على جنــب اذا جااكم وتصاارحينــه بالوضع

يمكن يتفهــم الوضع ويطيـر نفســه او يمكن يكون العكــس

يمكن مع الصــراحه اللي بينكـم تتفاهمون اكثر وتختلف وجهة نظــرك تجااهه

والله يوفقك ويوفق الجميـــع

تحيـــااتي [/align]

[ماجـــــــــد]

اختي الكريمة

مين انا

ذكرتي ان الشاب مافيه اي شي يعيبه

وهذا من دواعي السرور

ومادام كذلك

عليك بطوله البال والتريث قبل الانفصال