النصر يضع حدا للخسائر يكسر حاجز الحظ ويتفوق على الطائي

**احاسيس محروم** · 29-Oct-2006,04:55 AM

بعد مبارة مرثونيه شهدت اهدار ضربتي جزاء وضياع اكثر من فرصه

على الفريق النصراوي الذي كان مسيطرا على المبارة باكملها

مع وجود فرصه واحده خطره فقط للطائي في الكبارة باكملها

الحظ عاند النصر كثير ولم يتركه حتى اخر دقيقه من المبارة

عندما استلم المشعل كوره ولا اروع من الجنوبي سددها على يمين

هانيي الناهض حارس الطائي الي كان سدا منيع لاغلب كرات النصر

اول مبارة يلعبها دينلسون مع ناديه الجديد النصر قدم من خلالها

مستوى يؤكد انه مكسب كبير لنصر اللاعب ابدع خلال 90 دقيقه وهو منقطع عن اللعب لفترة اربعه شهور هذا ينبأ ان مستواه سيتطور من مبارة لاخرى

سعد الحارثي مازلا الحظ يعاند هذا المبدع ولكن تجد في اصراره الرغبه

في العوده مجددا الى النجوميه

الملاحظ على اداء النصر بشكل عام الرغبه والاخلاص والروح

القويه على الفوز اين كانت ابان اشراف يوسف خميس على تدريب !!

وفي نفس البطوله التقا امس الاهلي والفيصلي ونتها اللقاء بتعادلهما سلبيا

.احاسيسِ

**السمقلى** · 29-Oct-2006,05:09 AM

[align=center]
يووووووووه يالله يالله جابوا هدف الفوز
يارجال أنت ماشفت اللي طاح مغشي عليه بعد
ماضيع طلال المشعل البلنتي >> صراااحة أنا انفقعت من القهر
مو معقول اللي قاعد يسوونه اللاعبين فينا ضربتين جزاء تضيع

حتى دينلسون ضيعها بعد وهو المفروض يزيها بزاوية صح
بس الله مير يخلف . والفريق اليوم مابدع فيه الا أبومشعل 11 عاشت أيامه

هو اللي برد الكبد اليوم بس خسارة ماحالفه الحظ وسجل هدف .
ومستوااهم والله ماعليه حلةة شوي بس مانبي هزايم .

يسلموو حبيبي أحاسيس محروم على تغطيتك الصفراء [/align]

**احاسيس محروم** · 29-Oct-2006,05:15 AM

والله ماينلام الي طاح

انا ماقهرني الا لعيبة الطائي مسوين زعلانين ومتنرفزين مايحمدون ربهم على النتيجه والحظ الي وقف
معاهم!!

لو لا الله ثم الحظ كان قليله فيهم اربعه

لاهنت على مرورك اخوي

.احاسيس.

**بَرَِآءَةْ دَمَعَتِي** · 29-Oct-2006,10:54 PM

مبروك فوز العالمي النصر
يعطيك الف عافيه اخوي محروم احاسيس على الخبر
تسلم يدك

**فاقد حنان** · 31-Oct-2006,01:22 AM

مبروك الفوز وانشالله دوم لانتصارات
اخيــكـــ
فاقد حنان

**احاسيس محروم** · 31-Oct-2006,05:32 AM

لاهنتو على مروركم وتواجدكم

وبالتوفيق للعالمي

.احاسيس.

**في خاطري** · 31-Oct-2006,08:12 AM

المباراه كانت قويه

لكن بصراحه اذا استمر النصر على هذا المستوى ممكن يخسر من اضعف الفرق في الدوري

لحظنا في المباراه

العجوز دينلسون الكل يسبقه واكثر اللعبين مهاراتهم افضل من مهاراته
حتى تسديدته لضربه الجزاء مايسددها لاعب ناشئ

وكذاللك التغير في التشكيله
كل مباراه تشكيله شكل وين الاستقرار.

**deco1993** · 31-Oct-2006,08:51 AM

المو ضوع لايفيد شايء

**في خاطري** · 31-Oct-2006,02:24 PM

ديكو

على ما اعتقد ان هذا قسم يتعلق بالشؤون الرياضيه

فان كان الموضوع على حسب ماقلت لا يفيد

فلما سجلت مشاركتك فيه.

**احاسيس محروم** · 01-Nov-2006,02:02 AM

المباراه كانت قويه

لكن بصراحه اذا استمر النصر على هذا المستوى ممكن يخسر من اضعف الفرق في الدوري

لحظنا في المباراه

العجوز دينلسون الكل يسبقه واكثر اللعبين مهاراتهم افضل من مهاراته
حتى تسديدته لضربه الجزاء مايسددها لاعب ناشئ

وكذاللك التغير في التشكيله
كل مباراه تشكيله شكل وين الاستقرار

هذي اول مبارة رسمية لمدرب النصر هايبكر وراح يتطور المستوى بأذن الله

في المباريات القادمه

من ناحية دينلسون اتوقع انه قدم مباره جيده كأول مشاركه له وهو

منقطع عن جو المباريات من اربعة شهور تقريبا بعدين كيف تبي

اللاعب يبدع وهو يتعرض للخشونه اكثر من مره!!

من ناحية ضربه الجزاء وضياعها فا هذا شي

راجع لتوفيق قبل كل شي
وشاهدنا افضل لاعب في العالم رونالدينهو يضيع بلنتي

لاهنت على مرورك اخوي في خاطري

.احاسيس.