Back 2 school

**وسن الكويت** · 01-Sep-2006,04:49 PM

back, school

Back 2 school

هلا والله بالمدرسه والله كانت أيام ما في أبله الا طلعنا لها قرون ولا انا ماكانوا يسون لي شي أمي مديرة المدرسه فلي أهميه يعني انا وبنت خالتي قنووده الكويت يعني مجمعين شلل المدرسه كانت كلها هياته وكنا ننجح لكن ما في أبله تحبنا يعني مجامله حق الغياب يعني شب من جذي المهم يوم من الأيام < ترى مو هذا موضوعنا المهم يوم من الأيام هربت من الحصه ما اداني مدرسة الفرنسي ولا افهم عليها شي لأنها كانت مغربيه مدري تونسيه وهي توها جديده ماتدري أن امي المديره والبلشه الحصه الأخيره ولازم تجي أم فهد الي هي مديرة الفراشات قبل بأخير الحصه الأخيره تصكر الـصفوف وانا اغراضي كلها اهناك وباجر علي امتحان الأمتحان مو مهم المهم أن مجلاتي انا واشواق بنت الخاله كلها هناك وشلون اليوم نسهر على شنو طبعا ايام الإمتحانات الواير مقطوع من الغرفه هذا شي مؤكد والتلفزيون لو شافتني الوالده قاعده عليه بتفصله علي وماكو تسليه الا هالمجلات وانا قلت لازم ادخل فشله نطلع من المدرسه ما معانا شي وجيت ودخلت قلت ابله لو سمحتي ممكن اخذ اغراضي وبلغتنا قالت وينج من اليوم قلت ابله صارت معاي مشكله ياخوفي تقول لامي تمسح فيني الأرض قلت ايش المشكله قلت يا ابله بنات يدخنون وانا قاعده انصحهم طبعا هذي كانت صج بس ما نصحتهم خل يولون قالت يله بسرعه خوذي شنطتك ولناظره الي هي الوالده وودتني للوالده وقالت هالبنت مهربه من الحصه لو انها كانت مو امي احسن خزتني خزه بغيت اعوف روحي واشواق تلعب بشعرها واتغني اي شعليها خالتها وما تقدر تسوي لها شي فشله البنت يتيمه اما انا الي طحت فيها وتقعد تزفني نص ساعه من بعد الدوام وردينا البيت ونمت وقعدت وانزفيت واسبوع انزفيت

ومو هذا موضوعنا هذي سالفه تذكرتها اليوم

قولوا لي شنو المغالب او المشاكل الي صارت لكم في ايام المدارس

Back 2 school

الفلتة · 01-Sep-2006,06:36 PM

[align=center]مشكورة اختي نوت على موضوعج الحلو

اول سالفة:
يوم من ايام المدرسة كنا حاطين في بالنا ان احنا مابندش المدرسة
عادقبل لانروح للمدرسة شافنا المشرف
قال لنا يالله بسرعة دشو لايسكرون الباب وكان يبينا اندش جدامة
دشينة
ودشينة وفي الفسحة قلنا لازم انط السور
وكان سور المدرسة من الداخل مورفيع ومن برع كان واااااااااااااايد رفيع
عاد انا يوم شفتة من داخل ان اهو نزيل قلت بسوي روحي سوبر مان
ومادري ان برع رفيع
عاد انا يت ونطيت وبدون لاشوف برع وطحت ذيج الطيحة وجان تنكسر ريلي
وجان يروح واحد غبي من الربع للمشرف وينادي ويقولة ان واحد من الطلاب طاح من السور وانكسرت ريلة وبس خلصت السالفة

كلتها زف من ابوي

وانا طحت ظرب بالي راح للمشرف وقالة

السالفة الثانية:
مرة من المرات شردنا في الفسحة وقلنا بنروح مطعم نتريق وبنرد وكان المطعم على شارع معروف بالبحرين (شارع المعارض) وكنا رايحين مطعم(جسميز) وكنا بنعبر الشارع وعلى خطوط المشاة

وننتظر احد يعطينا مجال انطوف تتوقعون من الي عطانا مجال
الي عطانا المجال اهو مشرف المدرسة

قالنا هلا والله حياكم معاي ركبو السيارة ركبنا المشرف بسيارتة وودانة المدرسة واستدعاء ولي الامر

كلتها زف
وهذي كان درس لي اني اذا شردت ماله داعي اروح على الشوارع

ويعطيج العافية اختي نوت على مواضيع الحلوة[/align]