ابي المساعدة؟

[عاشقة زوجي]

المساعدة؟؟؟, ابي

السلام عليكم ورحمة اللة وبركاتة

بقو ل لكم على مشكاتي واتمنى الاقي الحل عندكم شوفو انا امس نزلت مع زوجي بيت اهلة وقعدنا مع امة وسالفنا وانبسطنا وحسيت انة امة كأنها متضايقة اشوي
بعد اشوي قالت لزوجي ابيك تسوي عزيمة لخوانك مع العلم واللة دايما نسوي لهم عزييمة احنا بس واهما عمرهم ماعزمونا انا وزوجي حاطين في خاطرنا اشدعوة ولامرة عزمونا المهم بعد ماقال لزوجي قلنا لها انشاللة على امرج اسبوع الجاي
بعد اشوي قلت لها بنسوي بس ياريت بعد اهما يعزمونا ماشفتها اللا طبت فيني واهي امعصبة تقول انتي مالج شغل انا ماكلمتج انتي ملقوفة وبصراخ حيل انا استغربت منها حاولت افهما وادخلت لي في الف سالفة تقو ل لي انتي ماتبيني ولاتبين اعيالي والشقة موشقتج موانتي اللي تحكمين تقولي الشقة شقتي انا وولدي وعيالي اانتي مالج خص فيها انا استغربت من كلامها وزوجي يحاول يفهمها السالفة واهي تهذر بعصبية واللة ثم واللة قالت لي بنجي غصبا عنج وعن اللي مايرضى قلت لها ياخالة شالحجي انا قلت شي حياج اللة انتي وعيالج انا بس مجرد فكرة قال لها زوجي صحيح يمة اهي مجرد فكرة بس واللة هذا اللي قلتة وترد وتقول مني ورايح كلمتي اهي الللي بتمشي انتي مالج كلمة ولاتنطين بحلجي ويوم ثاني تقول لمرت حماي اني قايلة لها مابيج ولاابي اعيالج ولااحد منكم باللة عليكم شسوي ابي حل لاني واللة حاسة الدنيا ضاكة فيني .

---

hfd hglshu]m?

[في خاطري]

اختي الغاليه

قلك من عييييوب العرب واللي ماتفارقهم ابد العصبيه الدائمه في كل شي

ومن عيييوب العرب القطااااعه بين الاهل

اختي الغاليه كل طيب في هالدنيا يكون مظلوووم

والمظلوم في هالدنيا الدنيه الدعااااء والصبر

انتي لا تفكريين في كلام ام زوجك ولا تفكريين في الاسباب ليش تعاملني

لان التفكييير لاشياااء تتعب الشخص تعووود عليه باشياااء عكسيه

وساليني.

وانتي خلي اكبر اهتمامك زوجك واولادك
لان ماحينفعك الا نفسك وزوجك وعيالك

وان جو اخواااان زوجك لازم زوجك فهمهم ان ان مو كل ش عليييه

ولازم كون زوجك حينها قوي الشخصيه

واكييد اخوانه بيقدرن زوجك

اما ام زوجك فسمحل الغاليه وجميييع اخواتي
ان المره عندما تغضب لا تدري ايش تقوووول

حتى الرجااااال ايضا

خلي اهتمامك نفسك وزوجك وعيالك
نصيحه يالغاليه ولا تفكرييين في اشياء ثانيه

تحيتي لك

[ضي الأمل]

يووووووووووووووووووووووووووه
الحماة الشرانية

تدري يا قلبي انا الي بقول لك

خذيها دايم على قد عقلها
ولا تاخذي وتعطي معها بالحكي
واذا قالت الشمس تطلع من الغرب قولي ابشري ولا يبهمك
زوجك غلط لما جلس يتدخل بنقاشكم
عشان ما تعصب اكثر وتصير تحطك ببالها وتعمل لك وله مشاكل
شوفي هالنوعيات كل همها تسوي مشاكل وتهذري كثير ولا يبرد قلبها الا لما تسوي كل شوي سالفة
عشان كدة خليكي ذيبة لا تخسري زوجك ولا بيتك ولا تدخلي معها بحكي قالت سووا عزيمة اسكتي انتي لا تناقشي خلي ولدها هو الي يحكي

وما دام هما كذا البعد عنهم غنيمة وكل ما بعد احتكاكك فيهم كل ما كانت حياتك اروق واهدا

نصيحة لما تتخانقي مع امه لا تحسسي زوجك جوا البيت انك متضايقة بعد هوا مسكين مالوا دخل ترى بعدين يجي وقت ينفجر هو كمان

اذا صار شي من امه قولي له ( اهم شي انتا مادام انتا في حياتي وراضي عني خلاص ما يهمني شي من هالسوالف انتي ادرا طبعا بسوالف الحريم مع ازواجهم أسفة طبعا بس يعني كم كلمة رومانسية حلوة بس مع اشارة بسيطة انك طبعا تتضايقي بس تستحملي عشانوا كمان عشان بعدين ما يصير ما يهتم لك ويصير يقول عادي انتبهي


حبيبتي

الحل الدايم
سورة اليقرة والله كل وحدة عندها مشكلة ببيتها اقول لها اختمي البقرة يوميا تراها والله ساعة ونصف بس شوفي اثرها كيف تراها تطرد الشيطان من البيت والشيطان اساس مشاكل البيوت

لما تشوفي ام زوج في نفسك دايما قولي ( اللهم انا نجدعلك في نحورهم واعوذ بك من شرورك )

شر الناس من يتقيه الناس لسوء خلقه هذا حديث عن الرسول عليه السلام ولا عجب اذا سمعتي اذا كلامي الان عزيزتي فلذلك حاولي تتقي شرها بابداء اعجابك بين حين واخر باسلوبها وطريقتها

مو دايم بين فترة وفترة بعد عشان ما تتعود

خليكي رسمية اذا وقللي كلامك ولا تحاولي الاعتراض حتى تسير حياتك

مدري انا كلامي صح ولا لا بس يارب اكون نفعتك

حبيبتي
بقول لك شي اسمك حلو ورائع قليل ما نشوف وحدة عاشقة زوجها رب يهنيك ويسعدك ياقلبي و يخليكي له ويخليه لك


من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب
اختك

[هند الوفاء]

وعليكم السلام ورحمة الله وبركاته

حياج الله اختي " عاشقة زوجج"لا داعي عزيزتي للحزن

هدي وخذي الدنيا ببساطة.الحمدلله انك مو ساكنة مع ام زوجج

اتفق مع اختي ملاك حينما تعرض ام زوجك عرض انتي لا تدخلين الا حين يطلب منكابداء رايكحتى لو مب عاجبك.بردي على كبدك وشوفي وش يتفقون عليه الجماعة وقولي انا وياكم :)
ما تدرين وش فيها ام زوجك يمكن متروسه حجيوواصلها كلام لذلك خليج مستكينةالامر امرج خالتي :) اذا سالتج وش رايج قولي لها من رايجبتكسرينها بهالشكلوتصكين عليها ابواب المشاكلوصدقيني بتييج الضحكة بعد. هي بس يمكن تبي تحس انها مهمةوخاصة شكل عيالها راحوا عنهاراعي مشاعرها وتحمليها يمكن باجر تصيرين بوضعها
الام تصير صعبة لما تفقد عيالهاويمكن زوجك الخير فيهم وهي الفقيرة تبي تسعى تجمع اهلها وعيالها عن طريقهعطيها الفرصة وتقربي منها
لما قلتي لها ليش ما يعزمونا تراها تدري انك على حقلكن ما باليد حيله ام وتبي عيالهافخليك اختي عاشقة بعيد وسوي الي تبيه منتي خسرانة شيزوجك معاك الحمدلله واهم شي هو يكون راضي على هالشي ومب مقصر معاك فلا تحشرين روحك بريحة المشاكليمكن مشاكل عائلية انت ماتدرين عنهاشوفي وش يبي زوجك وحتى اذا سمع كلام امه مو مشكلة
والاهم اذا تناقشينه ناقشيه بعيد عنها.ولا تحسسينه انك مب عاجبك
بالعكس انتظريه لما يسالج*_^ ولما قولي له الي بقلبك بس قولي له الشور شورك يا بو ___ ولا تضايق الوالدة
بعدها زوجك راح يقرر ويمل لو اكتشف انه امه راعية مشاكلبيقفها هو عند حدهاوانت مالك شغل اذا شبت الحريجة انتي خلك ساكته حبوبة ^_^

وربي يوفقكويهدي ام زوجكبس ما اوصيك راعي عيوزك ترها مسكينة
وراعي زوجك اكثر :)

بالتوفيقومنتظرين اخبار حلوة

دعواتك لي
اختك هند

[عاشقة زوجي]

مشكورين ياقلبي جميعا
انا انشاللة باخذ بوصاياكم ونصايحكم وبخبركم
قررت انشاللة بكرة بعزمها على فطور لانها تصوم علشان اعيون زوجي الحبيب
بس مادري ليش خايفة من ردة فعلها واللة خايفة ماتكلمني اللا من طرف خشمها لانها حاسة ان ال لحق علي وهي المضلومة

[ضي الأمل]

اتوكلي على الله ولو صار شي زي ما وصيتك
طنش تعش تنتعش بس لا تاكل تنتفش عشان ابو العيال ما يزعل علينا
االله يوفقك والي يصوم السنة الا ما يكون في قلبه خوف من الله الله يقويكي يارب

هنيئا لهالزوج وحدة مثلك

الله يسعدكم

[مــmrــر]

هدي اعصابك اختي شوي الموضوع مايستاهل ضيقه

اكيد انها كبيره بالسن وامكن طبعها قاسي بس هذا الشي يخصها

انتي لك منها زوجك وبس والعزيمه ماهي ضروريه لانها امكن تزيد التوتر
ابقي بيتك وراعي زوجك . والتزمي الصمت مع امه ولاتثير النقاس معها لابطيب ولاغيره

والعزيمه اللي تسونها لااخوان زوجك لكم فيها اجر وما اضنها متعبه لكم
ومهو ظروري يعزموكم بالقوه راح يجي يوم ويعزموكو وتكون الانفس متراضيه

وماعليك هذي وجهة نظر ام زوجك تخصها هي اذاهي ما تبيك
مافيه مشكله عندك زوجك يبيك وهذا الاهم .

اهم شي لاتثير النقاش معها ابد

امل ان توصلت الى اضعف الحلول

والله يسعدك بمملكتك

[فـارس الخبر]

بقولك شي المشكله يمكن احد قال عنك كلام ماقلتيه انتي في الاساس

احس فيه نفاق ( احتمال عمتك جايها كلام عنك )

تعرفين المنافين كثير



وانا اشك انه في كلام جايه العجوز

بس ابتعدي عنها وحاولي ماتروحين لها فتره طويله عسى الامر يوضح


وصدقيني احس فيه كلام قوي موجه لك انتي وانتي ماعملتي شي