يابه يابه ايوه يبني مصطول عوزك في كلمتينمين يبنيمصطول يابه قوا هنا هوه

[مصطول]

هاااااااااااااااي <<

انا مصطول ما عرفتوني??

اقول انت يا امير مياسه الله لا يهينك واحد معسل وكثر جمر خخخ
احس راسي بينطش من المنتدى والسيرفر الي انتم حاطينه تقول يشتغل على ماطور خخخخخ
وبعد ان التم الشمل مجددا في هذا الموقع يسرني بهذه المناسبه ان اهنئ اخي وفلذة كبدي ونظر عيني
دلة غرام بعد حصوله على شهادة ((حسن صرقعه وقلة ادب ))
من جامعة الفهاوه بأم القرى ونتقبل التعازي اقصد التهاني على البريد الاكتروني الخاص بلجامعه
و دمتم بود

<---- يصلح مقدم برامج اطفال

المهلي ما يولي يا فهااوه

xxالزبــــدهـxx

يسعدلي مساكون الله لا يحرمني من ها الطله ادر يا كريم
هذا الله يخليكم لي ولا يحرمني من احد قلو امين
يوم من الايام الجميله كانت الساعه توشير الى الخامسه عصراً ومنبه الجوال يطنطن عند اذني
و اقحص من النوم فاتح فمي تقول اسد واجلس خمس دقائق اتمغط فوق البطانيه
و اتحكحك شوي والسعبوله تنقط عسل واسمع صوت المكيف تعبان ينادي
يقول هواء هواء هواء هواء خخخخخ
قلت بس بس يانسيم الصباح سلم على باقي الخد << وش عنده ابو نوره
و اشيل عمري متثيقل وافتح باب الغرفه وسيده للمغسله
واحط مويه في اصبعي وامسح وجهي وما قربت لعيوني علشان ما يطير النوم

وتلفت يمين يسار في البيت ما فيه احد
المقلط المطبخ داخل الثلاجه تحت الدرج في المخزن واطمر فوق الماصه
وناديت والليل جابوني وبكاني اقصد يا اهل البيت يا عرب يا شعب هل من موجيب وارجع اغسل عيوني واشيل الدموق الي كنها حصا <<والله من زين التعبير خخخخ
قلت يمكن هي السبب ما اشوفهم واسمع قرقعة فناجيل في مخباي
وامسك جوالي وارد
مصطول من الملقط سبيكنق<-- اكاديمية لغات ها المزيون ^_^

المتصل :يا الزلابه حنا مسافرين للضيعه بتعتنا << اخواني يحبون يدلعون الدوادمي
وسيارتك اخذنها وابوي يقول خله يجي على رجليه كاكاكاكاكااااااااكـ

وبكل سعت صدر وتقدير للمشاعر الأخويه قمت وسكرت الجوال في وجهه

واجلس عند باب الشارع احك راسي افرز القمل والصيبان عن بعض
وانتظر ضميري متى يرجع من البقاله مرسله يجيب فطيرة لوزين و حمضيات وبعد ما رجعلي ضميري
التفت على وقال وش بتسوي يا مصطول
قلت :وش دخلك خخخخ
ونا الي اسوقها لشارع العام انتظر اقرب تكسي <<يعني لموزين
و اشر بصبعي يا الحبيب يا الطيب يا هووووه وكل ما مرت سياره رفعت ثوبي ومديت ساقي << مسوي اغراءات
يوم شافني لموزين كسرت خاطره وقف ونزل القزاز
قال:داير شنو يا زول
قلت:داير ادورليك يا داير
قال:عليك الله تركب داير اوصلك
قلت:مواقف النقل في البطحاء ياصقيقي
قال:ابشررررر دغايغ وانت فيذاك<< اما زول وفيذاك ما تركب
قلت:كفووو انا اشهد انك زولن سنافي

وبعد مااخذت موجز لأهم الانباء من العاصمه الخرطوم
وصلنا البطحاء نزلت عند مواقف النقل
زحمه اشوف العالم كلها تمشي على اصابع رجليها وشاهي رايح وشاهي جاي والسيارات صافه والشرطان على الطبلون
ويتجمعون علي الكداده وين تبي يا الحبيب
الدمام,, جده,, القصيم,, الدوادمي,, شقراء
قلت شكل الدعوه سياحه طيب بكم لو ابي اروح جده مرورن بطائف
ونزولن للمدينه مع الطلوع لتبوك الا يوم سفهوني وراحو<<

سالت واحد جنبي باين عليها متبهذل مثلي ومضيع اهله قلت وش فيهم
كل واحد يسولف كانه قاريله كتاب قال الظاهر انهم شاربين بايسن وملحقينه
باور هورس. قلت : اهااااا << مسوي اني فهمت
وتسوقني رجلي لسياره جديده حاط لها برقع على الصدام الي قدام
شكله جديد على الساحه الاقلاعيه وده يتعلم وخايف يسافر لحاله
قلت :سلام علاااكم
قال:مرحبتين وسهلاا<<يسمع بعليكم السلام
قلت السياره ذي لك (واشر عليها باصبعي)
قال:ما تشوفن وقفن جنبها
قلت :ليه مبرقعها شكلها باسم امك
قال:اويلاو جاي تنكت <--- طلع قصيمي
قلت:برب
قال:تيت

واروح اجلس على الكراسي مقابلن الشارع
انتظر ضميري يجيب لي مويه <-- وش ذا الضمير الي عليك
جاني واحد لابس جنز لنص الساق <<تقول لابس سروال اخوه الصغير على قولتهم برموده
والعلكه في فمه يما راحت يمين ويما راحت يسار وشعره من ذا القصات الي تقول دفتر فوق راسه
ومحلق الشنب ومسوي نص سكسوكه << تماسيح اخر زمن
ابد لاشفته كانك شايفن فص فص الجزء الثاني خخخخ

الخكري: ممكن << يعني بجلس جنبك
قلت:محجوز <----- ياشين المصاله
الخكري: عفوااا ما فيه كراسي ثانيه
قلت: وش رايك اجيب لكـ ترمس واحط فيه ثلج تجلس فيه ؟
الخكري: اي وحياتك اليوم حرر قسم كرهت نفسي <---وش عنده عايش في موسكو
قلت : انثبر

والله وجلس الرجال وجاء ضميري ونقدم له الكعاك والبقلاوه وعصير الربيع

الخكري:بتسافر انت
قلت:لا جاي اشتري مويه وبرجع لبيتنا وش رايك ايه بسافر<< معصب خخخ
الخكري:ريلاكس بس مجرد سوال اذا يضايقك اسكت


عاد قلت لضميري وش ذا الدلوعه الي بيسافر من غير محرم
رد ضميري بكل مصاله ونا وش دراني عنه
قلت: شكرا قال: العفووو

والتفت على الكتكوت
قلت: بتسافر مع الكداده (التكاسي) ولا النقل الجماعي
الخكري: لا نو نو اركب مع التكاسي مستحيل
قلت : بلعكس بسرعه نوصل وانواع الفله والسوالف والاغاني
الخكري: لا انا اخوي حاجز لي على النقل وما معي فلوس اروح بتكس
وحتى لو معي ما رحت معهم هذولي بيني وبينك راعين مخدرات

وانادي ضميري
قلت : متاكد ان ذا رجال
ضميري: الظاهر ماضيه يفشل خخخ
قلت :شكرا قال: العفوووو

واقوم واسفهه وادرعم الين وصلت لصاحب كامري واقف على باب سيارته
حاطن اصبعه السبابه والابهام على شنبه وينتف فيه شعره شعره كانه يقول تحبني ما تحبني
الين غدا شنبه نص فيه ونص لا
ويده الثانيه فيها سبحه هريانه من كثر ما يمحطبها على الرفرف

ينادي الدوادمي الدوادمي << يا هيكـ الاسامي ولا فلااا

قلت : رايح الدوادمي
قال :ايه معي ثنين وابي ثنين وامشي الحين
قلت :لازم ننتظر واحد رابع والله لو بنلعب بلوت يا
قال: محسوبك عاشق الزين<---ينعن الزين الي يحبك يا شيخ
قلت :عاشت ايامك,, طيب احجزلي معكـ يا صديقي

ناداني ضميري
قلت: هاه وش تبي ماتشوفني مشغول
ضميري: الخكري الي قبل شوي وش رايك نستنذل فيه
قلت :يلعن بليسك والله صاير حقير يا ضميري شتبينا نسوي فيه ؟
ضميري:رح قله ان راعي الكامري طلع خويي ونا قلتله نوصلك بلاش على طريقنا
ومنها نمشي الحين ومنها نطلع الولد رجال
قلت : كفك يا ضميري <--- يعني صفقت بيديني الثنتين من الوناسه

الموووهيم قلت لراعي الكامري بجيب خويي يروح معنا نكمل العدد المطلوب
قال: الهمامك عجل علاناااا <---لا واسمه عاشق الزين

واطمر لخوينا الدلوعه

قلت :باآآآآآآآآآآآآآآآكـ
الخكري : ولكموٍوٍوٍوٍوٍ نورت يا الغلا
قلت:يسمنوٍوٍوٍووٍ تصدق راعي الكامري طلع خويي وشرحتله وضعك وقال خليه يجي نوصله بلاش
وانت عاد براحتك انا حبيت اخدمك <--- الله يرجك يا ضميري اسلوب
الخكري: خويك عاقل
قلت: ايه عاقل بس يدخن بسرعه <--- بلا ولله من الحبوب
الخكري: امممممممم خلااص بس قله لا يسرع
قلت: ابشررر بقوله يسرع بشويش خخخخخ

والتفت على ضميري واغمزله بعيني <----- ^_* نجحت الخطه

رحنا لعاشق الزين قلت هذا خويي الي كلمتك عنه
قال يلله افلحنااا ورنا خط <--- وتعبير وجفرافيا وكل علوم سفره
والله ونحشر ابو خكر ورا في النص بيني انا واحد شايب وبعد مااخذنا وضع الجلوس وكل واحد قراء دعاء السفر
اقلعت الرحله 512 من الرياض متجهه لدودامي والخكري يحسبها رايحه الشرقيه

والمسجل يرطن
(اشرلي بلمنديل يهوووه قال انا ماشي)

واشوف الطاره ما جازتله الاغنيه وهو يقلب الشريط وتجي اغنية

(في عذابي عن ما نويت استخيري يكفي على قلبي مفارق ضنينه
اذكريني اذا حبيت غيرك اذكري المشتاق يا نور عينه)

والسواق شواربه خلصت من كثر ماهو يحب الماخوذ بغيت استثمر شنبي عنده خخخخ
ما بقا الى الحجان فوق عيونه بغيت اذكره فيهم خفت يطلع وجه املط
وبعد ما دحدرنا مع الجديه ومسكنا طريق الحجاز متجهين لديار لها الشوق ضامي

مرات اسولف عليهم
ومرات احسب ذنوبي انا وضميري

وبعد ما وصلنااا للضيعه بتعتنا
قال السواق يلله حسابكم يا شباب
قلت سم طال عمرك وادسم شاربه بدراهم
ونزل الكتكوت وهو يكلم اخوه يقول وصلت للدمام<<
ويناظر فيه عاشق الزين ويسالني خويك شفيه
قلت بعيد الشر عنك عنده مرض اسمه السهال من الوجع يهذر بكلام ما يدري عنه وتراه خيس المرتبه الي ورا بس الحق غسل سيارتك قبل ما يجيلها صنمهوهو يركب سيارته ودزها بثنين ومشى ولا حاسب ها السبيكه

مع السلامه سلملي على الزين يا بو شنب


احم احم اي خدمه يابو الشباب

الكتكوت: الله معكـ<-- مسوي واثق انه في الدمام
وازبن اقرب حاره وادق على العيال ياخذوني ورجعنا نشوفه ما لقيناه
الظاهر انه طلع في احد ها الشعبان يغير جو هههههههههههاااي


والعذر على الاطــــاله والمــــصاله

محسوبكم

مصطول آل مفهي

[وسن الكويت]

يا ويلي شطول السالفه جنها يوم السبت بس قريتها كلها خخخخخخخخخخخخخخخخخخخخخخخخخخخخخخخخخخ << العن جد الضحكه

خخخخخخخخخخخخخخخخخخخخخخخخخخخخخوووخااااااااااااااااي << مسطول لا تقلدني على هالضحكه انزين

حاطن اصبعه السبابه والابهام على شنبه وينتف فيه شعره شعره كانه يقول تحبني ما تحبني



عجبتني هالفقره هذي خخخخخخخخخخخخخخخخخخخخخ وي وي انت تضحك << ترى توني صاحيه من النوم وقمت امقس على فجر الله مصحيه البيت كله معااااااااااااااااااااي صرنا نقعد من فجر الله شطار ننطر الدامات تجي فوووووووووووووووووووووووووونووووووووخاي << ضحكتي بعد



ثانكيــــــــو يا مستول ال مفهي << نعومه


كح كح بـرب ولنا عوده انشاء الله

[تكفي مني إبتسآمه]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه


الللله يرجككككككككك

فقعت من الضحك
الكتكوت: الله معكـ<-- مسوي واثق انه في الدمام

فقعني من الضحك
خخخخخخخخخخخخخخخخخخخخخخخخخخخخخخ.

يسلمووووووووووووو

وهذا اول موضوع اضحك عليه مررررررره

هههههههههههههههههه

"" همس النجووم""

[مصطول]

نوت نجد

صباح السكر والمربى والطحينيه

دووووووووووووم انشاء الله هيكـ ضحكه
الله لا يحرمني منهاااا

صاااانكيوووو على المشاركه

اجمل تحيه



همس النجوم

الله لا يحرمني من هيكـ ضحكات
دووووووم يا رب

صااانكيووووو على المشاركه

اجمل تحيه

مصطول

[الدكتوره]

ههههههههههههههههههههههههههههههههههههههههه

ههههههههههههههههههههههههههههههههههههههههههه

بس كانك طولتها تعبت وانا اقراها

علشان كذا بس قرات لحد انا مصطول ما عرفتوني = مثقله بالعشاء

يعطيك العافيه موضوع يجنن

تسلم

[لـًٍذةٌ غـًٍرام]

هاااياات

انا مصطول ما عرفتوني??

لا والله ماعرفناك يا سلطان بجاد بعد التنكر من الاجهزه الامنيه ههههههههههههههههههههههه

وبعد ان التم الشمل مجددا في هذا الموقع يسرني بهذه المناسبه ان اهنئ اخي وفلذة كبدي ونظر عيني
دلة غرام بعد حصوله على شهادة ((حسن صرقعه وقلة ادب ))
من جامعة الفهاوه بأم القرى ونتقبل التعازي اقصد التهاني على البريد الاكتروني الخاص بلجامعه

ماخاب ضني فيك والله كنت اقوول ما ينطح الريجيل مثل زيدان في كاس العالم وها انتم تنطحوننا بشهادات حسن الصرقعه في منتداكم الاغر .

بعدين يامدير الجامعه اذا جيت تقرا اسماء الطلاب البس نظاره ياخي لذة غرام مو دلة غرام هههههههههههههههههههههههههههههه

يسعدلي مساكون الله لا يحرمني من ها الطله ادر يا كريم
هذا الله يخليكم لي ولا يحرمني من احد قلو امين

آآمين << لا تقول ماقالها ههههههههههههههههههههههههههههههه

و اشيل عمري متثيقل وافتح باب الغرفه وسيده للمغسله
واحط مويه في اصبعي وامسح وجهي وما قربت لعيوني علشان ما يطير النوم خخخخ

ذكرتني برامج القناه الاولى مع الصبح اول مايجيك المقدم يغسل وجهه في الاستديو ههههههههههههههههههههه

و اقحص من النوم فاتح فمي تقول اسد واجلس خمس دقائق اتمغط فوق البطانيه
و اتحكحك شوي والسعبوله تنقط عسل واسمع صوت المكيف تعبان ينادي
يقول هواء هواء هواء هواء خخخخخ

الا والله تقول ددسن يحنها شايب بالاول والرديتر يصرخ مافيه مويه تشوف ( الهواء هواء هواء هواء هواء ) طالع من الرديتر هههههههههههههههههههههههههههههههههههههههههه

وتلفت يمين يسار في البيت ما فيه احد

كانت التفت قدامك اكيد بتشوفهم ههههههههههههههههههههههههههههههههههههه

برب برجع اكمل بربره بس الحين

بشوف المازنجر

هذا اهداء لك عشان تكتب اسمك ( بالدم ) وتشوف وش لون يطلع لك بمناسبة الشهاده الجامعيه من اياديكم الكريمه < استخدم الفاره

http://bloodyfingermail.com/message.php

لذة غرام

[لـًٍذةٌ غـًٍرام]

بااااااااااااااااااااك

لقد عدت

بس وين وصلت

ايه عرفت

و اشر بصبعي يا الحبيب يا الطيب يا هووووه وكل ما مرت سياره رفعت ثوبي ومديت ساقي << مسوي اغراءات

تبيهم يوقفون ايه قابلني هههههههههههههههههههههههههههه

جاني واحد لابس جنز لنص الساق <<تقول لابس سروال اخوه الصغير على قولتهم برموده

اما سروال اخوه الصغير

ذكرتني في واحد من العيال واحنا في جده المهم توه جاي من الرياض من عند غنم جده
قالو العيال تبي نطلع للسوق
قال خلاص بخاويكم عاد تعرف شباب جده مايطلون الا بالجنز
قالوا له البس جنز ونخليك تخاوينا السوق
قال : مهبول انا البس جنز والله لو يدري جدي ليذبحني
قالو ياخوي البسه واطلع معنا وجدك في الرياض وش لون بيدري
في الاخير اقتنع ولبس الجنز وكانو العيال مسوين فيه حركه ملبسينه جنز بناتي وطالعين به للسوق وتعال شف العالم وش لون تناظره هههههههههههههههههههههههههههههههههههههههههههههههههه ههه

هو يقول انا ياعيال الجنز الي علي مو حق عيال فيه لمعه وهم يقولوون لا هذي الموضه هههههههههههههههههههههههههههههههههه

اوالعذر على الاطــــاله والمــــصاله

اما عاد فيها عذر ذابت عيوني وانا اقرا واخرتها تاقول العذر ههههههههههههههههه

بصارحه القصه رووعه بس ليه ماقلت لي اخاويك يالرخمه هههههههههههههههههههههههههههههههههههههههههههههه

< حولك حواليك ورى الدوادمي 100 كيلو ههههههههههههههههههههههه

خالص حبـي ؛

لذة غرام

[مصطول]

الدختوره هناااا كح كح يا قدمكـ
ايه بلاااا ولله من ها الكرشه الي عندك لو تأجرينها على صومالي
كانك اختفت المجاعه الي في افريقياء <-----

صااانكيووو اوي على المشاركهـ

اجمل تحيه

مصطول

[مصطول]

دلة غرام

الله الله وش ذا الرد كان حطيته في موضوع لحاله ازين
كلفنا عليكت طال عمرك على فكره كم حسابكـ خخخخخ

صااانكيوووو اوي يا سعت الباشا على المشاركه

تقبل تحيتي

مصطول

[الدكتوره]

المصطول انا قديمه حرام عليك هذا ترحيبك

على العموم مب غريبه على تمساح نذل

هههههههههههههههههههههههههههه

وشدراك ان عندي كرش كانك جالس تناظرني

اكيد انك ساحر
هههههههههههههههههههههههههههه

اسمع ياللي يسمونك مصطول

بصراحه انت تمسوح فاشل .سخيف .=اسلوب تحطيم

ههههههههههههههههههههههههههههه