تعبان من أجل لبنان .

**فـص فـص** · 20-Jul-2006,03:37 AM

لبنان, ثعبان

بسم الله الرحمن الرحيم .

السلام عليكم ورحمة الله وبركاته .
0
0
0
0
0
0

مقدمه

يالله إن تمسيهم بالخير . ويالله تصبحهم بالخير . بصراحه مهناش مقدمه ولكن قلت اكتب هالخمبدزه لعلى الله ينفع بها الأمتين العربيه والإسلاميه !! وعلى فكره ترا الموضوع ما فيه أيقونات لأني عاجز لأحط أيقونات بالعربي <<< ماودك تعطينا اللي عندك وتفاردز

قبل كل شي أحب أقول لكم لا تدققون ببعض الحاجات لأنكم لو دققتوا راح تتعبون من جد لذلك خوذوني على قد عقلي ( أحسن ما فيه إنه يعرف قدره )

بصراحه يا جماعه صار لي ثلاث أيام وأنا طفشان مررررررره ومتكدر ولا ذقت نوم ولا ذقت أكل والحاله صعبه . وكله بسب إن إسرائيل الله يمحاها ضربت قلب العشق قصدي قلب العرب النابض ( لبنان ) وخربت علينا الصيفيه !! أنا ماهمني بعض الحاجات أنا همتني أليساء اللي يقولون إنها جتها إصابه وهي عباره عن إغماءات متقطعه من آثار الروعه اللي صابتها من صوت الإنفجارات واللي كنت متفق معها على تصوير فيديو كليب بشهر فبراير القادم ( ترا مدري فبراير عدا ولا ما جاء للحين ) المهم اشوف المسيكينه خاطرها تصور معي تقول مليت من هالأسباني اللي كل يوم أصور معه وابيك أنت هالمره بس الله حق إنها قالت أبي التصوير يكون بحديقة حيوانات ولا أدري وش قصدها بصراحه !!

تخبرون الأخلاق قافله والنفس شينه . قلت خلني أروح لحواري اللبنانين بالرياض كود أوسع صدري واتفرج عليهم طراه إن بعض الوجيه تفتح النفس و والله وتمسك واروح للشميسي حارة اللبنانيين ( قايل لكم لا تدققون ) ويوم مريت مع ذاك الشارع إلا ذيك اللبنانيه اللي عمرها 19 سنه تطرح الطيور اللهم يا تسافي ويوم شفتها وألف عليها بالسيارة أبي أدعسها وهي توخر تصدقون إني دعستها إلا شوي ويوم تعديتها واريوس عليها أبدعسها بعد قالت العمى شو بك ؟! إبتسمت إبتسامه تقوطر مصاااااله وقلت لها كنت أمزح يابنت اللذين !! هي ما فهمتها وضحكت بعد وحسيت إنها إرتاحت لي وحبتني من جد !! قالت ممكن روح معاك شويي ناخذ شي فتلي ( لفه ) قلت أفا عليتس والله إرتسبي بس وإذا ما شالتس الونيت يشيلتس الشفر !! وأنزل وافتح لها الباب علشان تركب . مهوب إحترام لها ولكن الباب خربان ويالله وبالله ينفتح !! ويوم ركبت وشميت العطر اللي معها وتحوم تسبدي لأني بحياتي ما شميت عطر ولا إستخدمته أبد !! واقوم واشغل المسجل على آخر شي ولا تسنها موجوده معي !! . وهي تقزني وهي فاقه خشتها وتقعد تصارخ بوجهي وانا يالله أسمع صوتها من صوت المسجل ويوم شفت وجهها طلع احمر واطفي المسجل قلت خير !! وش فيه !! قالت شو مالك ولا كني موجودي معاك ! ياخيي ئدر مشاعري !! قمت ودددددبجتها على الكتف بغيت أمصع كتفها يقال لكم إني اسلوب هالحين . قلت وش إشمتس ؟ قالت رولا كوسي !! قلت هلا والله بتس ياأم كوسه قالت وإنتا شو إسمك قلت فص فص قالت إنتا من مواليد برج شو ؟! قلت للأسف والله ما أعرف أتكلم روسي !! قالت أنا ماعم بسألك عن الحكي الروسي انا بسألك عن البرج ياللي إنتا إنولدت في؟ قلت أنا مولود بالبيت ماوُلدت في برج ! حامت تسبدها مني و قالت أنا يا محاتسيتك مولوده ببرج الحمل . قلت أجل أنا مولود ببرج الثور !! وحسيت إنها خقت معي لأنها قالت شو كتيييير إنتا مهدوم ( مهضوم ) واستحيت منها وصفقتها على وجهها مخمس وقلت يابعد تسبدي والله الحين أعشيتس على حسابي ولا يهمتس وبأحلى مطعم بالشميسي يارولا قالت لا بدي مطعم بالعليا قلت والله إنتس تبطين وبعدين العليا كل أقاربنا فيها وأخاف يشوفنا أحد من العذال ونصير علتسه بحلوق الناس . وأحس إنها اقتنعت بكلامي . ورحنا لمطعم صاد بالشميسي صح إنه يحوم التسبد من الوصاخه اللي فيه لكن أهم شي الأخلاق ! وجلسنا على طاوله وطلبت نص حبه شوايه بدون رز مهوب بخل ولكن خبركم اللبنانيين ما يحبون الرز وحنا جالسين نتعشى مسكت معها على حنان قالت بتعرف يافص فص إني من زمان لهلى وانا عم بدور على فارس أحلامي وشكلي لئيتو هالساعي !! ومن زود الدلاخه ما عرفت قصدها قلت يعني فارس أحلامك وأنتي بتصيرين حبيبته؟! قالت إي ياعمري ! والله وأطير عيوني فيها و أوقف واصفط لساني على تحت واعض عليه بسنوني قلت يابنت الكلــ . وأدف الطاوله وينكب العشاء وكنت ناويها بصراحها . وقاموا الباكستانيين اللي بالمطعم وفكوني عنها وقامت تصيح هي وفهمتني قصدها وخليتها هي اللي تحاسب عن العشاء جزاء لها ( العشاء قيمته 9 ريال ) وبعدها ركبنا بالسياره ودق جوالها صدفه وانا ما كنت أدري إن معها جوال وطلع ابوها يسأل عنها قالت شي ساعة زمان وبكون عنكم أنا ورفيئي ( اللي هو أنا ) ويوم قفلت السماعه قالت بتعرف حبيبي فص فص إني بكرهوا كتير كتير !! قلت من هو ؟ قالت بابيه قلت ابوتس اللي هو كوسه ؟ قالت لا بابيه إسموا كارلوس ! قلت طيب وكوسه من هو ؟ قالت هاي إسمي التاني قلت ليه أنتم برازيليين ؟! قالت العمى شو برازيليين إحنا من لبنان ويوم جينا بيتهم إلا واهلها حاطين عشاهم حمص وتبوله وفتوش وسمبوسه مع إن هالشهر مهوب شهر رمضان لكن مدري من وين جابو السمبوسه !! قالت بيي مامي خيو انطوني خيتو هيلا خيتو عمشى !! شوفوا هاي صديئي ياللي حكيت إلكن عنو !! يوم قالت هالكلمه أنا أحتري إطلاق نار وإلا احتري يجيبون سكاكين ويقطعوني أثر الدعوه عندهم عاااااادي ولا فيه مشاكل لأن بعض الناس تفكيره واطي ويروح فكره بعيد وانا بصراحه راح تفكيري بعيد والله واجلس أتعشى معهم مره ثانيه ويعلموني بسوالفهم وعلومهم كلها . يا حبي لهم ما عندهم شي إسمه إنتقاد وخرابيط وحقوق !! أنا إذا كنت بمجلس عند ابوي وقمت أحتسي عند الرجال خزني بعينه ثم ضيعت السالفه اللي اسولفها عكس هاللبنانيين الدعوه عندهم فررررري ودايم أقاطع حتسي ابوهم وهو يحتسي بنص السالفه وأغير الموضوع بعد ! ولا يعرفون سوالف ( شسمه الرجال ولا شسمه سالفته ) وقالوا لي إن ديانا حداد تقرب لهم قلت أنا أقرب لسعد جمعه وراشد الفارس وعبدالرب ادريس وجواد العلي !! ويوم خلصنا من العشا وبغيت أمشي من عندهم وتعطيني رولا سلسال عليه صليب قالت يالله ياعمري إلبسو !! قلت وجع هذا عليه صليب !! قالت وشو يا عمري إحنا مسيحيين !! يالله إلبسو من شان خاطري قلت من شان خاطرتس نلبسه ولو تبين نلبس غوايش بعد ما عندنا مشاكل !! بس بشرط أنتي اللي تلبسيني السلسال و يوم جت تلبسني السلسال إلا واحس واحد يخنقني وأثره ابوي يقول ليييييش ما صليت صلاة العصر يا الهيس الأربد ؟! أثر الدعوه كلها حلم في حلم

هههههههههههههههههه
فص فص

jufhk lk H[g gfkhk >

**فـص فـص** · 20-Jul-2006,09:54 PM

الشرهه والله ع يوم يوم اتعب عشان خششكم يمال الوجع
ونكتب وندقق بالخطاء الاملايئه وكله عشان راحت عضوء مياسه
وبالاخير المواضيع المنقوله تتفوق علينا بردودها > شي فضيع
يصراحه > معاد للقسم هذا طعم عقب الشله الي مبطي > ع العموم اكرهكم ياشرار

**مشوار العمر** · 21-Jul-2006,02:07 AM

[align=center]هههههههههههههههههههههههههههههههههههههههههههههههههه ههه

اقسم بالله انك منتهي ههههههههههههههههههه

وعليك احلام حلوة ياخي لو تشوف احلامي انواع الاكشن حوداث وتعرفت على نص دكاتره الاهلال الاحمر في الحلم طبعااا

بس احلامك حلوة ياابضاايااااا

تقبل تحيات اخووكـ[/align]مشوار العمر

**™ إبراهيم (007) ™** · 21-Jul-2006,02:30 AM

اممممممممممممممم
شي جميل تقولي رولا كارلوس
يازين حفصه عليك
*****************
تبي تدعسها
ياارجال لو شفت لبنانيه في الشارع وربي تموت في محلك من المفاجئة
أقول أستريح بس
*************************
يعني يارجال يامعفن
معاك بنت ولبنانيه وتوديها الشميسي وربي انك مهوي
وين البطحى طيب ؟
*******************************
9 ريال عشا
وربي يمدحون الفول والتميس من عند صقر
بريال فول وحبة تميس وثنين بارد هذي أربع ريال
ارتاح وريح
خخخخخخخخخخخخخخخخخخخخخ
****************************************
اخص يالدب الوصخ تبيع اهلك عشان بنت
تحط صليب هاه
هههههههههههههههههههههه
ههههههههههههههه
طيب إنو أبوك صحاك
ولا كان صليت ركعه على السريع
هع هع هع
صلاتهم فله

شكرا فص فص على ماكتبته يداك
وربي إنك مبدع
*********************************

**™ إبراهيم (007) ™** · 21-Jul-2006,02:31 AM

فص فص
يابعد كبدي
أعذرني على تأخري في الرد
وربي من النقل والحذف والمسابقات مني فاضي
لكن أبشر بعزك ياقمر

**رمـــاد** · 21-Jul-2006,02:51 AM

وانا اقراانا كنت اقول في نفسي.الله يستر عليه من الهيئه
بس يله عدت على خير
مشكوووووور على الموضوع وانشالله بتلقى مني رد على كل مواضيعك.وخل عنك شركة النقل الجماعي.تراك احسن منهم بانك كتبت من مخك

**صـقـر الـبـوادي** · 21-Jul-2006,09:12 AM

فص فص بصراحه انا ماقريت الموضوع

لانه كل ما اقرى احس نفسي ارجع نفس الشي او انقز سطر
مادري ليه . ياخي المفروض تسوي بين كل سطر وسطر لون او تسطره بالمسطره تعرف الخط جاي مايل لتحت

والله مادري وش السالفه

ايوه وبعدين وش صار في رولا

لايكون ماتت ايه صح طلعت في الحلم . المهم فص فص شوف ياقلبي

انا مره من المراريت اللي كنت فيها داج وصايع <- يعني افهم الحين انا عاقل

شفت لبنانيه تمشي بحارتنا جلست اناظر فيها احسب نفسي برى السعوديه الحين اول مره اشوف وحده تمشي في الشارع زي كذا

الله يستر عاد ومادريت الا عيال الحاره كلهم خذ لك تشطيف في الشارع كل واحد يقزز

تسنه ماشاف خير ابد شر

الله يستر ويخلف عليهم .

الصراحه حلمك يافصولي في محله واحسن شي في الحلم ابوك يوم انه يمعص رقبتك يوم ماصليت العصر

.واسف على التاخير في الرد والسبب اني جالس افكك رموز الاسطر حقك

**وسن الكويت** · 21-Jul-2006,11:32 AM

هههههههههههههههههههههههههههههههههههههههههههههههههه ههههههههههههههههه

ماشاء الله بعد مدقق بالأملاء واخر شي طلع كله حلم بحلم هههههههههههههههههههههههههههههههه

مشكور يا وزير الماليه بس حسب علمي عيونك أستاذ عيونك بمعنى حطوك

سلم لم

وسـن الكـويت

**البرنس العربي** · 21-Jul-2006,05:08 PM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه

فصفص الله يرجك
\
حبيبي اعذرني والله مشغول كنت

انت مايبيلك مواضيع معروووف يالغالي

كمان رح صلح الباب فضحتنا
ههههههههههههههههههههههههههههههههه

برج الثووور يااثوور هاه
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههه

الله يرجك رج

زين عنددهم يسوون سمبووسه غير برمضاان
هعععععععععععععععععععع

يسلمووووووووووووووووووووووو يالغلا

عسااك بدوم لنااا ياااارب

اخوك:
برنس حنين

**فـص فـص** · 25-Jul-2006,10:52 PM

المشاركة الأصلية كتبت بواسطة مشوار العمر

[align=center]هههههههههههههههههههههههههههههههههههههههههههههههههه ههه

اقسم بالله انك منتهي ههههههههههههههههههه

وعليك احلام حلوة ياخي لو تشوف احلامي انواع الاكشن حوداث وتعرفت على نص دكاتره الاهلال الاحمر في الحلم طبعااا

بس احلامك حلوة ياابضاايااااا

تقبل تحيات اخووكـ[/align]مشوار العمر

هههههههههههههههههههه يالله دخيلك منك انت وخلامك
ههههههههههههههههههههه اجل قبل ماتنام لازم يكون الهلال الاحمر قريب منك > يادافع البلاء ههههههههههههه
مشكور مشوار >> احس انك تبي تصير صقيقي مدري ليش